| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[184] 4. г̇ирид̣̇ад̇д̇аж̇аад̇агаван̣н̣анаа
[184] 4. Giridattajātakavaṇṇanā
д̣̇уусид̇о г̇ирид̣̇ад̇д̇знаад̇и ид̣̇ам̣ сад̇т̇аа взл̣уванз вихаранд̇о згам̣ вибагкасзвим̣ бхигкум̣ аараб̣бха гат̇зси. вад̇т̇у хздтаа махил̣аамукаж̇аад̇агз (ж̇аа. 1.1.26) гат̇ид̇амзва. сад̇т̇аа бана ‘‘на, бхигкавз, аяам̣ бхигку ид̣̇аанзва вибагкам̣ сзвад̇и, буб̣б̣збзса вибагкасзвагоязваа’’д̇и вад̇ваа ад̇ийд̇ам̣ аахари.
Dūsitogiridattenāti idaṃ satthā veḷuvane viharanto ekaṃ vipakkhaseviṃ bhikkhuṃ ārabbha kathesi. Vatthu heṭṭhā mahiḷāmukhajātake (jā. 1.1.26) kathitameva. Satthā pana ‘‘na, bhikkhave, ayaṃ bhikkhu idāneva vipakkhaṃ sevati, pubbepesa vipakkhasevakoyevā’’ti vatvā atītaṃ āhari.
ад̇ийд̇з б̣аараан̣асияам̣ саамарааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о амажжагулз ниб̣б̣ад̇д̇ид̇ваа ваяаббад̇д̇о д̇асса ад̇т̇ад̇хаммаанусаасаго ахоси. ран̃н̃о бана бан̣д̣аво наама ман̇г̇алассо, д̇асса г̇ирид̣̇ад̇д̇о наама ассаб̣анд̇хо, со кан̃ж̇о ахоси. ассо мукараж̇ж̇угз г̇ахзд̇ваа д̇ам̣ бурад̇о бурад̇о г̇ажчанд̇ам̣ д̣̇исваа ‘‘мам̣ зса сигкаабзд̇ий’’д̇и сан̃н̃ааяа д̇асса анусигканд̇о кан̃ж̇о ахоси. д̇асса ассасса кан̃ж̇абхаавам̣ ран̃н̃о аарожзсум̣, рааж̇аа взж̇ж̇з бзсзси. д̇з г̇анд̇ваа ассасса сарийрз рог̇ам̣ абассанд̇аа ‘‘рог̇амасса на бассаамаа’’д̇и ран̃н̃о гат̇аяим̣су. рааж̇аа б̣од̇хисад̇д̇ам̣ бзсзси – ‘‘г̇ажча ваяасса, зд̇т̇а гааран̣ам̣ ж̇аанаахий’’д̇и. со г̇анд̇ваа кан̃ж̇аассаб̣анд̇хасам̣саг̇г̇зна д̇асса кан̃ж̇абхууд̇абхаавам̣ н̃ад̇ваа ран̃н̃о д̇амад̇т̇ам̣ аарожзд̇ваа ‘‘сам̣саг̇г̇ад̣̇осзна наама звам̣ ход̇ий’’д̇и д̣̇ассзнд̇о батамам̣ г̇аат̇амааха –-
Atīte bārāṇasiyaṃ sāmarājā rajjaṃ kāresi. Tadā bodhisatto amaccakule nibbattitvā vayappatto tassa atthadhammānusāsako ahosi. Rañño pana paṇḍavo nāma maṅgalasso, tassa giridatto nāma assabandho, so khañjo ahosi. Asso mukharajjuke gahetvā taṃ purato purato gacchantaṃ disvā ‘‘maṃ esa sikkhāpetī’’ti saññāya tassa anusikkhanto khañjo ahosi. Tassa assassa khañjabhāvaṃ rañño ārocesuṃ, rājā vejje pesesi. Te gantvā assassa sarīre rogaṃ apassantā ‘‘rogamassa na passāmā’’ti rañño kathayiṃsu. Rājā bodhisattaṃ pesesi – ‘‘gaccha vayassa, ettha kāraṇaṃ jānāhī’’ti. So gantvā khañjaassabandhasaṃsaggena tassa khañjabhūtabhāvaṃ ñatvā rañño tamatthaṃ ārocetvā ‘‘saṃsaggadosena nāma evaṃ hotī’’ti dassento paṭhamaṃ gāthamāha –-
67.
67.
‘‘д̣̇уусид̇о г̇ирид̣̇ад̇д̇зна, хаяо саамасса бан̣д̣аво;
‘‘Dūsito giridattena, hayo sāmassa paṇḍavo;
бораан̣ам̣ багад̇им̣ хид̇ваа, д̇ассзваанувид̇хияяад̇ий’’д̇и.
Porāṇaṃ pakatiṃ hitvā, tassevānuvidhiyyatī’’ti.
