| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. ин̣асуд̇д̇ам̣
3. Iṇasuttaṃ
45. ‘‘д̣̇аалид̣̇д̣̇ияам̣ 1, бхигкавз, д̣̇угкам̣ логасмим̣ гаамабхог̇ино’’д̇и? ‘‘звам̣, бханд̇з’’. ‘‘яамби, бхигкавз, д̣̇алид̣̇д̣̇о 2 ассаго анаал̣хиго 3 ин̣ам̣ аад̣̇ияад̇и, ин̣аад̣̇аанамби, бхигкавз, д̣̇угкам̣ логасмим̣ гаамабхог̇ино’’д̇и? ‘‘звам̣, бханд̇з’’. ‘‘яамби, бхигкавз, д̣̇алид̣̇д̣̇о ассаго анаал̣хиго ин̣ам̣ аад̣̇ияид̇ваа вад̣дхим̣ бадиссун̣аад̇и, вад̣дхиби, бхигкавз, д̣̇угкаа логасмим̣ гаамабхог̇ино’’д̇и? ‘‘звам̣, бханд̇з’’. ‘‘яамби, бхигкавз, д̣̇алид̣̇д̣̇о ассаго анаал̣хиго вад̣дхим̣ бадиссун̣ид̇ваа гаалаабхад̇ам̣ 4 вад̣дхим̣ на д̣̇зд̇и, жод̣̇знд̇иби нам̣; жод̣̇анааби, бхигкавз, д̣̇угкаа логасмим̣ гаамабхог̇ино’’д̇и? ‘‘звам̣, бханд̇з’’. ‘‘яамби, бхигкавз, д̣̇алид̣̇д̣̇о ассаго анаал̣хиго жод̣̇ияамаано на д̣̇зд̇и, анужаранд̇иби нам̣; анужарияааби, бхигкавз, д̣̇угкаа логасмим̣ гаамабхог̇ино’’д̇и? ‘‘звам̣, бханд̇з’’. ‘‘яамби, бхигкавз, д̣̇алид̣̇д̣̇о ассаго анаал̣хиго анужарияамаано на д̣̇зд̇и, б̣анд̇ханд̇иби нам̣; б̣анд̇ханамби, бхигкавз, д̣̇угкам̣ логасмим̣ гаамабхог̇ино’’д̇и? ‘‘звам̣, бханд̇з’’.
45. ‘‘Dāliddiyaṃ 5, bhikkhave, dukkhaṃ lokasmiṃ kāmabhogino’’ti? ‘‘Evaṃ, bhante’’. ‘‘Yampi, bhikkhave, daliddo 6 assako anāḷhiko 7 iṇaṃ ādiyati, iṇādānampi, bhikkhave, dukkhaṃ lokasmiṃ kāmabhogino’’ti? ‘‘Evaṃ, bhante’’. ‘‘Yampi, bhikkhave, daliddo assako anāḷhiko iṇaṃ ādiyitvā vaḍḍhiṃ paṭissuṇāti, vaḍḍhipi, bhikkhave, dukkhā lokasmiṃ kāmabhogino’’ti? ‘‘Evaṃ, bhante’’. ‘‘Yampi, bhikkhave, daliddo assako anāḷhiko vaḍḍhiṃ paṭissuṇitvā kālābhataṃ 8 vaḍḍhiṃ na deti, codentipi naṃ; codanāpi, bhikkhave, dukkhā lokasmiṃ kāmabhogino’’ti? ‘‘Evaṃ, bhante’’. ‘‘Yampi, bhikkhave, daliddo assako anāḷhiko codiyamāno na deti, anucarantipi naṃ; anucariyāpi, bhikkhave, dukkhā lokasmiṃ kāmabhogino’’ti? ‘‘Evaṃ, bhante’’. ‘‘Yampi, bhikkhave, daliddo assako anāḷhiko anucariyamāno na deti, bandhantipi naṃ; bandhanampi, bhikkhave, dukkhaṃ lokasmiṃ kāmabhogino’’ti? ‘‘Evaṃ, bhante’’.
