| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. инд̣̇рияабхааванаасуд̇д̇аван̣н̣анаа
10. Indriyabhāvanāsuttavaṇṇanā
453. звам̣ мз суд̇анд̇и инд̣̇рияабхааванаасуд̇д̇ам̣. д̇ад̇т̇а г̇аж̇ан̇г̇алааяанд̇и звам̣наамагз ниг̇амз. сувзл̣уванзд̇и сувзл̣у наама згаа ругкаж̇аад̇и, д̇зхи сан̃чанно махааванасан̣д̣о, д̇ад̇т̇а вихарад̇и. жагкунаа руубам̣ на бассад̇и, сод̇зна сад̣̇д̣̇ам̣ на сун̣аад̇ийд̇и жагкунаа руубам̣ на бассид̇аб̣б̣ам̣, сод̇зна сад̣̇д̣̇о на сод̇аб̣б̣од̇и звам̣ д̣̇зсзд̇ийд̇и ад̇хиббааязна вад̣̇ад̇и.
453.Evaṃme sutanti indriyabhāvanāsuttaṃ. Tattha gajaṅgalāyanti evaṃnāmake nigame. Suveḷuvaneti suveḷu nāma ekā rukkhajāti, tehi sañchanno mahāvanasaṇḍo, tattha viharati. Cakkhunā rūpaṃ na passati, sotena saddaṃ na suṇātīti cakkhunā rūpaṃ na passitabbaṃ, sotena saddo na sotabboti evaṃ desetīti adhippāyena vadati.
ан̃н̃ат̇аа арияасса винаязд̇и иминаа бхаг̇аваа ад̇д̇ано саасанз асад̣̇исааяа инд̣̇рияабхааванааяа гат̇анад̇т̇ам̣ аалаяам̣ агааси. ат̇ааяасмаа аананд̣̇о – ‘‘сад̇т̇аа аалаяам̣ д̣̇ассзд̇и, ханд̣̇аахам̣ имиссам̣ барисад̇и бхигкусан̇гхасса инд̣̇рияабхааванаагат̇ам̣ гаарзмий’’д̇и сад̇т̇аарам̣ яаажанд̇о зд̇асса бхаг̇аваад̇иаад̣̇имааха. ат̇асса бхаг̇аваа инд̣̇рияабхааванам̣ гат̇знд̇о д̇зна хаананд̣̇аад̇иаад̣̇имааха.
Aññathā ariyassa vinayeti iminā bhagavā attano sāsane asadisāya indriyabhāvanāya kathanatthaṃ ālayaṃ akāsi. Athāyasmā ānando – ‘‘satthā ālayaṃ dasseti, handāhaṃ imissaṃ parisati bhikkhusaṅghassa indriyabhāvanākathaṃ kāremī’’ti satthāraṃ yācanto etassabhagavātiādimāha. Athassa bhagavā indriyabhāvanaṃ kathento tena hānandātiādimāha.
454. д̇ат̇а яад̣̇ид̣̇ам̣ убзгкаад̇и яаа зсаа вибассанубзгкаа наама, зсаа санд̇аа зсаа бан̣ийд̇аа, ад̇аббигаад̇и ад̇т̇о. ид̇и аяам̣ бхигку жагкуд̣̇ваарз руубаарамман̣амби идтз аарамман̣з манаабам̣, анидтз аманаабам̣, маж̇жхад̇д̇з манаабааманаабан̃жа жид̇д̇ам̣, д̇асса раж̇ж̇ид̇ум̣ ваа д̣̇уссид̇ум̣ ваа муяхид̇ум̣ ваа ад̣̇ад̇ваава бариг̇г̇ахзд̇ваа вибассанам̣ маж̇жхад̇д̇з табзд̇и. жагкумаад̇и самбаннажагкувисуд̣̇д̇ханзд̇д̇о. жагкааб̣аад̇хигасса хи уд̣̇д̇хам̣ уммийлананиммийланам̣ на ход̇и, д̇асмаа со на г̇ахид̇о.
454. Tatha yadidaṃ upekkhāti yā esā vipassanupekkhā nāma, esā santā esā paṇītā, atappikāti attho. Iti ayaṃ bhikkhu cakkhudvāre rūpārammaṇampi iṭṭhe ārammaṇe manāpaṃ, aniṭṭhe amanāpaṃ, majjhatte manāpāmanāpañca cittaṃ, tassa rajjituṃ vā dussituṃ vā muyhituṃ vā adatvāva pariggahetvā vipassanaṃ majjhatte ṭhapeti. Cakkhumāti sampannacakkhuvisuddhanetto. Cakkhābādhikassa hi uddhaṃ ummīlananimmīlanaṃ na hoti, tasmā so na gahito.
