| Library / Tipiṭaka / तिपिटक • Tipiṭaka / कङ्खावितरणी-पुराण-टीका • Kaṅkhāvitaraṇī-purāṇa-ṭīkā |
३. हसधम्मसिक्खापदवण्णना
3. Hasadhammasikkhāpadavaṇṇanā
‘‘चिक्खल्लं वा’’ति वचनतो सक्खरम्पि खिपनकीळाय कीळतो दुक्कटमेव। उपरिगोप्फके पाचित्तियं, अञ्ञत्थ दुक्कटन्ति पाचित्तियवत्थुअत्थवसेन ‘‘उदके हसधम्मे पाचित्तिय’’न्ति वुत्तं।
‘‘Cikkhallaṃ vā’’ti vacanato sakkharampi khipanakīḷāya kīḷato dukkaṭameva. Uparigopphake pācittiyaṃ, aññattha dukkaṭanti pācittiyavatthuatthavasena ‘‘udake hasadhamme pācittiya’’nti vuttaṃ.
इदं सञ्ञाविमोक्खं चे, तिकपाचित्तियं कथं।
Idaṃ saññāvimokkhaṃ ce, tikapācittiyaṃ kathaṃ;
कीळितंव अकीळाति, मिच्छागाहेन तं सिया॥
Kīḷitaṃva akīḷāti, micchāgāhena taṃ siyā.
एत्तावता कथं कीळा, इति कीळायं एवायं।
Ettāvatā kathaṃ kīḷā, iti kīḷāyaṃ evāyaṃ;
अकीळासञ्ञी होतेत्थ, विनयत्थं समादये॥
Akīḷāsaññī hotettha, vinayatthaṃ samādaye.
एकन्ताकुसलो यस्मा, कीळायाभिरतमनो।
Ekantākusalo yasmā, kīḷāyābhiratamano;
तस्मा अकुसलं चित्तं, एकमेवेत्थ लब्भतीति॥ (वजिर॰ टी॰ पाचित्तिय ३३६)।
Tasmā akusalaṃ cittaṃ, ekamevettha labbhatīti. (vajira. ṭī. pācittiya 336);
हसधम्मसिक्खापदवण्णना निट्ठिता।
Hasadhammasikkhāpadavaṇṇanā niṭṭhitā.
