| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਗਿਲਾਨਸੁਤ੍ਤવਣ੍ਣਨਾ
2. Gilānasuttavaṇṇanā
੨੨. ਦੁਤਿਯੇ ਹਿਤਾਨੀਤਿ ਭਬ੍ਯਾਨਿ। વੁਦ੍ਧਿਕਰਾਨੀਤਿ ਆਰੋਗ੍ਯਾਦਿવੁਦ੍ਧਿਕਰਾਨਿ। ਅਨੁਚ੍ਛવਿਕਨ੍ਤਿ ਉਪਟ੍ਠਾਨਕਿਰਿਯਾਯ ਅਨੁਰੂਪਂ। વਾਤਾਪਮਾਰਰੋਗੇਨਾਤਿ વਾਤਰੋਗੇਨ ਚ ਅਪਮਾਰਰੋਗੇਨ ਚ, વਾਤਨਿਦਾਨੇਨ વਾ ਅਪਮਾਰਰੋਗੇਨ। ਨਿਟ੍ਠਪ੍ਪਤ੍ਤਗਿਲਾਨੋਤਿ ‘‘ਇਮਿਨਾ ਰੋਗੇਨ ਨ ਚਿਰਸ੍ਸੇવ ਮਰਿਸ੍ਸਤੀ’’ਤਿ ਨਿਟ੍ਠਂ ਪਤ੍ਤੋ ਗਿਲਾਨੋ। ਖਿਪਿਤਕਂ ਨਾਮ વਮਥੁਰੋਗੋ। ਕਚ੍ਛੂਤਿ ਥੁਲ੍ਲਕਚ੍ਛੁਆਬਾਧੋ। ਤਿਣਪੁਪ੍ਫਕਜਰੋ વਿਸਮવਾਤਸਮ੍ਫਸ੍ਸਜਰੋਗੋ। ਯੇਸਨ੍ਤਿ ਯੇਸਂ ਰੋਗਾਨਂ। ਪਟਿਜਗ੍ਗਨੇਨਾਤਿ ਪਟਿਕਾਰਮਤ੍ਤੇਨ। ਫਾਸੁਕਨ੍ਤਿ ਬ੍ਯਾਧਿવੂਪਸਮਨੇਨ ਸਰੀਰਸ੍ਸ ਫਾਸੁਭਾવੋ। ਬ੍ਯਾਧਿਨਿਦਾਨਸਮੁਟ੍ਠਾਨਜਾਨਨੇਨ ਪਣ੍ਡਿਤੋ, ਪਟਿਕਾਰਕਿਰਿਯਾਯ ਯੁਤ੍ਤਕਾਰਿਤਾਯ ਦਕ੍ਖੋ, ਉਟ੍ਠਾਨવੀਰਿਯਸਮ੍ਪਤ੍ਤਿਯਾ ਅਨਲਸੋ।
22. Dutiye hitānīti bhabyāni. Vuddhikarānīti ārogyādivuddhikarāni. Anucchavikanti upaṭṭhānakiriyāya anurūpaṃ. Vātāpamārarogenāti vātarogena ca apamārarogena ca, vātanidānena vā apamārarogena. Niṭṭhappattagilānoti ‘‘iminā rogena na cirasseva marissatī’’ti niṭṭhaṃ patto gilāno. Khipitakaṃ nāma vamathurogo. Kacchūti thullakacchuābādho. Tiṇapupphakajaro visamavātasamphassajarogo. Yesanti yesaṃ rogānaṃ. Paṭijagganenāti paṭikāramattena. Phāsukanti byādhivūpasamanena sarīrassa phāsubhāvo. Byādhinidānasamuṭṭhānajānanena paṇḍito, paṭikārakiriyāya yuttakāritāya dakkho, uṭṭhānavīriyasampattiyā analaso.
ਪਦਪਰਮੋ ਪੁਗ੍ਗਲੋ ਕਥਿਤੋ ਸਮ੍ਮਤ੍ਤਨਿਯਾਮੋਕ੍ਕਮਨਸ੍ਸ ਅਯੋਗ੍ਗਭਾવਤੋ। ਅਲਭਨ੍ਤੋવ ਤਥਾਗਤਪ੍ਪવੇਦਿਤਂ ਧਮ੍ਮવਿਨਯਂ ਸવਨਾਯ ਓਕ੍ਕਮਤਿ ਨਿਯਾਮਂ ਕੁਸਲੇਸੁ ਧਮ੍ਮੇਸੁ ਸਮ੍ਮਤ੍ਤਂ ਪਚ੍ਚੇਕਬੋਧਿਂ। ਯਨ੍ਤਿ, ਯਤੋ। ਓવਾਦਂ ਲਭਿਤ੍વਾਤਿ ਆਭਿਸਮਾਚਾਰਿਕવਤ੍ਤਂ ਓવਾਦਮਤ੍ਤਂ। ਏਤ੍ਤਕੋਪਿ ਹਿ ਤਸ੍ਸ ਹਿਤਾવਹੋਤਿ। ਤਨ੍ਨਿਸ੍ਸਿਤੋવਾਤਿ વਿਪਞ੍ਚਿਤਞ੍ਞੁਨਿਸ੍ਸਿਤੋવ ਹੋਤਿ। ਪੁਨਪ੍ਪੁਨਂ ਦੇਸੇਤਬ੍ਬੋવ ਸਮ੍ਮਤ੍ਤਨਿਯਾਮੋਕ੍ਕਮਨਸ੍ਸ ਯੋਗ੍ਗਭਾવਤੋ।
Padaparamopuggalo kathito sammattaniyāmokkamanassa ayoggabhāvato. Alabhantova tathāgatappaveditaṃ dhammavinayaṃ savanāya okkamati niyāmaṃ kusalesu dhammesu sammattaṃ paccekabodhiṃ. Yanti, yato. Ovādaṃ labhitvāti ābhisamācārikavattaṃ ovādamattaṃ. Ettakopi hi tassa hitāvahoti. Tannissitovāti vipañcitaññunissitova hoti. Punappunaṃ desetabbova sammattaniyāmokkamanassa yoggabhāvato.
ਗਿਲਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Gilānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਗਿਲਾਨਸੁਤ੍ਤਂ • 2. Gilānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਗਿਲਾਨਸੁਤ੍ਤવਣ੍ਣਨਾ • 2. Gilānasuttavaṇṇanā
