| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[431] 5. харид̇ажаж̇аад̇агаван̣н̣анаа
[431] 5. Haritacajātakavaṇṇanā
суд̇ам̣ мзд̇ам̣ махааб̣рахмзд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. д̇ан̃хи бхигкум̣ згам̣ алан̇гад̇амаад̇уг̇аамам̣ д̣̇исваа угган̣тид̇ам̣ д̣̇ийгхагзсанакаломам̣ виб̣бхамид̇угаамам̣ аажарияубаж̇жхааязхи аружияаа аанийд̇ам̣. сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гим̣гааран̣аа’’д̇и вад̇ваа ‘‘алан̇гад̇амаад̇уг̇аамам̣ д̣̇исваа гилзсавасзна, бханд̇з’’д̇и вуд̇д̇з ‘‘бхигку гилзсо наама г̇ун̣авид̣̇д̇хам̣саго аббассаад̣̇о нираяз ниб̣б̣ад̇д̇аабзд̇и, зса бана гилзсо гим̣гааран̣аа д̇ам̣ на гиламзссад̇и? на хи синзрум̣ бахарид̇ваа бахаран̣аваад̇о бураан̣абан̣н̣асса лаж̇ж̇ад̇и, иман̃хи гилзсам̣ ниссааяа б̣од̇хин̃аан̣асса анубад̣̇ам̣ жарамаанаа бан̃жаабхин̃н̃аадтасамаабад̇д̇илаабхино висуд̣̇д̇хамахаабурисааби сад̇им̣ убадтабзд̇ум̣ асаггонд̇аа жхаанам̣ анд̇арад̇хаабзсу’’нд̇и вад̇ваа ад̇ийд̇ам̣ аахари.
Sutaṃ metaṃ mahābrahmeti idaṃ satthā jetavane viharanto ukkaṇṭhitabhikkhuṃ ārabbha kathesi. Tañhi bhikkhuṃ ekaṃ alaṅkatamātugāmaṃ disvā ukkaṇṭhitaṃ dīghakesanakhalomaṃ vibbhamitukāmaṃ ācariyupajjhāyehi aruciyā ānītaṃ. Satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘saccaṃ, bhante’’ti vutte ‘‘kiṃkāraṇā’’ti vatvā ‘‘alaṅkatamātugāmaṃ disvā kilesavasena, bhante’’ti vutte ‘‘bhikkhu kileso nāma guṇaviddhaṃsako appassādo niraye nibbattāpeti, esa pana kileso kiṃkāraṇā taṃ na kilamessati? Na hi sineruṃ paharitvā paharaṇavāto purāṇapaṇṇassa lajjati, imañhi kilesaṃ nissāya bodhiñāṇassa anupadaṃ caramānā pañcaabhiññaaṭṭhasamāpattilābhino visuddhamahāpurisāpi satiṃ upaṭṭhapetuṃ asakkontā jhānaṃ antaradhāpesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ ниг̇амз асийд̇игодивибхавз б̣раахман̣агулз ниб̣б̣ад̇д̇и, ган̃жаначавид̇ааяа банасса ‘‘харид̇ажагумааро’’д̇и наамам̣ гарим̣су. со ваяаббад̇д̇о д̇аггасилам̣ г̇анд̇ваа уг̇г̇ахид̇асиббо гудумб̣ам̣ сан̣табзд̇ваа маад̇аабид̇уунам̣ ажжаязна д̇ханавилоганам̣ гад̇ваа ‘‘д̇ханамзва бан̃н̃ааяад̇и, д̇ханасса уббаад̣̇агаа на бан̃н̃ааяанд̇и, маяааби маран̣амукз жун̣н̣авижун̣н̣зна бхавид̇аб̣б̣а’’нд̇и маран̣абхаяабхийд̇о махаад̣̇аанам̣ д̣̇ад̇ваа химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа сад̇д̇амз д̣̇ивасз абхин̃н̃аа жа самаабад̇д̇ияо жа ниб̣б̣ад̇д̇зд̇ваа д̇ад̇т̇а жирам̣ ванамуулапалаахааро яаабзд̇ваа лон̣амб̣иласзванад̇т̇ааяа баб̣б̣ад̇аа од̇арид̇ваа анубуб̣б̣зна б̣аараан̣асим̣ бад̇ваа рааж̇уяяаанз васид̇ваа бунад̣̇ивасз б̣аараан̣асияам̣ бхигкааяа жаранд̇о рааж̇ад̣̇ваарам̣ самбаабун̣и. рааж̇аа д̇ам̣ д̣̇исваа басаннажид̇д̇о баггосаабзд̇ваа самуссид̇асзд̇ажчад̇д̇з рааж̇абаллан̇гз нисийд̣̇аабзд̇ваа наанаг̇г̇арасабхож̇анам̣ бхож̇зд̇ваа анумод̣̇анаавасаанз ад̇ирзгад̇арам̣ басийд̣̇ид̇ваа ‘‘гахам̣, бханд̇з, г̇ажчат̇аа’’д̇и вад̇ваа ‘‘вассааваасадтаанам̣ убад̇хаарзма, махаарааж̇аа’’д̇и вуд̇д̇з ‘‘саад̇ху, бханд̇з’’д̇и бхуд̇д̇абаад̇араасо д̇ам̣ аад̣̇ааяа уяяаанам̣ г̇анд̇ваа д̇ад̇т̇а рад̇д̇идтаанад̣̇иваадтаанаад̣̇ийни гаараабзд̇ваа уяяаанабаалам̣ барижаарагам̣ гад̇ваа д̣̇ад̇ваа ванд̣̇ид̇ваа нигками. махаасад̇д̇о д̇ад̇о бадтааяа ниб̣ад̣̇д̇хам̣ ран̃н̃о г̇зхз бхун̃ж̇анд̇о д̣̇ваад̣̇аса вассаани д̇ад̇т̇а васи.
Atīte bārāṇasiyaṃ brahmadatte rajjaṃ kārente bodhisatto ekasmiṃ nigame asītikoṭivibhave brāhmaṇakule nibbatti, kañcanachavitāya panassa ‘‘haritacakumāro’’ti nāmaṃ kariṃsu. So vayappatto takkasilaṃ gantvā uggahitasippo kuṭumbaṃ saṇṭhapetvā mātāpitūnaṃ accayena dhanavilokanaṃ katvā ‘‘dhanameva paññāyati, dhanassa uppādakā na paññāyanti, mayāpi maraṇamukhe cuṇṇavicuṇṇena bhavitabba’’nti maraṇabhayabhīto mahādānaṃ datvā himavantaṃ pavisitvā isipabbajjaṃ pabbajitvā sattame divase abhiññā ca samāpattiyo ca nibbattetvā tattha ciraṃ vanamūlaphalāhāro yāpetvā loṇambilasevanatthāya pabbatā otaritvā anupubbena bārāṇasiṃ patvā rājuyyāne vasitvā punadivase bārāṇasiyaṃ bhikkhāya caranto rājadvāraṃ sampāpuṇi. Rājā taṃ disvā pasannacitto pakkosāpetvā samussitasetacchatte rājapallaṅke nisīdāpetvā nānaggarasabhojanaṃ bhojetvā anumodanāvasāne atirekataraṃ pasīditvā ‘‘kahaṃ, bhante, gacchathā’’ti vatvā ‘‘vassāvāsaṭṭhānaṃ upadhārema, mahārājā’’ti vutte ‘‘sādhu, bhante’’ti bhuttapātarāso taṃ ādāya uyyānaṃ gantvā tattha rattiṭṭhānadivāṭṭhānādīni kārāpetvā uyyānapālaṃ paricārakaṃ katvā datvā vanditvā nikkhami. Mahāsatto tato paṭṭhāya nibaddhaṃ rañño gehe bhuñjanto dvādasa vassāni tattha vasi.
