| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
4. г̇омаяабин̣д̣асуд̇д̇ам̣
4. Gomayapiṇḍasuttaṃ
96. саавад̇т̇инид̣̇аанам̣ . згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘ад̇т̇и ну ко, бханд̇з, гин̃жи руубам̣ яам̣ руубам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇и? ад̇т̇и ну ко, бханд̇з, гаажи взд̣̇анаа яаа взд̣̇анаа нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассад̇и? ад̇т̇и ну ко, бханд̇з, гаажи сан̃н̃аа яаа сан̃н̃аа…бз… ад̇т̇и ну ко, бханд̇з, гзжи сан̇каараа яз сан̇каараа нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассанд̇и? ад̇т̇и ну ко, бханд̇з, гин̃жи вин̃н̃аан̣ам̣, яам̣ вин̃н̃аан̣ам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇ий’’д̇и? ‘‘над̇т̇и ко, бхигку, гин̃жи руубам̣, яам̣ руубам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇и. над̇т̇и ко, бхигку, гаажи взд̣̇анаа… гаажи сан̃н̃аа… гзжи сан̇каараа… гин̃жи вин̃н̃аан̣ам̣ , яам̣ вин̃н̃аан̣ам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇ий’’д̇и.
96. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘atthi nu kho, bhante, kiñci rūpaṃ yaṃ rūpaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati? Atthi nu kho, bhante, kāci vedanā yā vedanā niccā dhuvā sassatā avipariṇāmadhammā sassatisamaṃ tatheva ṭhassati? Atthi nu kho, bhante, kāci saññā yā saññā…pe… atthi nu kho, bhante, keci saṅkhārā ye saṅkhārā niccā dhuvā sassatā avipariṇāmadhammā sassatisamaṃ tatheva ṭhassanti? Atthi nu kho, bhante, kiñci viññāṇaṃ, yaṃ viññāṇaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassatī’’ti? ‘‘Natthi kho, bhikkhu, kiñci rūpaṃ, yaṃ rūpaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati. Natthi kho, bhikkhu, kāci vedanā… kāci saññā… keci saṅkhārā… kiñci viññāṇaṃ , yaṃ viññāṇaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassatī’’ti.
ат̇а ко бхаг̇аваа барид̇д̇ам̣ г̇омаяабин̣д̣ам̣ баан̣инаа г̇ахзд̇ваа д̇ам̣ бхигкум̣ зд̇ад̣̇авожа – ‘‘зд̇д̇агоби ко, бхигку, ад̇д̇абхаавабадилаабхо над̇т̇и нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва тассад̇и. зд̇д̇аго жзби, бхигку, ад̇д̇абхаавабадилаабхо абхависса нижжо д̇хуво сассад̇о авибарин̣аамад̇хаммо, наяид̣̇ам̣ б̣рахмажарияаваасо бан̃н̃ааязт̇а саммаа д̣̇угкагкаяааяа. яасмаа жа ко, бхигку, зд̇д̇агоби ад̇д̇абхаавабадилаабхо над̇т̇и нижжо д̇хуво сассад̇о авибарин̣аамад̇хаммо, д̇асмаа б̣рахмажарияаваасо бан̃н̃ааяад̇и саммаа д̣̇угкагкаяааяа.
Atha kho bhagavā parittaṃ gomayapiṇḍaṃ pāṇinā gahetvā taṃ bhikkhuṃ etadavoca – ‘‘ettakopi kho, bhikkhu, attabhāvapaṭilābho natthi nicco dhuvo sassato avipariṇāmadhammo sassatisamaṃ tatheva ṭhassati. Ettako cepi, bhikkhu, attabhāvapaṭilābho abhavissa nicco dhuvo sassato avipariṇāmadhammo, nayidaṃ brahmacariyavāso paññāyetha sammā dukkhakkhayāya. Yasmā ca kho, bhikkhu, ettakopi attabhāvapaṭilābho natthi nicco dhuvo sassato avipariṇāmadhammo, tasmā brahmacariyavāso paññāyati sammā dukkhakkhayāya.
‘‘бхууд̇абуб̣б̣аахам̣, бхигку, рааж̇аа ахосим̣ кад̇д̇ияо муд̣̇д̇хаавасид̇д̇о. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇инаг̇арасахассаани ахзсум̣ гусаавад̇ий рааж̇ад̇хааниббамукаани. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇ибаасаад̣̇асахассаани ахзсум̣ д̇хаммабаасаад̣̇аббамукаани. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇игуудааг̇аарасахассаани ахзсум̣ махааб̣яуухагуудааг̇аараббамукаани 1. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇ибаллан̇гасахассаани ахзсум̣ д̣̇анд̇амаяаани саарамаяаани сован̣н̣амаяаани г̇он̣агад̇т̇ад̇аани бадигад̇т̇ад̇аани бадалигад̇т̇ад̇аани гад̣̇алимиг̇абаварабажжад̇т̇аран̣аани 2 сауд̇д̇аражчад̣̇аани убхад̇олохид̇агуубад̇хаанаани. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇инааг̇асахассаани ахзсум̣ сован̣н̣аалан̇гаараани сован̣н̣ад̣̇д̇хаж̇аани хзмаж̇аалабадижчаннаани убосат̇анааг̇арааж̇аббамукаани. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇иассасахассаани ахзсум̣ сован̣н̣аалан̇гаараани сован̣н̣ад̣̇д̇хаж̇аани хзмаж̇аалабадижчаннаани валаахагаассарааж̇аббамукаани. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇ират̇асахассаани ахзсум̣ сован̣н̣аалан̇гаараани сован̣н̣ад̣̇д̇хаж̇аани хзмаж̇аалабадижчаннаани взж̇аяанд̇арат̇аббамукаани. д̇асса маяхам̣, бхигку, ран̃н̃о сад̇о кад̇д̇ияасса муд̣̇д̇хаавасид̇д̇асса жад̇ураасийд̇иман̣исахассаани ахзсум̣ ман̣ирад̇анаббамукаани. д̇асса маяхам̣, бхигку…бз… жад̇ураасийд̇иид̇т̇исахассаани ахзсум̣ субхад̣̇д̣̇аад̣̇звиббамукаани. д̇асса маяхам̣, бхигку…бз… жад̇ураасийд̇икад̇д̇ияасахассаани ахзсум̣ ануяанд̇аани барин̣ааяагарад̇анаббамукаани. д̇асса маяхам̣, бхигку…бз… жад̇ураасийд̇ид̇хзнусахассаани ахзсум̣ д̣̇угууласанд̣̇анаани гам̣суубад̇хааран̣аани. д̇асса маяхам̣, бхигку…бз… жад̇ураасийд̇ивад̇т̇агодисахассаани ахзсум̣ комасукумаани госзяяасукумаани гамб̣аласукумаани габбаасигасукумаани. д̇асса маяхам̣, бхигку…бз… жад̇ураасийд̇ит̇аалибаагасахассаани ахзсум̣; сааяам̣ баад̇ам̣ бхад̇д̇аабхихааро абхихарияид̇т̇а.
‘‘Bhūtapubbāhaṃ, bhikkhu, rājā ahosiṃ khattiyo muddhāvasitto. Tassa mayhaṃ, bhikkhu, rañño sato khattiyassa muddhāvasittassa caturāsītinagarasahassāni ahesuṃ kusāvatī rājadhānippamukhāni. Tassa mayhaṃ, bhikkhu, rañño sato khattiyassa muddhāvasittassa caturāsītipāsādasahassāni ahesuṃ dhammapāsādappamukhāni. Tassa mayhaṃ, bhikkhu, rañño sato khattiyassa muddhāvasittassa caturāsītikūṭāgārasahassāni ahesuṃ mahābyūhakūṭāgārappamukhāni 3. Tassa mayhaṃ, bhikkhu, rañño sato khattiyassa muddhāvasittassa caturāsītipallaṅkasahassāni ahesuṃ dantamayāni sāramayāni sovaṇṇamayāni goṇakatthatāni paṭikatthatāni paṭalikatthatāni kadalimigapavarapaccattharaṇāni 4 sauttaracchadāni ubhatolohitakūpadhānāni. Tassa mayhaṃ, bhikkhu, rañño sato khattiyassa muddhāvasittassa caturāsītināgasahassāni ahesuṃ sovaṇṇālaṅkārāni sovaṇṇaddhajāni hemajālapaṭicchannāni uposathanāgarājappamukhāni. Tassa mayhaṃ, bhikkhu, rañño sato khattiyassa muddhāvasittassa caturāsītiassasahassāni