| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. г̇обагамог̇г̇аллаанасуд̇д̇ам̣
8. Gopakamoggallānasuttaṃ
79. звам̣ мз суд̇ам̣ – згам̣ самаяам̣ ааяасмаа аананд̣̇о рааж̇аг̇ахз вихарад̇и взл̣уванз галанд̣̇аганиваабз ажирабариниб̣б̣уд̇з бхаг̇авад̇и. д̇зна ко бана самаязна рааж̇аа мааг̇ад̇хо аж̇аад̇асад̇д̇у взд̣̇зхибуд̇д̇о рааж̇аг̇ахам̣ бадисан̇каараабзд̇и ран̃н̃о баж̇ж̇од̇асса аасан̇гамаано. ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи. ат̇а ко ааяасмад̇о аананд̣̇асса зд̇ад̣̇ахоси – ‘‘ад̇иббаг̇о ко д̇аава рааж̇аг̇ахз бин̣д̣ааяа жарид̇ум̣. яам̣нуунаахам̣ язна г̇обагамог̇г̇аллаанасса б̣раахман̣асса гамманд̇о, язна г̇обагамог̇г̇аллаано б̣раахман̣о д̇знубасан̇гамзяяа’’нд̇и.
79. Evaṃ me sutaṃ – ekaṃ samayaṃ āyasmā ānando rājagahe viharati veḷuvane kalandakanivāpe aciraparinibbute bhagavati. Tena kho pana samayena rājā māgadho ajātasattu vedehiputto rājagahaṃ paṭisaṅkhārāpeti rañño pajjotassa āsaṅkamāno. Atha kho āyasmā ānando pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi. Atha kho āyasmato ānandassa etadahosi – ‘‘atippago kho tāva rājagahe piṇḍāya carituṃ. Yaṃnūnāhaṃ yena gopakamoggallānassa brāhmaṇassa kammanto, yena gopakamoggallāno brāhmaṇo tenupasaṅkameyya’’nti.
ат̇а ко ааяасмаа аананд̣̇о язна г̇обагамог̇г̇аллаанасса б̣раахман̣асса гамманд̇о, язна г̇обагамог̇г̇аллаано б̣раахман̣о д̇знубасан̇гами. ад̣̇д̣̇асаа ко г̇обагамог̇г̇аллаано б̣раахман̣о ааяасманд̇ам̣ аананд̣̇ам̣ д̣̇уурад̇ова ааг̇ажчанд̇ам̣. д̣̇исваана ааяасманд̇ам̣ аананд̣̇ам̣ зд̇ад̣̇авожа – ‘‘зд̇у ко бхавам̣ аананд̣̇о. свааг̇ад̇ам̣ бход̇о аананд̣̇асса. жирассам̣ ко бхавам̣ аананд̣̇о имам̣ барияааяамагааси яад̣̇ид̣̇ам̣ ид̇хааг̇аманааяа. нисийд̣̇ад̇у бхавам̣ аананд̣̇о, ид̣̇амаасанам̣ бан̃н̃ад̇д̇а’’нд̇и. нисийд̣̇и ко ааяасмаа аананд̣̇о бан̃н̃ад̇д̇з аасанз. г̇обагамог̇г̇аллааноби ко б̣раахман̣о ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко г̇обагамог̇г̇аллаано б̣раахман̣о ааяасманд̇ам̣ аананд̣̇ам̣ зд̇ад̣̇авожа – ‘‘ад̇т̇и ну ко, бхо аананд̣̇а, згабхигкуби д̇зхи д̇хаммзхи саб̣б̣знасаб̣б̣ам̣ саб̣б̣ат̇аасаб̣б̣ам̣ саманнааг̇ад̇о язхи д̇хаммзхи саманнааг̇ад̇о со бхавам̣ г̇од̇амо ахоси арахам̣ саммаасамб̣уд̣̇д̇хо’’д̇и? ‘‘над̇т̇и ко, б̣раахман̣а, згабхигкуби д̇зхи д̇хаммзхи саб̣б̣знасаб̣б̣ам̣ саб̣б̣ат̇аасаб̣б̣ам̣ саманнааг̇ад̇о язхи д̇хаммзхи саманнааг̇ад̇о со бхаг̇аваа ахоси арахам̣ саммаасамб̣уд̣̇д̇хо. со хи, б̣раахман̣а, бхаг̇аваа ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇анзд̇аа, анагкаад̇асса маг̇г̇асса агкаад̇аа, маг̇г̇ан̃н̃уу, маг̇г̇авид̣̇уу, маг̇г̇аговид̣̇о; маг̇г̇аануг̇аа жа бана зд̇арахи саавагаа вихаранд̇и бажчаа саманнааг̇ад̇аа’’д̇и. аяан̃жа хид̣̇ам̣ ааяасмад̇о аананд̣̇асса г̇обагамог̇г̇аллаанзна б̣раахман̣зна сад̣̇д̇хим̣ анд̇араагат̇аа виббагад̇аа ахоси.
Atha kho āyasmā ānando yena gopakamoggallānassa brāhmaṇassa kammanto, yena gopakamoggallāno brāhmaṇo tenupasaṅkami. Addasā kho gopakamoggallāno brāhmaṇo āyasmantaṃ ānandaṃ dūratova āgacchantaṃ. Disvāna āyasmantaṃ ānandaṃ etadavoca – ‘‘etu kho bhavaṃ ānando. Svāgataṃ bhoto ānandassa. Cirassaṃ kho bhavaṃ ānando imaṃ pariyāyamakāsi yadidaṃ idhāgamanāya. Nisīdatu bhavaṃ ānando, idamāsanaṃ paññatta’’nti. Nisīdi kho āyasmā ānando paññatte āsane. Gopakamoggallānopi kho brāhmaṇo aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho gopakamoggallāno brāhmaṇo āyasmantaṃ ānandaṃ etadavoca – ‘‘atthi nu kho, bho ānanda, ekabhikkhupi tehi dhammehi sabbenasabbaṃ sabbathāsabbaṃ samannāgato yehi dhammehi samannāgato so bhavaṃ gotamo ahosi arahaṃ sammāsambuddho’’ti? ‘‘Natthi kho, brāhmaṇa, ekabhikkhupi tehi dhammehi sabbenasabbaṃ sabbathāsabbaṃ samannāgato yehi dhammehi samannāgato so bhagavā ahosi arahaṃ sammāsambuddho. So hi, brāhmaṇa, bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū, maggavidū, maggakovido; maggānugā ca pana etarahi sāvakā viharanti pacchā samannāgatā’’ti. Ayañca hidaṃ āyasmato ānandassa gopakamoggallānena brāhmaṇena saddhiṃ antarākathā vippakatā ahosi.
