Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi

    4. хум̣хун̇гасуд̇д̇ам̣

    4. Huṃhuṅkasuttaṃ

    4. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хз батамаабхисамб̣уд̣̇д̇хо. д̇зна ко бана самаязна бхаг̇аваа сад̇д̇аахам̣ згабаллан̇гзна нисинно ход̇и вимуд̇д̇исукабадисам̣взд̣̇ий. ат̇а ко бхаг̇аваа д̇асса сад̇д̇аахасса ажжаязна д̇амхаа самаад̇химхаа вудтааси.

    4. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhe paṭhamābhisambuddho. Tena kho pana samayena bhagavā sattāhaṃ ekapallaṅkena nisinno hoti vimuttisukhapaṭisaṃvedī. Atha kho bhagavā tassa sattāhassa accayena tamhā samādhimhā vuṭṭhāsi.

    ат̇а ко ан̃н̃ад̇аро хум̣хун̇гаж̇аад̇иго 1 б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко со б̣раахман̣о бхаг̇аванд̇ам̣ зд̇ад̣̇авожа – ‘‘гид̇д̇аавад̇аа ну ко, бхо г̇од̇ама, б̣раахман̣о ход̇и, гад̇амз жа бана б̣раахман̣агаран̣аа 2 д̇хаммаа’’д̇и?

    Atha kho aññataro huṃhuṅkajātiko 3 brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho so brāhmaṇo bhagavantaṃ etadavoca – ‘‘kittāvatā nu kho, bho gotama, brāhmaṇo hoti, katame ca pana brāhmaṇakaraṇā 4 dhammā’’ti?

    ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –

    Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –

    ‘‘яо б̣раахман̣о б̣аахид̇абаабад̇хаммо,

    ‘‘Yo brāhmaṇo bāhitapāpadhammo,

    нихум̣хун̇го 5 ниггасааво яад̇ад̇д̇о;

    Nihuṃhuṅko 6 nikkasāvo yatatto;

    взд̣̇анд̇аг̇уу вуусид̇аб̣рахмажарияо,

    Vedantagū vūsitabrahmacariyo,

    д̇хаммзна со б̣рахмаваад̣̇ам̣ вад̣̇зяяа;

    Dhammena so brahmavādaṃ vadeyya;

    яассуссад̣̇аа над̇т̇и гухин̃жи логз’’д̇и. жад̇уд̇т̇ам̣;

    Yassussadā natthi kuhiñci loke’’ti. catutthaṃ;




    Next: 5. б̣раахман̣асуд̇д̇ам̣ • 5. Brāhmaṇasuttaṃ




    Footnotes:
    1. хухун̇гаж̇аад̇иго (сий. сяаа. гам̣. бий.)
    2. б̣раахман̣агаарагаа (га.)
    3. huhuṅkajātiko (sī. syā. kaṃ. pī.)
    4. brāhmaṇakārakā (ka.)
    5. нихухун̇го (сий. сяаа. гам̣ бий.)
    6. nihuhuṅko (sī. syā. kaṃ pī.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 4. хум̣хун̇гасуд̇д̇аван̣н̣анаа • 4. Huṃhuṅkasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact