| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[509] 13. хад̇т̇ибаалаж̇аад̇агаван̣н̣анаа
[509] 13. Hatthipālajātakavaṇṇanā
жирассам̣ вад̇а бассаамаад̇и ид̣̇ам̣ сад̇т̇аа ж̇зд̇аванз вихаранд̇о махаабхинигкаманам̣ аараб̣бха гат̇зси. д̇ад̣̇аа хи сад̇т̇аа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ад̇ийд̇ам̣ аахари.
Cirassaṃ vata passāmāti idaṃ satthā jetavane viharanto mahābhinikkhamanaṃ ārabbha kathesi. Tadā hi satthā ‘‘na, bhikkhave, idāneva, pubbepi tathāgato mahābhinikkhamanaṃ nikkhantoyevā’’ti vatvā atītaṃ āhari.
ад̇ийд̇з б̣аараан̣асияам̣ зсугаарий наама рааж̇аа ахоси. д̇асса бурохид̇о д̣̇ахарагаалад̇о бадтааяа бияасахааяо. д̇з убхоби абуд̇д̇агаа ахзсум̣. д̇з згад̣̇ивасам̣ сукасаяанз нисиннаа манд̇аяим̣су ‘‘амхаагам̣ иссарияам̣ маханд̇ам̣, буд̇д̇о ваа д̇хийд̇аа ваа над̇т̇и, гим̣ ну ко гад̇д̇аб̣б̣а’’нд̇и. д̇ад̇о рааж̇аа бурохид̇ам̣ ааха – ‘‘самма, сажз д̇ава г̇зхз буд̇д̇о ж̇ааяиссад̇и, мама раж̇ж̇асса саамиго бхависсад̇и, сажз мама буд̇д̇о ж̇ааяиссад̇и, д̇ава г̇зхз бхог̇аанам̣ саамиго бхависсад̇ий’’д̇и. звам̣ убхоби ан̃н̃аман̃н̃ам̣ сан̇гарим̣су.
Atīte bārāṇasiyaṃ esukārī nāma rājā ahosi. Tassa purohito daharakālato paṭṭhāya piyasahāyo. Te ubhopi aputtakā ahesuṃ. Te ekadivasaṃ sukhasayane nisinnā mantayiṃsu ‘‘amhākaṃ issariyaṃ mahantaṃ, putto vā dhītā vā natthi, kiṃ nu kho kattabba’’nti. Tato rājā purohitaṃ āha – ‘‘samma, sace tava gehe putto jāyissati, mama rajjassa sāmiko bhavissati, sace mama putto jāyissati, tava gehe bhogānaṃ sāmiko bhavissatī’’ti. Evaṃ ubhopi aññamaññaṃ saṅkariṃsu.
ат̇згад̣̇ивасам̣ бурохид̇о бхог̇аг̇аамам̣ г̇анд̇ваа ааг̇аманагаалз д̣̇агкин̣ад̣̇ваарзна наг̇арам̣ бависанд̇о б̣ахинаг̇арз згам̣ б̣ахубуд̇д̇игам̣ наама д̣̇уг̇г̇ад̇ид̇т̇им̣ басси. д̇ассаа сад̇д̇а буд̇д̇аа саб̣б̣зва арог̇аа, зго бажанабхааж̇анагабаллам̣ г̇ан̣хи, зго саяанагадасаарагам̣, зго бурад̇о г̇ажчад̇и, зго бажчад̇о, зго ан̇г̇улим̣ г̇ан̣хи, зго ан̇гз нисинно, зго канд̇хз. ат̇а нам̣ бурохид̇о бужчи ‘‘бхад̣̇д̣̇з, имзсам̣ д̣̇аарагаанам̣ бид̇аа гухи’’нд̇и? ‘‘саами, имзсам̣ бид̇аа наама ниб̣ад̣̇д̇хо над̇т̇ий’’д̇и. ‘‘зваруубз сад̇д̇а буд̇д̇з гинд̇и гад̇ваа алад̇т̇аа’’д̇и? саа ан̃н̃ам̣ г̇ахан̣ам̣ абассанд̇ий наг̇арад̣̇ваарз тид̇ам̣ ниг̇род̇харугкам̣ д̣̇ассзд̇ваа ‘‘саами зд̇асмим̣ ниг̇род̇хз ад̇хивад̇т̇ааяа д̣̇звад̇ааяа санд̇игз бад̇т̇зд̇ваа лабхим̣, зд̇ааяа мз буд̇д̇аа д̣̇иннаа’’д̇и ааха. бурохид̇о ‘‘д̇зна хи г̇ажча д̇ва’’нд̇и рат̇аа оруяха ниг̇род̇хамуулам̣ г̇анд̇ваа саакааяа г̇ахзд̇ваа жаалзд̇ваа ‘‘амбхо д̣̇звад̇з, д̇вам̣ ран̃н̃о санд̇игаа гим̣ наама на лабхаси, рааж̇аа д̇з анусам̣важчарам̣ сахассам̣ виссаж̇ж̇зд̇ваа б̣алигаммам̣ гарод̇и, д̇асса буд̇д̇ам̣ на д̣̇зси, зд̇ааяа д̣̇уг̇г̇ад̇ид̇т̇ияаа д̇ава го убагааро гад̇о, язнассаа сад̇д̇а буд̇д̇з ад̣̇ааси. сажз амхаагам̣ ран̃н̃о буд̇д̇ам̣ на д̣̇зси, ид̇о д̇ам̣ сад̇д̇амз д̣̇ивасз самуулам̣ чинд̣̇аабзд̇ваа кан̣д̣аакан̣д̣игам̣ гаарзссаамий’’д̇и ругкад̣̇звад̇ам̣ д̇аж̇ж̇зд̇ваа баггаами. со зд̇зна нияаамзнзва бунад̣̇ивасзбийд̇и бадибаадияаа ча д̣̇ивасз гат̇зси. чадтз бана д̣̇ивасз саакааяа г̇ахзд̇ваа ‘‘ругкад̣̇звад̇з аж̇ж̇згарад̇д̇имад̇д̇агамзва сзсам̣, сажз мз ран̃н̃о буд̇д̇ам̣ на д̣̇зси, свз д̇ам̣ нидтаабзссаамий’’д̇и ааха.
Athekadivasaṃ purohito bhogagāmaṃ gantvā āgamanakāle dakkhiṇadvārena nagaraṃ pavisanto bahinagare ekaṃ bahuputtikaṃ nāma duggatitthiṃ passi. Tassā satta puttā sabbeva arogā, eko pacanabhājanakapallaṃ gaṇhi, eko sayanakaṭasārakaṃ, eko purato gacchati, eko pacchato, eko aṅguliṃ gaṇhi, eko aṅke nisinno, eko khandhe. Atha naṃ purohito pucchi ‘‘bhadde, imesaṃ dārakānaṃ pitā kuhi’’nti? ‘‘Sāmi, imesaṃ pitā nāma nibaddho natthī’’ti. ‘‘Evarūpe satta putte kinti katvā alatthā’’ti? Sā aññaṃ gahaṇaṃ apassantī nagaradvāre ṭhitaṃ nigrodharukkhaṃ dassetvā ‘‘sāmi etasmiṃ nigrodhe adhivatthāya devatāya santike patthetvā labhiṃ, etāya me puttā dinnā’’ti āha. Purohito ‘‘tena hi gaccha tva’’nti rathā oruyha nigrodhamūlaṃ gantvā sākhāya gahetvā cāletvā ‘‘ambho devate, tvaṃ rañño santikā kiṃ nāma na labhasi, rājā te anusaṃvaccharaṃ sahassaṃ vissajjetvā balikammaṃ karoti, tassa puttaṃ na desi, etāya duggatitthiyā tava ko upakāro kato, yenassā satta putte adāsi. Sace amhākaṃ rañño puttaṃ na desi, ito taṃ sattame divase samūlaṃ chindāpetvā khaṇḍākhaṇḍikaṃ kāressāmī’’ti rukkhadevataṃ tajjetvā pakkāmi. So etena niyāmeneva punadivasepīti paṭipāṭiyā cha divase kathesi. Chaṭṭhe pana divase sākhāya gahetvā ‘‘rukkhadevate ajjekarattimattakameva sesaṃ, sace me rañño puttaṃ na desi, sve taṃ niṭṭhāpessāmī’’ti āha.
ругкад̣̇звад̇аа ааваж̇ж̇зд̇ваа д̇ам̣ гааран̣ам̣ д̇ат̇ад̇о н̃ад̇ваа ‘‘аяам̣ б̣раахман̣о буд̇д̇ам̣ алабханд̇о мама вимаанам̣ наасзссад̇и, гзна ну ко убааязна д̇асса буд̇д̇ам̣ д̣̇аад̇ум̣ ваддад̇ий’’д̇и жад̇уннам̣ махаарааж̇аанам̣ санд̇игам̣ г̇анд̇ваа д̇амад̇т̇ам̣ аарожзси. д̇з ‘‘маяам̣ д̇асса буд̇д̇ам̣ д̣̇аад̇ум̣ на сагкиссаамаа’’д̇и вад̣̇им̣су. адтавийсад̇ияагкасзнаабад̇ийнам̣ санд̇игам̣ аг̇амааси, д̇зби д̇ат̇зваахам̣су. саггасса д̣̇зваран̃н̃о санд̇игам̣ г̇анд̇ваа гат̇зси. соби ‘‘лабхиссад̇и ну ко рааж̇аа анужчавигз буд̇д̇з, уд̣̇ааху но’’д̇и убад̇хаарзнд̇о бун̃н̃аванд̇з жад̇д̇ааро д̣̇звабуд̇д̇з басси. д̇з гира буримабхавз б̣аараан̣асияам̣ бзсагаараа худ̇ваа д̇зна гаммзна лад̣̇д̇хагам̣ бан̃жагодтаасам̣ гад̇ваа жад̇д̇ааро годтаасз барибхун̃ж̇им̣су. бан̃жамам̣ г̇ахзд̇ваа згад̇ова д̣̇аанам̣ ад̣̇ам̣су. д̇з д̇ад̇о жуд̇аа д̇аавад̇им̣сабхаванз ниб̣б̣ад̇д̇им̣су, д̇ад̇о яаамабхаванзд̇и звам̣ ануломабадиломам̣ часу д̣̇звалогзсу самбад̇д̇им̣ анубхаванд̇аа вижаранд̇и. д̇ад̣̇аа бана нзсам̣ д̇аавад̇им̣сабхаванад̇о жавид̇ваа яаамабхаванам̣ г̇аманавааро ход̇и. сагго д̇зсам̣ санд̇игам̣ г̇анд̇ваа баггосид̇ваа ‘‘маарисаа, д̇умхзхи мануссалогам̣ г̇анд̇ум̣ ваддад̇и, зсугаарийран̃н̃о аг̇г̇амахзсияаа гужчимхи ниб̣б̣ад̇д̇ат̇аа’’д̇и ааха. д̇з д̇асса важанам̣ суд̇ваа ‘‘саад̇ху д̣̇зва, г̇амиссаама, на банамхаагам̣ рааж̇агулзнад̇т̇о, бурохид̇асса г̇зхз ниб̣б̣ад̇д̇ид̇ваа д̣̇ахарагаалзязва гаамз бахааяа баб̣б̣аж̇иссаамаа’’д̇и вад̣̇им̣су. сагго ‘‘саад̇хуу’’д̇и д̇зсам̣ бадин̃н̃ам̣ г̇ахзд̇ваа ааг̇анд̇ваа ругкад̣̇звад̇ааяа д̇амад̇т̇ам̣ аарожзси. саа д̇удтамаанасаа саггам̣ ванд̣̇ид̇ваа ад̇д̇ано вимаанамзва г̇ад̇аа.
Rukkhadevatā āvajjetvā taṃ kāraṇaṃ tathato ñatvā ‘‘ayaṃ brāhmaṇo puttaṃ alabhanto mama vimānaṃ nāsessati, kena nu kho upāyena tassa puttaṃ dātuṃ vaṭṭatī’’ti catunnaṃ mahārājānaṃ santikaṃ gantvā tamatthaṃ ārocesi. Te ‘‘mayaṃ tassa puttaṃ dātuṃ na sakkhissāmā’’ti vadiṃsu. Aṭṭhavīsatiyakkhasenāpatīnaṃ santikaṃ agamāsi, tepi tathevāhaṃsu. Sakkassa devarañño santikaṃ gantvā kathesi. Sopi ‘‘labhissati nu kho rājā anucchavike putte, udāhu no’’ti upadhārento puññavante cattāro devaputte passi. Te kira purimabhave bārāṇasiyaṃ pesakārā hutvā tena kammena laddhakaṃ pañcakoṭṭhāsaṃ katvā cattāro koṭṭhāse paribhuñjiṃsu. pañcamaṃ gahetvā ekatova dānaṃ adaṃsu. Te tato cutā tāvatiṃsabhavane nibbattiṃsu, tato yāmabhavaneti evaṃ anulomapaṭilomaṃ chasu devalokesu sampattiṃ anubhavantā vicaranti. Tadā pana nesaṃ tāvatiṃsabhavanato cavitvā yāmabhavanaṃ gamanavāro hoti. Sakko tesaṃ santikaṃ gantvā pakkositvā ‘‘mārisā, tumhehi manussalokaṃ gantuṃ vaṭṭati, esukārīrañño aggamahesiyā kucchimhi nibbattathā’’ti āha. Te tassa vacanaṃ sutvā ‘‘sādhu deva, gamissāma, na panamhākaṃ rājakulenattho, purohitassa gehe nibbattitvā daharakāleyeva kāme pahāya pabbajissāmā’’ti vadiṃsu. Sakko ‘‘sādhū’’ti tesaṃ paṭiññaṃ gahetvā āgantvā rukkhadevatāya tamatthaṃ ārocesi. Sā tuṭṭhamānasā sakkaṃ vanditvā attano vimānameva gatā.