ат̇а ко вассагааро б̣раахман̣о маг̇ад̇хамахаамад̇д̇о рааж̇аг̇ахз гамманд̇з анусан̃н̃ааяамаано язна г̇обагамог̇г̇аллаанасса б̣раахман̣асса гамманд̇о, язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко вассагааро б̣раахман̣о маг̇ад̇хамахаамад̇д̇о ааяасманд̇ам̣ аананд̣̇ам̣ зд̇ад̣̇авожа – ‘‘гааяануд̇т̇а, бхо аананд̣̇а, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и? ‘‘ид̇ха мам̣, б̣раахман̣а, г̇обагамог̇г̇аллаано б̣раахман̣о звамааха – ‘ад̇т̇и ну ко, бхо аананд̣̇а, згабхигкуби д̇зхи д̇хаммзхи саб̣б̣знасаб̣б̣ам̣ саб̣б̣ат̇аасаб̣б̣ам̣ саманнааг̇ад̇о язхи д̇хаммзхи саманнааг̇ад̇о со бхавам̣ г̇од̇амо ахоси арахам̣ саммаасамб̣уд̣̇д̇хо’д̇и. звам̣ вуд̇д̇з ахам̣, б̣раахман̣а, г̇обагамог̇г̇аллаанам̣ б̣раахман̣ам̣ зд̇ад̣̇авожам̣ – ‘над̇т̇и ко, б̣раахман̣а, згабхигкуби д̇зхи д̇хаммзхи саб̣б̣знасаб̣б̣ам̣ саб̣б̣ат̇аасаб̣б̣ам̣ саманнааг̇ад̇о язхи д̇хаммзхи саманнааг̇ад̇о со бхаг̇аваа ахоси арахам̣ саммаасамб̣уд̣̇д̇хо. со хи, б̣раахман̣а, бхаг̇аваа ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇анзд̇аа, анагкаад̇асса маг̇г̇асса агкаад̇аа, маг̇г̇ан̃н̃уу, маг̇г̇авид̣̇уу, маг̇г̇аговид̣̇о; маг̇г̇аануг̇аа жа бана зд̇арахи саавагаа вихаранд̇и бажчаа саманнааг̇ад̇аа’д̇и. аяам̣ ко но, б̣раахман̣а, г̇обагамог̇г̇аллаанзна б̣раахман̣зна сад̣̇д̇хим̣ анд̇араагат̇аа виббагад̇аа. ат̇а д̇вам̣ ануббад̇д̇о’’д̇и.
Atha kho vassakāro brāhmaṇo magadhamahāmatto rājagahe kammante anusaññāyamāno yena gopakamoggallānassa brāhmaṇassa kammanto, yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vassakāro brāhmaṇo magadhamahāmatto āyasmantaṃ ānandaṃ etadavoca – ‘‘kāyanuttha, bho ānanda, etarahi kathāya sannisinnā, kā ca pana vo antarākathā vippakatā’’ti? ‘‘Idha maṃ, brāhmaṇa, gopakamoggallāno brāhmaṇo evamāha – ‘atthi nu kho, bho ānanda, ekabhikkhupi tehi dhammehi sabbenasabbaṃ sabbathāsabbaṃ samannāgato yehi dhammehi samannāgato so bhavaṃ gotamo ahosi arahaṃ sammāsambuddho’ti. Evaṃ vutte ahaṃ, brāhmaṇa, gopakamoggallānaṃ brāhmaṇaṃ etadavocaṃ – ‘natthi kho, brāhmaṇa, ekabhikkhupi tehi dhammehi sabbenasabbaṃ sabbathāsabbaṃ samannāgato yehi dhammehi samannāgato so bhagavā ahosi arahaṃ sammāsambuddho. So hi, brāhmaṇa, bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū, maggavidū, maggakovido; maggānugā ca pana etarahi sāvakā viharanti pacchā samannāgatā’ti. Ayaṃ kho no, brāhmaṇa, gopakamoggallānena brāhmaṇena saddhiṃ antarākathā vippakatā. Atha tvaṃ anuppatto’’ti.
80. ‘‘ад̇т̇и ну ко, бхо аананд̣̇а, згабхигкуби д̇зна бход̇аа г̇од̇амзна табид̇о – ‘аяам̣ во мамажжаязна бадисаран̣ам̣ бхависсад̇ий’д̇и, яам̣ д̇умхз зд̇арахи бадибаад̣̇зяяаат̇аа’’д̇и 1? ‘‘над̇т̇и ко, б̣раахман̣а, згабхигкуби д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна табид̇о – ‘аяам̣ во мамажжаязна бадисаран̣ам̣ бхависсад̇ий’д̇и, яам̣ маяам̣ зд̇арахи бадибаад̣̇зяяаамаа’’д̇и. ‘‘ад̇т̇и бана, бхо аананд̣̇а, згабхигкуби сан̇гхзна саммад̇о, самб̣ахулзхи т̇зрзхи бхигкуухи табид̇о – ‘аяам̣ но бхаг̇авад̇о ажжаязна бадисаран̣ам̣ бхависсад̇ий’д̇и, яам̣ д̇умхз зд̇арахи бадибаад̣̇зяяаат̇аа’’д̇и? ‘‘над̇т̇и ко, б̣раахман̣а, згабхигкуби сан̇гхзна саммад̇о, самб̣ахулзхи т̇зрзхи бхигкуухи табид̇о – ‘аяам̣ но бхаг̇авад̇о ажжаязна бадисаран̣ам̣ бхависсад̇ий’д̇и, яам̣ маяам̣ зд̇арахи бадибаад̣̇зяяаамаа’’д̇и. ‘‘звам̣ аббадисаран̣з жа бана, бхо аананд̣̇а, го хзд̇у саамаг̇г̇ияаа’’д̇и? ‘‘на ко маяам̣, б̣раахман̣а, аббадисаран̣аа; саббадисаран̣аа маяам̣, б̣раахман̣а; д̇хаммаббадисаран̣аа’’д̇и.
