| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
57. хад̇т̇ажчиннаад̣̇ивад̇т̇угат̇аа
57. Hatthacchinnādivatthukathā
119. хад̇т̇ажчиннаад̣̇ивад̇т̇уусу хад̇т̇аа чиннаа яассаад̇и хад̇т̇ажчиннод̇иаад̣̇иважанад̇т̇ам̣ д̣̇ассзнд̇о ааха ‘‘яассаа’’д̇иаад̣̇и. ман̣иб̣анд̇хзд̇и багодтанд̇з. со хи яасмаа зд̇т̇а ман̣исан̇каад̇ам̣ алан̇гааравигад̇им̣ б̣анд̇хад̇и, д̇асмаа ман̣иб̣анд̇ход̇и вужжад̇и. габбарзд̇и габон̣ияам̣. саа хи барзсам̣ бидтийсу габад̇и хим̣сад̇и анзнаад̇и ‘‘габбаро’’д̇и вужжад̇и. яасса хад̇т̇аа чиннаа хонд̇и, аяам̣ хад̇т̇ажчинно наамаад̇и яож̇анаа. зсзва наяо сзсзсуби. зго ваа баад̣̇од̇и яож̇анаа. хздтаа ‘‘зго ваа д̣̇вз ваа хад̇т̇аа’’д̇и зд̇т̇ааби зсзва наяо. жад̇уусу хад̇т̇абаад̣̇зсу д̣̇вз ваад̇и зго хад̇т̇о, зго баад̣̇од̇и д̣̇вз ваа. ган̣н̣аад̇и сад̣̇д̣̇аг̇г̇ахаа. д̇з хи ган̣н̣ад̇и савад̇и зд̇зхийд̇и ган̣н̣аад̇и вужжанд̇и. ган̣н̣ааб̣ад̣̇д̇хзд̇и ган̣н̣ажчид̣̇д̣̇асса ааб̣ад̣̇д̇хз. сан̇гхаадзд̇унд̇и сан̇гхаданам̣ гаад̇ум̣, ааб̣анд̇ханам̣ гаад̇унд̇и ад̇т̇о. аж̇абад̣̇агзд̇и аж̇абад̣̇асан̣таанз таанз. наасаад̇и гхаанаани. д̇аани хи наасад̇и аб̣яад̇д̇асад̣̇д̣̇ам̣ гарод̇и зд̇аахийд̇и наасаад̇и вужжанд̇и. наасигаад̇и наасааязва. сан̣таабзд̇унд̇и судту табзд̇ум̣, багад̇ияаа табзд̇унд̇и ад̇т̇о. накасзсанд̇и накоязва сзсо чиннан̇г̇улид̇од̇и накасзсо, д̇ам̣. аг̇г̇з бурз удтахад̇ийд̇и ан̇г̇удто. ‘‘вуд̇д̇анаязнзваа’’д̇и иминаа ‘‘накасзсам̣ ад̣̇ассзд̇ваа’’д̇и важанам̣ ад̇ид̣̇исад̇и. ган̣д̣аранаамагаад̇и махаасиранаамагаа. д̇з хи гам̣ сарийрам̣ д̇хаарзнд̇ийд̇и ган̣д̣араад̇и вужжанд̇и д̇хагаарасса д̣агаарам̣ гад̇ваа. язсууд̇и ган̣д̣арзсу, нид̣̇д̇хааран̣з бхуммам̣.
119. Hatthacchinnādivatthūsu hatthā chinnā yassāti hatthacchinnotiādivacanatthaṃ dassento āha ‘‘yassā’’tiādi. Maṇibandheti pakoṭṭhante. So hi yasmā ettha maṇisaṅkhātaṃ alaṅkāravikatiṃ bandhati, tasmā maṇibandhoti vuccati. Kappareti kapoṇiyaṃ. Sā hi paresaṃ piṭṭhīsu kapati hiṃsati anenāti ‘‘kapparo’’ti vuccati. Yassa hatthā chinnā honti, ayaṃ hatthacchinno nāmāti yojanā. Eseva nayo sesesupi. Eko vā pādoti yojanā. Heṭṭhā ‘‘eko vā dve vā hatthā’’ti etthāpi eseva nayo. Catūsu hatthapādesu dve vāti eko hattho, eko pādoti dve vā. Kaṇṇāti saddaggahā. Te hi kaṇṇati savati etehīti kaṇṇāti vuccanti. Kaṇṇābaddheti kaṇṇacchiddassa ābaddhe. Saṅghāṭetunti saṅghaṭanaṃ kātuṃ, ābandhanaṃ kātunti attho. Ajapadaketi ajapadasaṇṭhāne ṭhāne. Nāsāti ghānāni. Tāni hi nāsati abyattasaddaṃ karoti etāhīti nāsāti vuccanti. Nāsikāti nāsāyeva. Saṇṭhāpetunti suṭṭhu ṭhapetuṃ, pakatiyā ṭhapetunti attho. Nakhasesanti nakhoyeva seso chinnaṅgulitoti nakhaseso, taṃ. Agge pure uṭṭhahatīti aṅguṭṭho. ‘‘Vuttanayenevā’’ti iminā ‘‘nakhasesaṃ adassetvā’’ti vacanaṃ atidisati. Kaṇḍaranāmakāti mahāsiranāmakā. Te hi kaṃ sarīraṃ dhārentīti kaṇḍarāti vuccanti dhakārassa ḍakāraṃ katvā. Yesūti kaṇḍaresu, niddhāraṇe bhummaṃ.
