Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya

    9. г̇олияаанисуд̇д̇ам̣

    9. Goliyānisuttaṃ

    173. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна г̇олияаани 1 наама бхигку ааран̃н̃иго 2 бад̣̇асамаажааро 3 сан̇гхамаж̇жхз осадо ход̇и гзнажид̣̇зва гаран̣ийязна. д̇ад̇ра ко ааяасмаа саарибуд̇д̇о г̇олияааним̣ бхигкум̣ аараб̣бха бхигкуу ааманд̇зси –

    173. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena goliyāni 4 nāma bhikkhu āraññiko 5 padasamācāro 6 saṅghamajjhe osaṭo hoti kenacideva karaṇīyena. Tatra kho āyasmā sāriputto goliyāniṃ bhikkhuṃ ārabbha bhikkhū āmantesi –

    ‘‘ааран̃н̃игзнаавусо, бхигкунаа сан̇гхаг̇ад̇зна сан̇гхз вихаранд̇зна саб̣рахмажаарийсу саг̇ааравзна бхавид̇аб̣б̣ам̣ саббад̇иссзна. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о саб̣рахмажаарийсу аг̇аараво ход̇и аббад̇иссо, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна, яо аяамааяасмаа саб̣рахмажаарийсу аг̇аараво ход̇и аббад̇иссо’д̇и – д̇асса 7 бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна саб̣рахмажаарийсу саг̇ааравзна бхавид̇аб̣б̣ам̣ саббад̇иссзна.

    ‘‘Āraññikenāvuso, bhikkhunā saṅghagatena saṅghe viharantena sabrahmacārīsu sagāravena bhavitabbaṃ sappatissena. Sace, āvuso, āraññiko bhikkhu saṅghagato saṅghe viharanto sabrahmacārīsu agāravo hoti appatisso, tassa bhavanti vattāro. ‘Kiṃ panimassāyasmato āraññikassa ekassāraññe serivihārena, yo ayamāyasmā sabrahmacārīsu agāravo hoti appatisso’ti – tassa 8 bhavanti vattāro. Tasmā āraññikena bhikkhunā saṅghagatena saṅghe viharantena sabrahmacārīsu sagāravena bhavitabbaṃ sappatissena.

    ‘‘ааран̃н̃игзнаавусо, бхигкунаа сан̇гхаг̇ад̇зна сан̇гхз вихаранд̇зна аасанагусалзна бхавид̇аб̣б̣ам̣ – ‘ид̇и т̇зрз жа бхигкуу наанубакаж̇ж̇а нисийд̣̇иссаами навз жа бхигкуу на аасанзна бадиб̣аахиссаамий’д̇и. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о на аасанагусало ход̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна, яо аяамааяасмаа аасанагусало на ход̇ий’д̇и 9 – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна аасанагусалзна бхавид̇аб̣б̣ам̣.

    ‘‘Āraññikenāvuso, bhikkhunā saṅghagatena saṅghe viharantena āsanakusalena bhavitabbaṃ – ‘iti there ca bhikkhū nānupakhajja nisīdissāmi nave ca bhikkhū na āsanena paṭibāhissāmī’ti. Sace, āvuso, āraññiko bhikkhu saṅghagato saṅghe viharanto na āsanakusalo hoti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena, yo ayamāyasmā āsanakusalo na hotī’ti 10 – tassa bhavanti vattāro. Tasmā āraññikena bhikkhunā saṅghagatena saṅghe viharantena āsanakusalena bhavitabbaṃ.

    ‘‘ааран̃н̃игзнаавусо, бхигкунаа сан̇гхаг̇ад̇зна сан̇гхз вихаранд̇зна аабхисамаажааригоби д̇хаммо ж̇аанид̇аб̣б̣о. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о аабхисамаажааригамби д̇хаммам̣ на ж̇аанаад̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа аабхисамаажааригамби д̇хаммам̣ на ж̇аанаад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна аабхисамаажааригоби д̇хаммо ж̇аанид̇аб̣б̣о 11.

