| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[325] 5. г̇од̇харааж̇аж̇аад̇агаван̣н̣анаа
[325] 5. Godharājajātakavaṇṇanā
саман̣ам̣ д̇ам̣ ман̃н̃амаанод̇и ид̣̇ам̣ сад̇т̇аа ж̇зд̇аванз вихаранд̇о згам̣ гухагам̣ бхигкум̣ аараб̣бха гат̇зси. вад̇т̇у хздтаа вид̇т̇аарид̇амзва. ид̇хааби бхигкуу д̇ам̣ бхигкум̣ аанзд̇ваа ‘‘аяам̣, бханд̇з, бхигку гухаго’’д̇и сад̇т̇у д̣̇ассзсум̣. сад̇т̇аа ‘‘на, бхигкавз, ид̣̇аанзва, буб̣б̣збзса гухагоязваа’’д̇и вад̇ваа ад̇ийд̇ам̣ аахари.
Samaṇaṃ taṃ maññamānoti idaṃ satthā jetavane viharanto ekaṃ kuhakaṃ bhikkhuṃ ārabbha kathesi. Vatthu heṭṭhā vitthāritameva. Idhāpi bhikkhū taṃ bhikkhuṃ ānetvā ‘‘ayaṃ, bhante, bhikkhu kuhako’’ti satthu dassesuṃ. Satthā ‘‘na, bhikkhave, idāneva, pubbepesa kuhakoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇од̇хаяонияам̣ ниб̣б̣ад̇д̇ид̇ваа ваяаббад̇д̇о гааяаб̣алзна самбанно аран̃н̃з васад̇и . зго д̣̇усийлад̇аабасоби д̇асса авид̣̇уурз бан̣н̣асаалам̣ маабзд̇ваа ваасам̣ габбзси. б̣од̇хисад̇д̇о г̇ожарааяа жаранд̇о д̇ам̣ д̣̇исваа ‘‘сийлаванд̇ад̇аабасасса бан̣н̣асаалаа бхависсад̇ий’’д̇и д̇ад̇т̇а г̇анд̇ваа д̇ам̣ ванд̣̇ид̇ваа ад̇д̇ано васанадтаанамзва г̇ажчад̇и. ат̇згад̣̇ивасам̣ со гуудад̇аабасо убадтаагагулз самбаад̣̇ид̇ам̣ мад̇хурамам̣сам̣ лабхид̇ваа ‘‘гим̣ мам̣сам̣ наамзд̇а’’нд̇и бужчид̇ваа ‘‘г̇од̇хамам̣са’’нд̇и суд̇ваа расад̇ан̣хааяа абхибхууд̇о ‘‘маяхам̣ ассамабад̣̇ам̣ ниб̣ад̣̇д̇хам̣ ааг̇ажчамаанам̣ г̇од̇хам̣ маарзд̇ваа яат̇ааружи бажид̇ваа каад̣̇иссаамий’’д̇и саббид̣̇ад̇хигадугабхан̣д̣аад̣̇ийни г̇ахзд̇ваа д̇ад̇т̇а г̇анд̇ваа муг̇г̇арам̣ г̇ахзд̇ваа гаасаавзна бадижчаад̣̇зд̇ваа б̣од̇хисад̇д̇асса ааг̇аманам̣ ологзнд̇о бан̣н̣асаалад̣̇ваарз убасанд̇уубасанд̇о вияа нисийд̣̇и.
Atīte bārāṇasiyaṃ brahmadatte rajjaṃ kārente bodhisatto godhayoniyaṃ nibbattitvā vayappatto kāyabalena sampanno araññe vasati . Eko dusīlatāpasopi tassa avidūre paṇṇasālaṃ māpetvā vāsaṃ kappesi. Bodhisatto gocarāya caranto taṃ disvā ‘‘sīlavantatāpasassa paṇṇasālā bhavissatī’’ti tattha gantvā taṃ vanditvā attano vasanaṭṭhānameva gacchati. Athekadivasaṃ so kūṭatāpaso upaṭṭhākakule sampāditaṃ madhuramaṃsaṃ labhitvā ‘‘kiṃ maṃsaṃ nāmeta’’nti pucchitvā ‘‘godhamaṃsa’’nti sutvā rasataṇhāya abhibhūto ‘‘mayhaṃ assamapadaṃ nibaddhaṃ āgacchamānaṃ godhaṃ māretvā yathāruci pacitvā khādissāmī’’ti sappidadhikaṭukabhaṇḍādīni gahetvā tattha gantvā muggaraṃ gahetvā kāsāvena paṭicchādetvā bodhisattassa āgamanaṃ olokento paṇṇasāladvāre upasantūpasanto viya nisīdi.
со ааг̇анд̇ваа д̇ам̣ бад̣̇удтинд̣̇рияам̣ д̣̇исваа ‘‘иминаа амхаагам̣ саж̇аад̇игамам̣сам̣ каад̣̇ид̇ам̣ бхависсад̇и, бариг̇г̇ан̣хиссаами на’’нд̇и ад̇ховаад̇з тад̇ваа сарийраг̇анд̇хам̣ гхааяид̇ваа саж̇аад̇имам̣сасса каад̣̇ид̇абхаавам̣ н̃ад̇ваа д̇аабасам̣ анубаг̇амма бадиггамид̇ваа жари. д̇аабасоби д̇асса анааг̇аманабхаавам̣ н̃ад̇ваа муг̇г̇арам̣ киби, муг̇г̇аро сарийрз абад̇ид̇ваа нан̇г̇удтагодим̣ баабун̣и. д̇аабасо ‘‘г̇ажча вирад̣̇д̇хосмий’’д̇и ааха. б̣од̇хисад̇д̇о ‘‘мам̣ д̇аава вирад̣̇д̇хоси, жад̇д̇ааро бана абааяз на вирад̣̇д̇хосий’’д̇и вад̇ваа балааяид̇ваа жан̇гаманагодияам̣ тид̇ам̣ ваммигам̣ бависид̇ваа ан̃н̃зна чид̣̇д̣̇зна сийсам̣ нийхарид̇ваа д̇зна сад̣̇д̇хим̣ саллабанд̇о д̣̇вз г̇аат̇аа абхааси –
So āgantvā taṃ paduṭṭhindriyaṃ disvā ‘‘iminā amhākaṃ sajātikamaṃsaṃ khāditaṃ bhavissati, pariggaṇhissāmi na’’nti adhovāte ṭhatvā sarīragandhaṃ ghāyitvā sajātimaṃsassa khāditabhāvaṃ ñatvā tāpasaṃ anupagamma paṭikkamitvā cari. Tāpasopi tassa anāgamanabhāvaṃ ñatvā muggaraṃ khipi, muggaro sarīre apatitvā naṅguṭṭhakoṭiṃ pāpuṇi. Tāpaso ‘‘gaccha viraddhosmī’’ti āha. Bodhisatto ‘‘maṃ tāva viraddhosi, cattāro pana apāye na viraddhosī’’ti vatvā palāyitvā caṅkamanakoṭiyaṃ ṭhitaṃ vammikaṃ pavisitvā aññena chiddena sīsaṃ nīharitvā tena saddhiṃ sallapanto dve gāthā abhāsi –
97.
97.
‘‘саман̣ам̣ д̇ам̣ ман̃н̃амаано, убаг̇ажчимасан̃н̃ад̇ам̣;
‘‘Samaṇaṃ taṃ maññamāno, upagacchimasaññataṃ;
со мам̣ д̣̇ан̣д̣зна баахааси, яат̇аа ассаман̣о д̇ат̇аа.
So maṃ daṇḍena pāhāsi, yathā assamaṇo tathā.
98.
98.
‘‘гим̣ д̇з ж̇адаахи д̣̇уммзд̇ха, гим̣ д̇з аж̇инасаадияаа;
‘‘Kiṃ te jaṭāhi dummedha, kiṃ te ajinasāṭiyā;
аб̣бханд̇арам̣ д̇з г̇аханам̣, б̣аахирам̣ баримаж̇ж̇асий’’д̇и.
Abbhantaraṃ te gahanaṃ, bāhiraṃ parimajjasī’’ti.
д̇ад̇т̇а асан̃н̃ад̇анд̇и ахам̣ гааяаад̣̇ийхи асан̃н̃ад̇ам̣ ассаман̣амзва самаанам̣ д̇ам̣ ‘‘саман̣о зсо’’д̇и самид̇абаабад̇ааяа саман̣ам̣ ман̃н̃амаано убаг̇ажчим̣. баахаасийд̇и бахари. аж̇инасаадияаад̇и згам̣сам̣ гад̇ваа бааруд̇зна аж̇инажаммзна д̇уяхам̣ го ад̇т̇о. аб̣бханд̇арам̣ д̇з г̇ахананд̇и д̇ава сарийраб̣бханд̇арам̣ висабуураа вияа алааб̣у, г̇уут̇абууро вияа ааваадо, аасийвисабууро вияа ваммиго гилзсаг̇аханам̣. б̣аахиранд̇и гзвалам̣ б̣ахисарийрам̣ баримаж̇ж̇аси , д̇ам̣ анд̇опарусад̇ааяа б̣ахимадтад̇ааяа хад̇т̇илан̣д̣ам̣ вияа ассалан̣д̣ам̣ вияа жа ход̇ийд̇и.