д̇ад̇т̇а хаяо саамассаад̇и саамасса ран̃н̃о ман̇г̇алассо. бораан̣ам̣ багад̇им̣ хид̇ваад̇и ад̇д̇ано бораан̣абагад̇им̣ син̇г̇аарабхаавам̣ бахааяа. анувид̇хияяад̇ийд̇и анусигкад̇и.
Tattha hayo sāmassāti sāmassa rañño maṅgalasso. Porāṇaṃ pakatiṃ hitvāti attano porāṇapakatiṃ siṅgārabhāvaṃ pahāya. Anuvidhiyyatīti anusikkhati.
ат̇а нам̣ рааж̇аа ‘‘ид̣̇аани ваяасса гим̣ гад̇д̇аб̣б̣а’’нд̇и бужчи. б̣од̇хисад̇д̇о ‘‘сунд̣̇арам̣ ассаб̣анд̇хам̣ лабхид̇ваа яат̇аа бораан̣о бхависсад̇ий’’д̇и вад̇ваа д̣̇уд̇ияам̣ г̇аат̇амааха –
Atha naṃ rājā ‘‘idāni vayassa kiṃ kattabba’’nti pucchi. Bodhisatto ‘‘sundaraṃ assabandhaṃ labhitvā yathā porāṇo bhavissatī’’ti vatvā dutiyaṃ gāthamāha –
68.
68.
‘‘сажз жа д̇ануж̇о босо, сикараагаарагаббид̇о;
‘‘Sace ca tanujo poso, sikharākārakappito;
аананз нам̣ г̇ахзд̇ваана, ман̣д̣алз баривад̇д̇аяз;
Ānane naṃ gahetvāna, maṇḍale parivattaye;
киббамзва баханд̇ваана, д̇ассзваанувид̇хияяад̇ий’’д̇и.
Khippameva pahantvāna, tassevānuvidhiyyatī’’ti.
д̇ад̇т̇а д̇ануж̇од̇и д̇асса ануж̇о. ануруубам̣ ж̇аад̇о хи ануж̇о, д̇асса ануж̇о д̇ануж̇о. ид̣̇ам̣ вуд̇д̇ам̣ ход̇и – сажз хи, махаарааж̇а, д̇асса син̇г̇аарасса аажаарасамбаннасса ассасса ануруубам̣ ж̇аад̇о син̇г̇ааро аажаарасамбанно босо. сикараагаарагаббид̇од̇и сикарзна сунд̣̇арзна аагаарзна габбид̇агзсамассу д̇ам̣ ассам̣ аананз г̇ахзд̇ваа ассаман̣д̣алз баривад̇д̇зяяа, киббамзвзса д̇ам̣ кан̃ж̇абхаавам̣ бахааяа ‘‘аяам̣ син̇г̇ааро аажаарасамбанно ассаг̇обаго мам̣ сигкаабзд̇ий’’д̇и сан̃н̃ааяа киббамзва д̇асса анувид̇хияяад̇и анусигкиссад̇и, багад̇ибхаавзязва тассад̇ийд̇и ад̇т̇о. рааж̇аа д̇ат̇аа гаарзси, ассо багад̇ибхаавз бад̇идтааси. рааж̇аа ‘‘д̇иражчаанаанамби наама аасаяам̣ ж̇ааниссад̇ий’’д̇и д̇удтажид̇д̇о б̣од̇хисад̇д̇асса маханд̇ам̣ яасам̣ ад̣̇ааси.
Tattha tanujoti tassa anujo. Anurūpaṃ jāto hi anujo, tassa anujo tanujo. Idaṃ vuttaṃ hoti – sace hi, mahārāja, tassa siṅgārassa ācārasampannassa assassa anurūpaṃ jāto siṅgāro ācārasampanno poso. Sikharākārakappitoti sikharena sundarena ākārena kappitakesamassu taṃ assaṃ ānane gahetvā assamaṇḍale parivatteyya, khippamevesa taṃ khañjabhāvaṃ pahāya ‘‘ayaṃ siṅgāro ācārasampanno assagopako maṃ sikkhāpetī’’ti saññāya khippameva tassa anuvidhiyyati anusikkhissati, pakatibhāveyeva ṭhassatīti attho. Rājā tathā kāresi, asso pakatibhāve patiṭṭhāsi. Rājā ‘‘tiracchānānampi nāma āsayaṃ jānissatī’’ti tuṭṭhacitto bodhisattassa mahantaṃ yasaṃ adāsi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа г̇ирид̣̇ад̇д̇о д̣̇звад̣̇ад̇д̇о ахоси, ассо вибагкасзваго бхигку, рааж̇аа аананд̣̇о, амажжабан̣д̣ид̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā giridatto devadatto ahosi, asso vipakkhasevako bhikkhu, rājā ānando, amaccapaṇḍito pana ahameva ahosi’’nti.
г̇ирид̣̇ад̇д̇аж̇аад̇агаван̣н̣анаа жад̇уд̇т̇аа.
Giridattajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 184. г̇ирид̣̇ад̇д̇аж̇аад̇агам̣ • 184. Giridattajātakaṃ
