| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. яагкасам̣яуд̇д̇ам̣
10. Yakkhasaṃyuttaṃ
1. инд̣̇агасуд̇д̇аван̣н̣анаа
1. Indakasuttavaṇṇanā
235. яагкасам̣яуд̇д̇асса батамз инд̣̇агассаад̇и инд̣̇агууданиваасино яагкасса. яагкад̇о хи гуудзна, гуудад̇о жа яагкзна наамам̣ лад̣̇д̇хам̣. руубам̣ на ж̇ийванд̇и вад̣̇анд̇ийд̇и яад̣̇и б̣уд̣̇д̇хаа руубам̣ ж̇ийванд̇и на вад̣̇анд̇и, яад̣̇и руубам̣ сад̇д̇о буг̇г̇алод̇и звам̣ на вад̣̇анд̇ийд̇и ад̇т̇о. гат̇ам̣ нваяанд̇и гат̇ам̣ ну аяам̣? гуд̇асса адтийяагабин̣д̣амзд̇ийд̇и асса сад̇д̇асса адтияагабин̣д̣ан̃жа гуд̇о ааг̇ажчад̇и? зд̇т̇а жа адтиг̇г̇ахан̣зна д̇ийн̣и адтисад̇аани, яагабин̣д̣аг̇г̇ахан̣зна нава мам̣сабзсисад̇аани г̇ахид̇аани. яад̣̇и руубам̣ на ж̇ийво, ат̇асса имаани жа адтийни имаа жа мам̣сабзсияо гуд̇о ааг̇ажчанд̇ийд̇и бужчад̇и. гат̇ам̣ нваяам̣ саж̇ж̇ад̇и г̇аб̣бхарасминд̇и гзна ну гааран̣зна аяам̣ сад̇д̇о маад̇угужчисмим̣ саж̇ж̇ад̇и лаг̇г̇ад̇и, д̇идтад̇ийд̇и? буг̇г̇алаваад̣̇ий гирзса яагко, ‘‘згаббахаарзнзва сад̇д̇о маад̇угужчисмим̣ ниб̣б̣ад̇д̇ад̇ий’’д̇и г̇ахзд̇ваа г̇аб̣бхасзяяагасад̇д̇асса маад̇аа мажчамам̣саад̣̇ийни каад̣̇ад̇и, саб̣б̣аани згарад̇д̇иваасзна бажид̇ваа пзн̣ам̣ вияа вилийяанд̇и. яад̣̇и руубам̣ сад̇д̇о на бхавзяяа, звамзва вилийязяяаад̇и лад̣̇д̇хияаа звамааха. ат̇асса бхаг̇аваа – ‘‘на маад̇угужчисмим̣ згаббахаарзнзва ниб̣б̣ад̇д̇ад̇и, анубуб̣б̣зна бана вад̣дхад̇ий’’д̇и д̣̇ассзнд̇о батамам̣ галалам̣ ход̇ийд̇иаад̣̇имааха. д̇ад̇т̇а батаманд̇и батамзна бадисанд̇хивин̃н̃аан̣зна сад̣̇д̇хим̣ д̇иссод̇и ваа пуссод̇и ваа наамам̣ над̇т̇и, ат̇а ко д̇ийхи ж̇аад̇иун̣н̣ам̣суухи гад̇асуд̇д̇аг̇г̇з сан̣тид̇ад̇злаб̣инд̣̇уббамаан̣ам̣ галалам̣ ход̇и, яам̣ санд̇хааяа вуд̇д̇ам̣ –
235. Yakkhasaṃyuttassa paṭhame indakassāti indakūṭanivāsino yakkhassa. Yakkhato hi kūṭena, kūṭato ca yakkhena nāmaṃ laddhaṃ. Rūpaṃ na jīvanti vadantīti yadi buddhā rūpaṃ jīvanti na vadanti, yadi rūpaṃ satto puggaloti evaṃ na vadantīti attho. Kathaṃ nvayanti kathaṃ nu ayaṃ? Kutassa aṭṭhīyakapiṇḍametīti assa sattassa aṭṭhiyakapiṇḍañca kuto āgacchati? Ettha ca aṭṭhiggahaṇena tīṇi aṭṭhisatāni, yakapiṇḍaggahaṇena nava maṃsapesisatāni gahitāni. Yadi rūpaṃ na jīvo, athassa imāni ca aṭṭhīni imā ca maṃsapesiyo kuto āgacchantīti pucchati. Kathaṃ nvayaṃ sajjati gabbharasminti kena nu kāraṇena ayaṃ satto mātukucchismiṃ sajjati laggati, tiṭṭhatīti? Puggalavādī kiresa yakkho, ‘‘ekappahāreneva satto mātukucchismiṃ nibbattatī’’ti gahetvā gabbhaseyyakasattassa mātā macchamaṃsādīni khādati, sabbāni ekarattivāsena pacitvā pheṇaṃ viya vilīyanti. Yadi rūpaṃ satto na bhaveyya, evameva vilīyeyyāti laddhiyā evamāha. Athassa bhagavā – ‘‘na mātukucchismiṃ ekappahāreneva nibbattati, anupubbena pana vaḍḍhatī’’ti dassento paṭhamaṃ kalalaṃ hotītiādimāha. Tattha paṭhamanti paṭhamena paṭisandhiviññāṇena saddhiṃ tissoti vā phussoti vā nāmaṃ natthi, atha kho tīhi jātiuṇṇaṃsūhi katasuttagge saṇṭhitatelabinduppamāṇaṃ kalalaṃ hoti, yaṃ sandhāya vuttaṃ –
‘‘д̇илад̇зласса яат̇аа б̣инд̣̇у, саббиман̣д̣о анаавило;
‘‘Tilatelassa yathā bindu, sappimaṇḍo anāvilo;
звам̣ ван̣н̣аббадибхааг̇ам̣, галалам̣ самбавужжад̇ий’’д̇и.
