| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
8. хзмагасуд̇д̇аван̣н̣анаа
8. Hemakasuttavaṇṇanā
1091-4. яз мз буб̣б̣зд̇и хзмагасуд̇д̇ам̣. д̇ад̇т̇а яз мз буб̣б̣з вияаагам̣сууд̇и яз б̣аавариаад̣̇аяо буб̣б̣з маяхам̣ сагам̣ лад̣̇д̇хим̣ вияаагам̣су. хурам̣ г̇од̇амасаасанаад̇и г̇од̇амасаасанаа буб̣б̣ад̇арам̣. саб̣б̣ам̣ д̇ам̣ д̇аггавад̣дхананд̇и саб̣б̣ам̣ д̇ам̣ гаамавид̇аггаад̣̇ивад̣дханам̣. д̇ан̣хааниг̇гхаад̇ананд̇и д̇ан̣хаавинаасанам̣. ат̇асса бхаг̇аваа д̇ам̣ д̇хаммам̣ аажигканд̇о ‘‘ид̇хаа’’д̇и г̇аат̇аад̣̇ваяамааха. д̇ад̇т̇а зд̇ад̣̇ан̃н̃ааяа яз сад̇аад̇и зд̇ам̣ ниб̣б̣аанабад̣̇амажжуд̇ам̣ ‘‘саб̣б̣з сан̇каараа анижжаа’’д̇иаад̣̇инаа наязна вибассанд̇аа анубуб̣б̣зна ж̇аанид̇ваа яз гааяаанубассанаасад̇иаад̣̇ийхи сад̇аа. д̣̇идтад̇хаммаабхиниб̣б̣уд̇аад̇и вид̣̇ид̇ад̇хаммад̇д̇аа, д̣̇идтад̇хаммад̇д̇аа, рааг̇аад̣̇иниб̣б̣аанзна жа абхиниб̣б̣уд̇аа. сзсам̣ саб̣б̣ад̇т̇а баагадамзва.
1091-4.Yeme pubbeti hemakasuttaṃ. Tattha ye me pubbe viyākaṃsūti ye bāvariādayo pubbe mayhaṃ sakaṃ laddhiṃ viyākaṃsu. Huraṃ gotamasāsanāti gotamasāsanā pubbataraṃ. Sabbaṃ taṃ takkavaḍḍhananti sabbaṃ taṃ kāmavitakkādivaḍḍhanaṃ. Taṇhānigghātananti taṇhāvināsanaṃ. Athassa bhagavā taṃ dhammaṃ ācikkhanto ‘‘idhā’’ti gāthādvayamāha. Tattha etadaññāya ye satāti etaṃ nibbānapadamaccutaṃ ‘‘sabbe saṅkhārā aniccā’’tiādinā nayena vipassantā anupubbena jānitvā ye kāyānupassanāsatiādīhi satā. Diṭṭhadhammābhinibbutāti viditadhammattā, diṭṭhadhammattā, rāgādinibbānena ca abhinibbutā. Sesaṃ sabbattha pākaṭameva.
звам̣ бхаг̇аваа имамби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз жа буб̣б̣асад̣̇исо зва д̇хаммаабхисамаяо ахосийд̇и.
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа хзмагасуд̇д̇аван̣н̣анаа нидтид̇аа.
Suttanipāta-aṭṭhakathāya hemakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 8. хзмагамаан̣авабужчаа • 8. Hemakamāṇavapucchā
