| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[78] 8. иллисаж̇аад̇агаван̣н̣анаа
[78] 8. Illisajātakavaṇṇanā
убхо кан̃ж̇аад̇и ид̣̇ам̣ сад̇т̇аа ж̇зд̇аванз вихаранд̇о мажчарияагосияасздтим̣ аараб̣бха гат̇зси. рааж̇аг̇аханаг̇арасса гира авид̣̇уурз саггаарам̣ наама ниг̇амо ахоси, д̇ад̇т̇зго мажчарияагосияо наама сздти асийд̇игодивибхаво бадивасад̇и. со д̇ин̣аг̇г̇зна д̇злаб̣инд̣̇умад̇д̇амби нзва барзсам̣ д̣̇зд̇и, на ад̇д̇анаа барибхун̃ж̇ад̇и. ид̇и д̇асса д̇ам̣ вибхаваж̇аад̇ам̣ нзва буд̇д̇ад̣̇аараад̣̇ийнам̣, на саман̣аб̣раахман̣аанам̣ ад̇т̇ам̣ анубход̇и, рагкасабариг̇г̇ахид̇абогкаран̣ий вияа абарибхог̇ам̣ д̇идтад̇и.
Ubho khañjāti idaṃ satthā jetavane viharanto macchariyakosiyaseṭṭhiṃ ārabbha kathesi. Rājagahanagarassa kira avidūre sakkāraṃ nāma nigamo ahosi, tattheko macchariyakosiyo nāma seṭṭhi asītikoṭivibhavo paṭivasati. So tiṇaggena telabindumattampi neva paresaṃ deti, na attanā paribhuñjati. Iti tassa taṃ vibhavajātaṃ neva puttadārādīnaṃ, na samaṇabrāhmaṇānaṃ atthaṃ anubhoti, rakkhasapariggahitapokkharaṇī viya aparibhogaṃ tiṭṭhati.
сад̇т̇аа згад̣̇ивасам̣ бажжуусасамаяз махаагарун̣аасамаабад̇д̇ид̇о вудтааяа сагалалогад̇хаад̇уяам̣ б̣од̇ханзяяаб̣анд̇хавз ологзнд̇о бан̃жажад̇д̇аалийсаяож̇анамад̇т̇агз васанд̇асса д̇асса сздтино сабаж̇аабад̇игасса сод̇аабад̇д̇ипаласса убаниссаяам̣ ад̣̇д̣̇аса. д̇ад̇о буримад̣̇ивасз бана рааж̇аанам̣ убадтаад̇ум̣ рааж̇аг̇зхам̣ г̇анд̇ваа рааж̇уубадтаанам̣ гад̇ваа ааг̇ажчанд̇о згам̣ чаад̇аж̇жхад̇д̇ам̣ ж̇анабад̣̇амануссам̣ гуммаасабуурам̣ габаллабуувам̣ каад̣̇анд̇ам̣ д̣̇исваа д̇ад̇т̇а бибаасам̣ уббаад̣̇зд̇ваа ад̇д̇ано гхарам̣ г̇анд̇ваа жинд̇зси ‘‘сажаахам̣ ‘габаллабуувам̣ каад̣̇ид̇угаамомхий’д̇и вагкаами, б̣ахуу маяаа сад̣̇д̇хим̣ каад̣̇ид̇угаамаа бхависсанд̇и, звам̣ мз б̣ахууни д̇ан̣д̣уласаббимад̇хупаан̣ид̇аад̣̇ийни баригкаяам̣ г̇амиссанд̇и, на гассажи гат̇зссаамий’’д̇и д̇ан̣хам̣ ад̇хиваасзнд̇о вижарад̇и. со г̇ажчанд̇з г̇ажчанд̇з гаалз уббан̣д̣убан̣д̣угаж̇аад̇о д̇хаманисант̇ад̇аг̇ад̇д̇о ж̇аад̇о . д̇ад̇о д̇ан̣хам̣ ад̇хиваасзд̇ум̣ асаггонд̇о г̇аб̣бхам̣ бависид̇ваа ман̃жагам̣ убаг̇уухид̇ваа нибаж̇ж̇и. звам̣г̇ад̇оби д̇ханахаанибхаязна гассажи гин̃жи на гат̇зси.
Satthā ekadivasaṃ paccūsasamaye mahākaruṇāsamāpattito vuṭṭhāya sakalalokadhātuyaṃ bodhaneyyabandhave olokento pañcacattālīsayojanamatthake vasantassa tassa seṭṭhino sapajāpatikassa sotāpattiphalassa upanissayaṃ addasa. Tato purimadivase pana rājānaṃ upaṭṭhātuṃ rājagehaṃ gantvā rājūpaṭṭhānaṃ katvā āgacchanto ekaṃ chātajjhattaṃ janapadamanussaṃ kummāsapūraṃ kapallapūvaṃ khādantaṃ disvā tattha pipāsaṃ uppādetvā attano gharaṃ gantvā cintesi ‘‘sacāhaṃ ‘kapallapūvaṃ khāditukāmomhī’ti vakkhāmi, bahū mayā saddhiṃ khāditukāmā bhavissanti, evaṃ me bahūni taṇḍulasappimadhuphāṇitādīni parikkhayaṃ gamissanti, na kassaci kathessāmī’’ti taṇhaṃ adhivāsento vicarati. So gacchante gacchante kāle uppaṇḍupaṇḍukajāto dhamanisanthatagatto jāto . Tato taṇhaṃ adhivāsetuṃ asakkonto gabbhaṃ pavisitvā mañcakaṃ upagūhitvā nipajji. Evaṃgatopi dhanahānibhayena kassaci kiñci na kathesi.
ат̇а нам̣ бхарияаа убасан̇гамид̇ваа бидтим̣ баримаж̇ж̇ид̇ваа ‘‘гим̣ д̇з саами, апаасуга’’нд̇и бужчи. ‘‘на мз гин̃жи апаасугам̣ ад̇т̇ий’’д̇и. ‘‘гим̣ ну ко д̇з рааж̇аа губид̇о’’д̇и? ‘‘рааж̇ааби мз на губбад̇ий’’д̇и. ‘‘ат̇а гим̣ д̇з буд̇д̇ад̇хийд̇аахи ваа д̣̇аасагаммагараад̣̇ийхи ваа гин̃жи аманаабам̣ гад̇ам̣ ад̇т̇ий’’д̇и? ‘‘зваруубамби над̇т̇ий’’д̇и. ‘‘гисмин̃жи бана д̇з д̇ан̣хаа ад̇т̇ий’’д̇и? звам̣ вуд̇д̇зби д̇ханахаанибхаязна гин̃жи авад̇ваа ниссад̣̇д̣̇ова нибаж̇ж̇и. ат̇а нам̣ бхарияаа ‘‘гат̇зхи, саами, гисмим̣ д̇з д̇ан̣хаа’’д̇и ааха. со важанам̣ бариг̇иланд̇о вияа ‘‘ад̇т̇и мз згаа д̇ан̣хаа’’д̇и ааха. ‘‘гим̣ д̇ан̣хаа, саамий’’д̇и? ‘‘габаллабуувам̣ каад̣̇ид̇угаамомхий’’д̇и. ‘‘ат̇а гимад̇т̇ам̣ на гат̇зси, гим̣ д̇вам̣ д̣̇алид̣̇д̣̇о, ид̣̇аани сагаласаггаараниг̇амаваасийнам̣ бахонагз габаллабуувз бажиссаамий’’д̇и? ‘‘гим̣ д̇з зд̇зхи, д̇з ад̇д̇ано гаммам̣ гад̇ваа каад̣̇иссанд̇ий’’д̇и? ‘‘д̇зна хи згаражчаваасийнам̣ бахонагз бажаамий’’д̇и. ж̇аанаамахам̣ д̇ава махад̣̇д̇ханабхааванд̇и. ‘‘д̇зна хи имасмим̣ г̇зхамад̇д̇з саб̣б̣зсам̣ бахонагам̣ гад̇ваа бажаамий’’д̇и. ‘‘ж̇аанаамахам̣ д̇ава махаж̇жхаасаяабхаава’’нд̇и. ‘‘д̇зна хи д̇з буд̇д̇ад̣̇аарамад̇д̇ассзва бахонагам̣ гад̇ваа бажаамий’’д̇и. ‘‘гим̣ бана д̇з зд̇зхий’’д̇и? ‘‘д̇зна хи д̇уяхан̃жа маяхан̃жа бахонагам̣ гад̇ваа бажаамий’’д̇и. ‘‘д̇вам̣ гим̣ гариссасий’’д̇и? ‘‘д̇зна хи згассзва д̇з бахонагам̣ гад̇ваа бажаамий’’д̇и. ‘‘имасмим̣ таанз бажжамаанам̣ б̣ахуу бажжаасийсанд̇и, сагалад̇ан̣д̣улз табзд̇ваа бхиннад̇ан̣д̣улз жа уд̣̇д̇ханагабаллаад̣̇ийни жа аад̣̇ааяа т̇огам̣ кийрасаббимад̇хупаан̣ид̇ан̃жа г̇ахзд̇ваа сад̇д̇абхуумигасса баасаад̣̇асса убаримад̇алам̣ ааруяха бажа, д̇ад̇т̇аахам̣ згагова нисийд̣̇ид̇ваа каад̣̇иссаамий’’д̇и. саа ‘‘саад̇хуу’’д̇и бадиссун̣ид̇ваа г̇ахзд̇аб̣б̣ам̣ г̇аахаабзд̇ваа баасаад̣̇ам̣ ааруяха д̣̇аасияо виссаж̇ж̇зд̇ваа сздтим̣ баггосаабзси. со аад̣̇ид̇о бадтааяа д̣̇ваараани бид̣̇аханд̇о саб̣б̣ад̣̇ваарзсу суужигхадигаани д̣̇ад̇ваа сад̇д̇амад̇алам̣ абхирухид̇ваа д̇ад̇т̇аби д̣̇ваарам̣ бид̣̇ахид̇ваа нисийд̣̇и. бхарияаабисса уд̣̇д̇ханз аг̇г̇им̣ ж̇аалзд̇ваа габаллагам̣ ааробзд̇ваа буувз бажид̇ум̣ аарабхи.