ат̇згад̣̇ивасам̣ рааж̇аа бажжанд̇ам̣ губид̇ам̣ вуубасамзд̇ум̣ г̇ажчанд̇о ‘‘амхаагам̣ бун̃н̃агкзд̇д̇ам̣ маа бамаж̇ж̇ий’’д̇и махаасад̇д̇ам̣ д̣̇звияаа нияяаад̣̇зд̇ваа аг̇амааси. д̇ад̇о бадтааяа саа махаасад̇д̇ам̣ сахад̇т̇аа баривисад̇и. ат̇згад̣̇ивасам̣ саа бхож̇анам̣ самбаад̣̇зд̇ваа д̇асмим̣ жирааяамаанз г̇анд̇ход̣̇агзна нхад̇ваа сан̣хам̣ мадтасаадагам̣ ниваасзд̇ваа сийхабан̃ж̇арам̣ вивараабзд̇ваа сарийрз ваад̇ам̣ бахараабзнд̇ий куд̣̇д̣̇агаман̃жагз нибаж̇ж̇и. махаасад̇д̇оби д̣̇иваад̇арам̣ сунивад̇т̇о субааруд̇о бхигкаабхааж̇анам̣ аад̣̇ааяа аагаасзнааг̇анд̇ваа сийхабан̃ж̇арам̣ баабун̣и. д̣̇звияаа д̇асса ваагажирасад̣̇д̣̇ам̣ суд̇ваа взг̇зна удтаханд̇ияаа мадтасаадаго бхасси, махаасад̇д̇асса висабхааг̇аарамман̣ам̣ жагкум̣ бадихан̃н̃и. ат̇асса анзгавассагодисад̇асахассагаалз аб̣бханд̇арз нивуд̇т̇агилзсо гаран̣д̣агз саяид̇ааасийвисо вияа удтахид̇ваа жхаанам̣ анд̇арад̇хаабзси. со сад̇им̣ убадтаабзд̇ум̣ асаггонд̇о г̇анд̇ваа д̣̇звим̣ хад̇т̇з г̇ан̣хи, д̇аавад̣̇зва саан̣им̣ баригкибим̣су. со д̇ааяа сад̣̇д̇хим̣ логад̇хаммам̣ сзвид̇ваа бхун̃ж̇ид̇ваа уяяаанам̣ г̇анд̇ваа д̇ад̇о бадтааяа д̣̇звасигам̣ д̇ат̇зва агааси. д̇асса д̇ааяа сад̣̇д̇хим̣ логад̇хаммабадисзванам̣ сагаланаг̇арз баагадам̣ ж̇аад̇ам̣. амажжаа ‘‘харид̇ажад̇аабасо звамагаасий’’д̇и ран̃н̃о бан̣н̣ам̣ бахин̣им̣су. рааж̇аа ‘‘мам̣ бхинд̣̇ид̇угаамаа звам̣ вад̣̇анд̇ий’’д̇и асад̣̇д̣̇ахид̇ваа бажжанд̇ам̣ вуубасамзд̇ваа б̣аараан̣асим̣ бажжааг̇анд̇ваа наг̇арам̣ бад̣̇агкин̣ам̣ гад̇ваа д̣̇звияаа санд̇игам̣ г̇анд̇ваа ‘‘сажжам̣, гира мама аяяо харид̇ажад̇аабасо д̇аяаа сад̣̇д̇хим̣ логад̇хаммам̣ бадисзвад̇ий’’д̇и бужчи. ‘‘сажжам̣, д̣̇зваа’’д̇и. со д̇ассааби асад̣̇д̣̇ахид̇ваа ‘‘д̇амзва бадибужчиссаамий’’д̇и уяяаанам̣ г̇анд̇ваа ванд̣̇ид̇ваа згаманд̇ам̣ нисийд̣̇ид̇ваа д̇ам̣ бужчанд̇о батамам̣ г̇аат̇амааха –
Athekadivasaṃ rājā paccantaṃ kupitaṃ vūpasametuṃ gacchanto ‘‘amhākaṃ puññakkhettaṃ mā pamajjī’’ti mahāsattaṃ deviyā niyyādetvā agamāsi. Tato paṭṭhāya sā mahāsattaṃ sahatthā parivisati. Athekadivasaṃ sā bhojanaṃ sampādetvā tasmiṃ cirāyamāne gandhodakena nhatvā saṇhaṃ maṭṭhasāṭakaṃ nivāsetvā sīhapañjaraṃ vivarāpetvā sarīre vātaṃ paharāpentī khuddakamañcake nipajji. Mahāsattopi divātaraṃ sunivattho supāruto bhikkhābhājanaṃ ādāya ākāsenāgantvā sīhapañjaraṃ pāpuṇi. Deviyā tassa vākacirasaddaṃ sutvā vegena uṭṭhahantiyā maṭṭhasāṭako bhassi, mahāsattassa visabhāgārammaṇaṃ cakkhuṃ paṭihaññi. Athassa anekavassakoṭisatasahassakāle abbhantare nivutthakileso karaṇḍake sayitaāsīviso viya uṭṭhahitvā jhānaṃ antaradhāpesi. So satiṃ upaṭṭhāpetuṃ asakkonto gantvā deviṃ hatthe gaṇhi, tāvadeva sāṇiṃ parikkhipiṃsu. So tāya saddhiṃ lokadhammaṃ sevitvā bhuñjitvā uyyānaṃ gantvā tato paṭṭhāya devasikaṃ tatheva akāsi. Tassa tāya saddhiṃ lokadhammapaṭisevanaṃ sakalanagare pākaṭaṃ jātaṃ. Amaccā ‘‘haritacatāpaso evamakāsī’’ti rañño paṇṇaṃ pahiṇiṃsu. Rājā ‘‘maṃ bhinditukāmā evaṃ vadantī’’ti asaddahitvā paccantaṃ vūpasametvā bārāṇasiṃ paccāgantvā nagaraṃ padakkhiṇaṃ katvā deviyā santikaṃ gantvā ‘‘saccaṃ, kira mama ayyo haritacatāpaso tayā saddhiṃ lokadhammaṃ paṭisevatī’’ti pucchi. ‘‘Saccaṃ, devā’’ti. So tassāpi asaddahitvā ‘‘tameva paṭipucchissāmī’’ti uyyānaṃ gantvā vanditvā ekamantaṃ nisīditvā taṃ pucchanto paṭhamaṃ gāthamāha –
40.
