| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൨൧. ഏകവീസതിമവഗ്ഗോ
21. Ekavīsatimavaggo
(൨൦൩) ൪. ഇദ്ധികഥാ
(203) 4. Iddhikathā
൮൮൩. അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ആമന്താ. ‘‘നിച്ചപണ്ണാ രുക്ഖാ ഹോന്തൂ’’തി – അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ന ഹേവം വത്തബ്ബേ…പേ॰… നിച്ചപുപ്ഫാ രുക്ഖാ ഹോന്തു…പേ॰… നിച്ചഫലികാ രുക്ഖാ ഹോന്തു… നിച്ചം ജുണ്ഹം ഹോതു… നിച്ചം ഖേമം ഹോതു… നിച്ചം സുഭിക്ഖം ഹോതു… ‘‘നിച്ചം സുവത്ഥി 1 ഹോതൂ’’തി – അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ന ഹേവം വത്തബ്ബേ…പേ॰….
883. Atthi adhippāyaiddhi buddhānaṃ vā sāvakānaṃ vāti? Āmantā. ‘‘Niccapaṇṇā rukkhā hontū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe… niccapupphā rukkhā hontu…pe… niccaphalikā rukkhā hontu… niccaṃ juṇhaṃ hotu… niccaṃ khemaṃ hotu… niccaṃ subhikkhaṃ hotu… ‘‘niccaṃ suvatthi 2 hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ആമന്താ . ‘‘ഉപ്പന്നോ ഫസ്സോ മാ നിരുജ്ഝീ’’തി – അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ന ഹേവം വത്തബ്ബേ…പേ॰….
Atthi adhippāyaiddhi buddhānaṃ vā sāvakānaṃ vāti? Āmantā . ‘‘Uppanno phasso mā nirujjhī’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ഉപ്പന്നാ വേദനാ…പേ॰… സഞ്ഞാ… ചേതനാ… ചിത്തം… സദ്ധാ… വീരിയം… സതി… സമാധി…പേ॰… പഞ്ഞാ മാ നിരുജ്ഝീതി – അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ന ഹേവം വത്തബ്ബേ…പേ॰….
Uppannā vedanā…pe… saññā… cetanā… cittaṃ… saddhā… vīriyaṃ… sati… samādhi…pe… paññā mā nirujjhīti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ആമന്താ. ‘‘രൂപം നിച്ചം ഹോതൂ’’തി – അത്ഥി അധിപ്പായഇദ്ധി… വേദനാ…പേ॰… സഞ്ഞാ…പേ॰… സങ്ഖാരാ…പേ॰… ‘‘വിഞ്ഞാണം നിച്ചം ഹോതൂ’’തി – അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ന ഹേവം വത്തബ്ബേ…പേ॰….
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Rūpaṃ niccaṃ hotū’’ti – atthi adhippāyaiddhi… vedanā…pe… saññā…pe… saṅkhārā…pe… ‘‘viññāṇaṃ niccaṃ hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ആമന്താ. ‘‘ജാതിധമ്മാ സത്താ മാ ജായിംസൂ’’തി അത്ഥി…പേ॰… ‘‘ജരാധമ്മാ സത്താ മാ ജീരിംസൂ’’തി…പേ॰… ‘‘ബ്യാധിധമ്മാ സത്താ മാ ബ്യാധിയിംസൂ’’തി…പേ॰… ‘‘മരണധമ്മാ സത്താ മാ മീയിംസൂ’’തി – അത്ഥി അധിപ്പായഇദ്ധി ബുദ്ധാനം വാ സാവകാനം വാതി? ന ഹേവം വത്തബ്ബേ…പേ॰….
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Jātidhammā sattā mā jāyiṃsū’’ti atthi…pe… ‘‘jarādhammā sattā mā jīriṃsū’’ti…pe… ‘‘byādhidhammā sattā mā byādhiyiṃsū’’ti…pe… ‘‘maraṇadhammā sattā mā mīyiṃsū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
൮൮൪. ന വത്തബ്ബം – ‘‘അത്ഥി അധിപ്പായഇദ്ധി ബുദ്ധാനം വാ സാവകാനം വാ’’തി? ആമന്താ . നനു ആയസ്മാ പിലിന്ദവച്ഛോ രഞ്ഞോ മാഗധസ്സ സേനിയസ്സ ബിമ്ബിസാരസ്സ പാസാദം ‘‘സുവണ്ണ’’ന്ത്വേവ അധിമുച്ചി, സുവണ്ണോ ച പന ആസീതി 3? ആമന്താ. ഹഞ്ചി ആയസ്മാ പിലിന്ദവച്ഛോ രഞ്ഞോ മാഗധസ്സ സേനിയസ്സ ബിമ്ബിസാരസ്സ പാസാദം സുവണ്ണന്ത്വേവ അധിമുച്ചി, സുവണ്ണോ ച പന ആസി, തേന വത രേ വത്തബ്ബേ – ‘‘അത്ഥി അധിപ്പായഇദ്ധി ബുദ്ധാനം വാ സാവകാനം വാ’’തി.
884. Na vattabbaṃ – ‘‘atthi adhippāyaiddhi buddhānaṃ vā sāvakānaṃ vā’’ti? Āmantā . Nanu āyasmā pilindavaccho rañño māgadhassa seniyassa bimbisārassa pāsādaṃ ‘‘suvaṇṇa’’ntveva adhimucci, suvaṇṇo ca pana āsīti 4? Āmantā. Hañci āyasmā pilindavaccho rañño māgadhassa seniyassa bimbisārassa pāsādaṃ suvaṇṇantveva adhimucci, suvaṇṇo ca pana āsi, tena vata re vattabbe – ‘‘atthi adhippāyaiddhi buddhānaṃ vā sāvakānaṃ vā’’ti.
ഇദ്ധികഥാ നിട്ഠിതാ.
Iddhikathā niṭṭhitā.
Footnotes:
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ഇദ്ധികഥാവണ്ണനാ • 4. Iddhikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൪. ഇദ്ധികഥാവണ്ണനാ • 4. Iddhikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൪. ഇദ്ധികഥാവണ്ണനാ • 4. Iddhikathāvaṇṇanā