456. ийсагам̣бон̣зд̇и рат̇ийсаа вияа удтахид̇ваа тид̇з.
456.Īsakaṃpoṇeti rathīsā viya uṭṭhahitvā ṭhite.
461. бадигуулз аббадигууласан̃н̃ийд̇иаад̣̇ийсу бадигуулз мзд̇д̇аапаран̣зна ваа д̇хаад̇усо убасам̣хаарзна ваа аббадигууласан̃н̃ий вихарад̇и. аббадигуулз асубхапаран̣зна ваа анижжад̇о убасам̣хаарзна ваа бадигууласан̃н̃ий вихарад̇и. сзсабад̣̇зсуби зсзва наяо. д̇ад̣̇убхаяам̣ абхиниваж̇ж̇зд̇ваад̇и маж̇жхад̇д̇о худ̇ваа вихарид̇угаамо гим̣ гарод̇ийд̇и? идтаанидтзсу аабаат̇аг̇ад̇зсу нзва соманассиго на д̣̇оманассиго ход̇и. вуд̇д̇ан̃хзд̇ам̣ –
461.Paṭikūle appaṭikūlasaññītiādīsu paṭikūle mettāpharaṇena vā dhātuso upasaṃhārena vā appaṭikūlasaññī viharati. Appaṭikūle asubhapharaṇena vā aniccato upasaṃhārena vā paṭikūlasaññī viharati. Sesapadesupi eseva nayo. Tadubhayaṃ abhinivajjetvāti majjhatto hutvā viharitukāmo kiṃ karotīti? Iṭṭhāniṭṭhesu āpāthagatesu neva somanassiko na domanassiko hoti. Vuttañhetaṃ –
‘‘гат̇ам̣ бадигуулз аббадигууласан̃н̃ий вихарад̇и? анидтасмим̣ вад̇т̇усмим̣ мзд̇д̇ааяа ваа парад̇и, д̇хаад̇уд̇о ваа убасам̣харад̇и, звам̣ бадигуулз аббадигууласан̃н̃ий вихарад̇и. гат̇ам̣ аббадигуулз бадигууласан̃н̃ий вихарад̇и? идтасмим̣ вад̇т̇усмим̣ асубхааяа ваа парад̇и, анижжад̇о ваа убасам̣харад̇и, звам̣ аббадигуулз бадигууласан̃н̃ий вихарад̇и. гат̇ам̣ бадигуулз жа аббадигуулз жа аббадигууласан̃н̃ий вихарад̇и? анидтасмин̃жа идтасмин̃жа вад̇т̇усмим̣ мзд̇д̇ааяа ваа парад̇и, д̇хаад̇уд̇о ваа убасам̣харад̇и. звам̣ бадигуулз жа аббадигуулз жа аббадигууласан̃н̃ий вихарад̇и. гат̇ам̣ аббадигуулз жа бадигуулз жа бадигууласан̃н̃ий вихарад̇и? идтасмин̃жа анидтасмин̃жа вад̇т̇усмим̣ асубхааяа ваа парад̇и, анижжад̇о ваа убасам̣харад̇и, звам̣ аббадигуулз жа бадигуулз жа бадигууласан̃н̃ий вихарад̇и . гат̇ам̣ бадигуулз жа аббадигуулз жа д̇ад̣̇убхаяам̣ абхиниваж̇ж̇зд̇ваа убзгкаго вихарад̇и сад̇о самбаж̇аано? ид̇ха бхигку жагкунаа руубам̣ д̣̇исваа нзва сумано ход̇и на д̣̇уммано, убзгкаго вихарад̇и сад̇о самбаж̇аано…бз… манасаа д̇хаммам̣ вин̃н̃ааяа нзва сумано ход̇и на д̣̇уммано, убзгкаго вихарад̇и сад̇о самбаж̇аано. звам̣ бадигуулз жа аббадигуулз жа д̇ад̣̇убхаяам̣ абхиниваж̇ж̇зд̇ваа убзгкаго вихарад̇и сад̇о самбаж̇аано’’д̇и.
