| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౧౦. గిహిసామీచిసుత్తవణ్ణనా
10. Gihisāmīcisuttavaṇṇanā
౬౦. దసమే గిహిసామీచిపటిపదన్తి గిహీనం అనుచ్ఛవికం పటిపత్తిం. పచ్చుపట్ఠితో హోతీతి అతిహరిత్వా దాతుకామతాయ పతిఉపట్ఠితో హోతి ఉపగతో, భిక్ఖుసఙ్ఘస్స చీవరం దేతీతి అత్థో.
60. Dasame gihisāmīcipaṭipadanti gihīnaṃ anucchavikaṃ paṭipattiṃ. Paccupaṭṭhito hotīti atiharitvā dātukāmatāya patiupaṭṭhito hoti upagato, bhikkhusaṅghassa cīvaraṃ detīti attho.
ఉపట్ఠితాతి ఉపట్ఠాయకో. తేసం దివా చ రత్తో చాతి యే ఏవం చతూహి పచ్చయేహి ఉపట్ఠహన్తి, తేసం దివా చ రత్తిఞ్చ పరిచ్చాగవసేన చ అనుస్సరణవసేన చ సదా పుఞ్ఞం పవడ్ఢతి. సగ్గఞ్చ కమతిట్ఠానన్తి తాదిసో చ భద్దకం కమ్మం కత్వా సగ్గట్ఠానం ఉపగచ్ఛతి. ఇమేసు చతూసుపి సుత్తేసు ఆగారియపటిపదా కథితా. సోతాపన్నసకదాగామీనమ్పి వట్టతి.
Upaṭṭhitāti upaṭṭhāyako. Tesaṃ divā ca ratto cāti ye evaṃ catūhi paccayehi upaṭṭhahanti, tesaṃ divā ca rattiñca pariccāgavasena ca anussaraṇavasena ca sadā puññaṃ pavaḍḍhati. Saggañca kamatiṭṭhānanti tādiso ca bhaddakaṃ kammaṃ katvā saggaṭṭhānaṃ upagacchati. Imesu catūsupi suttesu āgāriyapaṭipadā kathitā. Sotāpannasakadāgāmīnampi vaṭṭati.
పుఞ్ఞాభిసన్దవగ్గో పఠమో.
Puññābhisandavaggo paṭhamo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧౦. గిహిసామీచిసుత్తం • 10. Gihisāmīcisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౭-౧౦. సుప్పవాసాసుత్తాదివణ్ణనా • 7-10. Suppavāsāsuttādivaṇṇanā