яасса ваг̇г̇улибагкагаа вияа ан̇г̇улияо самб̣анд̇хо хонд̇и, аяам̣ пан̣ахад̇т̇аго наамаад̇и яож̇анаа. зд̇анд̇и пан̣ахад̇т̇агам̣. чал̣ан̇г̇улаад̣̇аяоби пан̣ахад̇т̇агзязва сан̇г̇ахзд̇аб̣б̣аад̇и ааха ‘‘яассаби ча ан̇г̇улияо’’д̇иаад̣̇и. яассаби ча ан̇г̇улияо хонд̇и, аяамби пан̣ахад̇т̇аго наама убажаарзна.
Yassa vaggulipakkhakā viya aṅguliyo sambandho honti, ayaṃ phaṇahatthako nāmāti yojanā. Etanti phaṇahatthakaṃ. Chaḷaṅgulādayopi phaṇahatthakeyeva saṅgahetabbāti āha ‘‘yassapi cha aṅguliyo’’tiādi. Yassapi cha aṅguliyo honti, ayampi phaṇahatthako nāma upacārena.
куж̇ж̇од̇и зд̇т̇а куж̇ж̇о сарийро яассад̇т̇ийд̇и куж̇ж̇од̇и важанад̇т̇ам̣ д̣̇ассзнд̇о ааха ‘‘куж̇ж̇асарийро’’д̇и. гасмаа куж̇ж̇од̇и ааха ‘‘урасса ваа’’д̇иаад̣̇и. яасса бана ван̇гам̣, аяамби куж̇ж̇о наамаад̇и яож̇анаа. ван̇ганд̇и жа гудилам̣. хийд̇и сажжам̣, яасмаа ваа. б̣рахмуж̇уг̇ад̇д̇од̇и уж̇ум̣ г̇ад̇д̇ам̣ уж̇уг̇ад̇д̇ам̣, б̣рахмуно уж̇уг̇ад̇д̇ам̣ вияа уж̇уг̇ад̇д̇ам̣ имасса махаабурисассаад̇и б̣рахмуж̇уг̇ад̇д̇о, махаабурисо.
Khujjoti ettha khujjo sarīro yassatthīti khujjoti vacanatthaṃ dassento āha ‘‘khujjasarīro’’ti. Kasmā khujjoti āha ‘‘urassa vā’’tiādi. Yassa pana vaṅkaṃ, ayampi khujjo nāmāti yojanā. Vaṅkanti ca kuṭilaṃ. Hīti saccaṃ, yasmā vā. Brahmujugattoti ujuṃ gattaṃ ujugattaṃ, brahmuno ujugattaṃ viya ujugattaṃ imassa mahāpurisassāti brahmujugatto, mahāpuriso.
сам̣кзбзна вуд̇д̇амад̇т̇ам̣ вид̇т̇аарзна д̣̇ассзнд̇о ааха ‘‘ж̇ан̇гхавааманасса хий’’д̇иаад̣̇и. язсанд̇и убхиннам̣ гааяаанам̣. бхууд̇аананд̇и амануссаанам̣ бисаажагабзд̇аанам̣. ад̇д̇абхааво ход̇и вияаад̇и яож̇анаа. баривадумод̇и барисаманд̇ад̇о ваддуласарийро.
Saṃkhepena vuttamatthaṃ vitthārena dassento āha ‘‘jaṅghavāmanassa hī’’tiādi. Yesanti ubhinnaṃ kāyānaṃ. Bhūtānanti amanussānaṃ pisācakapetānaṃ. Attabhāvo hoti viyāti yojanā. Parivaṭumoti parisamantato vaṭṭulasarīro.
г̇алаг̇ан̣д̣ийд̇и зд̇т̇а г̇алз г̇ан̣д̣о яассад̇т̇ийд̇и г̇алаг̇ан̣д̣ийд̇и важанад̇т̇ам̣ д̣̇ассзнд̇о ааха ‘‘яассаа’’д̇иаад̣̇и. зд̇анд̇и ‘‘г̇алаг̇ан̣д̣ий’’д̇и зд̇ам̣ важанам̣. д̇ад̇т̇аад̇и г̇алаг̇ан̣д̣ибаб̣б̣ааж̇анз. яанд̇и важанам̣.
Galagaṇḍīti ettha gale gaṇḍo yassatthīti galagaṇḍīti vacanatthaṃ dassento āha ‘‘yassā’’tiādi. Etanti ‘‘galagaṇḍī’’ti etaṃ vacanaṃ. Tatthāti galagaṇḍipabbājane. Yanti vacanaṃ.
