| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
2. இந்த்³ரியனித்³தே³ஸோ
2. Indriyaniddeso
27. ஸத்³தி⁴ந்த்³ரியஸ்ஸ பஞ்ச விவேகா, பஞ்ச விராகா³, பஞ்ச நிரோதா⁴, பஞ்ச வொஸ்ஸக்³கா³, த்³வாத³ஸ நிஸ்ஸயா. வீரியிந்த்³ரியஸ்ஸ…பே॰… ஸதிந்த்³ரியஸ்ஸ… ஸமாதி⁴ந்த்³ரியஸ்ஸ… பஞ்ஞிந்த்³ரியஸ்ஸ பஞ்ச விவேகா, பஞ்ச விராகா³, பஞ்ச நிரோதா⁴, பஞ்ச வொஸ்ஸக்³கா³, த்³வாத³ஸ நிஸ்ஸயா.
27. Saddhindriyassa pañca vivekā, pañca virāgā, pañca nirodhā, pañca vossaggā, dvādasa nissayā. Vīriyindriyassa…pe… satindriyassa… samādhindriyassa… paññindriyassa pañca vivekā, pañca virāgā, pañca nirodhā, pañca vossaggā, dvādasa nissayā.
ஸத்³தி⁴ந்த்³ரியஸ்ஸ கதமே பஞ்ச விவேகா? விக்க²ம்ப⁴னவிவேகோ, தத³ங்க³விவேகோ, ஸமுச்சே²த³விவேகோ, படிப்பஸ்ஸத்³தி⁴விவேகோ, நிஸ்ஸரணவிவேகோ. விக்க²ம்ப⁴னவிவேகோ ச நீவரணானங் பட²மஜ்ஜா²னங் பா⁴வயதோ, தத³ங்க³விவேகோ ச தி³ட்டி²க³தானங் நிப்³பே³த⁴பா⁴கி³யங் ஸமாதி⁴ங் பா⁴வயதோ, ஸமுச்சே²த³விவேகோ ச லோகுத்தரங் க²யகா³மிமக்³க³ங் பா⁴வயதோ, படிப்பஸ்ஸத்³தி⁴விவேகோ ச ப²லக்க²ணே, நிஸ்ஸரணவிவேகோ ச நிரோதோ⁴ நிப்³பா³னங். ஸத்³தி⁴ந்த்³ரியஸ்ஸ இமே பஞ்ச விவேகா. இமேஸு பஞ்சஸு விவேகேஸு ச²ந்த³ஜாதோ ஹோதி ஸத்³தா⁴தி⁴முத்தோ, சித்தஞ்சஸ்ஸ ஸ்வாதி⁴ட்டி²தங்…பே॰… ஸத்³தி⁴ந்த்³ரியஸ்ஸ இமே பஞ்ச விவேகா, பஞ்ச விராகா³, பஞ்ச நிரோதா⁴, பஞ்ச வொஸ்ஸக்³கா³, த்³வாத³ஸ நிஸ்ஸயா.
Saddhindriyassa katame pañca vivekā? Vikkhambhanaviveko, tadaṅgaviveko, samucchedaviveko, paṭippassaddhiviveko, nissaraṇaviveko. Vikkhambhanaviveko ca nīvaraṇānaṃ paṭhamajjhānaṃ bhāvayato, tadaṅgaviveko ca diṭṭhigatānaṃ nibbedhabhāgiyaṃ samādhiṃ bhāvayato, samucchedaviveko ca lokuttaraṃ khayagāmimaggaṃ bhāvayato, paṭippassaddhiviveko ca phalakkhaṇe, nissaraṇaviveko ca nirodho nibbānaṃ. Saddhindriyassa ime pañca vivekā. Imesu pañcasu vivekesu chandajāto hoti saddhādhimutto, cittañcassa svādhiṭṭhitaṃ…pe… saddhindriyassa ime pañca vivekā, pañca virāgā, pañca nirodhā, pañca vossaggā, dvādasa nissayā.
வீரியிந்த்³ரியஸ்ஸ…பே॰… ஸதிந்த்³ரியஸ்ஸ…பே॰… ஸமாதி⁴ந்த்³ரியஸ்ஸ… பஞ்ஞிந்த்³ரியஸ்ஸ கதமே பஞ்ச விவேகா? விக்க²ம்ப⁴னவிவேகோ, தத³ங்க³விவேகோ, ஸமுச்சே²த³விவேகோ, படிப்பஸ்ஸத்³தி⁴விவேகோ, நிஸ்ஸரணவிவேகோ…பே॰… பஞ்ஞிந்த்³ரியஸ்ஸ இமே பஞ்ச விவேகா, பஞ்ச விராகா³, பஞ்ச நிரோதா⁴ , பஞ்ச வொஸ்ஸக்³கா³, த்³வாத³ஸ நிஸ்ஸயாதி.
Vīriyindriyassa…pe… satindriyassa…pe… samādhindriyassa… paññindriyassa katame pañca vivekā? Vikkhambhanaviveko, tadaṅgaviveko, samucchedaviveko, paṭippassaddhiviveko, nissaraṇaviveko…pe… paññindriyassa ime pañca vivekā, pañca virāgā, pañca nirodhā , pañca vossaggā, dvādasa nissayāti.
விவேககதா² நிட்டி²தா.
Vivekakathā niṭṭhitā.