    ‘‘Āraññikenāvuso, bhikkhunā saṅghagatena saṅghe viharantena ābhisamācārikopi dhammo jānitabbo. Sace, āvuso, āraññiko bhikkhu saṅghagato saṅghe viharanto ābhisamācārikampi dhammaṃ na jānāti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā ābhisamācārikampi dhammaṃ na jānātī’ti – tassa bhavanti vattāro. Tasmā āraññikena bhikkhunā saṅghagatena saṅghe viharantena ābhisamācārikopi dhammo jānitabbo 12.

    ‘‘ааран̃н̃игзнаавусо, бхигкунаа сан̇гхаг̇ад̇зна сан̇гхз вихаранд̇зна наад̇игаалзна г̇аамо бависид̇аб̣б̣о наад̇ид̣̇иваа 13 бадиггамид̇аб̣б̣ам̣. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о ад̇игаалзна г̇аамам̣ бависад̇и ад̇ид̣̇иваа бадиггамад̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа ад̇игаалзна г̇аамам̣ бависад̇и ад̇ид̣̇иваа бадиггамад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна наад̇игаалзна г̇аамо бависид̇аб̣б̣о, наад̇ид̣̇иваа бадиггамид̇аб̣б̣ам̣.

    ‘‘Āraññikenāvuso, bhikkhunā saṅghagatena saṅghe viharantena nātikālena gāmo pavisitabbo nātidivā 14 paṭikkamitabbaṃ. Sace, āvuso, āraññiko bhikkhu saṅghagato saṅghe viharanto atikālena gāmaṃ pavisati atidivā paṭikkamati, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā atikālena gāmaṃ pavisati atidivā paṭikkamatī’ti – tassa bhavanti vattāro. Tasmā āraññikena bhikkhunā saṅghagatena saṅghe viharantena nātikālena gāmo pavisitabbo, nātidivā paṭikkamitabbaṃ.

    ‘‘ааран̃н̃игзнаавусо, бхигкунаа сан̇гхаг̇ад̇зна сан̇гхз вихаранд̇зна на бурзбхад̇д̇ам̣ бажчаабхад̇д̇ам̣ гулзсу жаарид̇д̇ам̣ аабаж̇ж̇ид̇аб̣б̣ам̣. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о бурзбхад̇д̇ам̣ бажчаабхад̇д̇ам̣ гулзсу жаарид̇д̇ам̣ аабаж̇ж̇ад̇и, д̇асса бхаванд̇и вад̇д̇ааро. ‘аяам̣ нуунимассааяасмад̇о ааран̃н̃игасса згассааран̃н̃з сзривихаарзна вихарад̇о вигаалажарияаа б̣ахулийгад̇аа, д̇амзнам̣ сан̇гхаг̇ад̇амби самуд̣̇аажарад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна на бурзбхад̇д̇ам̣ бажчаабхад̇д̇ам̣ гулзсу жаарид̇д̇ам̣ аабаж̇ж̇ид̇аб̣б̣ам̣.

    ‘‘Āraññikenāvuso, bhikkhunā saṅghagatena saṅghe viharantena na purebhattaṃ pacchābhattaṃ kulesu cārittaṃ āpajjitabbaṃ. Sace, āvuso, āraññiko bhikkhu saṅghagato saṅghe viharanto purebhattaṃ pacchābhattaṃ kulesu cārittaṃ āpajjati, tassa bhavanti vattāro. ‘Ayaṃ nūnimassāyasmato āraññikassa ekassāraññe serivihārena viharato vikālacariyā bahulīkatā, tamenaṃ saṅghagatampi samudācaratī’ti – tassa bhavanti vattāro. Tasmā āraññikena bhikkhunā saṅghagatena saṅghe viharantena na purebhattaṃ pacchābhattaṃ kulesu cārittaṃ āpajjitabbaṃ.

    ‘‘ааран̃н̃игзнаавусо, бхигкунаа сан̇гхаг̇ад̇зна сан̇гхз вихаранд̇зна ануд̣̇д̇хад̇зна бхавид̇аб̣б̣ам̣ ажабалзна. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о уд̣̇д̇хад̇о ход̇и жабало, д̇асса бхаванд̇и вад̇д̇ааро. ‘ид̣̇ам̣ нуунимассааяасмад̇о ааран̃н̃игасса згассааран̃н̃з сзривихаарзна вихарад̇о уд̣̇д̇хажжам̣ жаабаляам̣ б̣ахулийгад̇ам̣, д̇амзнам̣ сан̇гхаг̇ад̇амби самуд̣̇аажарад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна ануд̣̇д̇хад̇зна бхавид̇аб̣б̣ам̣ ажабалзна.

