Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೩೧. ಹರಿತಚಜಾತಕಂ (೫)
431. Haritacajātakaṃ (5)
೪೦.
40.
ಸುತಂ ಮೇತಂ ಮಹಾಬ್ರಹ್ಮೇ, ಕಾಮೇ ಭುಞ್ಜತಿ ಹಾರಿತೋ।
Sutaṃ metaṃ mahābrahme, kāme bhuñjati hārito;
ಕಚ್ಚೇತಂ ವಚನಂ ತುಚ್ಛಂ, ಕಚ್ಚಿ ಸುದ್ಧೋ ಇರಿಯ್ಯಸಿ॥
Kaccetaṃ vacanaṃ tucchaṃ, kacci suddho iriyyasi.
೪೧.
41.
ಏವಮೇತಂ ಮಹಾರಾಜ, ಯಥಾ ತೇ ವಚನಂ ಸುತಂ।
Evametaṃ mahārāja, yathā te vacanaṃ sutaṃ;
ಕುಮ್ಮಗ್ಗಂ ಪಟಿಪನ್ನೋಸ್ಮಿ, ಮೋಹನೇಯ್ಯೇಸು ಮುಚ್ಛಿತೋ॥
Kummaggaṃ paṭipannosmi, mohaneyyesu mucchito.
೪೨.
42.
ಯಾಯ ಉಪ್ಪತಿತಂ ರಾಗಂ, ಕಿಂ ಮನೋ ನ ವಿನೋದಯೇ॥
Yāya uppatitaṃ rāgaṃ, kiṃ mano na vinodaye.
೪೩.
43.
ಚತ್ತಾರೋಮೇ ಮಹಾರಾಜ, ಲೋಕೇ ಅತಿಬಲಾ ಭುಸಾ।
Cattārome mahārāja, loke atibalā bhusā;
ರಾಗೋ ದೋಸೋ ಮದೋ ಮೋಹೋ, ಯತ್ಥ ಪಞ್ಞಾ ನ ಗಾಧತಿ॥
Rāgo doso mado moho, yattha paññā na gādhati.
೪೪.
44.
ಅರಹಾ ಸೀಲಸಮ್ಪನ್ನೋ, ಸುದ್ಧೋ ಚರತಿ ಹಾರಿತೋ।
Arahā sīlasampanno, suddho carati hārito;
ಮೇಧಾವೀ ಪಣ್ಡಿತೋ ಚೇವ, ಇತಿ ನೋ ಸಮ್ಮತೋ ಭವಂ॥
Medhāvī paṇḍito ceva, iti no sammato bhavaṃ.
೪೫.
45.
ಮೇಧಾವೀನಮ್ಪಿ ಹಿಂಸನ್ತಿ, ಇಸಿಂ ಧಮ್ಮಗುಣೇ ರತಂ।
Medhāvīnampi hiṃsanti, isiṃ dhammaguṇe rataṃ;
ವಿತಕ್ಕಾ ಪಾಪಕಾ ರಾಜ, ಸುಭಾ ರಾಗೂಪಸಂಹಿತಾ॥
Vitakkā pāpakā rāja, subhā rāgūpasaṃhitā.
೪೬.
46.
ಉಪ್ಪನ್ನಾಯಂ ಸರೀರಜೋ, ರಾಗೋ ವಣ್ಣವಿದೂಸನೋ ತವ।
Uppannāyaṃ sarīrajo, rāgo vaṇṇavidūsano tava;
ತಂ ಪಜಹ ಭದ್ದಮತ್ಥು ತೇ, ಬಹುನ್ನಾಸಿ ಮೇಧಾವಿಸಮ್ಮತೋ॥
Taṃ pajaha bhaddamatthu te, bahunnāsi medhāvisammato.
೪೭.
47.
ತೇಸಂ ಮೂಲಂ ಗವೇಸಿಸ್ಸಂ, ಛೇಚ್ಛಂ ರಾಗಂ ಸಬನ್ಧನಂ॥
Tesaṃ mūlaṃ gavesissaṃ, checchaṃ rāgaṃ sabandhanaṃ.
೪೮.
48.
ಇದಂ ವತ್ವಾನ ಹಾರಿತೋ, ಇಸಿ ಸಚ್ಚಪರಕ್ಕಮೋ।
Idaṃ vatvāna hārito, isi saccaparakkamo;
ಕಾಮರಾಗಂ ವಿರಾಜೇತ್ವಾ, ಬ್ರಹ್ಮಲೋಕೂಪಗೋ ಅಹೂತಿ॥
Kāmarāgaṃ virājetvā, brahmalokūpago ahūti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೩೧] ೫. ಹರಿತಚಜಾತಕವಣ್ಣನಾ • [431] 5. Haritacajātakavaṇṇanā