| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. гходамукасуд̇д̇аван̣н̣анаа
4. Ghoṭamukhasuttavaṇṇanā
412. кзмияаа наама ран̃н̃о д̣̇звияаа робид̇ад̇д̇аа д̇ам̣ амб̣аванам̣ кзмияамб̣авананд̇и вужжад̇ийд̇и вад̣̇анд̇и. д̇хаммигод̇и д̇хаммаяуд̇д̇о саб̣б̣асова ад̇хаммам̣ бахааяа д̇хаммз тид̇о. бариб̣б̣аж̇ад̇и баб̣б̣аж̇ад̇и зд̇знаад̇и бариб̣б̣аж̇о, гхарааваасад̇о нигкаманабуб̣б̣агам̣ лин̇г̇аг̇г̇ахан̣авасзна сийласамаад̣̇аанам̣. зд̇т̇аад̇и зд̇асмим̣ бариб̣б̣аж̇з. сабхаавод̇и д̇ам̣ бариб̣б̣ааж̇анияам̣, д̇зхи д̇зхи бариб̣б̣ааж̇агзхи анудтаад̇аб̣б̣о бадибад̇д̇ид̇хаммасан̇каад̇о сабхааво. д̇хаммова бамаан̣анд̇и зд̇зна маяам̣ ахириманаа жид̇д̇асса яат̇ааубадтид̇ам̣ гат̇зма, д̇асмаа д̇ам̣ аббамаан̣ам̣, яо банзд̇т̇а авид̇ат̇о д̇хаммо, д̇ад̣̇зва бамаан̣ам̣. ад̇хиг̇ад̇абадибад̇д̇исан̇каад̇о сабхааво ад̇т̇и, д̇асса д̇умхзхи д̇умхзхи б̣ахунаа наанаасанд̣̇ассанаад̣̇и гаммзна ид̇ха бхавид̇аб̣б̣ам̣, б̣ахуд̣̇звзд̇т̇а вад̇д̇аб̣б̣анд̇и ад̇хиббааяо.
412. Khemiyā nāma rañño deviyā ropitattā taṃ ambavanaṃ khemiyambavananti vuccatīti vadanti. Dhammikoti dhammayutto sabbasova adhammaṃ pahāya dhamme ṭhito. Paribbajati pabbajati etenāti paribbajo, gharāvāsato nikkhamanapubbakaṃ liṅgaggahaṇavasena sīlasamādānaṃ. Etthāti etasmiṃ paribbaje. Sabhāvoti taṃ paribbājaniyaṃ, tehi tehi paribbājakehi anuṭṭhātabbo paṭipattidhammasaṅkhāto sabhāvo. Dhammova pamāṇanti etena mayaṃ ahirimanā cittassa yathāupaṭṭhitaṃ kathema, tasmā taṃ appamāṇaṃ, yo panettha avitatho dhammo, tadeva pamāṇaṃ. Adhigatapaṭipattisaṅkhāto sabhāvo atthi, tassa tumhehi tumhehi bahunā nānāsandassanādi kammena idha bhavitabbaṃ, bahudevettha vattabbanti adhippāyo.
414. саарад̇д̇арад̇д̇аад̇и саараж̇ж̇анавасзна рад̇д̇аа, б̣ахуларааг̇авасзна абхирад̇д̇аад̇и ад̇т̇о. ад̇д̇анаа н̃аабзд̇аб̣б̣амад̇т̇ам̣ ануг̇г̇ахаабзд̇и б̣од̇хзд̇ийд̇и ануг̇г̇ахо, н̃аабид̇агааран̣ам̣, саха ануг̇г̇ахзнаад̇и саануг̇г̇ахаа. д̇знааха ‘‘сагааран̣аа’’д̇и. гим̣ бана д̇ам̣ гааран̣ам̣? имассаад̇хиббааяо ‘‘над̇т̇и д̇хаммиго бариб̣б̣аж̇о’’д̇и маяаа вуд̇д̇о, ад̣̇д̇хаа банааяасмаа уд̣̇зно яаат̇аавад̇о д̇хаммигам̣ бариб̣б̣аж̇ам̣ мз аажигкад̇ийд̇и. д̇знааха ‘‘вуд̇д̇ан̃хзд̇а’’нд̇иаад̣̇и.
414.Sārattarattāti sārajjanavasena rattā, bahularāgavasena abhirattāti attho. Attanā ñāpetabbamatthaṃ anuggahāpeti bodhetīti anuggaho, ñāpitakāraṇaṃ, saha anuggahenāti sānuggahā. Tenāha ‘‘sakāraṇā’’ti. Kiṃ pana taṃ kāraṇaṃ? Imassādhippāyo ‘‘natthi dhammiko paribbajo’’ti mayā vutto, addhā panāyasmā udeno yāthāvato dhammikaṃ paribbajaṃ me ācikkhatīti. Tenāha ‘‘vuttañheta’’ntiādi.
421. саб̣б̣амид̣̇ам̣ т̇аавараж̇ан̇г̇амам̣ бурисагад̇ам̣, д̇асмаа яам̣ гин̃жи гад̇ваа ад̇д̇аа босзд̇аб̣б̣о рагкид̇аб̣б̣од̇и логааяад̇аниссид̇о нийд̇имаг̇г̇о гходамукаганд̇о, д̇асмаа ааха ‘‘зд̇асса гира ж̇аананасиббз’’д̇иаад̣̇и. саг̇г̇з ниб̣б̣ад̇д̇о наама над̇т̇и агад̇д̇аб̣б̣амзва гаран̣ад̇о. д̣̇звалогабарияаабаннад̇ханам̣ мануссаанам̣ убагаббабун̃н̃аабхаавад̇о буб̣б̣з ад̇д̇анаа нихид̇ад̇ханам̣ ‘‘асугз жаа’’д̇и аажигкид̇ваа г̇ад̇о. сзсам̣ сувин̃н̃зяяамзва.
421. Sabbamidaṃ thāvarajaṅgamaṃ purisakataṃ, tasmā yaṃ kiñci katvā attā posetabbo rakkhitabboti lokāyatanissito nītimaggo ghoṭamukhakanto, tasmā āha ‘‘etassa kira jānanasippe’’tiādi. Saggenibbatto nāma natthi akattabbameva karaṇato. Devalokapariyāpannadhanaṃ manussānaṃ upakappapuññābhāvato pubbe attanā nihitadhanaṃ ‘‘asuke cā’’ti ācikkhitvā gato. Sesaṃ suviññeyyameva.
гходамукасуд̇д̇аван̣н̣анааяа лийнад̇т̇аббагаасанаа самад̇д̇аа.
Ghoṭamukhasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. гходамукасуд̇д̇ам̣ • 4. Ghoṭamukhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. гходамукасуд̇д̇аван̣н̣анаа • 4. Ghoṭamukhasuttavaṇṇanā
