| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. инд̣̇акийласуд̇д̇ам̣
9. Indakhīlasuttaṃ
1109. ‘‘яз хи гзжи, бхигкавз, саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аананд̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аананд̇и, д̇з ан̃н̃асса саман̣асса ваа б̣раахман̣асса ваа мукам̣ уллогзнд̇и 1 – ‘аяам̣ нууна бхавам̣ ж̇аанам̣ ж̇аанаад̇и, бассам̣ бассад̇ий’’’д̇и.
1109. ‘‘Ye hi keci, bhikkhave, samaṇā vā brāhmaṇā vā ‘idaṃ dukkha’nti yathābhūtaṃ nappajānanti…pe… ‘ayaṃ dukkhanirodhagāminī paṭipadā’ti yathābhūtaṃ nappajānanti, te aññassa samaṇassa vā brāhmaṇassa vā mukhaṃ ullokenti 2 – ‘ayaṃ nūna bhavaṃ jānaṃ jānāti, passaṃ passatī’’’ti.
‘‘сзяяат̇ааби , бхигкавз, д̇уулабижу ваа габбаасабижу ваа лахуго ваад̇уубаад̣̇аано самз бхуумибхааг̇з нигкид̇д̇о. д̇амзнам̣ бурад̇т̇имо ваад̇о бажчимзна сам̣харзяяа, бажчимо ваад̇о бурад̇т̇имзна сам̣харзяяа, уд̇д̇аро ваад̇о д̣̇агкин̣зна сам̣харзяяа, д̣̇агкин̣о ваад̇о уд̇д̇арзна сам̣харзяяа. д̇ам̣ гисса хзд̇у? лахугад̇д̇аа, бхигкавз, габбаасабижуно. звамзва ко, бхигкавз, яз хи гзжи саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аананд̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аананд̇и, д̇з ан̃н̃асса саман̣асса ваа б̣раахман̣асса ваа мукам̣ уллогзнд̇и – ‘аяам̣ нууна бхавам̣ ж̇аанам̣ ж̇аанаад̇и, бассам̣ бассад̇ий’д̇и. д̇ам̣ гисса хзд̇у? ад̣̇идтад̇д̇аа, бхигкавз, жад̇уннам̣ арияасажжаанам̣.
‘‘Seyyathāpi , bhikkhave, tūlapicu vā kappāsapicu vā lahuko vātūpādāno same bhūmibhāge nikkhitto. Tamenaṃ puratthimo vāto pacchimena saṃhareyya, pacchimo vāto puratthimena saṃhareyya, uttaro vāto dakkhiṇena saṃhareyya, dakkhiṇo vāto uttarena saṃhareyya. Taṃ kissa hetu? Lahukattā, bhikkhave, kappāsapicuno. Evameva kho, bhikkhave, ye hi keci samaṇā vā brāhmaṇā vā ‘idaṃ dukkha’nti yathābhūtaṃ nappajānanti…pe… ‘ayaṃ dukkhanirodhagāminī paṭipadā’ti yathābhūtaṃ nappajānanti, te aññassa samaṇassa vā brāhmaṇassa vā mukhaṃ ullokenti – ‘ayaṃ nūna bhavaṃ jānaṃ jānāti, passaṃ passatī’ti. Taṃ kissa hetu? Adiṭṭhattā, bhikkhave, catunnaṃ ariyasaccānaṃ.
‘‘яз жа ко гзжи, бхигкавз, саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ баж̇аананд̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аананд̇и, д̇з на ан̃н̃асса саман̣асса ваа б̣раахман̣асса ваа мукам̣ уллогзнд̇и – ‘аяам̣ нууна бхавам̣ ж̇аанам̣ ж̇аанаад̇и, бассам̣ бассад̇ий’’’д̇и.
‘‘Ye ca kho keci, bhikkhave, samaṇā vā brāhmaṇā vā ‘idaṃ dukkha’nti yathābhūtaṃ pajānanti…pe… ‘ayaṃ dukkhanirodhagāminī paṭipadā’ti yathābhūtaṃ pajānanti, te na aññassa samaṇassa vā brāhmaṇassa vā mukhaṃ ullokenti – ‘ayaṃ nūna bhavaṃ jānaṃ jānāti, passaṃ passatī’’’ti.
‘‘сзяяат̇ааби, бхигкавз, аяокийло ваа инд̣̇акийло ваа г̇амбхийранзмо суникаад̇о ажало асамбагамбий. бурад̇т̇имааяа жзби д̣̇исааяа ааг̇ажчзяяа бхусаа ваад̇авудти, нзва сан̇гамбзяяа 3 на самбагамбзяяа на самбажаалзяяа; бажчимааяа жзби д̣̇исааяа…бз… уд̇д̇арааяа жзби д̣̇исааяа…бз… д̣̇агкин̣ааяа жзби д̣̇исааяа ааг̇ажчзяяа бхусаа ваад̇авудти, нзва сан̇гамбзяяа на самбагамбзяяа на самбажаалзяяа. д̇ам̣ гисса хзд̇у? г̇амбхийрад̇д̇аа, бхигкавз, нзмасса суникаад̇ад̇д̇аа инд̣̇акийласса. звамзва ко, бхигкавз, яз жа ко гзжи саман̣аа ваа б̣раахман̣аа ваа ‘ид̣̇ам̣ д̣̇угка’нд̇и яат̇аабхууд̇ам̣ баж̇аананд̇и…бз… аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аананд̇и, д̇з на ан̃н̃асса саман̣асса ваа б̣раахман̣асса ваа мукам̣ уллогзнд̇и – ‘аяам̣ нууна бхавам̣ ж̇аанам̣ ж̇аанаад̇и, бассам̣ бассад̇ий’д̇и. д̇ам̣ гисса хзд̇у? суд̣̇идтад̇д̇аа, бхигкавз, жад̇уннам̣ арияасажжаанам̣. гад̇амзсам̣ жад̇уннам̣? д̣̇угкасса арияасажжасса…бз… д̣̇угканирод̇хаг̇ааминияаа бадибад̣̇ааяа арияасажжасса.
‘‘Seyyathāpi, bhikkhave, ayokhīlo vā indakhīlo vā gambhīranemo sunikhāto acalo asampakampī. Puratthimāya cepi disāya āgaccheyya bhusā vātavuṭṭhi, neva saṅkampeyya 4 na sampakampeyya na sampacāleyya; pacchimāya cepi disāya…pe… uttarāya cepi disāya…pe… dakkhiṇāya cepi disāya āgaccheyya bhusā vātavuṭṭhi, neva saṅkampeyya na sampakampeyya na sampacāleyya. Taṃ kissa hetu? Gambhīrattā, bhikkhave, nemassa sunikhātattā indakhīlassa. Evameva kho, bhikkhave, ye ca kho keci samaṇā vā brāhmaṇā vā ‘idaṃ dukkha’nti yathābhūtaṃ pajānanti…pe… ayaṃ dukkhanirodhagāminī paṭipadā’ti yathābhūtaṃ pajānanti, te na aññassa samaṇassa vā brāhmaṇassa vā mukhaṃ ullokenti – ‘ayaṃ nūna bhavaṃ jānaṃ jānāti, passaṃ passatī’ti. Taṃ kissa hetu? Sudiṭṭhattā, bhikkhave, catunnaṃ ariyasaccānaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. навамам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. инд̣̇акийласуд̇д̇аван̣н̣анаа • 9. Indakhīlasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. инд̣̇акийласуд̇д̇аван̣н̣анаа • 9. Indakhīlasuttavaṇṇanā
