Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā

9. хзмавад̇асуд̇д̇аван̣н̣анаа

9. Hemavatasuttavaṇṇanā

аж̇ж̇а баннарасод̇и хзмавад̇асуд̇д̇ам̣. гаа уббад̇д̇и? бужчаавасигаа уббад̇д̇и. хзмавад̇зна хи будто бхаг̇аваа ‘‘часу лого самуббанно’’д̇иаад̣̇ийни абхааси. д̇ад̇т̇а ‘‘аж̇ж̇а баннарасо’’д̇иаад̣̇и саад̇ааг̇ирзна вуд̇д̇ам̣, ‘‘ид̇и саад̇ааг̇иро’’д̇иаад̣̇и сан̇г̇ийд̇игаарзхи, ‘‘гажжимано’’д̇иаад̣̇и хзмавад̇зна, ‘‘часу лого’’д̇иаад̣̇и бхаг̇авад̇аа, д̇ам̣ саб̣б̣амби самод̇хаанзд̇ваа ‘‘хзмавад̇асуд̇д̇а’’нд̇и вужжад̇и. ‘‘саад̇ааг̇ирисуд̇д̇а’’нд̇и згажжзхи.

Ajjapannarasoti hemavatasuttaṃ. Kā uppatti? Pucchāvasikā uppatti. Hemavatena hi puṭṭho bhagavā ‘‘chasu loko samuppanno’’tiādīni abhāsi. Tattha ‘‘ajja pannaraso’’tiādi sātāgirena vuttaṃ, ‘‘iti sātāgiro’’tiādi saṅgītikārehi, ‘‘kaccimano’’tiādi hemavatena, ‘‘chasu loko’’tiādi bhagavatā, taṃ sabbampi samodhānetvā ‘‘hemavatasutta’’nti vuccati. ‘‘Sātāgirisutta’’nti ekaccehi.

д̇ад̇т̇а яааяам̣ ‘‘аж̇ж̇а баннарасо’’д̇иаад̣̇и г̇аат̇аа. д̇ассаа уббад̇д̇и – имасмим̣язва бхад̣̇д̣̇агаббз вийсад̇ивассасахассааяугзсу бурисзсу уббаж̇ж̇ид̇ваа сол̣асавассасахассааяугаани тад̇ваа бариниб̣б̣уд̇асса бхаг̇авад̇о гассабасаммаасамб̣уд̣̇д̇хасса махад̇ияаа бууж̇ааяа сарийрагижжам̣ агам̣су. д̇асса д̇хаад̇уяо авигирид̇ваа суван̣н̣агканд̇хо вияа згаг̇гханаа худ̇ваа адтам̣су. д̣̇ийгхааяугаб̣уд̣̇д̇хаанан̃хи зсаа д̇хаммад̇аа. аббааяугаб̣уд̣̇д̇хаа бана яасмаа б̣ахуд̇арзна ж̇анзна ад̣̇идтаа зва бариниб̣б̣ааяанд̇и, д̇асмаа д̇хаад̇убууж̇амби гад̇ваа ‘‘д̇ад̇т̇а д̇ад̇т̇а ж̇анаа бун̃н̃ам̣ басависсанд̇ий’’д̇и анугамбааяа ‘‘д̇хаад̇уяо вигиранд̇уу’’д̇и ад̇хидтаханд̇и. д̇зна д̇зсам̣ суван̣н̣ажун̣н̣аани вияа д̇хаад̇уяо вигиранд̇и, сзяяат̇ааби амхаагам̣ бхаг̇авад̇о.

Tattha yāyaṃ ‘‘ajja pannaraso’’tiādi gāthā. Tassā uppatti – imasmiṃyeva bhaddakappe vīsativassasahassāyukesu purisesu uppajjitvā soḷasavassasahassāyukāni ṭhatvā parinibbutassa bhagavato kassapasammāsambuddhassa mahatiyā pūjāya sarīrakiccaṃ akaṃsu. Tassa dhātuyo avikiritvā suvaṇṇakkhandho viya ekagghanā hutvā aṭṭhaṃsu. Dīghāyukabuddhānañhi esā dhammatā. Appāyukabuddhā pana yasmā bahutarena janena adiṭṭhā eva parinibbāyanti, tasmā dhātupūjampi katvā ‘‘tattha tattha janā puññaṃ pasavissantī’’ti anukampāya ‘‘dhātuyo vikirantū’’ti adhiṭṭhahanti. Tena tesaṃ suvaṇṇacuṇṇāni viya dhātuyo vikiranti, seyyathāpi amhākaṃ bhagavato.

мануссаа д̇асса бхаг̇авад̇о згам̣язва д̇хаад̇угхарам̣ гад̇ваа жзд̇ияам̣ бад̇идтаабзсум̣ яож̇анам̣ уб̣б̣зд̇хзна баригкзбзна жа. д̇асса згзгаг̇аавуд̇анд̇араани жад̇д̇аари д̣̇ваараани ахзсум̣. згам̣ д̣̇ваарам̣ гигий рааж̇аа аг̇г̇ахзси; згам̣ д̇ассзва буд̇д̇о бат̇авинд̇харо наама; згам̣ сзнаабад̇ибамукаа амажжаа; згам̣ сздтибамукаа ж̇аанабад̣̇аа рад̇д̇асуван̣н̣амаяаа згаг̇гханаа суван̣н̣арасабадибхааг̇аа жа наанаарад̇анамаяаа идтагаа ахзсум̣ згзгаа сад̇асахассаг̇гханигаа. д̇з харид̇ааламаносилаахи мад̇д̇игаагижжам̣ сурабхид̇злзна уд̣̇агагижжан̃жа гад̇ваа д̇ам̣ жзд̇ияам̣ бад̇идтаабзсум̣.

Manussā tassa bhagavato ekaṃyeva dhātugharaṃ katvā cetiyaṃ patiṭṭhāpesuṃ yojanaṃ ubbedhena parikkhepena ca. Tassa ekekagāvutantarāni cattāri dvārāni ahesuṃ. Ekaṃ dvāraṃ kikī rājā aggahesi; ekaṃ tasseva putto pathavindharo nāma; ekaṃ senāpatipamukhā amaccā; ekaṃ seṭṭhipamukhā jānapadā rattasuvaṇṇamayā ekagghanā suvaṇṇarasapaṭibhāgā ca nānāratanamayā iṭṭhakā ahesuṃ ekekā satasahassagghanikā. Te haritālamanosilāhi mattikākiccaṃ surabhitelena udakakiccañca katvā taṃ cetiyaṃ patiṭṭhāpesuṃ.

звам̣ бад̇идтид̇з жзд̇ияз д̣̇вз гулабуд̇д̇аа сахааяагаа нигкамид̇ваа саммукасаавагаанам̣ т̇зраанам̣ санд̇игз баб̣б̣аж̇им̣су. д̣̇ийгхааяугаб̣уд̣̇д̇хаанан̃хи саммукасаавагааязва баб̣б̣ааж̇знд̇и, убасамбаад̣̇знд̇и, ниссаяам̣ д̣̇знд̇и, ид̇арз на лабханд̇и. д̇ад̇о д̇з гулабуд̇д̇аа ‘‘саасанз, бханд̇з, гад̇и д̇хурааний’’д̇и бужчим̣су. т̇зраа ‘‘д̣̇вз д̇хурааний’’д̇и гат̇зсум̣ – ‘‘ваасад̇хурам̣, барияад̇д̇ид̇хуран̃жаа’’д̇и. д̇ад̇т̇а баб̣б̣аж̇ид̇зна гулабуд̇д̇зна аажарияубаж̇жхааяаанам̣ санд̇игз бан̃жа вассаани васид̇ваа, вад̇д̇абадивад̇д̇ам̣ буурзд̇ваа, баад̇имогкам̣ д̣̇вз д̇ийн̣и бхаан̣аваарасуд̇д̇анд̇аани жа баг̇ун̣ам̣ гад̇ваа, гаммадтаанам̣ уг̇г̇ахзд̇ваа, гулз ваа г̇ан̣з ваа нираалаязна аран̃н̃ам̣ бависид̇ваа, арахад̇д̇асажчигирияааяа гхадид̇аб̣б̣ам̣ вааяамид̇аб̣б̣ам̣, зд̇ам̣ ваасад̇хурам̣. ад̇д̇ано т̇аамзна бана згам̣ ваа нигааяам̣ барияаабун̣ид̇ваа д̣̇вз ваа бан̃жа ваа нигааяз барияад̇д̇ид̇о жа ад̇т̇ад̇о жа сувисад̣̇ам̣ саасанам̣ ануяун̃ж̇ид̇аб̣б̣ам̣, зд̇ам̣ барияад̇д̇ид̇хуранд̇и. ат̇а д̇з гулабуд̇д̇аа ‘‘д̣̇виннам̣ д̇хураанам̣ ваасад̇хурамзва сздта’’нд̇и вад̇ваа ‘‘маяам̣ банамхаа д̣̇ахараа, вуд̣дхагаалз ваасад̇хурам̣ барибуурзссаама, барияад̇д̇ид̇хурам̣ д̇аава буурзмаа’’д̇и барияад̇д̇им̣ аарабхим̣су. д̇з багад̇ияаава бан̃н̃аванд̇о нажирассзва сагалз б̣уд̣̇д̇хаважанз багад̇ан̃н̃ано винаяз жа ад̇ивияа винижчаяагусалаа ахзсум̣. д̇зсам̣ барияад̇д̇им̣ ниссааяа баривааро уббаж̇ж̇и, бариваарам̣ ниссааяа лаабхо, згамзгасса бан̃жасад̇абан̃жасад̇аа бхигкуу бариваараа ахзсум̣. д̇з сад̇т̇усаасанам̣ д̣̇ийбзнд̇аа вихарим̣су, буна б̣уд̣̇д̇хагаало вияа ахоси.

Evaṃ patiṭṭhite cetiye dve kulaputtā sahāyakā nikkhamitvā sammukhasāvakānaṃ therānaṃ santike pabbajiṃsu. Dīghāyukabuddhānañhi sammukhasāvakāyeva pabbājenti, upasampādenti, nissayaṃ denti, itare na labhanti. Tato te kulaputtā ‘‘sāsane, bhante, kati dhurānī’’ti pucchiṃsu. Therā ‘‘dve dhurānī’’ti kathesuṃ – ‘‘vāsadhuraṃ, pariyattidhurañcā’’ti. Tattha pabbajitena kulaputtena ācariyupajjhāyānaṃ santike pañca vassāni vasitvā, vattapaṭivattaṃ pūretvā, pātimokkhaṃ dve tīṇi bhāṇavārasuttantāni ca paguṇaṃ katvā, kammaṭṭhānaṃ uggahetvā, kule vā gaṇe vā nirālayena araññaṃ pavisitvā, arahattasacchikiriyāya ghaṭitabbaṃ vāyamitabbaṃ, etaṃ vāsadhuraṃ. Attano thāmena pana ekaṃ vā nikāyaṃ pariyāpuṇitvā dve vā pañca vā nikāye pariyattito ca atthato ca suvisadaṃ sāsanaṃ anuyuñjitabbaṃ, etaṃ pariyattidhuranti. Atha te kulaputtā ‘‘dvinnaṃ dhurānaṃ vāsadhurameva seṭṭha’’nti vatvā ‘‘mayaṃ panamhā daharā, vuḍḍhakāle vāsadhuraṃ paripūressāma, pariyattidhuraṃ tāva pūremā’’ti pariyattiṃ ārabhiṃsu. Te pakatiyāva paññavanto nacirasseva sakale buddhavacane pakataññano vinaye ca ativiya vinicchayakusalā ahesuṃ. Tesaṃ pariyattiṃ nissāya parivāro uppajji, parivāraṃ nissāya lābho, ekamekassa pañcasatapañcasatā bhikkhū parivārā ahesuṃ. Te satthusāsanaṃ dīpentā vihariṃsu, puna buddhakālo viya ahosi.

д̇ад̣̇аа д̣̇вз бхигкуу г̇аамагааваасз вихаранд̇и д̇хаммаваад̣̇ий жа ад̇хаммаваад̣̇ий жа. ад̇хаммаваад̣̇ий жан̣д̣о ход̇и парусо, мукаро, д̇асса аж̇жхаажааро ид̇арасса баагадо ход̇и. д̇ад̇о нам̣ ‘‘ид̣̇ам̣ д̇з, аавусо, гаммам̣ саасанасса аббад̇ирууба’’нд̇и жод̣̇зси. со ‘‘гим̣ д̇з д̣̇идтам̣, гим̣ суд̇а’’нд̇и вигкибад̇и. ид̇аро ‘‘винаяад̇хараа ж̇ааниссанд̇ий’’д̇и ааха. д̇ад̇о ад̇хаммаваад̣̇ий ‘‘сажз имам̣ вад̇т̇ум̣ винаяад̇хараа винижчиниссанд̇и, ад̣̇д̇хаа мз саасанз бад̇идтаа на бхависсад̇ий’’д̇и н̃ад̇ваа ад̇д̇ано багкам̣ гаад̇угаамо д̇аавад̣̇зва баригкаарз аад̣̇ааяа д̇з д̣̇вз т̇зрз убасан̇гамид̇ваа саман̣абаригкаарз д̣̇ад̇ваа д̇зсам̣ ниссаязна вихарид̇умаарад̣̇д̇хо. саб̣б̣ан̃жа нзсам̣ убадтаанам̣ гаронд̇о саггажжам̣ вад̇д̇абадивад̇д̇ам̣ буурзд̇угаамо вияа агааси. д̇ад̇о згад̣̇ивасам̣ убадтаанам̣ г̇анд̇ваа ванд̣̇ид̇ваа д̇зхи виссаж̇ж̇ияамааноби адтаасиязва. т̇зраа ‘‘гин̃жи вад̇д̇аб̣б̣амад̇т̇ий’’д̇и д̇ам̣ бужчим̣су. со ‘‘аама, бханд̇з, згзна мз бхигкунаа саха аж̇жхаажаарам̣ бадижжа виваад̣̇о ад̇т̇и. со яад̣̇и д̇ам̣ вад̇т̇ум̣ ид̇хааг̇анд̇ваа аарожзд̇и, яат̇аавинижчаяам̣ на винижчинид̇аб̣б̣а’’нд̇и. т̇зраа ‘‘осадам̣ вад̇т̇ум̣ яат̇аавинижчаяам̣ на винижчинид̇ум̣ на ваддад̇ий’’д̇и аахам̣су. со ‘‘звам̣ гарияамаанз, бханд̇з, мама саасанз бад̇идтаа над̇т̇и, маяхзд̇ам̣ баабам̣ ход̇у, маа д̇умхз винижчинат̇аа’’д̇и. д̇з д̇зна ниббийл̣ияамаанаа самбадижчим̣су. со д̇зсам̣ бадин̃н̃ам̣ г̇ахзд̇ваа буна д̇ам̣ ааваасам̣ г̇анд̇ваа ‘‘саб̣б̣ам̣ винаяад̇хараанам̣ санд̇игз нидтид̇а’’нд̇и д̇ам̣ д̇хаммаваад̣̇им̣ судтуд̇арам̣ аваман̃н̃анд̇о парусзна самуд̣̇аажарад̇и. д̇хаммаваад̣̇ий ‘‘ниссан̇го аяам̣ ж̇аад̇о’’д̇и д̇аавад̣̇зва нигкамид̇ваа т̇зраанам̣ бариваарам̣ бхигкусахассам̣ убасан̇гамид̇ваа ааха – ‘‘нану, аавусо, осадам̣ вад̇т̇у яат̇аад̇хаммам̣ винижчинид̇аб̣б̣ам̣, аносараабзд̇ваа зва ваа ан̃н̃аман̃н̃ам̣ ажжаяам̣ д̣̇зсаабзд̇ваа саамаг̇г̇ий гаад̇аб̣б̣аа. имз бана т̇зраа нзва вад̇т̇ум̣ винижчиним̣су, на саамаг̇г̇им̣ агам̣су. гим̣ наамзд̇а’’нд̇и? д̇зби суд̇ваа д̇ун̣хий ахзсум̣ – ‘‘нууна гин̃жи аажариязхи н̃аад̇а’’нд̇и. д̇ад̇о ад̇хаммаваад̣̇ий огаасам̣ лабхид̇ваа ‘‘д̇вам̣ буб̣б̣з ‘винаяад̇хараа ж̇ааниссанд̇ий’д̇и бхан̣аси. ид̣̇аани д̇зсам̣ винаяад̇хараанам̣ аарожзхи д̇ам̣ вад̇т̇у’’нд̇и д̇хаммаваад̣̇им̣ бийл̣зд̇ваа ‘‘аж̇ж̇ад̇аг̇г̇з барааж̇ид̇о д̇вам̣, маа д̇ам̣ ааваасам̣ ааг̇ажчий’’д̇и вад̇ваа баггаами. д̇ад̇о д̇хаммаваад̣̇ий т̇зрз убасан̇гамид̇ваа ‘‘д̇умхз саасанам̣ анабзгкид̇ваа ‘амхз убадтзси барид̇осзсий’д̇и буг̇г̇аламзва абзгкид̇т̇а, саасанам̣ арагкид̇ваа буг̇г̇алам̣ рагкид̇т̇а, аж̇ж̇ад̇аг̇г̇з д̣̇аани д̇умхаагам̣ винижчаяам̣ винижчинид̇ум̣ на ваддад̇и, аж̇ж̇а бариниб̣б̣уд̇о гассабо бхаг̇аваа’’д̇и махаасад̣̇д̣̇зна ганд̣̇ид̇ваа ‘‘надтам̣ сад̇т̇у саасана’’нд̇и барид̣̇звамаано баггаами.