80. ‘‘Atthi nu kho, bho ānanda, ekabhikkhupi tena bhotā gotamena ṭhapito – ‘ayaṃ vo mamaccayena paṭisaraṇaṃ bhavissatī’ti, yaṃ tumhe etarahi paṭipādeyyāthā’’ti 2? ‘‘Natthi kho, brāhmaṇa, ekabhikkhupi tena bhagavatā jānatā passatā arahatā sammāsambuddhena ṭhapito – ‘ayaṃ vo mamaccayena paṭisaraṇaṃ bhavissatī’ti, yaṃ mayaṃ etarahi paṭipādeyyāmā’’ti. ‘‘Atthi pana, bho ānanda, ekabhikkhupi saṅghena sammato, sambahulehi therehi bhikkhūhi ṭhapito – ‘ayaṃ no bhagavato accayena paṭisaraṇaṃ bhavissatī’ti, yaṃ tumhe etarahi paṭipādeyyāthā’’ti? ‘‘Natthi kho, brāhmaṇa, ekabhikkhupi saṅghena sammato, sambahulehi therehi bhikkhūhi ṭhapito – ‘ayaṃ no bhagavato accayena paṭisaraṇaṃ bhavissatī’ti, yaṃ mayaṃ etarahi paṭipādeyyāmā’’ti. ‘‘Evaṃ appaṭisaraṇe ca pana, bho ānanda, ko hetu sāmaggiyā’’ti? ‘‘Na kho mayaṃ, brāhmaṇa, appaṭisaraṇā; sappaṭisaraṇā mayaṃ, brāhmaṇa; dhammappaṭisaraṇā’’ti.
‘‘‘ад̇т̇и ну ко, бхо аананд̣̇а, згабхигкуби д̇зна бход̇аа г̇од̇амзна табид̇о – аяам̣ во мамажжаязна бадисаран̣ам̣ бхависсад̇ийд̇и, яам̣ д̇умхз зд̇арахи бадибаад̣̇зяяаат̇аа’д̇и – ид̇и будто самаано ‘над̇т̇и ко, б̣раахман̣а, згабхигкуби д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна табид̇о – аяам̣ во мамажжаязна бадисаран̣ам̣ бхависсад̇ийд̇и, яам̣ маяам̣ зд̇арахи бадибаад̣̇зяяаамаа’д̇и вад̣̇зси; ‘ад̇т̇и бана, бхо аананд̣̇а, згабхигкуби сан̇гхзна саммад̇о, самб̣ахулзхи т̇зрзхи бхигкуухи табид̇о – аяам̣ но бхаг̇авад̇о ажжаязна бадисаран̣ам̣ бхависсад̇ийд̇и, яам̣ д̇умхз зд̇арахи бадибаад̣̇зяяаат̇аа’д̇и – ид̇и будто самаано ‘над̇т̇и ко, б̣раахман̣а, згабхигкуби сан̇гхзна саммад̇о, самб̣ахулзхи т̇зрзхи бхигкуухи табид̇о – аяам̣ но бхаг̇авад̇о ажжаязна бадисаран̣ам̣ бхависсад̇ийд̇и, яам̣ маяам̣ зд̇арахи бадибаад̣̇зяяаамаа’д̇и – вад̣̇зси; ‘звам̣ аббадисаран̣з жа бана, бхо аананд̣̇а, го хзд̇у саамаг̇г̇ияаа’д̇и ид̇и будто самаано ‘на ко маяам̣, б̣раахман̣а , аббадисаран̣аа; саббадисаран̣аа маяам̣, б̣раахман̣а; д̇хаммаббадисаран̣аа’д̇и вад̣̇зси. имасса бана, бхо аананд̣̇а, бхаасид̇асса гат̇ам̣ ад̇т̇о д̣̇адтаб̣б̣о’’д̇и?
‘‘‘Atthi nu kho, bho ānanda, ekabhikkhupi tena bhotā gotamena ṭhapito – ayaṃ vo mamaccayena paṭisaraṇaṃ bhavissatīti, yaṃ tumhe etarahi paṭipādeyyāthā’ti – iti puṭṭho samāno ‘natthi kho, brāhmaṇa, ekabhikkhupi tena bhagavatā jānatā passatā arahatā sammāsambuddhena ṭhapito – ayaṃ vo mamaccayena paṭisaraṇaṃ bhavissatīti, yaṃ mayaṃ etarahi paṭipādeyyāmā’ti vadesi; ‘atthi pana, bho ānanda, ekabhikkhupi saṅghena sammato, sambahulehi therehi bhikkhūhi ṭhapito – ayaṃ no bhagavato accayena paṭisaraṇaṃ bhavissatīti, yaṃ tumhe etarahi paṭipādeyyāthā’ti – iti puṭṭho samāno ‘natthi kho, brāhmaṇa, ekabhikkhupi saṅghena sammato, sambahulehi therehi bhikkhūhi ṭhapito – ayaṃ no bhagavato accayena paṭisaraṇaṃ bhavissatīti, yaṃ mayaṃ etarahi paṭipādeyyāmā’ti – vadesi; ‘evaṃ appaṭisaraṇe ca pana, bho ānanda, ko hetu sāmaggiyā’ti iti puṭṭho samāno ‘na kho mayaṃ, brāhmaṇa , appaṭisaraṇā; sappaṭisaraṇā mayaṃ, brāhmaṇa; dhammappaṭisaraṇā’ti vadesi. Imassa pana, bho ānanda, bhāsitassa kathaṃ attho daṭṭhabbo’’ti?
81. ‘‘ад̇т̇и ко, б̣раахман̣а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна бхигкуунам̣ сигкаабад̣̇ам̣ бан̃н̃ад̇д̇ам̣, баад̇имогкам̣ уд̣̇д̣̇идтам̣. д̇з маяам̣ д̇ад̣̇ахубосат̇з яаавад̇игаа згам̣ г̇аамакзд̇д̇ам̣ убаниссааяа вихараама д̇з саб̣б̣з згаж̇жхам̣ саннибад̇аама; саннибад̇ид̇ваа яасса д̇ам̣ бавад̇д̇ад̇и д̇ам̣ аж̇жхзсаама. д̇асмим̣ жз бхан̃н̃амаанз ход̇и бхигкусса аабад̇д̇и ход̇и вийд̇иггамо д̇ам̣ маяам̣ яат̇аад̇хаммам̣ яат̇аанусидтам̣ гаарзмаад̇и.