40.
‘‘суд̇ам̣ мзд̇ам̣ махааб̣рахмз, гаамз бхун̃ж̇ад̇и хаарид̇о;
‘‘Sutaṃ metaṃ mahābrahme, kāme bhuñjati hārito;
гажжзд̇ам̣ важанам̣ д̇ужчам̣, гажжи суд̣̇д̇хо ирияяасий’’д̇и.
Kaccetaṃ vacanaṃ tucchaṃ, kacci suddho iriyyasī’’ti.
д̇ад̇т̇а гажжзд̇анд̇и гажжи зд̇ам̣ ‘‘хаарид̇о гаамз барибхун̃ж̇ад̇ий’’д̇и амхзхи суд̇ам̣ важанам̣ д̇ужчам̣ абхууд̇ам̣, гажжи д̇вам̣ суд̣̇д̇хо ирияяаси вихарасийд̇и.
Tattha kaccetanti kacci etaṃ ‘‘hārito kāme paribhuñjatī’’ti amhehi sutaṃ vacanaṃ tucchaṃ abhūtaṃ, kacci tvaṃ suddho iriyyasi viharasīti.
со жинд̇зси – ‘‘аяам̣ рааж̇аа ‘наахам̣ барибхун̃ж̇аамий’д̇и вуд̇д̇зби мама сад̣̇д̣̇ахиссад̇зва, имасмим̣ логз сажжасад̣̇исий бад̇идтаа наама над̇т̇и. уж̇жхид̇асажжаа хи б̣од̇химуулз нисийд̣̇ид̇ваа б̣од̇хим̣ баабун̣ид̇ум̣ на саггонд̇и, маяаа сажжамзва гат̇зд̇ум̣ ваддад̇ий’’д̇и. б̣од̇хисад̇д̇асса хи згажжзсу таанзсу баан̣аад̇ибаад̇оби ад̣̇иннаад̣̇аанамби гаамзсумижчаажаароби сураамзраяамаж̇ж̇абаанамби ход̇иязва, ад̇т̇абхзд̣̇агависам̣ваад̣̇анам̣ бурагкад̇ваа мусааваад̣̇о наама на ход̇и, д̇асмаа со сажжамзва гат̇знд̇о д̣̇уд̇ияам̣ г̇аат̇амааха –
So cintesi – ‘‘ayaṃ rājā ‘nāhaṃ paribhuñjāmī’ti vuttepi mama saddahissateva, imasmiṃ loke saccasadisī patiṭṭhā nāma natthi. Ujjhitasaccā hi bodhimūle nisīditvā bodhiṃ pāpuṇituṃ na sakkonti, mayā saccameva kathetuṃ vaṭṭatī’’ti. Bodhisattassa hi ekaccesu ṭhānesu pāṇātipātopi adinnādānampi kāmesumicchācāropi surāmerayamajjapānampi hotiyeva, atthabhedakavisaṃvādanaṃ purakkhatvā musāvādo nāma na hoti, tasmā so saccameva kathento dutiyaṃ gāthamāha –
41.
41.