Tattha asaññatanti ahaṃ kāyādīhi asaññataṃ assamaṇameva samānaṃ taṃ ‘‘samaṇo eso’’ti samitapāpatāya samaṇaṃ maññamāno upagacchiṃ. Pāhāsīti pahari. Ajinasāṭiyāti ekaṃsaṃ katvā pārutena ajinacammena tuyhaṃ ko attho. Abbhantaraṃ te gahananti tava sarīrabbhantaraṃ visapūrā viya alābu, gūthapūro viya āvāṭo, āsīvisapūro viya vammiko kilesagahanaṃ. Bāhiranti kevalaṃ bahisarīraṃ parimajjasi, taṃ antopharusatāya bahimaṭṭhatāya hatthilaṇḍaṃ viya assalaṇḍaṃ viya ca hotīti.
д̇ам̣ суд̇ваа д̇аабасо д̇ад̇ияам̣ г̇аат̇амааха –
Taṃ sutvā tāpaso tatiyaṃ gāthamāha –
99.
99.
‘‘зхи г̇од̇ха нивад̇д̇ассу, бхун̃ж̇а саалийнамод̣̇анам̣;
‘‘Ehi godha nivattassu, bhuñja sālīnamodanaṃ;
д̇злам̣ лон̣ан̃жа мз ад̇т̇и, бахууд̇ам̣ маяха бибпалий’’д̇и.
Telaṃ loṇañca me atthi, pahūtaṃ mayha pipphalī’’ti.
д̇ад̇т̇а бахууд̇ам̣ маяха бибпалийд̇и на гзвалам̣ саалийнамод̣̇анам̣ д̇злалон̣амзва, хин̇г̇уж̇ийрагасин̇г̇ивзраласун̣амарижабибпалиббабхзд̣̇ам̣ гадугабхан̣д̣амби маяхам̣ б̣аху ад̇т̇и, д̇знаабхисан̇кад̇ам̣ саалийнамод̣̇анам̣ бхун̃ж̇аахийд̇и.
Tattha pahūtaṃ mayha pipphalīti na kevalaṃ sālīnamodanaṃ telaloṇameva, hiṅgujīrakasiṅgiveralasuṇamaricapipphalippabhedaṃ kaṭukabhaṇḍampi mayhaṃ bahu atthi, tenābhisaṅkhataṃ sālīnamodanaṃ bhuñjāhīti.
д̇ам̣ суд̇ваа б̣од̇хисад̇д̇о жад̇уд̇т̇ам̣ г̇аат̇амааха –
Taṃ sutvā bodhisatto catutthaṃ gāthamāha –
100.
100.
‘‘зса бхияяо бавзгкаами, ваммигам̣ сад̇аборисам̣;
‘‘Esa bhiyyo pavekkhāmi, vammikaṃ sataporisaṃ;
д̇злам̣ лон̣ан̃жа гид̇д̇зси, ахид̇ам̣ маяха бибпалий’’д̇и.
Telaṃ loṇañca kittesi, ahitaṃ mayha pipphalī’’ti.
д̇ад̇т̇а бавзгкаамийд̇и бависиссаами. ахид̇анд̇и яам̣ зд̇ам̣ д̇ава гадугабхан̣д̣асан̇каад̇ам̣ бибпали, зд̇ам̣ маяхам̣ ахид̇ам̣ асаббааяанд̇и.
Tattha pavekkhāmīti pavisissāmi. Ahitanti yaṃ etaṃ tava kaṭukabhaṇḍasaṅkhātaṃ pipphali, etaṃ mayhaṃ ahitaṃ asappāyanti.
зван̃жа бана вад̇ваа ‘‘арз, гуудаж̇адила, сажз ид̇ха васиссаси, г̇ожараг̇аамз мануссзхзва д̇ам̣ ‘аяам̣ жоро’д̇и г̇аахаабзд̇ваа виббагаарам̣ баабзссаами, сийгхам̣ балааяассуу’’д̇и санд̇аж̇ж̇зси. гуудаж̇адило д̇ад̇о балааяи.
Evañca pana vatvā ‘‘are, kūṭajaṭila, sace idha vasissasi, gocaragāme manusseheva taṃ ‘ayaṃ coro’ti gāhāpetvā vippakāraṃ pāpessāmi, sīghaṃ palāyassū’’ti santajjesi. Kūṭajaṭilo tato palāyi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа гуудаж̇адило аяам̣ гухагабхигку ахоси, г̇од̇харааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kūṭajaṭilo ayaṃ kuhakabhikkhu ahosi, godharājā pana ahameva ahosi’’nti.
г̇од̇харааж̇аж̇аад̇агаван̣н̣анаа бан̃жамаа.
Godharājajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 325. г̇од̇харааж̇аж̇аад̇агам̣ • 325. Godharājajātakaṃ
