| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. хзвад̇т̇игат̇ааван̣н̣анаа
9. Hevatthikathāvaṇṇanā
304. ид̣̇аани хзвад̇т̇игат̇аа наама ход̇и. д̇ад̇т̇а язсам̣ ‘‘саб̣б̣зби ад̇ийд̇аад̣̇ибхзд̣̇аа д̇хаммаа руубаад̣̇ивасзна ад̇т̇и, ад̇ийд̇ам̣ анааг̇ад̇абажжуббаннавасзна, анааг̇ад̇абажжуббаннаани ваа ад̇ийд̇аад̣̇ивасзна над̇т̇и; д̇асмаа саб̣б̣амзвид̣̇ам̣ звам̣ ад̇т̇и звам̣ над̇т̇ий’’д̇и лад̣̇д̇хи, сзяяат̇ааби зд̇арахи вуд̇д̇аббабхзд̣̇аанам̣ анд̇хагаанам̣; д̇з санд̇хааяа ад̇ийд̇ам̣ ад̇т̇ийд̇и бужчаа сагаваад̣̇исса. хзвад̇т̇и хзва над̇т̇ийд̇и виссаж̇ж̇анам̣ бараваад̣̇исса. д̇ад̇т̇а хзваад̇и звам̣ . ат̇а нам̣ сагаваад̣̇ий ‘‘яад̣̇и ад̇ийд̇ова звам̣ ад̇т̇и, звам̣ над̇т̇ийд̇и лад̣̇д̇хи, звам̣ санд̇з соязва ад̇т̇и, соязва над̇т̇и наамаа’’д̇и бужчанд̇о сзвад̇т̇и, сзва над̇т̇ийд̇и ааха. ид̇аро д̇знзва сабхаавзна ад̇т̇ид̇ам̣, д̇знзва над̇т̇ид̇ам̣ санд̇хааяа бадигкибад̇и. д̣̇уд̇ияам̣ будто сагабхаавзнзва ад̇т̇ид̇ам̣, барабхаавзнзва над̇т̇ид̇ам̣ санд̇хааяа бадиж̇аанаад̇и. д̇ад̇о барам̣ ад̇т̇адто над̇т̇адтод̇и ад̇т̇исабхааво над̇т̇исабхааво наама ход̇ийд̇и бужчад̇и. иминаавубааязна саб̣б̣аваарзсу ад̇т̇о взд̣̇ид̇аб̣б̣о. барияосаанз бана ‘‘д̇зна хи ад̇ийд̇ам̣ хзвад̇т̇и, хзва над̇т̇ий’’д̇и жа ‘‘д̇зна хи руубам̣ хзвад̇т̇и, хзва над̇т̇ий’’д̇и жаад̇иаад̣̇ийни вад̇ваа гин̃жааби бараваад̣̇инаа лад̣̇д̇хи бад̇идтаабид̇аа, аяонисо бад̇идтаабид̇ад̇д̇аа банзсаа аббад̇идтаабид̇ааязваад̇и.
304. Idāni hevatthikathā nāma hoti. Tattha yesaṃ ‘‘sabbepi atītādibhedā dhammā rūpādivasena atthi, atītaṃ anāgatapaccuppannavasena, anāgatapaccuppannāni vā atītādivasena natthi; tasmā sabbamevidaṃ evaṃ atthi evaṃ natthī’’ti laddhi, seyyathāpi etarahi vuttappabhedānaṃ andhakānaṃ; te sandhāya atītaṃ atthīti pucchā sakavādissa. Hevatthi heva natthīti vissajjanaṃ paravādissa. Tattha hevāti evaṃ . Atha naṃ sakavādī ‘‘yadi atītova evaṃ atthi, evaṃ natthīti laddhi, evaṃ sante soyeva atthi, soyeva natthi nāmā’’ti pucchanto sevatthi, seva natthīti āha. Itaro teneva sabhāvena atthitaṃ, teneva natthitaṃ sandhāya paṭikkhipati. Dutiyaṃ puṭṭho sakabhāveneva atthitaṃ, parabhāveneva natthitaṃ sandhāya paṭijānāti. Tato paraṃ atthaṭṭho natthaṭṭhoti atthisabhāvo natthisabhāvo nāma hotīti pucchati. Imināvupāyena sabbavāresu attho veditabbo. Pariyosāne pana ‘‘tena hi atītaṃ hevatthi, heva natthī’’ti ca ‘‘tena hi rūpaṃ hevatthi, heva natthī’’ti cātiādīni vatvā kiñcāpi paravādinā laddhi patiṭṭhāpitā, ayoniso patiṭṭhāpitattā panesā appatiṭṭhāpitāyevāti.
хзвад̇т̇игат̇ааван̣н̣анаа.
Hevatthikathāvaṇṇanā.
махааваг̇г̇о нидтид̇о.
Mahāvaggo niṭṭhito.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / 9. хзвад̇т̇игат̇аа • 9. Hevatthikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. хзвад̇т̇игат̇ааван̣н̣анаа • 9. Hevatthikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. хзвад̇т̇игат̇ааван̣н̣анаа • 9. Hevatthikathāvaṇṇanā