Evaṃ vaṇṇappaṭibhāgaṃ, kalalaṃ sampavuccatī’’ti.
галалаа ход̇и аб̣б̣уд̣̇анд̇и д̇асмаа галалаа сад̇д̇аахажжаязна мам̣сад̇хованауд̣̇агаван̣н̣ам̣ аб̣б̣уд̣̇ам̣ наама ход̇и, галаланд̇и наамам̣ анд̇арад̇хааяад̇и. вуд̇д̇амби жзд̇ам̣ –
Kalalāhoti abbudanti tasmā kalalā sattāhaccayena maṃsadhovanaudakavaṇṇaṃ abbudaṃ nāma hoti, kalalanti nāmaṃ antaradhāyati. Vuttampi cetaṃ –
‘‘сад̇д̇аахам̣ галалам̣ ход̇и, барибаггам̣ самуухад̇ам̣;
‘‘Sattāhaṃ kalalaṃ hoti, paripakkaṃ samūhataṃ;
виваддамаанам̣ д̇аб̣бхаавам̣, аб̣б̣уд̣̇ам̣ наама ж̇ааяад̇ий’’д̇и.
Vivaṭṭamānaṃ tabbhāvaṃ, abbudaṃ nāma jāyatī’’ti.
аб̣б̣уд̣̇аа ж̇ааяад̇з бзсийд̇и д̇асмааби аб̣б̣уд̣̇аа сад̇д̇аахажжаязна вилийнад̇ибусад̣̇исаа бзси наама сан̃ж̇ааяад̇и. саа марижапаан̣ид̇зна д̣̇ийбзд̇аб̣б̣аа. г̇аамад̣̇ааригаа хи субаггаани марижаани г̇ахзд̇ваа саадаганд̇з бхан̣д̣игам̣ гад̇ваа бийл̣зд̇ваа ман̣д̣ам̣ аад̣̇ааяа габаалз багкибид̇ваа аад̇абз табзнд̇и, д̇ам̣ сугкамаанам̣ саб̣б̣абхааг̇зхи мужжад̇и. зваруубаа бзси ход̇и, аб̣б̣уд̣̇анд̇и наамам̣ анд̇арад̇хааяад̇и. вуд̇д̇амби жзд̇ам̣ –
Abbudājāyate pesīti tasmāpi abbudā sattāhaccayena vilīnatipusadisā pesi nāma sañjāyati. Sā maricaphāṇitena dīpetabbā. Gāmadārikā hi supakkāni maricāni gahetvā sāṭakante bhaṇḍikaṃ katvā pīḷetvā maṇḍaṃ ādāya kapāle pakkhipitvā ātape ṭhapenti, taṃ sukkhamānaṃ sabbabhāgehi muccati. Evarūpā pesi hoti, abbudanti nāmaṃ antaradhāyati. Vuttampi cetaṃ –
‘‘сад̇д̇аахам̣ аб̣б̣уд̣̇ам̣ ход̇и, барибаггам̣ самуухад̇ам̣;
‘‘Sattāhaṃ abbudaṃ hoti, paripakkaṃ samūhataṃ;
виваддамаанам̣ д̇аб̣бхаавам̣, бзси наама баж̇ааяад̇ий’’д̇и.
Vivaṭṭamānaṃ tabbhāvaṃ, pesi nāma pajāyatī’’ti.
