| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. г̇ин̃ж̇агаавасат̇асуд̇д̇ам̣
3. Giñjakāvasathasuttaṃ
97. згам̣ самаяам̣ бхаг̇аваа н̃аад̇игз вихарад̇и г̇ин̃ж̇агаавасат̇з. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
97. Ekaṃ samayaṃ bhagavā ñātike viharati giñjakāvasathe. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘д̇хаад̇ум̣, бхигкавз, бадижжа уббаж̇ж̇ад̇и сан̃н̃аа, уббаж̇ж̇ад̇и д̣̇идти, уббаж̇ж̇ад̇и вид̇агго’’д̇и. звам̣ вуд̇д̇з, ааяасмаа гажжаано 1 бхаг̇аванд̇ам̣ зд̇ад̣̇авожа – ‘‘яааяам̣, бханд̇з, д̣̇идти – ‘асаммаасамб̣уд̣̇д̇хзсу саммаасамб̣уд̣̇д̇хаа’д̇и, аяам̣ ну ко, бханд̇з, д̣̇идти гим̣ бадижжа бан̃н̃ааяад̇ий’’д̇и?
‘‘Dhātuṃ, bhikkhave, paṭicca uppajjati saññā, uppajjati diṭṭhi, uppajjati vitakko’’ti. Evaṃ vutte, āyasmā kaccāno 2 bhagavantaṃ etadavoca – ‘‘yāyaṃ, bhante, diṭṭhi – ‘asammāsambuddhesu sammāsambuddhā’ti, ayaṃ nu kho, bhante, diṭṭhi kiṃ paṭicca paññāyatī’’ti?
‘‘махад̇и ко зсаа, гажжаана, д̇хаад̇у яад̣̇ид̣̇ам̣ авиж̇ж̇аад̇хаад̇у. хийнам̣ , гажжаана, д̇хаад̇ум̣ бадижжа уббаж̇ж̇ад̇и хийнаа сан̃н̃аа, хийнаа д̣̇идти, хийно вид̇агго, хийнаа жзд̇анаа, хийнаа бад̇т̇анаа, хийно бан̣ид̇хи, хийно буг̇г̇ало, хийнаа ваажаа; хийнам̣ аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и; хийнаа д̇асса убабад̇д̇ийд̇и вад̣̇аами.
‘‘Mahati kho esā, kaccāna, dhātu yadidaṃ avijjādhātu. Hīnaṃ , kaccāna, dhātuṃ paṭicca uppajjati hīnā saññā, hīnā diṭṭhi, hīno vitakko, hīnā cetanā, hīnā patthanā, hīno paṇidhi, hīno puggalo, hīnā vācā; hīnaṃ ācikkhati deseti paññapeti paṭṭhapeti vivarati vibhajati uttānīkaroti; hīnā tassa upapattīti vadāmi.
‘‘маж̇жхимам̣ , гажжаана, д̇хаад̇ум̣ бадижжа уббаж̇ж̇ад̇и маж̇жхимаа сан̃н̃аа, маж̇жхимаа д̣̇идти, маж̇жхимо вид̇агго, маж̇жхимаа жзд̇анаа, маж̇жхимаа бад̇т̇анаа, маж̇жхимо бан̣ид̇хи, маж̇жхимо буг̇г̇ало, маж̇жхимаа ваажаа; маж̇жхимам̣ аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и; маж̇жхимаа д̇асса убабад̇д̇ийд̇и вад̣̇аами.
‘‘Majjhimaṃ , kaccāna, dhātuṃ paṭicca uppajjati majjhimā saññā, majjhimā diṭṭhi, majjhimo vitakko, majjhimā cetanā, majjhimā patthanā, majjhimo paṇidhi, majjhimo puggalo, majjhimā vācā; majjhimaṃ ācikkhati deseti paññapeti paṭṭhapeti vivarati vibhajati uttānīkaroti; majjhimā tassa upapattīti vadāmi.
‘‘бан̣ийд̇ам̣, гажжаана, д̇хаад̇ум̣ бадижжа уббаж̇ж̇ад̇и бан̣ийд̇аа сан̃н̃аа, бан̣ийд̇аа д̣̇идти, бан̣ийд̇о вид̇агго, бан̣ийд̇аа жзд̇анаа, бан̣ийд̇аа бад̇т̇анаа, бан̣ийд̇о бан̣ид̇хи, бан̣ийд̇о буг̇г̇ало, бан̣ийд̇аа ваажаа; бан̣ийд̇ам̣ аажигкад̇и д̣̇зсзд̇и бан̃н̃абзд̇и бадтабзд̇и виварад̇и вибхаж̇ад̇и уд̇д̇аанийгарод̇и; бан̣ийд̇аа д̇асса убабад̇д̇ийд̇и вад̣̇аамий’’д̇и. д̇ад̇ияам̣.
‘‘Paṇītaṃ, kaccāna, dhātuṃ paṭicca uppajjati paṇītā saññā, paṇītā diṭṭhi, paṇīto vitakko, paṇītā cetanā, paṇītā patthanā, paṇīto paṇidhi, paṇīto puggalo, paṇītā vācā; paṇītaṃ ācikkhati deseti paññapeti paṭṭhapeti vivarati vibhajati uttānīkaroti; paṇītā tassa upapattīti vadāmī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. г̇ин̃ж̇агаавасат̇асуд̇д̇аван̣н̣анаа • 3. Giñjakāvasathasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. г̇ин̃ж̇агаавасат̇асуд̇д̇аван̣н̣анаа • 3. Giñjakāvasathasuttavaṇṇanā