бурохид̇оби бунад̣̇ивасз б̣алавабурисз саннибаад̇аабзд̇ваа ваасипарасуаад̣̇ийни г̇аахаабзд̇ваа ругкамуулам̣ г̇анд̇ваа ругкасаакааяа г̇ахзд̇ваа ‘‘амбхо д̣̇звад̇з, аж̇ж̇а маяхам̣ д̇ам̣ яаажанд̇асса сад̇д̇амо д̣̇ивасо, ид̣̇аани д̇з нидтаанагаало’’д̇и ааха. д̇ад̇о ругкад̣̇звад̇аа маханд̇знаанубхаавзна канд̇хавиварад̇о нигкамид̇ваа мад̇хурасарзна д̇ам̣ ааманд̇зд̇ваа ‘б̣раахман̣а, д̇идтад̇у зго буд̇д̇о, жад̇д̇ааро д̇з буд̇д̇з д̣̇ассаамий’’д̇и ааха. ‘‘мама буд̇д̇знад̇т̇о над̇т̇и, амхаагам̣ ран̃н̃о буд̇д̇ам̣ д̣̇зхий’’д̇и. ‘‘д̇уяхам̣язва д̣̇змий’’д̇и. ‘‘д̇зна хи мама д̣̇вз, ран̃н̃о д̣̇вз д̣̇зхий’’д̇и. ‘‘ран̃н̃о на д̣̇зми, жад̇д̇аароби д̇уяхамзва д̣̇амми, д̇аяаа жа лад̣̇д̇хамад̇д̇аава бхависсанд̇и, аг̇аарз бана адтад̇ваа д̣̇ахарагаалзязва баб̣б̣аж̇иссанд̇ий’’д̇и. ‘‘д̇вам̣ мз гзвалам̣ буд̇д̇з д̣̇зхи, абаб̣б̣аж̇анагааран̣ам̣ бана амхаагам̣ бхааро’’д̇и. саа д̇асса буд̇д̇аварам̣ д̣̇ад̇ваа ад̇д̇ано бхаванам̣ баависи. д̇ад̇о бадтааяа д̣̇звад̇ааяа саггааро махаа ахоси.
Purohitopi punadivase balavapurise sannipātāpetvā vāsipharasuādīni gāhāpetvā rukkhamūlaṃ gantvā rukkhasākhāya gahetvā ‘‘ambho devate, ajja mayhaṃ taṃ yācantassa sattamo divaso, idāni te niṭṭhānakālo’’ti āha. Tato rukkhadevatā mahantenānubhāvena khandhavivarato nikkhamitvā madhurasarena taṃ āmantetvā ‘brāhmaṇa, tiṭṭhatu eko putto, cattāro te putte dassāmī’’ti āha. ‘‘Mama puttenattho natthi, amhākaṃ rañño puttaṃ dehī’’ti. ‘‘Tuyhaṃyeva demī’’ti. ‘‘Tena hi mama dve, rañño dve dehī’’ti. ‘‘Rañño na demi, cattāropi tuyhameva dammi, tayā ca laddhamattāva bhavissanti, agāre pana aṭṭhatvā daharakāleyeva pabbajissantī’’ti. ‘‘Tvaṃ me kevalaṃ putte dehi, apabbajanakāraṇaṃ pana amhākaṃ bhāro’’ti. Sā tassa puttavaraṃ datvā attano bhavanaṃ pāvisi. Tato paṭṭhāya devatāya sakkāro mahā ahosi.
ж̇здтагад̣̇звабуд̇д̇о жавид̇ваа бурохид̇асса б̣раахман̣ияаа гужчимхи ниб̣б̣ад̇д̇и. д̇асса наамаг̇г̇ахан̣ад̣̇ивасз ‘‘хад̇т̇ибаало’’д̇и наамам̣ гад̇ваа абаб̣б̣аж̇анад̇т̇ааяа хад̇т̇иг̇обагз бадижчаабзсум̣. со д̇зсам̣ санд̇игз вад̣дхад̇и. д̇асса бад̣̇асаа г̇аманагаалз д̣̇уд̇ияо жавид̇ваа ассаа гужчимхи ниб̣б̣ад̇д̇и, д̇ассаби ж̇аад̇агаалз ‘‘ассабаало’’д̇и наамам̣ гарим̣су. со ассаг̇обагаанам̣ санд̇игз вад̣дхад̇и. д̇ад̇ияасса ж̇аад̇агаалз ‘‘г̇обаало’’д̇и наамам̣ гарим̣су. со г̇обаалзхи сад̣̇д̇хим̣ вад̣дхад̇и. жад̇уд̇т̇асса ж̇аад̇агаалз ‘‘аж̇абаало’’д̇и наамам̣ гарим̣су. со аж̇абаалзхи сад̣̇д̇хим̣ вад̣дхад̇и. д̇з вуд̣дхиманвааяа собхаг̇г̇аббад̇д̇аа ахзсум̣.
Jeṭṭhakadevaputto cavitvā purohitassa brāhmaṇiyā kucchimhi nibbatti. Tassa nāmaggahaṇadivase ‘‘hatthipālo’’ti nāmaṃ katvā apabbajanatthāya hatthigopake paṭicchāpesuṃ. So tesaṃ santike vaḍḍhati. Tassa padasā gamanakāle dutiyo cavitvā assā kucchimhi nibbatti, tassapi jātakāle ‘‘assapālo’’ti nāmaṃ kariṃsu. So assagopakānaṃ santike vaḍḍhati. Tatiyassa jātakāle ‘‘gopālo’’ti nāmaṃ kariṃsu. So gopālehi saddhiṃ vaḍḍhati. Catutthassa jātakāle ‘‘ajapālo’’ti nāmaṃ kariṃsu. So ajapālehi saddhiṃ vaḍḍhati. Te vuḍḍhimanvāya sobhaggappattā ahesuṃ.
ат̇а нзсам̣ баб̣б̣аж̇ид̇абхаязна ран̃н̃о виж̇ид̇аа баб̣б̣аж̇ид̇з нийхарим̣су. сагалагаасирадтз згабаб̣б̣аж̇ид̇оби наахоси. д̇з гумаараа ад̇ипарусаа ахзсум̣, яааяа д̣̇исааяа г̇ажчанд̇и, д̇ааяа аахарияамаанам̣ бан̣н̣аагаарам̣ вилумбанд̇и. хад̇т̇ибааласса сол̣асавассагаалз гааяасамбад̇д̇им̣ д̣̇исваа рааж̇аа жа бурохид̇о жа ‘‘гумаараа махаллагаа ж̇аад̇аа, чад̇д̇уссаабанасамаяо, д̇зсам̣ гим̣ ну ко гаад̇аб̣б̣а’’нд̇и манд̇зд̇ваа ‘‘зд̇з абхисид̇д̇агаалад̇о бадтааяа ад̇иссараа бхависсанд̇и, д̇ад̇о д̇ад̇о баб̣б̣аж̇ид̇аа ааг̇амиссанд̇и, д̇з д̣̇исваа баб̣б̣аж̇иссанд̇и, зд̇зсам̣ баб̣б̣аж̇ид̇агаалз ж̇анабад̣̇о уллол̣о бхависсад̇и, виймам̣сиссаама д̇аава нз, бажчаа абхисин̃жиссаамаа’’д̇и жинд̇зд̇ваа убхоби исивзсам̣ г̇ахзд̇ваа бхигкам̣ жаранд̇аа хад̇т̇ибааласса гумаарасса нивзсанад̣̇ваарам̣ аг̇амам̣су. гумааро д̇з д̣̇исваава д̇удто басанно убасан̇гамид̇ваа ванд̣̇ид̇ваа д̇иссо г̇аат̇аа абхааси –
Atha nesaṃ pabbajitabhayena rañño vijitā pabbajite nīhariṃsu. Sakalakāsiraṭṭhe ekapabbajitopi nāhosi. Te kumārā atipharusā ahesuṃ, yāya disāya gacchanti, tāya āhariyamānaṃ paṇṇākāraṃ vilumpanti. Hatthipālassa soḷasavassakāle kāyasampattiṃ disvā rājā ca purohito ca ‘‘kumārā mahallakā jātā, chattussāpanasamayo, tesaṃ kiṃ nu kho kātabba’’nti mantetvā ‘‘ete abhisittakālato paṭṭhāya atissarā bhavissanti, tato tato pabbajitā āgamissanti, te disvā pabbajissanti, etesaṃ pabbajitakāle janapado ulloḷo bhavissati, vīmaṃsissāma tāva ne, pacchā abhisiñcissāmā’’ti cintetvā ubhopi isivesaṃ gahetvā bhikkhaṃ carantā hatthipālassa kumārassa nivesanadvāraṃ agamaṃsu. Kumāro te disvāva tuṭṭho pasanno upasaṅkamitvā vanditvā tisso gāthā abhāsi –
337.
337.
‘‘жирассам̣ вад̇а бассаама, б̣раахман̣ам̣ д̣̇зваван̣н̣инам̣;
‘‘Cirassaṃ vata passāma, brāhmaṇaṃ devavaṇṇinaṃ;
махааж̇адам̣ каарид̇харам̣, бан̇гад̣̇анд̇ам̣ раж̇ассирам̣.
Mahājaṭaṃ khāridharaṃ, paṅkadantaṃ rajassiraṃ.
338.
338.
‘‘жирассам̣ вад̇а бассаама, исим̣ д̇хаммаг̇ун̣з рад̇ам̣;
‘‘Cirassaṃ vata passāma, isiṃ dhammaguṇe rataṃ;
гаасааяавад̇т̇авасанам̣, ваагажийрам̣ бадижчад̣̇ам̣.
Kāsāyavatthavasanaṃ, vākacīraṃ paṭicchadaṃ.
339.
339.
‘‘аасанам̣ уд̣̇агам̣ баж̇ж̇ам̣, бадиг̇ан̣хаад̇у но бхавам̣;
‘‘Āsanaṃ udakaṃ pajjaṃ, paṭigaṇhātu no bhavaṃ;
аг̇гхз бхаванд̇ам̣ бужчаама, аг̇гхам̣ гуруд̇у но бхава’’нд̇и.
Agghe bhavantaṃ pucchāma, agghaṃ kurutu no bhava’’nti.
д̇ад̇т̇а б̣раахман̣анд̇и б̣аахид̇абаабаб̣раахман̣ам̣. д̣̇зваван̣н̣инанд̇и сздтаван̣н̣инам̣ гхорад̇абам̣ барамад̇игкинд̣̇рияам̣ баб̣б̣аж̇ид̇абхаавам̣ убаг̇ад̇анд̇и ад̇т̇о. каарид̇харанд̇и каарибхаарад̇харам̣. исинд̇и сийлагканд̇хаад̣̇аяо бариязсид̇ваа тид̇ам̣. д̇хаммаг̇ун̣з рад̇анд̇и сужарид̇агодтаасз абхирад̇ам̣. ‘‘аасана’’нд̇и ид̣̇ам̣ д̇зсам̣ нисийд̣̇анад̇т̇ааяа аасанам̣ бан̃н̃абзд̇ваа г̇анд̇ход̣̇аган̃жа баад̣̇аб̣бхан̃ж̇анан̃жа убанзд̇ваа ааха. аг̇гхзд̇и имз саб̣б̣зби аасанаад̣̇аяо аг̇гхз бхаванд̇ам̣ бужчаама. гуруд̇у нод̇и имз но аг̇гхз бхавам̣ бадиг̇г̇ан̣хад̇ууд̇и.
Tattha brāhmaṇanti bāhitapāpabrāhmaṇaṃ. Devavaṇṇinanti seṭṭhavaṇṇinaṃ ghoratapaṃ paramatikkhindriyaṃ pabbajitabhāvaṃ upagatanti attho. Khāridharanti khāribhāradharaṃ. Isinti sīlakkhandhādayo pariyesitvā ṭhitaṃ. Dhammaguṇe ratanti sucaritakoṭṭhāse abhirataṃ. ‘‘Āsana’’nti idaṃ tesaṃ nisīdanatthāya āsanaṃ paññapetvā gandhodakañca pādabbhañjanañca upanetvā āha. Aggheti ime sabbepi āsanādayo agghe bhavantaṃ pucchāma. Kurutu noti ime no agghe bhavaṃ paṭiggaṇhatūti.
звам̣ со д̇зсу згзгам̣ ваарзнааха. ат̇а нам̣ бурохид̇о ааха – ‘‘д̇аад̇а хад̇т̇ибаала д̇вам̣ амхз ‘гз имз’д̇и ман̃н̃амаано звам̣ гат̇зсий’’д̇и. ‘‘хзмаванд̇агаа исаяо’’д̇и. ‘‘на маяам̣, д̇аад̇а, исаяо, зса рааж̇аа зсугаарий, ахам̣ д̇з бид̇аа барохид̇о’’д̇и. ‘‘ат̇а гасмаа исивзсам̣ г̇ан̣хид̇т̇аа’’д̇и? ‘‘д̇ава виймам̣санад̇т̇ааяаа’’д̇и. ‘‘мама гим̣ виймам̣сат̇аа’’д̇и? ‘‘сажз амхз д̣̇исваа на баб̣б̣аж̇иссаси, ат̇а д̇ам̣ раж̇ж̇з абхисин̃жид̇ум̣ ааг̇ад̇аамхаа’’д̇и. ‘‘д̇аад̇а на мз раж̇ж̇знад̇т̇о, баб̣б̣аж̇иссаамаханд̇и. ат̇а нам̣ бид̇аа ‘‘д̇аад̇а хад̇т̇ибаала, нааяам̣ гаало баб̣б̣аж̇ж̇ааяаа’’д̇и вад̇ваа яат̇ааж̇жхаасаяам̣ анусаасанд̇о жад̇уд̇т̇аг̇аат̇амааха –
Evaṃ so tesu ekekaṃ vārenāha. Atha naṃ purohito āha – ‘‘tāta hatthipāla tvaṃ amhe ‘ke ime’ti maññamāno evaṃ kathesī’’ti. ‘‘Hemavantakā isayo’’ti. ‘‘Na mayaṃ, tāta, isayo, esa rājā esukārī, ahaṃ te pitā parohito’’ti. ‘‘Atha kasmā isivesaṃ gaṇhitthā’’ti? ‘‘Tava vīmaṃsanatthāyā’’ti. ‘‘Mama kiṃ vīmaṃsathā’’ti? ‘‘Sace amhe disvā na pabbajissasi, atha taṃ rajje abhisiñcituṃ āgatāmhā’’ti. ‘‘Tāta na me rajjenattho, pabbajissāmahanti. Atha naṃ pitā ‘‘tāta hatthipāla, nāyaṃ kālo pabbajjāyā’’ti vatvā yathājjhāsayaṃ anusāsanto catutthagāthamāha –
340.
340.
‘‘ад̇хижжа взд̣̇з бариязса вид̇д̇ам̣, буд̇д̇з г̇зхз д̇аад̇а бад̇идтабзд̇ваа;
‘‘Adhicca vede pariyesa vittaṃ, putte gehe tāta patiṭṭhapetvā;
г̇анд̇хз расз бажжанубхуяяа саб̣б̣ам̣, аран̃н̃ам̣ саад̇ху муни со басад̇т̇о’’д̇и.
Gandhe rase paccanubhuyya sabbaṃ, araññaṃ sādhu muni so pasattho’’ti.
