| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
9. наваганибаад̇о
9. Navakanipāto
[427] 1. г̇иж̇жхаж̇аад̇агаван̣н̣анаа
[427] 1. Gijjhajātakavaṇṇanā
барисан̇губат̇о наамаад̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажабхигкум̣ аараб̣бха гат̇зси. со гира зго гулабуд̇д̇о нияяаанигасаасанз баб̣б̣аж̇ид̇вааби ад̇т̇агаамзхи аажарияубаж̇жхааязхи жзва саб̣рахмажаарийхи жа ‘‘звам̣ д̇з абхиггамид̇аб̣б̣ам̣, звам̣ бадиггамид̇аб̣б̣ам̣, звам̣ аалогид̇аб̣б̣ам̣, звам̣ вилогид̇аб̣б̣ам̣, звам̣ самин̃ж̇ид̇аб̣б̣ам̣, звам̣ басаарид̇аб̣б̣ам̣, звам̣ ниваасзд̇аб̣б̣ам̣, звам̣ баарубид̇аб̣б̣ам̣, звам̣ бад̇д̇о г̇ахзд̇аб̣б̣о, яаабанамад̇д̇ам̣ бхад̇д̇ам̣ г̇ахзд̇ваа бажжавзгкид̇ваава барибхун̃ж̇ид̇аб̣б̣ам̣, инд̣̇риязсу г̇уд̇д̇ад̣̇ваарзна бхож̇анз мад̇д̇ан̃н̃унаа ж̇ааг̇арияамануяуд̇д̇зна бхавид̇аб̣б̣ам̣, ид̣̇ам̣ ааг̇анд̇угавад̇д̇ам̣ наама ж̇аанид̇аб̣б̣ам̣, ид̣̇ам̣ г̇амигавад̇д̇ам̣ наама, имаани жуд̣̇д̣̇аса канд̇хагавад̇д̇аани, асийд̇и махаавад̇д̇аани. д̇ад̇т̇а д̇з саммаа вад̇д̇ид̇аб̣б̣ам̣, имз д̇зраса д̇худ̇ан̇г̇аг̇ун̣аа наама, зд̇з самаад̣̇ааяа вад̇д̇ид̇аб̣б̣а’’нд̇и овад̣̇ияамаано д̣̇уб̣б̣ажо ахоси агкамо аббад̣̇агкин̣аг̇г̇аахий анусаасаним̣. ‘‘ахам̣ д̇умхз на вад̣̇аами, д̇умхз бана мам̣ гасмаа вад̣̇ат̇а, ахамзва ад̇д̇ано ад̇т̇ам̣ ваа анад̇т̇ам̣ ваа ж̇ааниссаамий’’д̇и ад̇д̇аанам̣ аважанийяам̣ агааси. ат̇асса д̣̇уб̣б̣ажабхаавам̣ н̃ад̇ваа бхигкуу д̇хаммасабхааяам̣ аг̇ун̣агат̇ам̣ гат̇знд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з д̇ам̣ бхигкум̣ баггосаабзд̇ваа ‘‘сажжам̣ гира д̇вам̣ бхигку д̣̇уб̣б̣ажосий’’д̇и бужчид̇ваа ‘‘сажжа’’нд̇и вуд̇д̇з ‘‘гасмаа бхигку зваруубз нияяаанигасаасанз баб̣б̣аж̇ид̇ваа ад̇т̇агаамаанам̣ важанам̣ на гароси, буб̣б̣зби д̇вам̣ бан̣д̣ид̇аанам̣ важанам̣ агад̇ваа взрамбхаваад̇амукз жун̣н̣авижун̣н̣о ж̇аад̇о’’д̇и вад̇ваа ад̇ийд̇ам̣ аахари.
Parisaṅkupathonāmāti idaṃ satthā jetavane viharanto ekaṃ dubbacabhikkhuṃ ārabbha kathesi. So kira eko kulaputto niyyānikasāsane pabbajitvāpi atthakāmehi ācariyupajjhāyehi ceva sabrahmacārīhi ca ‘‘evaṃ te abhikkamitabbaṃ, evaṃ paṭikkamitabbaṃ, evaṃ ālokitabbaṃ, evaṃ vilokitabbaṃ, evaṃ samiñjitabbaṃ, evaṃ pasāritabbaṃ, evaṃ nivāsetabbaṃ, evaṃ pārupitabbaṃ, evaṃ patto gahetabbo, yāpanamattaṃ bhattaṃ gahetvā paccavekkhitvāva paribhuñjitabbaṃ, indriyesu guttadvārena bhojane mattaññunā jāgariyamanuyuttena bhavitabbaṃ, idaṃ āgantukavattaṃ nāma jānitabbaṃ, idaṃ gamikavattaṃ nāma, imāni cuddasa khandhakavattāni, asīti mahāvattāni. Tattha te sammā vattitabbaṃ, ime terasa dhutaṅgaguṇā nāma, ete samādāya vattitabba’’nti ovadiyamāno dubbaco ahosi akkhamo appadakkhiṇaggāhī anusāsaniṃ. ‘‘Ahaṃ tumhe na vadāmi, tumhe pana maṃ kasmā vadatha, ahameva attano atthaṃ vā anatthaṃ vā jānissāmī’’ti attānaṃ avacanīyaṃ akāsi. Athassa dubbacabhāvaṃ ñatvā bhikkhū dhammasabhāyaṃ aguṇakathaṃ kathentā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte taṃ bhikkhuṃ pakkosāpetvā ‘‘saccaṃ kira tvaṃ bhikkhu dubbacosī’’ti pucchitvā ‘‘sacca’’nti vutte ‘‘kasmā bhikkhu evarūpe niyyānikasāsane pabbajitvā atthakāmānaṃ vacanaṃ na karosi, pubbepi tvaṃ paṇḍitānaṃ vacanaṃ akatvā verambhavātamukhe cuṇṇavicuṇṇo jāto’’ti vatvā atītaṃ āhari.
ад̇ийд̇з г̇иж̇жхагуудз баб̣б̣ад̇з б̣од̇хисад̇д̇о г̇иж̇жхаяонияам̣ ниб̣б̣ад̇д̇и. буд̇д̇о банасса субад̇д̇о наама г̇иж̇жхарааж̇аа анзгасахассаг̇иж̇жхабаривааро т̇аамасамбанно ахоси. со маад̇аабид̇аро босзси, т̇аамасамбаннад̇д̇аа бана ад̇ид̣̇уурам̣ уббад̇ад̇и. ат̇а нам̣ бид̇аа ‘‘д̇аад̇а, зд̇д̇агам̣ наама таанам̣ ад̇иггамид̇ваа на г̇анд̇аб̣б̣а’’нд̇и овад̣̇и. со ‘‘саад̇хуу’’д̇и вад̇вааби згад̣̇ивасам̣ бана вудтз д̣̇звз г̇иж̇жхзхи сад̣̇д̇хим̣ уббад̇ид̇ваа сзсз охааяа ад̇ибхуумим̣ г̇анд̇ваа взрамбхаваад̇амукам̣ бад̇ваа жун̣н̣авижун̣н̣абхаавам̣ баабун̣и. сад̇т̇аа д̇амад̇т̇ам̣ д̣̇ассзнд̇о абхисамб̣уд̣̇д̇хо худ̇ваа имаа г̇аат̇аа абхааси –
Atīte gijjhakūṭe pabbate bodhisatto gijjhayoniyaṃ nibbatti. Putto panassa supatto nāma gijjharājā anekasahassagijjhaparivāro thāmasampanno ahosi. So mātāpitaro posesi, thāmasampannattā pana atidūraṃ uppatati. Atha naṃ pitā ‘‘tāta, ettakaṃ nāma ṭhānaṃ atikkamitvā na gantabba’’nti ovadi. So ‘‘sādhū’’ti vatvāpi ekadivasaṃ pana vuṭṭhe deve gijjhehi saddhiṃ uppatitvā sese ohāya atibhūmiṃ gantvā verambhavātamukhaṃ patvā cuṇṇavicuṇṇabhāvaṃ pāpuṇi. Satthā tamatthaṃ dassento abhisambuddho hutvā imā gāthā abhāsi –
1.
1.
‘‘барисан̇губат̇о наама, г̇иж̇жхабант̇о сананд̇ано;
‘‘Parisaṅkupatho nāma, gijjhapantho sanantano;
д̇ад̇рааси маад̇аабид̇аро, г̇иж̇жхо босзси ж̇ин̣н̣агз;
Tatrāsi mātāpitaro, gijjho posesi jiṇṇake;
д̇зсам̣ аж̇аг̇арамзд̣̇ам̣, ажжахааси б̣ахуд̇д̇асо.
Tesaṃ ajagaramedaṃ, accahāsi bahuttaso.
2.
2.
‘‘бид̇аа жа буд̇д̇ам̣ аважа, ж̇аанам̣ ужжам̣ бабаад̇инам̣;
‘‘Pitā ca puttaṃ avaca, jānaṃ uccaṃ papātinaṃ;
субад̇д̇ам̣ т̇аамасамбаннам̣, д̇зж̇ассим̣ д̣̇уураг̇ааминам̣.
Supattaṃ thāmasampannaṃ, tejassiṃ dūragāminaṃ.
3.
3.
‘‘бариблаванд̇ам̣ бат̇авим̣, яад̣̇аа д̇аад̇а виж̇аанахи;
‘‘Pariplavantaṃ pathaviṃ, yadā tāta vijānahi;
сааг̇арзна баригкид̇д̇ам̣, жаггам̣ва бариман̣д̣алам̣;
Sāgarena parikkhittaṃ, cakkaṃva parimaṇḍalaṃ;
д̇ад̇о д̇аад̇а нивад̇д̇ассу, маассу зд̇д̇о барам̣ г̇ами.
Tato tāta nivattassu, māssu etto paraṃ gami.
4.
4.
‘‘уд̣̇абад̇д̇оси взг̇зна, б̣алий багкий д̣̇иж̇уд̇д̇амо;
‘‘Udapattosi vegena, balī pakkhī dijuttamo;
ологаяанд̇о вагган̇г̇о, баб̣б̣ад̇аани ванаани жа.
Olokayanto vakkaṅgo, pabbatāni vanāni ca.
5.
5.
‘‘ад̣̇д̣̇асса бат̇авим̣ г̇иж̇жхо, яат̇аасааси бид̇уссуд̇ам̣;
‘‘Addassa pathaviṃ gijjho, yathāsāsi pitussutaṃ;
сааг̇арзна баригкид̇д̇ам̣, жаггам̣ва бариман̣д̣алам̣.
Sāgarena parikkhittaṃ, cakkaṃva parimaṇḍalaṃ.
6.
6.
‘‘д̇ан̃жа со самад̇иггамма, барамзважжавад̇д̇ат̇а;
‘‘Tañca so samatikkamma, paramevaccavattatha;
д̇ан̃жа ваад̇асикаа д̇игкаа, ажжахааси б̣алим̣ д̣̇иж̇ам̣.
Tañca vātasikhā tikkhā, accahāsi baliṃ dijaṃ.
7.
7.
‘‘наасагкаад̇иг̇ад̇о босо, бунад̣̇зва нивад̇д̇ид̇ум̣;
‘‘Nāsakkhātigato poso, punadeva nivattituṃ;
д̣̇иж̇о б̣яасанамаабаад̣̇и, взрамбхаанам̣ васам̣ г̇ад̇о.
Dijo byasanamāpādi, verambhānaṃ vasaṃ gato.
8.
8.
‘‘д̇асса буд̇д̇аа жа д̣̇аараа жа, яз жан̃н̃з ануж̇ийвино;
‘‘Tassa puttā ca dārā ca, ye caññe anujīvino;
саб̣б̣з б̣яасанамаабаад̣̇ум̣, ановаад̣̇агарз д̣̇иж̇з.
Sabbe byasanamāpāduṃ, anovādakare dije.
9.
9.
‘‘звамби ид̇ха вуд̣дхаанам̣, яо ваагяам̣ нааваб̣уж̇жхад̇и;
‘‘Evampi idha vuḍḍhānaṃ, yo vākyaṃ nāvabujjhati;
ад̇исиймажаро д̣̇ид̇д̇о, г̇иж̇жховаад̇ийд̇асаасано;
Atisīmacaro ditto, gijjhovātītasāsano;
са вз б̣яасанам̣ баббод̇и, агад̇ваа вуд̣дхасаасана’’нд̇и.
Sa ve byasanaṃ pappoti, akatvā vuḍḍhasāsana’’nti.
д̇ад̇т̇а барисан̇губат̇од̇и сан̇губат̇о. мануссаа хиран̃н̃асуван̣н̣ад̇т̇ааяа г̇ажчанд̇аа д̇асмим̣ бад̣̇зсз каан̣угз годдзд̇ваа д̇зсу раж̇ж̇уяо б̣анд̇хид̇ваа г̇ажчанд̇и, д̇зна со г̇иж̇жхабаб̣б̣ад̇з ж̇ан̇гхамаг̇г̇о ‘‘сан̇губат̇о’’д̇и вужжад̇и. г̇иж̇жхабант̇од̇и г̇иж̇жхабаб̣б̣ад̇амад̇т̇агз махаамаг̇г̇о. сананд̇анод̇и бораан̣о. д̇ад̇раасийд̇и д̇асмим̣ г̇иж̇жхабаб̣б̣ад̇амад̇т̇агз сан̇губат̇з зго г̇иж̇жхо ааси, со ж̇ин̣н̣агз маад̇аабид̇аро босзси. аж̇аг̇арамзд̣̇анд̇и аж̇аг̇араанам̣ мзд̣̇ам̣. ажжахаасийд̇и ад̇ивияа аахари. б̣ахуд̇д̇асод̇и б̣ахусо. ж̇аанам̣ ужжам̣ бабаад̇инанд̇и ‘‘буд̇д̇о д̇з ад̇иужжам̣ таанам̣ лан̇гхад̇ий’’д̇и суд̇ваа ‘‘ужжз бабаад̇ий аяа’’нд̇и ж̇аананд̇о. д̇зж̇ассинд̇и бурисад̇зж̇асамбаннам̣. д̣̇уураг̇ааминанд̇и д̇знзва д̇зж̇зна д̣̇уураг̇аамим̣. бариблаванд̇анд̇и уббалабад̇д̇ам̣ вияа уд̣̇агз ублавамаанам̣. виж̇аанахийд̇и виж̇аанааси. жаггам̣ва бариман̣д̣аланд̇и яасмим̣ д̇з бад̣̇зсз тид̇асса самуд̣̇д̣̇зна барижчинно ж̇амб̣уд̣̇ийбо жаггаман̣д̣алам̣ва бан̃н̃ааяад̇и, д̇ад̇о д̇аад̇а нивад̇д̇аахийд̇и овад̣̇анд̇о звамааха.
Tattha parisaṅkupathoti saṅkupatho. Manussā hiraññasuvaṇṇatthāya gacchantā tasmiṃ padese khāṇuke koṭṭetvā tesu rajjuyo bandhitvā gacchanti, tena so gijjhapabbate jaṅghamaggo ‘‘saṅkupatho’’ti vuccati. Gijjhapanthoti gijjhapabbatamatthake mahāmaggo. Sanantanoti porāṇo. Tatrāsīti tasmiṃ gijjhapabbatamatthake saṅkupathe eko gijjho āsi, so jiṇṇake mātāpitaro posesi. Ajagaramedanti ajagarānaṃ medaṃ. Accahāsīti ativiya āhari. Bahuttasoti bahuso. Jānaṃ uccaṃ papātinanti ‘‘putto te atiuccaṃ ṭhānaṃ laṅghatī’’ti sutvā ‘‘ucce papātī aya’’nti jānanto. Tejassinti purisatejasampannaṃ. Dūragāminanti teneva tejena dūragāmiṃ. Pariplavantanti uppalapattaṃ viya udake uplavamānaṃ. Vijānahīti vijānāsi. Cakkaṃva parimaṇḍalanti yasmiṃ te padese ṭhitassa samuddena paricchinno jambudīpo cakkamaṇḍalaṃva paññāyati, tato tāta nivattāhīti ovadanto evamāha.
уд̣̇абад̇д̇осийд̇и бид̇у оваад̣̇ам̣ агад̇ваа згад̣̇ивасам̣ г̇иж̇жхзхи сад̣̇д̇хим̣ уббад̇ид̇о д̇з охааяа бид̇араа гат̇ид̇адтаанам̣ аг̇амааси. ологаяанд̇од̇и д̇ам̣ таанам̣ бад̇ваа хздтаа ологзнд̇о. вагган̇г̇од̇и ван̇гаг̇ийво. яат̇аасааси бид̇уссуд̇анд̇и яат̇аасса бид̇у санд̇игаа суд̇ам̣ ааси, д̇ат̇зва ад̣̇д̣̇аса, ‘‘яат̇аассаасий’’д̇иби баато. барамзважжавад̇д̇ат̇аад̇и бид̇араа агкаад̇адтаанад̇о барам̣ ад̇ивад̇д̇ова. д̇ан̃жа ваад̇асикаа д̇игкаад̇и д̇ам̣ ановаад̣̇агам̣ б̣алимби самаанам̣ д̣̇иж̇ам̣ д̇икин̣авзрамбхаваад̇асикаа ажжахааси ад̇ихари, жун̣н̣авижун̣н̣ам̣ агааси. наасагкаад̇иг̇ад̇од̇и наасагки ад̇иг̇ад̇о. босод̇и сад̇д̇о. ановаад̣̇агарзд̇и д̇асмим̣ д̣̇иж̇з бан̣д̣ид̇аанам̣ оваад̣̇ам̣ агаронд̇з саб̣б̣зби д̇з махаад̣̇угкам̣ баабун̣им̣су. агад̇ваа вуд̣дхасаасананд̇и вуд̣дхаанам̣ хид̇агаамаанам̣ важанам̣ агад̇ваа звамзва б̣яасанам̣ махаад̣̇угкам̣ баабун̣аад̇и. д̇асмаа д̇вам̣ бхигку маа г̇иж̇жхасад̣̇исо бхава, ад̇т̇агаамаанам̣ важанам̣ гарохийд̇и. со сад̇т̇аараа звам̣ овад̣̇ид̇о д̇ад̇о бадтааяа суважо ахоси.
Udapattosīti pitu ovādaṃ akatvā ekadivasaṃ gijjhehi saddhiṃ uppatito te ohāya pitarā kathitaṭṭhānaṃ agamāsi. Olokayantoti taṃ ṭhānaṃ patvā heṭṭhā olokento. Vakkaṅgoti vaṅkagīvo. Yathāsāsi pitussutanti yathāssa pitu santikā sutaṃ āsi, tatheva addasa, ‘‘yathāssāsī’’tipi pāṭho. Paramevaccavattathāti pitarā akkhātaṭṭhānato paraṃ ativattova. Tañca vātasikhā tikkhāti taṃ anovādakaṃ balimpi samānaṃ dijaṃ tikhiṇaverambhavātasikhā accahāsi atihari, cuṇṇavicuṇṇaṃ akāsi. Nāsakkhātigatoti nāsakkhi atigato. Posoti satto. Anovādakareti tasmiṃ dije paṇḍitānaṃ ovādaṃ akaronte sabbepi te mahādukkhaṃ pāpuṇiṃsu. Akatvā vuḍḍhasāsananti vuḍḍhānaṃ hitakāmānaṃ vacanaṃ akatvā evameva byasanaṃ mahādukkhaṃ pāpuṇāti. Tasmā tvaṃ bhikkhu mā gijjhasadiso bhava, atthakāmānaṃ vacanaṃ karohīti. So satthārā evaṃ ovadito tato paṭṭhāya suvaco ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇уб̣б̣ажаг̇иж̇жхо зд̇арахи д̣̇уб̣б̣ажабхигку ахоси, г̇иж̇жхабид̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dubbacagijjho etarahi dubbacabhikkhu ahosi, gijjhapitā pana ahameva ahosi’’nti.
г̇иж̇жхаж̇аад̇агаван̣н̣анаа батамаа.
Gijjhajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 427. г̇иж̇жхаж̇аад̇агам̣ • 427. Gijjhajātakaṃ
