| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
2. сант̇ававаг̇г̇о
2. Santhavavaggo
[161] 1. инд̣̇асамаанаг̇од̇д̇аж̇аад̇агаван̣н̣анаа
[161] 1. Indasamānagottajātakavaṇṇanā
на сант̇авам̣ гаабурисзна гаяираад̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажаж̇аад̇игам̣ аараб̣бха гат̇зси. д̇асса вад̇т̇у наваганибаад̇з г̇иж̇жхаж̇аад̇агз (ж̇аа. 1.9.1 аад̣̇аяо) аавибхависсад̇и. сад̇т̇аа бана д̇ам̣ бхигкум̣ ‘‘буб̣б̣зби д̇вам̣, бхигку, д̣̇уб̣б̣ажад̇ааяа бан̣д̣ид̇аанам̣ важанам̣ агад̇ваа мад̇д̇ахад̇т̇ибаад̣̇зхи сан̃жун̣н̣ид̇о’’д̇и вад̇ваа ад̇ийд̇ам̣ аахари.
Nasanthavaṃ kāpurisena kayirāti idaṃ satthā jetavane viharanto ekaṃ dubbacajātikaṃ ārabbha kathesi. Tassa vatthu navakanipāte gijjhajātake (jā. 1.9.1 ādayo) āvibhavissati. Satthā pana taṃ bhikkhuṃ ‘‘pubbepi tvaṃ, bhikkhu, dubbacatāya paṇḍitānaṃ vacanaṃ akatvā mattahatthipādehi sañcuṇṇito’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣раахман̣агулз ниб̣б̣ад̇д̇ид̇ваа вуд̣дхиббад̇д̇о гхарааваасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа бан̃жаннам̣ исисад̇аанам̣ г̇ан̣асад̇т̇аа худ̇ваа химаванд̇абад̣̇зсз ваасам̣ габбзси. д̇ад̣̇аа д̇зсу д̇аабасзсу инд̣̇асамаанаг̇од̇д̇о наамзго д̇аабасо ахоси д̣̇уб̣б̣ажо ановаад̣̇аго. со згам̣ хад̇т̇ибод̇агам̣ босзси. б̣од̇хисад̇д̇о суд̇ваа д̇ам̣ баггосид̇ваа ‘‘сажжам̣ гира д̇вам̣ хад̇т̇ибод̇агам̣ босзсий’’д̇и бужчи. ‘‘сажжам̣, аажарияа, мад̇амаад̇игам̣ згам̣ хад̇т̇ибод̇агам̣ босзмий’’д̇и. ‘‘хад̇т̇ино наама вуд̣дхиббад̇д̇аа босагзязва маарзнд̇и, маа д̇ам̣ босзхий’’д̇и. ‘‘д̇зна винаа вад̇д̇ид̇ум̣ на саггоми аажарияаа’’д̇и. ‘‘д̇зна хи бан̃н̃ааяиссасий’’д̇и. со д̇зна босияамаано абарабхааг̇з махаасарийро ахоси.
Atīte bārāṇasiyaṃ brahmadatte rajjaṃ kārente bodhisatto brāhmaṇakule nibbattitvā vuḍḍhippatto gharāvāsaṃ pahāya isipabbajjaṃ pabbajitvā pañcannaṃ isisatānaṃ gaṇasatthā hutvā himavantapadese vāsaṃ kappesi. Tadā tesu tāpasesu indasamānagotto nāmeko tāpaso ahosi dubbaco anovādako. So ekaṃ hatthipotakaṃ posesi. Bodhisatto sutvā taṃ pakkositvā ‘‘saccaṃ kira tvaṃ hatthipotakaṃ posesī’’ti pucchi. ‘‘Saccaṃ, ācariya, matamātikaṃ ekaṃ hatthipotakaṃ posemī’’ti. ‘‘Hatthino nāma vuḍḍhippattā posakeyeva mārenti, mā taṃ posehī’’ti. ‘‘Tena vinā vattituṃ na sakkomi ācariyā’’ti. ‘‘Tena hi paññāyissasī’’ti. So tena posiyamāno aparabhāge mahāsarīro ahosi.
ат̇згасмим̣ гаалз д̇з исаяо ванамуулапалаапалад̇т̇ааяа д̣̇уурам̣ г̇анд̇ваа д̇ад̇т̇зва гад̇ибаахам̣ васим̣су. хад̇т̇ийби аг̇г̇ад̣̇агкин̣аваад̇з бабхиннамад̣̇о худ̇ваа д̇асса бан̣н̣асаалам̣ вид̣̇д̇хам̣сзд̇ваа баанийяагхадам̣ бхинд̣̇ид̇ваа баасаан̣апалагам̣ кибид̇ваа ааламб̣анапалагам̣ лун̃жид̇ваа ‘‘д̇ам̣ д̇аабасам̣ маарзд̇ваава г̇амиссаамий’’д̇и згам̣ г̇аханадтаанам̣ бависид̇ваа д̇асса ааг̇аманамаг̇г̇ам̣ ологзнд̇о адтааси. инд̣̇асамаанаг̇од̇д̇о д̇асса г̇ожарам̣ г̇ахзд̇ваа саб̣б̣зсам̣ бурад̇ова ааг̇ажчанд̇о д̇ам̣ д̣̇исваа багад̇исан̃н̃ааязвасса санд̇игам̣ аг̇амааси. ат̇а нам̣ со хад̇т̇ий г̇аханадтаанаа нигкамид̇ваа сон̣д̣ааяа бараамасид̇ваа бхуумияам̣ баад̇зд̇ваа сийсам̣ баад̣̇зна аггамид̇ваа ж̇ийвид̇агкаяам̣ баабзд̇ваа мад̣̇д̣̇ид̇ваа гон̃жанаад̣̇ам̣ гад̇ваа аран̃н̃ам̣ баависи. сзсад̇аабасаа д̇ам̣ бавад̇д̇им̣ б̣од̇хисад̇д̇асса аарожзсум̣ . б̣од̇хисад̇д̇о ‘‘гаабурисзхи наама сад̣̇д̇хим̣ сам̣саг̇г̇о на гаад̇аб̣б̣о’’д̇и вад̇ваа имаа г̇аат̇аа ааха –
Athekasmiṃ kāle te isayo vanamūlaphalāphalatthāya dūraṃ gantvā tattheva katipāhaṃ vasiṃsu. Hatthīpi aggadakkhiṇavāte pabhinnamado hutvā tassa paṇṇasālaṃ viddhaṃsetvā pānīyaghaṭaṃ bhinditvā pāsāṇaphalakaṃ khipitvā ālambanaphalakaṃ luñcitvā ‘‘taṃ tāpasaṃ māretvāva gamissāmī’’ti ekaṃ gahanaṭṭhānaṃ pavisitvā tassa āgamanamaggaṃ olokento aṭṭhāsi. Indasamānagotto tassa gocaraṃ gahetvā sabbesaṃ puratova āgacchanto taṃ disvā pakatisaññāyevassa santikaṃ agamāsi. Atha naṃ so hatthī gahanaṭṭhānā nikkhamitvā soṇḍāya parāmasitvā bhūmiyaṃ pātetvā sīsaṃ pādena akkamitvā jīvitakkhayaṃ pāpetvā madditvā koñcanādaṃ katvā araññaṃ pāvisi. Sesatāpasā taṃ pavattiṃ bodhisattassa ārocesuṃ . Bodhisatto ‘‘kāpurisehi nāma saddhiṃ saṃsaggo na kātabbo’’ti vatvā imā gāthā āha –
21.
21.
‘‘на сант̇авам̣ гаабурисзна гаяираа, арияо анариязна баж̇аанамад̇т̇ам̣;
‘‘Na santhavaṃ kāpurisena kayirā, ariyo anariyena pajānamatthaṃ;
жираанувуд̇т̇оби гарод̇и баабам̣, г̇аж̇о яат̇аа инд̣̇асамаанаг̇од̇д̇ам̣.
Cirānuvutthopi karoti pāpaṃ, gajo yathā indasamānagottaṃ.
22.
22.
‘‘яам̣ д̇взва ж̇ан̃н̃аа сад̣̇исо маманд̇и, сийлзна бан̃н̃ааяа суд̇зна жааби;
‘‘Yaṃ tveva jaññā sadiso mamanti, sīlena paññāya sutena cāpi;
д̇знзва мзд̇д̇им̣ гаяираат̇а сад̣̇д̇хим̣, суко хавз саббурисзна сан̇г̇амо’’д̇и.
Teneva mettiṃ kayirātha saddhiṃ, sukho have sappurisena saṅgamo’’ti.