д̇ад̇т̇а ад̇хижжаад̇и саж̇жхааяид̇ваа. буд̇д̇зд̇и чад̇д̇ам̣ уссаабзд̇ваа наадагз ваарзна убадтаабзд̇ваа буд̇д̇ад̇хийд̇аахи вад̣дхид̇ваа д̇з буд̇д̇з г̇зхз бад̇идтаабзд̇ваад̇и ад̇т̇о. саб̣б̣анд̇и зд̇з жа г̇анд̇харасз сзсан̃жа саб̣б̣ам̣ вад̇т̇угаамам̣ анубхавид̇ваа. аран̃н̃ам̣ саад̇ху муни со басад̇т̇од̇и бажчаа махаллагагаалз баб̣б̣аж̇ид̇асса аран̃н̃ам̣ саад̇ху лад̣̇д̇хагам̣ ход̇и. яо зваруубз гаалз баб̣б̣аж̇ад̇и, со муни б̣уд̣̇д̇хаад̣̇ийхи ариязхи басад̇т̇од̇и вад̣̇ад̇и.
Tattha adhiccāti sajjhāyitvā. Putteti chattaṃ ussāpetvā nāṭake vārena upaṭṭhāpetvā puttadhītāhi vaḍḍhitvā te putte gehe patiṭṭhāpetvāti attho. Sabbanti ete ca gandharase sesañca sabbaṃ vatthukāmaṃ anubhavitvā. Araññaṃ sādhu muni so pasatthoti pacchā mahallakakāle pabbajitassa araññaṃ sādhu laddhakaṃ hoti. Yo evarūpe kāle pabbajati, so muni buddhādīhi ariyehi pasatthoti vadati.
д̇ад̇о хад̇т̇ибаало г̇аат̇амааха –
Tato hatthipālo gāthamāha –
341.
341.
‘‘взд̣̇аа на сажжаа на жа вид̇д̇алаабхо, на буд̇д̇алаабхзна ж̇арам̣ виханд̇и;
‘‘Vedā na saccā na ca vittalābho, na puttalābhena jaraṃ vihanti;
г̇анд̇хз расз мужжанамааху санд̇о, сагаммунаа ход̇и палуубабад̇д̇ий’’д̇и.
Gandhe rase muccanamāhu santo, sakammunā hoti phalūpapattī’’ti.
д̇ад̇т̇а на сажжаад̇и яам̣ саг̇г̇ан̃жа маг̇г̇ан̃жа вад̣̇анд̇и, на д̇ам̣ саад̇хзнд̇и, д̇ужчаа ниссаараа нибпалаа. на жа вид̇д̇алаабход̇и д̇ханалаабхоби бан̃жасаад̇хааран̣ад̇д̇аа саб̣б̣о згасабхааво на ход̇и. ж̇аранд̇и д̇аад̇а, ж̇арам̣ ваа б̣яаад̇химаран̣ам̣ ваа на гожи буд̇д̇алаабхзна бадиб̣аахид̇ум̣ самад̇т̇о наама ад̇т̇и. д̣̇угкамуулаа хзд̇з убад̇хаяо. г̇анд̇хз расзд̇и г̇анд̇хз жа расз жа сзсзсу аарамман̣зсу жа мужжанам̣ муд̇д̇имзва б̣уд̣̇д̇хаад̣̇аяо бан̣д̣ид̇аа гат̇знд̇и. сагаммунаад̇и ад̇д̇анаа гад̇агаммзнзва сад̇д̇аанам̣ палуубабад̇д̇и паланибпад̇д̇и ход̇и. гаммассагаа хи, д̇аад̇а, сад̇д̇аад̇и.
Tattha na saccāti yaṃ saggañca maggañca vadanti, na taṃ sādhenti, tucchā nissārā nipphalā. Na ca vittalābhoti dhanalābhopi pañcasādhāraṇattā sabbo ekasabhāvo na hoti. Jaranti tāta, jaraṃ vā byādhimaraṇaṃ vā na koci puttalābhena paṭibāhituṃ samattho nāma atthi. Dukkhamūlā hete upadhayo. Gandhe raseti gandhe ca rase ca sesesu ārammaṇesu ca muccanaṃ muttimeva buddhādayo paṇḍitā kathenti. Sakammunāti attanā katakammeneva sattānaṃ phalūpapatti phalanipphatti hoti. Kammassakā hi, tāta, sattāti.
гумаарасса важанам̣ суд̇ваа рааж̇аа г̇аат̇амааха –
Kumārassa vacanaṃ sutvā rājā gāthamāha –
342.
342.
‘‘ад̣̇д̇хаа хи сажжам̣ важанам̣ д̇авзд̇ам̣, сагаммунаа ход̇и палуубабад̇д̇и;
‘‘Addhā hi saccaṃ vacanaṃ tavetaṃ, sakammunā hoti phalūpapatti;
ж̇ин̣н̣аа жа маад̇аабид̇аро д̇авиймз, бассзяяум̣ д̇ам̣ вассасад̇ам̣ арог̇а’’нд̇и.
Jiṇṇā ca mātāpitaro tavīme, passeyyuṃ taṃ vassasataṃ aroga’’nti.
д̇ад̇т̇а вассасад̇ам̣ арог̇анд̇и зд̇з вассасад̇ам̣ арог̇ам̣ д̇ам̣ бассзяяум̣, д̇вамби вассасад̇ам̣ ж̇ийванд̇о маад̇аабид̇аро босассууд̇и вад̣̇ад̇и.
Tattha vassasataṃ aroganti ete vassasataṃ arogaṃ taṃ passeyyuṃ, tvampi vassasataṃ jīvanto mātāpitaro posassūti vadati.
д̇ам̣ суд̇ваа гумааро ‘‘д̣̇зва, д̇вам̣ гим̣ наамзд̇ам̣ вад̣̇асий’’д̇и вад̇ваа д̣̇вз г̇аат̇аа абхааси –
Taṃ sutvā kumāro ‘‘deva, tvaṃ kiṃ nāmetaṃ vadasī’’ti vatvā dve gāthā abhāsi –
343.
343.
‘‘яассасса сагкий маран̣зна рааж̇а, ж̇арааяа мзд̇д̇ий наравийрасздта;
‘‘Yassassa sakkhī maraṇena rāja, jarāya mettī naravīraseṭṭha;
яо жааби ж̇ан̃н̃аа на мариссам̣ гад̣̇аажи, бассзяяум̣ д̇ам̣ вассасад̇ам̣ арог̇ам̣.
Yo cāpi jaññā na marissaṃ kadāci, passeyyuṃ taṃ vassasataṃ arogaṃ.
344.
344.
‘‘яат̇ааби наавам̣ бурисо д̣̇агамхи, зрзд̇и жз нам̣ убанзд̇и д̇ийрам̣;
‘‘Yathāpi nāvaṃ puriso dakamhi, ereti ce naṃ upaneti tīraṃ;
звамби б̣яаад̇хий сад̇ад̇ам̣ ж̇араа жа, убанзд̇и мажжам̣ васаманд̇агассаа’’д̇и.
Evampi byādhī satataṃ jarā ca, upaneti maccaṃ vasamantakassā’’ti.
д̇ад̇т̇а сагкийд̇и мид̇д̇ад̇хаммо. маран̣знаад̇и д̣̇ад̇д̇о мад̇о мид̇д̇о мад̇од̇и саммуд̇имаран̣зна. ж̇арааяаад̇и баагадаж̇арааяа ваа сад̣̇д̇хим̣ яасса мзд̇д̇ий бхавзяяа, яассзд̇ам̣ маран̣ан̃жа ж̇араа жа мид̇д̇абхаавзна нааг̇ажчзяяаад̇и ад̇т̇о. зрзд̇и жз нанд̇и махаарааж̇а, яат̇аа наама бурисо над̣̇ийд̇ид̇т̇з уд̣̇агамхи наавам̣ табзд̇ваа барад̇ийраг̇аамим̣ ж̇анам̣ ааробзд̇ваа сажз арид̇д̇зна уббийл̣знд̇о пиязна гад̣дханд̇о жаалзд̇и гхаддзд̇и, ат̇а нам̣ барад̇ийрам̣ нзд̇и. звам̣ б̣яаад̇хи ж̇араа жа нижжам̣ анд̇агасса мажжуно васам̣ убанзд̇иязваад̇и.
Tattha sakkhīti mittadhammo. Maraṇenāti datto mato mitto matoti sammutimaraṇena. Jarāyāti pākaṭajarāya vā saddhiṃ yassa mettī bhaveyya, yassetaṃ maraṇañca jarā ca mittabhāvena nāgaccheyyāti attho. Ereti ce nanti mahārāja, yathā nāma puriso nadītitthe udakamhi nāvaṃ ṭhapetvā paratīragāmiṃ janaṃ āropetvā sace arittena uppīḷento phiyena kaḍḍhanto cāleti ghaṭṭeti, atha naṃ paratīraṃ neti. Evaṃ byādhi jarā ca niccaṃ antakassa maccuno vasaṃ upanetiyevāti.
звам̣ имзсам̣ сад̇д̇аанам̣ ж̇ийвид̇асан̇каарасса барид̇д̇абхаавам̣ д̣̇ассзд̇ваа ‘‘махаарааж̇а, д̇умхз д̇идтат̇а, д̇умхзхи сад̣̇д̇хим̣ гат̇аяанд̇амзва мам̣ б̣яаад̇хиж̇араамаран̣аани убаг̇ажчанд̇и, аббамад̇д̇аа хот̇аа’’д̇и оваад̣̇ам̣ д̣̇ад̇ваа рааж̇аанан̃жа бид̇аран̃жа ванд̣̇ид̇ваа ад̇д̇ано барижаарагз г̇ахзд̇ваа б̣аараан̣асияам̣ раж̇ж̇ам̣ бахааяа ‘‘баб̣б̣аж̇иссаамий’’д̇и наг̇арад̇о нигками. ‘‘баб̣б̣аж̇ж̇аа наамзсаа собханаа бхависсад̇ий’’д̇и хад̇т̇ибаалагумаарзна сад̣̇д̇хим̣ махааж̇ано нигками. яож̇анигаа барисаа ахоси. со д̇ааяа барисааяа сад̣̇д̇хим̣ г̇ан̇г̇ааяа д̇ийрам̣ бад̇ваа г̇ан̇г̇ааяа уд̣̇агам̣ ологзд̇ваа гасин̣абаригаммам̣ гад̇ваа жхаанаани ниб̣б̣ад̇д̇зд̇ваа жинд̇зси ‘‘аяам̣ самааг̇амо махаа бхависсад̇и, мама д̇аяо ганидтабхаад̇аро маад̇аабид̇аро рааж̇аа д̣̇звийд̇и саб̣б̣з сабарисаа баб̣б̣аж̇иссанд̇и, б̣аараан̣асий сун̃н̃аа бхависсад̇и, яаава зд̇зсам̣ ааг̇аманаа ид̇хзва бхависсаамий’’д̇и. со д̇ад̇т̇зва махааж̇анасса оваад̣̇ам̣ д̣̇знд̇о нисийд̣̇и.
Evaṃ imesaṃ sattānaṃ jīvitasaṅkhārassa parittabhāvaṃ dassetvā ‘‘mahārāja, tumhe tiṭṭhatha, tumhehi saddhiṃ kathayantameva maṃ byādhijarāmaraṇāni upagacchanti, appamattā hothā’’ti ovādaṃ datvā rājānañca pitarañca vanditvā attano paricārake gahetvā bārāṇasiyaṃ rajjaṃ pahāya ‘‘pabbajissāmī’’ti nagarato nikkhami. ‘‘Pabbajjā nāmesā sobhanā bhavissatī’’ti hatthipālakumārena saddhiṃ mahājano nikkhami. Yojanikā parisā ahosi. So tāya parisāya saddhiṃ gaṅgāya tīraṃ patvā gaṅgāya udakaṃ oloketvā kasiṇaparikammaṃ katvā jhānāni nibbattetvā cintesi ‘‘ayaṃ samāgamo mahā bhavissati, mama tayo kaniṭṭhabhātaro mātāpitaro rājā devīti sabbe saparisā pabbajissanti, bārāṇasī suññā bhavissati, yāva etesaṃ āgamanā idheva bhavissāmī’’ti. So tattheva mahājanassa ovādaṃ dento nisīdi.
бунад̣̇ивасз рааж̇аа жа бурохид̇о жа жинд̇аяим̣су ‘‘хад̇т̇ибаалагумааро д̇аава ‘раж̇ж̇ам̣ бахааяа махааж̇анам̣ аад̣̇ааяа баб̣б̣аж̇иссаамий’д̇и г̇анд̇ваа г̇ан̇г̇аад̇ийрз нисинно, ассабаалам̣ виймам̣сид̇ваа абхисин̃жиссаамаа’’д̇и. д̇з исивзсзнзва д̇ассаби г̇зхад̣̇ваарам̣ аг̇амам̣су. соби д̇з д̣̇исваа басаннамаанасо убасан̇гамид̇ваа ‘‘жирассам̣ вад̇а бассаамаа’’д̇иаад̣̇ийни вад̣̇анд̇о д̇ат̇зва бадибаж̇ж̇и. д̇зби д̇ам̣ д̇ат̇зва вад̇ваа ад̇д̇ано ааг̇ад̇агааран̣ам̣ гат̇аяим̣су. со ‘‘мама бхаад̇игз хад̇т̇ибаалагумаарз санд̇з гат̇ам̣ батамад̇арам̣ маяхамзва сзд̇ажчад̇д̇ам̣ баабун̣аад̇ий’’д̇и бужчид̇ваа ‘‘д̇аад̇а, бхаад̇аа, д̇з ‘на маяхам̣ раж̇ж̇знад̇т̇о, баб̣б̣аж̇иссаамий’д̇и вад̇ваа нигканд̇о’’д̇и вуд̇д̇з ‘‘гахам̣ банзсо ид̣̇ааний’’д̇и вад̇ваа ‘‘г̇ан̇г̇аад̇ийрз нисинно’’д̇и вуд̇д̇з ‘‘д̇аад̇а, мама бхаад̇араа чад̣д̣ид̇акзл̣зна гаммам̣ над̇т̇и, б̣аалаа хи барид̇д̇агабан̃н̃аа сад̇д̇аа зд̇ам̣ гилзсам̣ ж̇ахид̇ум̣ на саггонд̇и, ахам̣ бана ж̇ахиссаамий’’д̇и ран̃н̃о жа бид̇у жа д̇хаммам̣ д̣̇зсзнд̇о д̣̇вз г̇аат̇аа абхааси –
Punadivase rājā ca purohito ca cintayiṃsu ‘‘hatthipālakumāro tāva ‘rajjaṃ pahāya mahājanaṃ ādāya pabbajissāmī’ti gantvā gaṅgātīre nisinno, assapālaṃ vīmaṃsitvā abhisiñcissāmā’’ti. Te isiveseneva tassapi gehadvāraṃ agamaṃsu. Sopi te disvā pasannamānaso upasaṅkamitvā ‘‘cirassaṃ vata passāmā’’tiādīni vadanto tatheva paṭipajji. Tepi taṃ tatheva vatvā attano āgatakāraṇaṃ kathayiṃsu. So ‘‘mama bhātike hatthipālakumāre sante kathaṃ paṭhamataraṃ mayhameva setacchattaṃ pāpuṇātī’’ti pucchitvā ‘‘tāta, bhātā, te ‘na mayhaṃ rajjenattho, pabbajissāmī’ti vatvā nikkhanto’’ti vutte ‘‘kahaṃ paneso idānī’’ti vatvā ‘‘gaṅgātīre nisinno’’ti vutte ‘‘tāta, mama bhātarā chaḍḍitakheḷena kammaṃ natthi, bālā hi parittakapaññā sattā etaṃ kilesaṃ jahituṃ na sakkonti, ahaṃ pana jahissāmī’’ti rañño ca pitu ca dhammaṃ desento dve gāthā abhāsi –
345.