Tadā dve bhikkhū gāmakāvāse viharanti dhammavādī ca adhammavādī ca. Adhammavādī caṇḍo hoti pharuso, mukharo, tassa ajjhācāro itarassa pākaṭo hoti. Tato naṃ ‘‘idaṃ te, āvuso, kammaṃ sāsanassa appatirūpa’’nti codesi. So ‘‘kiṃ te diṭṭhaṃ, kiṃ suta’’nti vikkhipati. Itaro ‘‘vinayadharā jānissantī’’ti āha. Tato adhammavādī ‘‘sace imaṃ vatthuṃ vinayadharā vinicchinissanti, addhā me sāsane patiṭṭhā na bhavissatī’’ti ñatvā attano pakkhaṃ kātukāmo tāvadeva parikkhāre ādāya te dve there upasaṅkamitvā samaṇaparikkhāre datvā tesaṃ nissayena viharitumāraddho. Sabbañca nesaṃ upaṭṭhānaṃ karonto sakkaccaṃ vattapaṭivattaṃ pūretukāmo viya akāsi. Tato ekadivasaṃ upaṭṭhānaṃ gantvā vanditvā tehi vissajjiyamānopi aṭṭhāsiyeva. Therā ‘‘kiñci vattabbamatthī’’ti taṃ pucchiṃsu. So ‘‘āma, bhante, ekena me bhikkhunā saha ajjhācāraṃ paṭicca vivādo atthi. So yadi taṃ vatthuṃ idhāgantvā āroceti, yathāvinicchayaṃ na vinicchinitabba’’nti. Therā ‘‘osaṭaṃ vatthuṃ yathāvinicchayaṃ na vinicchinituṃ na vaṭṭatī’’ti āhaṃsu. So ‘‘evaṃ kariyamāne, bhante, mama sāsane patiṭṭhā natthi, mayhetaṃ pāpaṃ hotu, mā tumhe vinicchinathā’’ti. Te tena nippīḷiyamānā sampaṭicchiṃsu. So tesaṃ paṭiññaṃ gahetvā puna taṃ āvāsaṃ gantvā ‘‘sabbaṃ vinayadharānaṃ santike niṭṭhita’’nti taṃ dhammavādiṃ suṭṭhutaraṃ avamaññanto pharusena samudācarati. Dhammavādī ‘‘nissaṅko ayaṃ jāto’’ti tāvadeva nikkhamitvā therānaṃ parivāraṃ bhikkhusahassaṃ upasaṅkamitvā āha – ‘‘nanu, āvuso, osaṭaṃ vatthu yathādhammaṃ vinicchinitabbaṃ, anosarāpetvā eva vā aññamaññaṃ accayaṃ desāpetvā sāmaggī kātabbā. Ime pana therā neva vatthuṃ vinicchiniṃsu, na sāmaggiṃ akaṃsu. Kiṃ nāmeta’’nti? Tepi sutvā tuṇhī ahesuṃ – ‘‘nūna kiñci ācariyehi ñāta’’nti. Tato adhammavādī okāsaṃ labhitvā ‘‘tvaṃ pubbe ‘vinayadharā jānissantī’ti bhaṇasi. Idāni tesaṃ vinayadharānaṃ ārocehi taṃ vatthu’’nti dhammavādiṃ pīḷetvā ‘‘ajjatagge parājito tvaṃ, mā taṃ āvāsaṃ āgacchī’’ti vatvā pakkāmi. Tato dhammavādī there upasaṅkamitvā ‘‘tumhe sāsanaṃ anapekkhitvā ‘amhe upaṭṭhesi paritosesī’ti puggalameva apekkhittha, sāsanaṃ arakkhitvā puggalaṃ rakkhittha, ajjatagge dāni tumhākaṃ vinicchayaṃ vinicchinituṃ na vaṭṭati, ajja parinibbuto kassapo bhagavā’’ti mahāsaddena kanditvā ‘‘naṭṭhaṃ satthu sāsana’’nti paridevamāno pakkāmi.

ат̇а ко д̇з бхигкуу сам̣виг̇г̇амаанасаа ‘‘маяам̣ буг̇г̇аламанурагканд̇аа саасанарад̇анам̣ соб̣бхз багкибимхаа’’д̇и гуггужжам̣ уббаад̣̇зсум̣ . д̇з д̇знзва гуггужжзна убахад̇аасаяад̇д̇аа гаалам̣ гад̇ваа саг̇г̇з ниб̣б̣ад̇д̇ид̇умасаггонд̇аа згаажарияо химавад̇и хзмавад̇з баб̣б̣ад̇з ниб̣б̣ад̇д̇и хзмавад̇о яагкод̇и наамзна. д̣̇уд̇ияаажарияо маж̇жхимад̣̇зсз саад̇абаб̣б̣ад̇з саад̇ааг̇ирод̇и наамзна. д̇зби нзсам̣ бариваараа бхигкуу д̇зсам̣язва анувад̇д̇ид̇ваа саг̇г̇з ниб̣б̣ад̇д̇ид̇умасаггонд̇аа д̇зсам̣ бариваараа яагкаава худ̇ваа ниб̣б̣ад̇д̇им̣су. д̇зсам̣ бана бажжаяад̣̇ааяагаа г̇ахадтаа д̣̇звалогз ниб̣б̣ад̇им̣су. хзмавад̇асаад̇ааг̇ираа адтавийсад̇ияагкасзнаабад̇ийнамаб̣бханд̇араа махаанубхааваа яагкарааж̇аано ахзсум̣.

Atha kho te bhikkhū saṃviggamānasā ‘‘mayaṃ puggalamanurakkhantā sāsanaratanaṃ sobbhe pakkhipimhā’’ti kukkuccaṃ uppādesuṃ . Te teneva kukkuccena upahatāsayattā kālaṃ katvā sagge nibbattitumasakkontā ekācariyo himavati hemavate pabbate nibbatti hemavato yakkhoti nāmena. Dutiyācariyo majjhimadese sātapabbate sātāgiroti nāmena. Tepi nesaṃ parivārā bhikkhū tesaṃyeva anuvattitvā sagge nibbattitumasakkontā tesaṃ parivārā yakkhāva hutvā nibbattiṃsu. Tesaṃ pana paccayadāyakā gahaṭṭhā devaloke nibbatiṃsu. Hemavatasātāgirā aṭṭhavīsatiyakkhasenāpatīnamabbhantarā mahānubhāvā yakkharājāno ahesuṃ.

яагкасзнаабад̇ийнан̃жа аяам̣ д̇хаммад̇аа – маасз маасз адта д̣̇ивасаани д̇хаммавинижчаяад̇т̇ам̣ химавад̇и маносилаад̇алз нааг̇авад̇иман̣д̣абз д̣̇звад̇аанам̣ саннибаад̇о ход̇и, д̇ад̇т̇а саннибад̇ид̇аб̣б̣анд̇и. ат̇а саад̇ааг̇ирахзмавад̇аа д̇асмим̣ самааг̇амз ан̃н̃аман̃н̃ам̣ д̣̇исваа сан̃ж̇ааним̣су – ‘‘д̇вам̣, самма, гухим̣ уббанно, д̇вам̣ гухи’’нд̇и ад̇д̇ано ад̇д̇ано уббад̇д̇идтаанан̃жа бужчид̇ваа виббадисаарино ахзсум̣. ‘‘надтаа маяам̣, самма, буб̣б̣з вийсад̇и вассасахассаани саман̣ад̇хаммам̣ гад̇ваа згам̣ баабасахааяам̣ ниссааяа яагкаяонияам̣ уббаннаа, амхаагам̣ бана бажжаяад̣̇ааяагаа гаамааважарад̣̇звзсу ниб̣б̣ад̇д̇аа’’д̇и. ат̇а саад̇ааг̇иро ааха – ‘‘маариса, химаваа наама ажчарияаб̣бхуд̇асаммад̇о, гин̃жи ажчарияам̣ д̣̇исваа ваа суд̇ваа ваа мамааби аарожзяяаасий’’д̇и. хзмавад̇оби ааха – ‘‘маариса, маж̇жхимад̣̇зсо наама ажчарияаб̣бхуд̇асаммад̇о, гин̃жи ажчарияам̣ д̣̇исваа ваа суд̇ваа ваа мамааби аарожзяяаасий’’д̇и. звам̣ д̇зсу д̣̇вийсу сахааязсу ан̃н̃аман̃н̃ам̣ гад̇игам̣ гад̇ваа, д̇амзва уббад̇д̇им̣ авиваж̇ж̇зд̇ваа васамаанзсу згам̣ б̣уд̣̇д̇ханд̇арам̣ вийд̇ивад̇д̇ам̣, махаабат̇авий згаяож̇анад̇иг̇аавуд̇амад̇д̇ам̣ уссад̣̇аа.

Yakkhasenāpatīnañca ayaṃ dhammatā – māse māse aṭṭha divasāni dhammavinicchayatthaṃ himavati manosilātale nāgavatimaṇḍape devatānaṃ sannipāto hoti, tattha sannipatitabbanti. Atha sātāgirahemavatā tasmiṃ samāgame aññamaññaṃ disvā sañjāniṃsu – ‘‘tvaṃ, samma, kuhiṃ uppanno, tvaṃ kuhi’’nti attano attano uppattiṭṭhānañca pucchitvā vippaṭisārino ahesuṃ. ‘‘Naṭṭhā mayaṃ, samma, pubbe vīsati vassasahassāni samaṇadhammaṃ katvā ekaṃ pāpasahāyaṃ nissāya yakkhayoniyaṃ uppannā, amhākaṃ pana paccayadāyakā kāmāvacaradevesu nibbattā’’ti. Atha sātāgiro āha – ‘‘mārisa, himavā nāma acchariyabbhutasammato, kiñci acchariyaṃ disvā vā sutvā vā mamāpi āroceyyāsī’’ti. Hemavatopi āha – ‘‘mārisa, majjhimadeso nāma acchariyabbhutasammato, kiñci acchariyaṃ disvā vā sutvā vā mamāpi āroceyyāsī’’ti. Evaṃ tesu dvīsu sahāyesu aññamaññaṃ katikaṃ katvā, tameva uppattiṃ avivajjetvā vasamānesu ekaṃ buddhantaraṃ vītivattaṃ, mahāpathavī ekayojanatigāvutamattaṃ ussadā.

ат̇амхаагам̣ б̣од̇хисад̇д̇о д̣̇ийбан̇гарабаад̣̇амуулз гад̇абан̣ид̇хаано яаава взссанд̇араж̇аад̇агам̣, д̇аава баарамияо буурзд̇ваа, д̇усид̇абхаванз уббаж̇ж̇ид̇ваа, д̇ад̇т̇а яаавад̇ааяугам̣ тад̇ваа, д̇хаммабад̣̇анид̣̇аанз вуд̇д̇анаязна д̣̇звад̇аахи ааяаажид̇о бан̃жа махаавилоганаани вилогзд̇ваа, д̣̇звад̇аанам̣ аарожзд̇ваа, д̣̇вад̇д̇им̣сааяа буб̣б̣анимид̇д̇зсу вад̇д̇амаанзсу ид̇ха бадисанд̇хим̣ аг̇г̇ахзси д̣̇асасахассилогад̇хаад̇ум̣ гамбзд̇ваа. д̇аани д̣̇исвааби имз рааж̇аяагкаа ‘‘иминаа гааран̣зна ниб̣б̣ад̇д̇ааний’’д̇и на ж̇ааним̣су. ‘‘кид̣д̣аабасуд̇ад̇д̇аа нзваад̣̇д̣̇асам̣суу’’д̇и згз. зса наяо ж̇аад̇ияам̣ абхинигкаманз б̣од̇хияан̃жа. д̇хаммажаггаббавад̇д̇анз бана бан̃жаваг̇г̇ияз ааманд̇зд̇ваа бхаг̇авад̇и д̇ибариваддам̣ д̣̇ваад̣̇асаагаарам̣ варад̇хаммажаггам̣ бавад̇д̇знд̇з махаабхуумижаалам̣ буб̣б̣анимид̇д̇ам̣ баадихаарияаани жа зд̇зсам̣ зго саад̇ааг̇ироязва батамам̣ ад̣̇д̣̇аса. ниб̣б̣ад̇д̇игааран̣ан̃жа д̇зсам̣ н̃ад̇ваа сабарисо бхаг̇аванд̇ам̣ убасан̇гамма д̇хаммад̣̇зсанам̣ ассоси, на жа гин̃жи висзсам̣ ад̇хиг̇ажчи. гасмаа? со хи д̇хаммам̣ сун̣анд̇о хзмавад̇ам̣ ануссарид̇ваа ‘‘ааг̇ад̇о ну ко мз сахааяаго, но’’д̇и барисам̣ ологзд̇ваа д̇ам̣ абассанд̇о ‘‘ван̃жид̇о мз сахааяо, яо звам̣ вижид̇рабадибхаанам̣ бхаг̇авад̇о д̇хаммад̣̇зсанам̣ на сун̣аад̇ий’’д̇и вигкид̇д̇ажид̇д̇о ахоси. бхаг̇аваа жа ад̇т̇ан̇г̇ад̇зби жа суурияз д̣̇зсанам̣ на нидтаабзси.

Athamhākaṃ bodhisatto dīpaṅkarapādamūle katapaṇidhāno yāva vessantarajātakaṃ, tāva pāramiyo pūretvā, tusitabhavane uppajjitvā, tattha yāvatāyukaṃ ṭhatvā, dhammapadanidāne vuttanayena devatāhi āyācito pañca mahāvilokanāni viloketvā, devatānaṃ ārocetvā, dvattiṃsāya pubbanimittesu vattamānesu idha paṭisandhiṃ aggahesi dasasahassilokadhātuṃ kampetvā. Tāni disvāpi ime rājayakkhā ‘‘iminā kāraṇena nibbattānī’’ti na jāniṃsu. ‘‘Khiḍḍāpasutattā nevāddasaṃsū’’ti eke. Esa nayo jātiyaṃ abhinikkhamane bodhiyañca. Dhammacakkappavattane pana pañcavaggiye āmantetvā bhagavati tiparivaṭṭaṃ dvādasākāraṃ varadhammacakkaṃ pavattente mahābhūmicālaṃ pubbanimittaṃ pāṭihāriyāni ca etesaṃ eko sātāgiroyeva paṭhamaṃ addasa. Nibbattikāraṇañca tesaṃ ñatvā sapariso bhagavantaṃ upasaṅkamma dhammadesanaṃ assosi, na ca kiñci visesaṃ adhigacchi. Kasmā? So hi dhammaṃ suṇanto hemavataṃ anussaritvā ‘‘āgato nu kho me sahāyako, no’’ti parisaṃ oloketvā taṃ apassanto ‘‘vañcito me sahāyo, yo evaṃ vicitrapaṭibhānaṃ bhagavato dhammadesanaṃ na suṇātī’’ti vikkhittacitto ahosi. Bhagavā ca atthaṅgatepi ca sūriye desanaṃ na niṭṭhāpesi.

ат̇а саад̇ааг̇иро ‘‘сахааяам̣ г̇ахзд̇ваа д̇зна сахааг̇амма д̇хаммад̣̇зсанам̣ соссаамий’’д̇и хад̇т̇ияаанаассаяаанаг̇арул̣аяаанаад̣̇ийни маабзд̇ваа бан̃жахи яагкасад̇зхи баривуд̇о химаванд̇аабхимуко бааяааси, д̇ад̣̇аа хзмавад̇оби. яасмаа бадисанд̇хиж̇аад̇и-абхинигкамана-б̣од̇хибариниб̣б̣аанзсвзва д̣̇вад̇д̇им̣са буб̣б̣анимид̇д̇аани худ̇ваава бад̇ивиг̇ажчанд̇и, на жирадтид̇игаани хонд̇и, д̇хаммажаггабавад̇д̇анз бана д̇аани сависзсаани худ̇ваа, жирад̇арам̣ тад̇ваа нируж̇жханд̇и, д̇асмаа химавад̇и д̇ам̣ ажчарияабаад̇убхаавам̣ д̣̇исваа ‘‘яад̇о ахам̣ ж̇аад̇о, на гад̣̇аажи аяам̣ баб̣б̣ад̇о звам̣ абхираамо бхууд̇абуб̣б̣о, ханд̣̇а д̣̇аани мама сахааяам̣ г̇ахзд̇ваа ааг̇амма д̇зна саха имам̣ бубпасирим̣ анубхависсаамий’’д̇и д̇ат̇зва маж̇жхимад̣̇зсаабхимуко ааг̇ажчад̇и. д̇з убхоби рааж̇аг̇ахасса убари самааг̇анд̇ваа ан̃н̃аман̃н̃асса ааг̇аманагааран̣ам̣ бужчим̣су. хзмавад̇о ааха – ‘‘яад̇о ахам̣, маариса, ж̇аад̇о, нааяам̣ баб̣б̣ад̇о звам̣ агаалагусумид̇зхи ругкзхи абхираамо бхууд̇абуб̣б̣о, д̇асмаа зд̇ам̣ бубпасирим̣ д̇аяаа сад̣̇д̇хим̣ анубхависсаамийд̇и ааг̇ад̇омхий’’д̇и . саад̇ааг̇иро ааха – ‘‘ж̇аанааси, бана, д̇вам̣ маариса, язна гааран̣зна имам̣ агаалабубпабаадихаарияам̣ ж̇аад̇а’’нд̇и? ‘‘на ж̇аанаами, маарисаа’’д̇и. ‘‘имам̣, маариса, баадихаарияам̣ на гзвала химаванд̇зязва, абижа ко бана д̣̇асасахассилогад̇хаад̇уусу ниб̣б̣ад̇д̇ам̣, саммаасамб̣уд̣̇д̇хо логз уббанно, аж̇ж̇а д̇хаммажаггам̣ бавад̇д̇зси, д̇зна гааран̣знаа’’д̇и. звам̣ саад̇ааг̇иро хзмавад̇асса б̣уд̣̇д̇хуббаад̣̇ам̣ гат̇зд̇ваа, д̇ам̣ бхаг̇авад̇о санд̇игам̣ аанзд̇угаамо имам̣ г̇аат̇амааха. гзжи бана г̇од̇амагз жзд̇ияз вихаранд̇з бхаг̇авад̇и аяамзвамаахаад̇и бхан̣анд̇и ‘‘аж̇ж̇а баннарасо’’д̇и.

Atha sātāgiro ‘‘sahāyaṃ gahetvā tena sahāgamma dhammadesanaṃ sossāmī’’ti hatthiyānaassayānagaruḷayānādīni māpetvā pañcahi yakkhasatehi parivuto himavantābhimukho pāyāsi, tadā hemavatopi. Yasmā paṭisandhijāti-abhinikkhamana-bodhiparinibbānesveva dvattiṃsa pubbanimittāni hutvāva pativigacchanti, na ciraṭṭhitikāni honti, dhammacakkapavattane pana tāni savisesāni hutvā, cirataraṃ ṭhatvā nirujjhanti, tasmā himavati taṃ acchariyapātubhāvaṃ disvā ‘‘yato ahaṃ jāto, na kadāci ayaṃ pabbato evaṃ abhirāmo bhūtapubbo, handa dāni mama sahāyaṃ gahetvā āgamma tena saha imaṃ pupphasiriṃ anubhavissāmī’’ti tatheva majjhimadesābhimukho āgacchati. Te ubhopi rājagahassa upari samāgantvā aññamaññassa āgamanakāraṇaṃ pucchiṃsu. Hemavato āha – ‘‘yato ahaṃ, mārisa, jāto, nāyaṃ pabbato evaṃ akālakusumitehi rukkhehi abhirāmo bhūtapubbo, tasmā etaṃ pupphasiriṃ tayā saddhiṃ anubhavissāmīti āgatomhī’’ti . Sātāgiro āha – ‘‘jānāsi, pana, tvaṃ mārisa, yena kāraṇena imaṃ akālapupphapāṭihāriyaṃ jāta’’nti? ‘‘Na jānāmi, mārisā’’ti. ‘‘Imaṃ, mārisa, pāṭihāriyaṃ na kevala himavanteyeva, apica kho pana dasasahassilokadhātūsu nibbattaṃ, sammāsambuddho loke uppanno, ajja dhammacakkaṃ pavattesi, tena kāraṇenā’’ti. Evaṃ sātāgiro hemavatassa buddhuppādaṃ kathetvā, taṃ bhagavato santikaṃ ānetukāmo imaṃ gāthamāha. Keci pana gotamake cetiye viharante bhagavati ayamevamāhāti bhaṇanti ‘‘ajja pannaraso’’ti.

