| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. хасад̇хаммасигкаабад̣̇аван̣н̣анаа
3. Hasadhammasikkhāpadavaṇṇanā
335. д̇ад̇ияз – аббагад̇ан̃н̃унод̇и яам̣ бхаг̇авад̇аа багад̇ам̣ бан̃н̃ад̇д̇ам̣, д̇ам̣ на ж̇аананд̇ийд̇и ад̇т̇о.
335. Tatiye – appakataññunoti yaṃ bhagavatā pakataṃ paññattaṃ, taṃ na jānantīti attho.
336. уд̣̇агз хасад̇хаммзд̇и уд̣̇агагийл̣игаа вужжад̇и. убариг̇обпагзд̇и г̇обпагаанам̣ убарибхааг̇аббамаан̣з. хасаад̇хиббааяод̇и гийл̣аад̇хиббааяо. нимуж̇ж̇ад̇и ваад̇иаад̣̇ийсу нимуж̇ж̇анад̇т̇ааяа ороханд̇асса бад̣̇аваарз бад̣̇аваарз д̣̇уггадам̣. нимуж̇ж̇ануммуж̇ж̇анзсу баяог̇з баяог̇з баажид̇д̇ияам̣. нимуж̇ж̇ид̇ваа анд̇оуд̣̇агзязва г̇ажчанд̇асса хад̇т̇аваарабад̣̇аваарзсу саб̣б̣ад̇т̇а баажид̇д̇ияам̣. балавад̇ийд̇и д̇арад̇и. хад̇т̇зхи д̇аранд̇асса хад̇т̇аваарз хад̇т̇аваарз баажид̇д̇ияам̣. баад̣̇зсуби зсзва наяо. язна язна ан̇г̇зна д̇арад̇и, д̇асса д̇асса баяог̇з баяог̇з баажид̇д̇ияам̣. д̇ийрад̇о ваа ругкад̇о ваа уд̣̇агз бад̇ад̇и, баажид̇д̇ияамзва. наавааяа гийл̣ад̇ийд̇и пияаарид̇д̇аад̣̇ийхи наавам̣ бааж̇знд̇о ваа д̇ийрз уссаарзнд̇о ваа наавааяа гийл̣ад̇и, д̣̇уггадам̣.
336.Udake hasadhammeti udakakīḷikā vuccati. Uparigopphaketi gopphakānaṃ uparibhāgappamāṇe. Hasādhippāyoti kīḷādhippāyo. Nimujjati vātiādīsu nimujjanatthāya orohantassa padavāre padavāre dukkaṭaṃ. Nimujjanummujjanesu payoge payoge pācittiyaṃ. Nimujjitvā antoudakeyeva gacchantassa hatthavārapadavāresu sabbattha pācittiyaṃ. Palavatīti tarati. Hatthehi tarantassa hatthavāre hatthavāre pācittiyaṃ. Pādesupi eseva nayo. Yena yena aṅgena tarati, tassa tassa payoge payoge pācittiyaṃ. Tīrato vā rukkhato vā udake patati, pācittiyameva. Nāvāya kīḷatīti phiyārittādīhi nāvaṃ pājento vā tīre ussārento vā nāvāya kīḷati, dukkaṭaṃ.
хад̇т̇зна ваад̇иаад̣̇ийсуби баяог̇з баяог̇з д̣̇уггадам̣. гзжи хад̇т̇зна уд̣̇агз кид̇д̇ааяа гат̇алааяа бад̇ануббад̇анаваарзсу д̣̇уггадам̣ вад̣̇анд̇и, д̇ам̣ на г̇ахзд̇аб̣б̣ам̣. д̇ад̇т̇а хи згабаяог̇ад̇д̇аа згамзва д̣̇уггадам̣, абижа убариг̇обпагз вуд̇д̇аани уммуж̇ж̇анаад̣̇ийни табзд̇ваа ан̃н̃зна язна гзнажи аагаарзна уд̣̇агам̣ од̇арид̇ваа ваа анод̇арид̇ваа ваа яад̇т̇а гад̇т̇ажи тид̇ам̣ уд̣̇агам̣ анд̇амасо б̣инд̣̇ум̣ г̇ахзд̇ваа кибанагийл̣ааяаби гийл̣анд̇асса д̣̇уггадамзва, ад̇т̇аж̇од̇агам̣ бана агкарам̣ ликид̇ум̣ ваддад̇и, аяамзд̇т̇а винижчаяо. сзсамзд̇т̇а уд̇д̇аанамзва.
Hatthena vātiādīsupi payoge payoge dukkaṭaṃ. Keci hatthena udake khittāya kathalāya patanuppatanavāresu dukkaṭaṃ vadanti, taṃ na gahetabbaṃ. Tattha hi ekapayogattā ekameva dukkaṭaṃ, apica uparigopphake vuttāni ummujjanādīni ṭhapetvā aññena yena kenaci ākārena udakaṃ otaritvā vā anotaritvā vā yattha katthaci ṭhitaṃ udakaṃ antamaso binduṃ gahetvā khipanakīḷāyapi kīḷantassa dukkaṭameva, atthajotakaṃ pana akkharaṃ likhituṃ vaṭṭati, ayamettha vinicchayo. Sesamettha uttānameva.
батамабаарааж̇игасамудтаанам̣ – гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̇ивзд̣̇ананд̇и.
Paṭhamapārājikasamuṭṭhānaṃ – kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, tivedananti.
хасад̇хаммасигкаабад̣̇ам̣ д̇ад̇ияам̣.
Hasadhammasikkhāpadaṃ tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. сураабаанаваг̇г̇о • 6. Surāpānavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. хасад̇хаммасигкаабад̣̇аван̣н̣анаа • 3. Hasadhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. хасад̇хаммасигкаабад̣̇аван̣н̣анаа • 3. Hasadhammasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. хасад̇хаммасигкаабад̣̇ам̣ • 3. Hasadhammasikkhāpadaṃ