сибад̣̇ийд̇и зд̇т̇а сит̇илам̣ бад̣̇ам̣ имассаад̇и сибад̣̇ийд̇и вуд̇д̇з бхаарабаад̣̇оязва г̇ахзд̇аб̣б̣од̇и ааха ‘‘бхаарабаад̣̇о вужжад̇ий’’д̇и. бхаарам̣ баад̣̇ам̣ яассаад̇и бхаарабаад̣̇о. зд̇з д̣̇вз т̇уулабаад̣̇арог̇ийсу вад̇д̇анд̇ийд̇и д̣̇адтаб̣б̣ам̣. сан̃ж̇аад̇абил̣агод̇и сан̃ж̇аад̇аподо. убанааханд̇и бхусам̣ б̣анд̇ханам̣. уд̣̇агаааваадзд̇и уд̣̇агзна бун̣н̣ааяам̣ гаасуяам̣. уд̣̇агаваалигааяаад̇и уд̣̇агад̇инд̇зна марунаа. яат̇аа сираа бан̃н̃ааяанд̇и, звам̣ милаабзд̇унд̇и яож̇анаа. ийд̣̇исанд̇и сираабан̃н̃ааяанаж̇ан̇гхад̇зланаал̣игасабхаавам̣. д̇ат̇аад̇и яат̇аа баб̣б̣аж̇ж̇аагаалз гарод̇и, д̇ат̇аа гад̇ваад̇и ад̇т̇о.
Sipadīti ettha sithilaṃ padaṃ imassāti sipadīti vutte bhārapādoyeva gahetabboti āha ‘‘bhārapādo vuccatī’’ti. Bhāraṃ pādaṃ yassāti bhārapādo. Ete dve thūlapādarogīsu vattantīti daṭṭhabbaṃ. Sañjātapiḷakoti sañjātaphoṭo. Upanāhanti bhusaṃ bandhanaṃ. Udakaāvāṭeti udakena puṇṇāyaṃ kāsuyaṃ. Udakavālikāyāti udakatintena marunā. Yathā sirā paññāyanti, evaṃ milāpetunti yojanā. Īdisanti sirāpaññāyanajaṅghatelanāḷikasabhāvaṃ. Tathāti yathā pabbajjākāle karoti, tathā katvāti attho.
баабарог̇ийд̇и зд̇т̇а баабарог̇асса саруубам̣ д̣̇ассзнд̇о ааха ‘‘ариса’’ид̇иаад̣̇и. д̇ад̇т̇а арисо жа бхаг̇анд̣̇аро жа бид̇д̇ан̃жа сзмхо жа гаасо жа сосо жаад̇и д̣̇ванд̣̇о, д̇з аад̣̇аяо язсам̣ д̇зд̇и ариса…бз… сосаад̣̇аяо. аад̣̇исад̣̇д̣̇зна хздтаа вуд̇д̇з ааб̣аад̇хз сан̇г̇ан̣хаад̇и. д̇ад̇т̇а бид̇д̇асзмхасад̣̇д̣̇зхи д̇ам̣самудтаано рог̇о г̇ахзд̇аб̣б̣о. ‘‘нижжаад̇уро’’д̇и иминаа баабарог̇ийд̇и зд̇т̇а манд̇уд̇т̇з бавад̇д̇асса ийбажжаяасса нижжаяог̇ад̇т̇ам̣ д̣̇ассзд̇и.
Pāparogīti ettha pāparogassa sarūpaṃ dassento āha ‘‘arisa’’itiādi. Tattha ariso ca bhagandaro ca pittañca semho ca kāso ca soso cāti dvando, te ādayo yesaṃ teti arisa…pe… sosādayo. Ādisaddena heṭṭhā vutte ābādhe saṅgaṇhāti. Tattha pittasemhasaddehi taṃsamuṭṭhāno rogo gahetabbo. ‘‘Niccāturo’’ti iminā pāparogīti ettha mantutthe pavattassa īpaccayassa niccayogatthaṃ dasseti.