153. д̇ад̇т̇а аж̇ж̇аад̇и аяам̣ рад̇д̇инд̣̇иво багкаг̇ан̣анад̇о баннарасо, убавасид̇аб̣б̣ад̇о убосат̇о. д̇ийсу ваа убосат̇зсу аж̇ж̇а баннарасо убосат̇о, на жаад̇уд̣̇д̣̇асий убосат̇о, на саамаг̇г̇ийубосат̇о. яасмаа ваа баад̇имогкуд̣̇д̣̇зсаадтан̇г̇аубаваасабан̃н̃ад̇д̇ид̣̇ивасаад̣̇ийсу самб̣ахулзсу ад̇т̇зсу убосат̇асад̣̇д̣̇о вад̇д̇ад̇и. ‘‘ааяаамаавусо, габбина, убосат̇ам̣ г̇амиссаамаа’’д̇иаад̣̇ийсу хи баад̇имогкуд̣̇д̣̇зсз убосат̇асад̣̇д̣̇о. ‘‘звам̣ адтан̇г̇асаманнааг̇ад̇о ко висаакз убосат̇о убавуд̇т̇о’’д̇иаад̣̇ийсу (а. ни. 8.43) баан̣аад̇ибаад̇аа взраман̣иаад̣̇игзсу адтан̇г̇зсу. ‘‘суд̣̇д̇хасса вз сад̣̇аа паг̇г̇у, суд̣̇д̇хассубосат̇о сад̣̇аа’’д̇иаад̣̇ийсу (ма. ни. 1.79) убаваасз. ‘‘убосат̇о наама нааг̇арааж̇аа’’д̇иаад̣̇ийсу (д̣̇ий. ни. 2.246; ма. ни. 3.258) бан̃н̃ад̇д̇ияам̣. ‘‘д̇ад̣̇ахубосат̇з баннарасз сийсам̣нхаад̇ассаа’’д̇иаад̣̇ийсу (д̣̇ий. ни. 3.85; ма. ни. 3.256) д̣̇ивасз. д̇асмаа авасзсад̇т̇ам̣ бадигкибид̇ваа аасаал̣хийбун̣н̣амад̣̇ивасам̣язва нияаамзнд̇о ааха – ‘‘аж̇ж̇а баннарасо убосат̇о’’д̇и. баадибад̣̇о д̣̇уд̇ияод̇и звам̣ г̇ан̣ияамаанз аж̇ж̇а баннарасо д̣̇ивасод̇и ад̇т̇о.

153. Tattha ajjāti ayaṃ rattindivo pakkhagaṇanato pannaraso, upavasitabbato uposatho. Tīsu vā uposathesu ajja pannaraso uposatho, na cātuddasī uposatho, na sāmaggīuposatho. Yasmā vā pātimokkhuddesaaṭṭhaṅgaupavāsapaññattidivasādīsu sambahulesu atthesu uposathasaddo vattati. ‘‘Āyāmāvuso, kappina, uposathaṃ gamissāmā’’tiādīsu hi pātimokkhuddese uposathasaddo. ‘‘Evaṃ aṭṭhaṅgasamannāgato kho visākhe uposatho upavuttho’’tiādīsu (a. ni. 8.43) pāṇātipātā veramaṇiādikesu aṭṭhaṅgesu. ‘‘Suddhassa ve sadā phaggu, suddhassuposatho sadā’’tiādīsu (ma. ni. 1.79) upavāse. ‘‘Uposatho nāma nāgarājā’’tiādīsu (dī. ni. 2.246; ma. ni. 3.258) paññattiyaṃ. ‘‘Tadahuposathe pannarase sīsaṃnhātassā’’tiādīsu (dī. ni. 3.85; ma. ni. 3.256) divase. Tasmā avasesatthaṃ paṭikkhipitvā āsāḷhīpuṇṇamadivasaṃyeva niyāmento āha – ‘‘ajja pannaraso uposatho’’ti. Pāṭipado dutiyoti evaṃ gaṇiyamāne ajja pannaraso divasoti attho.

д̣̇иви бхаваани д̣̇иб̣б̣аани, д̣̇иб̣б̣аани зд̇т̇а ад̇т̇ийд̇и д̣̇иб̣б̣аа. гаани д̇аани? руубаани. д̇ан̃хи рад̇д̇им̣ д̣̇зваанам̣ д̣̇асасахассилогад̇хаад̇уд̇о саннибад̇ид̇аанам̣ сарийравад̇т̇аабхаран̣авимаанаббабхаахи аб̣бхаад̣̇иубаггилзсавирахид̇ааяа жанд̣̇аббабхааяа жа сагалаж̇амб̣уд̣̇ийбо алан̇гад̇о ахоси. висзсаалан̇гад̇о жа барамависуд̣̇д̇хид̣̇звасса бхаг̇авад̇о сарийраббабхааяа. д̇знааха ‘‘д̣̇иб̣б̣аа рад̇д̇и убадтид̇аа’’д̇и.

Divi bhavāni dibbāni, dibbāni ettha atthīti dibbā. Kāni tāni? Rūpāni. Tañhi rattiṃ devānaṃ dasasahassilokadhātuto sannipatitānaṃ sarīravatthābharaṇavimānappabhāhi abbhādiupakkilesavirahitāya candappabhāya ca sakalajambudīpo alaṅkato ahosi. Visesālaṅkato ca paramavisuddhidevassa bhagavato sarīrappabhāya. Tenāha ‘‘dibbā ratti upaṭṭhitā’’ti.

звам̣ рад̇д̇иг̇ун̣аван̣н̣анаабад̣̇зсзнааби сахааяасса жид̇д̇аббасаад̣̇ам̣ ж̇анзнд̇о б̣уд̣̇д̇хуббаад̣̇ам̣ гат̇зд̇ваа ааха ‘‘аноманаамам̣ сад̇т̇аарам̣, ханд̣̇а бассаама г̇од̇ама’’нд̇и. д̇ад̇т̇а аномзхи алаамагзхи саб̣б̣аагаарабарибуурзхи г̇ун̣зхи наамам̣ ассаад̇и аноманаамо. д̇ат̇аа хисса ‘‘б̣уж̇жхид̇аа сажжаанийд̇и б̣уд̣̇д̇хо, б̣од̇хзд̇аа баж̇ааяаад̇и б̣уд̣̇д̇хо’’д̇иаад̣̇инаа (махаани. 192; жуул̣ани. баарааяанад̇т̇уд̇иг̇аат̇аанид̣̇д̣̇зса 97; бади. ма. 1.162) наязна б̣уд̣̇д̇ход̇и аномзхи г̇ун̣зхи наамам̣, ‘‘бхаг̇г̇арааг̇од̇и бхаг̇аваа, бхаг̇г̇ад̣̇осод̇и бхаг̇аваа’’д̇иаад̣̇инаа (махаани. 84) наязна жа аномзхи г̇ун̣зхи наамам̣. зса наяо ‘‘арахам̣ саммаасамб̣уд̣̇д̇хо виж̇ж̇аажаран̣асамбанно’’д̇иаад̣̇ийсу. д̣̇идтад̇хаммигаад̣̇ийсу ад̇т̇зсу д̣̇звамануссз анусаасад̇и ‘‘имам̣ баж̇ахат̇а, имам̣ самаад̣̇ааяа вад̇д̇ат̇аа’’д̇и сад̇т̇аа. абижа ‘‘сад̇т̇аа бхаг̇аваа сад̇т̇аваахо, яат̇аа сад̇т̇аваахо сад̇д̇з ганд̇аарам̣ д̇аарзд̇ий’’д̇иаад̣̇инаа (махаани. 190) нид̣̇д̣̇зсз вуд̇д̇анаязнааби сад̇т̇аа. д̇ам̣ аноманаамам̣ сад̇т̇аарам̣. ханд̣̇аад̇и б̣яавасаанад̇т̇з нибаад̇о. бассаамаад̇и д̇зна ад̇д̇аанам̣ саха сан̇г̇ахзд̇ваа бажжуббаннаважанам̣. г̇од̇аманд̇и г̇од̇амаг̇од̇д̇ам̣. гим̣ вуд̇д̇ам̣ ход̇и ? ‘‘сад̇т̇аа, на сад̇т̇аа’’д̇и маа вимад̇им̣ агааси, зганд̇аб̣яавасид̇о худ̇ваава зхи бассаама г̇од̇аманд̇и.

Evaṃ rattiguṇavaṇṇanāpadesenāpi sahāyassa cittappasādaṃ janento buddhuppādaṃ kathetvā āha ‘‘anomanāmaṃ satthāraṃ, handa passāma gotama’’nti. Tattha anomehi alāmakehi sabbākāraparipūrehi guṇehi nāmaṃ assāti anomanāmo. Tathā hissa ‘‘bujjhitā saccānīti buddho, bodhetā pajāyāti buddho’’tiādinā (mahāni. 192; cūḷani. pārāyanatthutigāthāniddesa 97; paṭi. ma. 1.162) nayena buddhoti anomehi guṇehi nāmaṃ, ‘‘bhaggarāgoti bhagavā, bhaggadosoti bhagavā’’tiādinā (mahāni. 84) nayena ca anomehi guṇehi nāmaṃ. Esa nayo ‘‘arahaṃ sammāsambuddho vijjācaraṇasampanno’’tiādīsu. Diṭṭhadhammikādīsu atthesu devamanusse anusāsati ‘‘imaṃ pajahatha, imaṃ samādāya vattathā’’ti satthā. Apica ‘‘satthā bhagavā satthavāho, yathā satthavāho satte kantāraṃ tāretī’’tiādinā (mahāni. 190) niddese vuttanayenāpi satthā. Taṃ anomanāmaṃ satthāraṃ. Handāti byavasānatthe nipāto. Passāmāti tena attānaṃ saha saṅgahetvā paccuppannavacanaṃ. Gotamanti gotamagottaṃ. Kiṃ vuttaṃ hoti ? ‘‘Satthā, na satthā’’ti mā vimatiṃ akāsi, ekantabyavasito hutvāva ehi passāma gotamanti.

154. звам̣ вуд̇д̇з хзмавад̇о ‘‘аяам̣ саад̇ааг̇иро ‘аноманаамам̣ сад̇т̇аара’нд̇и бхан̣анд̇о д̇асса саб̣б̣ан̃н̃уд̇ам̣ багаасзд̇и, саб̣б̣ан̃н̃уно жа д̣̇уллабхаа логз, саб̣б̣ан̃н̃убадин̃н̃зхи бууран̣аад̣̇исад̣̇исзхзва лого убад̣̇д̣̇уд̇о. со бана яад̣̇и саб̣б̣ан̃н̃уу, ад̣̇д̇хаа д̇аад̣̇илагкан̣аббад̇д̇о бхависсад̇и, д̇зна д̇ам̣ звам̣ бариг̇г̇ан̣хиссаамий’’д̇и жинд̇зд̇ваа д̇аад̣̇илагкан̣ам̣ бужчанд̇о ааха – ‘‘гажжи мано’’д̇и.

154. Evaṃ vutte hemavato ‘‘ayaṃ sātāgiro ‘anomanāmaṃ satthāra’nti bhaṇanto tassa sabbaññutaṃ pakāseti, sabbaññuno ca dullabhā loke, sabbaññupaṭiññehi pūraṇādisadiseheva loko upadduto. So pana yadi sabbaññū, addhā tādilakkhaṇappatto bhavissati, tena taṃ evaṃ pariggaṇhissāmī’’ti cintetvā tādilakkhaṇaṃ pucchanto āha – ‘‘kacci mano’’ti.

д̇ад̇т̇а гажжийд̇и бужчаа. манод̇и жид̇д̇ам̣. субан̣ихид̇од̇и судту табид̇о, ажало асамбавзд̇хий. саб̣б̣зсу бхууд̇зсу саб̣б̣абхууд̇зсу. д̇аад̣̇инод̇и д̇аад̣̇илагкан̣аббад̇д̇ассзва сад̇о. бужчаа зва ваа аяам̣ ‘‘со д̇з сад̇т̇аа саб̣б̣абхууд̇зсу д̇аад̣̇ий, уд̣̇ааху но’’д̇и. идтз анидтз жаад̇и зваруубз аарамман̣з. сан̇габбаад̇и вид̇аггаа. васийгад̇аад̇и васам̣ г̇амид̇аа. гим̣ вуд̇д̇ам̣ ход̇и? яам̣ д̇вам̣ сад̇т̇аарам̣ вад̣̇аси, д̇асса д̇з сад̇т̇уно гажжи д̇аад̣̇илагкан̣аббад̇д̇асса сад̇о саб̣б̣абхууд̇зсу мано субан̣ихид̇о, уд̣̇ааху яаава жаланабажжаяам̣ на лабхад̇и, д̇аава субан̣ихид̇о вияа кааяад̇и. со ваа д̇з сад̇т̇аа гажжи саб̣б̣абхууд̇зсу самажид̇д̇зна д̇аад̣̇ий, уд̣̇ааху но, яз жа ко идтаанидтзсу аарамман̣зсу рааг̇ад̣̇осавасзна сан̇габбаа уббаж̇ж̇зяяум̣, д̇яаасса гажжи васийгад̇аа, уд̣̇ааху гад̣̇аажи д̇зсамби васзна вад̇д̇ад̇ийд̇и.

Tattha kaccīti pucchā. Manoti cittaṃ. Supaṇihitoti suṭṭhu ṭhapito, acalo asampavedhī. Sabbesu bhūtesu sabbabhūtesu. Tādinoti tādilakkhaṇappattasseva sato. Pucchā eva vā ayaṃ ‘‘so te satthā sabbabhūtesu tādī, udāhu no’’ti. Iṭṭhe aniṭṭhe cāti evarūpe ārammaṇe. Saṅkappāti vitakkā. Vasīkatāti vasaṃ gamitā. Kiṃ vuttaṃ hoti? Yaṃ tvaṃ satthāraṃ vadasi, tassa te satthuno kacci tādilakkhaṇappattassa sato sabbabhūtesu mano supaṇihito, udāhu yāva calanapaccayaṃ na labhati, tāva supaṇihito viya khāyati. So vā te satthā kacci sabbabhūtesu samacittena tādī, udāhu no, ye ca kho iṭṭhāniṭṭhesu ārammaṇesu rāgadosavasena saṅkappā uppajjeyyuṃ, tyāssa kacci vasīkatā, udāhu kadāci tesampi vasena vattatīti.

155. д̇ад̇о саад̇ааг̇иро бхаг̇авад̇о саб̣б̣ан̃н̃убхаавз б̣яавасид̇ад̇д̇аа саб̣б̣з саб̣б̣ан̃н̃уг̇ун̣з ануж̇аананд̇о ааха ‘‘мано жасса субан̣ихид̇о’’д̇иаад̣̇и. д̇ад̇т̇а субан̣ихид̇од̇и судту табид̇о, бат̇авийсамо авируж̇жханадтзна, синзрусамо суббад̇идтид̇аажаланадтзна, инд̣̇акийласамо жад̇уб̣б̣ид̇хамаарабараваад̣̇иг̇ан̣зхи агамбияадтзна. анажчарияан̃жзд̇ам̣, бхаг̇авад̇о ид̣̇аани саб̣б̣аагаарасамбаннад̇д̇аа саб̣б̣ан̃н̃убхаавз тид̇асса мано субан̣ихид̇о ажало бхавзяяа. яасса д̇иражчаанабхууд̇ассааби сарааг̇аад̣̇игаалз чад̣̇д̣̇анд̇анааг̇агулз уббаннасса сависзна саллзна вид̣̇д̇хасса ажало ахоси, вад̇хагзби д̇асмим̣ наббад̣̇усси, ан̃н̃ад̣̇ад̇т̇у д̇ассзва ад̇д̇ано д̣̇анд̇з чзд̇ваа ад̣̇ааси; д̇ат̇аа махаагабибхууд̇асса махад̇ияаа силааяа сийсз бахадассааби д̇ассзва жа маг̇г̇ам̣ д̣̇ассзси; д̇ат̇аа вид̇хурабан̣д̣ид̇абхууд̇асса баад̣̇зсу г̇ахзд̇ваа садтияож̇анз гаал̣абаб̣б̣ад̇абабаад̇з багкид̇д̇ассааби ан̃н̃ад̣̇ад̇т̇у д̇ассзва яагкассад̇т̇ааяа д̇хаммам̣ д̣̇зсзси. д̇асмаа саммад̣̇зва ааха саад̇ааг̇иро – ‘‘мано жасса субан̣ихид̇о’’д̇и.

155. Tato sātāgiro bhagavato sabbaññubhāve byavasitattā sabbe sabbaññuguṇe anujānanto āha ‘‘mano cassa supaṇihito’’tiādi. Tattha supaṇihitoti suṭṭhu ṭhapito, pathavīsamo avirujjhanaṭṭhena, sinerusamo suppatiṭṭhitācalanaṭṭhena, indakhīlasamo catubbidhamāraparavādigaṇehi akampiyaṭṭhena. Anacchariyañcetaṃ, bhagavato idāni sabbākārasampannattā sabbaññubhāve ṭhitassa mano supaṇihito acalo bhaveyya. Yassa tiracchānabhūtassāpi sarāgādikāle chaddantanāgakule uppannassa savisena sallena viddhassa acalo ahosi, vadhakepi tasmiṃ nappadussi, aññadatthu tasseva attano dante chetvā adāsi; tathā mahākapibhūtassa mahatiyā silāya sīse pahaṭassāpi tasseva ca maggaṃ dassesi; tathā vidhurapaṇḍitabhūtassa pādesu gahetvā saṭṭhiyojane kāḷapabbatapapāte pakkhittassāpi aññadatthu tasseva yakkhassatthāya dhammaṃ desesi. Tasmā sammadeva āha sātāgiro – ‘‘mano cassa supaṇihito’’ti.

саб̣б̣абхууд̇зсу д̇аад̣̇инод̇и саб̣б̣асад̇д̇зсу д̇аад̣̇илагкан̣аббад̇д̇ассзва сад̇о мано субан̣ихид̇о, на яаава бажжаяам̣ на лабхад̇ийд̇и ад̇т̇о . д̇ад̇т̇а бхаг̇авад̇о д̇аад̣̇илагкан̣ам̣ бан̃жад̇хаа взд̣̇ид̇аб̣б̣ам̣. яат̇ааха –

Sabbabhūtesutādinoti sabbasattesu tādilakkhaṇappattasseva sato mano supaṇihito, na yāva paccayaṃ na labhatīti attho . Tattha bhagavato tādilakkhaṇaṃ pañcadhā veditabbaṃ. Yathāha –

‘‘бхаг̇аваа бан̃жахаагаарзхи д̇аад̣̇ий, идтаанидтз д̇аад̣̇ий, жад̇д̇аавийд̇и д̇аад̣̇ий, муд̇д̇аавийд̇и д̇аад̣̇ий, д̇ин̣н̣аавийд̇и д̇аад̣̇ий, д̇аннид̣̇д̣̇зсаад̇и д̇аад̣̇ий. гат̇ам̣ бхаг̇аваа идтаанидтз д̇аад̣̇ий? бхаг̇аваа лаабхзби д̇аад̣̇ий’’д̇и (махаани. 38).

‘‘Bhagavā pañcahākārehi tādī, iṭṭhāniṭṭhe tādī, cattāvīti tādī, muttāvīti tādī, tiṇṇāvīti tādī, tanniddesāti tādī. Kathaṃ bhagavā iṭṭhāniṭṭhe tādī? Bhagavā lābhepi tādī’’ti (mahāni. 38).

звамаад̣̇и саб̣б̣ам̣ нид̣̇д̣̇зсз вуд̇д̇анаязнзва г̇ахзд̇аб̣б̣ам̣. лаабхаад̣̇аяо жа д̇асса махааадтагат̇ааяам̣ вид̇т̇аарид̇анаязна взд̣̇ид̇аб̣б̣аа. ‘‘бужчаа зва ваа аяам̣. со д̇з сад̇т̇аа саб̣б̣абхууд̇зсу д̇аад̣̇ий, уд̣̇ааху но’’д̇и имасмимби вигаббз саб̣б̣абхууд̇зсу самажид̇д̇ад̇ааяа д̇аад̣̇ий амхаагам̣ сад̇т̇аад̇и ад̇т̇о. аяан̃хи бхаг̇аваа сукуубасам̣хаарагаамад̇ааяа д̣̇угкаабанаяанагаамад̇ааяа жа саб̣б̣асад̇д̇зсу самажид̇д̇о, яаад̣̇исо ад̇д̇ани, д̇аад̣̇исо барзсу, яаад̣̇исо маад̇ари махаамааяааяа, д̇аад̣̇исо жин̃жамаан̣авигааяа, яаад̣̇исо бид̇ари суд̣̇д̇ход̣̇анз, д̇аад̣̇исо суббаб̣уд̣̇д̇хз, яаад̣̇исо буд̇д̇з раахулз, д̇аад̣̇исо вад̇хагзсу д̣̇звад̣̇ад̇д̇ад̇ханабаалагаан̇г̇улимаалаад̣̇ийсу. сад̣̇звагз логзби д̇аад̣̇ий. д̇асмаа саммад̣̇звааха саад̇ааг̇иро – ‘‘саб̣б̣абхууд̇зсу д̇аад̣̇ино’’д̇и.

Evamādi sabbaṃ niddese vuttanayeneva gahetabbaṃ. Lābhādayo ca tassa mahāaṭṭhakathāyaṃ vitthāritanayena veditabbā. ‘‘Pucchā eva vā ayaṃ. So te satthā sabbabhūtesu tādī, udāhu no’’ti imasmimpi vikappe sabbabhūtesu samacittatāya tādī amhākaṃ satthāti attho. Ayañhi bhagavā sukhūpasaṃhārakāmatāya dukkhāpanayanakāmatāya ca sabbasattesu samacitto, yādiso attani, tādiso paresu, yādiso mātari mahāmāyāya, tādiso ciñcamāṇavikāya, yādiso pitari suddhodane, tādiso suppabuddhe, yādiso putte rāhule, tādiso vadhakesu devadattadhanapālakaaṅgulimālādīsu. Sadevake lokepi tādī. Tasmā sammadevāha sātāgiro – ‘‘sabbabhūtesu tādino’’ti.

ат̇о идтз анидтз жаад̇и. зд̇т̇а бана звам̣ ад̇т̇о д̣̇адтаб̣б̣о – яам̣ гин̃жи идтам̣ ваа анидтам̣ ваа аарамман̣ам̣, саб̣б̣аббагаарзхи д̇ад̇т̇а яз рааг̇ад̣̇осавасзна сан̇габбаа уббаж̇ж̇зяяум̣, д̇яаасса ануд̇д̇арзна маг̇г̇зна рааг̇аад̣̇ийнам̣ бахийнад̇д̇аа васийгад̇аа, на гад̣̇аажи д̇зсам̣ васз вад̇д̇ад̇и. со хи бхаг̇аваа анаавиласан̇габбо сувимуд̇д̇ажид̇д̇о сувимуд̇д̇абан̃н̃од̇и. зд̇т̇а жа субан̣ихид̇аманад̇ааяа аяонисоманасигаараабхааво вуд̇д̇о. саб̣б̣абхууд̇зсу идтаанидтзхи со яад̇т̇а бхавзяяа, д̇ам̣ сад̇д̇асан̇каарабхзд̣̇ад̇о д̣̇увид̇хамаарамман̣ам̣ вуд̇д̇ам̣. сан̇габбавасийбхаавзна д̇асмим̣ аарамман̣з д̇асса манасигаараабхаавад̇о гилзсаббахаанам̣ вуд̇д̇ам̣. субан̣ихид̇аманад̇ааяа жа маносамаажаарасуд̣̇д̇хи, саб̣б̣абхууд̇зсу д̇аад̣̇ид̇ааяа гааяасамаажаарасуд̣̇д̇хи, сан̇габбавасийбхаавзна вид̇аггамуулагад̇д̇аа ваажааяа важийсамаажаарасуд̣̇д̇хи. д̇ат̇аа субан̣ихид̇аманад̇ааяа лобхаад̣̇исаб̣б̣ад̣̇осаабхааво , саб̣б̣абхууд̇зсу д̇аад̣̇ид̇ааяа мзд̇д̇аад̣̇иг̇ун̣асаб̣бхааво, сан̇габбавасийбхаавзна бадигуулз аббадигууласан̃н̃ид̇аад̣̇ибхзд̣̇аа арияид̣̇д̇хи, д̇ааяа жасса саб̣б̣ан̃н̃убхааво вуд̇д̇о ход̇ийд̇и взд̣̇ид̇аб̣б̣о.

Atho iṭṭhe aniṭṭhe cāti. Ettha pana evaṃ attho daṭṭhabbo – yaṃ kiñci iṭṭhaṃ vā aniṭṭhaṃ vā ārammaṇaṃ, sabbappakārehi tattha ye rāgadosavasena saṅkappā uppajjeyyuṃ, tyāssa anuttarena maggena rāgādīnaṃ pahīnattā vasīkatā, na kadāci tesaṃ vase vattati. So hi bhagavā anāvilasaṅkappo suvimuttacitto suvimuttapaññoti. Ettha ca supaṇihitamanatāya ayonisomanasikārābhāvo vutto. Sabbabhūtesu iṭṭhāniṭṭhehi so yattha bhaveyya, taṃ sattasaṅkhārabhedato duvidhamārammaṇaṃ vuttaṃ. Saṅkappavasībhāvena tasmiṃ ārammaṇe tassa manasikārābhāvato kilesappahānaṃ vuttaṃ. Supaṇihitamanatāya ca manosamācārasuddhi, sabbabhūtesu tāditāya kāyasamācārasuddhi, saṅkappavasībhāvena vitakkamūlakattā vācāya vacīsamācārasuddhi. Tathā supaṇihitamanatāya lobhādisabbadosābhāvo , sabbabhūtesu tāditāya mettādiguṇasabbhāvo, saṅkappavasībhāvena paṭikūle appaṭikūlasaññitādibhedā ariyiddhi, tāya cassa sabbaññubhāvo vutto hotīti veditabbo.

156. звам̣ хзмавад̇о буб̣б̣з манод̣̇вааравасзнзва д̇аад̣̇ибхаавам̣ бужчид̇ваа д̇ан̃жа бадиж̇аананд̇амимам̣ суд̇ваа д̣̇ал̣хийгаммад̇т̇ам̣ ид̣̇аани д̣̇ваарад̇д̇аяавасзнааби, буб̣б̣з ваа сан̇кзбзна гааяаважийманод̣̇ваарасуд̣̇д̇хим̣ бужчид̇ваа д̇ан̃жа бадиж̇аананд̇амимам̣ суд̇ваа д̣̇ал̣хийгаммад̇т̇амзва вид̇т̇аарзнааби бужчанд̇о ааха ‘‘гажжи ад̣̇инна’’нд̇и. д̇ад̇т̇а г̇аат̇ааб̣анд̇хасукад̇т̇ааяа батамам̣ ад̣̇иннаад̣̇аанавирад̇им̣ бужчад̇и. аараа бамаад̣̇амхаад̇и бан̃жасу гаамаг̇ун̣зсу жид̇д̇авоссаг̇г̇ад̇о д̣̇уурийбхаавзна аб̣рахмажарияавирад̇им̣ бужчад̇и. ‘‘аараа бамад̣̇амхаа’’д̇иби батанд̇и, аараа маад̇уг̇аамаад̇и вуд̇д̇ам̣ ход̇и. жхаанам̣ на рин̃жад̇ийд̇и иминаа бана д̇ассааязва д̇ивид̇хааяа гааяад̣̇ужжарид̇авирад̇ияаа б̣алавабхаавам̣ бужчад̇и. жхаанаяуд̇д̇асса хи вирад̇и б̣алавад̇ий ход̇ийд̇и.

156. Evaṃ hemavato pubbe manodvāravaseneva tādibhāvaṃ pucchitvā tañca paṭijānantamimaṃ sutvā daḷhīkammatthaṃ idāni dvārattayavasenāpi, pubbe vā saṅkhepena kāyavacīmanodvārasuddhiṃ pucchitvā tañca paṭijānantamimaṃ sutvā daḷhīkammatthameva vitthārenāpi pucchanto āha ‘‘kacci adinna’’nti. Tattha gāthābandhasukhatthāya paṭhamaṃ adinnādānaviratiṃ pucchati. Ārā pamādamhāti pañcasu kāmaguṇesu cittavossaggato dūrībhāvena abrahmacariyaviratiṃ pucchati. ‘‘Ārā pamadamhā’’tipi paṭhanti, ārā mātugāmāti vuttaṃ hoti. Jhānaṃ na riñcatīti iminā pana tassāyeva tividhāya kāyaduccaritaviratiyā balavabhāvaṃ pucchati. Jhānayuttassa hi virati balavatī hotīti.

157. ат̇а саад̇ааг̇иро яасмаа бхаг̇аваа на гзвалам̣ зд̇арахи, ад̇ийд̇зби ад̣̇д̇хаанз д̣̇ийгхарад̇д̇ам̣ ад̣̇иннаад̣̇аанаад̣̇ийхи бадивирад̇о, д̇ассаа д̇ассааязва жа вирад̇ияаа аанубхаавзна д̇ам̣ д̇ам̣ махаабурисалагкан̣ам̣ бадилабхи, сад̣̇зваго жасса лого ‘‘ад̣̇иннаад̣̇аанаа бадивирад̇о саман̣о г̇од̇амо’’д̇иаад̣̇инаа наязна ван̣н̣ам̣ бхаасад̇и. д̇асмаа виссадтааяа ваажааяа сийханаад̣̇ам̣ над̣̇анд̇о ааха ‘‘на со ад̣̇иннам̣ аад̣̇ияад̇ий’’д̇и. д̇ам̣ ад̇т̇ад̇о баагадамзва. имиссааби г̇аат̇ааяа д̇ад̇ияабаад̣̇з ‘‘бамаад̣̇амхаа бамад̣̇амхаа’’д̇и д̣̇вид̇хаа баато. жад̇уд̇т̇абаад̣̇з жа жхаанам̣ на рин̃жад̇ийд̇и жхаанам̣ рид̇д̇агам̣ сун̃н̃агам̣ на гарод̇и, на барижжаж̇ад̇ийд̇и ад̇т̇о взд̣̇ид̇аб̣б̣о.

157. Atha sātāgiro yasmā bhagavā na kevalaṃ etarahi, atītepi addhāne dīgharattaṃ adinnādānādīhi paṭivirato, tassā tassāyeva ca viratiyā ānubhāvena taṃ taṃ mahāpurisalakkhaṇaṃ paṭilabhi, sadevako cassa loko ‘‘adinnādānā paṭivirato samaṇo gotamo’’tiādinā nayena vaṇṇaṃ bhāsati. Tasmā vissaṭṭhāya vācāya sīhanādaṃ nadanto āha ‘‘na so adinnaṃ ādiyatī’’ti. Taṃ atthato pākaṭameva. Imissāpi gāthāya tatiyapāde ‘‘pamādamhā pamadamhā’’ti dvidhā pāṭho. Catutthapāde ca jhānaṃ na riñcatīti jhānaṃ rittakaṃ suññakaṃ na karoti, na pariccajatīti attho veditabbo.

158. звам̣ гааяад̣̇ваарз суд̣̇д̇хим̣ суд̇ваа ид̣̇аани важийд̣̇ваарз суд̣̇д̇хим̣ бужчанд̇о ааха – ‘‘гажжи мусаа на бхан̣ад̇ий’’д̇и. зд̇т̇а кийн̣аад̇ийд̇и кийн̣о, вихим̣сад̇и б̣ад̇хад̇ийд̇и ад̇т̇о. ваажааяа бат̇о б̣яаббат̇о, кийн̣о б̣яаббат̇о ассаад̇и кийн̣аб̣яаббат̇о. д̇ам̣ на-гаарзна бадисзд̇хзд̇ваа бужчад̇и ‘‘на кийн̣аб̣яаббат̇о’’д̇и, на парусаваажод̇и вуд̇д̇ам̣ ход̇и. ‘‘наакийн̣аб̣яаббат̇о’’д̇иби баато, на акийн̣аважанод̇и ад̇т̇о. парусаважанан̃хи барзсам̣ хад̣̇аяз акийяамаанам̣ д̇идтад̇и. д̇аад̣̇исаважано гажжи на сод̇и вуд̇д̇ам̣ ход̇и. вибхууд̇ийд̇и винаасо, вибхууд̇им̣ гаасад̇и гарод̇и ваад̇и вибхууд̇игам̣, вибхууд̇игамзва взбхууд̇игам̣, взбхууд̇ияанд̇иби вужжад̇и, бзсун̃н̃ассзд̇ам̣ ад̇хиважанам̣. д̇ан̃хи сад̇д̇аанам̣ ан̃н̃аман̃н̃ад̇о бхзд̣̇анзна винаасам̣ гарод̇и. сзсам̣ уд̇д̇аанад̇т̇амзва.

158. Evaṃ kāyadvāre suddhiṃ sutvā idāni vacīdvāre suddhiṃ pucchanto āha – ‘‘kacci musā na bhaṇatī’’ti. Ettha khīṇātīti khīṇo, vihiṃsati badhatīti attho. Vācāya patho byappatho, khīṇo byappatho assāti khīṇabyappatho. Taṃ na-kārena paṭisedhetvā pucchati ‘‘na khīṇabyappatho’’ti, na pharusavācoti vuttaṃ hoti. ‘‘Nākhīṇabyappatho’’tipi pāṭho, na akhīṇavacanoti attho. Pharusavacanañhi paresaṃ hadaye akhīyamānaṃ tiṭṭhati. Tādisavacano kacci na soti vuttaṃ hoti. Vibhūtīti vināso, vibhūtiṃ kāsati karoti vāti vibhūtikaṃ, vibhūtikameva vebhūtikaṃ, vebhūtiyantipi vuccati, pesuññassetaṃ adhivacanaṃ. Tañhi sattānaṃ aññamaññato bhedanena vināsaṃ karoti. Sesaṃ uttānatthameva.

159. ат̇а саад̇ааг̇иро яасмаа бхаг̇аваа на гзвалам̣ зд̇арахи, ад̇ийд̇зби ад̣̇д̇хаанз д̣̇ийгхарад̇д̇ам̣ мусааваад̣̇аад̣̇ийхи бадивирад̇о, д̇ассаа д̇ассааязва жа вирад̇ияаа аанубхаавзна д̇ам̣ д̇ам̣ махаабурисалагкан̣ам̣ бадилабхи, сад̣̇зваго жасса лого ‘‘мусааваад̣̇аа бадивирад̇о саман̣о г̇од̇амо’’д̇и ван̣н̣ам̣ бхаасад̇и. д̇асмаа виссадтааяа ваажааяа сийханаад̣̇ам̣ над̣̇анд̇о ааха, ‘‘мусаа жа со на бхан̣ад̇ий’’д̇и. д̇ад̇т̇а мусаад̇и винид̇хааяа д̣̇идтаад̣̇ийни барависам̣ваад̣̇анаважанам̣. д̇ам̣ со на бхан̣ад̇и. д̣̇уд̇ияабаад̣̇з бана батамад̇т̇авасзна на кийн̣аб̣яаббат̇од̇и, д̣̇уд̇ияад̇т̇авасзна наакийн̣аб̣яаббат̇од̇и баато. жад̇уд̇т̇абаад̣̇з манд̇аад̇и бан̃н̃аа вужжад̇и. бхаг̇аваа яасмаа д̇ааяа манд̇ааяа барижчинд̣̇ид̇ваа ад̇т̇амзва бхаасад̇и ад̇т̇ад̇о анабзд̇аважанам̣, на сампам̣ . ан̃н̃аан̣абурзгкааран̃хи нирад̇т̇агаважанам̣ б̣уд̣̇д̇хаанам̣ над̇т̇и. д̇асмаа ааха – ‘‘манд̇аа ад̇т̇ам̣ со бхаасад̇ий’’д̇и. сзсамзд̇т̇а баагадамзва.

159. Atha sātāgiro yasmā bhagavā na kevalaṃ etarahi, atītepi addhāne dīgharattaṃ musāvādādīhi paṭivirato, tassā tassāyeva ca viratiyā ānubhāvena taṃ taṃ mahāpurisalakkhaṇaṃ paṭilabhi, sadevako cassa loko ‘‘musāvādā paṭivirato samaṇo gotamo’’ti vaṇṇaṃ bhāsati. Tasmā vissaṭṭhāya vācāya sīhanādaṃ nadanto āha, ‘‘musā ca so na bhaṇatī’’ti. Tattha musāti vinidhāya diṭṭhādīni paravisaṃvādanavacanaṃ. Taṃ so na bhaṇati. Dutiyapāde pana paṭhamatthavasena na khīṇabyappathoti, dutiyatthavasena nākhīṇabyappathoti pāṭho. Catutthapāde mantāti paññā vuccati. Bhagavā yasmā tāya mantāya paricchinditvā atthameva bhāsati atthato anapetavacanaṃ, na samphaṃ . Aññāṇapurekkhārañhi niratthakavacanaṃ buddhānaṃ natthi. Tasmā āha – ‘‘mantā atthaṃ so bhāsatī’’ti. Sesamettha pākaṭameva.

160. звам̣ важийд̣̇ваарасуд̣̇д̇химби суд̇ваа ид̣̇аани манод̣̇ваарасуд̣̇д̇хим̣ бужчанд̇о ааха ‘‘гажжи на раж̇ж̇ад̇и гаамзсуу’’д̇и. д̇ад̇т̇а гаамаад̇и вад̇т̇угаамаа. д̇зсу гилзсагаамзна на раж̇ж̇ад̇ийд̇и бужчанд̇о анабхиж̇жхаалуд̇ам̣ бужчад̇и. анаавиланд̇и бужчанд̇о б̣яаабаад̣̇зна аавилабхаавам̣ санд̇хааяа аб̣яаабаад̣̇ад̇ам̣ бужчад̇и. мохам̣ ад̇игганд̇од̇и бужчанд̇о язна мохзна муул̣хо мижчаад̣̇идтим̣ г̇ан̣хаад̇и, д̇ассаад̇иггамзна саммаад̣̇идтид̇ам̣ бужчад̇и. д̇хаммзсу жагкумаад̇и бужчанд̇о саб̣б̣ад̇хаммзсу аббадихад̇асса н̃аан̣ажагкуно, бан̃жажагкувисаязсу ваа д̇хаммзсу бан̃жаннамби жагкуунам̣ васзна саб̣б̣ан̃н̃уд̇ам̣ бужчад̇и ‘‘д̣̇ваарад̇д̇аяабаарисуд̣̇д̇хияааби саб̣б̣ан̃н̃уу на ход̇ий’’д̇и жинд̇зд̇ваа.

160. Evaṃ vacīdvārasuddhimpi sutvā idāni manodvārasuddhiṃ pucchanto āha ‘‘kacci na rajjati kāmesū’’ti. Tattha kāmāti vatthukāmā. Tesu kilesakāmena na rajjatīti pucchanto anabhijjhālutaṃ pucchati. Anāvilanti pucchanto byāpādena āvilabhāvaṃ sandhāya abyāpādataṃ pucchati. Mohaṃ atikkantoti pucchanto yena mohena mūḷho micchādiṭṭhiṃ gaṇhāti, tassātikkamena sammādiṭṭhitaṃ pucchati. Dhammesu cakkhumāti pucchanto sabbadhammesu appaṭihatassa ñāṇacakkhuno, pañcacakkhuvisayesu vā dhammesu pañcannampi cakkhūnaṃ vasena sabbaññutaṃ pucchati ‘‘dvārattayapārisuddhiyāpi sabbaññū na hotī’’ti cintetvā.

