| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
7. г̇уд̇д̇аат̇зрийг̇аат̇ааван̣н̣анаа
7. Guttātherīgāthāvaṇṇanā
г̇уд̇д̇з яад̣̇ад̇т̇ам̣ баб̣б̣аж̇ж̇аад̇иаад̣̇игаа г̇уд̇д̇ааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий ануггамзна самбхад̇авимогкасамбхаараа худ̇ваа, барибаггагусаламуулаа суг̇ад̇ийсуязва сам̣саранд̇ий имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣агулз ниб̣б̣ад̇д̇аа, г̇уд̇д̇аад̇иссаа наамам̣ ахоси. саа вин̃н̃уд̇ам̣ бад̇ваа убаниссаяасамбад̇д̇ияаа жод̣̇ияамаанаа гхарааваасам̣ ж̇иг̇ужчанд̇ий маад̇аабид̇аро ануж̇аанаабзд̇ваа махаабаж̇аабад̇иг̇од̇амияаа санд̇игз баб̣б̣аж̇и. баб̣б̣аж̇ид̇ваа жа вибассанам̣ бадтабзд̇ваа бхааванам̣ ануяун̃ж̇анд̇ияаа д̇ассаа жид̇д̇ам̣ жирагаалабарижаязна б̣ахид̣̇д̇хаарамман̣з вид̇хаавад̇и, згаг̇г̇ам̣ наахоси. сад̇т̇аа д̣̇исваа д̇ам̣ ануг̇г̇ан̣ханд̇о, г̇анд̇хагудияам̣ яат̇аанисиннова обхаасам̣ парид̇ваа д̇ассаа аасаннз аагаасз нисиннам̣ вияа ад̇д̇аанам̣ д̣̇ассзд̇ваа овад̣̇анд̇о –
Gutte yadatthaṃ pabbajjātiādikā guttāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī anukkamena sambhatavimokkhasambhārā hutvā, paripakkakusalamūlā sugatīsuyeva saṃsarantī imasmiṃ buddhuppāde sāvatthiyaṃ brāhmaṇakule nibbattā, guttātissā nāmaṃ ahosi. Sā viññutaṃ patvā upanissayasampattiyā codiyamānā gharāvāsaṃ jigucchantī mātāpitaro anujānāpetvā mahāpajāpatigotamiyā santike pabbaji. Pabbajitvā ca vipassanaṃ paṭṭhapetvā bhāvanaṃ anuyuñjantiyā tassā cittaṃ cirakālaparicayena bahiddhārammaṇe vidhāvati, ekaggaṃ nāhosi. Satthā disvā taṃ anuggaṇhanto, gandhakuṭiyaṃ yathānisinnova obhāsaṃ pharitvā tassā āsanne ākāse nisinnaṃ viya attānaṃ dassetvā ovadanto –
163.
163.
‘‘г̇уд̇д̇з яад̣̇ад̇т̇ам̣ баб̣б̣аж̇ж̇аа, хид̇ваа буд̇д̇ам̣ васум̣ бияам̣;
‘‘Gutte yadatthaṃ pabbajjā, hitvā puttaṃ vasuṃ piyaṃ;
д̇амзва ануб̣руухзхи, маа жид̇д̇асса васам̣ г̇ами.
Tameva anubrūhehi, mā cittassa vasaṃ gami.
164.
164.
‘‘жид̇д̇зна ван̃жид̇аа сад̇д̇аа, маарасса висаяз рад̇аа;
‘‘Cittena vañcitā sattā, mārassa visaye ratā;
анзгаж̇аад̇исам̣саарам̣, санд̇хааванд̇и авид̣̇д̣̇асуу.
Anekajātisaṃsāraṃ, sandhāvanti aviddasū.
165.
165.
‘‘гаамаажчанд̣̇ан̃жа б̣яаабаад̣̇ам̣, саггааяад̣̇идтимзва жа;
‘‘Kāmācchandañca byāpādaṃ, sakkāyadiṭṭhimeva ca;
сийлаб̣б̣ад̇абараамаасам̣, вижигижчам̣ жа бан̃жамам̣.
Sīlabbataparāmāsaṃ, vicikicchaṃ ca pañcamaṃ.
166.
166.
‘‘сам̣яож̇анаани зд̇аани, баж̇ахид̇ваана бхигкуний;
‘‘Saṃyojanāni etāni, pajahitvāna bhikkhunī;
орамбхааг̇аманийяаани, наяид̣̇ам̣ бунарзхиси.
Orambhāgamanīyāni, nayidaṃ punarehisi.
167.
167.
‘‘рааг̇ам̣ маанам̣ авиж̇ж̇ан̃жа, уд̣̇д̇хажжан̃жа виваж̇ж̇ияа;
‘‘Rāgaṃ mānaṃ avijjañca, uddhaccañca vivajjiya;
сам̣яож̇анаани чзд̇ваана, д̣̇угкассанд̇ам̣ гариссаси.
Saṃyojanāni chetvāna, dukkhassantaṃ karissasi.
168.
168.
‘‘кзбзд̇ваа ж̇аад̇исам̣саарам̣, барин̃н̃ааяа бунаб̣бхавам̣;
‘‘Khepetvā jātisaṃsāraṃ, pariññāya punabbhavaṃ;
д̣̇идтзва д̇хаммз нижчаад̇аа, убасанд̇аа жариссасий’’д̇и. – имаа г̇аат̇аа аабхааси;
Diṭṭheva dhamme nicchātā, upasantā carissasī’’ti. – imā gāthā ābhāsi;
д̇ад̇т̇а д̇амзва ануб̣руухзхийд̇и яад̣̇ад̇т̇ам̣ яасса гилзсабариниб̣б̣аанасса канд̇хабариниб̣б̣аанасса жа ад̇т̇ааяа. хид̇ваа буд̇д̇ам̣ васум̣ бияанд̇и бияааяид̇аб̣б̣ам̣ н̃аад̇ибариваддам̣ бхог̇агканд̇хан̃жа хид̇ваа мама саасанз баб̣б̣аж̇ж̇аа б̣рахмажарияаваасо ижчид̇о, д̇амзва вад̣дхзяяааси самбаад̣̇зяяааси. маа жид̇д̇асса васам̣ г̇амийд̇и д̣̇ийгхарад̇д̇ам̣ руубаад̣̇иаарамман̣авасзна вад̣дхид̇асса гуудажид̇д̇асса васам̣ маа г̇ажчи.
Tattha tameva anubrūhehīti yadatthaṃ yassa kilesaparinibbānassa khandhaparinibbānassa ca atthāya. Hitvā puttaṃ vasuṃ piyanti piyāyitabbaṃ ñātiparivaṭṭaṃ bhogakkhandhañca hitvā mama sāsane pabbajjā brahmacariyavāso icchito, tameva vaḍḍheyyāsi sampādeyyāsi. Mā cittassa vasaṃ gamīti dīgharattaṃ rūpādiārammaṇavasena vaḍḍhitassa kūṭacittassa vasaṃ mā gacchi.
яасмаа жид̇д̇ам̣ наамзд̇ам̣ мааяуубамам̣, язна ван̃жид̇аа анд̇хабут̇уж̇ж̇анаа мааравасаануг̇аа сам̣саарам̣ наад̇ивад̇д̇анд̇и. д̇зна вуд̇д̇ам̣ ‘‘жид̇д̇зна ван̃жид̇аа’’д̇иаад̣̇и.
Yasmā cittaṃ nāmetaṃ māyūpamaṃ, yena vañcitā andhaputhujjanā māravasānugā saṃsāraṃ nātivattanti. Tena vuttaṃ ‘‘cittena vañcitā’’tiādi.
сам̣яож̇анаани зд̇аанийд̇и зд̇аани ‘‘гаамажчанд̣̇ан̃жа б̣яаабаад̣̇а’’нд̇иаад̣̇инаа яат̇аавуд̇д̇аани бан̃жа б̣анд̇ханадтзна сам̣яож̇анаани. баж̇ахид̇ваанаад̇и анааг̇аамимаг̇г̇зна самужчинд̣̇ид̇ваа. бхигкунийд̇и д̇ассаа аалабанам̣. орамбхааг̇аманийяаанийд̇и руубааруубад̇хаад̇уд̇о хздтаабхааг̇з гаамад̇хаад̇уяам̣ мануссаж̇ийвасса хид̇аани убагаараани д̇ад̇т̇а бадисанд̇хияаа бажжаяабхаавад̇о. ма-гааро бад̣̇асанд̇хигаро. ‘‘орамааг̇аманийяааний’’д̇и баал̣и, со звад̇т̇о. наяид̣̇ам̣ бунарзхисийд̇и орамбхааг̇ияаанам̣ сам̣яож̇анаанам̣ бахаанзна ид̣̇ам̣ гаамадтаанам̣ гаамабхавам̣ бадисанд̇хивасзна буна нааг̇амиссаси. ра-гааро бад̣̇асанд̇хигаро. ‘‘ид̇т̇а’’нд̇и ваа баал̣и, ид̇т̇ад̇д̇ам̣ гаамабхавамижжзва ад̇т̇о.