‘‘Kathaṃ paṭikūle appaṭikūlasaññī viharati? Aniṭṭhasmiṃ vatthusmiṃ mettāya vā pharati, dhātuto vā upasaṃharati, evaṃ paṭikūle appaṭikūlasaññī viharati. Kathaṃ appaṭikūle paṭikūlasaññī viharati? Iṭṭhasmiṃ vatthusmiṃ asubhāya vā pharati, aniccato vā upasaṃharati, evaṃ appaṭikūle paṭikūlasaññī viharati. Kathaṃ paṭikūle ca appaṭikūle ca appaṭikūlasaññī viharati? Aniṭṭhasmiñca iṭṭhasmiñca vatthusmiṃ mettāya vā pharati, dhātuto vā upasaṃharati. Evaṃ paṭikūle ca appaṭikūle ca appaṭikūlasaññī viharati. Kathaṃ appaṭikūle ca paṭikūle ca paṭikūlasaññī viharati? Iṭṭhasmiñca aniṭṭhasmiñca vatthusmiṃ asubhāya vā pharati, aniccato vā upasaṃharati, evaṃ appaṭikūle ca paṭikūle ca paṭikūlasaññī viharati . Kathaṃ paṭikūle ca appaṭikūle ca tadubhayaṃ abhinivajjetvā upekkhako viharati sato sampajāno? Idha bhikkhu cakkhunā rūpaṃ disvā neva sumano hoti na dummano, upekkhako viharati sato sampajāno…pe… manasā dhammaṃ viññāya neva sumano hoti na dummano, upekkhako viharati sato sampajāno. Evaṃ paṭikūle ca appaṭikūle ca tadubhayaṃ abhinivajjetvā upekkhako viharati sato sampajāno’’ti.
имзсу жа д̇ийсу наязсу батаманаяз манаабам̣ аманаабам̣ манаабааманаабанд̇и сам̣гилзсам̣ ваддад̇и, ниггилзсам̣ ваддад̇и. д̣̇уд̇ияанаяз сам̣гилзсам̣, д̇ад̇ияанаяз сам̣гилзсаниггилзсам̣ ваддад̇и. буна вуд̇д̇ам̣ – ‘‘батамам̣ сам̣гилзсам̣ ваддад̇и, д̣̇уд̇ияам̣ сам̣гилзсамби ниггилзсамби, д̇ад̇ияам̣ ниггилзсамзва ваддад̇ий’’д̇и. сзсам̣ саб̣б̣ад̇т̇а уд̇д̇аанамзваад̇и.
Imesu ca tīsu nayesu paṭhamanaye manāpaṃ amanāpaṃ manāpāmanāpanti saṃkilesaṃ vaṭṭati, nikkilesaṃ vaṭṭati. Dutiyanaye saṃkilesaṃ, tatiyanaye saṃkilesanikkilesaṃ vaṭṭati. Puna vuttaṃ – ‘‘paṭhamaṃ saṃkilesaṃ vaṭṭati, dutiyaṃ saṃkilesampi nikkilesampi, tatiyaṃ nikkilesameva vaṭṭatī’’ti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
инд̣̇рияабхааванаасуд̇д̇аван̣н̣анаа нидтид̇аа.
Indriyabhāvanāsuttavaṇṇanā niṭṭhitā.
бан̃жамаваг̇г̇аван̣н̣анаа нидтид̇аа.
Pañcamavaggavaṇṇanā niṭṭhitā.
убарибан̣н̣аасадтагат̇аа нидтид̇аа.
Uparipaṇṇāsaṭṭhakathā niṭṭhitā.
яо жааяам̣ ‘‘саб̣б̣ад̇хаммамуулабарияааяам̣ во, бхигкавз, д̣̇зсиссаамий’’д̇и аарад̣̇д̇хад̇д̇аа аад̣̇игаляаан̣о, маж̇жхз ‘‘суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇алла’’нд̇и важанад̇о маж̇жхзгаляаан̣о, саннидтаанз ‘‘арияо бхаавид̇инд̣̇рияо’’д̇и важанад̇о барияосаанагаляаан̣од̇и д̇ивид̇хагаляаан̣о маж̇жхиманигааяо ‘‘махаавибассанаа наамааяа’’нд̇и вуд̇д̇о, со ван̣н̣анаавасзна самад̇д̇о ход̇и.
Yo cāyaṃ ‘‘sabbadhammamūlapariyāyaṃ vo, bhikkhave, desissāmī’’ti āraddhattā ādikalyāṇo, majjhe ‘‘suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedalla’’nti vacanato majjhekalyāṇo, sanniṭṭhāne ‘‘ariyo bhāvitindriyo’’ti vacanato pariyosānakalyāṇoti tividhakalyāṇo majjhimanikāyo ‘‘mahāvipassanā nāmāya’’nti vutto, so vaṇṇanāvasena samatto hoti.