161. ат̇а саад̇ааг̇иро яасмаа бхаг̇аваа аббад̇ваава арахад̇д̇ам̣ анааг̇аамимаг̇г̇зна гаамарааг̇аб̣яаабаад̣̇аанам̣ бахийнад̇д̇аа нзва гаамзсу раж̇ж̇ад̇и, на б̣яаабаад̣̇зна аавилажид̇д̇о, сод̇аабад̇д̇имаг̇г̇знзва жа мижчаад̣̇идтибажжаяасса сажжабадижчаад̣̇агамохасса бахийнад̇д̇аа мохам̣ ад̇игганд̇о, сааман̃жа сажжаани абхисамб̣уж̇жхид̇ваа б̣уд̣̇д̇ход̇и вимогканд̇игам̣ наамам̣ яат̇аавуд̇д̇аани жа жагкууни бадилабхи, д̇асмаа д̇асса манод̣̇ваарасуд̣̇д̇хим̣ саб̣б̣ан̃н̃уд̇ан̃жа уг̇гхосзнд̇о ааха ‘‘на со раж̇ж̇ад̇и гаамзсуу’’д̇и.

161. Atha sātāgiro yasmā bhagavā appatvāva arahattaṃ anāgāmimaggena kāmarāgabyāpādānaṃ pahīnattā neva kāmesu rajjati, na byāpādena āvilacitto, sotāpattimaggeneva ca micchādiṭṭhipaccayassa saccapaṭicchādakamohassa pahīnattā mohaṃ atikkanto, sāmañca saccāni abhisambujjhitvā buddhoti vimokkhantikaṃ nāmaṃ yathāvuttāni ca cakkhūni paṭilabhi, tasmā tassa manodvārasuddhiṃ sabbaññutañca ugghosento āha ‘‘na so rajjati kāmesū’’ti.

162. звам̣ хзмавад̇о бхаг̇авад̇о д̣̇ваарад̇д̇аяабаарисуд̣̇д̇хим̣ саб̣б̣ан̃н̃уд̇ан̃жа суд̇ваа хадто уд̣̇аг̇г̇о ад̇ийд̇аж̇аад̇ияам̣ б̣аахусажжависад̣̇ааяа бан̃н̃ааяа асаж̇ж̇амаанаважанаббат̇о худ̇ваа ажчарияаб̣бхуд̇аруубз саб̣б̣ан̃н̃уг̇ун̣з сод̇угаамо ааха ‘‘гажжи виж̇ж̇ааяа самбанно’’д̇и. д̇ад̇т̇а виж̇ж̇ааяа самбаннод̇и иминаа д̣̇ассанасамбад̇д̇им̣ бужчад̇и, сам̣суд̣̇д̇хажааран̣од̇и иминаа г̇аманасамбад̇д̇им̣. чанд̣̇авасзна жзд̇т̇а д̣̇ийгхам̣ гад̇ваа жаагаарамааха, сам̣суд̣̇д̇хажаран̣од̇и ад̇т̇о. аасаваа кийн̣аад̇и иминаа зд̇ааяа д̣̇ассанаг̇аманасамбад̇д̇ияаа бад̇д̇аб̣б̣ааяа аасавагкаяасан̃н̃ид̇ааяа батаманиб̣б̣аанад̇хаад̇уяаа бад̇д̇им̣ бужчад̇и, над̇т̇и бунаб̣бхавод̇и иминаа д̣̇уд̇ияаниб̣б̣аанад̇хаад̇убад̇д̇исамад̇т̇ад̇ам̣, бажжавзгкан̣ан̃аан̣зна ваа барамассаасаббад̇д̇им̣ н̃ад̇ваа тид̇абхаавам̣.

162. Evaṃ hemavato bhagavato dvārattayapārisuddhiṃ sabbaññutañca sutvā haṭṭho udaggo atītajātiyaṃ bāhusaccavisadāya paññāya asajjamānavacanappatho hutvā acchariyabbhutarūpe sabbaññuguṇe sotukāmo āha ‘‘kacci vijjāya sampanno’’ti. Tattha vijjāya sampannoti iminā dassanasampattiṃ pucchati, saṃsuddhacāraṇoti iminā gamanasampattiṃ. Chandavasena cettha dīghaṃ katvā cākāramāha, saṃsuddhacaraṇoti attho. Āsavā khīṇāti iminā etāya dassanagamanasampattiyā pattabbāya āsavakkhayasaññitāya paṭhamanibbānadhātuyā pattiṃ pucchati, natthi punabbhavoti iminā dutiyanibbānadhātupattisamatthataṃ, paccavekkhaṇañāṇena vā paramassāsappattiṃ ñatvā ṭhitabhāvaṃ.

163. д̇ад̇о яаа зсаа ‘‘со анзгавихид̇ам̣ буб̣б̣знивааса’’нд̇иаад̣̇инаа (ма. ни. 1.52) наязна бхаяабхзраваад̣̇ийсу д̇ивид̇хаа, ‘‘со звам̣ самаахид̇з жид̇д̇з…бз… аанзн̃ж̇аббад̇д̇з н̃аан̣ад̣̇ассанааяа жид̇д̇ам̣ абхинийхарад̇ий’’д̇иаад̣̇инаа (д̣̇ий. ни. 1.279) наязна амб̣адтаад̣̇ийсу адтавид̇хаа виж̇ж̇аа вуд̇д̇аа, д̇ааяа яасмаа саб̣б̣ааяаби саб̣б̣аагаарасамбаннааяа бхаг̇аваа убзд̇о. яан̃жзд̇ам̣ ‘‘ид̇ха, махаанаама, арияасааваго сийласамбанно ход̇и, инд̣̇риязсу г̇уд̇д̇ад̣̇вааро ход̇и, бхож̇анз мад̇д̇ан̃н̃уу ход̇и , ж̇ааг̇арияам̣ ануяуд̇д̇о ход̇и, сад̇д̇ахи сад̣̇д̇хаммзхи саманнааг̇ад̇о ход̇и, жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇ий’’д̇и звам̣ уд̣̇д̣̇исид̇ваа ‘‘гат̇ан̃жа, махаанаама, арияасааваго сийласамбанно ход̇ий’’д̇иаад̣̇инаа (ма. ни. 2.24) наязна сзкасуд̇д̇з нид̣̇д̣̇идтам̣ баннарасаббабхзд̣̇ам̣ жаран̣ам̣. д̇ан̃жа яасмаа саб̣б̣уубаггилзсаббахаанзна бхаг̇авад̇о ад̇ивияа сам̣суд̣̇д̇хам̣. язбимз гаамаасаваад̣̇аяо жад̇д̇ааро аасаваа, д̇зби яасмаа саб̣б̣з сабариваараа саваасанаа бхаг̇авад̇о кийн̣аа. яасмаа жа имааяа виж̇ж̇аажаран̣асамбад̣̇ааяа кийн̣аасаво худ̇ваа д̇ад̣̇аа бхаг̇аваа ‘‘над̇т̇и д̣̇аани бунаб̣бхаво’’д̇и бажжавзгкид̇ваа тид̇о, д̇асмаа саад̇ааг̇иро бхаг̇авад̇о саб̣б̣ан̃н̃убхаавз б̣яавасааязна самуссаахид̇ахад̣̇аяо саб̣б̣зби г̇ун̣з ануж̇аананд̇о ааха ‘‘виж̇ж̇ааяа жзва самбанно’’д̇и.

163. Tato yā esā ‘‘so anekavihitaṃ pubbenivāsa’’ntiādinā (ma. ni. 1.52) nayena bhayabheravādīsu tividhā, ‘‘so evaṃ samāhite citte…pe… āneñjappatte ñāṇadassanāya cittaṃ abhinīharatī’’tiādinā (dī. ni. 1.279) nayena ambaṭṭhādīsu aṭṭhavidhā vijjā vuttā, tāya yasmā sabbāyapi sabbākārasampannāya bhagavā upeto. Yañcetaṃ ‘‘idha, mahānāma, ariyasāvako sīlasampanno hoti, indriyesu guttadvāro hoti, bhojane mattaññū hoti , jāgariyaṃ anuyutto hoti, sattahi saddhammehi samannāgato hoti, catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hotī’’ti evaṃ uddisitvā ‘‘kathañca, mahānāma, ariyasāvako sīlasampanno hotī’’tiādinā (ma. ni. 2.24) nayena sekhasutte niddiṭṭhaṃ pannarasappabhedaṃ caraṇaṃ. Tañca yasmā sabbūpakkilesappahānena bhagavato ativiya saṃsuddhaṃ. Yepime kāmāsavādayo cattāro āsavā, tepi yasmā sabbe saparivārā savāsanā bhagavato khīṇā. Yasmā ca imāya vijjācaraṇasampadāya khīṇāsavo hutvā tadā bhagavā ‘‘natthi dāni punabbhavo’’ti paccavekkhitvā ṭhito, tasmā sātāgiro bhagavato sabbaññubhāve byavasāyena samussāhitahadayo sabbepi guṇe anujānanto āha ‘‘vijjāya ceva sampanno’’ti.

164. д̇ад̇о хзмавад̇о ‘‘саммаасамб̣уд̣̇д̇хо бхаг̇аваа’’д̇и бхаг̇авад̇и нигган̇ко худ̇ваа аагаасз тид̇оязва бхаг̇аванд̇ам̣ басам̣санд̇о саад̇ааг̇иран̃жа аараад̇хзнд̇о ааха ‘‘самбаннам̣ мунино жид̇д̇а’’нд̇и. д̇ассад̇т̇о – самбаннам̣ мунино жид̇д̇ам̣, ‘‘мано жасса субан̣ихид̇о’’д̇и зд̇т̇а вуд̇д̇ад̇аад̣̇ибхаавзна бун̣н̣ам̣ самбун̣н̣ам̣, ‘‘на со ад̣̇иннам̣ аад̣̇ияад̇ий’’д̇и зд̇т̇а вуд̇д̇агааяагаммунаа, ‘‘на со раж̇ж̇ад̇и гаамзсуу’’д̇и зд̇т̇а вуд̇д̇аманогаммунаа жа бун̣н̣ам̣ самбун̣н̣ам̣, ‘‘мусаа жа со на бхан̣ад̇ий’’д̇и зд̇т̇а вуд̇д̇аб̣яаббат̇зна жа важийгаммунаад̇и вуд̇д̇ам̣ ход̇и. звам̣ самбаннажид̇д̇ан̃жа ануд̇д̇арааяа виж̇ж̇аажаран̣асамбад̣̇ааяа самбаннад̇д̇аа виж̇ж̇аажаран̣асамбаннан̃жа имзхи г̇ун̣зхи ‘‘мано жасса субан̣ихид̇о’’д̇иаад̣̇инаа наязна д̇хаммад̇о нам̣ басам̣саси, сабхаавад̇о д̇ажчад̇о бхууд̇ад̇о зва нам̣ басам̣саси, на гзвалам̣ сад̣̇д̇хаамад̇д̇агзнаад̇и д̣̇ассзд̇и.

164. Tato hemavato ‘‘sammāsambuddho bhagavā’’ti bhagavati nikkaṅkho hutvā ākāse ṭhitoyeva bhagavantaṃ pasaṃsanto sātāgirañca ārādhento āha ‘‘sampannaṃ munino citta’’nti. Tassattho – sampannaṃ munino cittaṃ, ‘‘mano cassa supaṇihito’’ti ettha vuttatādibhāvena puṇṇaṃ sampuṇṇaṃ, ‘‘na so adinnaṃ ādiyatī’’ti ettha vuttakāyakammunā, ‘‘na so rajjati kāmesū’’ti ettha vuttamanokammunā ca puṇṇaṃ sampuṇṇaṃ, ‘‘musā ca so na bhaṇatī’’ti ettha vuttabyappathena ca vacīkammunāti vuttaṃ hoti. Evaṃ sampannacittañca anuttarāya vijjācaraṇasampadāya sampannattā vijjācaraṇasampannañca imehi guṇehi ‘‘mano cassa supaṇihito’’tiādinā nayena dhammato naṃ pasaṃsasi, sabhāvato tacchato bhūtato eva naṃ pasaṃsasi, na kevalaṃ saddhāmattakenāti dasseti.

165-166. д̇ад̇о саад̇ааг̇ироби ‘‘звамзд̇ам̣, маариса, судту д̇аяаа н̃аад̇ан̃жа анумод̣̇ид̇ан̃жаа’’д̇и ад̇хиббааязна д̇амзва сам̣раад̇хзнд̇о ааха – ‘‘самбаннам̣ мунино…бз… д̇хаммад̇о анумод̣̇асий’’д̇и. зван̃жа бана вад̇ваа буна бхаг̇авад̇о д̣̇ассанз д̇ам̣ абхид̇т̇аваяамаано ааха ‘‘самбаннам̣…бз… ханд̣̇а бассаама г̇од̇ама’’нд̇и.

165-166. Tato sātāgiropi ‘‘evametaṃ, mārisa, suṭṭhu tayā ñātañca anumoditañcā’’ti adhippāyena tameva saṃrādhento āha – ‘‘sampannaṃ munino…pe… dhammato anumodasī’’ti. Evañca pana vatvā puna bhagavato dassane taṃ abhitthavayamāno āha ‘‘sampannaṃ…pe… handa passāma gotama’’nti.

167. ат̇а хзмавад̇о ад̇д̇ано абхиружид̇аг̇ун̣зхи буримаж̇аад̇иб̣аахусажжаб̣алзна бхаг̇аванд̇ам̣ абхид̇т̇унанд̇о саад̇ааг̇ирам̣ ааха – ‘‘зн̣иж̇ан̇гхам̣…бз… зхи бассаама г̇од̇ама’’нд̇и. д̇ассад̇т̇о – зн̣имиг̇ассзва ж̇ан̇гхаа ассаад̇и зн̣иж̇ан̇гхо. б̣уд̣̇д̇хаанан̃хи зн̣имиг̇ассзва анубуб̣б̣аваддаа ж̇ан̇гхаа хонд̇и, на бурад̇о ниммам̣саа бажчад̇о сусумаарагужчи вияа уд̣̇д̇хумаад̇аа. гисаа жа б̣уд̣̇д̇хаа хонд̇и д̣̇ийгхарассасамаваддид̇аяуд̇д̇адтаанзсу д̇ат̇ааруубааяа ан̇г̇абажжан̇г̇асамбад̇д̇ияаа, на ватарабурисаа вияа т̇уулаа. бан̃н̃ааяа виликид̇агилзсад̇д̇аа ваа гисаа. аж̇жхад̇д̇игаб̣аахирасабад̇д̇авид̣̇д̇хам̣санад̇о вийраа. згаасанабхож̇ид̇ааяа баримид̇абхож̇ид̇ааяа жа аббаахаараа, на д̣̇вад̇д̇имад̇д̇аалобабхож̇ид̇ааяа. яат̇ааха –

167. Atha hemavato attano abhirucitaguṇehi purimajātibāhusaccabalena bhagavantaṃ abhitthunanto sātāgiraṃ āha – ‘‘eṇijaṅghaṃ…pe… ehi passāma gotama’’nti. Tassattho – eṇimigasseva jaṅghā assāti eṇijaṅgho. Buddhānañhi eṇimigasseva anupubbavaṭṭā jaṅghā honti, na purato nimmaṃsā pacchato susumārakucchi viya uddhumātā. Kisā ca buddhā honti dīgharassasamavaṭṭitayuttaṭṭhānesu tathārūpāya aṅgapaccaṅgasampattiyā, na vaṭharapurisā viya thūlā. Paññāya vilikhitakilesattā vā kisā. Ajjhattikabāhirasapattaviddhaṃsanato vīrā. Ekāsanabhojitāya parimitabhojitāya ca appāhārā, na dvattimattālopabhojitāya. Yathāha –

‘‘ахам̣ ко бана, уд̣̇ааяи, аббзгад̣̇аа иминаа бад̇д̇зна самад̇ид̇д̇игамби бхун̃ж̇аами, бхияяоби бхун̃ж̇аами. ‘аббаахааро саман̣о г̇од̇амо аббаахаарад̇ааяа жа ван̣н̣аваад̣̇ий’д̇и ид̇и жз мам̣, уд̣̇ааяи, саавагаа саггарзяяум̣, г̇арум̣ гарзяяум̣, маанзяяум̣, бууж̇зяяум̣, саггад̇ваа, г̇арум̣ гад̇ваа, убаниссааяа вихарзяяум̣. яз д̇з, уд̣̇ааяи, мама саавагаа госагаахаарааби ад̣дхагосагаахаарааби б̣злуваахаарааби ад̣дхаб̣злуваахаарааби, на мам̣ д̇з иминаа д̇хаммзна саггарзяяум̣…бз… убаниссааяа вихарзяяу’’нд̇и (ма. ни. 2.242).

‘‘Ahaṃ kho pana, udāyi, appekadā iminā pattena samatittikampi bhuñjāmi, bhiyyopi bhuñjāmi. ‘Appāhāro samaṇo gotamo appāhāratāya ca vaṇṇavādī’ti iti ce maṃ, udāyi, sāvakā sakkareyyuṃ, garuṃ kareyyuṃ, māneyyuṃ, pūjeyyuṃ, sakkatvā, garuṃ katvā, upanissāya vihareyyuṃ. Ye te, udāyi, mama sāvakā kosakāhārāpi aḍḍhakosakāhārāpi beluvāhārāpi aḍḍhabeluvāhārāpi, na maṃ te iminā dhammena sakkareyyuṃ…pe… upanissāya vihareyyu’’nti (ma. ni. 2.242).

аахаарз чанд̣̇арааг̇аабхаавзна алолубаа адтан̇г̇асаманнааг̇ад̇ам̣ аахаарам̣ аахаарзнд̇и монзяяасамбад̇д̇ияаа мунино. анаг̇ааригад̇ааяа вивзганиннамаанасад̇ааяа жа ванз жхааяанд̇и. д̇знааха хзмавад̇о яагко ‘‘зн̣иж̇ан̇гхам̣…бз… зхи бассаама г̇од̇ама’’нд̇и.

Āhāre chandarāgābhāvena alolupā aṭṭhaṅgasamannāgataṃ āhāraṃ āhārenti moneyyasampattiyā munino. Anagārikatāya vivekaninnamānasatāya ca vane jhāyanti. Tenāha hemavato yakkho ‘‘eṇijaṅghaṃ…pe… ehi passāma gotama’’nti.

