| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
г̇илаанавад̇т̇угат̇аа
Gilānavatthukathā
365. ман̃жагз нибаад̇зсунд̇и звам̣ д̇ховид̇ваа ан̃н̃ам̣ гаасаавам̣ ниваасзд̇ваа ман̃жагз нибаж̇ж̇аабзсум̣; нибаж̇ж̇аабзд̇ваа жа банааяасмаа аананд̣̇о муд̇д̇агарийсагилидтам̣ гаасаавам̣ д̇ховид̇ваа бхуумияам̣ барибхан̣д̣ам̣ агааси. яо бхигкавз мам̣ убадтахзяяа, со г̇илаанам̣ убадтахзяяаад̇и яо мам̣ оваад̣̇аанусаасанийгаран̣зна убадтахзяяа, со г̇илаанам̣ убадтахзяяа; мама оваад̣̇агаарагзна г̇илаано убадтаад̇аб̣б̣од̇и аяамзвзд̇т̇а ад̇т̇о. бхаг̇авад̇о жа г̇илаанасса жа убадтаанам̣ згасад̣̇исанд̇и звам̣ банзд̇т̇а ад̇т̇о на г̇ахзд̇аб̣б̣о. сан̇гхзна убадтаад̇аб̣б̣од̇и яассзд̇з убаж̇жхаад̣̇аяо д̇асмим̣ вихаарз над̇т̇и, ааг̇анд̇уго ход̇и згажаариго бхигку, со сан̇гхасса бхааро, д̇асмаа сан̇гхзна убадтаад̇аб̣б̣о. но жз убадтахзяяа, сагаласса сан̇гхасса аабад̇д̇и. ваарам̣ табзд̇ваа ж̇аг̇г̇анд̇зсу бана яо ад̇д̇ано ваарз на ж̇аг̇г̇ад̇и, д̇ассзва аабад̇д̇и. сан̇гхад̇т̇зроби ваараго на мужжад̇и. сажз сагало сан̇гхо згасса бхаарам̣ гарод̇и, зго ваа вад̇д̇асамбанно бхигку ахамзва ж̇аг̇г̇иссаамийд̇и бадиж̇аг̇г̇ад̇и, сан̇гхо аабад̇д̇ид̇о мужжад̇и.
365.Mañcake nipātesunti evaṃ dhovitvā aññaṃ kāsāvaṃ nivāsetvā mañcake nipajjāpesuṃ; nipajjāpetvā ca panāyasmā ānando muttakarīsakiliṭṭhaṃ kāsāvaṃ dhovitvā bhūmiyaṃ paribhaṇḍaṃ akāsi. Yo bhikkhave maṃ upaṭṭhaheyya, so gilānaṃ upaṭṭhaheyyāti yo maṃ ovādānusāsanīkaraṇena upaṭṭhaheyya, so gilānaṃ upaṭṭhaheyya; mama ovādakārakena gilāno upaṭṭhātabboti ayamevettha attho. Bhagavato ca gilānassa ca upaṭṭhānaṃ ekasadisanti evaṃ panettha attho na gahetabbo. Saṅghena upaṭṭhātabboti yassete upajjhādayo tasmiṃ vihāre natthi, āgantuko hoti ekacāriko bhikkhu, so saṅghassa bhāro, tasmā saṅghena upaṭṭhātabbo. No ce upaṭṭhaheyya, sakalassa saṅghassa āpatti. Vāraṃ ṭhapetvā jaggantesu pana yo attano vāre na jaggati, tasseva āpatti. Saṅghattheropi vārako na muccati. Sace sakalo saṅgho ekassa bhāraṃ karoti, eko vā vattasampanno bhikkhu ahameva jaggissāmīti paṭijaggati, saṅgho āpattito muccati.
366. абхиггаманд̇ам̣ ваа абхиггамад̇ийд̇иаад̣̇ийсу вад̣дханд̇ам̣ ваа ааб̣аад̇хам̣ ‘‘ид̣̇ам̣ наама мз барибхун̃ж̇анд̇асса вад̣дхад̇и, ид̣̇ам̣ барибхун̃ж̇анд̇асса барихааяад̇и, ид̣̇ам̣ барибхун̃ж̇анд̇асса д̇идтад̇ий’’д̇и яат̇аабхууд̇ам̣ наавигарод̇ийд̇и звамад̇т̇о д̣̇адтаб̣б̣о. нааланд̇и на бад̇ируубо, на яуд̇д̇о убадтаад̇ум̣. бхзсаж̇ж̇ам̣ сам̣вид̇хаад̇унд̇и бхзсаж̇ж̇ам̣ яож̇зд̇ум̣ асамад̇т̇о ход̇и. аамисанд̇арод̇и аамисам̣ асса анд̇аранд̇и аамисанд̇аро. анд̇аранд̇и гааран̣ам̣ вужжад̇и; аамисагааран̣аа яааг̇убхад̇д̇абад̇д̇ажийвараани бад̇т̇знд̇о убадтаад̇ийд̇и ад̇т̇о.
366.Abhikkamantaṃ vā abhikkamatītiādīsu vaḍḍhantaṃ vā ābādhaṃ ‘‘idaṃ nāma me paribhuñjantassa vaḍḍhati, idaṃ paribhuñjantassa parihāyati, idaṃ paribhuñjantassa tiṭṭhatī’’ti yathābhūtaṃ nāvikarotīti evamattho daṭṭhabbo. Nālanti na patirūpo, na yutto upaṭṭhātuṃ. Bhesajjaṃ saṃvidhātunti bhesajjaṃ yojetuṃ asamattho hoti. Āmisantaroti āmisaṃ assa antaranti āmisantaro. Antaranti kāraṇaṃ vuccati; āmisakāraṇā yāgubhattapattacīvarāni patthento upaṭṭhātīti attho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 224. г̇илаанавад̇т̇угат̇аа • 224. Gilānavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / г̇илаанавад̇т̇угат̇ааван̣н̣анаа • Gilānavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇илаанавад̇т̇угат̇ааван̣н̣анаа • Gilānavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 224. г̇илаанавад̇т̇угат̇аа • 224. Gilānavatthukathā