‘‘ид̇и ко, бхигкавз, д̣̇аалид̣̇д̣̇ияамби д̣̇угкам̣ логасмим̣ гаамабхог̇ино, ин̣аад̣̇аанамби д̣̇угкам̣ логасмим̣ гаамабхог̇ино, вад̣дхиби д̣̇угкаа логасмим̣ гаамабхог̇ино, жод̣̇анааби д̣̇угкаа логасмим̣ гаамабхог̇ино, анужарияааби д̣̇угкаа логасмим̣ гаамабхог̇ино, б̣анд̇ханамби д̣̇угкам̣ логасмим̣ гаамабхог̇ино; звамзвам̣ ко, бхигкавз , яасса гассажи сад̣̇д̇хаа над̇т̇и гусалзсу д̇хаммзсу, хирий над̇т̇и гусалзсу д̇хаммзсу, од̇д̇аббам̣ над̇т̇и гусалзсу д̇хаммзсу, вийрияам̣ над̇т̇и гусалзсу д̇хаммзсу, бан̃н̃аа над̇т̇и гусалзсу д̇хаммзсу – аяам̣ вужжад̇и, бхигкавз, арияасса винаяз д̣̇алид̣̇д̣̇о ассаго анаал̣хиго.
‘‘Iti kho, bhikkhave, dāliddiyampi dukkhaṃ lokasmiṃ kāmabhogino, iṇādānampi dukkhaṃ lokasmiṃ kāmabhogino, vaḍḍhipi dukkhā lokasmiṃ kāmabhogino, codanāpi dukkhā lokasmiṃ kāmabhogino, anucariyāpi dukkhā lokasmiṃ kāmabhogino, bandhanampi dukkhaṃ lokasmiṃ kāmabhogino; evamevaṃ kho, bhikkhave , yassa kassaci saddhā natthi kusalesu dhammesu, hirī natthi kusalesu dhammesu, ottappaṃ natthi kusalesu dhammesu, vīriyaṃ natthi kusalesu dhammesu, paññā natthi kusalesu dhammesu – ayaṃ vuccati, bhikkhave, ariyassa vinaye daliddo assako anāḷhiko.
‘‘са ко со, бхигкавз, д̣̇алид̣̇д̣̇о ассаго анаал̣хиго сад̣̇д̇хааяа асад̇и гусалзсу д̇хаммзсу, хирияаа асад̇и гусалзсу д̇хаммзсу, од̇д̇аббз асад̇и гусалзсу д̇хаммзсу, вийрияз асад̇и гусалзсу д̇хаммзсу, бан̃н̃ааяа асад̇и гусалзсу д̇хаммзсу, гааязна д̣̇ужжарид̇ам̣ жарад̇и, ваажааяа д̣̇ужжарид̇ам̣ жарад̇и, манасаа д̣̇ужжарид̇ам̣ жарад̇и. ид̣̇амасса ин̣аад̣̇аанасмим̣ вад̣̇аами.
‘‘Sa kho so, bhikkhave, daliddo assako anāḷhiko saddhāya asati kusalesu dhammesu, hiriyā asati kusalesu dhammesu, ottappe asati kusalesu dhammesu, vīriye asati kusalesu dhammesu, paññāya asati kusalesu dhammesu, kāyena duccaritaṃ carati, vācāya duccaritaṃ carati, manasā duccaritaṃ carati. Idamassa iṇādānasmiṃ vadāmi.