    ‘‘Āraññikenāvuso, bhikkhunā saṅghagatena saṅghe viharantena anuddhatena bhavitabbaṃ acapalena. Sace, āvuso, āraññiko bhikkhu saṅghagato saṅghe viharanto uddhato hoti capalo, tassa bhavanti vattāro. ‘Idaṃ nūnimassāyasmato āraññikassa ekassāraññe serivihārena viharato uddhaccaṃ cāpalyaṃ bahulīkataṃ, tamenaṃ saṅghagatampi samudācaratī’ti – tassa bhavanti vattāro. Tasmā āraññikena bhikkhunā saṅghagatena saṅghe viharantena anuddhatena bhavitabbaṃ acapalena.

    ‘‘ааран̃н̃игзнаавусо , бхигкунаа сан̇гхаг̇ад̇зна сан̇гхз вихаранд̇зна амукарзна бхавид̇аб̣б̣ам̣ авигин̣н̣аваажзна. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о мукаро ход̇и вигин̣н̣аваажо, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа мукаро вигин̣н̣аваажо’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна амукарзна бхавид̇аб̣б̣ам̣ авигин̣н̣аваажзна.

    ‘‘Āraññikenāvuso , bhikkhunā saṅghagatena saṅghe viharantena amukharena bhavitabbaṃ avikiṇṇavācena. Sace, āvuso, āraññiko bhikkhu saṅghagato saṅghe viharanto mukharo hoti vikiṇṇavāco, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā mukharo vikiṇṇavāco’ti – tassa bhavanti vattāro. Tasmā āraññikena bhikkhunā saṅghagatena saṅghe viharantena amukharena bhavitabbaṃ avikiṇṇavācena.

    ‘‘ааран̃н̃игзнаавусо, бхигкунаа сан̇гхаг̇ад̇зна сан̇гхз вихаранд̇зна суважзна 15 бхавид̇аб̣б̣ам̣ галяаан̣амид̇д̇зна. сажз, аавусо, ааран̃н̃иго бхигку сан̇гхаг̇ад̇о сан̇гхз вихаранд̇о д̣̇уб̣б̣ажо ход̇и баабамид̇д̇о, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа д̣̇уб̣б̣ажо баабамид̇д̇о’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа сан̇гхаг̇ад̇зна сан̇гхз вихаранд̇зна суважзна бхавид̇аб̣б̣ам̣ галяаан̣амид̇д̇зна.

    ‘‘Āraññikenāvuso, bhikkhunā saṅghagatena saṅghe viharantena suvacena 16 bhavitabbaṃ kalyāṇamittena. Sace, āvuso, āraññiko bhikkhu saṅghagato saṅghe viharanto dubbaco hoti pāpamitto, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā dubbaco pāpamitto’ti – tassa bhavanti vattāro. Tasmā āraññikena bhikkhunā saṅghagatena saṅghe viharantena suvacena bhavitabbaṃ kalyāṇamittena.

    ‘‘ааран̃н̃игзнаавусо, бхигкунаа инд̣̇риязсу г̇уд̇д̇ад̣̇ваарзна бхавид̇аб̣б̣ам̣. сажз, аавусо, ааран̃н̃иго бхигку инд̣̇риязсу аг̇уд̇д̇ад̣̇вааро ход̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа инд̣̇риязсу аг̇уд̇д̇ад̣̇вааро’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа инд̣̇риязсу г̇уд̇д̇ад̣̇ваарзна бхавид̇аб̣б̣ам̣.

    ‘‘Āraññikenāvuso, bhikkhunā indriyesu guttadvārena bhavitabbaṃ. Sace, āvuso, āraññiko bhikkhu indriyesu aguttadvāro hoti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā indriyesu aguttadvāro’ti – tassa bhavanti vattāro. Tasmā āraññikena bhikkhunā indriyesu guttadvārena bhavitabbaṃ.

    ‘‘ааран̃н̃игзнаавусо, бхигкунаа бхож̇анз мад̇д̇ан̃н̃унаа бхавид̇аб̣б̣ам̣. сажз, аавусо, ааран̃н̃иго бхож̇анз амад̇д̇ан̃н̃уу ход̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа бхож̇анз амад̇д̇ан̃н̃уу’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа бхож̇анз мад̇д̇ан̃н̃унаа бхавид̇аб̣б̣ам̣.

    ‘‘Āraññikenāvuso, bhikkhunā bhojane mattaññunā bhavitabbaṃ. Sace, āvuso, āraññiko bhojane amattaññū hoti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā bhojane amattaññū’ti – tassa bhavanti vattāro. Tasmā āraññikena bhikkhunā bhojane mattaññunā bhavitabbaṃ.

    ‘‘ааран̃н̃игзнаавусо, бхигкунаа ж̇ааг̇арияам̣ ануяуд̇д̇зна бхавид̇аб̣б̣ам̣. сажз, аавусо, ааран̃н̃иго бхигку ж̇ааг̇арияам̣ анануяуд̇д̇о ход̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа ж̇ааг̇арияам̣ анануяуд̇д̇о’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа ж̇ааг̇арияам̣ ануяуд̇д̇зна бхавид̇аб̣б̣ам̣.

    ‘‘Āraññikenāvuso, bhikkhunā jāgariyaṃ anuyuttena bhavitabbaṃ. Sace, āvuso, āraññiko bhikkhu jāgariyaṃ ananuyutto hoti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā jāgariyaṃ ananuyutto’ti – tassa bhavanti vattāro. Tasmā āraññikena bhikkhunā jāgariyaṃ anuyuttena bhavitabbaṃ.

    ‘‘ааран̃н̃игзнаавусо , бхигкунаа аарад̣̇д̇хавийриязна бхавид̇аб̣б̣ам̣. сажз, аавусо, ааран̃н̃иго бхигку гусийд̇о ход̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа гусийд̇о’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа аарад̣̇д̇хавийриязна бхавид̇аб̣б̣ам̣.

    ‘‘Āraññikenāvuso , bhikkhunā āraddhavīriyena bhavitabbaṃ. Sace, āvuso, āraññiko bhikkhu kusīto hoti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā kusīto’ti – tassa bhavanti vattāro. Tasmā āraññikena bhikkhunā āraddhavīriyena bhavitabbaṃ.

    ‘‘ааран̃н̃игзнаавусо, бхигкунаа убадтид̇ассад̇инаа бхавид̇аб̣б̣ам̣. сажз, аавусо, ааран̃н̃иго бхигку мудтассад̇ий ход̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа мудтассад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа убадтид̇ассад̇инаа бхавид̇аб̣б̣ам̣.

    ‘‘Āraññikenāvuso, bhikkhunā upaṭṭhitassatinā bhavitabbaṃ. Sace, āvuso, āraññiko bhikkhu muṭṭhassatī hoti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā muṭṭhassatī’ti – tassa bhavanti vattāro. Tasmā āraññikena bhikkhunā upaṭṭhitassatinā bhavitabbaṃ.

    ‘‘ааран̃н̃игзнаавусо, бхигкунаа самаахид̇зна бхавид̇аб̣б̣ам̣. сажз, аавусо, ааран̃н̃иго бхигку асамаахид̇о ход̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа асамаахид̇о’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа самаахид̇зна бхавид̇аб̣б̣ам̣.

    ‘‘Āraññikenāvuso, bhikkhunā samāhitena bhavitabbaṃ. Sace, āvuso, āraññiko bhikkhu asamāhito hoti, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā asamāhito’ti – tassa bhavanti vattāro. Tasmā āraññikena bhikkhunā samāhitena bhavitabbaṃ.

    ‘‘ааран̃н̃игзнаавусо, бхигкунаа бан̃н̃авад̇аа бхавид̇аб̣б̣ам̣. сажз, аавусо, ааран̃н̃иго бхигку д̣̇уббан̃н̃о ход̇и, д̇асса бхаванд̇и вад̇д̇ааро . ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа д̣̇уббан̃н̃о’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа бан̃н̃авад̇аа бхавид̇аб̣б̣ам̣.

