| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൮. ഇന്ദ്രിയകഥാവണ്ണനാ
8. Indriyakathāvaṇṇanā
൮൫൩-൮൫൬. ഇദാനി ഇന്ദ്രിയകഥാ നാമ ഹോതി. തത്ഥ ലോകിയാ സദ്ധാ സദ്ധാ ഏവ നാമ, ന സദ്ധിന്ദ്രിയം. തഥാ ലോകിയം വീരിയം…പേ॰… സതി… സമാധി… പഞ്ഞാ പഞ്ഞായേവ നാമ, ന പഞ്ഞിന്ദ്രിയന്തി യേസം ലദ്ധി, സേയ്യഥാപി ഹേതുവാദാനഞ്ചേവ മഹിസാസകാനഞ്ച; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ . നത്ഥി ലോകിയാ സദ്ധാതിആദി യസ്മാ ലോകിയാപി സദ്ധാദയോവ ധമ്മാ അധിപതിയട്ഠേന ഇന്ദ്രിയം, ന സദ്ധാദീഹി അഞ്ഞം സദ്ധിന്ദ്രിയാദി നാമ അത്ഥി, തസ്മാ ലോകിയാനമ്പി സദ്ധാദീനഞ്ഞേവ സദ്ധിന്ദ്രിയാദിഭാവദസ്സനത്ഥം വുത്തം. അത്ഥി ലോകിയോ മനോതിആദി യഥാ തേ ലോകിയാപി മനാദയോ ധമ്മാ മനിന്ദ്രിയാദീനി, ഏവം ലോകിയാ സദ്ധാദയോപി സദ്ധിന്ദ്രിയാനീതി ഉപമായ തസ്സത്ഥസ്സ വിഭാവനത്ഥം വുത്തം. സേസമേത്ഥ യഥാപാളിമേവ നിയ്യാതീതി.
853-856. Idāni indriyakathā nāma hoti. Tattha lokiyā saddhā saddhā eva nāma, na saddhindriyaṃ. Tathā lokiyaṃ vīriyaṃ…pe… sati… samādhi… paññā paññāyeva nāma, na paññindriyanti yesaṃ laddhi, seyyathāpi hetuvādānañceva mahisāsakānañca; te sandhāya pucchā sakavādissa, paṭiññā itarassa . Natthi lokiyā saddhātiādi yasmā lokiyāpi saddhādayova dhammā adhipatiyaṭṭhena indriyaṃ, na saddhādīhi aññaṃ saddhindriyādi nāma atthi, tasmā lokiyānampi saddhādīnaññeva saddhindriyādibhāvadassanatthaṃ vuttaṃ. Atthi lokiyo manotiādi yathā te lokiyāpi manādayo dhammā manindriyādīni, evaṃ lokiyā saddhādayopi saddhindriyānīti upamāya tassatthassa vibhāvanatthaṃ vuttaṃ. Sesamettha yathāpāḷimeva niyyātīti.
ഇന്ദ്രിയകഥാവണ്ണനാ.
Indriyakathāvaṇṇanā.
ഏകൂനവീസതിമോ വഗ്ഗോ.
Ekūnavīsatimo vaggo.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൯൩) ൮. ഇന്ദ്രിയകഥാ • (193) 8. Indriyakathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൮. ഇന്ദ്രിയകഥാവണ്ണനാ • 8. Indriyakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൮. ഇന്ദ്രിയകഥാവണ്ണനാ • 8. Indriyakathāvaṇṇanā