Atha naṃ bhariyā upasaṅkamitvā piṭṭhiṃ parimajjitvā ‘‘kiṃ te sāmi, aphāsuka’’nti pucchi. ‘‘Na me kiñci aphāsukaṃ atthī’’ti. ‘‘Kiṃ nu kho te rājā kupito’’ti? ‘‘Rājāpi me na kuppatī’’ti. ‘‘Atha kiṃ te puttadhītāhi vā dāsakammakarādīhi vā kiñci amanāpaṃ kataṃ atthī’’ti? ‘‘Evarūpampi natthī’’ti. ‘‘Kismiñci pana te taṇhā atthī’’ti? Evaṃ vuttepi dhanahānibhayena kiñci avatvā nissaddova nipajji. Atha naṃ bhariyā ‘‘kathehi, sāmi, kismiṃ te taṇhā’’ti āha. So vacanaṃ parigilanto viya ‘‘atthi me ekā taṇhā’’ti āha. ‘‘Kiṃ taṇhā, sāmī’’ti? ‘‘Kapallapūvaṃ khāditukāmomhī’’ti. ‘‘Atha kimatthaṃ na kathesi, kiṃ tvaṃ daliddo, idāni sakalasakkāranigamavāsīnaṃ pahonake kapallapūve pacissāmī’’ti? ‘‘Kiṃ te etehi, te attano kammaṃ katvā khādissantī’’ti? ‘‘Tena hi ekaracchavāsīnaṃ pahonake pacāmī’’ti. Jānāmahaṃ tava mahaddhanabhāvanti. ‘‘Tena hi imasmiṃ gehamatte sabbesaṃ pahonakaṃ katvā pacāmī’’ti. ‘‘Jānāmahaṃ tava mahajjhāsayabhāva’’nti. ‘‘Tena hi te puttadāramattasseva pahonakaṃ katvā pacāmī’’ti. ‘‘Kiṃ pana te etehī’’ti? ‘‘Tena hi tuyhañca mayhañca pahonakaṃ katvā pacāmī’’ti. ‘‘Tvaṃ kiṃ karissasī’’ti? ‘‘Tena hi ekasseva te pahonakaṃ katvā pacāmī’’ti. ‘‘Imasmiṃ ṭhāne paccamānaṃ bahū paccāsīsanti, sakalataṇḍule ṭhapetvā bhinnataṇḍule ca uddhanakapallādīni ca ādāya thokaṃ khīrasappimadhuphāṇitañca gahetvā sattabhūmikassa pāsādassa uparimatalaṃ āruyha paca, tatthāhaṃ ekakova nisīditvā khādissāmī’’ti. Sā ‘‘sādhū’’ti paṭissuṇitvā gahetabbaṃ gāhāpetvā pāsādaṃ āruyha dāsiyo vissajjetvā seṭṭhiṃ pakkosāpesi. So ādito paṭṭhāya dvārāni pidahanto sabbadvāresu sūcighaṭikāni datvā sattamatalaṃ abhiruhitvā tatthapi dvāraṃ pidahitvā nisīdi. Bhariyāpissa uddhane aggiṃ jāletvā kapallakaṃ āropetvā pūve pacituṃ ārabhi.
ат̇а сад̇т̇аа баад̇ова махаамог̇г̇аллаанад̇т̇зрам̣ ааманд̇зси, ‘‘зсо, мог̇г̇аллаана, рааж̇аг̇аханаг̇арасса авид̣̇уурз саггаараниг̇амз мажчарияагосияасздти ‘габаллабуувз каад̣̇иссаамий’д̇и ан̃н̃зсам̣ д̣̇ассанабхаязна сад̇д̇абхуумигз баасаад̣̇з габаллабуувз бажаабзд̇и. д̇вам̣ д̇ад̇т̇а г̇анд̇ваа д̇ам̣ сздтим̣ д̣̇амзд̇ваа ниб̣б̣исзванам̣ гад̇ваа убхоби ж̇аяамбад̇игз буувз жа кийрасаббимад̇хупаан̣ид̇аад̣̇ийни жа г̇аахаабзд̇ваа ад̇д̇ано б̣алзна ж̇зд̇аванам̣ аанзхи. аж̇ж̇аахам̣ бан̃жахи бхигкусад̇зхи сад̣̇д̇хим̣ вихаарзязва нисийд̣̇иссаами, буувзхзва бхад̇д̇агижжам̣ гариссаамий’’д̇и. т̇зро ‘‘саад̇ху, бханд̇з’’д̇и сад̇т̇у важанам̣ самбадижчид̇ваа д̇аавад̣̇зва ид̣̇д̇хиб̣алзна д̇ам̣ ниг̇амам̣ г̇анд̇ваа д̇асса баасаад̣̇асса сийхабан̃ж̇арад̣̇ваарз сунивад̇т̇о субааруд̇о аагаасзязва ман̣ируубагам̣ вияа адтааси.
Atha satthā pātova mahāmoggallānattheraṃ āmantesi, ‘‘eso, moggallāna, rājagahanagarassa avidūre sakkāranigame macchariyakosiyaseṭṭhi ‘kapallapūve khādissāmī’ti aññesaṃ dassanabhayena sattabhūmike pāsāde kapallapūve pacāpeti. Tvaṃ tattha gantvā taṃ seṭṭhiṃ dametvā nibbisevanaṃ katvā ubhopi jayampatike pūve ca khīrasappimadhuphāṇitādīni ca gāhāpetvā attano balena jetavanaṃ ānehi. Ajjāhaṃ pañcahi bhikkhusatehi saddhiṃ vihāreyeva nisīdissāmi, pūveheva bhattakiccaṃ karissāmī’’ti. Thero ‘‘sādhu, bhante’’ti satthu vacanaṃ sampaṭicchitvā tāvadeva iddhibalena taṃ nigamaṃ gantvā tassa pāsādassa sīhapañjaradvāre sunivattho supāruto ākāseyeva maṇirūpakaṃ viya aṭṭhāsi.
махаасздтино т̇зрам̣ д̣̇исваава хад̣̇аяамам̣сам̣ гамби. со ‘‘ахам̣ зваруубаанан̃н̃зва бхаязна имам̣ таанам̣ ааг̇ад̇о, аяан̃жа ааг̇анд̇ваа ваад̇абаанад̣̇ваарз тид̇о’’д̇и г̇ахзд̇аб̣б̣аг̇ахан̣ам̣ абассанд̇о аг̇г̇имхи багкид̇д̇алон̣асагкараа вияа д̣̇осзна д̇адад̇адааяанд̇о звамааха ‘‘саман̣а, аагаасз тад̇ваа д̇вам̣ гим̣ лабхиссаси, аагаасз абад̣̇з бад̣̇ам̣ д̣̇ассзд̇ваа жан̇гаманд̇оби нзва лабхиссасий’’д̇и. т̇зро д̇асмим̣язва таанз абараабарам̣ жан̇гами. сздти ‘‘жан̇гаманд̇о гим̣ лабхиссаси, аагаасз баллан̇гзна нисийд̣̇амааноби на лабхиссасиязваа’’д̇и ааха. т̇зро баллан̇гам̣ аабхуж̇ид̇ваа нисийд̣̇и. ат̇а нам̣ ‘‘нисинно гим̣ лабхиссаси, ааг̇анд̇ваа ваад̇абаанауммаарз тид̇оби на лабхиссасий’’д̇и ааха. ат̇а т̇зро уммаарз адтааси. ат̇а нам̣ ‘‘уммаарз тид̇о гим̣ лабхиссаси, д̇хуумааяанд̇оби на лабхиссасиязваа’’д̇и ааха. т̇зро д̇хуумааяи, сагалабаасаад̣̇о згад̇хуумо ахоси, сздтино агкийнам̣ суужияаа виж̇жханагаало вияа ж̇аад̇о. г̇зхаж̇жхааяанабхаязна бана нам̣ ‘‘баж̇ж̇аланд̇оби на лабхиссасий’’д̇и авад̇ваа жинд̇зси ‘‘аяам̣ саман̣о судту лаг̇г̇о, алад̣̇д̇хаа на г̇амиссад̇и, згамасса буувам̣ д̣̇аабзссаамий’’д̇и бхарияам̣ ааха – ‘‘бхад̣̇д̣̇з, згам̣ куд̣̇д̣̇агабуувам̣ бажид̇ваа саман̣асса д̣̇ад̇ваа уяяож̇зхи на’’нд̇и. саа т̇оган̃н̃зва бидтам̣ габаллабаад̇ияам̣ багкиби, махаабууво худ̇ваа сагалабаад̇им̣ буурзд̇ваа уд̣̇д̇хумаад̇о адтааси.
