| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਹਰਣਕਕਥਾવਣ੍ਣਨਾ
Haraṇakakathāvaṇṇanā
੧੧੧. ਹਰਣਕਕਥਾਯਂ ਹਰਣਕਨ੍ਤਿ ਹਰਿਯਮਾਨਂ। ਅਭਿਮੁਖਂ ਕਤ੍વਾ ਕਡ੍ਢਨਂ ਆਕਡ੍ਢਨਂ, ਸੇਸਦਿਸਾਕਡ੍ਢਨਂ વਿਕਡ੍ਢਨਂ। ਪਾਦਂ ਅਗ੍ਘਤਿ, ਪਾਰਾਜਿਕਮੇવਾਤਿ ਏਤ੍ਥ ਅਨ੍ਤਂ ਨ ਗਣ੍ਹਾਮੀਤਿ ਅਸਲ੍ਲਕ੍ਖਿਤਤ੍ਤਾ ਅਨ੍ਤਸ੍ਸ ਚ ਗਣ੍ਹਿਸ੍ਸਾਮੀਤਿ ਸਲ੍ਲਕ੍ਖਿਤਸ੍ਸੇવ ਪਟਸ੍ਸ ਏਕਦੇਸਤ੍ਤਾ ਪਾਰਾਜਿਕਂ વੁਤ੍ਤਂ। ਸਹਭਣ੍ਡਹਾਰਕਨ੍ਤਿ ਭਣ੍ਡਹਾਰਕੇਨ ਸਦ੍ਧਿਂ। ਸਨ੍ਤਜ੍ਜੇਤ੍વਾਤਿ ਧਨੁਆਦੀਹਿ ਸਨ੍ਤਜ੍ਜੇਤ੍વਾ।
111. Haraṇakakathāyaṃ haraṇakanti hariyamānaṃ. Abhimukhaṃ katvā kaḍḍhanaṃ ākaḍḍhanaṃ, sesadisākaḍḍhanaṃ vikaḍḍhanaṃ. Pādaṃ agghati, pārājikamevāti ettha antaṃ na gaṇhāmīti asallakkhitattā antassa ca gaṇhissāmīti sallakkhitasseva paṭassa ekadesattā pārājikaṃ vuttaṃ. Sahabhaṇḍahārakanti bhaṇḍahārakena saddhiṃ. Santajjetvāti dhanuādīhi santajjetvā.
ਸੋਤਿ ਭਣ੍ਡਹਾਰਕੋ। ਅਨਜ੍ਝਾવੁਤ੍ਥਕਨ੍ਤਿ ਅਪਰਿਗ੍ਗਹਿਤਕਂ, ਅਸਾਮਿਕਨ੍ਤਿ ਅਤ੍ਥੋ।
Soti bhaṇḍahārako. Anajjhāvutthakanti apariggahitakaṃ, asāmikanti attho.
ਆਹਰਾਪੇਨ੍ਤੇ ਦਾਤਬ੍ਬਨ੍ਤਿ ਏਤ੍ਥ ‘‘ਛਡ੍ਡੇਤ੍વਾ ਧੁਰਂ ਨਿਕ੍ਖਿਪਿਤ੍વਾ ਗਤਾਨਮ੍ਪਿ ਨਿਰਾਲਯਾਨਂ ਪੁਨ ਆਹਰਾਪਨਸ੍ਸ વੁਤ੍ਤਤ੍ਤਾ ਭਿਕ੍ਖੂਨਮ੍ਪਿ ਅਤ੍ਤਨੋ ਸਨ੍ਤਕੇ ਪਰਿਕ੍ਖਾਰੇ ਅਚ੍ਛਿਨ੍ਦਿਤ੍વਾ ਪਰੇਹਿ ਗਹਿਤੇ ਤਤ੍ਥ ਧੁਰਨਿਕ੍ਖੇਪਂ ਕਤ੍વਾਪਿ ਪੁਨ ਤਂ ਬਲਕ੍ਕਾਰੇਨਪਿ ਆਹਰਾਪੇਤੁਂ વਟ੍ਟਤੀ’’ਤਿ ਦੇਸવਾਸਿਨੋ ਆਚਰਿਯਾ વਦਨ੍ਤਿ, ਸੀਹਲ਼ਦੀਪવਾਸਿਨੋ ਪਨ ਤਂ ਕੇਚਿ ਆਚਰਿਯਾ ਨ ਇਚ੍ਛਨ੍ਤਿ। ਤੇਨੇવ ਮਹਾਗਣ੍ਠਿਪਦੇ ਮਜ੍ਝਿਮਗਣ੍ਠਿਪਦੇ ਚ વੁਤ੍ਤਂ ‘‘ਅਮ੍ਹਾਕਂ ਪਨ ਤਂ ਨ ਰੁਚ੍ਚਤੀ’’ਤਿ। ਅਞ੍ਞੇਸੂਤਿ ਮਹਾਪਚ੍ਚਰਿਆਦੀਸੁ। વਿਚਾਰਣਾ ਏવ ਨਤ੍ਥੀਤਿ ਤਤ੍ਥਾਪਿ ਪਟਿਕ੍ਖੇਪਾਭਾવਤੋ ਅਯਮੇવਤ੍ਥੋਤਿ વੁਤ੍ਤਂ ਹੋਤਿ।
Āharāpente dātabbanti ettha ‘‘chaḍḍetvā dhuraṃ nikkhipitvā gatānampi nirālayānaṃ puna āharāpanassa vuttattā bhikkhūnampi attano santake parikkhāre acchinditvā parehi gahite tattha dhuranikkhepaṃ katvāpi puna taṃ balakkārenapi āharāpetuṃ vaṭṭatī’’ti desavāsino ācariyā vadanti, sīhaḷadīpavāsino pana taṃ keci ācariyā na icchanti. Teneva mahāgaṇṭhipade majjhimagaṇṭhipade ca vuttaṃ ‘‘amhākaṃ pana taṃ na ruccatī’’ti. Aññesūti mahāpaccariādīsu. Vicāraṇā eva natthīti tatthāpi paṭikkhepābhāvato ayamevatthoti vuttaṃ hoti.
ਹਰਣਕਕਥਾવਣ੍ਣਨਾ ਨਿਟ੍ਠਿਤਾ।
Haraṇakakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਭੂਮਟ੍ਠਕਥਾਦਿવਣ੍ਣਨਾ • Bhūmaṭṭhakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਹਰਣਕਕਥਾવਣ੍ਣਨਾ • Haraṇakakathāvaṇṇanā
