| Library / Tipiṭaka / திபிடக • Tipiṭaka / சூளனித்³தே³ஸ-அட்ட²கதா² • Cūḷaniddesa-aṭṭhakathā |
8. ஹேமகமாணவஸுத்தனித்³தே³ஸவண்ணனா
8. Hemakamāṇavasuttaniddesavaṇṇanā
53. அட்ட²மே ஹேமகஸுத்தே – யே மே புப்³பே³ வியாகங்ஸூதி யே பா³வரிஆத³யோ புப்³பே³ மய்ஹங் ஸகங் லத்³தி⁴ங் வியாகங்ஸு. ஹுரங் கோ³தமஸாஸனாதி கோ³தமஸாஸனதோ புப்³ப³தரங். ஸப்³ப³ங் தங் தக்கவட்³ட⁴னந்தி ஸப்³ப³ங் தங் காமவிதக்காதி³வட்³ட⁴னங்.
53. Aṭṭhame hemakasutte – ye me pubbe viyākaṃsūti ye bāvariādayo pubbe mayhaṃ sakaṃ laddhiṃ viyākaṃsu. Huraṃ gotamasāsanāti gotamasāsanato pubbataraṃ. Sabbaṃ taṃ takkavaḍḍhananti sabbaṃ taṃ kāmavitakkādivaḍḍhanaṃ.
யே சஞ்ஞே தஸ்ஸ ஆசரியாதி யே ச அஞ்ஞே தஸ்ஸ பா³வரியஸ்ஸ ஆசாரே ஸிக்கா²பகா ஆசரியா. தே ஸகங் தி³ட்டி²ந்தி தே ஆசரியா அத்தனோ தி³ட்டி²ங். ஸகங் க²ந்திந்தி அத்தனோ க²மனங். ஸகங் ருசிந்தி அத்தனோ ரோசனங். விதக்கவட்³ட⁴னந்தி காமவிதக்காதி³விதக்கானங் உப்பாத³னங் புனப்புனங் பவத்தனங். ஸங்கப்பவட்³ட⁴னந்தி காமஸங்கப்பாதீ³னங் வட்³ட⁴னங். இமானி த்³வே பதா³னி ஸப்³ப³ஸங்கா³ஹிகவஸேன வுத்தானி. இதா³னி காமவிதக்காதி³கே ஸரூபதோ த³ஸ்ஸேதுங் ‘‘காமவிதக்கவட்³ட⁴ன’’ந்திஆதி³னா நயேன நவவிதக்கே த³ஸ்ஸேஸி.
Ye caññe tassa ācariyāti ye ca aññe tassa bāvariyassa ācāre sikkhāpakā ācariyā. Te sakaṃ diṭṭhinti te ācariyā attano diṭṭhiṃ. Sakaṃ khantinti attano khamanaṃ. Sakaṃ rucinti attano rocanaṃ. Vitakkavaḍḍhananti kāmavitakkādivitakkānaṃ uppādanaṃ punappunaṃ pavattanaṃ. Saṅkappavaḍḍhananti kāmasaṅkappādīnaṃ vaḍḍhanaṃ. Imāni dve padāni sabbasaṅgāhikavasena vuttāni. Idāni kāmavitakkādike sarūpato dassetuṃ ‘‘kāmavitakkavaḍḍhana’’ntiādinā nayena navavitakke dassesi.
54. தண்ஹானிக்³கா⁴தனந்தி தண்ஹாவினாஸனங்.
54.Taṇhānigghātananti taṇhāvināsanaṃ.
55-6. அத²ஸ்ஸ ப⁴க³வா தங் த⁴ம்மங் ஆசிக்க²ந்தோ ‘‘இதா⁴’’தி கா³தா²த்³வயமாஹ. தத்த² ஏதத³ஞ்ஞாய யே ஸதாதி ஏதங் நிப்³பா³னங் பத³மச்சுதங் ‘‘ஸப்³பே³ ஸங்கா²ரா அனிச்சா’’திஆதி³னா (த⁴॰ ப॰ 277; தே²ரகா³॰ 676; கதா²॰ 753) நயேன விபஸ்ஸந்தா அனுபுப்³பே³ன ஜானித்வா யே காயானுபஸ்ஸனாஸதிஆதீ³ஹி ஸதா. தி³ட்ட²த⁴ம்மாபி⁴னிப்³பு³தாதி விதி³தத⁴ம்மத்தா தி³ட்ட²த⁴ம்மா ச ராகா³தி³னிப்³பா³னேன ச அபி⁴னிப்³பு³தா. ஸேஸங் ஸப்³ப³த்த² பாகடமேவ.
55-6. Athassa bhagavā taṃ dhammaṃ ācikkhanto ‘‘idhā’’ti gāthādvayamāha. Tattha etadaññāya ye satāti etaṃ nibbānaṃ padamaccutaṃ ‘‘sabbe saṅkhārā aniccā’’tiādinā (dha. pa. 277; theragā. 676; kathā. 753) nayena vipassantā anupubbena jānitvā ye kāyānupassanāsatiādīhi satā. Diṭṭhadhammābhinibbutāti viditadhammattā diṭṭhadhammā ca rāgādinibbānena ca abhinibbutā. Sesaṃ sabbattha pākaṭameva.
ஏவங் ப⁴க³வா இத³ம்பி ஸுத்தங் அரஹத்தனிகூடேனேவ தே³ஸேஸி, தே³ஸனாபரியோஸானே ச புப்³ப³ஸதி³ஸோ ஏவ த⁴ம்மாபி⁴ஸமயோ அஹோஸீதி.
Evaṃ bhagavā idampi suttaṃ arahattanikūṭeneva desesi, desanāpariyosāne ca pubbasadiso eva dhammābhisamayo ahosīti.
ஸத்³த⁴ம்மப்பஜ்ஜோதிகாய சூளனித்³தே³ஸ-அட்ட²கதா²ய
Saddhammappajjotikāya cūḷaniddesa-aṭṭhakathāya
ஹேமகமாணவஸுத்தனித்³தே³ஸவண்ணனா நிட்டி²தா.
Hemakamāṇavasuttaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / சூளனித்³தே³ஸபாளி • Cūḷaniddesapāḷi
8. ஹேமகமாணவபுச்சா² • 8. Hemakamāṇavapucchā
8. ஹேமகமாணவபுச்சா²னித்³தே³ஸோ • 8. Hemakamāṇavapucchāniddeso