‘‘звамзд̇ам̣ махаарааж̇а, яат̇аа д̇з важанам̣ суд̇ам̣;
‘‘Evametaṃ mahārāja, yathā te vacanaṃ sutaṃ;
гуммаг̇г̇ам̣ бадибанносми, моханзяязсу мужчид̇о’’д̇и.
Kummaggaṃ paṭipannosmi, mohaneyyesu mucchito’’ti.
д̇ад̇т̇а моханзяязсууд̇и гаамаг̇ун̣зсу. гаамаг̇ун̣зсу хи лого муяхад̇и, д̇з жа логам̣ мохаяанд̇и, д̇асмаа д̇з ‘‘моханзяяаа’’д̇и вужжанд̇ийд̇и.
Tattha mohaneyyesūti kāmaguṇesu. Kāmaguṇesu hi loko muyhati, te ca lokaṃ mohayanti, tasmā te ‘‘mohaneyyā’’ti vuccantīti.
д̇ам̣ суд̇ваа рааж̇аа д̇ад̇ияам̣ г̇аат̇амааха –
Taṃ sutvā rājā tatiyaṃ gāthamāha –
42.
42.
‘‘ад̣̇у бан̃н̃аа гимад̇т̇ияаа, нибун̣аа саад̇хужинд̇иний;
‘‘Adu paññā kimatthiyā, nipuṇā sādhucintinī;
яааяа уббад̇ид̇ам̣ рааг̇ам̣, гим̣ мано на винод̣̇аяз’’д̇и.
Yāya uppatitaṃ rāgaṃ, kiṃ mano na vinodaye’’ti.
д̇ад̇т̇а ад̣̇ууд̇и нибаад̇о. ид̣̇ам̣ вуд̇д̇ам̣ ход̇и – бханд̇з, г̇илаанасса наама бхзсаж̇ж̇ам̣, бибаасид̇асса баанийяам̣ бадисаран̣ам̣, д̇умхаагам̣ банзсаа нибун̣аа саад̇хуунам̣ ад̇т̇аанам̣ жинд̇иний бан̃н̃аа гимад̇т̇ияаа, яааяа буна уббад̇ид̇ам̣ рааг̇ам̣ гим̣ мано на винод̣̇аяз, гим̣ жид̇д̇ам̣ винод̣̇зд̇ум̣ наасагкийд̇и.
Tattha adūti nipāto. Idaṃ vuttaṃ hoti – bhante, gilānassa nāma bhesajjaṃ, pipāsitassa pānīyaṃ paṭisaraṇaṃ, tumhākaṃ panesā nipuṇā sādhūnaṃ atthānaṃ cintinī paññā kimatthiyā, yāya puna uppatitaṃ rāgaṃ kiṃ mano na vinodaye, kiṃ cittaṃ vinodetuṃ nāsakkhīti.
ат̇асса гилзсаб̣алам̣ д̣̇ассзнд̇о хаарид̇о жад̇уд̇т̇ам̣ г̇аат̇амааха –
Athassa kilesabalaṃ dassento hārito catutthaṃ gāthamāha –
43.
43.
‘‘жад̇д̇ааромз махаарааж̇а, логз ад̇иб̣алаа бхусаа;
‘‘Cattārome mahārāja, loke atibalā bhusā;
рааг̇о д̣̇осо мад̣̇о мохо, яад̇т̇а бан̃н̃аа на г̇аад̇хад̇ий’’д̇и.
Rāgo doso mado moho, yattha paññā na gādhatī’’ti.
д̇ад̇т̇а яад̇т̇аад̇и язсу барияудтаанам̣ бад̇д̇зсу махогхз бад̇ид̇аа вияа бан̃н̃аа г̇аад̇хам̣ бад̇идтам̣ на лабхад̇и.
Tattha yatthāti yesu pariyuṭṭhānaṃ pattesu mahoghe patitā viya paññā gādhaṃ patiṭṭhaṃ na labhati.
д̇ам̣ суд̇ваа рааж̇аа бан̃жамам̣ г̇аат̇амааха –
Taṃ sutvā rājā pañcamaṃ gāthamāha –
44.
44.
‘‘арахаа сийласамбанно, суд̣̇д̇хо жарад̇и хаарид̇о;
‘‘Arahā sīlasampanno, suddho carati hārito;
мзд̇хаавий бан̣д̣ид̇о жзва, ид̇и но саммад̇о бхава’’нд̇и.
