| Library / Tipiṭaka / திபிடக • Tipiṭaka / ஸுத்தனிபாத-அட்ட²கதா² • Suttanipāta-aṭṭhakathā |
8. ஹேமகஸுத்தவண்ணனா
8. Hemakasuttavaṇṇanā
1091-4. யே மே புப்³பே³தி ஹேமகஸுத்தங். தத்த² யே மே புப்³பே³ வியாகங்ஸூதி யே பா³வரிஆத³யோ புப்³பே³ மய்ஹங் ஸகங் லத்³தி⁴ங் வியாகங்ஸு. ஹுரங் கோ³தமஸாஸனாதி கோ³தமஸாஸனா புப்³ப³தரங். ஸப்³ப³ங் தங் தக்கவட்³ட⁴னந்தி ஸப்³ப³ங் தங் காமவிதக்காதி³வட்³ட⁴னங். தண்ஹானிக்³கா⁴தனந்தி தண்ஹாவினாஸனங். அத²ஸ்ஸ ப⁴க³வா தங் த⁴ம்மங் ஆசிக்க²ந்தோ ‘‘இதா⁴’’தி கா³தா²த்³வயமாஹ. தத்த² ஏதத³ஞ்ஞாய யே ஸதாதி ஏதங் நிப்³பா³னபத³மச்சுதங் ‘‘ஸப்³பே³ ஸங்கா²ரா அனிச்சா’’திஆதி³னா நயேன விபஸ்ஸந்தா அனுபுப்³பே³ன ஜானித்வா யே காயானுபஸ்ஸனாஸதிஆதீ³ஹி ஸதா. தி³ட்ட²த⁴ம்மாபி⁴னிப்³பு³தாதி விதி³தத⁴ம்மத்தா, தி³ட்ட²த⁴ம்மத்தா, ராகா³தி³னிப்³பா³னேன ச அபி⁴னிப்³பு³தா. ஸேஸங் ஸப்³ப³த்த² பாகடமேவ.
1091-4.Yeme pubbeti hemakasuttaṃ. Tattha ye me pubbe viyākaṃsūti ye bāvariādayo pubbe mayhaṃ sakaṃ laddhiṃ viyākaṃsu. Huraṃ gotamasāsanāti gotamasāsanā pubbataraṃ. Sabbaṃ taṃ takkavaḍḍhananti sabbaṃ taṃ kāmavitakkādivaḍḍhanaṃ. Taṇhānigghātananti taṇhāvināsanaṃ. Athassa bhagavā taṃ dhammaṃ ācikkhanto ‘‘idhā’’ti gāthādvayamāha. Tattha etadaññāya ye satāti etaṃ nibbānapadamaccutaṃ ‘‘sabbe saṅkhārā aniccā’’tiādinā nayena vipassantā anupubbena jānitvā ye kāyānupassanāsatiādīhi satā. Diṭṭhadhammābhinibbutāti viditadhammattā, diṭṭhadhammattā, rāgādinibbānena ca abhinibbutā. Sesaṃ sabbattha pākaṭameva.
ஏவங் ப⁴க³வா இமம்பி ஸுத்தங் அரஹத்தனிகூடேனேவ தே³ஸேஸி. தே³ஸனாபரியோஸானே ச புப்³ப³ஸதி³ஸோ ஏவ த⁴ம்மாபி⁴ஸமயோ அஹோஸீதி.
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
பரமத்த²ஜோதிகாய கு²த்³த³க-அட்ட²கதா²ய
Paramatthajotikāya khuddaka-aṭṭhakathāya
ஸுத்தனிபாத-அட்ட²கதா²ய ஹேமகஸுத்தவண்ணனா நிட்டி²தா.
Suttanipāta-aṭṭhakathāya hemakasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / ஸுத்தனிபாதபாளி • Suttanipātapāḷi / 8. ஹேமகமாணவபுச்சா² • 8. Hemakamāṇavapucchā