барисад̣̇уусанод̇и зд̇т̇а ид̇исад̣̇д̣̇о наамабарияааяо, барисад̣̇уусано наамаад̇и хи ад̇т̇о. яо ад̇д̇ано вируубад̇ааяа барисам̣ д̣̇уусзд̇и, аяам̣ барисад̣̇уусано наамаад̇и яож̇анаа. часарийрад̣̇осам̣ аад̣̇им̣ гад̇ваа барисад̣̇уусанабхаавам̣ вид̇т̇аарзнд̇о ааха ‘‘ад̇ид̣̇ийгхо ваа’’д̇иаад̣̇и. ад̇ид̣̇ийгхо ваад̇и зд̇т̇а на гзвалам̣ барзсам̣ д̣̇ван̇г̇улаад̣̇имад̇д̇ад̣̇ийгхо, ат̇а ко д̣̇иг̇ун̣аад̣̇ид̣̇ийгховаад̇хиббзд̇од̇и ааха ‘‘ан̃н̃зса’’нд̇иаад̣̇и. наабхибад̣̇зсод̇и ад̇д̇ано наабхибад̣̇зсо. яат̇аа хи ад̇ид̣̇ийгхз бараважанзна ад̇ид̣̇ийгхасса саруубам̣ взд̣̇ид̇аб̣б̣ам̣, д̇ат̇аа ад̇ирассаад̣̇ийсуби ад̇ирассасаруубанд̇и д̣̇адтаб̣б̣ам̣. маход̣̇арод̇и махаауд̣̇аро. габбасийсо ваад̇и хад̇т̇исийсо вияа яуг̇асийсо ваа. габбасад̣̇д̣̇о хзд̇т̇а яуг̇ад̇т̇аваажаго. ган̣н̣игагзсо ваад̇и ган̣н̣игасад̣̇исзхи гзсзхи саманнааг̇ад̇о. ‘‘ж̇аад̇ибалид̇зхий’’д̇и иминаа ж̇арааваад̇зна бахад̇ам̣ балид̇ам̣ нивад̇д̇зд̇и. багад̇ид̇амб̣агзсод̇и зд̇т̇а багад̇исад̣̇д̣̇зна гзнажи баяог̇зна д̇амб̣агзсам̣ нивад̇д̇зд̇и. ааваддасийсод̇и бунаббунам̣ ваддад̇ийд̇и ааваддо, гзсааваддо, со зд̇асса сийсз ад̇т̇ийд̇и ааваддасийсо. уд̣̇д̇хаг̇г̇зхийд̇и уд̣̇д̇хам̣ годийхи. ж̇аалаб̣ад̣̇д̇хзна вияаад̇и ж̇аалзна б̣ад̣̇д̇хзна ива.
Parisadūsanoti ettha itisaddo nāmapariyāyo, parisadūsano nāmāti hi attho. Yo attano virūpatāya parisaṃ dūseti, ayaṃ parisadūsano nāmāti yojanā. Chasarīradosaṃ ādiṃ katvā parisadūsanabhāvaṃ vitthārento āha ‘‘atidīgho vā’’tiādi. Atidīgho vāti ettha na kevalaṃ paresaṃ dvaṅgulādimattadīgho, atha kho diguṇādidīghovādhippetoti āha ‘‘aññesa’’ntiādi. Nābhipadesoti attano nābhipadeso. Yathā hi atidīghe paravacanena atidīghassa sarūpaṃ veditabbaṃ, tathā atirassādīsupi atirassasarūpanti daṭṭhabbaṃ. Mahodaroti mahāudaro. Kappasīso vāti hatthisīso viya yugasīso vā. Kappasaddo hettha yugatthavācako. Kaṇṇikakeso vāti kaṇṇikasadisehi kesehi samannāgato. ‘‘Jātipalitehī’’ti iminā jarāvātena pahataṃ palitaṃ nivatteti. Pakatitambakesoti ettha pakatisaddena kenaci payogena tambakesaṃ nivatteti. Āvaṭṭasīsoti punappunaṃ vaṭṭatīti āvaṭṭo, kesāvaṭṭo, so etassa sīse atthīti āvaṭṭasīso. Uddhaggehīti uddhaṃ koṭīhi. Jālabaddhena viyāti jālena baddhena iva.
самб̣ад̣̇д̇хабхамуго ваад̇и ан̃н̃аман̃н̃асамб̣ад̣̇д̇хабхамуго ваа. маггадабхамугод̇и маггадасса бхаму вияа бхаму зд̇ассаад̇и маггадабхамуго. ваасигон̣знаад̇и д̇ажчанийгодияаа. висамажаггалод̇и зд̇т̇а жаггаагаарзна лаад̇и бавад̇д̇ад̇и, жаггаагаарам̣ ваа лаад̇и г̇ан̣хаад̇ийд̇и жаггало. гзгарод̇и валиро. со хи гужчид̇ам̣ гарод̇ийд̇и гзгарод̇и вужжад̇и. гаггадассзваад̇и гаггадасса ива. муусигаган̣н̣од̇и аакуган̣н̣о. ж̇адугаган̣н̣од̇и ваг̇г̇улиган̣н̣о. авид̣̇д̇хаган̣н̣од̇и ажчид̣̇д̣̇аган̣н̣о. хийд̇и сажжам̣, яасмаа ваа. сод̇и авид̣̇д̇хаган̣н̣о. ган̣н̣з бхаг̇анд̣̇аро зд̇ассаад̇и ган̣н̣абхаг̇анд̣̇аро, соязва ган̣н̣абхаг̇анд̣̇ариго. г̇ан̣д̣о ган̣н̣з зд̇ассаад̇и г̇ан̣д̣аган̣н̣о. баг̇гхарид̇абуб̣б̣знаад̇и баг̇гхарид̇абууязна. дан̇гид̇о ган̣н̣о яассаад̇и дан̇гид̇аган̣н̣о. г̇обхад̇д̇анаал̣игааяаад̇и г̇уннам̣ бхад̇д̇абаанад̇т̇ам̣ гад̇ааяа наал̣игааяа. б̣ил̣аарагки вияа ад̇ибин̇г̇алам̣ агки зд̇ассаад̇и ад̇ибин̇г̇алагки. мад̇хуван̣н̣о вияа бин̇г̇алам̣ агки зд̇ассаад̇и мад̇хубин̇г̇алагки. ниббакумагкийд̇и зд̇т̇а бакумам̣ вужжад̇и агкамхи ж̇аад̇ам̣ ломам̣. д̇ан̃хи агкино багкад̣̇ваяз ж̇аад̇ад̇д̇аа бакуманд̇и вужжад̇и. над̇т̇и бакумам̣ агкимхи зд̇ассаад̇и ниббакумагки. ассубаг̇гхаран̣ам̣ агкимхаа зд̇ассаад̇и ассубаг̇гхаран̣агки. бубпам̣ сан̃ж̇аад̇ам̣ яасса агкинод̇и бубпид̇ам̣. бубпид̇ам̣ агки яассаад̇и бубпид̇агки. агкибаагзнаад̇и агкино д̣̇алабарияанд̇зсу бажжанагзна рог̇зна.