345.
‘‘бан̇го жа гаамаа балибо жа гаамаа, манохараа д̣̇уд̇д̇араа мажжуд̇хзяяаа;
‘‘Paṅko ca kāmā palipo ca kāmā, manoharā duttarā maccudheyyā;
зд̇асмим̣ бан̇гз балибз б̣яасаннаа, хийнад̇д̇аруубаа на д̇аранд̇и баарам̣.
Etasmiṃ paṅke palipe byasannā, hīnattarūpā na taranti pāraṃ.
346.
346.
‘‘аяам̣ бурз луд̣̇д̣̇амагааси гаммам̣, свааяам̣ г̇ахийд̇о на хи могкид̇о мз;
‘‘Ayaṃ pure luddamakāsi kammaṃ, svāyaṃ gahīto na hi mokkhito me;
орунд̇хияаа нам̣ барирагкиссаами, мааяам̣ буна луд̣̇д̣̇амагааси гамма’’нд̇и.
Orundhiyā naṃ parirakkhissāmi, māyaṃ puna luddamakāsi kamma’’nti.
д̇ад̇т̇а бан̇год̇и яо гожи гад̣̇д̣̇амо. балибод̇и сукумаваалугамиссо сан̣хагад̣̇д̣̇амо. д̇ад̇т̇а гаамаа лаг̇г̇аабанавасзна бан̇го наама, осийд̣̇аабанавасзна балибо наамаад̇и вуд̇д̇аа. д̣̇уд̇д̇араад̇и д̣̇урад̇иггамаа. мажжуд̇хзяяаад̇и мажжуно ад̇хидтаанаа. зд̇зсу хи лаг̇г̇аа жзва анубавидтаа жа сад̇д̇аа уд̇д̇арид̇ум̣ асаггонд̇аа д̣̇угкагканд̇хабарияааяз вуд̇д̇аббагаарам̣ д̣̇угкан̃жзва маран̣ан̃жа баабун̣анд̇и. д̇знааха – ‘‘зд̇асмим̣ бан̇гз балибз б̣яасаннаа хийнад̇д̇аруубаа на д̇аранд̇и баара’’нд̇и. д̇ад̇т̇а б̣яасаннаад̇и саннаа. ‘‘висаннаа’’д̇иби баато, аяамзвад̇т̇о. хийнад̇д̇аруубаад̇и хийнажид̇д̇асабхааваа. на д̇аранд̇и бааранд̇и ниб̣б̣аанабаарам̣ г̇анд̇ум̣ на саггонд̇и.
Tattha paṅkoti yo koci kaddamo. Palipoti sukhumavālukamisso saṇhakaddamo. Tattha kāmā laggāpanavasena paṅko nāma, osīdāpanavasena palipo nāmāti vuttā. Duttarāti duratikkamā. Maccudheyyāti maccuno adhiṭṭhānā. Etesu hi laggā ceva anupaviṭṭhā ca sattā uttarituṃ asakkontā dukkhakkhandhapariyāye vuttappakāraṃ dukkhañceva maraṇañca pāpuṇanti. Tenāha – ‘‘etasmiṃ paṅke palipe byasannā hīnattarūpā na taranti pāra’’nti. Tattha byasannāti sannā. ‘‘Visannā’’tipi pāṭho, ayamevattho. Hīnattarūpāti hīnacittasabhāvā. Na taranti pāranti nibbānapāraṃ gantuṃ na sakkonti.
аяанд̇и махаарааж̇а, аяам̣ мамад̇д̇абхааво буб̣б̣з ассаг̇обагзхи сад̣̇д̇хим̣ вад̣дханд̇о махааж̇анасса вилумбанавихзтанаад̣̇ивасзна б̣ахум̣ луд̣̇д̣̇ам̣ саахасигагаммам̣ агааси. свааяам̣ г̇ахийд̇од̇и со аяам̣ д̇асса гаммасса вибааго маяаа г̇ахид̇о. на хи могкид̇о мзд̇и сам̣саараваддз сад̇и на хи могко ид̇о агусалапалад̇о мама ад̇т̇и. орунд̇хияаа нам̣ барирагкиссаамийд̇и ид̣̇аани нам̣ гааяаважийманод̣̇ваараани бид̣̇аханд̇о орунд̇хид̇ваа барирагкиссаами. гим̣гааран̣аа? мааяам̣ буна луд̣̇д̣̇амагааси гаммам̣. ахан̃хи ид̇о бадтааяа баабам̣ агад̇ваа галяаан̣амзва гариссаами.
Ayanti mahārāja, ayaṃ mamattabhāvo pubbe assagopakehi saddhiṃ vaḍḍhanto mahājanassa vilumpanaviheṭhanādivasena bahuṃ luddaṃ sāhasikakammaṃ akāsi. Svāyaṃ gahītoti so ayaṃ tassa kammassa vipāko mayā gahito. Na hi mokkhito meti saṃsāravaṭṭe sati na hi mokkho ito akusalaphalato mama atthi. Orundhiyā naṃ parirakkhissāmīti idāni naṃ kāyavacīmanodvārāni pidahanto orundhitvā parirakkhissāmi. Kiṃkāraṇā? Māyaṃ puna luddamakāsi kammaṃ. Ahañhi ito paṭṭhāya pāpaṃ akatvā kalyāṇameva karissāmi.
звам̣ ассабаалагумааро д̣̇вийхи г̇аат̇аахи д̇хаммам̣ д̣̇зсзд̇ваа ‘‘д̇идтат̇а д̇умхз, д̇умхзхи сад̣̇д̇хим̣ гат̇знд̇амзва мам̣ б̣яаад̇хиж̇араамаран̣аани убаг̇ажчанд̇ий’’д̇и оваад̣̇ам̣ д̣̇ад̇ваа яож̇анигам̣ барисам̣ г̇ахзд̇ваа нигкамид̇ваа хад̇т̇ибаалагумаарассзва санд̇игам̣ г̇ад̇о. со д̇асса аагаасз нисийд̣̇ид̇ваа д̇хаммам̣ д̣̇зсзд̇ваа ‘‘бхаад̇ига, аяам̣ самааг̇амо махаа бхависсад̇и, ид̇хзва д̇аава хомаа’’д̇и ааха. ид̇ароби ‘‘саад̇хуу’’д̇и самбадижчи. бунад̣̇ивасз рааж̇аа жа бурохид̇о жа д̇знзвубааязна г̇обаалагумаарасса нивзсанам̣ г̇анд̇ваа д̇знаби д̇ат̇зва бадинанд̣̇ид̇ваа ад̇д̇ано ааг̇аманагааран̣ам̣ аажигким̣су. соби ассабаалагумааро вияа бадигкибид̇ваа ‘‘ахам̣ жирад̇о бадтааяа баб̣б̣аж̇ид̇угаамо ванз надтаг̇он̣ам̣ вияа баб̣б̣аж̇ж̇ам̣ убад̇хаарзнд̇о вижараами, д̇зна мз надтаг̇он̣асса бад̣̇ам̣ вияа бхаад̇игаанам̣ г̇ад̇амаг̇г̇о д̣̇идто, сваахам̣ д̇знзва маг̇г̇зна г̇амиссаамий’’д̇и вад̇ваа г̇аат̇амааха –
Evaṃ assapālakumāro dvīhi gāthāhi dhammaṃ desetvā ‘‘tiṭṭhatha tumhe, tumhehi saddhiṃ kathentameva maṃ byādhijarāmaraṇāni upagacchantī’’ti ovādaṃ datvā yojanikaṃ parisaṃ gahetvā nikkhamitvā hatthipālakumārasseva santikaṃ gato. So tassa ākāse nisīditvā dhammaṃ desetvā ‘‘bhātika, ayaṃ samāgamo mahā bhavissati, idheva tāva homā’’ti āha. Itaropi ‘‘sādhū’’ti sampaṭicchi. Punadivase rājā ca purohito ca tenevupāyena gopālakumārassa nivesanaṃ gantvā tenapi tatheva paṭinanditvā attano āgamanakāraṇaṃ ācikkhiṃsu. Sopi assapālakumāro viya paṭikkhipitvā ‘‘ahaṃ cirato paṭṭhāya pabbajitukāmo vane naṭṭhagoṇaṃ viya pabbajjaṃ upadhārento vicarāmi, tena me naṭṭhagoṇassa padaṃ viya bhātikānaṃ gatamaggo diṭṭho, svāhaṃ teneva maggena gamissāmī’’ti vatvā gāthamāha –
347.
347.
‘‘г̇авам̣ва надтам̣ бурисо яат̇аа ванз, анвзсад̇ий рааж̇а абассамаано;
‘‘Gavaṃva naṭṭhaṃ puriso yathā vane, anvesatī rāja apassamāno;
звам̣ надто зсугаарий мамад̇т̇о, сохам̣ гат̇ам̣ на г̇авзсзяяам̣ рааж̇аа’’д̇и.
Evaṃ naṭṭho esukārī mamattho, sohaṃ kathaṃ na gaveseyyaṃ rājā’’ti.
д̇ад̇т̇а зсугаарийд̇и рааж̇аанам̣ аалабад̇и. мамад̇т̇од̇и ванз г̇он̣о вияа мама баб̣б̣аж̇ж̇аасан̇каад̇о ад̇т̇о надто. соханд̇и со ахам̣ аж̇ж̇а баб̣б̣аж̇ид̇аанам̣ маг̇г̇ам̣ д̣̇исваа гат̇ам̣ баб̣б̣аж̇ж̇ам̣ на г̇авзсзяяам̣, мама бхаад̇игаанам̣ г̇ад̇амаг̇г̇амзва г̇амиссаами наринд̣̇аад̇и.
Tattha esukārīti rājānaṃ ālapati. Mamatthoti vane goṇo viya mama pabbajjāsaṅkhāto attho naṭṭho. Sohanti so ahaṃ ajja pabbajitānaṃ maggaṃ disvā kathaṃ pabbajjaṃ na gaveseyyaṃ, mama bhātikānaṃ gatamaggameva gamissāmi narindāti.
ат̇а нам̣ ‘‘д̇аад̇а г̇обаала, згаахам̣ д̣̇вийхам̣ ааг̇амзхи, амхз самассаасзд̇ваа бажчаа баб̣б̣аж̇иссасий’’д̇и вад̣̇им̣су. со ‘‘махаарааж̇а, аж̇ж̇а гад̇д̇аб̣б̣агаммам̣ ‘свз гариссаамий’д̇и на вад̇д̇аб̣б̣ам̣, галяаан̣агаммам̣ наама аж̇ж̇зва гад̇д̇аб̣б̣а’’нд̇и вад̇ваа ид̇арам̣ г̇аат̇амааха –
Atha naṃ ‘‘tāta gopāla, ekāhaṃ dvīhaṃ āgamehi, amhe samassāsetvā pacchā pabbajissasī’’ti vadiṃsu. So ‘‘mahārāja, ajja kattabbakammaṃ ‘sve karissāmī’ti na vattabbaṃ, kalyāṇakammaṃ nāma ajjeva kattabba’’nti vatvā itaraṃ gāthamāha –
348.
348.
‘‘хияяод̇и хияяад̇и босо, барзд̇и барихааяад̇и;
‘‘Hiyyoti hiyyati poso, pareti parihāyati;
анааг̇ад̇ам̣ нзд̇амад̇т̇ийд̇и н̃ад̇ваа, уббанначанд̣̇ам̣ го бануд̣̇зяяа д̇хийро’’д̇и.
Anāgataṃ netamatthīti ñatvā, uppannachandaṃ ko panudeyya dhīro’’ti.
д̇ад̇т̇а хияяод̇и свзд̇и ад̇т̇о. барзд̇и бунад̣̇ивасз. ид̣̇ам̣ вуд̇д̇ам̣ ход̇и – ‘‘яо махаарааж̇а, аж̇ж̇а гад̇д̇аб̣б̣ам̣ гаммам̣ ‘свз’д̇и, свз гад̇д̇аб̣б̣ам̣ гаммам̣ ‘барз’д̇и вад̇ваа на гарод̇и, со д̇ад̇о барихааяад̇и, на д̇ам̣ гаммам̣ гаад̇ум̣ саггод̇ий’’д̇и. звам̣ г̇обаало бхад̣̇д̣̇згарад̇д̇асуд̇д̇ам̣ (ма. ни. 3.272 аад̣̇аяо) наама гат̇зси. свааяамад̇т̇о бхад̣̇д̣̇згарад̇д̇асуд̇д̇зна гат̇зд̇аб̣б̣о. анааг̇ад̇ам̣ нзд̇амад̇т̇ийд̇и яам̣ анааг̇ад̇ам̣, д̇ам̣ ‘‘нзд̇ам̣ ад̇т̇ий’’д̇и н̃ад̇ваа уббаннам̣ гусалажчанд̣̇ам̣ го бан̣д̣ид̇о бануд̣̇зяяа харзяяа.
Tattha hiyyoti sveti attho. Pareti punadivase. Idaṃ vuttaṃ hoti – ‘‘yo mahārāja, ajja kattabbaṃ kammaṃ ‘sve’ti, sve kattabbaṃ kammaṃ ‘pare’ti vatvā na karoti, so tato parihāyati, na taṃ kammaṃ kātuṃ sakkotī’’ti. Evaṃ gopālo bhaddekarattasuttaṃ (ma. ni. 3.272 ādayo) nāma kathesi. Svāyamattho bhaddekarattasuttena kathetabbo. Anāgataṃ netamatthīti yaṃ anāgataṃ, taṃ ‘‘netaṃ atthī’’ti ñatvā uppannaṃ kusalacchandaṃ ko paṇḍito panudeyya hareyya.
звам̣ г̇обаалагумааро д̣̇вийхи г̇аат̇аахи д̇хаммам̣ д̣̇зсзд̇ваа ‘‘д̇идтат̇а д̇умхз, д̇умхзхи сад̣̇д̇хим̣ гат̇знд̇амзва мам̣ б̣яаад̇хиж̇араамаран̣аани убаг̇ажчанд̇ий’’д̇и яож̇анигам̣ барисам̣ г̇ахзд̇ваа нигкамид̇ваа д̣̇виннам̣ бхаад̇игаанам̣ санд̇игам̣ г̇ад̇о. хад̇т̇ибаало д̇ассаби д̇хаммам̣ д̣̇зсзси. бунад̣̇ивасз рааж̇аа жа бурохид̇о жа д̇знзвубааязна аж̇абаалагумаарасса нивзсанам̣ г̇анд̇ваа д̇знаби д̇ат̇зва бадинанд̣̇ид̇ваа ад̇д̇ано ааг̇аманагааран̣ам̣ аажигкид̇ваа ‘‘чад̇д̇ам̣ д̇з уссаабзссаамаа’’д̇и вад̣̇им̣су. гумааро ааха – ‘‘маяхам̣ бхаад̇игаа гухи’’нд̇и? д̇з ‘‘амхаагам̣ раж̇ж̇знад̇т̇о над̇т̇ий’’д̇и сзд̇ажчад̇д̇ам̣ бахааяа д̇ияож̇анигам̣ барисам̣ г̇ахзд̇ваа нигкамид̇ваа г̇ан̇г̇аад̇ийрз нисиннаад̇и. наахам̣ мама бхаад̇игзхи чад̣д̣ид̇акзл̣ам̣ сийсзнаад̣̇ааяа вижариссаами, ахамби баб̣б̣аж̇иссаамийд̇и. д̇аад̇а, д̇вам̣ д̇аава д̣̇ахаро , амхаагам̣ хад̇т̇абхааро, ваяаббад̇д̇агаалз баб̣б̣аж̇иссасийд̇и. ат̇а нз гумааро ‘‘гим̣ д̇умхз гат̇зт̇а, нану имз сад̇д̇аа д̣̇ахарагаалзби махаллагагаалзби маранд̇иязва, ‘аяам̣ д̣̇ахарагаалз мариссад̇и, аяам̣ махаллагагаалз’д̇и гассажи хад̇т̇з ваа баад̣̇з ваа нимид̇д̇ам̣ над̇т̇и, ахам̣ мама маран̣агаалам̣ на ж̇аанаами, д̇асмаа ид̣̇аанзва баб̣б̣аж̇иссаамий’’д̇и вад̇ваа д̣̇вз г̇аат̇аа абхааси –
Evaṃ gopālakumāro dvīhi gāthāhi dhammaṃ desetvā ‘‘tiṭṭhatha tumhe, tumhehi saddhiṃ kathentameva maṃ byādhijarāmaraṇāni upagacchantī’’ti yojanikaṃ parisaṃ gahetvā nikkhamitvā dvinnaṃ bhātikānaṃ santikaṃ gato. Hatthipālo tassapi dhammaṃ desesi. Punadivase rājā ca purohito ca tenevupāyena ajapālakumārassa nivesanaṃ gantvā tenapi tatheva paṭinanditvā attano āgamanakāraṇaṃ ācikkhitvā ‘‘chattaṃ te ussāpessāmā’’ti vadiṃsu. Kumāro āha – ‘‘mayhaṃ bhātikā kuhi’’nti? Te ‘‘amhākaṃ rajjenattho natthī’’ti setacchattaṃ pahāya tiyojanikaṃ parisaṃ gahetvā nikkhamitvā gaṅgātīre nisinnāti. Nāhaṃ mama bhātikehi chaḍḍitakheḷaṃ sīsenādāya vicarissāmi, ahampi pabbajissāmīti. Tāta, tvaṃ tāva daharo , amhākaṃ hatthabhāro, vayappattakāle pabbajissasīti. Atha ne kumāro ‘‘kiṃ tumhe kathetha, nanu ime sattā daharakālepi mahallakakālepi marantiyeva, ‘ayaṃ daharakāle marissati, ayaṃ mahallakakāle’ti kassaci hatthe vā pāde vā nimittaṃ natthi, ahaṃ mama maraṇakālaṃ na jānāmi, tasmā idāneva pabbajissāmī’’ti vatvā dve gāthā abhāsi –
349.
349.
‘‘бассаами вохам̣ д̣̇ахарам̣ гумаарим̣, мад̇д̇уубамам̣ гзд̇агабубпанзд̇д̇ам̣;
‘‘Passāmi vohaṃ daharaṃ kumāriṃ, mattūpamaṃ ketakapupphanettaṃ;
абхуд̇д̇абхог̇з батамз ваяасмим̣, аад̣̇ааяа мажжу важ̇ад̇з гумаарим̣.
Abhuttabhoge paṭhame vayasmiṃ, ādāya maccu vajate kumāriṃ.
350.
350.
‘‘яуваа суж̇аад̇о сумуко суд̣̇ассано, саамо гусумбхабаригин̣н̣амассу;
‘‘Yuvā sujāto sumukho sudassano, sāmo kusumbhaparikiṇṇamassu;
хид̇ваана гаамз бадигажжа г̇зхам̣, ануж̇аана мам̣ баб̣б̣аж̇иссаами д̣̇зваа’’д̇и.
Hitvāna kāme paṭikacca gehaṃ, anujāna maṃ pabbajissāmi devā’’ti.
д̇ад̇т̇а вод̇и нибаад̇амад̇д̇ам̣, бассаамижжзваад̇и ад̇т̇о. мад̇д̇уубаманд̇и хаасабхаасавилаасзхи мад̇д̇ам̣ вияа жаранд̇им̣. гзд̇агабубпанзд̇д̇анд̇и гзд̇агабубпабад̇д̇ам̣ вияа бут̇улааяад̇анзд̇д̇ам̣. абхуд̇д̇абхог̇зд̇и звам̣ уд̇д̇амаруубад̇харам̣ гумаарим̣ батамаваяз вад̇д̇амаанам̣ абхуд̇д̇абхог̇амзва маад̇аабид̇уунам̣ убари маханд̇ам̣ согам̣ баад̇зд̇ваа мажжу г̇ахзд̇ваава г̇ажчад̇и. суж̇аад̇од̇и сусан̣тид̇о. сумукод̇и ган̃жанаад̣̇аасабун̣н̣ажанд̣̇асад̣̇исамуко. суд̣̇ассанод̇и уд̇д̇амаруубад̇хаарид̇ааяа самбаннад̣̇ассано. саамод̇и суван̣н̣асаамо. гусумбхабаригин̣н̣амассууд̇и саннисиннадтзна сукумадтзна жа д̇арун̣агусумбхагзсарасад̣̇исабаригин̣н̣амассу. иминаа зваруубоби гумааро мажжувасам̣ г̇ажчад̇и. д̇ат̇аавид̇хамби хи синзрум̣ уббаад̇знд̇о вияа ниггарун̣о мажжу аад̣̇ааяа г̇ажчад̇ийд̇и д̣̇ассзд̇и. хид̇ваана гаамз бадигажжа г̇зхам̣, ануж̇аана мам̣ баб̣б̣аж̇иссаами д̣̇зваад̇и д̣̇зва, буд̇д̇ад̣̇аараб̣анд̇ханасмин̃хи уббаннз д̇ам̣ б̣анд̇ханам̣ д̣̇ужчзд̣̇анийяам̣ ход̇и, д̇знаахам̣ бурзд̇аран̃н̃зва гаамз жа г̇зхан̃жа хид̇ваа ид̣̇аанзва баб̣б̣аж̇иссаами, ануж̇аана, манд̇и.
Tattha voti nipātamattaṃ, passāmiccevāti attho. Mattūpamanti hāsabhāsavilāsehi mattaṃ viya carantiṃ. Ketakapupphanettanti ketakapupphapattaṃ viya puthulāyatanettaṃ. Abhuttabhogeti evaṃ uttamarūpadharaṃ kumāriṃ paṭhamavaye vattamānaṃ abhuttabhogameva mātāpitūnaṃ upari mahantaṃ sokaṃ pātetvā maccu gahetvāva gacchati. Sujātoti susaṇṭhito. Sumukhoti kañcanādāsapuṇṇacandasadisamukho. Sudassanoti uttamarūpadhāritāya sampannadassano. Sāmoti suvaṇṇasāmo. Kusumbhaparikiṇṇamassūti sannisinnaṭṭhena sukhumaṭṭhena ca taruṇakusumbhakesarasadisaparikiṇṇamassu. Iminā evarūpopi kumāro maccuvasaṃ gacchati. Tathāvidhampi hi sineruṃ uppātento viya nikkaruṇo maccu ādāya gacchatīti dasseti. Hitvāna kāme paṭikacca gehaṃ, anujāna maṃ pabbajissāmi devāti deva, puttadārabandhanasmiñhi uppanne taṃ bandhanaṃ ducchedanīyaṃ hoti, tenāhaṃ puretaraññeva kāme ca gehañca hitvā idāneva pabbajissāmi, anujāna, manti.
зван̃жа бана вад̇ваа ‘‘д̇идтат̇а д̇умхз, д̇умхзхи сад̣̇д̇хим̣ гат̇знд̇амзва мам̣ б̣яаад̇хиж̇араамаран̣аани убаг̇ажчанд̇ий’’д̇и д̇з убхоби ванд̣̇ид̇ваа яож̇анигам̣ барисам̣ г̇ахзд̇ваа нигкамид̇ваа г̇ан̇г̇аад̇ийрамзва аг̇амааси. хад̇т̇ибаало д̇ассаби аагаасз нисийд̣̇ид̇ваа д̇хаммам̣ д̣̇зсзд̇ваа ‘‘самааг̇амо махаа бхависсад̇ий’’д̇и д̇ад̇т̇зва нисийд̣̇и. бунад̣̇ивасз бурохид̇о баллан̇гаварамаж̇жхаг̇ад̇о нисийд̣̇ид̇ваа жинд̇зси ‘‘мама буд̇д̇аа баб̣б̣аж̇ид̇аа, ид̣̇аанаахам̣ згагова мануссакаан̣уго ж̇аад̇омхи, ахамби баб̣б̣аж̇иссаамий’’д̇и. со б̣раахман̣ияаа сад̣̇д̇хим̣ манд̇знд̇о г̇аат̇амааха –
Evañca pana vatvā ‘‘tiṭṭhatha tumhe, tumhehi saddhiṃ kathentameva maṃ byādhijarāmaraṇāni upagacchantī’’ti te ubhopi vanditvā yojanikaṃ parisaṃ gahetvā nikkhamitvā gaṅgātīrameva agamāsi. Hatthipālo tassapi ākāse nisīditvā dhammaṃ desetvā ‘‘samāgamo mahā bhavissatī’’ti tattheva nisīdi. Punadivase purohito pallaṅkavaramajjhagato nisīditvā cintesi ‘‘mama puttā pabbajitā, idānāhaṃ ekakova manussakhāṇuko jātomhi, ahampi pabbajissāmī’’ti. So brāhmaṇiyā saddhiṃ mantento gāthamāha –
351.
351.
‘‘саакаахи ругко лабхад̇з саман̃н̃ам̣, бахийнасаакам̣ бана каан̣умааху;
‘‘Sākhāhi rukkho labhate samaññaṃ, pahīnasākhaṃ pana khāṇumāhu;
бахийнабуд̇д̇асса мамаж̇ж̇а бход̇и, ваасздти бхигкаажарияааяа гаало’’д̇и.
Pahīnaputtassa mamajja bhoti, vāseṭṭhi bhikkhācariyāya kālo’’ti.
д̇ад̇т̇а лабхад̇з саман̃н̃анд̇и ругкод̇и вохаарам̣ лабхад̇и. ваасздтийд̇и б̣раахман̣им̣ аалабад̇и. бхигкаажарияааяаад̇и маяхамби баб̣б̣аж̇ж̇ааяа гаало, буд̇д̇аанам̣ санд̇игамзва г̇амиссаамийд̇и.
Tattha labhate samaññanti rukkhoti vohāraṃ labhati. Vāseṭṭhīti brāhmaṇiṃ ālapati. Bhikkhācariyāyāti mayhampi pabbajjāya kālo, puttānaṃ santikameva gamissāmīti.
со звам̣ вад̇ваа б̣раахман̣з баггосаабзси, садти б̣раахман̣асахассаани саннибад̇им̣су. ат̇а нз ааха – ‘‘д̇умхз гим̣ гариссат̇аа’’д̇и д̇умхз бана аажарияаад̇и. ‘‘ахам̣ мама буд̇д̇асса санд̇игз баб̣б̣аж̇иссаамий’’д̇и. ‘‘на д̇умхаагамзва нираяо ун̣хо, маяамби баб̣б̣аж̇иссаамаа’’д̇и. со асийд̇игодид̇ханам̣ б̣раахман̣ияаа нияяаад̣̇зд̇ваа яож̇анигам̣ б̣раахман̣абарисам̣ аад̣̇ааяа нигкамид̇ваа буд̇д̇аанам̣ санд̇иган̃н̃зва г̇ад̇о. хад̇т̇ибаало д̇ааяаби барисааяа аагаасз тад̇ваа д̇хаммам̣ д̣̇зсзси. бунад̣̇ивасз б̣раахман̣ий жинд̇зси ‘‘мама жад̇д̇ааро буд̇д̇аа сзд̇ажчад̇д̇ам̣ бахааяа ‘баб̣б̣аж̇иссаамаа’д̇и г̇ад̇аа, б̣раахман̣оби бурохид̇адтаанзна сад̣̇д̇хим̣ асийд̇игодид̇ханам̣ чад̣д̣зд̇ваа буд̇д̇аанан̃н̃зва санд̇игам̣ г̇ад̇о, ахамзва згаа гим̣ гариссаами, буд̇д̇аанам̣ г̇ад̇амаг̇г̇знзва г̇амиссаамий’’д̇и. саа ад̇ийд̇ам̣ уд̣̇аахаран̣ам̣ аахаранд̇ий уд̣̇аанаг̇аат̇амааха –
So evaṃ vatvā brāhmaṇe pakkosāpesi, saṭṭhi brāhmaṇasahassāni sannipatiṃsu. Atha ne āha – ‘‘tumhe kiṃ karissathā’’ti tumhe pana ācariyāti. ‘‘Ahaṃ mama puttassa santike pabbajissāmī’’ti. ‘‘Na tumhākameva nirayo uṇho, mayampi pabbajissāmā’’ti. So asītikoṭidhanaṃ brāhmaṇiyā niyyādetvā yojanikaṃ brāhmaṇaparisaṃ ādāya nikkhamitvā puttānaṃ santikaññeva gato. Hatthipālo tāyapi parisāya ākāse ṭhatvā dhammaṃ desesi. Punadivase brāhmaṇī cintesi ‘‘mama cattāro puttā setacchattaṃ pahāya ‘pabbajissāmā’ti gatā, brāhmaṇopi purohitaṭṭhānena saddhiṃ asītikoṭidhanaṃ chaḍḍetvā puttānaññeva santikaṃ gato, ahameva ekā kiṃ karissāmi, puttānaṃ gatamaggeneva gamissāmī’’ti. Sā atītaṃ udāharaṇaṃ āharantī udānagāthamāha –
352.
