Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi

    ൧൭. സത്തരസമവഗ്ഗോ

    17. Sattarasamavaggo

    (൧൬൯) ൪. ഇന്ദ്രിയബദ്ധകഥാ

    (169) 4. Indriyabaddhakathā

    ൭൮൬. ഇന്ദ്രിയബദ്ധഞ്ഞേവ ദുക്ഖന്തി? ആമന്താ. ഇന്ദ്രിയബദ്ധഞ്ഞേവ അനിച്ചം സങ്ഖതം പടിച്ചസമുപ്പന്നം ഖയധമ്മം വയധമ്മം വിരാഗധമ്മം നിരോധധമ്മം വിപരിണാമധമ്മന്തി? ന ഹേവം വത്തബ്ബേ…പേ॰… നനു അനിന്ദ്രിയബദ്ധം അനിച്ചം സങ്ഖതം പടിച്ചസമുപ്പന്നം ഖയധമ്മം വയധമ്മം വിരാഗധമ്മം നിരോധധമ്മം വിപരിണാമധമ്മന്തി? ആമന്താ. ഹഞ്ചി അനിന്ദ്രിയബദ്ധം അനിച്ചം സങ്ഖതം പടിച്ചസമുപ്പന്നം ഖയധമ്മം വയധമ്മം വിരാഗധമ്മം നിരോധധമ്മം വിപരിണാമധമ്മം, നോ ച വത രേ വത്തബ്ബേ – ‘‘ഇന്ദ്രിയബദ്ധഞ്ഞേവ ദുക്ഖ’’ന്തി.

    786. Indriyabaddhaññeva dukkhanti? Āmantā. Indriyabaddhaññeva aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti? Na hevaṃ vattabbe…pe… nanu anindriyabaddhaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammanti? Āmantā. Hañci anindriyabaddhaṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ vipariṇāmadhammaṃ, no ca vata re vattabbe – ‘‘indriyabaddhaññeva dukkha’’nti.

    അനിന്ദ്രിയബദ്ധം അനിച്ചം സങ്ഖതം പടിച്ചസമുപ്പന്നം…പേ॰… വിപരിണാമധമ്മം, തഞ്ച ന ദുക്ഖന്തി? ആമന്താ. ഇന്ദ്രിയബദ്ധം അനിച്ചം സങ്ഖതം…പേ॰… വിപരിണാമധമ്മം, തഞ്ച ന ദുക്ഖന്തി? ന ഹേവം വത്തബ്ബേ…പേ॰….

    Anindriyabaddhaṃ aniccaṃ saṅkhataṃ paṭiccasamuppannaṃ…pe… vipariṇāmadhammaṃ, tañca na dukkhanti? Āmantā. Indriyabaddhaṃ aniccaṃ saṅkhataṃ…pe… vipariṇāmadhammaṃ, tañca na dukkhanti? Na hevaṃ vattabbe…pe….

    ഇന്ദ്രിയബദ്ധം അനിച്ചം സങ്ഖതം…പേ॰… വിപരിണാമധമ്മം, തഞ്ച ദുക്ഖന്തി 1? ആമന്താ. അനിന്ദ്രിയബദ്ധം അനിച്ചം സങ്ഖതം…പേ॰… വിപരിണാമധമ്മം, തഞ്ച ദുക്ഖന്തി 2? ന ഹേവം വത്തബ്ബേ…പേ॰….

    Indriyabaddhaṃ aniccaṃ saṅkhataṃ…pe… vipariṇāmadhammaṃ, tañca dukkhanti 3? Āmantā. Anindriyabaddhaṃ aniccaṃ saṅkhataṃ…pe… vipariṇāmadhammaṃ, tañca dukkhanti 4? Na hevaṃ vattabbe…pe….

    ൭൮൭. ഇന്ദ്രിയബദ്ധഞ്ഞേവ ദുക്ഖന്തി? ആമന്താ. നനു യദനിച്ചം തം ദുക്ഖം 5 വുത്തം ഭഗവതാ – ‘‘അനിന്ദ്രിയബദ്ധം അനിച്ച’’ന്തി? ആമന്താ. ഹഞ്ചി യദനിച്ചം തം ദുക്ഖം 6 വുത്തം ഭഗവതാ – അനിന്ദ്രിയബദ്ധം അനിച്ചം, നോ ച വത രേ വത്തബ്ബേ – ‘‘ഇന്ദ്രിയബദ്ധഞ്ഞേവ ദുക്ഖ’’ന്തി.

    787. Indriyabaddhaññeva dukkhanti? Āmantā. Nanu yadaniccaṃ taṃ dukkhaṃ 7 vuttaṃ bhagavatā – ‘‘anindriyabaddhaṃ anicca’’nti? Āmantā. Hañci yadaniccaṃ taṃ dukkhaṃ 8 vuttaṃ bhagavatā – anindriyabaddhaṃ aniccaṃ, no ca vata re vattabbe – ‘‘indriyabaddhaññeva dukkha’’nti.

    ൭൮൮. ന വത്തബ്ബം – ‘‘ഇന്ദ്രിയബദ്ധഞ്ഞേവ ദുക്ഖ’’ന്തി? ആമന്താ. യഥാ ഇന്ദ്രിയബദ്ധസ്സ ദുക്ഖസ്സ പരിഞ്ഞായ ഭഗവതി ബ്രഹ്മചരിയം വുസ്സതി, ഏവമേവം അനിന്ദ്രിയബദ്ധസ്സ ദുക്ഖസ്സ പരിഞ്ഞായ ഭഗവതി ബ്രഹ്മചരിയം വുസ്സതീതി ? ന ഹേവം വത്തബ്ബേ…പേ॰… യഥാ ഇന്ദ്രിയബദ്ധം ദുക്ഖം പരിഞ്ഞാതം ന പുന ഉപ്പജ്ജതി , ഏവമേവം അനിന്ദ്രിയബദ്ധം ദുക്ഖം പരിഞ്ഞാതം ന പുന ഉപ്പജ്ജതീതി? ന ഹേവം വത്തബ്ബേ. തേന ഹി ഇന്ദ്രിയബദ്ധഞ്ഞേവ ദുക്ഖന്തി.

    788. Na vattabbaṃ – ‘‘indriyabaddhaññeva dukkha’’nti? Āmantā. Yathā indriyabaddhassa dukkhassa pariññāya bhagavati brahmacariyaṃ vussati, evamevaṃ anindriyabaddhassa dukkhassa pariññāya bhagavati brahmacariyaṃ vussatīti ? Na hevaṃ vattabbe…pe… yathā indriyabaddhaṃ dukkhaṃ pariññātaṃ na puna uppajjati , evamevaṃ anindriyabaddhaṃ dukkhaṃ pariññātaṃ na puna uppajjatīti? Na hevaṃ vattabbe. Tena hi indriyabaddhaññeva dukkhanti.

    ഇന്ദ്രിയബദ്ധകഥാ നിട്ഠിതാ.

    Indriyabaddhakathā niṭṭhitā.




    Next: (൧൭൦) ൫. ഠപേത്വാ അരിയമഗ്ഗന്തികഥാ • (170) 5. Ṭhapetvā ariyamaggantikathā




    Footnotes:
    1. ഇദം-പുച്ഛാദ്വയേന പുരിമപുച്ഛാദ്വയസ്സ പുരതോ ഭവിതബ്ബം
    2. ഇദം-പുച്ഛാദ്വയേന പുരിമപുച്ഛാദ്വയസ്സ പുരതോ ഭവിതബ്ബം
    3. idaṃ-pucchādvayena purimapucchādvayassa purato bhavitabbaṃ
    4. idaṃ-pucchādvayena purimapucchādvayassa purato bhavitabbaṃ
    5. സം॰ നി॰ ൩.൧൫
    6. സം॰ നി॰ ൩.൧൫
    7. saṃ. ni. 3.15
    8. saṃ. ni. 3.15



    Related texts:



    അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. ഇന്ദ്രിയബദ്ധകഥാവണ്ണനാ • 4. Indriyabaddhakathāvaṇṇanā

    ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൪. ഇന്ദ്രിയബദ്ധകഥാവണ്ണനാ • 4. Indriyabaddhakathāvaṇṇanā

    ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൪. ഇന്ദ്രിയബദ്ധകഥാവണ്ണനാ • 4. Indriyabaddhakathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact