Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೯. ನವಕನಿಪಾತೋ
9. Navakanipāto
೪೨೭. ಗಿಜ್ಝಜಾತಕಂ (೧)
427. Gijjhajātakaṃ (1)
೧.
1.
ಪರಿಸಙ್ಕುಪಥೋ ನಾಮ, ಗಿಜ್ಝಪನ್ಥೋ ಸನನ್ತನೋ।
Parisaṅkupatho nāma, gijjhapantho sanantano;
ತತ್ರಾಸಿ ಮಾತಾಪಿತರೋ, ಗಿಜ್ಝೋ ಪೋಸೇಸಿ ಜಿಣ್ಣಕೇ।
Tatrāsi mātāpitaro, gijjho posesi jiṇṇake;
೨.
2.
ಪಿತಾ ಚ ಪುತ್ತಂ ಅವಚ, ಜಾನಂ ಉಚ್ಚಂ ಪಪಾತಿನಂ।
Pitā ca puttaṃ avaca, jānaṃ uccaṃ papātinaṃ;
೩.
3.
ಪರಿಪ್ಲವನ್ತಂ ಪಥವಿಂ, ಯದಾ ತಾತ ವಿಜಾನಹಿ।
Pariplavantaṃ pathaviṃ, yadā tāta vijānahi;
ಸಾಗರೇನ ಪರಿಕ್ಖಿತ್ತಂ, ಚಕ್ಕಂವ ಪರಿಮಣ್ಡಲಂ।
Sāgarena parikkhittaṃ, cakkaṃva parimaṇḍalaṃ;
ತತೋ ತಾತ ನಿವತ್ತಸ್ಸು, ಮಾಸ್ಸು ಏತ್ತೋ ಪರಂ ಗಮಿ॥
Tato tāta nivattassu, māssu etto paraṃ gami.
೪.
4.
ಓಲೋಕಯನ್ತೋ ವಕ್ಕಙ್ಗೋ, ಪಬ್ಬತಾನಿ ವನಾನಿ ಚ॥
Olokayanto vakkaṅgo, pabbatāni vanāni ca.
೫.
5.
ಸಾಗರೇನ ಪರಿಕ್ಖಿತ್ತಂ, ಚಕ್ಕಂವ ಪರಿಮಣ್ಡಲಂ॥
Sāgarena parikkhittaṃ, cakkaṃva parimaṇḍalaṃ.
೬.
6.
ತಞ್ಚ ವಾತಸಿಖಾ ತಿಕ್ಖಾ, ಅಚ್ಚಹಾಸಿ ಬಲಿಂ ದಿಜಂ॥
Tañca vātasikhā tikkhā, accahāsi baliṃ dijaṃ.
೭.
7.
ನಾಸಕ್ಖಾತಿಗತೋ ಪೋಸೋ, ಪುನದೇವ ನಿವತ್ತಿತುಂ।
Nāsakkhātigato poso, punadeva nivattituṃ;
೮.
8.
ತಸ್ಸ ಪುತ್ತಾ ಚ ದಾರಾ ಚ, ಯೇ ಚಞ್ಞೇ ಅನುಜೀವಿನೋ।
Tassa puttā ca dārā ca, ye caññe anujīvino;
ಸಬ್ಬೇ ಬ್ಯಸನಮಾಪಾದುಂ, ಅನೋವಾದಕರೇ ದಿಜೇ॥
Sabbe byasanamāpāduṃ, anovādakare dije.
೯.
9.
ಏವಮ್ಪಿ ಇಧ ವುಡ್ಢಾನಂ, ಯೋ ವಾಕ್ಯಂ ನಾವಬುಜ್ಝತಿ।
Evampi idha vuḍḍhānaṃ, yo vākyaṃ nāvabujjhati;
ಅತಿಸೀಮಚರೋ ದಿತ್ತೋ, ಗಿಜ್ಝೋವಾತೀತಸಾಸನೋ।
Atisīmacaro ditto, gijjhovātītasāsano;
ಸ ವೇ ಬ್ಯಸನಂ ಪಪ್ಪೋತಿ, ಅಕತ್ವಾ ವುಡ್ಢಸಾಸನನ್ತಿ॥
Sa ve byasanaṃ pappoti, akatvā vuḍḍhasāsananti.
ಗಿಜ್ಝಜಾತಕಂ ಪಠಮಂ।
Gijjhajātakaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೨೭] ೧. ಗಿಜ್ಝಜಾತಕವಣ್ಣನಾ • [427] 1. Gijjhajātakavaṇṇanā