Sambaddhabhamuko vāti aññamaññasambaddhabhamuko vā. Makkaṭabhamukoti makkaṭassa bhamu viya bhamu etassāti makkaṭabhamuko. Vāsikoṇenāti tacchanīkoṭiyā. Visamacakkaloti ettha cakkākārena lāti pavattati, cakkākāraṃ vā lāti gaṇhātīti cakkalo. Kekaroti valiro. So hi kucchitaṃ karotīti kekaroti vuccati. Kakkaṭassevāti kakkaṭassa iva. Mūsikakaṇṇoti ākhukaṇṇo. Jaṭukakaṇṇoti vaggulikaṇṇo. Aviddhakaṇṇoti acchiddakaṇṇo. Hīti saccaṃ, yasmā vā. Soti aviddhakaṇṇo. Kaṇṇe bhagandaro etassāti kaṇṇabhagandaro, soyeva kaṇṇabhagandariko. Gaṇḍo kaṇṇe etassāti gaṇḍakaṇṇo. Paggharitapubbenāti paggharitapūyena. Ṭaṅkito kaṇṇo yassāti ṭaṅkitakaṇṇo. Gobhattanāḷikāyāti gunnaṃ bhattapānatthaṃ katāya nāḷikāya. Biḷārakkhi viya atipiṅgalaṃ akkhi etassāti atipiṅgalakkhi. Madhuvaṇṇo viya piṅgalaṃ akkhi etassāti madhupiṅgalakkhi. Nippakhumakkhīti ettha pakhumaṃ vuccati akkhamhi jātaṃ lomaṃ. Tañhi akkhino pakkhadvaye jātattā pakhumanti vuccati. Natthi pakhumaṃ akkhimhi etassāti nippakhumakkhi. Assupaggharaṇaṃ akkhimhā etassāti assupaggharaṇakkhi. Pupphaṃ sañjātaṃ yassa akkhinoti pupphitaṃ. Pupphitaṃ akkhi yassāti pupphitakkhi. Akkhipākenāti akkhino dalapariyantesu paccanakena rogena.
жибиданаасигод̇и ануннад̇анаасиго. сугад̇ун̣д̣асад̣̇исааяаад̇и суваанам̣ мукзна сад̣̇исааяа.
Cipiṭanāsikoti anunnatanāsiko. Sukatuṇḍasadisāyāti suvānaṃ mukhena sadisāya.
бадан̇г̇аман̣д̣уугассзваад̇и бадан̇г̇анаамагасса ман̣д̣уугасса муканимид̇д̇ам̣ ива муканимид̇д̇ам̣язваад̇и яож̇анаа. угкалимукаваддисад̣̇исзхийд̇и угкалияаа мукаваддинаа сад̣̇исзхи. бхзрижаммасад̣̇исзхийд̇и бхзрияаа мукз нахид̇ажаммзна сад̣̇исзхи. зл̣амукод̇и зл̣ааяа нижжабаг̇гхарид̇ам̣ мукамзд̇ассзд̇и зл̣амуко. уббаггамукод̇и уббаггам̣ гут̇игам̣ мукамзд̇ассаад̇и уббаггамуко. сан̇кад̇ун̣д̣агод̇и сан̇касса д̇ун̣д̣зна сад̣̇исо одто зд̇ассаад̇и сан̇кад̇ун̣д̣аго.
Paṭaṅgamaṇḍūkassevāti paṭaṅganāmakassa maṇḍūkassa mukhanimittaṃ iva mukhanimittaṃyevāti yojanā. Ukkhalimukhavaṭṭisadisehīti ukkhaliyā mukhavaṭṭinā sadisehi. Bhericammasadisehīti bheriyā mukhe nahitacammena sadisehi. Eḷamukhoti eḷāya niccapaggharitaṃ mukhametasseti eḷamukho. Uppakkamukhoti uppakkaṃ kuthikaṃ mukhametassāti uppakkamukho. Saṅkhatuṇḍakoti saṅkhassa tuṇḍena sadiso oṭṭho etassāti saṅkhatuṇḍako.
адтагад̣̇анд̇асад̣̇исзхийд̇и адтаганаамагасса нан̇г̇аласса д̣̇анд̇зхи сад̣̇исзхи. д̣̇анд̇з бид̣̇ахид̇унд̇и самб̣анд̇хо. д̣̇анд̇анд̇арзд̇и д̣̇анд̇авиварз, д̣̇анд̇амаж̇жхз ваа. галанд̣̇агад̣̇анд̇о вияаад̇и гаал̣агаанам̣ д̣̇анд̇о вияа.
Aṭṭhakadantasadisehīti aṭṭhakanāmakassa naṅgalassa dantehi sadisehi. Dante pidahitunti sambandho. Dantantareti dantavivare, dantamajjhe vā. Kalandakadanto viyāti kāḷakānaṃ danto viya.
махааханугод̇и маханд̇о хану зд̇ассаад̇и махаахануго. жибидаханугод̇и ануннад̇ахануго. ниммассуд̣̇аатигод̇и над̇т̇и массу жа д̣̇аати жа зд̇ассаад̇и ниммассуд̣̇аатиго. бхадтаам̣сагуудод̇и бхадто бад̇ид̇о ам̣сагуудо имассаад̇и бхадтаам̣сагуудо. г̇од̇хааг̇ад̇д̇од̇и г̇од̇хааяа г̇ад̇д̇ам̣ вияа г̇ад̇д̇ам̣ имассаад̇и г̇од̇хааг̇ад̇д̇о . саб̣б̣ам̣бзд̇анд̇и саб̣б̣амби зд̇ам̣ ‘‘гажчуг̇ад̇д̇о’’д̇иаад̣̇иважанам̣. зд̇т̇аад̇и ‘‘гажчуг̇ад̇д̇о’’д̇иаад̣̇иважанз. винижчаяо взд̣̇ид̇аб̣б̣од̇и яож̇анаа.
Mahāhanukoti mahanto hanu etassāti mahāhanuko. Cipiṭahanukoti anunnatahanuko. Nimmassudāṭhikoti natthi massu ca dāṭhi ca etassāti nimmassudāṭhiko. Bhaṭṭhaaṃsakūṭoti bhaṭṭho patito aṃsakūṭo imassāti bhaṭṭhaaṃsakūṭo. Godhāgattoti godhāya gattaṃ viya gattaṃ imassāti godhāgatto . Sabbaṃpetanti sabbampi etaṃ ‘‘kacchugatto’’tiādivacanaṃ. Etthāti ‘‘kacchugatto’’tiādivacane. Vinicchayo veditabboti yojanā.
бхадтагадигод̇и бхадтаа баннаа гади зд̇ассаад̇и бхадтагадиго. ажжуг̇г̇ад̇зхи аанисад̣̇амам̣сзхийд̇и самб̣анд̇хо. ваад̇ан̣д̣игод̇и ваад̇зна буурид̇о ан̣д̣агосо зд̇ассаад̇и ваад̇ан̣д̣иго. сан̇гхадданаж̇аан̣угод̇и анд̇о над̇ад̇д̇аа ан̃н̃аман̃н̃ам̣ сан̇гхадданам̣ ж̇аан̣у зд̇ассаад̇и сан̇гхадданаж̇аан̣уго. вигадод̇и д̇ирияаг̇аманабаад̣̇о. убад̣дхабин̣д̣игасса ад̇т̇ам̣ саха бхзд̣̇зна д̣̇ассзнд̇о ааха ‘‘со д̣̇увид̇хо’’д̇иаад̣̇и. д̇ад̇т̇а д̣̇увид̇хо со убад̣дхабин̣д̣иго саманнааг̇ад̇од̇и яож̇анаа. ат̇а ваа со убад̣дхабин̣д̣иго хздтаа оруул̣хаахи маханд̇ийхи ж̇ан̇гхабин̣д̣игаахи саманнааг̇ад̇о ваа убари ааруул̣хаахи маханд̇ийхи ж̇ан̇гхабин̣д̣игаахи саманнааг̇ад̇о ваад̇и д̣̇увид̇ход̇и яож̇анаа. бидтигабаад̣̇од̇и бидтияам̣ удтид̇о баад̣̇о зд̇ассаад̇и бидтигабаад̣̇о. г̇ан̣д̣иган̇г̇ули ваад̇и г̇ан̣д̣зна удтид̇о ан̇г̇ули зд̇ассаад̇и г̇ан̣д̣иган̇г̇ули. саб̣б̣обзсаад̇и зса саб̣б̣оби ж̇ано. барисам̣ д̣̇уусзд̇ийд̇и барисад̣̇уусано.