Saṃyojanānietānīti etāni ‘‘kāmacchandañca byāpāda’’ntiādinā yathāvuttāni pañca bandhanaṭṭhena saṃyojanāni. Pajahitvānāti anāgāmimaggena samucchinditvā. Bhikkhunīti tassā ālapanaṃ. Orambhāgamanīyānīti rūpārūpadhātuto heṭṭhābhāge kāmadhātuyaṃ manussajīvassa hitāni upakārāni tattha paṭisandhiyā paccayabhāvato. Ma-kāro padasandhikaro. ‘‘Oramāgamanīyānī’’ti pāḷi, so evattho. Nayidaṃ punarehisīti orambhāgiyānaṃ saṃyojanānaṃ pahānena idaṃ kāmaṭṭhānaṃ kāmabhavaṃ paṭisandhivasena puna nāgamissasi. Ra-kāro padasandhikaro. ‘‘Ittha’’nti vā pāḷi, itthattaṃ kāmabhavamicceva attho.
рааг̇анд̇и руубарааг̇ан̃жа аруубарааг̇ан̃жа. маананд̇и аг̇г̇амаг̇г̇аваж̇жхам̣ маанам̣. авиж̇ж̇ан̃жа уд̣̇д̇хажжан̃жаад̇и зд̇т̇ааби зсзва наяо. виваж̇ж̇ияаад̇и вибассанааяа вигкамбхзд̇ваа. сам̣яож̇анаани чзд̇ваанаад̇и зд̇аани руубарааг̇аад̣̇ийни бан̃жуд̣̇д̇хамбхааг̇ияаани сам̣яож̇анаани арахад̇д̇амаг̇г̇зна самужчинд̣̇ид̇ваа. д̣̇угкассанд̇ам̣ гариссасийд̇и саб̣б̣ассааби ваддад̣̇угкасса барияанд̇ам̣ барияосаанам̣ баабун̣иссаси.
Rāganti rūparāgañca arūparāgañca. Mānanti aggamaggavajjhaṃ mānaṃ. Avijjañca uddhaccañcāti etthāpi eseva nayo. Vivajjiyāti vipassanāya vikkhambhetvā. Saṃyojanāni chetvānāti etāni rūparāgādīni pañcuddhambhāgiyāni saṃyojanāni arahattamaggena samucchinditvā. Dukkhassantaṃ karissasīti sabbassāpi vaṭṭadukkhassa pariyantaṃ pariyosānaṃ pāpuṇissasi.
кзбзд̇ваа ж̇аад̇исам̣сааранд̇и ж̇аад̇и самуулигасам̣саарабавад̇д̇им̣ барияосаабзд̇ваа. нижчаад̇аад̇и нид̇д̇ан̣хаа. убасанд̇аад̇и саб̣б̣асо гилзсаанам̣ вуубасамзна убасанд̇аа. сзсам̣ вуд̇д̇анаяамзва.
Khepetvā jātisaṃsāranti jāti samūlikasaṃsārapavattiṃ pariyosāpetvā. Nicchātāti nittaṇhā. Upasantāti sabbaso kilesānaṃ vūpasamena upasantā. Sesaṃ vuttanayameva.
звам̣ сад̇т̇аараа имаасу г̇аат̇аасу бхаасид̇аасу г̇аат̇аабарияосаанз т̇зрий саха бадисамбхид̣̇аахи арахад̇д̇ам̣ бад̇ваа уд̣̇аанавасзна бхаг̇авад̇аа бхаасид̇анияаамзнзва имаа г̇аат̇аа абхааси. д̇знзва д̇аа т̇зрияаа г̇аат̇аа наама ж̇аад̇аа.
Evaṃ satthārā imāsu gāthāsu bhāsitāsu gāthāpariyosāne therī saha paṭisambhidāhi arahattaṃ patvā udānavasena bhagavatā bhāsitaniyāmeneva imā gāthā abhāsi. Teneva tā theriyā gāthā nāma jātā.
г̇уд̇д̇аат̇зрийг̇аат̇ааван̣н̣анаа нидтид̇аа.
Guttātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 7. г̇уд̇д̇аат̇зрийг̇аат̇аа • 7. Guttātherīgāthā