81. ‘‘Atthi kho, brāhmaṇa, tena bhagavatā jānatā passatā arahatā sammāsambuddhena bhikkhūnaṃ sikkhāpadaṃ paññattaṃ, pātimokkhaṃ uddiṭṭhaṃ. Te mayaṃ tadahuposathe yāvatikā ekaṃ gāmakhettaṃ upanissāya viharāma te sabbe ekajjhaṃ sannipatāma; sannipatitvā yassa taṃ pavattati taṃ ajjhesāma. Tasmiṃ ce bhaññamāne hoti bhikkhussa āpatti hoti vītikkamo taṃ mayaṃ yathādhammaṃ yathānusiṭṭhaṃ kāremāti.
‘‘на гира но бхаванд̇о гаарзнд̇и; д̇хаммо но гаарзд̇и’’. ‘‘ад̇т̇и ну ко, бхо аананд̣̇а, згабхигкуби яам̣ д̇умхз зд̇арахи саггарот̇а г̇арум̣ гарот̇а 3 маанзт̇а бууж̇зт̇а; саггад̇ваа г̇арум̣ гад̇ваа 4 убаниссааяа вихарат̇аа’’д̇и? ‘‘над̇т̇и ко, б̣раахман̣а, згабхигкуби яам̣ маяам̣ зд̇арахи саггарома г̇арум̣ гарома маанзма бууж̇зма; саггад̇ваа г̇арум̣ гад̇ваа убаниссааяа вихараамаа’’д̇и.
‘‘Na kira no bhavanto kārenti; dhammo no kāreti’’. ‘‘Atthi nu kho, bho ānanda, ekabhikkhupi yaṃ tumhe etarahi sakkarotha garuṃ karotha 5 mānetha pūjetha; sakkatvā garuṃ katvā 6 upanissāya viharathā’’ti? ‘‘Natthi kho, brāhmaṇa, ekabhikkhupi yaṃ mayaṃ etarahi sakkaroma garuṃ karoma mānema pūjema; sakkatvā garuṃ katvā upanissāya viharāmā’’ti.
‘‘‘ад̇т̇и ну ко, бхо аананд̣̇а, згабхигкуби д̇зна бход̇аа г̇од̇амзна табид̇о – аяам̣ во мамажжаязна бадисаран̣ам̣ бхависсад̇ийд̇и яам̣ д̇умхз зд̇арахи бадибаад̣̇зяяаат̇аа’д̇и – ид̇и будто самаано ‘над̇т̇и ко, б̣раахман̣а, згабхигкуби д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна табид̇о – аяам̣ во мамажжаязна бадисаран̣ам̣ бхависсад̇ийд̇и яам̣ маяам̣ зд̇арахи бадибаад̣̇зяяаамаа’д̇и вад̣̇зси; ‘ад̇т̇и бана, бхо аананд̣̇а, згабхигкуби сан̇гхзна саммад̇о, самб̣ахулзхи т̇зрзхи бхигкуухи табид̇о – аяам̣ но бхаг̇авад̇о ажжаязна бадисаран̣ам̣ бхависсад̇ийд̇и яам̣ д̇умхз зд̇арахи бадибаад̣̇зяяаат̇аа’д̇и – ид̇и будто самаано ‘над̇т̇и ко, б̣раахман̣а, згабхигкуби сан̇гхзна саммад̇о, самб̣ахулзхи т̇зрзхи бхигкуухи табид̇о – аяам̣ но бхаг̇авад̇о ажжаязна бадисаран̣ам̣ бхависсад̇ийд̇и яам̣ маяам̣ зд̇арахи бадибаад̣̇зяяаамаа’д̇и вад̣̇зси; ‘ад̇т̇и ну ко, бхо аананд̣̇а, згабхигкуби яам̣ д̇умхз зд̇арахи саггарот̇а г̇арум̣ гарот̇а маанзт̇а бууж̇зт̇а; саггад̇ваа г̇арум̣ гад̇ваа убаниссааяа вихарат̇аа’д̇и – ид̇и будто самаано ‘над̇т̇и ко, б̣раахман̣а, згабхигкуби яам̣ маяам̣ зд̇арахи саггарома г̇арум̣ гарома маанзма бууж̇зма; саггад̇ваа г̇арум̣ гад̇ваа убаниссааяа вихараамаа’д̇и вад̣̇зси. имасса бана, бхо аананд̣̇а, бхаасид̇асса гат̇ам̣ ад̇т̇о д̣̇адтаб̣б̣о’’д̇и?
‘‘‘Atthi nu kho, bho ānanda, ekabhikkhupi tena bhotā gotamena ṭhapito – ayaṃ vo mamaccayena paṭisaraṇaṃ bhavissatīti yaṃ tumhe etarahi paṭipādeyyāthā’ti – iti puṭṭho samāno ‘natthi kho, brāhmaṇa, ekabhikkhupi tena bhagavatā jānatā passatā arahatā sammāsambuddhena ṭhapito – ayaṃ vo mamaccayena paṭisaraṇaṃ bhavissatīti yaṃ mayaṃ etarahi paṭipādeyyāmā’ti vadesi; ‘atthi pana, bho ānanda, ekabhikkhupi saṅghena sammato, sambahulehi therehi bhikkhūhi ṭhapito – ayaṃ no bhagavato accayena paṭisaraṇaṃ bhavissatīti yaṃ tumhe etarahi paṭipādeyyāthā’ti – iti puṭṭho samāno ‘natthi kho, brāhmaṇa, ekabhikkhupi saṅghena sammato, sambahulehi therehi bhikkhūhi ṭhapito – ayaṃ no bhagavato accayena paṭisaraṇaṃ bhavissatīti yaṃ mayaṃ etarahi paṭipādeyyāmā’ti vadesi; ‘atthi nu kho, bho ānanda, ekabhikkhupi yaṃ tumhe etarahi sakkarotha garuṃ karotha mānetha pūjetha; sakkatvā garuṃ katvā upanissāya viharathā’ti – iti puṭṭho samāno ‘natthi kho, brāhmaṇa, ekabhikkhupi yaṃ mayaṃ etarahi sakkaroma garuṃ karoma mānema pūjema; sakkatvā garuṃ katvā upanissāya viharāmā’ti vadesi. Imassa pana, bho ānanda, bhāsitassa kathaṃ attho daṭṭhabbo’’ti?
82. ‘‘ад̇т̇и ко, б̣раахман̣а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇аса басаад̣̇анийяаа д̇хаммаа агкаад̇аа. яасмим̣ но имз д̇хаммаа сам̣виж̇ж̇анд̇и д̇ам̣ маяам̣ зд̇арахи саггарома г̇арум̣ гарома маанзма бууж̇зма; саггад̇ваа г̇арум̣ гад̇ваа убаниссааяа вихараама. гад̇амз д̣̇аса?