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
ааяаажид̇о сумад̇инаа т̇зрзна бхад̣̇анд̇аб̣уд̣̇д̇хамид̇д̇зна,
Āyācito sumatinā therena bhadantabuddhamittena,
буб̣б̣з маяуурад̣̇ууд̇абадданамхи сад̣̇д̇хим̣ нивасанд̇зна.
Pubbe mayūradūtapaṭṭanamhi saddhiṃ nivasantena.
бараваад̣̇авид̇хам̣санасса маж̇жхиманигааяасздтасса,
Paravādavidhaṃsanassa majjhimanikāyaseṭṭhassa,
яамахам̣ бабан̃жасууд̣̇анимадтагат̇ам̣ гаад̇умаарабхим̣.
Yamahaṃ papañcasūdanimaṭṭhakathaṃ kātumārabhiṃ.
саа хи махааадтагат̇ааяа саарамаад̣̇ааяа нидтид̇аа зсаа,
Sā hi mahāaṭṭhakathāya sāramādāya niṭṭhitā esā,
сад̇д̇уд̇д̇арасад̇амад̇д̇ааяа баал̣ияаа бхаан̣аваарзхи.
Sattuttarasatamattāya pāḷiyā bhāṇavārehi.
згуунасадтимад̇д̇о висуд̣̇д̇химаг̇г̇оби бхаан̣аваарзхи,
Ekūnasaṭṭhimatto visuddhimaggopi bhāṇavārehi,
ад̇т̇аббагаасанад̇т̇ааяа ааг̇амаанам̣ гад̇о яасмаа.
Atthappakāsanatthāya āgamānaṃ kato yasmā.
д̇асмаа д̇зна сахаа’яам̣ г̇аат̇ааг̇ан̣анаанаязна адтагат̇аа,
Tasmā tena sahā’yaṃ gāthāgaṇanānayena aṭṭhakathā,
самад̇хигачасадтисад̇амид̇и вин̃н̃зяяаа бхаан̣аваараанам̣.
Samadhikachasaṭṭhisatamiti viññeyyā bhāṇavārānaṃ.
самад̇хигачасадтисад̇абамаан̣амид̇и бхаан̣аваарад̇о зсаа,
Samadhikachasaṭṭhisatapamāṇamiti bhāṇavārato esā,
самаяам̣ багаасаяанд̇ий махаавихаараад̇хиваасийнам̣.
Samayaṃ pakāsayantī mahāvihārādhivāsīnaṃ.
мууладтагат̇аасаарам̣ аад̣̇ааяа маяаа имам̣ гаронд̇зна,
Mūlaṭṭhakathāsāraṃ ādāya mayā imaṃ karontena,
яам̣ бан̃н̃амубажид̇ам̣ д̇зна ход̇у лого сад̣̇аа сукид̇од̇и.
Yaṃ paññamupacitaṃ tena hotu loko sadā sukhitoti.
барамависуд̣̇д̇хасад̣̇д̇хааб̣уд̣̇д̇хивийрияаббадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇ааханасамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇у саасанз аббадихад̇ан̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа бабхиннабадисамбхид̣̇аабариваарз чал̣абхин̃н̃аад̣̇иббабхзд̣̇аг̇ун̣аббадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ бабан̃жасууд̣̇аний наама маж̇жхиманигааяадтагат̇аа –
Paramavisuddhasaddhābuddhivīriyappaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhanasamatthena paññāveyyattiyasamannāgatena tipiṭakapariyattippabhede sāṭṭhakathe satthu sāsane appaṭihatañāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā pabhinnapaṭisambhidāparivāre chaḷabhiññādippabhedaguṇappaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ papañcasūdanī nāma majjhimanikāyaṭṭhakathā –
д̇аава д̇идтад̇у логасмим̣, логанид̇т̇аран̣зсинам̣;
Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ д̣̇идтивисуд̣̇д̇хияаа.
Dassentī kulaputtānaṃ, nayaṃ diṭṭhivisuddhiyā.
б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
Buddhoti nāmampi, suddhacittassa tādino;
логамхи логаж̇здтасса, бавад̇д̇ад̇и махзсинод̇и.
Lokamhi lokajeṭṭhassa, pavattati mahesinoti.
бабан̃жасууд̣̇аний наама
Papañcasūdanī nāma
маж̇жхиманигааяадтагат̇аа саб̣б̣аагаарзна нидтид̇аа.
Majjhimanikāyaṭṭhakathā sabbākārena niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. инд̣̇рияабхааванаасуд̇д̇ам̣ • 10. Indriyabhāvanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. инд̣̇рияабхааванаасуд̇д̇аван̣н̣анаа • 10. Indriyabhāvanāsuttavaṇṇanā