    ‘‘Āraññikenāvuso, bhikkhunā paññavatā bhavitabbaṃ. Sace, āvuso, āraññiko bhikkhu duppañño hoti, tassa bhavanti vattāro . ‘Kiṃ panimassāyasmato āraññikassa ekassāraññe serivihārena yo ayamāyasmā duppañño’ti – tassa bhavanti vattāro. Tasmā āraññikena bhikkhunā paññavatā bhavitabbaṃ.

    ‘‘ааран̃н̃игзнаавусо, бхигкунаа абхид̇хаммз абхивинаяз яог̇о гаран̣ийяо. санд̇аавусо, ааран̃н̃игам̣ бхигкум̣ абхид̇хаммз абхивинаяз бан̃хам̣ бужчид̇ааро. сажз, аавусо, ааран̃н̃иго бхигку абхид̇хаммз абхивинаяз бан̃хам̣ будто на самбааяад̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа абхид̇хаммз абхивинаяз бан̃хам̣ будто на самбааяад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа абхид̇хаммз абхивинаяз яог̇о гаран̣ийяо.

    ‘‘Āraññikenāvuso, bhikkhunā abhidhamme abhivinaye yogo karaṇīyo. Santāvuso, āraññikaṃ bhikkhuṃ abhidhamme abhivinaye pañhaṃ pucchitāro. Sace, āvuso, āraññiko bhikkhu abhidhamme abhivinaye pañhaṃ puṭṭho na sampāyati, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā abhidhamme abhivinaye pañhaṃ puṭṭho na sampāyatī’ti – tassa bhavanti vattāro. Tasmā āraññikena bhikkhunā abhidhamme abhivinaye yogo karaṇīyo.

    ‘‘ааран̃н̃игзнаавусо , бхигкунаа яз д̇з санд̇аа вимогкаа ад̇иггамма руубз ааруббаа д̇ад̇т̇а яог̇о гаран̣ийяо. санд̇аавусо, ааран̃н̃игам̣ бхигкум̣ яз д̇з санд̇аа вимогкаа ад̇иггамма руубз ааруббаа д̇ад̇т̇а бан̃хам̣ бужчид̇ааро. сажз, аавусо, ааран̃н̃иго бхигку яз д̇з санд̇аа вимогкаа ад̇иггамма руубз ааруббаа д̇ад̇т̇а бан̃хам̣ будто на самбааяад̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа яз д̇з санд̇аа вимогкаа ад̇иггамма руубз ааруббаа д̇ад̇т̇а бан̃хам̣ будто на самбааяад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа яз д̇з санд̇аа вимогкаа ад̇иггамма руубз ааруббаа д̇ад̇т̇а яог̇о гаран̣ийяо.

    ‘‘Āraññikenāvuso , bhikkhunā ye te santā vimokkhā atikkamma rūpe āruppā tattha yogo karaṇīyo. Santāvuso, āraññikaṃ bhikkhuṃ ye te santā vimokkhā atikkamma rūpe āruppā tattha pañhaṃ pucchitāro. Sace, āvuso, āraññiko bhikkhu ye te santā vimokkhā atikkamma rūpe āruppā tattha pañhaṃ puṭṭho na sampāyati, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā ye te santā vimokkhā atikkamma rūpe āruppā tattha pañhaṃ puṭṭho na sampāyatī’ti – tassa bhavanti vattāro. Tasmā āraññikena bhikkhunā ye te santā vimokkhā atikkamma rūpe āruppā tattha yogo karaṇīyo.

    ‘‘ааран̃н̃игзнаавусо, бхигкунаа уд̇д̇ари мануссад̇хаммз яог̇о гаран̣ийяо. санд̇аавусо, ааран̃н̃игам̣ бхигкум̣ уд̇д̇ари мануссад̇хаммз бан̃хам̣ бужчид̇ааро. сажз, аавусо, ааран̃н̃иго бхигку уд̇д̇ари мануссад̇хаммз бан̃хам̣ будто на самбааяад̇и, д̇асса бхаванд̇и вад̇д̇ааро. ‘гим̣ банимассааяасмад̇о ааран̃н̃игасса згассааран̃н̃з сзривихаарзна яо аяамааяасмаа яассад̇т̇ааяа баб̣б̣аж̇ид̇о д̇амад̇т̇ам̣ на ж̇аанаад̇ий’д̇и – д̇асса бхаванд̇и вад̇д̇ааро. д̇асмаа ааран̃н̃игзна бхигкунаа уд̇д̇ари мануссад̇хаммз яог̇о гаран̣ийяо’’д̇и.