Mahāseṭṭhino theraṃ disvāva hadayamaṃsaṃ kampi. So ‘‘ahaṃ evarūpānaññeva bhayena imaṃ ṭhānaṃ āgato, ayañca āgantvā vātapānadvāre ṭhito’’ti gahetabbagahaṇaṃ apassanto aggimhi pakkhittaloṇasakkharā viya dosena taṭataṭāyanto evamāha ‘‘samaṇa, ākāse ṭhatvā tvaṃ kiṃ labhissasi, ākāse apade padaṃ dassetvā caṅkamantopi neva labhissasī’’ti. Thero tasmiṃyeva ṭhāne aparāparaṃ caṅkami. Seṭṭhi ‘‘caṅkamanto kiṃ labhissasi, ākāse pallaṅkena nisīdamānopi na labhissasiyevā’’ti āha. Thero pallaṅkaṃ ābhujitvā nisīdi. Atha naṃ ‘‘nisinno kiṃ labhissasi, āgantvā vātapānaummāre ṭhitopi na labhissasī’’ti āha. Atha thero ummāre aṭṭhāsi. Atha naṃ ‘‘ummāre ṭhito kiṃ labhissasi, dhūmāyantopi na labhissasiyevā’’ti āha. Thero dhūmāyi, sakalapāsādo ekadhūmo ahosi, seṭṭhino akkhīnaṃ sūciyā vijjhanakālo viya jāto. Gehajjhāyanabhayena pana naṃ ‘‘pajjalantopi na labhissasī’’ti avatvā cintesi ‘‘ayaṃ samaṇo suṭṭhu laggo, aladdhā na gamissati, ekamassa pūvaṃ dāpessāmī’’ti bhariyaṃ āha – ‘‘bhadde, ekaṃ khuddakapūvaṃ pacitvā samaṇassa datvā uyyojehi na’’nti. Sā thokaññeva piṭṭhaṃ kapallapātiyaṃ pakkhipi, mahāpūvo hutvā sakalapātiṃ pūretvā uddhumāto aṭṭhāsi.
сздти д̇ам̣ д̣̇исваа ‘‘б̣аху д̇аяаа бидтам̣ г̇ахид̇ам̣ бхависсад̇ий’’д̇и саяамзва д̣̇аб̣б̣иган̣н̣зна т̇огад̇арам̣ бидтам̣ г̇ахзд̇ваа багкиби, бууво буримабуувад̇о маханд̇ад̇аро ж̇аад̇о. звам̣ яам̣ яам̣ бажад̇и, со со маханд̇амаханд̇ова ход̇и. со ниб̣б̣инно бхарияам̣ ааха ‘‘бхад̣̇д̣̇з, имасса згам̣ буувам̣ д̣̇зхий’’д̇и. д̇ассаа бажчид̇о згам̣ буувам̣ г̇ан̣ханд̇ияаа саб̣б̣з згааб̣ад̣̇д̇хаа аллийяим̣су. саа сздтим̣ ааха ‘‘саами, саб̣б̣з бууваа згад̇о лаг̇г̇аа, висум̣ гаад̇ум̣ на саггомий’’д̇и. ‘‘ахам̣ гариссаамий’’д̇и соби гаад̇ум̣ наасагки. убхо ж̇анаа годияам̣ г̇ахзд̇ваа гад̣дханд̇ааби вияож̇зд̇ум̣ наасагким̣суязва. ат̇асса буувзхи сад̣̇д̇хим̣ вааяаманд̇ассзва сарийрад̇о сзд̣̇аа мужжим̣су, бибаасаа жа бажчиж̇ж̇и. д̇ад̇о бхарияам̣ ааха ‘‘бхад̣̇д̣̇з, на мз буувзхи ад̇т̇о , бажчияаа сад̣̇д̇хим̣язва имасса бхигкусса д̣̇зхий’’д̇и. саа бажчим̣ аад̣̇ааяа т̇зрам̣ убасан̇гамид̇ваа саб̣б̣з буувз т̇зрасса ад̣̇ааси. т̇зро убхиннамби д̇хаммам̣ д̣̇зсзси, д̇ин̣н̣ам̣ рад̇анаанам̣ г̇ун̣з гат̇зси, ‘‘ад̇т̇и д̣̇иннам̣, ад̇т̇и яидта’’нд̇и д̣̇аанаад̣̇ийнам̣ палам̣ г̇аг̇анад̇алз бун̣н̣ажанд̣̇ам̣ вияа д̣̇ассзси.
Seṭṭhi taṃ disvā ‘‘bahu tayā piṭṭhaṃ gahitaṃ bhavissatī’’ti sayameva dabbikaṇṇena thokataraṃ piṭṭhaṃ gahetvā pakkhipi, pūvo purimapūvato mahantataro jāto. Evaṃ yaṃ yaṃ pacati, so so mahantamahantova hoti. So nibbinno bhariyaṃ āha ‘‘bhadde, imassa ekaṃ pūvaṃ dehī’’ti. Tassā pacchito ekaṃ pūvaṃ gaṇhantiyā sabbe ekābaddhā allīyiṃsu. Sā seṭṭhiṃ āha ‘‘sāmi, sabbe pūvā ekato laggā, visuṃ kātuṃ na sakkomī’’ti. ‘‘Ahaṃ karissāmī’’ti sopi kātuṃ nāsakkhi. Ubho janā koṭiyaṃ gahetvā kaḍḍhantāpi viyojetuṃ nāsakkhiṃsuyeva. Athassa pūvehi saddhiṃ vāyamantasseva sarīrato sedā mucciṃsu, pipāsā ca pacchijji. Tato bhariyaṃ āha ‘‘bhadde, na me pūvehi attho , pacchiyā saddhiṃyeva imassa bhikkhussa dehī’’ti. Sā pacchiṃ ādāya theraṃ upasaṅkamitvā sabbe pūve therassa adāsi. Thero ubhinnampi dhammaṃ desesi, tiṇṇaṃ ratanānaṃ guṇe kathesi, ‘‘atthi dinnaṃ, atthi yiṭṭha’’nti dānādīnaṃ phalaṃ gaganatale puṇṇacandaṃ viya dassesi.
д̇ам̣ суд̇ваа басаннажид̇д̇о сздти ‘‘бханд̇з, ааг̇анд̇ваа имасмим̣ баллан̇гз нисийд̣̇ид̇ваа буувз барибхун̃ж̇ат̇аа’’д̇и ааха. т̇зро ‘‘махаасздти, саммаасамб̣уд̣̇д̇хо ‘буувз каад̣̇иссаамий’д̇и бан̃жахи бхигкусад̇зхи сад̣̇д̇хим̣ вихаарз нисинно, д̇умхаагам̣ ружияаа сад̇и сздтибхарияам̣ буувз жа кийраад̣̇ийни жа г̇ан̣хаабзт̇а, сад̇т̇у санд̇игам̣ г̇амиссаамаа’’д̇и ааха. ‘‘гахам̣ бана, бханд̇з, зд̇арахи сад̇т̇аа’’д̇и? ‘‘ид̇о бан̃жажад̇д̇аалийсаяож̇анамад̇т̇агз ж̇зд̇аванамахаавихаарз’’д̇и. ‘‘бханд̇з, гаалам̣ анад̇иггамид̇ваа зд̇д̇агам̣ ад̣̇д̇хаанам̣ гат̇ам̣ г̇амиссаамаа’’д̇и? ‘‘махаасздти д̇умхаагам̣ ружияаа сад̇и ахам̣ во ад̇д̇ано ид̣̇д̇хиб̣алзна нзссаами, д̇умхаагам̣ баасаад̣̇з собаанасийсам̣ ад̇д̇ано таанзязва бхависсад̇и, собаанабарияосаанам̣ бана ж̇зд̇аванад̣̇ваарагодтагз бхависсад̇и, убарибаасаад̣̇аа хздтаабаасаад̣̇ам̣ од̇аран̣агааламад̇д̇зна во ж̇зд̇аванам̣ нзссаамий’’д̇и. со ‘‘саад̇ху, бханд̇з’’д̇и самбадижчи. т̇зро собаанасийсам̣ д̇ад̇т̇зва гад̇ваа ‘‘собаанабаад̣̇амуулам̣ ж̇зд̇аванад̣̇ваарагодтагз ход̇уу’’д̇и ад̇хидтааси, д̇ат̇зваахоси.
Taṃ sutvā pasannacitto seṭṭhi ‘‘bhante, āgantvā imasmiṃ pallaṅke nisīditvā pūve paribhuñjathā’’ti āha. Thero ‘‘mahāseṭṭhi, sammāsambuddho ‘pūve khādissāmī’ti pañcahi bhikkhusatehi saddhiṃ vihāre nisinno, tumhākaṃ ruciyā sati seṭṭhibhariyaṃ pūve ca khīrādīni ca gaṇhāpetha, satthu santikaṃ gamissāmā’’ti āha. ‘‘Kahaṃ pana, bhante, etarahi satthā’’ti? ‘‘Ito pañcacattālīsayojanamatthake jetavanamahāvihāre’’ti. ‘‘Bhante, kālaṃ anatikkamitvā ettakaṃ addhānaṃ kathaṃ gamissāmā’’ti? ‘‘Mahāseṭṭhi tumhākaṃ ruciyā sati ahaṃ vo attano iddhibalena nessāmi, tumhākaṃ pāsāde sopānasīsaṃ attano ṭhāneyeva bhavissati, sopānapariyosānaṃ pana jetavanadvārakoṭṭhake bhavissati, uparipāsādā heṭṭhāpāsādaṃ otaraṇakālamattena vo jetavanaṃ nessāmī’’ti. So ‘‘sādhu, bhante’’ti sampaṭicchi. Thero sopānasīsaṃ tattheva katvā ‘‘sopānapādamūlaṃ jetavanadvārakoṭṭhake hotū’’ti adhiṭṭhāsi, tathevāhosi.
ид̇и т̇зро сздтин̃жа сздтибхарияан̃жа убарибаасаад̣̇аа хздтааод̇аран̣агаалад̇о киббад̇арам̣ ж̇зд̇аванам̣ самбаабзси. д̇з убхоби сад̇т̇аарам̣ убасан̇гамид̇ваа ванд̣̇ид̇ваа гаалам̣ аарожзсум̣. сад̇т̇аа бхад̇д̇аг̇г̇ам̣ бависид̇ваа бан̃н̃ад̇д̇авараб̣уд̣̇д̇хаасанз нисийд̣̇и сад̣̇д̇хим̣ бхигкусан̇гхзна. махаасздти б̣уд̣̇д̇хаббамукасса бхигкусан̇гхасса д̣̇агкин̣од̣̇агам̣ ад̣̇ааси, сздтибхарияаа д̇ат̇ааг̇ад̇асса бад̇д̇з буувз бад̇идтаабзси. сад̇т̇аа ад̇д̇ано яаабанамад̇д̇ам̣ г̇ан̣хи, бан̃жасад̇аа бхигкууби д̇ат̇зва г̇ан̣хим̣су. сздти кийрасаббимад̇хупаан̣ид̇асагкараад̣̇ийни д̣̇ад̣̇амаано аг̇амааси. сад̇т̇аа бан̃жахи бхигкусад̇зхи сад̣̇д̇хим̣ бхад̇д̇агижжам̣ нидтаабзси. махаасздтиби сад̣̇д̇хим̣ бхарияааяа яаавад̣̇ад̇т̇ам̣ каад̣̇и, бууваанам̣ барияосаанамзва на бан̃н̃ааяад̇и, сагалавихаарз бхигкуунан̃жа вигхаасаад̣̇аанан̃жа д̣̇иннзби на барияанд̇о бан̃н̃ааяад̇и. ‘‘бханд̇з, бууваа баригкаяам̣ на г̇ажчанд̇ий’’д̇и бхаг̇авад̇о аарожзсум̣. д̇зна хи ж̇зд̇аванад̣̇ваарагодтагз чад̣д̣зт̇аад̇и. ат̇а нз д̣̇ваарагодтагасса авид̣̇уурз баб̣бхаарадтаанз чад̣д̣аяим̣су. аж̇ж̇ад̇анааби д̇ам̣ таанам̣ ‘‘габаллабуувабаб̣бхааро’’д̇взва бан̃н̃ааяад̇и. махаасздти сад̣̇д̇хим̣ бхарияааяа бхаг̇аванд̇ам̣ убасан̇гамид̇ваа згаманд̇ам̣ адтааси. бхаг̇аваа анумод̣̇анам̣ агааси. анумод̣̇анаабарияосаанз убхоби сод̇аабад̇д̇ипалз бад̇идтааяа сад̇т̇аарам̣ ванд̣̇ид̇ваа д̣̇ваарагодтагз собаанам̣ ааруяха ад̇д̇ано баасаад̣̇зязва бад̇идтахим̣су . д̇ад̇о бадтааяа махаасздти асийд̇игодид̇ханам̣ б̣уд̣̇д̇хасаасанзязва вигири.
Iti thero seṭṭhiñca seṭṭhibhariyañca uparipāsādā heṭṭhāotaraṇakālato khippataraṃ jetavanaṃ sampāpesi. Te ubhopi satthāraṃ upasaṅkamitvā vanditvā kālaṃ ārocesuṃ. Satthā bhattaggaṃ pavisitvā paññattavarabuddhāsane nisīdi saddhiṃ bhikkhusaṅghena. Mahāseṭṭhi buddhappamukhassa bhikkhusaṅghassa dakkhiṇodakaṃ adāsi, seṭṭhibhariyā tathāgatassa patte pūve patiṭṭhāpesi. Satthā attano yāpanamattaṃ gaṇhi, pañcasatā bhikkhūpi tatheva gaṇhiṃsu. Seṭṭhi khīrasappimadhuphāṇitasakkharādīni dadamāno agamāsi. Satthā pañcahi bhikkhusatehi saddhiṃ bhattakiccaṃ niṭṭhāpesi. Mahāseṭṭhipi saddhiṃ bhariyāya yāvadatthaṃ khādi, pūvānaṃ pariyosānameva na paññāyati, sakalavihāre bhikkhūnañca vighāsādānañca dinnepi na pariyanto paññāyati. ‘‘Bhante, pūvā parikkhayaṃ na gacchantī’’ti bhagavato ārocesuṃ. Tena hi jetavanadvārakoṭṭhake chaḍḍethāti. Atha ne dvārakoṭṭhakassa avidūre pabbhāraṭṭhāne chaḍḍayiṃsu. Ajjatanāpi taṃ ṭhānaṃ ‘‘kapallapūvapabbhāro’’tveva paññāyati. Mahāseṭṭhi saddhiṃ bhariyāya bhagavantaṃ upasaṅkamitvā ekamantaṃ aṭṭhāsi. Bhagavā anumodanaṃ akāsi. Anumodanāpariyosāne ubhopi sotāpattiphale patiṭṭhāya satthāraṃ vanditvā dvārakoṭṭhake sopānaṃ āruyha attano pāsādeyeva patiṭṭhahiṃsu . Tato paṭṭhāya mahāseṭṭhi asītikoṭidhanaṃ buddhasāsaneyeva vikiri.
бунад̣̇ивасз саммаасамб̣уд̣̇д̇хз саавад̇т̇ияам̣ бин̣д̣ааяа жарид̇ваа ж̇зд̇аванам̣ ааг̇амма бхигкуунам̣ суг̇ад̇оваад̣̇ам̣ д̣̇ад̇ваа г̇анд̇хагудим̣ бависид̇ваа бадисаллийнз сааяанхасамаяз д̇хаммасабхааяам̣ саннибад̇ид̇аа бхигкуу ‘‘бассат̇аавусо, махаамог̇г̇аллаанад̇т̇зрассаанубхаавам̣, анубахажжа сад̣̇д̇хам̣ анубахажжа бхог̇з мажчарияасздтим̣ мухуд̇д̇знзва д̣̇амзд̇ваа ниб̣б̣исзванам̣ гад̇ваа буувз г̇аахаабзд̇ваа ж̇зд̇аванам̣ аанзд̇ваа сад̇т̇у саммукам̣ гад̇ваа сод̇аабад̇д̇ипалз бад̇идтаабзси, ахо махаанубхааво т̇зро’’д̇и т̇зрасса г̇ун̣агат̇ам̣ гат̇знд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘бхигкавз, гулад̣̇амагзна наама бхигкунаа гулз авихзтзд̇ваа агиламзд̇ваа бубпад̇о рзн̣ум̣ г̇ан̣ханд̇зна бхамарзна вияа убасан̇гамид̇ваа б̣уд̣̇д̇хаг̇ун̣з ж̇аанаабзд̇аб̣б̣а’’нд̇и вад̇ваа т̇зрам̣ басам̣санд̇о –
Punadivase sammāsambuddhe sāvatthiyaṃ piṇḍāya caritvā jetavanaṃ āgamma bhikkhūnaṃ sugatovādaṃ datvā gandhakuṭiṃ pavisitvā paṭisallīne sāyanhasamaye dhammasabhāyaṃ sannipatitā bhikkhū ‘‘passathāvuso, mahāmoggallānattherassānubhāvaṃ, anupahacca saddhaṃ anupahacca bhoge macchariyaseṭṭhiṃ muhutteneva dametvā nibbisevanaṃ katvā pūve gāhāpetvā jetavanaṃ ānetvā satthu sammukhaṃ katvā sotāpattiphale patiṭṭhāpesi, aho mahānubhāvo thero’’ti therassa guṇakathaṃ kathentā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘bhikkhave, kuladamakena nāma bhikkhunā kule aviheṭhetvā akilametvā pupphato reṇuṃ gaṇhantena bhamarena viya upasaṅkamitvā buddhaguṇe jānāpetabba’’nti vatvā theraṃ pasaṃsanto –
‘‘яат̇ааби бхамаро бубпам̣, ван̣н̣аг̇анд̇хамахзтаяам̣;
‘‘Yathāpi bhamaro pupphaṃ, vaṇṇagandhamaheṭhayaṃ;
балзд̇и расамаад̣̇ааяа, звам̣ г̇аамз муний жарз’’д̇и. (д̇ха. ба. 49) –
Paleti rasamādāya, evaṃ gāme munī care’’ti. (dha. pa. 49) –
имам̣ д̇хаммабад̣̇з г̇аат̇ам̣ вад̇ваа уд̇д̇ариби т̇зрасса г̇ун̣ам̣ багаасзд̇ум̣ ‘‘на бхигкавз, ид̣̇аанзва мог̇г̇аллаанзна мажчарияасздти д̣̇амид̇о, буб̣б̣зби д̇ам̣ д̣̇амзд̇ваа гаммапаласамб̣анд̇хам̣ ж̇аанаабзсиязваа’’д̇и вад̇ваа ад̇ийд̇ам̣ аахари.