ahesuṃ sovaṇṇālaṅkārāni sovaṇṇaddhajāni hemajālapaṭicchannāni valāhakaassarājappamukhāni. Tassa mayhaṃ, bhikkhu, rañño sato khattiyassa muddhāvasittassa caturāsītirathasahassāni ahesuṃ sovaṇṇālaṅkārāni sovaṇṇaddhajāni hemajālapaṭicchannāni vejayantarathappamukhāni. Tassa mayhaṃ, bhikkhu, rañño sato khattiyassa muddhāvasittassa caturāsītimaṇisahassāni ahesuṃ maṇiratanappamukhāni. Tassa mayhaṃ, bhikkhu…pe… caturāsītiitthisahassāni ahesuṃ subhaddādevippamukhāni. Tassa mayhaṃ, bhikkhu…pe… caturāsītikhattiyasahassāni ahesuṃ anuyantāni pariṇāyakaratanappamukhāni. Tassa mayhaṃ, bhikkhu…pe… caturāsītidhenusahassāni ahesuṃ dukūlasandanāni kaṃsūpadhāraṇāni. Tassa mayhaṃ, bhikkhu…pe… caturāsītivatthakoṭisahassāni ahesuṃ khomasukhumāni koseyyasukhumāni kambalasukhumāni kappāsikasukhumāni. Tassa mayhaṃ, bhikkhu…pe… caturāsītithālipākasahassāni ahesuṃ; sāyaṃ pātaṃ bhattābhihāro abhihariyittha.
‘‘д̇зсам̣ ко бана, бхигку, жад̇ураасийд̇ияаа наг̇арасахассаанам̣ зган̃н̃зва д̇ам̣ наг̇арам̣ ход̇и яамахам̣ д̇зна самаязна аж̇жхаавасаами – гусаавад̇ий рааж̇ад̇хааний. д̇зсам̣ ко бана, бхигку, жад̇ураасийд̇ияаа баасаад̣̇асахассаанам̣ згоязва со баасаад̣̇о ход̇и яамахам̣ д̇зна самаязна аж̇жхаавасаами – д̇хаммо баасаад̣̇о. д̇зсам̣ ко бана, бхигку, жад̇ураасийд̇ияаа гуудааг̇аарасахассаанам̣ зган̃н̃зва д̇ам̣ гуудааг̇аарам̣ ход̇и яамахам̣ д̇зна самаязна аж̇жхаавасаами – махааб̣яуухам̣ гуудааг̇аарам̣. д̇зсам̣ ко бана, бхигку, жад̇ураасийд̇ияаа баллан̇гасахассаанам̣ згоязва со баллан̇го ход̇и яамахам̣ д̇зна самаязна барибхун̃ж̇аами – д̣̇анд̇амаяо ваа саарамаяо ваа сован̣н̣амаяо ваа руубияамаяо ваа. д̇зсам̣ ко бана, бхигку, жад̇ураасийд̇ияаа нааг̇асахассаанам̣ згоязва со нааг̇о ход̇и яамахам̣ д̇зна самаязна абхирухаами – убосат̇о нааг̇арааж̇аа. д̇зсам̣ ко бана, бхигку, жад̇ураасийд̇ияаа ассасахассаанам̣ згоязва со ассо ход̇и яамахам̣ д̇зна самаязна абхирухаами – валаахаго ассарааж̇аа. д̇зсам̣ ко бана, бхигку, жад̇ураасийд̇ияаа рат̇асахассаанам̣ згоязва со рат̇о ход̇и яамахам̣ д̇зна самаязна абхирухаами – взж̇аяанд̇о рат̇о. д̇зсам̣ ко бана, бхигку, жад̇ураасийд̇ияаа ид̇т̇исахассаанам̣ згааязва саа ид̇т̇ий ход̇и яаа мам̣ д̇зна самаязна бажжубадтаад̇и – кад̇д̇ияааний ваа взлаамигаа ваа. д̇зсам̣ ко бана, бхигку, жад̇ураасийд̇ияаа вад̇т̇агодисахассаанам̣ зган̃н̃зва д̇ам̣ вад̇т̇аяуг̇ам̣ ход̇и яамахам̣ д̇зна самаязна барид̣̇ахаами – комасукумам̣ ваа госзяяасукумам̣ ваа гамб̣аласукумам̣ ваа габбаасигасукумам̣ ваа. д̇зсам̣ ко бана, бхигку, жад̇ураасийд̇ияаа т̇аалибаагасахассаанам̣ згоязва со т̇аалибааго ход̇и яад̇о наал̣игод̣̇анабарамам̣ бхун̃ж̇аами д̇ад̣̇убияан̃жа суубзяяам̣ 5. ид̇и ко, бхигку, саб̣б̣з д̇з сан̇каараа ад̇ийд̇аа нируд̣̇д̇хаа вибарин̣ад̇аа. звам̣ анижжаа ко, бхигку, сан̇каараа. звам̣ ад̣̇д̇хуваа ко, бхигку, сан̇каараа. звам̣ анассаасигаа ко, бхигку, сан̇каараа. яааван̃жид̣̇ам̣ , бхигку, аламзва саб̣б̣асан̇каарзсу ниб̣б̣инд̣̇ид̇ум̣, алам̣ вираж̇ж̇ид̇ум̣, алам̣ вимужжид̇у’’нд̇и. жад̇уд̇т̇ам̣.