‘‘со д̇асса гааяад̣̇ужжарид̇асса бадижчаад̣̇анахзд̇у баабигам̣ ижчам̣ бан̣ид̣̇ахад̇и 9. ‘маа мам̣ ж̇ан̃н̃уу’д̇и ижчад̇и, ‘маа мам̣ ж̇ан̃н̃уу’д̇и сан̇габбад̇и , ‘маа мам̣ ж̇ан̃н̃уу’д̇и ваажам̣ бхаасад̇и, ‘маа мам̣ ж̇ан̃н̃уу’д̇и гааязна бараггамад̇и. со д̇асса важийд̣̇ужжарид̇асса бадижчаад̣̇анахзд̇у…бз… со д̇асса манод̣̇ужжарид̇асса бадижчаад̣̇анахзд̇у…бз… ‘маа мам̣ ж̇ан̃н̃уу’д̇и гааязна бараггамад̇и. ид̣̇амасса вад̣дхияаа вад̣̇аами.
‘‘So tassa kāyaduccaritassa paṭicchādanahetu pāpikaṃ icchaṃ paṇidahati 10. ‘Mā maṃ jaññū’ti icchati, ‘mā maṃ jaññū’ti saṅkappati , ‘mā maṃ jaññū’ti vācaṃ bhāsati, ‘mā maṃ jaññū’ti kāyena parakkamati. So tassa vacīduccaritassa paṭicchādanahetu…pe… so tassa manoduccaritassa paṭicchādanahetu…pe… ‘mā maṃ jaññū’ti kāyena parakkamati. Idamassa vaḍḍhiyā vadāmi.
‘‘д̇амзнам̣ бзсалаа саб̣рахмажаарий звамаахам̣су – ‘аяан̃жа со ааяасмаа звам̣гаарий звам̣самаажааро’д̇и. ид̣̇амасса жод̣̇анааяа вад̣̇аами.
‘‘Tamenaṃ pesalā sabrahmacārī evamāhaṃsu – ‘ayañca so āyasmā evaṃkārī evaṃsamācāro’ti. Idamassa codanāya vadāmi.
‘‘д̇амзнам̣ аран̃н̃аг̇ад̇ам̣ ваа ругкамуулаг̇ад̇ам̣ ваа сун̃н̃ааг̇аараг̇ад̇ам̣ ваа виббадисаарасахаг̇ад̇аа баабагаа агусалавид̇аггаа самуд̣̇аажаранд̇и. ид̣̇амасса анужарияааяа вад̣̇аами.
‘‘Tamenaṃ araññagataṃ vā rukkhamūlagataṃ vā suññāgāragataṃ vā vippaṭisārasahagatā pāpakā akusalavitakkā samudācaranti. Idamassa anucariyāya vadāmi.
‘‘са ко со, бхигкавз, д̣̇алид̣̇д̣̇о ассаго анаал̣хиго гааязна д̣̇ужжарид̇ам̣ жарид̇ваа ваажааяа д̣̇ужжарид̇ам̣ жарид̇ваа манасаа д̣̇ужжарид̇ам̣ жарид̇ваа гааяасса бхзд̣̇аа барам̣ маран̣аа нираяаб̣анд̇ханз ваа б̣аж̇жхад̇и д̇иражчаанаяониб̣анд̇ханз ваа. наахам̣, бхигкавз, ан̃н̃ам̣ згаб̣анд̇ханамби саманубассаами звам̣д̣̇аарун̣ам̣ звам̣гадугам̣ 11 звам̣анд̇арааяагарам̣ ануд̇д̇арасса яог̇агкзмасса ад̇хиг̇амааяа, яат̇аяид̣̇ам̣, бхигкавз, нираяаб̣анд̇ханам̣ ваа д̇иражчаанаяониб̣анд̇ханам̣ ваа’’д̇и.
‘‘Sa kho so, bhikkhave, daliddo assako anāḷhiko kāyena duccaritaṃ caritvā vācāya duccaritaṃ caritvā manasā duccaritaṃ caritvā kāyassa bhedā paraṃ maraṇā nirayabandhane vā bajjhati tiracchānayonibandhane vā. Nāhaṃ, bhikkhave, aññaṃ ekabandhanampi samanupassāmi evaṃdāruṇaṃ evaṃkaṭukaṃ 12 evaṃantarāyakaraṃ anuttarassa yogakkhemassa adhigamāya, yathayidaṃ, bhikkhave, nirayabandhanaṃ vā tiracchānayonibandhanaṃ vā’’ti.