Bhaṭṭhakaṭikoti bhaṭṭhā pannā kaṭi etassāti bhaṭṭhakaṭiko. Accuggatehi ānisadamaṃsehīti sambandho. Vātaṇḍikoti vātena pūrito aṇḍakoso etassāti vātaṇḍiko. Saṅghaṭṭanajāṇukoti anto natattā aññamaññaṃ saṅghaṭṭanaṃ jāṇu etassāti saṅghaṭṭanajāṇuko. Vikaṭoti tiriyagamanapādo. Upaḍḍhapiṇḍikassa atthaṃ saha bhedena dassento āha ‘‘so duvidho’’tiādi. Tattha duvidho so upaḍḍhapiṇḍiko samannāgatoti yojanā. Atha vā so upaḍḍhapiṇḍiko heṭṭhā orūḷhāhi mahantīhi jaṅghapiṇḍikāhi samannāgato vā upari ārūḷhāhi mahantīhi jaṅghapiṇḍikāhi samannāgato vāti duvidhoti yojanā. Piṭṭhikapādoti piṭṭhiyaṃ uṭṭhito pādo etassāti piṭṭhikapādo. Gaṇḍikaṅguli vāti gaṇḍena uṭṭhito aṅguli etassāti gaṇḍikaṅguli. Sabbopesāti esa sabbopi jano. Parisaṃ dūsetīti parisadūsano.
буб̣б̣аад̣̇ийхийд̇иаад̣̇исад̣̇д̣̇зна жагкубасаад̣̇асса анд̇арааяагараани ан̃н̃ааниби вад̇т̇ууни г̇ахзд̇аб̣б̣аани. д̣̇вийхи ваа агкийхи, згзна ваа агкинаад̇и яож̇анаа. убхаяамбийд̇и д̣̇виннам̣ адтагат̇аажарияаанам̣ убхаяамби важанам̣. баал̣ияам̣ ‘‘анд̇хам̣ баб̣б̣ааж̇знд̇ий’’д̇и авад̇ваа ‘‘гаан̣ам̣ баб̣б̣ааж̇знд̇ий’’д̇и вуд̇д̇ад̇д̇аа ‘‘барияааязнаа’’д̇и вуд̇д̇ам̣. махааадтагат̇ааяан̃хи ‘‘ж̇ажжанд̇хо’’д̇и иминаа д̣̇взагкигаан̣ам̣ санд̇хааяа вуд̇д̇ам̣. гун̣ийд̇и гун̣анам̣ сам̣гожанам̣ гун̣ам̣, д̇амзд̇ассад̇т̇ийд̇и гун̣ий. кан̃ж̇од̇и кан̃ж̇ад̇и г̇ад̇ивзгаллабхаавзна бавад̇д̇ад̇ийд̇и кан̃ж̇о. гун̣д̣абаад̣̇агод̇и зд̇т̇а гун̣д̣од̇и кан̃ж̇ассзва наамам̣. кан̃ж̇о хи гуд̣ад̇и г̇аманам̣ бадиханад̇ийд̇и гун̣д̣од̇и вужжад̇и. гасмаа гун̣д̣абаад̣̇аго? гасмаа бидтибаад̣̇амаж̇жхзна жан̇гаманд̇од̇и ааха ‘‘маж̇жхз сам̣гудид̇абаад̣̇ад̇д̇аа’’д̇и. иминаа хи гун̣д̣абаад̣̇асса жа бидтибаад̣̇амаж̇жхзна жан̇гаманасса жа хзд̇ум̣ д̣̇ассзд̇и. зсзва наяо ананд̇араваагязби. саб̣б̣обзсаад̇и зса саб̣б̣оби ж̇ано.
Pubbādīhītiādisaddena cakkhupasādassa antarāyakarāni aññānipi vatthūni gahetabbāni. Dvīhi vā akkhīhi, ekena vā akkhināti yojanā. Ubhayampīti dvinnaṃ aṭṭhakathācariyānaṃ ubhayampi vacanaṃ. Pāḷiyaṃ ‘‘andhaṃ pabbājentī’’ti avatvā ‘‘kāṇaṃ pabbājentī’’ti vuttattā ‘‘pariyāyenā’’ti vuttaṃ. Mahāaṭṭhakathāyañhi ‘‘jaccandho’’ti iminā dveakkhikāṇaṃ sandhāya vuttaṃ. Kuṇīti kuṇanaṃ saṃkocanaṃ kuṇaṃ, tametassatthīti kuṇī. Khañjoti khañjati gativekallabhāvena pavattatīti khañjo. Kuṇḍapādakoti ettha kuṇḍoti khañjasseva nāmaṃ. Khañjo hi kuḍati gamanaṃ paṭihanatīti kuṇḍoti vuccati. Kasmā kuṇḍapādako? Kasmā piṭṭhipādamajjhena caṅkamantoti āha ‘‘majjhe saṃkuṭitapādattā’’ti. Iminā hi kuṇḍapādassa ca piṭṭhipādamajjhena caṅkamanassa ca hetuṃ dasseti. Eseva nayo anantaravākyepi. Sabbopesāti esa sabbopi jano.