352.
‘‘агхасми гон̃жаава яат̇аа химажжаяз, гад̇аани ж̇аалаани бад̣̇аалияа хам̣саа;
‘‘Aghasmi koñcāva yathā himaccaye, katāni jālāni padāliya haṃsā;
г̇ажчанд̇и буд̇д̇аа жа бад̇ий жа маяхам̣, саахам̣ гат̇ам̣ наануваж̇з баж̇аана’’нд̇и.
Gacchanti puttā ca patī ca mayhaṃ, sāhaṃ kathaṃ nānuvaje pajāna’’nti.
д̇ад̇т̇а агхасми гон̃жаава яат̇аад̇и яат̇зва аагаасз гон̃жасагун̣аа асаж̇ж̇амаанаа г̇ажчанд̇и. химажжаязд̇и вассаанажжаяз. гад̇аани ж̇аалаани бад̣̇аалияа хам̣саад̇и ад̇ийд̇з гира чаннавуд̇исахассаа суван̣н̣ахам̣саавассаарад̇д̇абахонагам̣ саалим̣ ган̃жанаг̇ухааяам̣ нигкибид̇ваа вассабхаязна б̣ахи анигкамид̇ваа жад̇умаасам̣ д̇ад̇т̇а васанд̇и. ат̇а нзсам̣ ун̣н̣анаабхи наама маггадаго г̇ухаад̣̇ваарз ж̇аалам̣ б̣анд̇хад̇и. хам̣саа д̣̇виннам̣ д̇арун̣ахам̣саанам̣ д̣̇виг̇ун̣ам̣ ваддам̣ д̣̇знд̇и. д̇з т̇аамасамбаннад̇ааяа д̇ам̣ ж̇аалам̣ чинд̣̇ид̇ваа бурад̇о г̇ажчанд̇и, сзсаа д̇зсам̣ г̇ад̇амаг̇г̇зна г̇ажчанд̇и. саа д̇амад̇т̇ам̣ багаасзнд̇ий звамааха. ид̣̇ам̣ вуд̇д̇ам̣ ход̇и – яат̇зва аагаасз гон̃жасагун̣аа асаж̇ж̇амаанаа г̇ажчанд̇и, д̇ат̇аа химажжаяз вассаанаад̇иггамз д̣̇вз д̇арун̣ахам̣саа гад̇аани ж̇аалаани бад̣̇аалзд̇ваа г̇ажчанд̇и, ат̇а нзсам̣ г̇ад̇амаг̇г̇зна ид̇арз хам̣саа. ид̣̇аани бана мама буд̇д̇аа д̇арун̣ахам̣саа ж̇аалам̣ вияа гаамаж̇аалам̣ чинд̣̇ид̇ваа г̇ад̇аа, маяааби д̇зсам̣ г̇ад̇амаг̇г̇зна г̇анд̇аб̣б̣анд̇и иминаад̇хиббааязна ‘‘г̇ажчанд̇и буд̇д̇аа жа бад̇ий жа маяхам̣, саахам̣ гат̇ам̣ наануваж̇з баж̇аана’’нд̇и ааха.
Tattha aghasmi koñcāva yathāti yatheva ākāse koñcasakuṇā asajjamānā gacchanti. Himaccayeti vassānaccaye. Katāni jālāni padāliya haṃsāti atīte kira channavutisahassā suvaṇṇahaṃsāvassārattapahonakaṃ sāliṃ kañcanaguhāyaṃ nikkhipitvā vassabhayena bahi anikkhamitvā catumāsaṃ tattha vasanti. Atha nesaṃ uṇṇanābhi nāma makkaṭako guhādvāre jālaṃ bandhati. Haṃsā dvinnaṃ taruṇahaṃsānaṃ dviguṇaṃ vaṭṭaṃ denti. Te thāmasampannatāya taṃ jālaṃ chinditvā purato gacchanti, sesā tesaṃ gatamaggena gacchanti. Sā tamatthaṃ pakāsentī evamāha. Idaṃ vuttaṃ hoti – yatheva ākāse koñcasakuṇā asajjamānā gacchanti, tathā himaccaye vassānātikkame dve taruṇahaṃsā katāni jālāni padāletvā gacchanti, atha nesaṃ gatamaggena itare haṃsā. Idāni pana mama puttā taruṇahaṃsā jālaṃ viya kāmajālaṃ chinditvā gatā, mayāpi tesaṃ gatamaggena gantabbanti iminādhippāyena ‘‘gacchanti puttā ca patī ca mayhaṃ, sāhaṃ kathaṃ nānuvaje pajāna’’nti āha.
ид̇и саа ‘‘гат̇ам̣ ахам̣ звам̣ баж̇аананд̇ий на баб̣б̣аж̇иссаами, баб̣б̣аж̇иссаами язваа’’д̇и саннидтаанам̣ гад̇ваа б̣раахман̣ияо баггосаабзд̇ваа звамааха ‘‘д̇умхз гим̣ гариссат̇аа’’д̇и? ‘‘д̇умхз бана аяяз’’д̇и. ‘‘ахам̣ баб̣б̣аж̇иссаамий’’д̇и. ‘‘маяамби баб̣б̣аж̇иссаамаа’’д̇и. саа д̇ам̣ вибхавам̣ чад̣д̣зд̇ваа яож̇анигам̣ барисам̣ г̇ахзд̇ваа буд̇д̇аанам̣ санд̇игамзва г̇ад̇аа. хад̇т̇ибаало д̇ааяаби барисааяа аагаасз нисийд̣̇ид̇ваа д̇хаммам̣ д̣̇зсзси. бунад̣̇ивасз рааж̇аа ‘‘гухим̣ бурохид̇о’’д̇и бужчи. ‘‘д̣̇зва, бурохид̇о жа б̣раахман̣ий жа саб̣б̣ам̣ д̇ханам̣ чад̣д̣зд̇ваа д̣̇вияож̇анигам̣ барисам̣ г̇ахзд̇ваа буд̇д̇аанам̣ санд̇игам̣ г̇ад̇аа’’д̇и. рааж̇аа ‘‘асаамигам̣ д̇ханам̣ амхаагам̣ баабун̣аад̇ий’’д̇и д̇асса г̇зхад̇о д̇ханам̣ аахараабзси. ат̇асса аг̇г̇амахзсий ‘‘рааж̇аа гим̣ гарод̇ий’’д̇и бужчид̇ваа ‘‘бурохид̇асса г̇зхад̇о д̇ханам̣ аахараабзд̇ий’’д̇и вуд̇д̇з ‘‘бурохид̇о гухи’’нд̇и вад̇ваа ‘‘сабаж̇аабад̇иго баб̣б̣аж̇ж̇ад̇т̇ааяа нигканд̇о’’д̇и суд̇ваа ‘‘аяам̣ рааж̇аа б̣раахман̣зна жа б̣раахман̣ияаа жа жад̇уухи буд̇д̇зхи жа ж̇ахид̇ам̣ уггаарам̣ мохзна муул̣хо ад̇д̇ано гхарам̣ аахараабзд̇и, убамааяа нам̣ б̣од̇хзссаамий’’д̇и суунад̇о мам̣сам̣ аахараабзд̇ваа рааж̇ан̇г̇ан̣з раасим̣ гаарзд̇ваа уж̇умаг̇г̇ам̣ виссаж̇ж̇зд̇ваа ж̇аалам̣ баригкибаабзси. г̇иж̇жхаа д̣̇уурад̇ова д̣̇исваа д̇ассад̇т̇ааяа од̇арим̣су. д̇ад̇т̇а саббан̃н̃аа ж̇аалам̣ басаарид̇ам̣ н̃ад̇ваа ад̇ибхааригаа худ̇ваа ‘‘уж̇угам̣ уббад̇ид̇ум̣ на сагкиссаамаа’’д̇и ад̇д̇анаа каад̣̇ид̇амам̣сам̣ чад̣д̣зд̇ваа вамид̇ваа ж̇аалам̣ аналлийяид̇ваа уж̇угамзва уббад̇ид̇ваа г̇амим̣су. анд̇хаб̣аалаа бана д̇зхи чад̣д̣ид̇ам̣ вамид̇ам̣ каад̣̇ид̇ваа бхаарияаа худ̇ваа уж̇угам̣ уббад̇ид̇ум̣ асаггонд̇аа ааг̇анд̇ваа ж̇аалз б̣аж̇жхим̣су. ат̇згам̣ г̇иж̇жхам̣ аанзд̇ваа д̣̇звияаа д̣̇ассаяим̣су. саа д̇ам̣ аад̣̇ааяа ран̃н̃о санд̇игам̣ г̇анд̇ваа ‘‘зт̇а д̇аава, махаарааж̇а, рааж̇ан̇г̇ан̣з згам̣ гирияам̣ бассиссаамаа’’д̇и сийхабан̃ж̇арам̣ виварид̇ваа ‘‘имз г̇иж̇жхз ологзхи махаарааж̇аа’’д̇и вад̇ваа д̣̇вз г̇аат̇аа абхааси –
Iti sā ‘‘kathaṃ ahaṃ evaṃ pajānantī na pabbajissāmi, pabbajissāmi yevā’’ti sanniṭṭhānaṃ katvā brāhmaṇiyo pakkosāpetvā evamāha ‘‘tumhe kiṃ karissathā’’ti? ‘‘Tumhe pana ayye’’ti. ‘‘Ahaṃ pabbajissāmī’’ti. ‘‘Mayampi pabbajissāmā’’ti. Sā taṃ vibhavaṃ chaḍḍetvā yojanikaṃ parisaṃ gahetvā puttānaṃ santikameva gatā. Hatthipālo tāyapi parisāya ākāse nisīditvā dhammaṃ desesi. Punadivase rājā ‘‘kuhiṃ purohito’’ti pucchi. ‘‘Deva, purohito ca brāhmaṇī ca sabbaṃ dhanaṃ chaḍḍetvā dviyojanikaṃ parisaṃ gahetvā puttānaṃ santikaṃ gatā’’ti. Rājā ‘‘asāmikaṃ dhanaṃ amhākaṃ pāpuṇātī’’ti tassa gehato dhanaṃ āharāpesi. Athassa aggamahesī ‘‘rājā kiṃ karotī’’ti pucchitvā ‘‘purohitassa gehato dhanaṃ āharāpetī’’ti vutte ‘‘purohito kuhi’’nti vatvā ‘‘sapajāpatiko pabbajjatthāya nikkhanto’’ti sutvā ‘‘ayaṃ rājā brāhmaṇena ca brāhmaṇiyā ca catūhi puttehi ca jahitaṃ ukkāraṃ mohena mūḷho attano gharaṃ āharāpeti, upamāya naṃ bodhessāmī’’ti sūnato maṃsaṃ āharāpetvā rājaṅgaṇe rāsiṃ kāretvā ujumaggaṃ vissajjetvā jālaṃ parikkhipāpesi. Gijjhā dūratova disvā tassatthāya otariṃsu. Tattha sappaññā jālaṃ pasāritaṃ ñatvā atibhārikā hutvā ‘‘ujukaṃ uppatituṃ na sakkhissāmā’’ti attanā khāditamaṃsaṃ chaḍḍetvā vamitvā jālaṃ anallīyitvā ujukameva uppatitvā gamiṃsu. Andhabālā pana tehi chaḍḍitaṃ vamitaṃ khāditvā bhāriyā hutvā ujukaṃ uppatituṃ asakkontā āgantvā jāle bajjhiṃsu. Athekaṃ gijjhaṃ ānetvā deviyā dassayiṃsu. Sā taṃ ādāya rañño santikaṃ gantvā ‘‘etha tāva, mahārāja, rājaṅgaṇe ekaṃ kiriyaṃ passissāmā’’ti sīhapañjaraṃ vivaritvā ‘‘ime gijjhe olokehi mahārājā’’ti vatvā dve gāthā abhāsi –
353.
353.
‘‘зд̇з бхуд̇ваа вамид̇ваа жа, баггаманд̇и вихан̇г̇амаа;
‘‘Ete bhutvā vamitvā ca, pakkamanti vihaṅgamā;
яз жа бхуд̇ваа на вамим̣су, д̇з мз хад̇т̇ад̇д̇амааг̇ад̇аа.
Ye ca bhutvā na vamiṃsu, te me hatthattamāgatā.
354.
354.
‘‘авамий б̣раахман̣о гаамз, со д̇вам̣ бажжаавамиссаси;
‘‘Avamī brāhmaṇo kāme, so tvaṃ paccāvamissasi;
ванд̇аад̣̇о бурисо рааж̇а, на со ход̇и басам̣сияо’’д̇и.
Vantādo puriso rāja, na so hoti pasaṃsiyo’’ti.
д̇ад̇т̇а бхуд̇ваа вамид̇ваа жаад̇и мам̣сам̣ каад̣̇ид̇ваа вамид̇ваа жа. бажжаавамиссасийд̇и бадибхун̃ж̇иссаси. ванд̇аад̣̇од̇и барасса вамид̇акаад̣̇аго. на басам̣сияод̇и со д̇ан̣хаавасиго б̣аало б̣уд̣̇д̇хаад̣̇ийхи бан̣д̣ид̇зхи басам̣сид̇аб̣б̣о на ход̇и.
Tattha bhutvā vamitvā cāti maṃsaṃ khāditvā vamitvā ca. Paccāvamissasīti paṭibhuñjissasi. Vantādoti parassa vamitakhādako. Na pasaṃsiyoti so taṇhāvasiko bālo buddhādīhi paṇḍitehi pasaṃsitabbo na hoti.
д̇ам̣ суд̇ваа рааж̇аа виббадисаарий ахоси, д̇аяо бхаваа аад̣̇ид̇д̇аа вияа убадтахим̣су. со ‘‘аж̇ж̇зва раж̇ж̇ам̣ бахааяа мама баб̣б̣аж̇ид̇ум̣ ваддад̇ий’’д̇и уббаннасам̣взг̇о д̣̇звияаа т̇уд̇им̣ гаронд̇о г̇аат̇амааха –
Taṃ sutvā rājā vippaṭisārī ahosi, tayo bhavā ādittā viya upaṭṭhahiṃsu. So ‘‘ajjeva rajjaṃ pahāya mama pabbajituṃ vaṭṭatī’’ti uppannasaṃvego deviyā thutiṃ karonto gāthamāha –
355.
355.
‘‘бан̇гз жа босам̣ балибз б̣яасаннам̣, б̣алий яат̇аа д̣̇уб̣б̣аламуд̣̇д̇харзяяа;
‘‘Paṅke ca posaṃ palipe byasannaṃ, balī yathā dubbalamuddhareyya;
звамби мам̣ д̇вам̣ уд̣̇ад̇аари бход̇и, бан̃жаали г̇аат̇аахи субхаасид̇аахий’’д̇и.
Evampi maṃ tvaṃ udatāri bhoti, pañcāli gāthāhi subhāsitāhī’’ti.