‘‘д̣̇аалид̣̇д̣̇ияам̣ д̣̇угкам̣ логз, ин̣аад̣̇аанан̃жа вужжад̇и;
‘‘Dāliddiyaṃ dukkhaṃ loke, iṇādānañca vuccati;
д̣̇алид̣̇д̣̇о ин̣амаад̣̇ааяа, бхун̃ж̇амаано вихан̃н̃ад̇и.
Daliddo iṇamādāya, bhuñjamāno vihaññati.
‘‘д̇ад̇о анужаранд̇и нам̣, б̣анд̇ханамби ниг̇ажчад̇и;
‘‘Tato anucaranti naṃ, bandhanampi nigacchati;
зд̇ан̃хи б̣анд̇ханам̣ д̣̇угкам̣, гаамалаабхаабхиж̇аббинам̣.
Etañhi bandhanaṃ dukkhaṃ, kāmalābhābhijappinaṃ.
‘‘д̇ат̇зва арияавинаяз, сад̣̇д̇хаа яасса на виж̇ж̇ад̇и;
‘‘Tatheva ariyavinaye, saddhā yassa na vijjati;
ахирийго анод̇д̇аббий, баабагаммавиниб̣б̣аяо.
Ahirīko anottappī, pāpakammavinibbayo.
‘‘гааяад̣̇ужжарид̇ам̣ гад̇ваа, важийд̣̇ужжарид̇аани жа;
‘‘Kāyaduccaritaṃ katvā, vacīduccaritāni ca;
манод̣̇ужжарид̇ам̣ гад̇ваа, ‘маа мам̣ ж̇ан̃н̃уу’д̇и ижчад̇и.
Manoduccaritaṃ katvā, ‘mā maṃ jaññū’ti icchati.
‘‘со сам̣саббад̇и 13 гааязна, ваажааяа уд̣̇а жзд̇асаа;
‘‘So saṃsappati 14 kāyena, vācāya uda cetasā;
баабагаммам̣ бавад̣дхзнд̇о, д̇ад̇т̇а д̇ад̇т̇а бунаббунам̣.
Pāpakammaṃ pavaḍḍhento, tattha tattha punappunaṃ.
‘‘со баабагаммо д̣̇уммзд̇хо, ж̇аанам̣ д̣̇уггадамад̇д̇ано;
‘‘So pāpakammo dummedho, jānaṃ dukkaṭamattano;
д̣̇алид̣̇д̣̇о ин̣амаад̣̇ааяа, бхун̃ж̇амаано вихан̃н̃ад̇и.
Daliddo iṇamādāya, bhuñjamāno vihaññati.
‘‘д̇ад̇о анужаранд̇и нам̣, сан̇габбаа маанасаа д̣̇укаа;
‘‘Tato anucaranti naṃ, saṅkappā mānasā dukhā;
г̇аамз ваа яад̣̇и вааран̃н̃з, яасса виббадисаараж̇аа.
Gāme vā yadi vāraññe, yassa vippaṭisārajā.
‘‘со баабагаммо д̣̇уммзд̇хо, ж̇аанам̣ д̣̇уггадамад̇д̇ано;
‘‘So pāpakammo dummedho, jānaṃ dukkaṭamattano;
яониман̃н̃ад̇арам̣ г̇анд̇ваа, нираяз вааби б̣аж̇жхад̇и.
Yonimaññataraṃ gantvā, niraye vāpi bajjhati.