Medhāvī paṇḍito ceva, iti no sammato bhava’’nti.
д̇ад̇т̇а ид̇и но саммад̇од̇и звам̣ амхаагам̣ саммад̇о самбхаавид̇о бхавам̣.
Tattha iti no sammatoti evaṃ amhākaṃ sammato sambhāvito bhavaṃ.
д̇ад̇о хаарид̇о чадтамам̣ г̇аат̇амааха –
Tato hārito chaṭṭhamaṃ gāthamāha –
45.
45.
‘‘мзд̇хаавийнамби хим̣санд̇и, исим̣ д̇хаммаг̇ун̣з рад̇ам̣;
‘‘Medhāvīnampi hiṃsanti, isiṃ dhammaguṇe rataṃ;
вид̇аггаа баабагаа рааж̇а, субхаа рааг̇уубасам̣хид̇аа’’д̇и.
Vitakkā pāpakā rāja, subhā rāgūpasaṃhitā’’ti.
д̇ад̇т̇а субхаад̇и субханимид̇д̇аг̇г̇ахан̣зна бавад̇д̇аад̇и.
Tattha subhāti subhanimittaggahaṇena pavattāti.
ат̇а нам̣ гилзсаббахаанз уссаахам̣ гаарзнд̇о рааж̇аа сад̇д̇амам̣ г̇аат̇амааха –
Atha naṃ kilesappahāne ussāhaṃ kārento rājā sattamaṃ gāthamāha –
46.
46.
‘‘уббаннааяам̣ сарийраж̇о, рааг̇о ван̣н̣авид̣̇уусано д̇ава;
‘‘Uppannāyaṃ sarīrajo, rāgo vaṇṇavidūsano tava;
д̇ам̣ баж̇аха бхад̣̇д̣̇амад̇т̇у д̇з, б̣ахуннааси мзд̇хаависаммад̇о’’д̇и.
Taṃ pajaha bhaddamatthu te, bahunnāsi medhāvisammato’’ti.
д̇ад̇т̇а ван̣н̣авид̣̇уусано д̇аваад̇и д̇ава сарийраван̣н̣асса жа г̇ун̣аван̣н̣асса жа вид̣̇уусано. б̣ахуннаасийд̇и б̣ахуунам̣ ааси мзд̇хаавийд̇и саммад̇о.
Tattha vaṇṇavidūsano tavāti tava sarīravaṇṇassa ca guṇavaṇṇassa ca vidūsano. Bahunnāsīti bahūnaṃ āsi medhāvīti sammato.
д̇ад̇о махаасад̇д̇о сад̇им̣ лабхид̇ваа гаамзсу аад̣̇ийнавам̣ саллагкзд̇ваа адтамам̣ г̇аат̇амааха –
Tato mahāsatto satiṃ labhitvā kāmesu ādīnavaṃ sallakkhetvā aṭṭhamaṃ gāthamāha –
47.
47.
‘‘д̇з анд̇хагаарагз гаамз, б̣ахуд̣̇угкз махаависз;
‘‘Te andhakārake kāme, bahudukkhe mahāvise;
д̇зсам̣ муулам̣ г̇авзсиссам̣, чзжчам̣ рааг̇ам̣ саб̣анд̇хана’’нд̇и.
Tesaṃ mūlaṃ gavesissaṃ, checchaṃ rāgaṃ sabandhana’’nti.
д̇ад̇т̇а анд̇хагаарагзд̇и бан̃н̃аажагкувинаасанад̇о анд̇хабхаавагарз. б̣ахуд̣̇угкзд̇и зд̇т̇а ‘‘аббассаад̣̇аа гаамаа’’д̇иаад̣̇ийни (ма. ни. 1.234; баажи. 417; жуул̣ава. 65) суд̇д̇аани харид̇ваа д̇зсам̣ б̣ахуд̣̇угкад̇аа д̣̇ассзд̇аб̣б̣аа. махаависзд̇и самбаяуд̇д̇агилзсависасса жзва вибаагависасса жа маханд̇ад̇ааяа махаависз. д̇зсам̣ мууланд̇и д̇з вуд̇д̇аббагаарз гаамз бахаад̇ум̣ д̇зсам̣ муулам̣ г̇авзсиссам̣ бариязсиссаами. гим̣ бана д̇зсам̣ мууланд̇и? аяонисоманасигааро. чзжчам̣ рааг̇ам̣ саб̣анд̇хананд̇и махаарааж̇а, ид̣̇аанзва бан̃н̃аакаг̇г̇зна бахарид̇ваа субханимид̇д̇аб̣анд̇ханзна саб̣анд̇ханам̣ рааг̇ам̣ чинд̣̇иссаамийд̇и.