д̇ад̇т̇а б̣яасаннанд̇и нимуг̇г̇ам̣, ‘‘висанна’’нд̇иби баато. уд̣̇д̇харзяяаад̇и гзсзсу ваа хад̇т̇зсу ваа г̇ахзд̇ваа угкибид̇ваа т̇алз табзяяа. уд̣̇ад̇аарийд̇и гаамабан̇гад̇о уд̇д̇аараяи. ‘‘уд̣̇ад̇аасий’’д̇иби баато, аяамзвад̇т̇о. ‘‘уд̣̇д̇хадаасий’’д̇иби баато, уд̣̇д̇харийд̇и ад̇т̇о. бан̃жаалийд̇и бан̃жааларааж̇ад̇хийд̇з.
Tattha byasannanti nimuggaṃ, ‘‘visanna’’ntipi pāṭho. Uddhareyyāti kesesu vā hatthesu vā gahetvā ukkhipitvā thale ṭhapeyya. Udatārīti kāmapaṅkato uttārayi. ‘‘Udatāsī’’tipi pāṭho, ayamevattho. ‘‘Uddhaṭāsī’’tipi pāṭho, uddharīti attho. Pañcālīti pañcālarājadhīte.
зван̃жа бана вад̇ваа д̇ан̇кан̣ан̃н̃зва баб̣б̣аж̇ид̇угаамо худ̇ваа амажжз баггосаабзд̇ваа ааха – ‘‘д̇умхз гим̣ гариссат̇аа’’д̇и д̇умхз бана, д̣̇зваад̇и? ‘‘ахам̣ хад̇т̇ибааласса санд̇игз баб̣б̣аж̇иссаамий’’д̇и. ‘‘маяамби баб̣б̣аж̇иссаама, д̣̇зваа’’д̇и. рааж̇аа д̣̇ваад̣̇асаяож̇анигз б̣аараан̣асинаг̇арз раж̇ж̇ам̣ чад̣д̣зд̇ваа ‘‘ад̇т̇игаа сзд̇ажчад̇д̇ам̣ уссаабзнд̇уу’’д̇и амажжабаривуд̇о д̇ияож̇анигам̣ барисам̣ г̇ахзд̇ваа гумаарассзва санд̇игам̣ г̇ад̇о. хад̇т̇ибаало д̇ассааби барисааяа аагаасз нисинно д̇хаммам̣ д̣̇зсзси. сад̇т̇аа ран̃н̃о баб̣б̣аж̇ид̇абхаавам̣ багаасзнд̇о г̇аат̇амааха –
Evañca pana vatvā taṅkhaṇaññeva pabbajitukāmo hutvā amacce pakkosāpetvā āha – ‘‘tumhe kiṃ karissathā’’ti tumhe pana, devāti? ‘‘Ahaṃ hatthipālassa santike pabbajissāmī’’ti. ‘‘Mayampi pabbajissāma, devā’’ti. Rājā dvādasayojanike bārāṇasinagare rajjaṃ chaḍḍetvā ‘‘atthikā setacchattaṃ ussāpentū’’ti amaccaparivuto tiyojanikaṃ parisaṃ gahetvā kumārasseva santikaṃ gato. Hatthipālo tassāpi parisāya ākāse nisinno dhammaṃ desesi. Satthā rañño pabbajitabhāvaṃ pakāsento gāthamāha –
356.
356.
‘‘ид̣̇ам̣ вад̇ваа махаарааж̇аа, зсугаарий д̣̇исамбад̇и;
‘‘Idaṃ vatvā mahārājā, esukārī disampati;
радтам̣ хид̇ваана баб̣б̣аж̇и, нааг̇о чзд̇ваава б̣анд̇хана’’нд̇и.
Raṭṭhaṃ hitvāna pabbaji, nāgo chetvāva bandhana’’nti.
бунад̣̇ивасз наг̇арз охийнаж̇ано саннибад̇ид̇ваа рааж̇ад̣̇ваарам̣ г̇анд̇ваа д̣̇звияаа аарожзд̇ваа нивзсанам̣ бависид̇ваа д̣̇звим̣ ванд̣̇ид̇ваа згаманд̇ам̣ тид̇о г̇аат̇амааха.
Punadivase nagare ohīnajano sannipatitvā rājadvāraṃ gantvā deviyā ārocetvā nivesanaṃ pavisitvā deviṃ vanditvā ekamantaṃ ṭhito gāthamāha.
357.
357.
‘‘рааж̇аа жа баб̣б̣аж̇ж̇амарожаяид̇т̇а, радтам̣ бахааяа наравийрасздто;
‘‘Rājā ca pabbajjamarocayittha, raṭṭhaṃ pahāya naravīraseṭṭho;
д̇увамби но хохи яат̇зва рааж̇аа, амхзхи г̇уд̇д̇аа анусааса раж̇ж̇а’’нд̇и.
Tuvampi no hohi yatheva rājā, amhehi guttā anusāsa rajja’’nti.
д̇ад̇т̇а анусаасаад̇и амхзхи г̇уд̇д̇аа худ̇ваа д̇хаммзна раж̇ж̇ам̣ гаарзхи.
Tattha anusāsāti amhehi guttā hutvā dhammena rajjaṃ kārehi.
саа махааж̇анасса гат̇ам̣ суд̇ваа сзсаг̇аат̇аа абхааси –
Sā mahājanassa kathaṃ sutvā sesagāthā abhāsi –
358.
358.
‘‘рааж̇аа жа баб̣б̣аж̇ж̇амарожаяид̇т̇а, радтам̣ бахааяа наравийрасздто;
‘‘Rājā ca pabbajjamarocayittha, raṭṭhaṃ pahāya naravīraseṭṭho;
ахамби згаа жариссаами логз, хид̇ваана гаамаани манорамаани.
Ahampi ekā carissāmi loke, hitvāna kāmāni manoramāni.
359.
359.
‘‘рааж̇аа жа баб̣б̣аж̇ж̇амарожаяид̇т̇а, радтам̣ бахааяа наравийрасздто;
‘‘Rājā ca pabbajjamarocayittha, raṭṭhaṃ pahāya naravīraseṭṭho;
ахамби згаа жариссаами логз, хид̇ваана гаамаани яат̇од̇хигаани.
Ahampi ekā carissāmi loke, hitvāna kāmāni yathodhikāni.
360.
360.
‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇и;
‘‘Accenti kālā tarayanti rattiyo, vayoguṇā anupubbaṃ jahanti;
ахамби згаа жариссаами логз, хид̇ваана гаамаани манорамаани.
Ahampi ekā carissāmi loke, hitvāna kāmāni manoramāni.
361.
361.
‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇и;
‘‘Accenti kālā tarayanti rattiyo, vayoguṇā anupubbaṃ jahanti;
ахамби згаа жариссаами логз, хид̇ваана гаамаани яат̇од̇хигаани.
Ahampi ekā carissāmi loke, hitvāna kāmāni yathodhikāni.
362.
362.
‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇и;
‘‘Accenti kālā tarayanti rattiyo, vayoguṇā anupubbaṃ jahanti;
ахамби згаа жариссаами логз, сийд̇ибхууд̇аа саб̣б̣амад̇ижжа сан̇г̇а’’нд̇и.
Ahampi ekā carissāmi loke, sītibhūtā sabbamaticca saṅga’’nti.
д̇ад̇т̇а згаад̇и буд̇д̇ад̇хийд̇угилзсасамб̣аад̇хзхи мужжид̇ваа имасмим̣ логз згигаава жариссаами. гаамаанийд̇и руубаад̣̇аяо гаамаг̇ун̣з. яад̇од̇хигаанийд̇и язна язна од̇хинаа тид̇аани, д̇зна д̇зна тид̇аанзва ж̇ахиссаами, на гин̃жи аамасиссаамийд̇и ад̇т̇о. ажжзнд̇и гаалаад̇и буб̣б̣ан̣хаад̣̇аяо гаалаа ад̇иггаманд̇и. д̇араяанд̇ийд̇и ад̇ужчаа худ̇ваа ааяусан̇каарам̣ кзбаяамаанаа каад̣̇аяамаанаа г̇ажчанд̇и. ваяог̇ун̣аад̇и батамаваяаад̣̇аяо д̇аяо, манд̣̇ад̣̇асагаад̣̇аяо ваа д̣̇аса годтаасаа. анубуб̣б̣ам̣ ж̇аханд̇ийд̇и убаруубаригодтаасам̣ аббад̇ваа д̇ад̇т̇а д̇ад̇т̇зва нируж̇жханд̇и. сийд̇ибхууд̇аад̇и ун̣хагаарагз ун̣хасабхаавз гилзсз бахааяа сийд̇алаа худ̇ваа. саб̣б̣амад̇ижжа сан̇г̇анд̇и рааг̇асан̇г̇аад̣̇игам̣ саб̣б̣асан̇г̇ам̣ ад̇иггамид̇ваа згаа жариссаами, хад̇т̇ибаалагумаарасса санд̇игам̣ г̇анд̇ваа баб̣б̣аж̇иссаамийд̇и.
Tattha ekāti puttadhītukilesasambādhehi muccitvā imasmiṃ loke ekikāva carissāmi. Kāmānīti rūpādayo kāmaguṇe. Yatodhikānīti yena yena odhinā ṭhitāni, tena tena ṭhitāneva jahissāmi, na kiñci āmasissāmīti attho. Accenti kālāti pubbaṇhādayo kālā atikkamanti. Tarayantīti atucchā hutvā āyusaṅkhāraṃ khepayamānā khādayamānā gacchanti. Vayoguṇāti paṭhamavayādayo tayo, mandadasakādayo vā dasa koṭṭhāsā. Anupubbaṃ jahantīti uparūparikoṭṭhāsaṃ appatvā tattha tattheva nirujjhanti. Sītibhūtāti uṇhakārake uṇhasabhāve kilese pahāya sītalā hutvā. Sabbamaticca saṅganti rāgasaṅgādikaṃ sabbasaṅgaṃ atikkamitvā ekā carissāmi, hatthipālakumārassa santikaṃ gantvā pabbajissāmīti.
ид̇и саа имаахи г̇аат̇аахи махааж̇анасса д̇хаммам̣ д̣̇зсзд̇ваа амажжабхарияааяо баггосаабзд̇ваа ааха – ‘‘д̇умхз гим̣ гариссат̇аа’’д̇и д̇умхз бана аяязд̇и? ‘‘ахам̣ баб̣б̣аж̇иссаамий’’д̇и. ‘‘маяамби баб̣б̣аж̇иссаамаа’’д̇и. саа ‘‘саад̇хуу’’д̇и рааж̇анивзсанз суван̣н̣агодтааг̇аараад̣̇ийни вивараабзд̇ваа ‘‘асугадтаанз жа асугадтаанз жа махаанид̇хи нид̣̇ахид̇а’’нд̇и суван̣н̣абаддз ликаабзд̇ваа ‘‘д̣̇иннан̃н̃зва, ад̇т̇игаа харанд̇уу’’д̇и вад̇ваа суван̣н̣абаддам̣ махаад̇алз т̇амбхз б̣анд̇хаабзд̇ваа наг̇арз бхзрим̣ жараабзд̇ваа махаасамбад̇д̇им̣ чад̣д̣зд̇ваа наг̇араа нигками. д̇асмим̣ кан̣з сагаланаг̇арам̣ сан̇кубхи. ‘‘рааж̇аа жа гира д̣̇звий жа раж̇ж̇ам̣ бахааяа ‘баб̣б̣аж̇иссаамаа’д̇и нигкаманд̇и, маяам̣ ид̇ха гим̣ гариссаамаа’’д̇и д̇ад̇о д̇ад̇о мануссаа яат̇аабуурид̇аанзва г̇зхаани чад̣д̣зд̇ваа буд̇д̇з хад̇т̇зсу г̇ахзд̇ваа нигкамим̣су. саб̣б̣аабан̣аа басаарид̇анияаамзнзва тид̇аа, нивад̇д̇ид̇ваа ологзнд̇о наама наахоси. сагаланаг̇арам̣ д̇ужчам̣ ахоси, д̣̇звийби д̇ияож̇анигам̣ барисам̣ г̇ахзд̇ваа д̇ад̇т̇зва г̇ад̇аа. хад̇т̇ибаало д̇ассааби барисааяа аагаасз нисинно д̇хаммам̣ д̣̇зсзд̇ваа д̣̇ваад̣̇асаяож̇анигам̣ барисам̣ г̇ахзд̇ваа химаванд̇аабхимуко бааяааси. ‘‘хад̇т̇ибаалагумааро гира д̣̇ваад̣̇асаяож̇анигам̣ б̣аараан̣асим̣ д̇ужчам̣ гад̇ваа ‘баб̣б̣аж̇иссаамий’д̇и махааж̇анам̣ аад̣̇ааяа химаванд̇ам̣ г̇ажчад̇и, гиман̇г̇ам̣ бана маяа’’нд̇и сагалагаасирадтам̣ сан̇кубхи. абарабхааг̇з барисаа д̇им̣саяож̇анигаа ахзсум̣, со д̇ааяа барисааяа сад̣̇д̇хим̣ химаванд̇ам̣ баависи.
Iti sā imāhi gāthāhi mahājanassa dhammaṃ desetvā amaccabhariyāyo pakkosāpetvā āha – ‘‘tumhe kiṃ karissathā’’ti tumhe pana ayyeti? ‘‘Ahaṃ pabbajissāmī’’ti. ‘‘Mayampi pabbajissāmā’’ti. Sā ‘‘sādhū’’ti rājanivesane suvaṇṇakoṭṭhāgārādīni vivarāpetvā ‘‘asukaṭṭhāne ca asukaṭṭhāne ca mahānidhi nidahita’’nti suvaṇṇapaṭṭe likhāpetvā ‘‘dinnaññeva, atthikā harantū’’ti vatvā suvaṇṇapaṭṭaṃ mahātale thambhe bandhāpetvā nagare bheriṃ carāpetvā mahāsampattiṃ chaḍḍetvā nagarā nikkhami. Tasmiṃ khaṇe sakalanagaraṃ saṅkhubhi. ‘‘Rājā ca kira devī ca rajjaṃ pahāya ‘pabbajissāmā’ti nikkhamanti, mayaṃ idha kiṃ karissāmā’’ti tato tato manussā yathāpūritāneva gehāni chaḍḍetvā putte hatthesu gahetvā nikkhamiṃsu. Sabbāpaṇā pasāritaniyāmeneva ṭhitā, nivattitvā olokento nāma nāhosi. Sakalanagaraṃ tucchaṃ ahosi, devīpi tiyojanikaṃ parisaṃ gahetvā tattheva gatā. Hatthipālo tassāpi parisāya ākāse nisinno dhammaṃ desetvā dvādasayojanikaṃ parisaṃ gahetvā himavantābhimukho pāyāsi. ‘‘Hatthipālakumāro kira dvādasayojanikaṃ bārāṇasiṃ tucchaṃ katvā ‘pabbajissāmī’ti mahājanaṃ ādāya himavantaṃ gacchati, kimaṅgaṃ pana maya’’nti sakalakāsiraṭṭhaṃ saṅkhubhi. Aparabhāge parisā tiṃsayojanikā ahesuṃ, so tāya parisāya saddhiṃ himavantaṃ pāvisi.