‘‘зд̇ан̃хи б̣анд̇ханам̣ д̣̇угкам̣, яамхаа д̇хийро бамужжад̇и;
‘‘Etañhi bandhanaṃ dukkhaṃ, yamhā dhīro pamuccati;
д̇хаммалад̣̇д̇хзхи бхог̇зхи, д̣̇ад̣̇ам̣ жид̇д̇ам̣ басаад̣̇аяам̣.
Dhammaladdhehi bhogehi, dadaṃ cittaṃ pasādayaṃ.
‘‘убхаяад̇т̇а гадаг̇г̇аахо, сад̣̇д̇хасса гхарамзсино;
‘‘Ubhayattha kaṭaggāho, saddhassa gharamesino;
д̣̇идтад̇хаммахид̇ад̇т̇ааяа, самбарааяасукааяа жа;
Diṭṭhadhammahitatthāya, samparāyasukhāya ca;
звамзд̇ам̣ г̇ахадтаанам̣, жааг̇о бун̃н̃ам̣ бавад̣дхад̇и.
Evametaṃ gahaṭṭhānaṃ, cāgo puññaṃ pavaḍḍhati.
‘‘д̇ат̇зва арияавинаяз, сад̣̇д̇хаа яасса бад̇идтид̇аа;
‘‘Tatheva ariyavinaye, saddhā yassa patiṭṭhitā;
хириймано жа од̇д̇аббий, бан̃н̃аваа сийласам̣вуд̇о.
Hirīmano ca ottappī, paññavā sīlasaṃvuto.
‘‘зсо ко арияавинаяз, ‘сукаж̇ийвий’д̇и вужжад̇и;
‘‘Eso kho ariyavinaye, ‘sukhajīvī’ti vuccati;
нираамисам̣ сукам̣ лад̣̇д̇хаа, убзгкам̣ ад̇хид̇идтад̇и.
Nirāmisaṃ sukhaṃ laddhā, upekkhaṃ adhitiṭṭhati.
‘‘бан̃жа нийваран̣з хид̇ваа, нижжам̣ аарад̣̇д̇хавийрияо;
‘‘Pañca nīvaraṇe hitvā, niccaṃ āraddhavīriyo;
жхаанаани убасамбаж̇ж̇а, згод̣̇и нибаго сад̇о.
Jhānāni upasampajja, ekodi nipako sato.
‘‘звам̣ н̃ад̇ваа яат̇аабхууд̇ам̣, саб̣б̣асам̣яож̇анагкаяз;
‘‘Evaṃ ñatvā yathābhūtaṃ, sabbasaṃyojanakkhaye;
саб̣б̣асо анубаад̣̇ааяа, саммаа жид̇д̇ам̣ вимужжад̇и.
Sabbaso anupādāya, sammā cittaṃ vimuccati.
‘‘д̇асса саммаа вимуд̇д̇асса, н̃аан̣ам̣ жз ход̇и д̇аад̣̇ино;
‘‘Tassa sammā vimuttassa, ñāṇaṃ ce hoti tādino;
‘агуббаа мз вимуд̇д̇ий’д̇и, бхавасам̣яож̇анагкаяз.
‘Akuppā me vimuttī’ti, bhavasaṃyojanakkhaye.
‘‘зд̇ам̣ ко барамам̣ н̃аан̣ам̣, зд̇ам̣ сукамануд̇д̇арам̣;
‘‘Etaṃ kho paramaṃ ñāṇaṃ, etaṃ sukhamanuttaraṃ;
асогам̣ вираж̇ам̣ кзмам̣, зд̇ам̣ аанан̣яамуд̇д̇ама’’нд̇и. д̇ад̇ияам̣;
Asokaṃ virajaṃ khemaṃ, etaṃ ānaṇyamuttama’’nti. tatiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. ин̣асуд̇д̇аван̣н̣анаа • 3. Iṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-6. ин̣асуд̇д̇аад̣̇иван̣н̣анаа • 3-6. Iṇasuttādivaṇṇanā