168. зван̃жа вад̇ваа буна д̇асса бхаг̇авад̇о санд̇игз д̇хаммам̣ сод̇угаамад̇ааяа ‘‘сийхам̣взгажара’’нд̇и имам̣ г̇аат̇амааха. д̇ассад̇т̇о – сийхам̣ваад̇и д̣̇ураасад̣̇адтзна каманадтзна ниб̣бхаяадтзна жа гзсарасийхасад̣̇исам̣. яааяа д̇ан̣хааяа ‘‘д̇ан̣хаад̣̇уд̇ияо бурисо’’д̇и вужжад̇и, д̇ассаа абхаавзна згажарам̣, згиссаа логад̇хаад̇уяаа д̣̇виннам̣ б̣уд̣̇д̇хаанам̣ ануббад̇д̇ид̇оби згажарам̣. каг̇г̇ависаан̣асуд̇д̇з вуд̇д̇анаязнааби жзд̇т̇а д̇ам̣ д̇ам̣ ад̇т̇о д̣̇адтаб̣б̣о. нааг̇анд̇и бунаб̣бхавам̣ нзва г̇анд̇аарам̣ нааг̇анд̇аарам̣. ат̇а ваа ааг̇ум̣ на гарод̇ийд̇иби нааг̇о. б̣алаваад̇иби нааг̇о. д̇ам̣ нааг̇ам̣. гаамзсу анабзгкинанд̇и д̣̇вийсуби гаамзсу чанд̣̇арааг̇аабхаавзна анабзгкинам̣. убасан̇гамма бужчаама, мажжубаасаббаможананд̇и д̇ам̣ зваруубам̣ махзсим̣ убасан̇гамид̇ваа д̇збхуумагаваддасса мажжубаасасса баможанам̣ виваддам̣ ниб̣б̣аанам̣ бужчаама. язна ваа убааязна д̣̇угкасамуд̣̇аяасан̇каад̇аа мажжубаасаа бамужжад̇и, д̇ам̣ мажжубаасаббаможанам̣ бужчаамаад̇и. имам̣ г̇аат̇ам̣ хзмавад̇о саад̇ааг̇иран̃жа саад̇ааг̇ирабарисан̃жа ад̇д̇ано барисан̃жа санд̇хааяа ааха.

168. Evañca vatvā puna tassa bhagavato santike dhammaṃ sotukāmatāya ‘‘sīhaṃvekacara’’nti imaṃ gāthamāha. Tassattho – sīhaṃvāti durāsadaṭṭhena khamanaṭṭhena nibbhayaṭṭhena ca kesarasīhasadisaṃ. Yāya taṇhāya ‘‘taṇhādutiyo puriso’’ti vuccati, tassā abhāvena ekacaraṃ, ekissā lokadhātuyā dvinnaṃ buddhānaṃ anuppattitopi ekacaraṃ. Khaggavisāṇasutte vuttanayenāpi cettha taṃ taṃ attho daṭṭhabbo. Nāganti punabbhavaṃ neva gantāraṃ nāgantāraṃ. Atha vā āguṃ na karotītipi nāgo. Balavātipi nāgo. Taṃ nāgaṃ. Kāmesu anapekkhinanti dvīsupi kāmesu chandarāgābhāvena anapekkhinaṃ. Upasaṅkamma pucchāma, maccupāsappamocananti taṃ evarūpaṃ mahesiṃ upasaṅkamitvā tebhūmakavaṭṭassa maccupāsassa pamocanaṃ vivaṭṭaṃ nibbānaṃ pucchāma. Yena vā upāyena dukkhasamudayasaṅkhātā maccupāsā pamuccati, taṃ maccupāsappamocanaṃ pucchāmāti. Imaṃ gāthaṃ hemavato sātāgirañca sātāgiraparisañca attano parisañca sandhāya āha.

д̇зна ко бана самаязна аасаал̣хийнагкад̇д̇ам̣ гхосид̇ам̣ ахоси. ат̇а саманд̇ад̇о алан̇гад̇абадияад̇д̇з д̣̇званаг̇арз сирим̣ бажжанубхонд̇ий вияа рааж̇аг̇ахз гаал̣ий наама гурарагхаригаа убаасигаа баасаад̣̇амааруяха сийхабан̃ж̇арам̣ виварид̇ваа г̇аб̣бхабариссамам̣ винод̣̇знд̇ий саваад̇аббад̣̇зсз уд̇уг̇г̇ахан̣ад̇т̇ам̣ тид̇аа д̇зсам̣ яагкасзнаабад̇ийнам̣ д̇ам̣ б̣уд̣̇д̇хаг̇ун̣абадисам̣яуд̇д̇ам̣ гат̇ам̣ аад̣̇имаж̇жхабарияосаанад̇о ассоси. суд̇ваа жа ‘‘звам̣ вивид̇хаг̇ун̣асаманнааг̇ад̇аа б̣уд̣̇д̇хаа’’д̇и б̣уд̣̇д̇хаарамман̣ам̣ бийд̇им̣ уббаад̣̇зд̇ваа д̇ааяа нийваран̣аани вигкамбхзд̇ваа д̇ад̇т̇зва тид̇аа сод̇аабад̇д̇ипалз бад̇идтааси. д̇ад̇о зва бхаг̇авад̇аа ‘‘зд̇ад̣̇аг̇г̇ам̣, бхигкавз, мама саавигаанам̣ убаасигаанам̣ ануссаваббасаннаанам̣, яад̣̇ид̣̇ам̣ гаал̣ий убаасигаа гурарагхаригаа’’д̇и (а. ни. 1.267) зд̇ад̣̇аг̇г̇з табид̇аа.

Tena kho pana samayena āsāḷhīnakkhattaṃ ghositaṃ ahosi. Atha samantato alaṅkatapaṭiyatte devanagare siriṃ paccanubhontī viya rājagahe kāḷī nāma kuraragharikā upāsikā pāsādamāruyha sīhapañjaraṃ vivaritvā gabbhaparissamaṃ vinodentī savātappadese utuggahaṇatthaṃ ṭhitā tesaṃ yakkhasenāpatīnaṃ taṃ buddhaguṇapaṭisaṃyuttaṃ kathaṃ ādimajjhapariyosānato assosi. Sutvā ca ‘‘evaṃ vividhaguṇasamannāgatā buddhā’’ti buddhārammaṇaṃ pītiṃ uppādetvā tāya nīvaraṇāni vikkhambhetvā tattheva ṭhitā sotāpattiphale patiṭṭhāsi. Tato eva bhagavatā ‘‘etadaggaṃ, bhikkhave, mama sāvikānaṃ upāsikānaṃ anussavappasannānaṃ, yadidaṃ kāḷī upāsikā kuraragharikā’’ti (a. ni. 1.267) etadagge ṭhapitā.

169. д̇зби яагкасзнаабад̇аяо сахассаяагкабариваараа маж̇жхимаяаамасамаяз исибад̇анам̣ бад̇ваа, д̇хаммажаггаббавад̇д̇ид̇абаллан̇гзнзва нисиннам̣ бхаг̇аванд̇ам̣ убасан̇гамма ванд̣̇ид̇ваа, имааяа г̇аат̇ааяа бхаг̇аванд̇ам̣ абхид̇т̇авид̇ваа огаасамагаараяим̣су ‘‘агкаад̇аарам̣ бавад̇д̇аара’’нд̇и. д̇ассад̇т̇о – табзд̇ваа д̇ан̣хам̣ д̇збхуумагз д̇хаммз ‘‘ид̣̇ам̣ ко бана, бхигкавз, д̣̇угкам̣ арияасажжа’’нд̇иаад̣̇инаа (сам̣. ни. 5.1081; махаава. 14) наязна сажжаанам̣ вавад̇т̇аанагат̇ааяа агкаад̇аарам̣, ‘‘‘д̇ам̣ ко банид̣̇ам̣ д̣̇угкам̣ арияасажжам̣ барин̃н̃зяяа’нд̇и мз бхигкавз’’д̇иаад̣̇инаа наязна д̇зсу гижжан̃аан̣агад̇ан̃аан̣аббавад̇д̇анзна бавад̇д̇аарам̣. яз ваа д̇хаммаа яат̇аа вохарид̇аб̣б̣аа, д̇зсу д̇ат̇аа вохаарагат̇анзна агкаад̇аарам̣, д̇зсам̣язва д̇хаммаанам̣ сад̇д̇аануруубад̇о бавад̇д̇аарам̣. уг̇гхадид̇ан̃н̃увибан̃жид̇ан̃н̃уунам̣ ваа д̣̇зсанааяа агкаад̇аарам̣, нзяяаанам̣ бадибаад̣̇анзна бавад̇д̇аарам̣. уд̣̇д̣̇зсзна ваа агкаад̇аарам̣, вибхан̇г̇зна д̇зхи д̇зхи багаарзхи важанад̇о бавад̇д̇аарам̣. б̣од̇хибагкияаанам̣ ваа салагкан̣агат̇анзна агкаад̇аарам̣, сад̇д̇аанам̣ жид̇д̇асанд̇аанз бавад̇д̇анзна бавад̇д̇аарам̣. сан̇кзбад̇о ваа д̇ийхи бариваддзхи сажжаанам̣ гат̇анзна агкаад̇аарам̣, вид̇т̇аарад̇о бавад̇д̇аарам̣. ‘‘сад̣̇д̇хинд̣̇рияам̣ д̇хаммо, д̇ам̣ д̇хаммам̣ бавад̇д̇зд̇ийд̇и д̇хаммажагга’’нд̇и (бади. ма. 2.40) звамаад̣̇инаа бадисамбхид̣̇аанаязна вид̇т̇аарид̇асса д̇хаммажаггасса бавад̇д̇анад̇о бавад̇д̇аарам̣.

169. Tepi yakkhasenāpatayo sahassayakkhaparivārā majjhimayāmasamaye isipatanaṃ patvā, dhammacakkappavattitapallaṅkeneva nisinnaṃ bhagavantaṃ upasaṅkamma vanditvā, imāya gāthāya bhagavantaṃ abhitthavitvā okāsamakārayiṃsu ‘‘akkhātāraṃ pavattāra’’nti. Tassattho – ṭhapetvā taṇhaṃ tebhūmake dhamme ‘‘idaṃ kho pana, bhikkhave, dukkhaṃ ariyasacca’’ntiādinā (saṃ. ni. 5.1081; mahāva. 14) nayena saccānaṃ vavatthānakathāya akkhātāraṃ, ‘‘‘taṃ kho panidaṃ dukkhaṃ ariyasaccaṃ pariññeyya’nti me bhikkhave’’tiādinā nayena tesu kiccañāṇakatañāṇappavattanena pavattāraṃ. Ye vā dhammā yathā voharitabbā, tesu tathā vohārakathanena akkhātāraṃ, tesaṃyeva dhammānaṃ sattānurūpato pavattāraṃ. Ugghaṭitaññuvipañcitaññūnaṃ vā desanāya akkhātāraṃ, neyyānaṃ paṭipādanena pavattāraṃ. Uddesena vā akkhātāraṃ, vibhaṅgena tehi tehi pakārehi vacanato pavattāraṃ. Bodhipakkhiyānaṃ vā salakkhaṇakathanena akkhātāraṃ, sattānaṃ cittasantāne pavattanena pavattāraṃ. Saṅkhepato vā tīhi parivaṭṭehi saccānaṃ kathanena akkhātāraṃ, vitthārato pavattāraṃ. ‘‘Saddhindriyaṃ dhammo, taṃ dhammaṃ pavattetīti dhammacakka’’nti (paṭi. ma. 2.40) evamādinā paṭisambhidānayena vitthāritassa dhammacakkassa pavattanato pavattāraṃ.

саб̣б̣ад̇хаммаананд̇и жад̇убхуумагад̇хаммаанам̣. баараг̇унд̇и чахаагаарзхи баарам̣ г̇ад̇ам̣ абхин̃н̃ааяа, барин̃н̃ааяа, бахаанзна, бхааванааяа, сажчигирияааяа, самаабад̇д̇ияаа. со хи бхаг̇аваа саб̣б̣ад̇хаммз абхиж̇аананд̇о г̇ад̇од̇и абхин̃н̃аабаараг̇уу, бан̃жубаад̣̇аанагканд̇хз бариж̇аананд̇о г̇ад̇од̇и барин̃н̃аабаараг̇уу, саб̣б̣агилзсз баж̇аханд̇о г̇ад̇од̇и бахаанабаараг̇уу, жад̇д̇ааро маг̇г̇з бхаавзнд̇о г̇ад̇од̇и бхааванаабаараг̇уу, нирод̇хам̣ сажчигаронд̇о г̇ад̇од̇и сажчигирияаабаараг̇уу, саб̣б̣аа самаабад̇д̇ияо самаабаж̇ж̇анд̇о г̇ад̇од̇и самаабад̇д̇ибаараг̇уу. звам̣ саб̣б̣ад̇хаммаанам̣ баараг̇ум̣. б̣уд̣̇д̇хам̣ взрабхаяаад̇ийд̇анд̇и ан̃н̃аан̣асаяанад̇о бадиб̣уд̣̇д̇хад̇д̇аа б̣уд̣̇д̇хам̣, саб̣б̣зна ваа саран̣аван̣н̣анааяам̣ вуд̇д̇знад̇т̇зна б̣уд̣̇д̇хам̣, бан̃жавзрабхаяаанам̣ ад̇ийд̇ад̇д̇аа взрабхаяаад̇ийд̇ам̣. звам̣ бхаг̇аванд̇ам̣ ад̇ид̇т̇аванд̇аа ‘‘маяам̣ бужчаама г̇од̇ама’’нд̇и огаасамагаараяим̣су.

Sabbadhammānanti catubhūmakadhammānaṃ. Pāragunti chahākārehi pāraṃ gataṃ abhiññāya, pariññāya, pahānena, bhāvanāya, sacchikiriyāya, samāpattiyā. So hi bhagavā sabbadhamme abhijānanto gatoti abhiññāpāragū, pañcupādānakkhandhe parijānanto gatoti pariññāpāragū, sabbakilese pajahanto gatoti pahānapāragū, cattāro magge bhāvento gatoti bhāvanāpāragū, nirodhaṃ sacchikaronto gatoti sacchikiriyāpāragū, sabbā samāpattiyo samāpajjanto gatoti samāpattipāragū. Evaṃ sabbadhammānaṃ pāraguṃ. Buddhaṃ verabhayātītanti aññāṇasayanato paṭibuddhattā buddhaṃ, sabbena vā saraṇavaṇṇanāyaṃ vuttenatthena buddhaṃ, pañcaverabhayānaṃ atītattā verabhayātītaṃ. Evaṃ bhagavantaṃ atitthavantā ‘‘mayaṃ pucchāma gotama’’nti okāsamakārayiṃsu.

170. ат̇а нзсам̣ яагкаанам̣ д̇зж̇зна жа бан̃н̃ааяа жа аг̇г̇о хзмавад̇о яат̇аад̇хиббзд̇ам̣ бужчид̇аб̣б̣ам̣ бужчанд̇о ‘‘гисмим̣ лого’’д̇и имам̣ г̇аат̇амааха. д̇ассаад̣̇ибаад̣̇з гисминд̇и бхаавзнабхаавалагкан̣з бхуммаважанам̣, гисмим̣ уббаннз лого самуббанно ход̇ийд̇и аяан̃хзд̇т̇а ад̇хиббааяо. сад̇д̇алогасан̇кааралогз санд̇хааяа бужчад̇и. гисмим̣ губ̣б̣ад̇и сант̇аванд̇и аханд̇и ваа маманд̇и ваа д̇ан̣хаад̣̇идтисант̇авам̣ гисмим̣ губ̣б̣ад̇и, ад̇хигаран̣ад̇т̇з бхуммаважанам̣. гисса логод̇и убаяог̇ад̇т̇з саамиважанам̣, гим̣ убаад̣̇ааяа логод̇и сан̇кяам̣ г̇ажчад̇ийд̇и аяан̃хзд̇т̇а ад̇хиббааяо. гисмим̣ логод̇и бхаавзнабхаавалагкан̣агааран̣ад̇т̇зсу бхуммаважанам̣. гисмим̣ сад̇и гзна гааран̣зна лого вихан̃н̃ад̇и бийл̣ийяад̇и б̣аад̇хийяад̇ийд̇и аяан̃хзд̇т̇а ад̇хиббааяо.

170. Atha nesaṃ yakkhānaṃ tejena ca paññāya ca aggo hemavato yathādhippetaṃ pucchitabbaṃ pucchanto ‘‘kismiṃ loko’’ti imaṃ gāthamāha. Tassādipāde kisminti bhāvenabhāvalakkhaṇe bhummavacanaṃ, kismiṃ uppanne loko samuppanno hotīti ayañhettha adhippāyo. Sattalokasaṅkhāraloke sandhāya pucchati. Kismiṃ kubbati santhavanti ahanti vā mamanti vā taṇhādiṭṭhisanthavaṃ kismiṃ kubbati, adhikaraṇatthe bhummavacanaṃ. Kissa lokoti upayogatthe sāmivacanaṃ, kiṃ upādāya lokoti saṅkhyaṃ gacchatīti ayañhettha adhippāyo. Kismiṃ lokoti bhāvenabhāvalakkhaṇakāraṇatthesu bhummavacanaṃ. Kismiṃ sati kena kāraṇena loko vihaññati pīḷīyati bādhīyatīti ayañhettha adhippāyo.

171. ат̇а бхаг̇аваа яасмаа часу аж̇жхад̇д̇игаб̣аахирзсу ааяад̇анзсу уббаннзсу сад̇д̇алого жа д̇ханад̇хан̃н̃аад̣̇ивасзна сан̇кааралого жа уббанно ход̇и, яасмаа жзд̇т̇а сад̇д̇алого д̇зсвзва часу д̣̇увид̇хамби сант̇авам̣ гарод̇и. жагкааяад̇анам̣ ваа хи ‘‘ахам̣ мама’’нд̇и г̇ан̣хаад̇и авасзсзсу ваа ан̃н̃ад̇арам̣. яат̇ааха – ‘‘жагку ад̇д̇аад̇и яо вад̣̇зяяа, д̇ам̣ на убабаж̇ж̇ад̇ий’’д̇иаад̣̇и (ма. ни. 3.422). яасмаа жа зд̇ааниязва ча убаад̣̇ааяа д̣̇увид̇хоби логод̇и сан̇кяам̣ г̇ажчад̇и, яасмаа жа д̇зсвзва часу сад̇и сад̇д̇алого д̣̇угкабаад̇убхаавзна вихан̃н̃ад̇и. яат̇ааха –

171. Atha bhagavā yasmā chasu ajjhattikabāhiresu āyatanesu uppannesu sattaloko ca dhanadhaññādivasena saṅkhāraloko ca uppanno hoti, yasmā cettha sattaloko tesveva chasu duvidhampi santhavaṃ karoti. Cakkhāyatanaṃ vā hi ‘‘ahaṃ mama’’nti gaṇhāti avasesesu vā aññataraṃ. Yathāha – ‘‘cakkhu attāti yo vadeyya, taṃ na upapajjatī’’tiādi (ma. ni. 3.422). Yasmā ca etāniyeva cha upādāya duvidhopi lokoti saṅkhyaṃ gacchati, yasmā ca tesveva chasu sati sattaloko dukkhapātubhāvena vihaññati. Yathāha –

‘‘хад̇т̇зсу, бхигкавз, сад̇и аад̣̇аананигкзбанам̣ ход̇и, баад̣̇зсу сад̇и абхиггамабадиггамо ход̇и, баб̣б̣зсу сад̇и самин̃ж̇анабасааран̣ам̣ ход̇и, гужчисмим̣ сад̇и ж̇игхажчаабибаасаа ход̇и; звамзва ко, бхигкавз, жагкусмим̣ сад̇и жагкусампассабажжаяаа уббаж̇ж̇ад̇и аж̇жхад̇д̇ам̣ сукам̣ д̣̇угка’’нд̇иаад̣̇и (сам̣. ни. 4.237).

‘‘Hatthesu, bhikkhave, sati ādānanikkhepanaṃ hoti, pādesu sati abhikkamapaṭikkamo hoti, pabbesu sati samiñjanapasāraṇaṃ hoti, kucchismiṃ sati jighacchāpipāsā hoti; evameva kho, bhikkhave, cakkhusmiṃ sati cakkhusamphassapaccayā uppajjati ajjhattaṃ sukhaṃ dukkha’’ntiādi (saṃ. ni. 4.237).