    ‘‘Āraññikenāvuso, bhikkhunā uttari manussadhamme yogo karaṇīyo. Santāvuso, āraññikaṃ bhikkhuṃ uttari manussadhamme pañhaṃ pucchitāro. Sace, āvuso, āraññiko bhikkhu uttari manussadhamme pañhaṃ puṭṭho na sampāyati, tassa bhavanti vattāro. ‘Kiṃ panimassāyasmato āraññikassa ekassāraññe serivihārena yo ayamāyasmā yassatthāya pabbajito tamatthaṃ na jānātī’ti – tassa bhavanti vattāro. Tasmā āraññikena bhikkhunā uttari manussadhamme yogo karaṇīyo’’ti.

    звам̣ вуд̇д̇з, ааяасмаа махаамог̇г̇аллаано 17 ааяасманд̇ам̣ саарибуд̇д̇ам̣ зд̇ад̣̇авожа – ‘‘ааран̃н̃игзнзва ну ко, аавусо саарибуд̇д̇а, бхигкунаа имз д̇хаммаа самаад̣̇ааяа вад̇д̇ид̇аб̣б̣аа уд̣̇ааху г̇ааманд̇авихааринаабий’’д̇и ? ‘‘ааран̃н̃игзнааби ко, аавусо мог̇г̇аллаана, бхигкунаа имз д̇хаммаа самаад̣̇ааяа вад̇д̇ид̇аб̣б̣аа баг̇зва г̇ааманд̇авихааринаа’’д̇и.

    Evaṃ vutte, āyasmā mahāmoggallāno 18 āyasmantaṃ sāriputtaṃ etadavoca – ‘‘āraññikeneva nu kho, āvuso sāriputta, bhikkhunā ime dhammā samādāya vattitabbā udāhu gāmantavihārināpī’’ti ? ‘‘Āraññikenāpi kho, āvuso moggallāna, bhikkhunā ime dhammā samādāya vattitabbā pageva gāmantavihārinā’’ti.

    г̇олияаанисуд̇д̇ам̣ нидтид̇ам̣ навамам̣.

    Goliyānisuttaṃ niṭṭhitaṃ navamaṃ.




    Next: 10. гийдааг̇ирисуд̇д̇ам̣ • 10. Kīṭāgirisuttaṃ




    Footnotes:
    1. г̇улиссаани (сий. бий.), г̇олиссаани (сяаа. гам̣.)
    2. ааран̃н̃аго (саб̣б̣ад̇т̇а)
    3. бад̣̇арасамаажааро (сий. сяаа. гам̣. бий.)
    4. gulissāni (sī. pī.), golissāni (syā. kaṃ.)
    5. āraññako (sabbattha)
    6. padarasamācāro (sī. syā. kaṃ. pī.)
    7. аббад̇иссод̇исса (сий. бий.)
    8. appatissotissa (sī. pī.)
    9. яо аяамааяасмаа аабхисамаажааригамби д̇хаммам̣ на ж̇аанаад̇ийд̇и (сий. сяаа. гам̣. бий.)
    10. yo ayamāyasmā ābhisamācārikampi dhammaṃ na jānātīti (sī. syā. kaṃ. pī.)
    11. аяам̣ аабхисамаажааригад̇ад̇ияавааро сий. сяаа. гам̣. бий. бод̇т̇агзсу на д̣̇иссад̇и
    12. ayaṃ ābhisamācārikatatiyavāro sī. syā. kaṃ. pī. potthakesu na dissati
    13. на д̣̇иваа (сяаа. гам̣. бий. га.)
    14. na divā (syā. kaṃ. pī. ka.)
    15. суб̣б̣ажзна (сий. га.)
    16. subbacena (sī. ka.)
    17. махаамог̇г̇алаано (га.)
    18. mahāmoggalāno (ka.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. г̇олияаанисуд̇д̇аван̣н̣анаа • 9. Goliyānisuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. г̇олияаанисуд̇д̇аван̣н̣анаа • 9. Goliyānisuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact