| Library / Tipiṭaka / તિપિટક • Tipiṭaka / કઙ્ખાવિતરણી-પુરાણ-ટીકા • Kaṅkhāvitaraṇī-purāṇa-ṭīkā |
૩. હસધમ્મસિક્ખાપદવણ્ણના
3. Hasadhammasikkhāpadavaṇṇanā
‘‘ચિક્ખલ્લં વા’’તિ વચનતો સક્ખરમ્પિ ખિપનકીળાય કીળતો દુક્કટમેવ. ઉપરિગોપ્ફકે પાચિત્તિયં, અઞ્ઞત્થ દુક્કટન્તિ પાચિત્તિયવત્થુઅત્થવસેન ‘‘ઉદકે હસધમ્મે પાચિત્તિય’’ન્તિ વુત્તં.
‘‘Cikkhallaṃ vā’’ti vacanato sakkharampi khipanakīḷāya kīḷato dukkaṭameva. Uparigopphake pācittiyaṃ, aññattha dukkaṭanti pācittiyavatthuatthavasena ‘‘udake hasadhamme pācittiya’’nti vuttaṃ.
ઇદં સઞ્ઞાવિમોક્ખં ચે, તિકપાચિત્તિયં કથં;
Idaṃ saññāvimokkhaṃ ce, tikapācittiyaṃ kathaṃ;
કીળિતંવ અકીળાતિ, મિચ્છાગાહેન તં સિયા.
Kīḷitaṃva akīḷāti, micchāgāhena taṃ siyā.
એત્તાવતા કથં કીળા, ઇતિ કીળાયં એવાયં;
Ettāvatā kathaṃ kīḷā, iti kīḷāyaṃ evāyaṃ;
અકીળાસઞ્ઞી હોતેત્થ, વિનયત્થં સમાદયે.
Akīḷāsaññī hotettha, vinayatthaṃ samādaye.
એકન્તાકુસલો યસ્મા, કીળાયાભિરતમનો;
Ekantākusalo yasmā, kīḷāyābhiratamano;
તસ્મા અકુસલં ચિત્તં, એકમેવેત્થ લબ્ભતીતિ. (વજિર॰ ટી॰ પાચિત્તિય ૩૩૬);
Tasmā akusalaṃ cittaṃ, ekamevettha labbhatīti. (vajira. ṭī. pācittiya 336);
હસધમ્મસિક્ખાપદવણ્ણના નિટ્ઠિતા.
Hasadhammasikkhāpadavaṇṇanā niṭṭhitā.