сагго ааваж̇ж̇знд̇о д̇ам̣ бавад̇д̇им̣ н̃ад̇ваа ‘‘хад̇т̇ибаалагумааро махаабхинигкаманам̣ нигканд̇о, самааг̇амо махаа бхависсад̇и, васанадтаанам̣ лад̣̇д̇хум̣ ваддад̇ий’’д̇и виссагаммам̣ аан̣аабзси ‘‘г̇ажча, ааяаамад̇о чад̇д̇им̣саяож̇анам̣, вид̇т̇аарад̇о баннарасаяож̇анам̣ ассамам̣ маабзд̇ваа баб̣б̣аж̇ид̇абаригкаарз самбаад̣̇зхий’’д̇и. со ‘‘саад̇хуу’’д̇и бадиссун̣ид̇ваа г̇ан̇г̇аад̇ийрз раман̣ийяз бхуумибхааг̇з вуд̇д̇аббамаан̣ам̣ ассамабад̣̇ам̣ маабзд̇ваа бан̣н̣асаалаасу гадтад̇т̇аран̣абан̣н̣ад̇т̇аран̣ааасанаад̣̇ийни бан̃н̃абзд̇ваа саб̣б̣з баб̣б̣аж̇ид̇абаригкаарз маабзси. згзгиссаа бан̣н̣асаалааяа д̣̇ваарз згзго жан̇гамо рад̇д̇идтаанад̣̇иваадтаанабарижчинно гад̇асуд̇хаабаригаммо ааламб̣анапалаго, д̇зсу д̇зсу таанзсу наанааван̣н̣асурабхигусумасан̃чаннаа бубпаг̇ажчаа, згзгасса жан̇гамасса годияам̣ згзго уд̣̇агабхарид̇о гуубо, д̇асса санд̇игз згзго паларугко, со згова саб̣б̣апалаани палад̇и. ид̣̇ам̣ саб̣б̣ам̣ д̣̇звад̇аанубхаавзна ахоси. виссагаммо ассамабад̣̇ам̣ маабзд̇ваа бан̣н̣асаалаасу баб̣б̣аж̇ид̇абаригкаарз табзд̇ваа ‘‘яз гзжи баб̣б̣аж̇ид̇угаамаа имз баригкаарз г̇ан̣ханд̇уу’’д̇и ж̇аад̇ихин̇г̇улагзна бхид̇д̇ияаа агкараани ликид̇ваа ад̇д̇ано аанубхаавзна бхзравасад̣̇д̣̇з миг̇абагкий д̣̇уд̣̇д̣̇асигз амануссз жа бадиггамаабзд̇ваа сагадтаанамзва г̇ад̇о.
Sakko āvajjento taṃ pavattiṃ ñatvā ‘‘hatthipālakumāro mahābhinikkhamanaṃ nikkhanto, samāgamo mahā bhavissati, vasanaṭṭhānaṃ laddhuṃ vaṭṭatī’’ti vissakammaṃ āṇāpesi ‘‘gaccha, āyāmato chattiṃsayojanaṃ, vitthārato pannarasayojanaṃ assamaṃ māpetvā pabbajitaparikkhāre sampādehī’’ti. So ‘‘sādhū’’ti paṭissuṇitvā gaṅgātīre ramaṇīye bhūmibhāge vuttappamāṇaṃ assamapadaṃ māpetvā paṇṇasālāsu kaṭṭhattharaṇapaṇṇattharaṇaāsanādīni paññapetvā sabbe pabbajitaparikkhāre māpesi. Ekekissā paṇṇasālāya dvāre ekeko caṅkamo rattiṭṭhānadivāṭṭhānaparicchinno katasudhāparikammo ālambanaphalako, tesu tesu ṭhānesu nānāvaṇṇasurabhikusumasañchannā pupphagacchā, ekekassa caṅkamassa koṭiyaṃ ekeko udakabharito kūpo, tassa santike ekeko phalarukkho, so ekova sabbaphalāni phalati. Idaṃ sabbaṃ devatānubhāvena ahosi. Vissakammo assamapadaṃ māpetvā paṇṇasālāsu pabbajitaparikkhāre ṭhapetvā ‘‘ye keci pabbajitukāmā ime parikkhāre gaṇhantū’’ti jātihiṅgulakena bhittiyā akkharāni likhitvā attano ānubhāvena bheravasadde migapakkhī duddasike amanusse ca paṭikkamāpetvā sakaṭṭhānameva gato.
хад̇т̇ибаалагумааро згабад̣̇игамаг̇г̇зна саггад̣̇ад̇д̇ияам̣ ассамам̣ бависид̇ваа агкараани д̣̇исваа ‘‘саггзна мама махаабхинигкаманам̣ нигканд̇абхааво н̃аад̇о бхависсад̇ий’’д̇и д̣̇ваарам̣ виварид̇ваа бан̣н̣асаалам̣ бависид̇ваа исибаб̣б̣аж̇ж̇алин̇г̇ам̣ г̇ахзд̇ваа нигкамид̇ваа жан̇гамам̣ од̇арид̇ваа гад̇ибаяз ваарз абараабарам̣ жан̇гамид̇ваа сзсаж̇анагааяам̣ баб̣б̣ааж̇зд̇ваа ассамабад̣̇ам̣ вижаарзнд̇о д̇арун̣абуд̇д̇аанам̣ ид̇т̇ийнам̣ маж̇жхадтаанз бан̣н̣асаалам̣ ад̣̇ааси. д̇ад̇о ананд̇арам̣ махаллагид̇т̇ийнам̣, д̇ад̇о ананд̇арам̣ маж̇жхимид̇т̇ийнам̣, саманд̇аа баригкибид̇ваа бана бурисаанам̣ ад̣̇ааси . ат̇зго рааж̇аа ‘‘б̣аараан̣асияам̣ гира рааж̇аа над̇т̇ий’’д̇и ааг̇анд̇ваа алан̇гад̇абадияад̇д̇ам̣ наг̇арам̣ ологзд̇ваа рааж̇анивзсанам̣ ааруяха д̇ад̇т̇а д̇ад̇т̇а рад̇анараасим̣ д̣̇исваа ‘‘зваруубам̣ наг̇арам̣ бахааяа баб̣б̣аж̇ид̇агаалад̇о бадтааяа баб̣б̣аж̇ж̇аа наамзсаа ул̣аараа бхависсад̇ий’’д̇и сураасон̣д̣з маг̇г̇ам̣ бужчид̇ваа хад̇т̇ибааласса санд̇игам̣ бааяааси. хад̇т̇ибаало д̇асса вананд̇арам̣ ааг̇ад̇абхаавам̣ н̃ад̇ваа бадимаг̇г̇ам̣ г̇анд̇ваа аагаасз нисинно барисааяа д̇хаммам̣ д̣̇зсзд̇ваа ассамабад̣̇ам̣ нзд̇ваа саб̣б̣абарисам̣ баб̣б̣ааж̇зси. зд̇знубааязна ан̃н̃зби ча рааж̇аано баб̣б̣аж̇им̣су. сад̇д̇а рааж̇аано бхог̇з чад̣д̣аяим̣су, чад̇д̇им̣саяож̇аниго ассамо ниранд̇аро барибуури. яо гаамавид̇аггаад̣̇ийсу ан̃н̃ад̇арам̣ вид̇аггзд̇и, махаабурисо д̇асса д̇хаммам̣ д̣̇зсзд̇ваа б̣рахмавихаарабхааванан̃жзва гасин̣абхааванан̃жа аажигкад̇и. д̇з язбхуяязна жхаанаабхин̃н̃аа ниб̣б̣ад̇д̇зд̇ваа д̇ийсу годтаасзсу д̣̇вз годтаасаа б̣рахмалогз ниб̣б̣ад̇д̇им̣су. д̇ад̇ияагодтаасам̣ д̇ид̇хаа гад̇ваа зго годтаасо б̣рахмалогз ниб̣б̣ад̇д̇и, зго часу гаамасаг̇г̇зсу, зго исийнам̣ баарижарияам̣ гад̇ваа мануссалогз д̇ийсу гуласамбад̇д̇ийсу ниб̣б̣ад̇д̇и. звам̣ хад̇т̇ибааласса саасанам̣ абаг̇ад̇анираяад̇иражчаанаяонибзд̇д̇ивисаяаасурагааяам̣ ахоси.
Hatthipālakumāro ekapadikamaggena sakkadattiyaṃ assamaṃ pavisitvā akkharāni disvā ‘‘sakkena mama mahābhinikkhamanaṃ nikkhantabhāvo ñāto bhavissatī’’ti dvāraṃ vivaritvā paṇṇasālaṃ pavisitvā isipabbajjaliṅgaṃ gahetvā nikkhamitvā caṅkamaṃ otaritvā katipaye vāre aparāparaṃ caṅkamitvā sesajanakāyaṃ pabbājetvā assamapadaṃ vicārento taruṇaputtānaṃ itthīnaṃ majjhaṭṭhāne paṇṇasālaṃ adāsi. Tato anantaraṃ mahallakitthīnaṃ, tato anantaraṃ majjhimitthīnaṃ, samantā parikkhipitvā pana purisānaṃ adāsi . Atheko rājā ‘‘bārāṇasiyaṃ kira rājā natthī’’ti āgantvā alaṅkatapaṭiyattaṃ nagaraṃ oloketvā rājanivesanaṃ āruyha tattha tattha ratanarāsiṃ disvā ‘‘evarūpaṃ nagaraṃ pahāya pabbajitakālato paṭṭhāya pabbajjā nāmesā uḷārā bhavissatī’’ti surāsoṇḍe maggaṃ pucchitvā hatthipālassa santikaṃ pāyāsi. Hatthipālo tassa vanantaraṃ āgatabhāvaṃ ñatvā paṭimaggaṃ gantvā ākāse nisinno parisāya dhammaṃ desetvā assamapadaṃ netvā sabbaparisaṃ pabbājesi. Etenupāyena aññepi cha rājāno pabbajiṃsu. Satta rājāno bhoge chaḍḍayiṃsu, chattiṃsayojaniko assamo nirantaro paripūri. Yo kāmavitakkādīsu aññataraṃ vitakketi, mahāpuriso tassa dhammaṃ desetvā brahmavihārabhāvanañceva kasiṇabhāvanañca ācikkhati. Te yebhuyyena jhānābhiññā nibbattetvā tīsu koṭṭhāsesu dve koṭṭhāsā brahmaloke nibbattiṃsu. Tatiyakoṭṭhāsaṃ tidhā katvā eko koṭṭhāso brahmaloke nibbatti, eko chasu kāmasaggesu, eko isīnaṃ pāricariyaṃ katvā manussaloke tīsu kulasampattīsu nibbatti. Evaṃ hatthipālassa sāsanaṃ apagatanirayatiracchānayonipettivisayāsurakāyaṃ ahosi.
имасмим̣ д̇амб̣абан̣н̣ид̣̇ийбз бат̇авижаалагад̇хаммаг̇уд̇д̇ад̇т̇зро, гадаганд̇хагаараваасий пуссад̣̇звад̇т̇зро, убариман̣д̣алаваасий махаасан̇гхарагкид̇ад̇т̇зро, малаяамахаад̣̇звад̇т̇зро, абхаяаг̇ириваасий махаад̣̇звад̇т̇зро, г̇ааманд̇абаб̣бхаараваасий махаасивад̇т̇зро, гаал̣аваллиман̣д̣абаваасий махаанааг̇ад̇т̇зро гуд̣̇д̣̇ааласамааг̇амз мууг̇абагкасамааг̇амз жуул̣асуд̇асомасамааг̇амз аяогхарабан̣д̣ид̇асамааг̇амз хад̇т̇ибааласамааг̇амз жа саб̣б̣абажчаа нигканд̇абурисаа ахзсум̣. д̇знзвааха бхаг̇аваа –
Imasmiṃ tambapaṇṇidīpe pathavicālakadhammaguttatthero, kaṭakandhakāravāsī phussadevatthero, uparimaṇḍalavāsī mahāsaṅgharakkhitatthero, malayamahādevatthero, abhayagirivāsī mahādevatthero, gāmantapabbhāravāsī mahāsivatthero, kāḷavallimaṇḍapavāsī mahānāgatthero kuddālasamāgame mūgapakkhasamāgame cūḷasutasomasamāgame ayogharapaṇḍitasamāgame hatthipālasamāgame ca sabbapacchā nikkhantapurisā ahesuṃ. Tenevāha bhagavā –
‘‘абхид̇т̇арзт̇а галяаан̣з, баабаа жид̇д̇ам̣ ниваараяз;
‘‘Abhittharetha kalyāṇe, pāpā cittaṃ nivāraye;
д̣̇анд̇хан̃хи гарод̇о бун̃н̃ам̣, баабасмим̣ рамад̇з мано’’д̇и. (д̇ха. ба. 116);
Dandhañhi karoto puññaṃ, pāpasmiṃ ramate mano’’ti. (dha. pa. 116);
д̇асмаа галяаан̣ам̣ д̇урид̇ад̇урид̇знзва гаад̇аб̣б̣анд̇и.
Tasmā kalyāṇaṃ turitaturiteneva kātabbanti.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа зсугаарий рааж̇аа суд̣̇д̇ход̣̇анамахаарааж̇аа ахоси, д̣̇звий махаамааяаа, бурохид̇о гассабо, б̣раахман̣ий бхад̣̇д̣̇агаабилааний, аж̇абаало ануруд̣̇д̇хо, г̇обаало мог̇г̇аллаано, ассабаало саарибуд̇д̇о, сзсабарисаа б̣уд̣̇д̇хабарисаа, хад̇т̇ибаало бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ, bhikkhave, pubbepi tathāgato mahābhinikkhamanaṃ nikkhantoyevā’’ti vatvā jātakaṃ samodhānesi – ‘‘tadā esukārī rājā suddhodanamahārājā ahosi, devī mahāmāyā, purohito kassapo, brāhmaṇī bhaddakāpilānī, ajapālo anuruddho, gopālo moggallāno, assapālo sāriputto, sesaparisā buddhaparisā, hatthipālo pana ahameva ahosi’’nti.
хад̇т̇ибаалаж̇аад̇агаван̣н̣анаа д̇зрасамаа.
Hatthipālajātakavaṇṇanā terasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 509. хад̇т̇ибаалаж̇аад̇агам̣ • 509. Hatthipālajātakaṃ
