| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૯. ગિહિસુત્તવણ્ણના
9. Gihisuttavaṇṇanā
૧૭૯. નવમે સંવુતકમ્મન્તન્તિ પિહિતકમ્મન્તં. આભિચેતસિકાનન્તિ ઉત્તમચિત્તનિસ્સિતાનં. દિટ્ઠધમ્મસુખવિહારાનન્તિ પચ્ચક્ખેયેવ ધમ્મે પવત્તિક્ખણે સુખવિહારાનં. અરિયકન્તેહીતિ અરિયાનં કન્તેહિ મગ્ગફલસીલેહિ.
179. Navame saṃvutakammantanti pihitakammantaṃ. Ābhicetasikānanti uttamacittanissitānaṃ. Diṭṭhadhammasukhavihārānanti paccakkheyeva dhamme pavattikkhaṇe sukhavihārānaṃ. Ariyakantehīti ariyānaṃ kantehi maggaphalasīlehi.
અરિયધમ્મં સમાદાયાતિ એત્થ અરિયધમ્મોતિ પઞ્ચ સીલાનિ કથિતાનિ. મેરયં વારુણિન્તિ ચતુબ્બિધં મેરયં પઞ્ચવિધઞ્ચ સુરં. ધમ્મઞ્ચાનુવિતક્કયેતિ નવવિધં લોકુત્તરધમ્મં અનુસ્સતિવસેનેવ વિતક્કેય્ય. અબ્યાપજ્ઝં હિતં ચિત્તન્તિ નિદ્દુક્ખં મેત્તાદિબ્રહ્મવિહારચિત્તં. દેવલોકાય ભાવયેતિ બ્રહ્મલોકત્થાય ભાવેય્ય. પુઞ્ઞત્થસ્સ જિગીસતોતિ પુઞ્ઞેન અત્થિકસ્સ પુઞ્ઞં ગવેસન્તસ્સ. સન્તેસૂતિ બુદ્ધપચ્ચેકબુદ્ધતથાગતસાવકેસુ. વિપુલા હોતિ દક્ખિણાતિ એવં દિન્નદાનં મહપ્ફલં હોતિ. અનુપુબ્બેનાતિ સીલપૂરણાદિના અનુક્કમેન. સેસં તિકનિપાતે વુત્તત્થમેવ.
Ariyadhammaṃ samādāyāti ettha ariyadhammoti pañca sīlāni kathitāni. Merayaṃ vāruṇinti catubbidhaṃ merayaṃ pañcavidhañca suraṃ. Dhammañcānuvitakkayeti navavidhaṃ lokuttaradhammaṃ anussativaseneva vitakkeyya. Abyāpajjhaṃ hitaṃ cittanti niddukkhaṃ mettādibrahmavihāracittaṃ. Devalokāya bhāvayeti brahmalokatthāya bhāveyya. Puññatthassa jigīsatoti puññena atthikassa puññaṃ gavesantassa. Santesūti buddhapaccekabuddhatathāgatasāvakesu. Vipulā hoti dakkhiṇāti evaṃ dinnadānaṃ mahapphalaṃ hoti. Anupubbenāti sīlapūraṇādinā anukkamena. Sesaṃ tikanipāte vuttatthameva.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૯. ગિહિસુત્તં • 9. Gihisuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૯. ગિહિસુત્તવણ્ણના • 9. Gihisuttavaṇṇanā