багкахад̇од̇и зд̇т̇а зго багко хад̇о винаасо зд̇ассаад̇и багкахад̇од̇и ад̇т̇ам̣ д̣̇ассзнд̇о ааха ‘‘зго хад̇т̇о ваа’’д̇иаад̣̇и. ‘‘багкабаад̇о’’д̇иби баато, со абаатоязва. багкасад̣̇д̣̇о хи годтаасаваажаго, на бан̇г̇улабарияааяо, бийтасаб̣б̣ий вужжад̇ийд̇и бийтзна саб̣б̣ад̇и г̇ажчад̇и сийлзнаад̇и бийтасаб̣б̣ий вужжад̇и. ‘‘ж̇ин̣н̣абхаавзна д̣̇уб̣б̣ало’’д̇и иминаа ж̇ийран̣ам̣ ж̇араа, д̇ааяа д̣̇уб̣б̣ало ж̇араад̣̇уб̣б̣алод̇и важанад̇т̇ам̣ д̣̇ассзд̇и. б̣алаваа ход̇ийд̇и ааг̇анд̇угарог̇аанамабхаавзна б̣алаваа ход̇и, ‘‘важийбхзд̣̇о наббавад̇д̇ад̇ий’’д̇и иминаа мукамад̇д̇амзва г̇ажчад̇и бавад̇д̇ад̇и, на важийбхзд̣̇о зд̇т̇а ж̇анзд̇и мууг̇од̇и д̣̇ассзд̇и. яасса важийбхзд̣̇о на бавад̇д̇ад̇и, аяам̣ мууг̇о наамаад̇и яож̇анаа. маммананд̇и калид̇аважанам̣. яо згамзва агкарам̣ жад̇убан̃жагкад̇д̇ум̣ вад̣̇ад̇и, д̇ассзд̇амад̇хиважанам̣.
Pakkhahatoti ettha eko pakkho hato vināso etassāti pakkhahatoti atthaṃ dassento āha ‘‘eko hattho vā’’tiādi. ‘‘Pakkhapāto’’tipi pāṭho, so apāṭhoyeva. Pakkhasaddo hi koṭṭhāsavācako, na paṅgulapariyāyo, pīṭhasabbī vuccatīti pīṭhena sabbati gacchati sīlenāti pīṭhasabbī vuccati. ‘‘Jiṇṇabhāvena dubbalo’’ti iminā jīraṇaṃ jarā, tāya dubbalo jarādubbaloti vacanatthaṃ dasseti. Balavā hotīti āgantukarogānamabhāvena balavā hoti, ‘‘vacībhedo nappavattatī’’ti iminā mukhamattameva gacchati pavattati, na vacībhedo ettha janeti mūgoti dasseti. Yassa vacībhedo na pavattati, ayaṃ mūgo nāmāti yojanā. Mammananti khalitavacanaṃ. Yo ekameva akkharaṃ catupañcakkhattuṃ vadati, tassetamadhivacanaṃ.
б̣ад̇хийрод̇и суд̇ихийно. со хи хананам̣ сод̇абасаад̣̇асса наасанам̣ вад̇хо, д̇ам̣ ийрад̇и г̇ажчад̇ийд̇и б̣ад̇хийрод̇и вужжад̇и. яо саб̣б̣зна саб̣б̣ам̣ на сун̣аад̇и, аяам̣ б̣ад̇хийро наамаад̇и яож̇анаа. иминаа надтабасаад̣̇ад̇ам̣ д̣̇ассзд̇и . убхаяад̣̇осавасзнаад̇и убалагкан̣авасзна вуд̇д̇ам̣ анд̇хамууг̇аб̣ад̇хирабаб̣б̣ааж̇анз д̇ид̣̇осавасзнаби вуд̇д̇ад̇д̇аа. д̇зд̇и хад̇т̇ажчиннаад̣̇аяо д̣̇вад̇д̇им̣саж̇анз. осааран̣ам̣ абад̇д̇о буг̇г̇ало ад̇т̇и, д̇ам̣ буг̇г̇алам̣ сан̇гхо осаарзд̇и жзд̇и яож̇анаа. осаарзд̇ийд̇и сан̇гхз бавзсзд̇и.
Badhīroti sutihīno. So hi hananaṃ sotapasādassa nāsanaṃ vadho, taṃ īrati gacchatīti badhīroti vuccati. Yo sabbena sabbaṃ na suṇāti, ayaṃ badhīro nāmāti yojanā. Iminā naṭṭhapasādataṃ dasseti . Ubhayadosavasenāti upalakkhaṇavasena vuttaṃ andhamūgabadhirapabbājane tidosavasenapi vuttattā. Teti hatthacchinnādayo dvattiṃsajane. Osāraṇaṃ apatto puggalo atthi, taṃ puggalaṃ saṅgho osāreti ceti yojanā. Osāretīti saṅghe paveseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 57. набаб̣б̣ааж̇зд̇аб̣б̣ад̣̇вад̇д̇им̣савааро • 57. Napabbājetabbadvattiṃsavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / хад̇т̇ажчиннаад̣̇ивад̇т̇угат̇аа • Hatthacchinnādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / хад̇т̇ажчиннаад̣̇ивад̇т̇угат̇ааван̣н̣анаа • Hatthacchinnādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / хад̇т̇ажчиннаад̣̇ивад̇т̇угат̇ааван̣н̣анаа • Hatthacchinnādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / хад̇т̇ажчиннаад̣̇ивад̇т̇угат̇ааван̣н̣анаа • Hatthacchinnādivatthukathāvaṇṇanā