82. ‘‘Atthi kho, brāhmaṇa, tena bhagavatā jānatā passatā arahatā sammāsambuddhena dasa pasādanīyā dhammā akkhātā. Yasmiṃ no ime dhammā saṃvijjanti taṃ mayaṃ etarahi sakkaroma garuṃ karoma mānema pūjema; sakkatvā garuṃ katvā upanissāya viharāma. Katame dasa?
‘‘ид̇ха , б̣раахман̣а, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу.
‘‘Idha , brāhmaṇa, bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu.
‘‘б̣ахуссуд̇о ход̇и суд̇ад̇харо суд̇асаннижаяо. яз д̇з д̇хаммаа аад̣̇игаляаан̣аа, маж̇жхзгаляаан̣аа, барияосаанагаляаан̣аа, саад̇т̇ам̣, саб̣яан̃ж̇анам̣ 7, гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇нд̇д̇и д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа 8 важасаа барижид̇аа манасаанубзгкид̇аа д̣̇идтияаа суббадивид̣̇д̇хаа.
‘‘санд̇удто ход̇и ( ) 11 жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзхи.
‘‘Santuṭṭho hoti ( ) 12 cīvarapiṇḍapātasenāsanagilānappaccayabhesajjaparikkhārehi.
‘‘жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий.
‘‘Catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī.
‘‘анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и; аавибхаавам̣ д̇иробхаавам̣; д̇ирогуддам̣ 13 д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и, сзяяат̇ааби аагаасз; бат̇авияааби уммуж̇ж̇анимуж̇ж̇ам̣ гарод̇и, сзяяат̇ааби уд̣̇агз; уд̣̇агзби абхиж̇ж̇амаанз г̇ажчад̇и, сзяяат̇ааби бат̇авияам̣; аагаасзби баллан̇гзна гамад̇и, сзяяат̇ааби багкий сагун̣о; имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа баримасад̇и 14 баримаж̇ж̇ад̇и, яаава б̣рахмалогааби гааязна васам̣ вад̇д̇зд̇и.
‘‘Anekavihitaṃ iddhividhaṃ paccanubhoti – ekopi hutvā bahudhā hoti, bahudhāpi hutvā eko hoti; āvibhāvaṃ tirobhāvaṃ; tirokuṭṭaṃ 15 tiropākāraṃ tiropabbataṃ asajjamāno gacchati, seyyathāpi ākāse; pathaviyāpi ummujjanimujjaṃ karoti, seyyathāpi udake; udakepi abhijjamāne gacchati, seyyathāpi pathaviyaṃ; ākāsepi pallaṅkena kamati, seyyathāpi pakkhī sakuṇo; imepi candimasūriye evaṃmahiddhike evaṃmahānubhāve pāṇinā parimasati 16 parimajjati, yāva brahmalokāpi kāyena vasaṃ vatteti.
‘‘д̣̇иб̣б̣ааяа сод̇ад̇хаад̇уяаа висуд̣̇д̇хааяа ад̇игганд̇амаанусигааяа убхо сад̣̇д̣̇з сун̣аад̇и – д̣̇иб̣б̣з жа маанусз жа, яз д̣̇уурз санд̇игз жа.
‘‘Dibbāya sotadhātuyā visuddhāya atikkantamānusikāya ubho sadde suṇāti – dibbe ca mānuse ca, ye dūre santike ca.
‘‘барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанаад̇и. сарааг̇ам̣ ваа жид̇д̇ам̣ ‘сарааг̇ам̣ жид̇д̇а’нд̇и баж̇аанаад̇и, вийд̇арааг̇ам̣ ваа жид̇д̇ам̣ ‘вийд̇арааг̇ам̣ жид̇д̇а’нд̇и баж̇аанаад̇и, сад̣̇осам̣ ваа жид̇д̇ам̣ ‘сад̣̇осам̣ жид̇д̇а’нд̇и баж̇аанаад̇и, вийд̇ад̣̇осам̣ ваа жид̇д̇ам̣ ‘вийд̇ад̣̇осам̣ жид̇д̇а’нд̇и баж̇аанаад̇и, самохам̣ ваа жид̇д̇ам̣ ‘самохам̣ жид̇д̇а’нд̇и баж̇аанаад̇и, вийд̇амохам̣ ваа жид̇д̇ам̣ ‘вийд̇амохам̣ жид̇д̇а’нд̇и баж̇аанаад̇и, сам̣кид̇д̇ам̣ ваа жид̇д̇ам̣ ‘сам̣кид̇д̇ам̣ жид̇д̇а’нд̇и баж̇аанаад̇и, вигкид̇д̇ам̣ ваа жид̇д̇ам̣ ‘вигкид̇д̇ам̣ жид̇д̇а’нд̇и баж̇аанаад̇и , махаг̇г̇ад̇ам̣ ваа жид̇д̇ам̣ ‘махаг̇г̇ад̇ам̣ жид̇д̇а’нд̇и баж̇аанаад̇и, амахаг̇г̇ад̇ам̣ ваа жид̇д̇ам̣ ‘амахаг̇г̇ад̇ам̣ жид̇д̇а’нд̇и баж̇аанаад̇и, сауд̇д̇арам̣ ваа жид̇д̇ам̣ ‘сауд̇д̇арам̣ жид̇д̇а’нд̇и баж̇аанаад̇и, ануд̇д̇арам̣ ваа жид̇д̇ам̣ ‘ануд̇д̇арам̣ жид̇д̇а’нд̇и баж̇аанаад̇и, самаахид̇ам̣ ваа жид̇д̇ам̣ ‘самаахид̇ам̣ жид̇д̇а’нд̇и баж̇аанаад̇и, асамаахид̇ам̣ ваа жид̇д̇ам̣ ‘асамаахид̇ам̣ жид̇д̇а’нд̇и баж̇аанаад̇и, вимуд̇д̇ам̣ ваа жид̇д̇ам̣ ‘вимуд̇д̇ам̣ жид̇д̇а’нд̇и баж̇аанаад̇и, авимуд̇д̇ам̣ ваа жид̇д̇ам̣ ‘авимуд̇д̇ам̣ жид̇д̇а’нд̇и баж̇аанаад̇и.
‘‘Parasattānaṃ parapuggalānaṃ cetasā ceto paricca pajānāti. Sarāgaṃ vā cittaṃ ‘sarāgaṃ citta’nti pajānāti, vītarāgaṃ vā cittaṃ ‘vītarāgaṃ citta’nti pajānāti, sadosaṃ vā cittaṃ ‘sadosaṃ citta’nti pajānāti, vītadosaṃ vā cittaṃ ‘vītadosaṃ citta’nti pajānāti, samohaṃ vā cittaṃ ‘samohaṃ citta’nti pajānāti, vītamohaṃ vā cittaṃ ‘vītamohaṃ citta’nti pajānāti, saṃkhittaṃ vā cittaṃ ‘saṃkhittaṃ citta’nti pajānāti, vikkhittaṃ vā cittaṃ ‘vikkhittaṃ citta’nti pajānāti , mahaggataṃ vā cittaṃ ‘mahaggataṃ citta’nti pajānāti, amahaggataṃ vā cittaṃ ‘amahaggataṃ citta’nti pajānāti, sauttaraṃ vā cittaṃ ‘sauttaraṃ citta’nti pajānāti, anuttaraṃ vā cittaṃ ‘anuttaraṃ citta’nti pajānāti, samāhitaṃ vā cittaṃ ‘samāhitaṃ citta’nti pajānāti, asamāhitaṃ vā cittaṃ ‘asamāhitaṃ citta’nti pajānāti, vimuttaṃ vā cittaṃ ‘vimuttaṃ citta’nti pajānāti, avimuttaṃ vā cittaṃ ‘avimuttaṃ citta’nti pajānāti.
‘‘анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аарийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и.
‘‘Anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarati.
‘‘д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и.
‘‘Dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti.
‘‘аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и.
‘‘Āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati.
‘‘имз ко, б̣раахман̣а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна д̣̇аса басаад̣̇анийяаа д̇хаммаа агкаад̇аа. яасмим̣ но имз д̇хаммаа сам̣виж̇ж̇анд̇и д̇ам̣ маяам̣ зд̇арахи саггарома г̇арум̣ гарома маанзма бууж̇зма; саггад̇ваа г̇арум̣ гад̇ваа убаниссааяа вихараамаа’’д̇и.
‘‘Ime kho, brāhmaṇa, tena bhagavatā jānatā passatā arahatā sammāsambuddhena dasa pasādanīyā dhammā akkhātā. Yasmiṃ no ime dhammā saṃvijjanti taṃ mayaṃ etarahi sakkaroma garuṃ karoma mānema pūjema; sakkatvā garuṃ katvā upanissāya viharāmā’’ti.
83. звам̣ вуд̇д̇з вассагааро б̣раахман̣о маг̇ад̇хамахаамад̇д̇о убананд̣̇ам̣ сзнаабад̇им̣ ааманд̇зси – ‘‘д̇ам̣ гим̣ ман̃н̃ад̇и бхавам̣ сзнаабад̇и 17 яад̣̇имз бхонд̇о саггаад̇аб̣б̣ам̣ саггаронд̇и, г̇арум̣ гаад̇аб̣б̣ам̣ г̇арум̣ гаронд̇и, маанзд̇аб̣б̣ам̣ маанзнд̇и , бууж̇зд̇аб̣б̣ам̣ бууж̇знд̇и’’? ‘‘д̇аг̇гхимз 18 бхонд̇о саггаад̇аб̣б̣ам̣ саггаронд̇и, г̇арум̣ гаад̇аб̣б̣ам̣ г̇арум̣ гаронд̇и, маанзд̇аб̣б̣ам̣ маанзнд̇и, бууж̇зд̇аб̣б̣ам̣ бууж̇знд̇и. иман̃жа хи д̇з бхонд̇о на саггарзяяум̣ на г̇арум̣ гарзяяум̣ на маанзяяум̣ на бууж̇зяяум̣; ат̇а гин̃жарахи д̇з бхонд̇о саггарзяяум̣ г̇арум̣ гарзяяум̣ маанзяяум̣ бууж̇зяяум̣, саггад̇ваа г̇арум̣ гад̇ваа маанзд̇ваа бууж̇зд̇ваа убаниссааяа вихарзяяу’’нд̇и? ат̇а ко вассагааро б̣раахман̣о маг̇ад̇хамахаамад̇д̇о ааяасманд̇ам̣ аананд̣̇ам̣ зд̇ад̣̇авожа – ‘‘гахам̣ бана бхавам̣ аананд̣̇о зд̇арахи вихарад̇ий’’д̇и? ‘‘взл̣уванз кохам̣, б̣раахман̣а, зд̇арахи вихараамий’’д̇и. ‘‘гажжи бана, бхо аананд̣̇а, взл̣уванам̣ раман̣ийяан̃жзва аббасад̣̇д̣̇ан̃жа аббаниг̇гхосан̃жа виж̇анаваад̇ам̣ мануссараахассзяяагам̣ 19 бадисаллаанасаарубба’’нд̇и? ‘‘д̇аг̇гха, б̣раахман̣а, взл̣уванам̣ раман̣ийяан̃жзва аббасад̣̇д̣̇ан̃жа аббаниг̇гхосан̃жа виж̇анаваад̇ам̣ мануссараахассзяяагам̣ бадисаллаанасааруббам̣, яат̇аа д̇ам̣ д̇умхаад̣̇исзхи рагкагзхи г̇обагзхий’’д̇и. ‘‘д̇аг̇гха, бхо аананд̣̇а, взл̣уванам̣ раман̣ийяан̃жзва аббасад̣̇д̣̇ан̃жа аббаниг̇гхосан̃жа виж̇анаваад̇ам̣ мануссараахассзяяагам̣ бадисаллаанасааруббам̣, яат̇аа д̇ам̣ бхаванд̇зхи жхааяийхи жхаанасийлийхи. жхааяино жзва бхаванд̇о жхаанасийлино жа’’.
83. Evaṃ vutte vassakāro brāhmaṇo magadhamahāmatto upanandaṃ senāpatiṃ āmantesi – ‘‘taṃ kiṃ maññati bhavaṃ senāpati 20 yadime bhonto sakkātabbaṃ sakkaronti, garuṃ kātabbaṃ garuṃ karonti, mānetabbaṃ mānenti , pūjetabbaṃ pūjenti’’? ‘‘Tagghime 21 bhonto sakkātabbaṃ sakkaronti, garuṃ kātabbaṃ garuṃ karonti, mānetabbaṃ mānenti, pūjetabbaṃ pūjenti. Imañca hi te bhonto na sakkareyyuṃ na garuṃ kareyyuṃ na māneyyuṃ na pūjeyyuṃ; atha kiñcarahi te bhonto sakkareyyuṃ garuṃ kareyyuṃ māneyyuṃ pūjeyyuṃ, sakkatvā garuṃ katvā mānetvā pūjetvā upanissāya vihareyyu’’nti? Atha kho vassakāro brāhmaṇo magadhamahāmatto āyasmantaṃ ānandaṃ etadavoca – ‘‘kahaṃ pana bhavaṃ ānando etarahi viharatī’’ti? ‘‘Veḷuvane khohaṃ, brāhmaṇa, etarahi viharāmī’’ti. ‘‘Kacci pana, bho ānanda, veḷuvanaṃ ramaṇīyañceva appasaddañca appanigghosañca vijanavātaṃ manussarāhasseyyakaṃ 22 paṭisallānasāruppa’’nti? ‘‘Taggha, brāhmaṇa, veḷuvanaṃ ramaṇīyañceva appasaddañca appanigghosañca vijanavātaṃ manussarāhasseyyakaṃ paṭisallānasāruppaṃ, yathā taṃ tumhādisehi rakkhakehi gopakehī’’ti. ‘‘Taggha, bho ānanda, veḷuvanaṃ ramaṇīyañceva appasaddañca appanigghosañca vijanavātaṃ manussarāhasseyyakaṃ paṭisallānasāruppaṃ, yathā taṃ bhavantehi jhāyīhi jhānasīlīhi. Jhāyino ceva bhavanto jhānasīlino ca’’.
‘‘згамид̣̇аахам̣ , бхо аананд̣̇а, самаяам̣ со бхавам̣ г̇од̇амо взсаалияам̣ вихарад̇и махааванз гуудааг̇аарасаалааяам̣. ат̇а кваахам̣, бхо аананд̣̇а, язна махааванам̣ гуудааг̇аарасаалаа язна со бхавам̣ г̇од̇амо д̇знубасан̇гамим̣. д̇ад̇ра жа бана со 23 бхавам̣ г̇од̇амо анзгабарияааязна жхаанагат̇ам̣ гат̇зси. жхааяий жзва со бхавам̣ г̇од̇амо ахоси жхаанасийлий жа. саб̣б̣ан̃жа бана со бхавам̣ г̇од̇амо жхаанам̣ ван̣н̣зсий’’д̇и.
‘‘Ekamidāhaṃ , bho ānanda, samayaṃ so bhavaṃ gotamo vesāliyaṃ viharati mahāvane kūṭāgārasālāyaṃ. Atha khvāhaṃ, bho ānanda, yena mahāvanaṃ kūṭāgārasālā yena so bhavaṃ gotamo tenupasaṅkamiṃ. Tatra ca pana so 24 bhavaṃ gotamo anekapariyāyena jhānakathaṃ kathesi. Jhāyī ceva so bhavaṃ gotamo ahosi jhānasīlī ca. Sabbañca pana so bhavaṃ gotamo jhānaṃ vaṇṇesī’’ti.
84. ‘‘на жа ко, б̣раахман̣а, со бхаг̇аваа саб̣б̣ам̣ жхаанам̣ ван̣н̣зси, наби со бхаг̇аваа саб̣б̣ам̣ жхаанам̣ на ван̣н̣зсийд̇и. гат̇ам̣ руубан̃жа , б̣раахман̣а, со бхаг̇аваа жхаанам̣ на ван̣н̣зси? ид̇ха, б̣раахман̣а, згажжо гаамарааг̇абарияудтид̇зна жзд̇асаа вихарад̇и гаамарааг̇абарзд̇зна, уббаннасса жа гаамарааг̇асса ниссаран̣ам̣ яат̇аабхууд̇ам̣ наббаж̇аанаад̇и; со гаамарааг̇ам̣язва анд̇арам̣ гарид̇ваа жхааяад̇и баж̇жхааяад̇и ниж̇жхааяад̇и абаж̇жхааяад̇и. б̣яаабаад̣̇абарияудтид̇зна жзд̇асаа вихарад̇и б̣яаабаад̣̇абарзд̇зна, уббаннасса жа б̣яаабаад̣̇асса ниссаран̣ам̣ яат̇аабхууд̇ам̣ наббаж̇аанаад̇и; со б̣яаабаад̣̇ам̣язва анд̇арам̣ гарид̇ваа жхааяад̇и баж̇жхааяад̇и ниж̇жхааяад̇и абаж̇жхааяад̇и. т̇инамид̣̇д̇хабарияудтид̇зна жзд̇асаа вихарад̇и т̇инамид̣̇д̇хабарзд̇зна, уббаннасса жа т̇инамид̣̇д̇хасса ниссаран̣ам̣ яат̇аабхууд̇ам̣ наббаж̇аанаад̇и; со т̇инамид̣̇д̇хам̣язва анд̇арам̣ гарид̇ваа жхааяад̇и баж̇жхааяад̇и ниж̇жхааяад̇и абаж̇жхааяад̇и. уд̣̇д̇хажжагуггужжабарияудтид̇зна жзд̇асаа вихарад̇и уд̣̇д̇хажжагуггужжабарзд̇зна, уббаннасса жа уд̣̇д̇хажжагуггужжасса ниссаран̣ам̣ яат̇аабхууд̇ам̣ наббаж̇аанаад̇и; со уд̣̇д̇хажжагуггужжам̣язва анд̇арам̣ гарид̇ваа жхааяад̇и баж̇жхааяад̇и ниж̇жхааяад̇и абаж̇жхааяад̇и. вижигижчаабарияудтид̇зна жзд̇асаа вихарад̇и вижигижчаабарзд̇зна, уббаннааяа жа вижигижчааяа ниссаран̣ам̣ яат̇аабхууд̇ам̣ наббаж̇аанаад̇и; со вижигижчам̣язва анд̇арам̣ гарид̇ваа жхааяад̇и баж̇жхааяад̇и ниж̇жхааяад̇и абаж̇жхааяад̇и. зваруубам̣ ко, б̣раахман̣а, со бхаг̇аваа жхаанам̣ на ван̣н̣зси.
84. ‘‘Na ca kho, brāhmaṇa, so bhagavā sabbaṃ jhānaṃ vaṇṇesi, napi so bhagavā sabbaṃ jhānaṃ na vaṇṇesīti. Kathaṃ rūpañca , brāhmaṇa, so bhagavā jhānaṃ na vaṇṇesi? Idha, brāhmaṇa, ekacco kāmarāgapariyuṭṭhitena cetasā viharati kāmarāgaparetena, uppannassa ca kāmarāgassa nissaraṇaṃ yathābhūtaṃ nappajānāti; so kāmarāgaṃyeva antaraṃ karitvā jhāyati pajjhāyati nijjhāyati apajjhāyati. Byāpādapariyuṭṭhitena cetasā viharati byāpādaparetena, uppannassa ca byāpādassa nissaraṇaṃ yathābhūtaṃ nappajānāti; so byāpādaṃyeva antaraṃ karitvā jhāyati pajjhāyati nijjhāyati apajjhāyati. Thinamiddhapariyuṭṭhitena cetasā viharati thinamiddhaparetena, uppannassa ca thinamiddhassa nissaraṇaṃ yathābhūtaṃ nappajānāti; so thinamiddhaṃyeva antaraṃ karitvā jhāyati pajjhāyati nijjhāyati apajjhāyati. Uddhaccakukkuccapariyuṭṭhitena cetasā viharati uddhaccakukkuccaparetena, uppannassa ca uddhaccakukkuccassa nissaraṇaṃ yathābhūtaṃ nappajānāti; so uddhaccakukkuccaṃyeva antaraṃ karitvā jhāyati pajjhāyati nijjhāyati apajjhāyati. Vicikicchāpariyuṭṭhitena cetasā viharati vicikicchāparetena, uppannāya ca vicikicchāya nissaraṇaṃ yathābhūtaṃ nappajānāti; so vicikicchaṃyeva antaraṃ karitvā jhāyati pajjhāyati nijjhāyati apajjhāyati. Evarūpaṃ kho, brāhmaṇa, so bhagavā jhānaṃ na vaṇṇesi.
‘‘гат̇ам̣ руубан̃жа, б̣раахман̣а, со бхаг̇аваа жхаанам̣ ван̣н̣зси? ид̇ха, б̣раахман̣а, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. зваруубам̣ ко, б̣раахман̣а, со бхаг̇аваа жхаанам̣ ван̣н̣зсий’’д̇и.
‘‘Kathaṃ rūpañca, brāhmaṇa, so bhagavā jhānaṃ vaṇṇesi? Idha, brāhmaṇa, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ… catutthaṃ jhānaṃ upasampajja viharati. Evarūpaṃ kho, brāhmaṇa, so bhagavā jhānaṃ vaṇṇesī’’ti.
‘‘г̇аараяхам̣ гира, бхо аананд̣̇а, со бхавам̣ г̇од̇амо жхаанам̣ г̇арахи, баасам̣сам̣ басам̣си. ханд̣̇а, жа д̣̇аани маяам̣, бхо аананд̣̇а, г̇ажчаама; б̣ахугижжаа маяам̣ б̣ахугаран̣ийяаа’’д̇и. ‘‘яассад̣̇аани д̇вам̣, б̣раахман̣а, гаалам̣ ман̃н̃асий’’д̇и. ат̇а ко вассагааро б̣раахман̣о маг̇ад̇хамахаамад̇д̇о ааяасмад̇о аананд̣̇асса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа баггаами.
‘‘Gārayhaṃ kira, bho ānanda, so bhavaṃ gotamo jhānaṃ garahi, pāsaṃsaṃ pasaṃsi. Handa, ca dāni mayaṃ, bho ānanda, gacchāma; bahukiccā mayaṃ bahukaraṇīyā’’ti. ‘‘Yassadāni tvaṃ, brāhmaṇa, kālaṃ maññasī’’ti. Atha kho vassakāro brāhmaṇo magadhamahāmatto āyasmato ānandassa bhāsitaṃ abhinanditvā anumoditvā uṭṭhāyāsanā pakkāmi.
ат̇а ко г̇обагамог̇г̇аллаано б̣раахман̣о ажирабагганд̇з вассагаарз б̣раахман̣з маг̇ад̇хамахаамад̇д̇з ааяасманд̇ам̣ аананд̣̇ам̣ зд̇ад̣̇авожа – ‘‘яам̣ но маяам̣ бхаванд̇ам̣ аананд̣̇ам̣ абужчимхаа д̇ам̣ но бхавам̣ аананд̣̇о на б̣яаагаасий’’д̇и. ‘‘нану д̇з, б̣раахман̣а, авожумхаа – ‘над̇т̇и ко, б̣раахман̣а, згабхигкуби д̇зхи д̇хаммзхи саб̣б̣знасаб̣б̣ам̣ саб̣б̣ат̇аасаб̣б̣ам̣ саманнааг̇ад̇о язхи д̇хаммзхи саманнааг̇ад̇о со бхаг̇аваа ахоси арахам̣ саммаасамб̣уд̣̇д̇хо. со хи, б̣раахман̣а, бхаг̇аваа ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇анзд̇аа, анагкаад̇асса маг̇г̇асса агкаад̇аа, маг̇г̇ан̃н̃уу, маг̇г̇авид̣̇уу, маг̇г̇аговид̣̇о . маг̇г̇аануг̇аа жа бана зд̇арахи саавагаа вихаранд̇и бажчаа саманнааг̇ад̇аа’’’д̇и.
Atha kho gopakamoggallāno brāhmaṇo acirapakkante vassakāre brāhmaṇe magadhamahāmatte āyasmantaṃ ānandaṃ etadavoca – ‘‘yaṃ no mayaṃ bhavantaṃ ānandaṃ apucchimhā taṃ no bhavaṃ ānando na byākāsī’’ti. ‘‘Nanu te, brāhmaṇa, avocumhā – ‘natthi kho, brāhmaṇa, ekabhikkhupi tehi dhammehi sabbenasabbaṃ sabbathāsabbaṃ samannāgato yehi dhammehi samannāgato so bhagavā ahosi arahaṃ sammāsambuddho. So hi, brāhmaṇa, bhagavā anuppannassa maggassa uppādetā, asañjātassa maggassa sañjanetā, anakkhātassa maggassa akkhātā, maggaññū, maggavidū, maggakovido . Maggānugā ca pana etarahi sāvakā viharanti pacchā samannāgatā’’’ti.
г̇обагамог̇г̇аллаанасуд̇д̇ам̣ нидтид̇ам̣ адтамам̣.
Gopakamoggallānasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. г̇обагамог̇г̇аллаанасуд̇д̇аван̣н̣анаа • 8. Gopakamoggallānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. г̇обагамог̇г̇аллаанасуд̇д̇аван̣н̣анаа • 8. Gopakamoggallānasuttavaṇṇanā