‘‘Tesaṃ kho pana, bhikkhu, caturāsītiyā nagarasahassānaṃ ekaññeva taṃ nagaraṃ hoti yamahaṃ tena samayena ajjhāvasāmi – kusāvatī rājadhānī. Tesaṃ kho pana, bhikkhu, caturāsītiyā pāsādasahassānaṃ ekoyeva so pāsādo hoti yamahaṃ tena samayena ajjhāvasāmi – dhammo pāsādo. Tesaṃ kho pana, bhikkhu, caturāsītiyā kūṭāgārasahassānaṃ ekaññeva taṃ kūṭāgāraṃ hoti yamahaṃ tena samayena ajjhāvasāmi – mahābyūhaṃ kūṭāgāraṃ. Tesaṃ kho pana, bhikkhu, caturāsītiyā pallaṅkasahassānaṃ ekoyeva so pallaṅko hoti yamahaṃ tena samayena paribhuñjāmi – dantamayo vā sāramayo vā sovaṇṇamayo vā rūpiyamayo vā. Tesaṃ kho pana, bhikkhu, caturāsītiyā nāgasahassānaṃ ekoyeva so nāgo hoti yamahaṃ tena samayena abhiruhāmi – uposatho nāgarājā. Tesaṃ kho pana, bhikkhu, caturāsītiyā assasahassānaṃ ekoyeva so asso hoti yamahaṃ tena samayena abhiruhāmi – valāhako assarājā. Tesaṃ kho pana, bhikkhu, caturāsītiyā rathasahassānaṃ ekoyeva so ratho hoti yamahaṃ tena samayena abhiruhāmi – vejayanto ratho. Tesaṃ kho pana, bhikkhu, caturāsītiyā itthisahassānaṃ ekāyeva sā itthī hoti yā maṃ tena samayena paccupaṭṭhāti – khattiyānī vā velāmikā vā. Tesaṃ kho pana, bhikkhu, caturāsītiyā vatthakoṭisahassānaṃ ekaññeva taṃ vatthayugaṃ hoti yamahaṃ tena samayena paridahāmi – khomasukhumaṃ vā koseyyasukhumaṃ vā kambalasukhumaṃ vā kappāsikasukhumaṃ vā. Tesaṃ kho pana, bhikkhu, caturāsītiyā thālipākasahassānaṃ ekoyeva so thālipāko hoti yato nāḷikodanaparamaṃ bhuñjāmi tadupiyañca sūpeyyaṃ 6. Iti kho, bhikkhu, sabbe te saṅkhārā atītā niruddhā vipariṇatā. Evaṃ aniccā kho, bhikkhu, saṅkhārā. Evaṃ addhuvā kho, bhikkhu, saṅkhārā. Evaṃ anassāsikā kho, bhikkhu, saṅkhārā. Yāvañcidaṃ , bhikkhu, alameva sabbasaṅkhāresu nibbindituṃ, alaṃ virajjituṃ, alaṃ vimuccitu’’nti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-6. г̇омаяабин̣д̣асуд̇д̇аад̣̇иван̣н̣анаа • 4-6. Gomayapiṇḍasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-6. г̇омаяабин̣д̣асуд̇д̇аад̣̇иван̣н̣анаа • 4-6. Gomayapiṇḍasuttādivaṇṇanā