Imaṃ dhammapade gāthaṃ vatvā uttaripi therassa guṇaṃ pakāsetuṃ ‘‘na bhikkhave, idāneva moggallānena macchariyaseṭṭhi damito, pubbepi taṃ dametvā kammaphalasambandhaṃ jānāpesiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣аараан̣асияам̣ иллисо наама сздти ахоси асийд̇игодивибхаво бурисад̣̇осасаманнааг̇ад̇о кан̃ж̇о гун̣ий висамагкиман̣д̣ало ассад̣̇д̇хо аббасанно мажчарий, нзва ан̃н̃зсам̣ д̣̇зд̇и, на саяам̣ барибхун̃ж̇ад̇и. рагкасабариг̇г̇ахид̇абогкаран̣ий вияасса г̇зхам̣ ахоси. маад̇аабид̇аро банасса яаава сад̇д̇амаа гулабариваддаа д̣̇ааяагаа д̣̇аанабад̇ино. со сздтидтаанам̣ лабхид̇вааязва гулавам̣сам̣ наасзд̇ваа д̣̇аанасаалам̣ жхаабзд̇ваа яаажагз бот̇зд̇ваа ниггад̣дхид̇ваа д̇ханамзва сан̣таабзси.
Atīte bārāṇasiyaṃ brahmadatte rajjaṃ kārente bārāṇasiyaṃ illiso nāma seṭṭhi ahosi asītikoṭivibhavo purisadosasamannāgato khañjo kuṇī visamakkhimaṇḍalo assaddho appasanno maccharī, neva aññesaṃ deti, na sayaṃ paribhuñjati. Rakkhasapariggahitapokkharaṇī viyassa gehaṃ ahosi. Mātāpitaro panassa yāva sattamā kulaparivaṭṭā dāyakā dānapatino. So seṭṭhiṭṭhānaṃ labhitvāyeva kulavaṃsaṃ nāsetvā dānasālaṃ jhāpetvā yācake pothetvā nikkaḍḍhitvā dhanameva saṇṭhāpesi.
со згад̣̇ивасам̣ рааж̇уубадтаанам̣ г̇анд̇ваа ад̇д̇ано гхарам̣ ааг̇ажчанд̇о згам̣ маг̇г̇агиланд̇ам̣ ж̇аанабад̣̇амануссам̣, згам̣ сурааваарагам̣, аад̣̇ааяа бийтагз нисийд̣̇ид̇ваа амб̣иласурааяа госагам̣ буурзд̇ваа буурзд̇ваа бууд̇имажчагзна уд̇д̇арибхан̇г̇зна биванд̇ам̣ д̣̇исваа сурам̣ баад̇угаамо худ̇ваа жинд̇зси ‘‘сажаахам̣ сурам̣ бивиссаами, маяи биванд̇з б̣ахуу бивид̇угаамаа бхависсанд̇и, звам̣ мз д̇ханабаригкаяо бхависсад̇ий’’д̇и. со д̇ан̣хам̣ ад̇хиваасзнд̇о вижарид̇ваа г̇ажчанд̇з г̇ажчанд̇з гаалз ад̇хиваасзд̇ум̣ асаггонд̇о вихад̇агаббаасо вияа бан̣д̣усарийро ахоси д̇хамманисант̇ад̇аг̇ад̇д̇о ж̇аад̇о. ат̇згад̣̇ивасам̣ г̇аб̣бхам̣ бависид̇ваа ман̃жагам̣ убаг̇уухид̇ваа нибаж̇ж̇и. д̇амзнам̣ бхарияаа убасан̇гамид̇ваа бидтим̣ баримаж̇ж̇ид̇ваа ‘‘гим̣ д̇з, саами, апаасуга’’нд̇и бужчи. саб̣б̣ам̣ хздтаа гат̇ид̇анияаамзнзва взд̣̇ид̇аб̣б̣ам̣. ‘‘д̇зна хи згассзва д̇з бахонагам̣ сурам̣ гаромий’’д̇и бана вуд̇д̇з ‘‘г̇зхз сурааяа гаарияамаанааяа б̣ахуу бажжаасийсанд̇и, анд̇араабан̣ад̇о аахараабзд̇вааби на саггаа ид̇ха нисиннзна бивид̇у’’нд̇и маасагамад̇д̇ам̣ д̣̇ад̇ваа анд̇араабан̣ад̇о сурааваарагам̣ аахараабзд̇ваа жздагзна г̇аахаабзд̇ваа наг̇араа нигкамма над̣̇ийд̇ийрам̣ г̇анд̇ваа махаамаг̇г̇асамийбз згам̣ г̇умб̣ам̣ бависид̇ваа сурааваарагам̣ табаабзд̇ваа ‘‘г̇ажча д̇ва’’нд̇и жздагам̣ д̣̇уурз нисийд̣̇аабзд̇ваа госагам̣ буурзд̇ваа сурам̣ баад̇ум̣ аарабхи.
So ekadivasaṃ rājūpaṭṭhānaṃ gantvā attano gharaṃ āgacchanto ekaṃ maggakilantaṃ jānapadamanussaṃ, ekaṃ surāvārakaṃ, ādāya pīṭhake nisīditvā ambilasurāya kosakaṃ pūretvā pūretvā pūtimacchakena uttaribhaṅgena pivantaṃ disvā suraṃ pātukāmo hutvā cintesi ‘‘sacāhaṃ suraṃ pivissāmi, mayi pivante bahū pivitukāmā bhavissanti, evaṃ me dhanaparikkhayo bhavissatī’’ti. So taṇhaṃ adhivāsento vicaritvā gacchante gacchante kāle adhivāsetuṃ asakkonto vihatakappāso viya paṇḍusarīro ahosi dhammanisanthatagatto jāto. Athekadivasaṃ gabbhaṃ pavisitvā mañcakaṃ upagūhitvā nipajji. Tamenaṃ bhariyā upasaṅkamitvā piṭṭhiṃ parimajjitvā ‘‘kiṃ te, sāmi, aphāsuka’’nti pucchi. Sabbaṃ heṭṭhā kathitaniyāmeneva veditabbaṃ. ‘‘Tena hi ekasseva te pahonakaṃ suraṃ karomī’’ti pana vutte ‘‘gehe surāya kāriyamānāya bahū paccāsīsanti, antarāpaṇato āharāpetvāpi na sakkā idha nisinnena pivitu’’nti māsakamattaṃ datvā antarāpaṇato surāvārakaṃ āharāpetvā ceṭakena gāhāpetvā nagarā nikkhamma nadītīraṃ gantvā mahāmaggasamīpe ekaṃ gumbaṃ pavisitvā surāvārakaṃ ṭhapāpetvā ‘‘gaccha tva’’nti ceṭakaṃ dūre nisīdāpetvā kosakaṃ pūretvā suraṃ pātuṃ ārabhi.
бид̇аа банасса д̣̇аанаад̣̇ийнам̣ бун̃н̃аанам̣ гад̇ад̇д̇аа д̣̇звалогз сагго худ̇ваа ниб̣б̣ад̇д̇и. со д̇асмим̣ кан̣з ‘‘бавад̇д̇ад̇и ну ко мз д̣̇аанаг̇г̇ам̣, уд̣̇ааху но’’д̇и ааваж̇ж̇знд̇о д̇асса аббавад̇д̇им̣ н̃ад̇ваа, буд̇д̇асса гулавам̣сам̣ наасзд̇ваа д̣̇аанасаалам̣ жхаабзд̇ваа яаажагз ниггад̣дхид̇ваа мажчарияабхаавз бад̇идтааяа ‘‘ан̃н̃зсам̣ д̣̇аад̇аб̣б̣ам̣ бхависсад̇ий’’д̇и бхаязна г̇умб̣ам̣ бависид̇ваа згагассзва сурам̣ биванабхааван̃жа д̣̇исваа ‘‘г̇ажчаами, нам̣ сан̇кобхзд̇ваа д̣̇амзд̇ваа гаммапаласамб̣анд̇хам̣ ж̇аанаабзд̇ваа д̣̇аанам̣ д̣̇аабзд̇ваа д̣̇звалогз ниб̣б̣ад̇д̇анаарахам̣ гаромий’’д̇и мануссабат̇ам̣ од̇арид̇ваа иллисасздтинаа сад̣̇исам̣ кан̃ж̇ам̣ гун̣им̣ висамажагкуман̣д̣алам̣ ад̇д̇абхаавам̣ нимминид̇ваа б̣аараан̣асинаг̇арам̣ бависид̇ваа ран̃н̃о нивзсанад̣̇ваарз тад̇ваа ад̇д̇ано ааг̇ад̇абхаавам̣ аарожаабзд̇ваа ‘‘бависад̇уу’’д̇и вуд̇д̇з бависид̇ваа рааж̇аанам̣ ванд̣̇ид̇ваа адтааси. рааж̇аа ‘‘гим̣, махаасздти, авзлааяа ааг̇ад̇осий’’д̇и ааха. ‘‘аама, ааг̇ад̇омхи, д̣̇зва гхарз мз асийд̇игодимад̇д̇ам̣ д̇ханам̣ ад̇т̇и, д̇ам̣ д̣̇зво аахараабзд̇ваа ад̇д̇ано бхан̣д̣ааг̇аарам̣ буураабзд̇уу’’д̇и. ‘‘алам̣ махаасздти, д̇ава д̇ханад̇о амхаагам̣ г̇зхз б̣ахуд̇арам̣ д̇хана’’нд̇и. ‘‘сажз, д̣̇зва, д̇умхаагам̣ гаммам̣ над̇т̇и, яат̇ааружияаа д̇ханам̣ г̇ахзд̇ваа д̣̇аанам̣ д̣̇аммий’’д̇и. ‘‘д̣̇зхи, махаасздтий’’д̇и. со ‘‘саад̇ху, д̣̇зваа’’д̇и рааж̇аанам̣ ванд̣̇ид̇ваа нигкамид̇ваа иллисасздтино г̇зхам̣ аг̇амааси, саб̣б̣з убадтаагамануссаа бариваарзсум̣, згоби ‘‘нааяам̣, иллисо’’д̇и ж̇аанид̇ум̣ самад̇т̇о наама над̇т̇и.
Pitā panassa dānādīnaṃ puññānaṃ katattā devaloke sakko hutvā nibbatti. So tasmiṃ khaṇe ‘‘pavattati nu kho me dānaggaṃ, udāhu no’’ti āvajjento tassa appavattiṃ ñatvā, puttassa kulavaṃsaṃ nāsetvā dānasālaṃ jhāpetvā yācake nikkaḍḍhitvā macchariyabhāve patiṭṭhāya ‘‘aññesaṃ dātabbaṃ bhavissatī’’ti bhayena gumbaṃ pavisitvā ekakasseva suraṃ pivanabhāvañca disvā ‘‘gacchāmi, naṃ saṅkhobhetvā dametvā kammaphalasambandhaṃ jānāpetvā dānaṃ dāpetvā devaloke nibbattanārahaṃ karomī’’ti manussapathaṃ otaritvā illisaseṭṭhinā sadisaṃ khañjaṃ kuṇiṃ visamacakkhumaṇḍalaṃ attabhāvaṃ nimminitvā bārāṇasinagaraṃ pavisitvā rañño nivesanadvāre ṭhatvā attano āgatabhāvaṃ ārocāpetvā ‘‘pavisatū’’ti vutte pavisitvā rājānaṃ vanditvā aṭṭhāsi. Rājā ‘‘kiṃ, mahāseṭṭhi, avelāya āgatosī’’ti āha. ‘‘Āma, āgatomhi, deva ghare me asītikoṭimattaṃ dhanaṃ atthi, taṃ devo āharāpetvā attano bhaṇḍāgāraṃ pūrāpetū’’ti. ‘‘Alaṃ mahāseṭṭhi, tava dhanato amhākaṃ gehe bahutaraṃ dhana’’nti. ‘‘Sace, deva, tumhākaṃ kammaṃ natthi, yathāruciyā dhanaṃ gahetvā dānaṃ dammī’’ti. ‘‘Dehi, mahāseṭṭhī’’ti. So ‘‘sādhu, devā’’ti rājānaṃ vanditvā nikkhamitvā illisaseṭṭhino gehaṃ agamāsi, sabbe upaṭṭhākamanussā parivāresuṃ, ekopi ‘‘nāyaṃ, illiso’’ti jānituṃ samattho nāma natthi.
со г̇зхам̣ бависид̇ваа анд̇оуммаарз тад̇ваа д̣̇овааригам̣ баггосаабзд̇ваа ‘‘яо ан̃н̃о маяаа самаанаруубо ааг̇анд̇ваа ‘мамзд̇ам̣ г̇зха’нд̇и бависид̇ум̣ ааг̇ажчад̇и, д̇ам̣ бидтияам̣ бахарид̇ваа нийхарзяяаат̇аа’’д̇и вад̇ваа баасаад̣̇ам̣ ааруяха махаарахз аасанз нисийд̣̇ид̇ваа сздтибхарияам̣ баггосаабзд̇ваа сид̇аагаарам̣ д̣̇ассзд̇ваа ‘‘бхад̣̇д̣̇з, д̣̇аанам̣ д̣̇змаа’’д̇и ааха. д̇асса д̇ам̣ важанам̣ суд̇ваава сздтибхарияаа жа буд̇д̇ад̇хийд̇аро жа д̣̇аасагаммагараа жа ‘‘зд̇д̇агам̣ гаалам̣ д̣̇аанам̣ д̣̇аад̇ум̣ жид̇д̇амзва над̇т̇и, аж̇ж̇а бана сурам̣ бивид̇ваа муд̣̇ужид̇д̇о худ̇ваа д̣̇аад̇угаамо ж̇аад̇о бхависсад̇ий’’д̇и вад̣̇им̣су. ат̇а нам̣ сздтибхарияаа ‘‘яат̇ааружияаа д̣̇зт̇а, саамий’’д̇и ааха. д̇зна хи бхзриваад̣̇агам̣ баггосаабзд̇ваа ‘‘‘суван̣н̣араж̇ад̇аман̣имуд̇д̇аад̣̇ийхи ад̇т̇игаа иллисасздтисса гхарам̣ г̇ажчанд̇уу’нд̇и сагаланаг̇арз бхзрим̣ жараабзхий’’д̇и. саа жа д̇ат̇аа гаарзси. махааж̇ано бажчибасиб̣б̣агаад̣̇ийни г̇ахзд̇ваа г̇зхад̣̇ваарз саннибад̇и. сагго сад̇д̇арад̇анабуурз г̇аб̣бхз вивараабзд̇ваа ‘‘д̇умхаагам̣ д̣̇амми, яаавад̣̇ижчагам̣ г̇ахзд̇ваа г̇ажчат̇аа’’д̇и ааха. махааж̇ано д̇ханам̣ нийхарид̇ваа махаад̇алз раасим̣ гад̇ваа аабхад̇абхааж̇анаани буурзд̇ваа г̇ажчад̇и.
So gehaṃ pavisitvā antoummāre ṭhatvā dovārikaṃ pakkosāpetvā ‘‘yo añño mayā samānarūpo āgantvā ‘mametaṃ geha’nti pavisituṃ āgacchati, taṃ piṭṭhiyaṃ paharitvā nīhareyyāthā’’ti vatvā pāsādaṃ āruyha mahārahe āsane nisīditvā seṭṭhibhariyaṃ pakkosāpetvā sitākāraṃ dassetvā ‘‘bhadde, dānaṃ demā’’ti āha. Tassa taṃ vacanaṃ sutvāva seṭṭhibhariyā ca puttadhītaro ca dāsakammakarā ca ‘‘ettakaṃ kālaṃ dānaṃ dātuṃ cittameva natthi, ajja pana suraṃ pivitvā muducitto hutvā dātukāmo jāto bhavissatī’’ti vadiṃsu. Atha naṃ seṭṭhibhariyā ‘‘yathāruciyā detha, sāmī’’ti āha. Tena hi bherivādakaṃ pakkosāpetvā ‘‘‘suvaṇṇarajatamaṇimuttādīhi atthikā illisaseṭṭhissa gharaṃ gacchantū’nti sakalanagare bheriṃ carāpehī’’ti. Sā ca tathā kāresi. Mahājano pacchipasibbakādīni gahetvā gehadvāre sannipati. Sakko sattaratanapūre gabbhe vivarāpetvā ‘‘tumhākaṃ dammi, yāvadicchakaṃ gahetvā gacchathā’’ti āha. Mahājano dhanaṃ nīharitvā mahātale rāsiṃ katvā ābhatabhājanāni pūretvā gacchati.
ан̃н̃ад̇аро ж̇анабад̣̇амануссо иллисасздтино г̇он̣з д̇ассзва рат̇з яож̇зд̇ваа сад̇д̇ахи рад̇анзхи буурзд̇ваа наг̇араа нигкамма махаамаг̇г̇ам̣ бадибаж̇ж̇ид̇ваа д̇асса г̇умб̣асса авид̣̇уурзна рат̇ам̣ бзсзнд̇о ‘‘вассасад̇ам̣ ж̇ийва, саами, иллисасздти, д̇ам̣ ниссааяа ид̣̇аани мз яааваж̇ийвам̣ гаммам̣ агад̇ваа ж̇ийвид̇аб̣б̣ам̣ ж̇аад̇ам̣, д̇авзва рат̇о, д̇авзва г̇он̣аа, д̇авзва г̇зхз сад̇д̇а рад̇анаани, нзва маад̇араа д̣̇иннаани, на бид̇араа, д̇ам̣ ниссааяа лад̣̇д̇хаани, саамий’’д̇и сздтино г̇ун̣агат̇ам̣ гат̇знд̇о г̇ажчад̇и. со д̇ам̣ сад̣̇д̣̇ам̣ суд̇ваа бхийд̇ад̇асид̇о жинд̇зси ‘‘аяам̣ мама наамам̣ г̇ахзд̇ваа ид̣̇ан̃жид̣̇ан̃жа вад̣̇ад̇и, гажжи ну ко мама д̇ханам̣ ран̃н̃аа логасса д̣̇инна’’нд̇и г̇умб̣аа нигкамид̇ваа г̇он̣з жа рат̇ан̃жа сан̃ж̇аанид̇ваа ‘‘арз, жздага, маяхам̣ г̇он̣аа, маяхам̣ рат̇о’’д̇и вад̇ваа г̇анд̇ваа г̇он̣з наасаараж̇ж̇уяам̣ г̇ан̣хи, г̇ахабад̇иго рат̇аа оруяха ‘‘арз, д̣̇удтажздага, иллисамахаасздти сагаланаг̇арасса д̣̇аанам̣ д̣̇зд̇и, д̇вам̣ гим̣ ахосий’’д̇и багканд̣̇ид̇ваа асаним̣ баад̇знд̇о вияа канд̇хз бахарид̇ваа рат̇ам̣ аад̣̇ааяа аг̇амааси. со буна гамбамаано удтааяа бам̣сум̣ бун̃чид̇ваа бун̃чид̇ваа взг̇зна г̇анд̇ваа рат̇ам̣ г̇ан̣хи, г̇ахабад̇иго рат̇аа од̇арид̇ваа гзсзсу г̇ахзд̇ваа он̣аамзд̇ваа габбарабахаарзхи годдзд̇ваа г̇алз г̇ахзд̇ваа ааг̇ад̇амаг̇г̇аабхимукам̣ кибид̇ваа баггаами. зд̇д̇аавад̇аасса сураамад̣̇о чиж̇ж̇и. со гамбамаано взг̇зна нивзсанад̣̇ваарам̣ г̇анд̇ваа д̇ханам̣ аад̣̇ааяа г̇ажчанд̇з махааж̇анз д̣̇исваа ‘‘амбхо гим̣ наамзд̇ам̣, гим̣ рааж̇аа мама д̇ханам̣ вилумбаабзд̇ий’’д̇и д̇ам̣ д̇ам̣ г̇анд̇ваа г̇ан̣хаад̇и, г̇ахид̇аг̇ахид̇аа бахарид̇ваа баад̣̇амуулзязва баад̇знд̇и. со взд̣̇анааббад̇д̇о г̇зхам̣ бависид̇ум̣ аарабхи. д̣̇ваарабаалаа ‘‘арз, д̣̇удтаг̇ахабад̇и, гахам̣ бависасий’’д̇и вам̣сабзсигаахи бот̇зд̇ваа г̇ийвааяам̣ г̇ахзд̇ваа нийхарим̣су.
Aññataro janapadamanusso illisaseṭṭhino goṇe tasseva rathe yojetvā sattahi ratanehi pūretvā nagarā nikkhamma mahāmaggaṃ paṭipajjitvā tassa gumbassa avidūrena rathaṃ pesento ‘‘vassasataṃ jīva, sāmi, illisaseṭṭhi, taṃ nissāya idāni me yāvajīvaṃ kammaṃ akatvā jīvitabbaṃ jātaṃ, taveva ratho, taveva goṇā, taveva gehe satta ratanāni, neva mātarā dinnāni, na pitarā, taṃ nissāya laddhāni, sāmī’’ti seṭṭhino guṇakathaṃ kathento gacchati. So taṃ saddaṃ sutvā bhītatasito cintesi ‘‘ayaṃ mama nāmaṃ gahetvā idañcidañca vadati, kacci nu kho mama dhanaṃ raññā lokassa dinna’’nti gumbā nikkhamitvā goṇe ca rathañca sañjānitvā ‘‘are, ceṭaka, mayhaṃ goṇā, mayhaṃ ratho’’ti vatvā gantvā goṇe nāsārajjuyaṃ gaṇhi, gahapatiko rathā oruyha ‘‘are, duṭṭhaceṭaka, illisamahāseṭṭhi sakalanagarassa dānaṃ deti, tvaṃ kiṃ ahosī’’ti pakkhanditvā asaniṃ pātento viya khandhe paharitvā rathaṃ ādāya agamāsi. So puna kampamāno uṭṭhāya paṃsuṃ puñchitvā puñchitvā vegena gantvā rathaṃ gaṇhi, gahapatiko rathā otaritvā kesesu gahetvā oṇāmetvā kapparapahārehi koṭṭetvā gale gahetvā āgatamaggābhimukhaṃ khipitvā pakkāmi. Ettāvatāssa surāmado chijji. So kampamāno vegena nivesanadvāraṃ gantvā dhanaṃ ādāya gacchante mahājane disvā ‘‘ambho kiṃ nāmetaṃ, kiṃ rājā mama dhanaṃ vilumpāpetī’’ti taṃ taṃ gantvā gaṇhāti, gahitagahitā paharitvā pādamūleyeva pātenti. So vedanāppatto gehaṃ pavisituṃ ārabhi. Dvārapālā ‘‘are, duṭṭhagahapati, kahaṃ pavisasī’’ti vaṃsapesikāhi pothetvā gīvāyaṃ gahetvā nīhariṃsu.
со ‘‘табзд̇ваа ид̣̇аани рааж̇аанам̣ над̇т̇и мз ан̃н̃о гожи бадисаран̣о’’д̇и ран̃н̃о санд̇игам̣ г̇анд̇ваа ‘‘д̣̇зва, мама г̇зхам̣ д̇умхз вилумбаабзт̇аа’’д̇и ааха. наахам̣ сздти вилумбаабзми, нану д̇вамзва ааг̇анд̇ваа ‘‘сажз д̇умхз на г̇ан̣хат̇а, ахам̣ мама д̇ханам̣ д̣̇аанам̣ д̣̇ассаамий’’д̇и наг̇арз бхзрим̣ жараабзд̇ваа д̣̇аанам̣ ад̣̇аасийд̇и. наахам̣ , д̣̇зва, д̇умхаагам̣ санд̇игам̣ ааг̇ажчаами, гим̣ д̇умхз маяхам̣ мажчарияабхаавам̣ на ж̇аанаат̇а, ахам̣ д̇ин̣аг̇г̇зна д̇злаб̣инд̣̇умби на гассажи д̣̇зми. яо д̣̇аанам̣ д̣̇зд̇и, д̇ам̣ баггосаабзд̇ваа виймам̣сат̇а, д̣̇зваад̇и. рааж̇аа саггам̣ баггосаабзси, д̣̇виннам̣ ж̇анаанам̣ висзсам̣ нзва рааж̇аа ж̇аанаад̇и, на амажжаа. мажчарияасздти ‘‘гим̣, д̣̇зва, аяам̣ сздти, ахам̣ сздтий’’д̇и ааха. ‘‘маяам̣ на сан̃ж̇аанаама, ад̇т̇и д̇з гожи сан̃ж̇аананаго’’д̇и? ‘‘бхарияаа мз, д̣̇зваа’’д̇и. бхарияам̣ баггосаабзд̇ваа ‘‘гад̇аро д̇з саамиго’’д̇и бужчим̣су. саа ‘‘аяа’’нд̇и саггассзва санд̇игз адтааси. буд̇д̇ад̇хийд̇аро д̣̇аасагаммагарз жа баггосаабзд̇ваа бужчим̣су, саб̣б̣зби саггассзва санд̇игз д̇идтанд̇и.
So ‘‘ṭhapetvā idāni rājānaṃ natthi me añño koci paṭisaraṇo’’ti rañño santikaṃ gantvā ‘‘deva, mama gehaṃ tumhe vilumpāpethā’’ti āha. Nāhaṃ seṭṭhi vilumpāpemi, nanu tvameva āgantvā ‘‘sace tumhe na gaṇhatha, ahaṃ mama dhanaṃ dānaṃ dassāmī’’ti nagare bheriṃ carāpetvā dānaṃ adāsīti. Nāhaṃ , deva, tumhākaṃ santikaṃ āgacchāmi, kiṃ tumhe mayhaṃ macchariyabhāvaṃ na jānātha, ahaṃ tiṇaggena telabindumpi na kassaci demi. Yo dānaṃ deti, taṃ pakkosāpetvā vīmaṃsatha, devāti. Rājā sakkaṃ pakkosāpesi, dvinnaṃ janānaṃ visesaṃ neva rājā jānāti, na amaccā. Macchariyaseṭṭhi ‘‘kiṃ, deva, ayaṃ seṭṭhi, ahaṃ seṭṭhī’’ti āha. ‘‘Mayaṃ na sañjānāma, atthi te koci sañjānanako’’ti? ‘‘Bhariyā me, devā’’ti. Bhariyaṃ pakkosāpetvā ‘‘kataro te sāmiko’’ti pucchiṃsu. Sā ‘‘aya’’nti sakkasseva santike aṭṭhāsi. Puttadhītaro dāsakammakare ca pakkosāpetvā pucchiṃsu, sabbepi sakkasseva santike tiṭṭhanti.
буна сздти жинд̇зси ‘‘маяхам̣ сийсз бил̣агаа ад̇т̇и, гзсзхи бадижчаннаа, д̇ам̣ ко бана габбаго зва ж̇аанаад̇и, д̇ам̣ баггосаабзссаамий’’д̇и. со ‘‘габбаго мам̣, д̣̇зва, сан̃ж̇аанаад̇и, д̇ам̣ баггосаабзт̇аа’’д̇и ааха. д̇асмим̣ бана гаалз б̣од̇хисад̇д̇о д̇асса габбаго ахоси. рааж̇аа д̇ам̣ баггосаабзд̇ваа ‘‘иллисасздтим̣ ж̇аанаасий’’д̇и бужчи. ‘‘сийсам̣ ологзд̇ваа ж̇ааниссаами, д̣̇зваа’’д̇и. ‘‘д̇зна хи д̣̇виннамби сийсам̣ ологзхий’’д̇и. д̇асмим̣ кан̣з сагго сийсз бил̣агам̣ маабзси. б̣од̇хисад̇д̇о д̣̇виннамби сийсам̣ ологзнд̇о бил̣агаа д̣̇исваа ‘‘махаарааж̇а, д̣̇виннамби сийсз бил̣агаа ад̇т̇зва, наахам̣ зд̇зсу згассааби иллисабхаавам̣ сан̃ж̇аанид̇ум̣ саггомий’’д̇и вад̇ваа имам̣ г̇аат̇амааха –
Puna seṭṭhi cintesi ‘‘mayhaṃ sīse piḷakā atthi, kesehi paṭicchannā, taṃ kho pana kappako eva jānāti, taṃ pakkosāpessāmī’’ti. So ‘‘kappako maṃ, deva, sañjānāti, taṃ pakkosāpethā’’ti āha. Tasmiṃ pana kāle bodhisatto tassa kappako ahosi. Rājā taṃ pakkosāpetvā ‘‘illisaseṭṭhiṃ jānāsī’’ti pucchi. ‘‘Sīsaṃ oloketvā jānissāmi, devā’’ti. ‘‘Tena hi dvinnampi sīsaṃ olokehī’’ti. Tasmiṃ khaṇe sakko sīse piḷakaṃ māpesi. Bodhisatto dvinnampi sīsaṃ olokento piḷakā disvā ‘‘mahārāja, dvinnampi sīse piḷakā attheva, nāhaṃ etesu ekassāpi illisabhāvaṃ sañjānituṃ sakkomī’’ti vatvā imaṃ gāthamāha –
78.
78.
‘‘убхо кан̃ж̇аа убхо гун̣ий, убхо висамажагкугаа;
‘‘Ubho khañjā ubho kuṇī, ubho visamacakkhukā;
убхиннам̣ бил̣агаа ж̇аад̇аа, наахам̣ бассаами иллиса’’нд̇и.
Ubhinnaṃ piḷakā jātā, nāhaṃ passāmi illisa’’nti.
д̇ад̇т̇а убход̇и д̣̇взби ж̇анаа. кан̃ж̇аад̇и гун̣табаад̣̇аа. гун̣ийд̇и гун̣тахад̇т̇аа. висамажагкугаад̇и висамагкиман̣д̣алаа гзгараа. бил̣агаад̇и д̣̇виннамби згасмим̣язва сийсабад̣̇зсз згасан̣таанаава бил̣агаа ж̇аад̇аа. наахам̣ бассаамийд̇и ахам̣ ‘‘имзсу аяам̣ наама иллисо’’д̇и на бассаами, згассааби иллисабхаавам̣ на ж̇аанаамийд̇и авожа.
Tattha ubhoti dvepi janā. Khañjāti kuṇṭhapādā. Kuṇīti kuṇṭhahatthā. Visamacakkhukāti visamakkhimaṇḍalā kekarā. Piḷakāti dvinnampi ekasmiṃyeva sīsapadese ekasaṇṭhānāva piḷakā jātā. Nāhaṃ passāmīti ahaṃ ‘‘imesu ayaṃ nāma illiso’’ti na passāmi, ekassāpi illisabhāvaṃ na jānāmīti avoca.
б̣од̇хисад̇д̇асса важанам̣ суд̇ваа сздти гамбамаано д̇ханасогзна сад̇им̣ бажжубадтаабзд̇ум̣ асаггонд̇о д̇ад̇т̇зва бад̇и. д̇асмим̣ кан̣з сагго ‘‘наахам̣, махаарааж̇а , иллисо, саггохамасмий’’д̇и махад̇ияаа саггалийлааяа аагаасз адтааси. иллисасса мукам̣ бун̃чид̇ваа уд̣̇агзна син̃жим̣су, со удтааяа саггам̣ д̣̇зварааж̇аанам̣ ванд̣̇ид̇ваа адтааси. ат̇а нам̣ сагго ааха ‘‘иллиса, ид̣̇ам̣ д̇ханам̣ мама санд̇агам̣, на д̇ава. ахан̃хи д̇з бид̇аа, д̇вам̣ мама буд̇д̇о. ахам̣ д̣̇аанаад̣̇ийни бун̃н̃аани гад̇ваа саггад̇д̇ам̣ бад̇д̇о, д̇вам̣ бана мз вам̣сам̣ убажчинд̣̇ид̇ваа ад̣̇аанасийло худ̇ваа мажчарияз бад̇идтааяа д̣̇аанасаалааяо жхаабзд̇ваа яаажагз ниггад̣дхид̇ваа д̇ханамзва сан̣таабзси. д̇ам̣ нзва д̇вам̣ барибхун̃ж̇аси, на ан̃н̃зсам̣ д̣̇зси, рагкасабариг̇г̇ахид̇ам̣ вияа д̇идтад̇и. сажз мз д̣̇аанасаалаа баагад̇игаа гад̇ваа д̣̇аанам̣ д̣̇ассаси, ижжзд̇ам̣ гусалам̣. но жз д̣̇ассаси, саб̣б̣ам̣ д̇з д̇ханам̣ анд̇арад̇хаабзд̇ваа иминаа инд̣̇аваж̇ирзна д̇з сийсам̣ чинд̣̇ид̇ваа ж̇ийвид̇агкаяам̣ баабзссаамий’’д̇и. иллисасздти маран̣абхаязна санд̇аж̇ж̇ид̇о ‘‘ид̇о бадтааяа д̣̇аанам̣ д̣̇ассаамий’’д̇и бадин̃н̃ам̣ ад̣̇ааси. сагго д̇асса бадин̃н̃ам̣ г̇ахзд̇ваа аагаасз нисиннова д̇хаммам̣ д̣̇зсзд̇ваа д̇ам̣ сийлзсу бад̇идтаабзд̇ваа сагадтаанамзва аг̇амааси. иллисоби д̣̇аанаад̣̇ийни бун̃н̃аани гад̇ваа саг̇г̇абарааяан̣о ахоси.
Bodhisattassa vacanaṃ sutvā seṭṭhi kampamāno dhanasokena satiṃ paccupaṭṭhāpetuṃ asakkonto tattheva pati. Tasmiṃ khaṇe sakko ‘‘nāhaṃ, mahārāja , illiso, sakkohamasmī’’ti mahatiyā sakkalīlāya ākāse aṭṭhāsi. Illisassa mukhaṃ puñchitvā udakena siñciṃsu, so uṭṭhāya sakkaṃ devarājānaṃ vanditvā aṭṭhāsi. Atha naṃ sakko āha ‘‘illisa, idaṃ dhanaṃ mama santakaṃ, na tava. Ahañhi te pitā, tvaṃ mama putto. Ahaṃ dānādīni puññāni katvā sakkattaṃ patto, tvaṃ pana me vaṃsaṃ upacchinditvā adānasīlo hutvā macchariye patiṭṭhāya dānasālāyo jhāpetvā yācake nikkaḍḍhitvā dhanameva saṇṭhāpesi. Taṃ neva tvaṃ paribhuñjasi, na aññesaṃ desi, rakkhasapariggahitaṃ viya tiṭṭhati. Sace me dānasālā pākatikā katvā dānaṃ dassasi, iccetaṃ kusalaṃ. No ce dassasi, sabbaṃ te dhanaṃ antaradhāpetvā iminā indavajirena te sīsaṃ chinditvā jīvitakkhayaṃ pāpessāmī’’ti. Illisaseṭṭhi maraṇabhayena santajjito ‘‘ito paṭṭhāya dānaṃ dassāmī’’ti paṭiññaṃ adāsi. Sakko tassa paṭiññaṃ gahetvā ākāse nisinnova dhammaṃ desetvā taṃ sīlesu patiṭṭhāpetvā sakaṭṭhānameva agamāsi. Illisopi dānādīni puññāni katvā saggaparāyaṇo ahosi.
сад̇т̇аа ‘‘на, бхигкавз, ид̣̇аанзва мог̇г̇аллаано мажчарияасздтим̣ д̣̇амзд̇и, буб̣б̣збзса иминаа д̣̇амид̇оязваа’’д̇и вад̇ваа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа иллисо мажчарияасздти ахоси, сагго д̣̇зварааж̇аа махаамог̇г̇аллаано, рааж̇аа аананд̣̇о, габбаго бана ахамзва ахоси’’нд̇и.
Satthā ‘‘na, bhikkhave, idāneva moggallāno macchariyaseṭṭhiṃ dameti, pubbepesa iminā damitoyevā’’ti vatvā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā illiso macchariyaseṭṭhi ahosi, sakko devarājā mahāmoggallāno, rājā ānando, kappako pana ahameva ahosi’’nti.
иллисаж̇аад̇агаван̣н̣анаа адтамаа.
Illisajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 78. иллисаж̇аад̇агам̣ • 78. Illisajātakaṃ