Tattha andhakāraketi paññācakkhuvināsanato andhabhāvakare. Bahudukkheti ettha ‘‘appassādā kāmā’’tiādīni (ma. ni. 1.234; pāci. 417; cūḷava. 65) suttāni haritvā tesaṃ bahudukkhatā dassetabbā. Mahāviseti sampayuttakilesavisassa ceva vipākavisassa ca mahantatāya mahāvise. Tesaṃ mūlanti te vuttappakāre kāme pahātuṃ tesaṃ mūlaṃ gavesissaṃ pariyesissāmi. Kiṃ pana tesaṃ mūlanti? Ayonisomanasikāro. Checchaṃ rāgaṃ sabandhananti mahārāja, idāneva paññākhaggena paharitvā subhanimittabandhanena sabandhanaṃ rāgaṃ chindissāmīti.
ид̣̇ан̃жа бана вад̇ваа ‘‘махаарааж̇а, огаасам̣ д̇аава мз гарохий’’д̇и огаасам̣ гаарзд̇ваа бан̣н̣асаалам̣ бависид̇ваа гасин̣аман̣д̣алам̣ ологзд̇ваа буна надтаж̇жхаанам̣ уббаад̣̇зд̇ваа бан̣н̣асаалад̇о нигкамид̇ваа аагаасз баллан̇гзна нисийд̣̇ид̇ваа ран̃н̃о д̇хаммам̣ д̣̇зсзд̇ваа ‘‘махаарааж̇а, ахам̣ адтаанз вуд̇т̇агааран̣аа махааж̇анамаж̇жхз г̇арахаббад̇д̇о, аббамад̇д̇о хохи, буна д̣̇аани ахам̣ анид̇т̇иг̇анд̇хаванасан̣д̣амзва г̇амиссаамий’’д̇и ран̃н̃о род̣̇анд̇асса барид̣̇званд̇асса химаванд̇амзва г̇анд̇ваа абарихийнаж̇жхаано б̣рахмалогуубаг̇о ахоси.
Idañca pana vatvā ‘‘mahārāja, okāsaṃ tāva me karohī’’ti okāsaṃ kāretvā paṇṇasālaṃ pavisitvā kasiṇamaṇḍalaṃ oloketvā puna naṭṭhajjhānaṃ uppādetvā paṇṇasālato nikkhamitvā ākāse pallaṅkena nisīditvā rañño dhammaṃ desetvā ‘‘mahārāja, ahaṃ aṭṭhāne vutthakāraṇā mahājanamajjhe garahappatto, appamatto hohi, puna dāni ahaṃ anitthigandhavanasaṇḍameva gamissāmī’’ti rañño rodantassa paridevantassa himavantameva gantvā aparihīnajjhāno brahmalokūpago ahosi.
сад̇т̇аа д̇ам̣ гааран̣ам̣ н̃ад̇ваа –
Satthā taṃ kāraṇaṃ ñatvā –
48.
48.
‘‘ид̣̇ам̣ вад̇ваана хаарид̇о, иси сажжабараггамо;
‘‘Idaṃ vatvāna hārito, isi saccaparakkamo;
гаамарааг̇ам̣ вирааж̇зд̇ваа, б̣рахмалогуубаг̇о ахуу’’д̇и. –
Kāmarāgaṃ virājetvā, brahmalokūpago ahū’’ti. –
абхисамб̣уд̣̇д̇хо худ̇ваа имам̣ г̇аат̇ам̣ вад̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку арахад̇д̇з бад̇идтахи.
Abhisambuddho hutvā imaṃ gāthaṃ vatvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu arahatte patiṭṭhahi.
д̇ад̣̇аа рааж̇аа аананд̣̇о ахоси, харид̇ажад̇аабасо бана ахамзва ахосинд̇и.
Tadā rājā ānando ahosi, haritacatāpaso pana ahameva ahosinti.
харид̇ажаж̇аад̇агаван̣н̣анаа бан̃жамаа.
Haritacajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 431. харид̇ажаж̇аад̇агам̣ • 431. Haritacajātakaṃ