бзси ниб̣б̣ад̇д̇ад̇ий гханод̇и д̇ад̇о бзсид̇о сад̇д̇аахажжаязна гуггудан̣д̣асан̣таано гхано наама мам̣сабин̣д̣о ниб̣б̣ад̇д̇ад̇и, бзсийд̇и наамам̣ анд̇арад̇хааяад̇и. вуд̇д̇амби жзд̇ам̣ –
Pesi nibbattatī ghanoti tato pesito sattāhaccayena kukkuṭaṇḍasaṇṭhāno ghano nāma maṃsapiṇḍo nibbattati, pesīti nāmaṃ antaradhāyati. Vuttampi cetaṃ –
‘‘сад̇д̇аахам̣ бзси бхавад̇и, барибаггам̣ самуухад̇ам̣;
‘‘Sattāhaṃ pesi bhavati, paripakkaṃ samūhataṃ;
виваддамаанам̣ д̇аб̣бхаавам̣, гханод̇и наама ж̇ааяад̇и.
Vivaṭṭamānaṃ tabbhāvaṃ, ghanoti nāma jāyati.
‘‘яат̇аа гуггудияаа ан̣д̣ам̣, саманд̇аа бариман̣д̣алам̣;
‘‘Yathā kukkuṭiyā aṇḍaṃ, samantā parimaṇḍalaṃ;
звам̣ гханасса сан̣таанам̣, ниб̣б̣ад̇д̇ам̣ гаммабажжаяаа’’д̇и.
Evaṃ ghanassa saṇṭhānaṃ, nibbattaṃ kammapaccayā’’ti.
гханаа басаакаа ж̇ааяанд̇ийд̇и бан̃жамз сад̇д̇аахз д̣̇виннам̣ хад̇т̇абаад̣̇аанам̣ сийсасса жад̇т̇ааяа бан̃жа бийл̣агаа ж̇ааяанд̇и, яам̣ санд̇хааязд̇ам̣ вуд̇д̇ам̣ ‘‘бан̃жамз, бхигкавз, сад̇д̇аахз бан̃жа бийл̣агаа сан̣таханд̇и гаммад̇о’’д̇и.
Ghanā pasākhā jāyantīti pañcame sattāhe dvinnaṃ hatthapādānaṃ sīsassa catthāya pañca pīḷakā jāyanti, yaṃ sandhāyetaṃ vuttaṃ ‘‘pañcame, bhikkhave, sattāhe pañca pīḷakā saṇṭhahanti kammato’’ti.
ид̇о барам̣ чадтасад̇д̇амаад̣̇ийни сад̇д̇аахаани ад̇иггамма д̣̇зсанам̣ сан̇кибид̇ваа д̣̇ваажад̇д̇аалийсз сад̇д̇аахз барин̣ад̇агаалам̣ г̇ахзд̇ваа д̣̇ассзнд̇о гзсаад̇иаад̣̇имааха. д̇ад̇т̇а гзсаа ломаа накааби жаад̇и д̣̇ваажад̇д̇аалийсз сад̇д̇аахз зд̇аани ж̇ааяанд̇и.
Ito paraṃ chaṭṭhasattamādīni sattāhāni atikkamma desanaṃ saṅkhipitvā dvācattālīse sattāhe pariṇatakālaṃ gahetvā dassento kesātiādimāha. Tattha kesā lomā nakhāpi cāti dvācattālīse sattāhe etāni jāyanti.
д̇зна со д̇ад̇т̇а яаабзд̇ийд̇и д̇асса хи наабхид̇о удтид̇о наал̣о маад̇у уд̣̇арабадалзна згааб̣ад̣̇д̇хо ход̇и, со уббалад̣̇ан̣д̣аго вияа чид̣̇д̣̇о, д̇зна аахаарарасо сам̣сарид̇ваа аахаарасамудтаанаруубам̣ самудтаабзд̇и. звам̣ со д̣̇аса маасз яаабзд̇и. маад̇угужчиг̇ад̇о народ̇и маад̇уяаа д̇ирогужчиг̇ад̇о, гужчияаа аб̣бханд̇араг̇ад̇од̇и ад̇т̇о. ид̇и бхаг̇аваа ‘‘звам̣ ко, яагка, аяам̣ сад̇д̇о анубуб̣б̣зна маад̇угужчияам̣ вад̣дхад̇и, на згаббахаарзнзва ниб̣б̣ад̇д̇ад̇ий’’д̇и д̣̇ассзд̇и. батамам̣.
Tena so tattha yāpetīti tassa hi nābhito uṭṭhito nāḷo mātu udarapaṭalena ekābaddho hoti, so uppaladaṇḍako viya chiddo, tena āhāraraso saṃsaritvā āhārasamuṭṭhānarūpaṃ samuṭṭhāpeti. Evaṃ so dasa māse yāpeti. Mātukucchigato naroti mātuyā tirokucchigato, kucchiyā abbhantaragatoti attho. Iti bhagavā ‘‘evaṃ kho, yakkha, ayaṃ satto anupubbena mātukucchiyaṃ vaḍḍhati, na ekappahāreneva nibbattatī’’ti dasseti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. инд̣̇агасуд̇д̇ам̣ • 1. Indakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. инд̣̇агасуд̇д̇аван̣н̣анаа • 1. Indakasuttavaṇṇanā