д̇ад̇т̇а на сант̇авам̣ гаабурисзна гаяираад̇и гужчид̇зна год̇хабурисзна сад̣̇д̇хим̣ д̇ан̣хаасант̇авам̣ ваа мид̇д̇асант̇авам̣ ваа на гаяираат̇а. арияо анариязна баж̇аанамад̇т̇анд̇и арияод̇и жад̇д̇ааро арияаа аажаараарияо лин̇г̇аарияо д̣̇ассанаарияо бадивзд̇хаарияод̇и. д̇зсу аажаараарияо ид̇ха ад̇хиббзд̇о. со баж̇аанамад̇т̇ам̣ ад̇т̇ам̣ баж̇аананд̇о ад̇т̇аанад̇т̇агусало аажаарз тид̇о арияабуг̇г̇ало анариязна ниллаж̇ж̇зна д̣̇уссийлзна сад̣̇д̇хим̣ сант̇авам̣ на гарзяяаад̇и ад̇т̇о. гим̣ гааран̣аа? жираанувуд̇т̇оби гарод̇и баабанд̇и, яасмаа анарияо жирам̣ згад̇о анувуд̇т̇оби д̇ам̣ згад̇о ниваасам̣ аг̇ан̣зд̇ваа гарод̇и баабам̣ лаамагагаммам̣ гарод̇иязва. яат̇аа гим̣? г̇аж̇о яат̇аа инд̣̇асамаанаг̇од̇д̇анд̇и, яат̇аа со г̇аж̇о инд̣̇асамаанаг̇од̇д̇ам̣ маарзнд̇о баабам̣ агаасийд̇и ад̇т̇о. яам̣ д̇взва ж̇ан̃н̃аа сад̣̇исо маманд̇иаад̣̇ийсу яам̣ д̇взва буг̇г̇алам̣ ‘‘аяам̣ мама сийлаад̣̇ийхи сад̣̇исо’’д̇и ж̇аанзяяа, д̇знзва сад̣̇д̇хим̣ мзд̇д̇им̣ гаяираат̇а, саббурисзна сад̣̇д̇хим̣ самааг̇амо сукааваход̇и.
Tattha na santhavaṃ kāpurisena kayirāti kucchitena kodhapurisena saddhiṃ taṇhāsanthavaṃ vā mittasanthavaṃ vā na kayirātha. Ariyo anariyena pajānamatthanti ariyoti cattāro ariyā ācāraariyo liṅgaariyo dassanaariyo paṭivedhaariyoti. Tesu ācāraariyo idha adhippeto. So pajānamatthaṃ atthaṃ pajānanto atthānatthakusalo ācāre ṭhito ariyapuggalo anariyena nillajjena dussīlena saddhiṃ santhavaṃ na kareyyāti attho. Kiṃ kāraṇā? Cirānuvutthopi karoti pāpanti, yasmā anariyo ciraṃ ekato anuvutthopi taṃ ekato nivāsaṃ agaṇetvā karoti pāpaṃ lāmakakammaṃ karotiyeva. Yathā kiṃ? Gajo yathā indasamānagottanti, yathā so gajo indasamānagottaṃ mārento pāpaṃ akāsīti attho. Yaṃ tveva jaññā sadiso mamantiādīsu yaṃ tveva puggalaṃ ‘‘ayaṃ mama sīlādīhi sadiso’’ti jāneyya, teneva saddhiṃ mettiṃ kayirātha, sappurisena saddhiṃ samāgamo sukhāvahoti.
звам̣ б̣од̇хисад̇д̇о ‘‘ановаад̣̇агзна наама на бхавид̇аб̣б̣ам̣, сусигкид̇зна бхавид̇ум̣ ваддад̇ий’’д̇и исиг̇ан̣ам̣ овад̣̇ид̇ваа инд̣̇асамаанаг̇од̇д̇асса сарийрагижжам̣ гаарзд̇ваа б̣рахмавихаарз бхаавзд̇ваа б̣рахмалогуубаг̇о ахоси.
Evaṃ bodhisatto ‘‘anovādakena nāma na bhavitabbaṃ, susikkhitena bhavituṃ vaṭṭatī’’ti isigaṇaṃ ovaditvā indasamānagottassa sarīrakiccaṃ kāretvā brahmavihāre bhāvetvā brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа инд̣̇асамаанаг̇од̇д̇о аяам̣ д̣̇уб̣б̣ажо ахоси, г̇ан̣асад̇т̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā indasamānagotto ayaṃ dubbaco ahosi, gaṇasatthā pana ahameva ahosi’’nti.
инд̣̇асамаанаг̇од̇д̇аж̇аад̇агаван̣н̣анаа батамаа.
Indasamānagottajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 161. инд̣̇асамаанаг̇од̇д̇аж̇аад̇агам̣ • 161. Indasamānagottajātakaṃ
