| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. ид̣̇д̇хигат̇ааван̣н̣анаа
4. Iddhikathāvaṇṇanā
883-884. ид̣̇аани ид̣̇д̇хигат̇аа наама ход̇и. д̇ад̇т̇а ид̣̇д̇хи наамзсаа гад̇т̇ажи иж̇жхад̇и, гад̇т̇ажи на иж̇жхад̇и, анижжаад̣̇ийнам̣ нижжаад̣̇игаран̣з зганд̇знзва на иж̇жхад̇и. сабхааг̇асанд̇ад̇им̣ бана баривад̇д̇зд̇ваа висабхааг̇асанд̇ад̇игаран̣з ваа сабхааг̇асанд̇ад̇ивасзнзва жирад̇араббавад̇д̇анз ваа язсам̣ ад̇т̇ааяа гарияад̇и, д̇зсам̣ бун̃н̃аад̣̇ийни гааран̣аани ниссааяа гад̇т̇ажи иж̇жхад̇и, бхигкуунам̣ ад̇т̇ааяа баанийяасса саббикийраад̣̇игаран̣з вияа махаад̇хаад̇унид̇хаанз д̣̇ийбаад̣̇ийнам̣ жирасанд̇аанаббавад̇д̇анз вияа жаад̇и ид̣̇ам̣ сагасамаяз саннидтаанам̣. яам̣ бана ааяасмаа билинд̣̇аважчо ран̃н̃о баасаад̣̇ам̣ суван̣н̣анд̇взва ад̇химужжи, д̇ам̣ ниссааяа язсам̣ ‘‘ад̇т̇и ад̇хиббааяаид̣̇д̇хий’’д̇и лад̣̇д̇хи, сзяяат̇ааби анд̇хагаанам̣; д̇з санд̇хааяа ад̇т̇и ад̇хиббааяаид̣̇д̇хийд̇и бужчаа сагаваад̣̇исса. д̇ад̇т̇а ад̇хиббааяаид̣̇д̇хийд̇и ад̇хиббааяаид̣̇д̇хи, яат̇аад̇хиббааяам̣ иж̇жханаид̣̇д̇хийд̇и ад̇т̇о. ааманд̇аад̇и лад̣̇д̇химад̇д̇з тад̇ваа бадин̃н̃аа бараваад̣̇исса. ат̇а нам̣ анижжаад̣̇ийнам̣ нижжаад̣̇ид̇ааяа ануяун̃ж̇ид̇ум̣ нижжабан̣н̣аа ругкаа хонд̇ууд̇иаад̣̇имааха. сзсамзд̇т̇а уд̇д̇аанад̇т̇амзва. лад̣̇д̇хибад̇идтаабанз суван̣н̣о жа банаасийд̇и ран̃н̃о бун̃н̃уубаниссаязна ааси, на гзвалам̣ т̇зрасса ад̇хиббааязнзва. д̇асмаа асаад̇хагамзд̇анд̇и.
883-884. Idāni iddhikathā nāma hoti. Tattha iddhi nāmesā katthaci ijjhati, katthaci na ijjhati, aniccādīnaṃ niccādikaraṇe ekanteneva na ijjhati. Sabhāgasantatiṃ pana parivattetvā visabhāgasantatikaraṇe vā sabhāgasantativaseneva ciratarappavattane vā yesaṃ atthāya kariyati, tesaṃ puññādīni kāraṇāni nissāya katthaci ijjhati, bhikkhūnaṃ atthāya pānīyassa sappikhīrādikaraṇe viya mahādhātunidhāne dīpādīnaṃ cirasantānappavattane viya cāti idaṃ sakasamaye sanniṭṭhānaṃ. Yaṃ pana āyasmā pilindavaccho rañño pāsādaṃ suvaṇṇantveva adhimucci, taṃ nissāya yesaṃ ‘‘atthi adhippāyaiddhī’’ti laddhi, seyyathāpi andhakānaṃ; te sandhāya atthi adhippāyaiddhīti pucchā sakavādissa. Tattha adhippāyaiddhīti adhippāyaiddhi, yathādhippāyaṃ ijjhanaiddhīti attho. Āmantāti laddhimatte ṭhatvā paṭiññā paravādissa. Atha naṃ aniccādīnaṃ niccāditāya anuyuñjituṃ niccapaṇṇā rukkhā hontūtiādimāha. Sesamettha uttānatthameva. Laddhipatiṭṭhāpane suvaṇṇo ca panāsīti rañño puññūpanissayena āsi, na kevalaṃ therassa adhippāyeneva. Tasmā asādhakametanti.
ид̣̇д̇хигат̇ааван̣н̣анаа.
Iddhikathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (203) 4. ид̣̇д̇хигат̇аа • (203) 4. Iddhikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. ид̣̇д̇хигат̇ааван̣н̣анаа • 4. Iddhikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. ид̣̇д̇хигат̇ааван̣н̣анаа • 4. Iddhikathāvaṇṇanā
