| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೨. ಗಿಲಾನಸುತ್ತವಣ್ಣನಾ
2. Gilānasuttavaṇṇanā
೨೨. ದುತಿಯೇ ಹಿತಾನೀತಿ ಭಬ್ಯಾನಿ। ವುದ್ಧಿಕರಾನೀತಿ ಆರೋಗ್ಯಾದಿವುದ್ಧಿಕರಾನಿ। ಅನುಚ್ಛವಿಕನ್ತಿ ಉಪಟ್ಠಾನಕಿರಿಯಾಯ ಅನುರೂಪಂ। ವಾತಾಪಮಾರರೋಗೇನಾತಿ ವಾತರೋಗೇನ ಚ ಅಪಮಾರರೋಗೇನ ಚ, ವಾತನಿದಾನೇನ ವಾ ಅಪಮಾರರೋಗೇನ। ನಿಟ್ಠಪ್ಪತ್ತಗಿಲಾನೋತಿ ‘‘ಇಮಿನಾ ರೋಗೇನ ನ ಚಿರಸ್ಸೇವ ಮರಿಸ್ಸತೀ’’ತಿ ನಿಟ್ಠಂ ಪತ್ತೋ ಗಿಲಾನೋ। ಖಿಪಿತಕಂ ನಾಮ ವಮಥುರೋಗೋ। ಕಚ್ಛೂತಿ ಥುಲ್ಲಕಚ್ಛುಆಬಾಧೋ। ತಿಣಪುಪ್ಫಕಜರೋ ವಿಸಮವಾತಸಮ್ಫಸ್ಸಜರೋಗೋ। ಯೇಸನ್ತಿ ಯೇಸಂ ರೋಗಾನಂ। ಪಟಿಜಗ್ಗನೇನಾತಿ ಪಟಿಕಾರಮತ್ತೇನ। ಫಾಸುಕನ್ತಿ ಬ್ಯಾಧಿವೂಪಸಮನೇನ ಸರೀರಸ್ಸ ಫಾಸುಭಾವೋ। ಬ್ಯಾಧಿನಿದಾನಸಮುಟ್ಠಾನಜಾನನೇನ ಪಣ್ಡಿತೋ, ಪಟಿಕಾರಕಿರಿಯಾಯ ಯುತ್ತಕಾರಿತಾಯ ದಕ್ಖೋ, ಉಟ್ಠಾನವೀರಿಯಸಮ್ಪತ್ತಿಯಾ ಅನಲಸೋ।
22. Dutiye hitānīti bhabyāni. Vuddhikarānīti ārogyādivuddhikarāni. Anucchavikanti upaṭṭhānakiriyāya anurūpaṃ. Vātāpamārarogenāti vātarogena ca apamārarogena ca, vātanidānena vā apamārarogena. Niṭṭhappattagilānoti ‘‘iminā rogena na cirasseva marissatī’’ti niṭṭhaṃ patto gilāno. Khipitakaṃ nāma vamathurogo. Kacchūti thullakacchuābādho. Tiṇapupphakajaro visamavātasamphassajarogo. Yesanti yesaṃ rogānaṃ. Paṭijagganenāti paṭikāramattena. Phāsukanti byādhivūpasamanena sarīrassa phāsubhāvo. Byādhinidānasamuṭṭhānajānanena paṇḍito, paṭikārakiriyāya yuttakāritāya dakkho, uṭṭhānavīriyasampattiyā analaso.
ಪದಪರಮೋ ಪುಗ್ಗಲೋ ಕಥಿತೋ ಸಮ್ಮತ್ತನಿಯಾಮೋಕ್ಕಮನಸ್ಸ ಅಯೋಗ್ಗಭಾವತೋ। ಅಲಭನ್ತೋವ ತಥಾಗತಪ್ಪವೇದಿತಂ ಧಮ್ಮವಿನಯಂ ಸವನಾಯ ಓಕ್ಕಮತಿ ನಿಯಾಮಂ ಕುಸಲೇಸು ಧಮ್ಮೇಸು ಸಮ್ಮತ್ತಂ ಪಚ್ಚೇಕಬೋಧಿಂ। ಯನ್ತಿ, ಯತೋ। ಓವಾದಂ ಲಭಿತ್ವಾತಿ ಆಭಿಸಮಾಚಾರಿಕವತ್ತಂ ಓವಾದಮತ್ತಂ। ಏತ್ತಕೋಪಿ ಹಿ ತಸ್ಸ ಹಿತಾವಹೋತಿ। ತನ್ನಿಸ್ಸಿತೋವಾತಿ ವಿಪಞ್ಚಿತಞ್ಞುನಿಸ್ಸಿತೋವ ಹೋತಿ। ಪುನಪ್ಪುನಂ ದೇಸೇತಬ್ಬೋವ ಸಮ್ಮತ್ತನಿಯಾಮೋಕ್ಕಮನಸ್ಸ ಯೋಗ್ಗಭಾವತೋ।
Padaparamopuggalo kathito sammattaniyāmokkamanassa ayoggabhāvato. Alabhantova tathāgatappaveditaṃ dhammavinayaṃ savanāya okkamati niyāmaṃ kusalesu dhammesu sammattaṃ paccekabodhiṃ. Yanti, yato. Ovādaṃ labhitvāti ābhisamācārikavattaṃ ovādamattaṃ. Ettakopi hi tassa hitāvahoti. Tannissitovāti vipañcitaññunissitova hoti. Punappunaṃ desetabbova sammattaniyāmokkamanassa yoggabhāvato.
ಗಿಲಾನಸುತ್ತವಣ್ಣನಾ ನಿಟ್ಠಿತಾ।
Gilānasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೨. ಗಿಲಾನಸುತ್ತಂ • 2. Gilānasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೨. ಗಿಲಾನಸುತ್ತವಣ್ಣನಾ • 2. Gilānasuttavaṇṇanā