д̇ат̇аа д̇зсу аад̇хаарабхууд̇зсу бадихад̇о сан̇кааралого вихан̃н̃ад̇и. яат̇ааха –

Tathā tesu ādhārabhūtesu paṭihato saṅkhāraloko vihaññati. Yathāha –

‘‘жагкусмим̣ анид̣̇ассанз саббадигхз бадихан̃н̃и ваа’’ид̇и (д̇ха. са. 597-8) жа.

‘‘Cakkhusmiṃ anidassane sappaṭighe paṭihaññi vā’’iti (dha. sa. 597-8) ca.

‘‘жагку, бхигкавз, бадихан̃н̃ад̇и манаабааманаабзсу руубзсуу’’д̇и (сам̣. ни. 4.238) звамаад̣̇и.

‘‘Cakkhu, bhikkhave, paṭihaññati manāpāmanāpesu rūpesū’’ti (saṃ. ni. 4.238) evamādi.

д̇ат̇аа д̇зхиязва гааран̣абхууд̇зхи д̣̇увид̇хоби лого вихан̃н̃ад̇и. яат̇ааха –

Tathā tehiyeva kāraṇabhūtehi duvidhopi loko vihaññati. Yathāha –

‘‘жагку вихан̃н̃ад̇и манаабааманаабзсу руубзсуу’’д̇и (сам̣. ни. 4.238) жа.

‘‘Cakkhu vihaññati manāpāmanāpesu rūpesū’’ti (saṃ. ni. 4.238) ca.

‘‘жагку, бхигкавз, аад̣̇ид̇д̇ам̣, руубаа аад̣̇ид̇д̇аа. гзна аад̣̇ид̇д̇ам̣? рааг̇аг̇г̇инаа’’д̇и (сам̣. ни. 4.28; махаава. 54) звамаад̣̇и.

‘‘Cakkhu, bhikkhave, ādittaṃ, rūpā ādittā. Kena ādittaṃ? Rāgagginā’’ti (saṃ. ni. 4.28; mahāva. 54) evamādi.

д̇асмаа чааж̇жхад̇д̇игаб̣аахирааяад̇анавасзна д̇ам̣ бужчам̣ виссаж̇ж̇знд̇о ааха ‘‘часу лого самуббанно’’д̇и.

Tasmā chaajjhattikabāhirāyatanavasena taṃ pucchaṃ vissajjento āha ‘‘chasu loko samuppanno’’ti.

172. ат̇а со яагко ад̇д̇анаа ваддавасзна будтабан̃хам̣ бхаг̇авад̇аа д̣̇ваад̣̇асааяад̇анавасзна сан̇кибид̇ваа виссаж̇ж̇ид̇ам̣ на судту убалагкзд̇ваа д̇ан̃жа ад̇т̇ам̣ д̇аббадибагкан̃жа н̃аад̇угаамо сан̇кзбзнзва ваддавиваддам̣ бужчанд̇о ааха ‘‘гад̇амам̣ д̇а’’нд̇и. д̇ад̇т̇а убаад̣̇аад̇аб̣б̣адтзна убаад̣̇аанам̣, д̣̇угкасажжассзд̇ам̣ ад̇хиважанам̣. яад̇т̇а лого вихан̃н̃ад̇ийд̇и ‘‘часу лого вихан̃н̃ад̇ий’’д̇и звам̣ бхаг̇авад̇аа яад̇т̇а чаб̣б̣ид̇хз убаад̣̇аанз лого вихан̃н̃ад̇ийд̇и вуд̇д̇о, д̇ам̣ гад̇амам̣ убаад̣̇аананд̇и? звам̣ убад̣дхаг̇аат̇ааяа саруубзнзва д̣̇угкасажжам̣ бужчи. самуд̣̇аяасажжам̣ бана д̇асса гааран̣абхаавзна г̇ахид̇амзва ход̇и. нияяаанам̣ бужчид̇од̇и имааяа бана убад̣дхаг̇аат̇ааяа маг̇г̇асажжам̣ бужчи. маг̇г̇асажжзна хи арияасааваго д̣̇угкам̣ бариж̇аананд̇о, самуд̣̇аяам̣ баж̇аханд̇о, нирод̇хам̣ сажчигаронд̇о, маг̇г̇ам̣ бхаавзнд̇о логамхаа нияяаад̇и, д̇асмаа нияяаананд̇и вужжад̇и. гат̇анд̇и гзна багаарзна. д̣̇угкаа бамужжад̇ийд̇и ‘‘убаад̣̇аана’’нд̇и вуд̇д̇аа ваддад̣̇угкаа бамогкам̣ баабун̣аад̇и. звамзд̇т̇а саруубзнзва маг̇г̇асажжам̣ бужчи, нирод̇хасажжам̣ бана д̇асса висаяабхаавзна г̇ахид̇амзва ход̇и.

172. Atha so yakkho attanā vaṭṭavasena puṭṭhapañhaṃ bhagavatā dvādasāyatanavasena saṅkhipitvā vissajjitaṃ na suṭṭhu upalakkhetvā tañca atthaṃ tappaṭipakkhañca ñātukāmo saṅkhepeneva vaṭṭavivaṭṭaṃ pucchanto āha ‘‘katamaṃ ta’’nti. Tattha upādātabbaṭṭhena upādānaṃ, dukkhasaccassetaṃ adhivacanaṃ. Yattha loko vihaññatīti ‘‘chasu loko vihaññatī’’ti evaṃ bhagavatā yattha chabbidhe upādāne loko vihaññatīti vutto, taṃ katamaṃ upādānanti? Evaṃ upaḍḍhagāthāya sarūpeneva dukkhasaccaṃ pucchi. Samudayasaccaṃ pana tassa kāraṇabhāvena gahitameva hoti. Niyyānaṃ pucchitoti imāya pana upaḍḍhagāthāya maggasaccaṃ pucchi. Maggasaccena hi ariyasāvako dukkhaṃ parijānanto, samudayaṃ pajahanto, nirodhaṃ sacchikaronto, maggaṃ bhāvento lokamhā niyyāti, tasmā niyyānanti vuccati. Kathanti kena pakārena. Dukkhā pamuccatīti ‘‘upādāna’’nti vuttā vaṭṭadukkhā pamokkhaṃ pāpuṇāti. Evamettha sarūpeneva maggasaccaṃ pucchi, nirodhasaccaṃ pana tassa visayabhāvena gahitameva hoti.

173. звам̣ яагкзна саруубзна д̣̇ассзд̇ваа жа ад̣̇ассзд̇ваа жа жад̇усажжавасзна бан̃хам̣ будто бхаг̇аваа д̇знзва наязна виссаж̇ж̇знд̇о ааха ‘‘бан̃жа гаамаг̇ун̣аа’’д̇и. д̇ад̇т̇а бан̃жагаамаг̇ун̣асан̇каад̇аг̇ожараг̇г̇ахан̣зна д̇аг̇г̇ожараани бан̃жааяад̇анаани г̇ахид̇аанзва хонд̇и. мано чадто зд̇зсанд̇и маночадтаа. бавзд̣̇ид̇аад̇и багаасид̇аа. зд̇т̇а аж̇жхад̇д̇игзсу чадтасса манааяад̇анасса г̇ахан̣зна д̇асса висаяабхууд̇ам̣ д̇хаммааяад̇анам̣ г̇ахид̇амзва ход̇и. звам̣ ‘‘гад̇амам̣ д̇ам̣ убаад̣̇аана’’нд̇и имам̣ бан̃хам̣ виссаж̇ж̇знд̇о бунаби д̣̇ваад̣̇асааяад̇анаанам̣ васзнзва д̣̇угкасажжам̣ багаасзси. маног̇ахан̣зна ваа сад̇д̇аннам̣ вин̃н̃аан̣ад̇хаад̇уунам̣ г̇ахид̇ад̇д̇аа д̇аасу буримабан̃жавин̃н̃аан̣ад̇хаад̇уг̇г̇ахан̣зна д̇аасам̣ вад̇т̇ууни бан̃жа жагкаад̣̇ийни ааяад̇анаани, манод̇хаад̇умановин̃н̃аан̣ад̇хаад̇уг̇г̇ахан̣зна д̇аасам̣ вад̇т̇уг̇ожарабхзд̣̇ам̣ д̇хаммааяад̇анам̣ г̇ахид̇амзваад̇и звамби д̣̇ваад̣̇асааяад̇анавасзна д̣̇угкасажжам̣ багаасзси. логуд̇д̇араманааяад̇анад̇хаммааяад̇анзгад̣̇зсо банзд̇т̇а яад̇т̇а лого вихан̃н̃ад̇и, д̇ам̣ санд̇хааяа нид̣̇д̣̇идтад̇д̇аа на сан̇г̇аяхад̇и.

173. Evaṃ yakkhena sarūpena dassetvā ca adassetvā ca catusaccavasena pañhaṃ puṭṭho bhagavā teneva nayena vissajjento āha ‘‘pañca kāmaguṇā’’ti. Tattha pañcakāmaguṇasaṅkhātagocaraggahaṇena taggocarāni pañcāyatanāni gahitāneva honti. Mano chaṭṭho etesanti manochaṭṭhā. Paveditāti pakāsitā. Ettha ajjhattikesu chaṭṭhassa manāyatanassa gahaṇena tassa visayabhūtaṃ dhammāyatanaṃ gahitameva hoti. Evaṃ ‘‘katamaṃ taṃ upādāna’’nti imaṃ pañhaṃ vissajjento punapi dvādasāyatanānaṃ vaseneva dukkhasaccaṃ pakāsesi. Manogahaṇena vā sattannaṃ viññāṇadhātūnaṃ gahitattā tāsu purimapañcaviññāṇadhātuggahaṇena tāsaṃ vatthūni pañca cakkhādīni āyatanāni, manodhātumanoviññāṇadhātuggahaṇena tāsaṃ vatthugocarabhedaṃ dhammāyatanaṃ gahitamevāti evampi dvādasāyatanavasena dukkhasaccaṃ pakāsesi. Lokuttaramanāyatanadhammāyatanekadeso panettha yattha loko vihaññati, taṃ sandhāya niddiṭṭhattā na saṅgayhati.

зд̇т̇а чанд̣̇ам̣ вирааж̇зд̇ваад̇и зд̇т̇а д̣̇ваад̣̇асааяад̇анабхзд̣̇з д̣̇угкасажжз д̇аанзвааяад̇анаани канд̇хад̇о д̇хаад̇уд̇о наамаруубад̇од̇и д̇ат̇аа д̇ат̇аа вавад̇т̇абзд̇ваа, д̇илагкан̣ам̣ ааробзд̇ваа, вибассанд̇о арахад̇д̇амаг̇г̇абарияосаанааяа вибассанааяа д̇ан̣хаасан̇каад̇ам̣ чанд̣̇ам̣ саб̣б̣асо вирааж̇зд̇ваа винзд̇ваа вид̣̇д̇хам̣сзд̇ваад̇и ад̇т̇о. звам̣ д̣̇угкаа бамужжад̇ийд̇и иминаа багаарзна зд̇асмаа ваддад̣̇угкаа бамужжад̇ийд̇и . звамимааяа убад̣дхаг̇аат̇ааяа ‘‘нияяаанам̣ бужчид̇о б̣руухи, гат̇ам̣ д̣̇угкаа бамужжад̇ий’’д̇и аяам̣ бан̃хо виссаж̇ж̇ид̇о ход̇и, маг̇г̇асажжан̃жа багаасид̇ам̣ самуд̣̇аяанирод̇хасажжаани банзд̇т̇а буриманаязнзва сан̇г̇ахид̇ад̇д̇аа багаасид̇аанзва хонд̇ийд̇и взд̣̇ид̇аб̣б̣аани. убад̣дхаг̇аат̇ааяа ваа д̣̇угкасажжам̣, чанд̣̇зна самуд̣̇аяасажжам̣, ‘‘вирааж̇зд̇ваа’’д̇и зд̇т̇а вирааг̇зна нирод̇хасажжам̣, ‘‘вирааг̇аавимужжад̇ий’’д̇и важанад̇о ваа маг̇г̇асажжам̣. ‘‘зва’’нд̇и убааяанид̣̇ассанзна маг̇г̇асажжам̣, д̣̇угканирод̇ханд̇и важанад̇о ваа. ‘‘д̣̇угкаа бамужжад̇ий’’д̇и д̣̇угкабамогкзна нирод̇хасажжанд̇и звамзд̇т̇а жад̇д̇аари сажжаани багаасид̇аани хонд̇ийд̇и взд̣̇ид̇аб̣б̣аани.

Ettha chandaṃ virājetvāti ettha dvādasāyatanabhede dukkhasacce tānevāyatanāni khandhato dhātuto nāmarūpatoti tathā tathā vavatthapetvā, tilakkhaṇaṃ āropetvā, vipassanto arahattamaggapariyosānāya vipassanāya taṇhāsaṅkhātaṃ chandaṃ sabbaso virājetvā vinetvā viddhaṃsetvāti attho. Evaṃ dukkhā pamuccatīti iminā pakārena etasmā vaṭṭadukkhā pamuccatīti . Evamimāya upaḍḍhagāthāya ‘‘niyyānaṃ pucchito brūhi, kathaṃ dukkhā pamuccatī’’ti ayaṃ pañho vissajjito hoti, maggasaccañca pakāsitaṃ samudayanirodhasaccāni panettha purimanayeneva saṅgahitattā pakāsitāneva hontīti veditabbāni. Upaḍḍhagāthāya vā dukkhasaccaṃ, chandena samudayasaccaṃ, ‘‘virājetvā’’ti ettha virāgena nirodhasaccaṃ, ‘‘virāgāvimuccatī’’ti vacanato vā maggasaccaṃ. ‘‘Eva’’nti upāyanidassanena maggasaccaṃ, dukkhanirodhanti vacanato vā. ‘‘Dukkhā pamuccatī’’ti dukkhapamokkhena nirodhasaccanti evamettha cattāri saccāni pakāsitāni hontīti veditabbāni.

174. звам̣ жад̇усажжаг̇аб̣бхааяа г̇аат̇ааяа лагкан̣ад̇о нияяаанам̣ багаасзд̇ваа буна д̇ад̣̇зва сагзна нируд̇д̇аабхилаабзна ниг̇амзнд̇о ааха ‘‘зд̇ам̣ логасса нияяаана’’нд̇и. зд̇т̇а зд̇анд̇и буб̣б̣з вуд̇д̇асса нид̣̇д̣̇зсо, логассаад̇и д̇зд̇хаад̇угалогасса. яат̇аад̇ат̇анд̇и авибарийд̇ам̣. зд̇ам̣ во ахамагкаамийд̇и сажзби мам̣ сахассагкад̇д̇ум̣ бужчзяяаат̇а, зд̇ам̣ во ахамагкаами, на ан̃н̃ам̣. гасмаа? яасмаа звам̣ д̣̇угкаа бамужжад̇и, на ан̃н̃ат̇аад̇и ад̇хиббааяо. ат̇а ваа зд̇зна нияяаанзна згад̣̇вад̇д̇игкад̇ум̣ ниг̇г̇ад̇аанамби зд̇ам̣ во ахамагкаами, убаривисзсаад̇хиг̇амааяаби зд̇ад̣̇зва ахамагкаамийд̇и ад̇т̇о. гасмаа? яасмаа звам̣ д̣̇угкаа бамужжад̇и асзсаниссзсаад̇и арахад̇д̇анигуудзна д̣̇зсанам̣ нидтаабзси. д̣̇зсанаабарияосаанз д̣̇взби яагкасзнаабад̇аяо сод̇аабад̇д̇ипалз бад̇идтахим̣су сад̣̇д̇хим̣ яагкасахассзна.

174. Evaṃ catusaccagabbhāya gāthāya lakkhaṇato niyyānaṃ pakāsetvā puna tadeva sakena niruttābhilāpena nigamento āha ‘‘etaṃ lokassa niyyāna’’nti. Ettha etanti pubbe vuttassa niddeso, lokassāti tedhātukalokassa. Yathātathanti aviparītaṃ. Etaṃ vo ahamakkhāmīti sacepi maṃ sahassakkhattuṃ puccheyyātha, etaṃ vo ahamakkhāmi, na aññaṃ. Kasmā? Yasmā evaṃ dukkhā pamuccati, na aññathāti adhippāyo. Atha vā etena niyyānena ekadvattikkhatuṃ niggatānampi etaṃ vo ahamakkhāmi, uparivisesādhigamāyapi etadeva ahamakkhāmīti attho. Kasmā? Yasmā evaṃ dukkhā pamuccati asesanissesāti arahattanikūṭena desanaṃ niṭṭhāpesi. Desanāpariyosāne dvepi yakkhasenāpatayo sotāpattiphale patiṭṭhahiṃsu saddhiṃ yakkhasahassena.

175. ат̇а хзмавад̇о багад̇ияааби д̇хаммаг̇ару ид̣̇аани арияабхуумияам̣ бад̇идтааяа судтуд̇арам̣ ад̇ид̇д̇о бхаг̇авад̇о вижид̇рабадибхаанааяа д̣̇зсанааяа бхаг̇аванд̇ам̣ сзгкаасзгкабхуумим̣ бужчанд̇о ‘‘го сууд̇ха д̇арад̇ий’’д̇и г̇аат̇амабхааси. д̇ад̇т̇а го сууд̇ха д̇арад̇и огханд̇и иминаа жад̇урогхам̣ го д̇арад̇ийд̇и сзгкабхуумим̣ бужчад̇и ависзсзна. яасмаа ан̣н̣аванд̇и на вид̇т̇ад̇амад̇д̇ам̣ нааби г̇амбхийрамад̇д̇ам̣ абижа бана яам̣ вид̇т̇ад̇ад̇аран̃жа г̇амбхийрад̇аран̃жа, д̇ам̣ вужжад̇и. д̇аад̣̇исо жа сам̣сааран̣н̣аво. аяан̃хи саманд̇ад̇о барияанд̇аабхаавзна вид̇т̇ад̇о, хздтаа бад̇идтаабхаавзна убари ааламб̣анаабхаавзна жа г̇амбхийро, д̇асмаа ‘‘го ид̇ха д̇арад̇и ан̣н̣авам̣, д̇асмин̃жа аббад̇идтз анааламб̣з г̇амбхийрз ан̣н̣авз го на сийд̣̇ад̇ий’’д̇и асзгкабхуумим̣ бужчад̇и.

175. Atha hemavato pakatiyāpi dhammagaru idāni ariyabhūmiyaṃ patiṭṭhāya suṭṭhutaraṃ atitto bhagavato vicitrapaṭibhānāya desanāya bhagavantaṃ sekkhāsekkhabhūmiṃ pucchanto ‘‘ko sūdha taratī’’ti gāthamabhāsi. Tattha ko sūdha tarati oghanti iminā caturoghaṃ ko taratīti sekkhabhūmiṃ pucchati avisesena. Yasmā aṇṇavanti na vitthatamattaṃ nāpi gambhīramattaṃ apica pana yaṃ vitthatatarañca gambhīratarañca, taṃ vuccati. Tādiso ca saṃsāraṇṇavo. Ayañhi samantato pariyantābhāvena vitthato, heṭṭhā patiṭṭhābhāvena upari ālambanābhāvena ca gambhīro, tasmā ‘‘ko idha tarati aṇṇavaṃ, tasmiñca appatiṭṭhe anālambe gambhīre aṇṇave ko na sīdatī’’ti asekkhabhūmiṃ pucchati.

176. ат̇а бхаг̇аваа яо бхигку ж̇ийвид̇ахзд̇уби вийд̇иггамам̣ агаронд̇о саб̣б̣ад̣̇аа сийласамбанно логияалогуд̇д̇арааяа жа бан̃н̃ааяа бан̃н̃аваа, убажаараббанаасамаад̇хинаа ирияаабат̇ахздтимамаг̇г̇апалзхи жа сусамаахид̇о, д̇илагкан̣ам̣ ааробзд̇ваа вибассанааяа нияагаж̇жхад̇д̇ажинд̇анасийло, саад̇ажжагирияаавахааяа аббамаад̣̇асад̇ияаа жа саманнааг̇ад̇о. яасмаа со жад̇уд̇т̇зна маг̇г̇зна имам̣ суд̣̇уд̇д̇арам̣ огхам̣ анавасзсам̣ д̇арад̇и, д̇асмаа сзгкабхуумим̣ виссаж̇ж̇знд̇о ‘‘саб̣б̣ад̣̇аа сийласамбанно’’д̇и имам̣ д̇исигкааг̇аб̣бхам̣ г̇аат̇амааха. зд̇т̇а хи сийласамбад̣̇ааяа ад̇хисийласигкаа, сад̇исамаад̇хийхи ад̇хижид̇д̇асигкаа, аж̇жхад̇д̇ажинд̇ид̇аабан̃н̃аахи ад̇хибан̃н̃аасигкаад̇и д̇иссо сигкаа саубагаараа саанисам̣саа жа вуд̇д̇аа. убагааро хи сигкаанам̣ логияабан̃н̃аа сад̇и жа, анисам̣со сааман̃н̃апалаанийд̇и.

176. Atha bhagavā yo bhikkhu jīvitahetupi vītikkamaṃ akaronto sabbadā sīlasampanno lokiyalokuttarāya ca paññāya paññavā, upacārappanāsamādhinā iriyāpathaheṭṭhimamaggaphalehi ca susamāhito, tilakkhaṇaṃ āropetvā vipassanāya niyakajjhattacintanasīlo, sātaccakiriyāvahāya appamādasatiyā ca samannāgato. Yasmā so catutthena maggena imaṃ suduttaraṃ oghaṃ anavasesaṃ tarati, tasmā sekkhabhūmiṃ vissajjento ‘‘sabbadā sīlasampanno’’ti imaṃ tisikkhāgabbhaṃ gāthamāha. Ettha hi sīlasampadāya adhisīlasikkhā, satisamādhīhi adhicittasikkhā, ajjhattacintitāpaññāhi adhipaññāsikkhāti tisso sikkhā saupakārā sānisaṃsā ca vuttā. Upakāro hi sikkhānaṃ lokiyapaññā sati ca, anisaṃso sāmaññaphalānīti.

177. звам̣ батамаг̇аат̇ааяа сзгкабхуумим̣ д̣̇ассзд̇ваа ид̣̇аани асзгкабхуумим̣ д̣̇ассзнд̇о д̣̇уд̇ияаг̇аат̇амааха. д̇ассад̇т̇о вирад̇о гаамасан̃н̃ааяаад̇и яаа гаажи гаамасан̃н̃аа, д̇ад̇о саб̣б̣ад̇о жад̇уд̇т̇амаг̇г̇асамбаяуд̇д̇ааяа самужчзд̣̇авирад̇ияаа вирад̇о. ‘‘вирад̇д̇о’’д̇иби баато. д̇ад̣̇аа ‘‘гаамасан̃н̃ааяаа’’д̇и бхуммаважанам̣ ход̇и, саг̇аат̇ааваг̇г̇з бана ‘‘гаамасан̃н̃аасуу’’д̇иби (сам̣. ни. 1.96) баато. жад̇уухиби маг̇г̇зхи д̣̇асаннам̣ сам̣яож̇анаанам̣ ад̇ийд̇ад̇д̇аа саб̣б̣асам̣яож̇анаад̇иг̇о, жад̇уд̇т̇знзва ваа уд̣̇д̇хамбхааг̇ияасаб̣б̣асам̣яож̇анаад̇иг̇о , д̇ад̇рад̇ад̇раабхинанд̣̇инийд̇ан̣хаасан̇каад̇ааяа нанд̣̇ияаа д̇ин̣н̣ан̃жа бхаваанам̣ баригкийн̣ад̇д̇аа нанд̣̇ийбхавабаригкийн̣о со д̇аад̣̇исо кийн̣аасаво бхигку г̇амбхийрз сам̣сааран̣н̣авз на сийд̣̇ад̇и нанд̣̇ийбаригкаязна саубаад̣̇исзсам̣, бхавабаригкаязна жа анубаад̣̇исзсам̣ ниб̣б̣аанат̇алам̣ самаабаж̇ж̇а барамассаасаббад̇д̇ияаад̇и.

177. Evaṃ paṭhamagāthāya sekkhabhūmiṃ dassetvā idāni asekkhabhūmiṃ dassento dutiyagāthamāha. Tassattho virato kāmasaññāyāti yā kāci kāmasaññā, tato sabbato catutthamaggasampayuttāya samucchedaviratiyā virato. ‘‘Viratto’’tipi pāṭho. Tadā ‘‘kāmasaññāyā’’ti bhummavacanaṃ hoti, sagāthāvagge pana ‘‘kāmasaññāsū’’tipi (saṃ. ni. 1.96) pāṭho. Catūhipi maggehi dasannaṃ saṃyojanānaṃ atītattā sabbasaṃyojanātigo, catuttheneva vā uddhambhāgiyasabbasaṃyojanātigo , tatratatrābhinandinītaṇhāsaṅkhātāya nandiyā tiṇṇañca bhavānaṃ parikkhīṇattā nandībhavaparikkhīṇo so tādiso khīṇāsavo bhikkhu gambhīre saṃsāraṇṇave na sīdati nandīparikkhayena saupādisesaṃ, bhavaparikkhayena ca anupādisesaṃ nibbānathalaṃ samāpajja paramassāsappattiyāti.

178. ат̇а хзмавад̇о сахааяан̃жа яагкабарисан̃жа ологзд̇ваа бийд̇исоманассаж̇аад̇о ‘‘г̇амбхийрабан̃н̃а’’нд̇и звамаад̣̇ийхи г̇аат̇аахи бхаг̇аванд̇ам̣ абхид̇т̇авид̇ваа саб̣б̣аавад̇ияаа барисааяа сахааязна жа сад̣̇д̇хим̣ абхиваад̣̇зд̇ваа, бад̣̇агкин̣ам̣ гад̇ваа, ад̇д̇ано васанадтаанам̣ аг̇амааси.

178. Atha hemavato sahāyañca yakkhaparisañca oloketvā pītisomanassajāto ‘‘gambhīrapañña’’nti evamādīhi gāthāhi bhagavantaṃ abhitthavitvā sabbāvatiyā parisāya sahāyena ca saddhiṃ abhivādetvā, padakkhiṇaṃ katvā, attano vasanaṭṭhānaṃ agamāsi.

д̇аасам̣ бана г̇аат̇аанам̣ аяам̣ ад̇т̇аван̣н̣анаа – г̇амбхийрабан̃н̃анд̇и г̇амбхийрааяа бан̃н̃ааяа саманнааг̇ад̇ам̣. д̇ад̇т̇а бадисамбхид̣̇ааяам̣ вуд̇д̇анаязна г̇амбхийрабан̃н̃аа взд̣̇ид̇аб̣б̣аа. вуд̇д̇ан̃хи д̇ад̇т̇а ‘‘г̇амбхийрзсу канд̇хзсу н̃аан̣ам̣ бавад̇д̇ад̇ийд̇и г̇амбхийрабан̃н̃аа’’д̇иаад̣̇и (бади. ма. 3.4). нибун̣ад̇т̇ад̣̇ассинд̇и нибун̣зхи кад̇д̇ияабан̣д̣ид̇аад̣̇ийхи абхисан̇кад̇аанам̣ бан̃хаанам̣ ад̇т̇ад̣̇ассим̣ ад̇т̇аанам̣ ваа яаани нибун̣аани гааран̣аани д̣̇уббадивиж̇жхаани ан̃н̃зхи д̇зсам̣ д̣̇ассанзна нибун̣ад̇т̇ад̣̇ассим̣. рааг̇аад̣̇игин̃жанаабхаавзна агин̃жанам̣. д̣̇увид̇хз гаамз д̇ивид̇хз жз бхавз алаг̇г̇анзна гаамабхавз асад̇д̇ам̣. канд̇хаад̣̇ибхзд̣̇зсу саб̣б̣аарамман̣зсу чанд̣̇арааг̇аб̣анд̇ханаабхаавзна саб̣б̣ад̇хи виббамуд̇д̇ам̣. д̣̇иб̣б̣з бат̇з гамамаананд̇и адтасамаабад̇д̇ибхзд̣̇з д̣̇иб̣б̣з бат̇з самаабаж̇ж̇анавасзна жан̇гаманд̇ам̣. д̇ад̇т̇а гин̃жааби на д̇ааяа взлааяа бхаг̇аваа д̣̇иб̣б̣з бат̇з гамад̇и, абижа ко буб̣б̣з гаманам̣ убаад̣̇ааяа гаманасад̇д̇исаб̣бхаавзна д̇ад̇т̇а лад̣̇д̇хавасийбхаавад̇ааяа звам̣ вужжад̇и. ат̇а ваа яз д̇з висуд̣̇д̇хид̣̇зваа араханд̇о, д̇зсам̣ бат̇з санд̇авихаарз гаманзнаабзд̇ам̣ вуд̇д̇ам̣. маханд̇аанам̣ г̇ун̣аанам̣ зсанзна махзсим̣.

Tāsaṃ pana gāthānaṃ ayaṃ atthavaṇṇanā – gambhīrapaññanti gambhīrāya paññāya samannāgataṃ. Tattha paṭisambhidāyaṃ vuttanayena gambhīrapaññā veditabbā. Vuttañhi tattha ‘‘gambhīresu khandhesu ñāṇaṃ pavattatīti gambhīrapaññā’’tiādi (paṭi. ma. 3.4). Nipuṇatthadassinti nipuṇehi khattiyapaṇḍitādīhi abhisaṅkhatānaṃ pañhānaṃ atthadassiṃ atthānaṃ vā yāni nipuṇāni kāraṇāni duppaṭivijjhāni aññehi tesaṃ dassanena nipuṇatthadassiṃ. Rāgādikiñcanābhāvena akiñcanaṃ. Duvidhe kāme tividhe ce bhave alagganena kāmabhave asattaṃ. Khandhādibhedesu sabbārammaṇesu chandarāgabandhanābhāvena sabbadhi vippamuttaṃ. Dibbe pathe kamamānanti aṭṭhasamāpattibhede dibbe pathe samāpajjanavasena caṅkamantaṃ. Tattha kiñcāpi na tāya velāya bhagavā dibbe pathe kamati, apica kho pubbe kamanaṃ upādāya kamanasattisabbhāvena tattha laddhavasībhāvatāya evaṃ vuccati. Atha vā ye te visuddhidevā arahanto, tesaṃ pathe santavihāre kamanenāpetaṃ vuttaṃ. Mahantānaṃ guṇānaṃ esanena mahesiṃ.

179. д̣̇уд̇ияаг̇аат̇ааяа абарзна барияааязна т̇уд̇и аарад̣̇д̇хаад̇и гад̇ваа буна нибун̣ад̇т̇ад̣̇ассиг̇г̇ахан̣ам̣ нид̣̇ассзд̇и. ат̇а ваа нибун̣ад̇т̇з д̣̇ассзд̇ааранд̇и ад̇т̇о. бан̃н̃аад̣̇ад̣̇анд̇и бан̃н̃аабадилаабхасам̣вад̇д̇анигааяа бадибад̇д̇ияаа гат̇анзна бан̃н̃аад̣̇ааяагам̣. гаамаалаяз асад̇д̇анд̇и явааяам̣гаамзсу д̇ан̣хаад̣̇идтивасзна д̣̇увид̇хо аалаяо, д̇ад̇т̇а асад̇д̇ам̣. саб̣б̣авид̣̇унд̇и саб̣б̣ад̇хаммавид̣̇ум̣, саб̣б̣ан̃н̃унд̇и вуд̇д̇ам̣ ход̇и. сумзд̇ханд̇и д̇асса саб̣б̣ан̃н̃убхаавасса маг̇г̇абхууд̇ааяа баарамийбан̃н̃аасан̇каад̇ааяа мзд̇хааяа саманнааг̇ад̇ам̣. арияз бат̇зд̇и адтан̇г̇игз маг̇г̇з, паласамаабад̇д̇ияам̣ ваа. гамамаананд̇и бан̃н̃ааяа аж̇жхог̇аахамаанам̣ маг̇г̇алагкан̣ам̣ н̃ад̇ваа д̣̇зсанад̇о, бависамаанам̣ ваа кан̣з кан̣з паласамаабад̇д̇исамаабаж̇ж̇анад̇о, жад̇уб̣б̣ид̇хамаг̇г̇абхааванаасан̇каад̇ааяа гаманасад̇д̇ияаа гамид̇абуб̣б̣ам̣ ваа.

179. Dutiyagāthāya aparena pariyāyena thuti āraddhāti katvā puna nipuṇatthadassiggahaṇaṃ nidasseti. Atha vā nipuṇatthe dassetāranti attho. Paññādadanti paññāpaṭilābhasaṃvattanikāya paṭipattiyā kathanena paññādāyakaṃ. Kāmālaye asattanti yvāyaṃkāmesu taṇhādiṭṭhivasena duvidho ālayo, tattha asattaṃ. Sabbavidunti sabbadhammaviduṃ, sabbaññunti vuttaṃ hoti. Sumedhanti tassa sabbaññubhāvassa maggabhūtāya pāramīpaññāsaṅkhātāya medhāya samannāgataṃ. Ariye patheti aṭṭhaṅgike magge, phalasamāpattiyaṃ vā. Kamamānanti paññāya ajjhogāhamānaṃ maggalakkhaṇaṃ ñatvā desanato, pavisamānaṃ vā khaṇe khaṇe phalasamāpattisamāpajjanato, catubbidhamaggabhāvanāsaṅkhātāya kamanasattiyā kamitapubbaṃ vā.

180. суд̣̇идтам̣ вад̇а но аж̇ж̇аад̇и. аж̇ж̇а амхзхи сунд̣̇арам̣ д̣̇идтам̣, аж̇ж̇а ваа амхаагам̣ сунд̣̇арам̣ д̣̇идтам̣, д̣̇ассананд̇и ад̇т̇о. суббабхаад̇ам̣ сухудтид̇анд̇и аж̇ж̇а амхаагам̣ судту бабхаад̇ам̣ собханам̣ ваа бабхаад̇ам̣ ахоси. аж̇ж̇а жа но сунд̣̇арам̣ удтид̇ам̣ ахоси, анубарод̇хзна саяанад̇о удтид̇ам̣. гим̣ гааран̣ам̣? яам̣ ад̣̇д̣̇асаама самб̣уд̣̇д̇хам̣, яасмаа самб̣уд̣̇д̇хам̣ ад̣̇д̣̇асаамаад̇и ад̇д̇ано лаабхасамбад̇д̇им̣ аараб̣бха баамож̇ж̇ам̣ бавзд̣̇зд̇и.

180.Sudiṭṭhaṃ vata no ajjāti. Ajja amhehi sundaraṃ diṭṭhaṃ, ajja vā amhākaṃ sundaraṃ diṭṭhaṃ, dassananti attho. Suppabhātaṃ suhuṭṭhitanti ajja amhākaṃ suṭṭhu pabhātaṃ sobhanaṃ vā pabhātaṃ ahosi. Ajja ca no sundaraṃ uṭṭhitaṃ ahosi, anuparodhena sayanato uṭṭhitaṃ. Kiṃ kāraṇaṃ? Yaṃ addasāma sambuddhaṃ, yasmā sambuddhaṃ addasāmāti attano lābhasampattiṃ ārabbha pāmojjaṃ pavedeti.

181. ид̣̇д̇химанд̇од̇и гаммавибаагаж̇ид̣̇д̇хияаа саманнааг̇ад̇аа. яасассинод̇и лаабхаг̇г̇абариваараг̇г̇асамбаннаа. саран̣ам̣ яанд̇ийд̇и гин̃жааби маг̇г̇знзва г̇ад̇аа, д̇ат̇ааби сод̇аабаннабхаавабарид̣̇ийбанад̇т̇ам̣ басаад̣̇ад̣̇ассанад̇т̇ан̃жа ваажам̣ бхинд̣̇ад̇и.

181.Iddhimantoti kammavipākajiddhiyā samannāgatā. Yasassinoti lābhaggaparivāraggasampannā. Saraṇaṃ yantīti kiñcāpi maggeneva gatā, tathāpi sotāpannabhāvaparidīpanatthaṃ pasādadassanatthañca vācaṃ bhindati.

182. г̇аамаа г̇ааманд̇и д̣̇зваг̇аамаа д̣̇зваг̇аамам̣. наг̇аа наг̇анд̇и д̣̇звабаб̣б̣ад̇аа д̣̇звабаб̣б̣ад̇ам̣. намассамаанаа самб̣уд̣̇д̇хам̣, д̇хаммасса жа суд̇хаммад̇анд̇и ‘‘саммаасамб̣уд̣̇д̇хо вад̇а бхаг̇аваа, сваагкаад̇о вад̇а бхаг̇авад̇о д̇хаммо’’д̇иаад̣̇инаа наязна б̣уд̣̇д̇хасуб̣од̇хид̇ан̃жа д̇хаммасуд̇хаммад̇ан̃жа. ‘‘суббадибанно вад̇а бхаг̇авад̇о саавагасан̇гхо’’д̇иаад̣̇инаа сан̇гха-суббадибад̇д̇ин̃жа абхид̇т̇авид̇ваа абхид̇т̇авид̇ваа намассамаанаа д̇хаммагхосагаа худ̇ваа вижариссаамаад̇и вуд̇д̇ам̣ ход̇и. сзсамзд̇т̇а уд̇д̇аанад̇т̇амзваад̇и.

182.Gāmā gāmanti devagāmā devagāmaṃ. Nagā naganti devapabbatā devapabbataṃ. Namassamānā sambuddhaṃ, dhammassa ca sudhammatanti ‘‘sammāsambuddho vata bhagavā, svākkhāto vata bhagavato dhammo’’tiādinā nayena buddhasubodhitañca dhammasudhammatañca. ‘‘Suppaṭipanno vata bhagavato sāvakasaṅgho’’tiādinā saṅgha-suppaṭipattiñca abhitthavitvā abhitthavitvā namassamānā dhammaghosakā hutvā vicarissāmāti vuttaṃ hoti. Sesamettha uttānatthamevāti.

барамад̇т̇аж̇од̇игааяа куд̣̇д̣̇ага-адтагат̇ааяа

Paramatthajotikāya khuddaka-aṭṭhakathāya

суд̇д̇анибаад̇а-адтагат̇ааяа хзмавад̇асуд̇д̇аван̣н̣анаа нидтид̇аа.

Suttanipāta-aṭṭhakathāya hemavatasuttavaṇṇanā niṭṭhitā.

Next: 10. аал̣авагасуд̇д̇аван̣н̣анаа • 10. Āḷavakasuttavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 9. хзмавад̇асуд̇д̇ам̣ • 9. Hemavatasuttaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact