| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
3. инд̣̇рияасуд̇д̇аван̣н̣анаа
3. Indriyasuttavaṇṇanā
62. д̇ад̇ияз инд̣̇рияаанийд̇и ад̇хибад̇зяяадтзна инд̣̇рияаани. яаани хи сахаж̇аад̇ад̇хаммзсу иссараа вияа худ̇ваа д̇зхи анувад̇д̇ид̇аб̣б̣аани, д̇аани инд̣̇рияаани наама. абижа инд̣̇о бхаг̇аваа д̇хаммиссаро барамзна жид̇д̇иссариязна саманнааг̇ад̇о. д̇зна инд̣̇зна саб̣б̣абатамам̣ д̣̇идтад̇д̇аа ад̇хиг̇ад̇ад̇д̇аа барзсан̃жа д̣̇идтад̇д̇аа д̣̇зсид̇ад̇д̇аа вихид̇ад̇д̇аа г̇ожарабхааванаасзванаахи д̣̇идтад̇д̇аа жа инд̣̇рияаани. инд̣̇ам̣ ваа маг̇г̇аад̇хиг̇амасса убаниссаяабхууд̇ам̣ бун̃н̃агаммам̣, д̇асса лин̇г̇аанийд̇иби инд̣̇рияаани. анан̃н̃аад̇ан̃н̃ассаамийд̇инд̣̇рияанд̇и ‘‘анамад̇аг̇г̇з сам̣саарз анан̃н̃аад̇ам̣ анад̇хиг̇ад̇ам̣ амад̇абад̣̇ам̣ жад̇усажжад̇хаммамзва ваа ж̇ааниссаамий’’д̇и бадибаннасса иминаа буб̣б̣абхааг̇зна уббаннам̣ инд̣̇рияам̣, сод̇аабад̇д̇имаг̇г̇абан̃н̃ааязд̇ам̣ ад̇хиважанам̣. ан̃н̃инд̣̇рияанд̇и ааж̇аананаинд̣̇рияам̣. д̇ад̇рааяам̣ важанад̇т̇о – ааж̇аанаад̇и батамамаг̇г̇ан̃аан̣зна д̣̇идтамарияаад̣̇ам̣ анад̇иггамид̇ваава ж̇аанаад̇ийд̇и ан̃н̃аа. яат̇зва хи батамамаг̇г̇абан̃н̃аа д̣̇угкаад̣̇ийсу барин̃н̃аабхисамаяаад̣̇ивасзна бавад̇д̇ад̇и, д̇ат̇зва аяамби бавад̇д̇ад̇ийд̇и ан̃н̃аа жа саа яат̇аавуд̇д̇знадтзна инд̣̇рияам̣ жаад̇и ан̃н̃инд̣̇рияам̣. ааж̇аананадтзнзва ан̃н̃асса ваа арияабуг̇г̇аласса инд̣̇рияанд̇и ан̃н̃инд̣̇рияам̣, сод̇аабад̇д̇ипалад̇о бадтааяа часу таанзсу н̃аан̣ассзд̇ам̣ ад̇хиважанам̣. ан̃н̃аад̇аавинд̣̇рияанд̇и ан̃н̃аад̇аавино жад̇уусу сажжзсу нидтид̇ан̃аан̣агижжасса кийн̣аасавасса уббаж̇ж̇анад̇о инд̣̇рияадтасамбхавад̇о жа ан̃н̃аад̇аавинд̣̇рияам̣. зд̇т̇а жа батамабажчимаани батамамаг̇г̇ажад̇уд̇т̇апалавасзна згадтаанигаани, ид̇арам̣ ид̇арамаг̇г̇апалавасзна чадтааниганд̇и взд̣̇ид̇аб̣б̣ам̣.
62. Tatiye indriyānīti adhipateyyaṭṭhena indriyāni. Yāni hi sahajātadhammesu issarā viya hutvā tehi anuvattitabbāni, tāni indriyāni nāma. Apica indo bhagavā dhammissaro paramena cittissariyena samannāgato. Tena indena sabbapaṭhamaṃ diṭṭhattā adhigatattā paresañca diṭṭhattā desitattā vihitattā gocarabhāvanāsevanāhi diṭṭhattā ca indriyāni. Indaṃ vā maggādhigamassa upanissayabhūtaṃ puññakammaṃ, tassa liṅgānītipi indriyāni. Anaññātaññassāmītindriyanti ‘‘anamatagge saṃsāre anaññātaṃ anadhigataṃ amatapadaṃ catusaccadhammameva vā jānissāmī’’ti paṭipannassa iminā pubbabhāgena uppannaṃ indriyaṃ, sotāpattimaggapaññāyetaṃ adhivacanaṃ. Aññindriyanti ājānanaindriyaṃ. Tatrāyaṃ vacanattho – ājānāti paṭhamamaggañāṇena diṭṭhamariyādaṃ anatikkamitvāva jānātīti aññā. Yatheva hi paṭhamamaggapaññā dukkhādīsu pariññābhisamayādivasena pavattati, tatheva ayampi pavattatīti aññā ca sā yathāvuttenaṭṭhena indriyaṃ cāti aññindriyaṃ. Ājānanaṭṭheneva aññassa vā ariyapuggalassa indriyanti aññindriyaṃ, sotāpattiphalato paṭṭhāya chasu ṭhānesu ñāṇassetaṃ adhivacanaṃ. Aññātāvindriyanti aññātāvino catūsu saccesu niṭṭhitañāṇakiccassa khīṇāsavassa uppajjanato indriyaṭṭhasambhavato ca aññātāvindriyaṃ. Ettha ca paṭhamapacchimāni paṭhamamaggacatutthaphalavasena ekaṭṭhānikāni, itaraṃ itaramaggaphalavasena chaṭṭhānikanti veditabbaṃ.
г̇аат̇аасу сигкамаанассаад̇и ад̇хисийласигкаад̣̇аяо сигкамаанасса бхаавзнд̇асса. уж̇умаг̇г̇аанусааринод̇и уж̇умаг̇г̇о вужжад̇и арияамаг̇г̇о, анд̇ад̣̇ваяавиваж̇ж̇ид̇ад̇д̇аа д̇асса ануссаран̣ад̇о уж̇умаг̇г̇аанусаарино, бадибаадияаа маг̇г̇з уббаад̣̇знд̇ассаад̇и ад̇т̇о. каяасминд̇и анавасзсагилзсаанам̣ кзбанад̇о каяасан̇каад̇з аг̇г̇амаг̇г̇з н̃аан̣ам̣ батамам̣ бурзязва уббаж̇ж̇ад̇и. д̇ад̇о ан̃н̃аа ананд̇араад̇и д̇ад̇о маг̇г̇ан̃аан̣ад̇о ананд̇араа арахад̇д̇ам̣ уббаж̇ж̇ад̇и. ат̇а ваа уж̇умаг̇г̇аанусааринод̇и лийнуд̣̇д̇хажжабад̇идтаанааяууханаад̣̇игз важ̇ж̇зд̇ваа самат̇авибассанам̣ яуг̇анад̣̇д̇хам̣ гад̇ваа бхааванаавасзна бавад̇д̇ам̣ буб̣б̣абхааг̇амаг̇г̇ам̣ ануссаранд̇асса ануг̇ажчанд̇асса бадибаж̇ж̇анд̇асса г̇од̇рабхун̃аан̣аананд̇арам̣ д̣̇идтзгадтаанам̣ гилзсаанам̣ кзбанад̇о каяасмим̣ сод̇аабад̇д̇имаг̇г̇з батамам̣ н̃аан̣ам̣ анан̃н̃аад̇ан̃н̃ассаамийд̇инд̣̇рияам̣ уббаж̇ж̇ад̇и. д̇ад̇о ан̃н̃аа ананд̇араад̇и д̇ад̇о батаман̃аан̣ад̇о ананд̇араа ананд̇арад̇о бадтааяа яаава аг̇г̇амаг̇г̇аа ан̃н̃аа ан̃н̃инд̣̇рияам̣ уббаж̇ж̇ад̇и.
Gāthāsu sikkhamānassāti adhisīlasikkhādayo sikkhamānassa bhāventassa. Ujumaggānusārinoti ujumaggo vuccati ariyamaggo, antadvayavivajjitattā tassa anussaraṇato ujumaggānusārino, paṭipāṭiyā magge uppādentassāti attho. Khayasminti anavasesakilesānaṃ khepanato khayasaṅkhāte aggamagge ñāṇaṃ paṭhamaṃ pureyeva uppajjati. Tato aññā anantarāti tato maggañāṇato anantarā arahattaṃ uppajjati. Atha vā ujumaggānusārinoti līnuddhaccapatiṭṭhānāyūhanādike vajjetvā samathavipassanaṃ yuganaddhaṃ katvā bhāvanāvasena pavattaṃ pubbabhāgamaggaṃ anussarantassa anugacchantassa paṭipajjantassa gotrabhuñāṇānantaraṃ diṭṭhekaṭṭhānaṃ kilesānaṃ khepanato khayasmiṃ sotāpattimagge paṭhamaṃ ñāṇaṃ anaññātaññassāmītindriyaṃ uppajjati. Tato aññā anantarāti tato paṭhamañāṇato anantarā anantarato paṭṭhāya yāva aggamaggā aññā aññindriyaṃ uppajjati.
д̇ад̇о ан̃н̃аа вимуд̇д̇ассаад̇и д̇ад̇о ан̃н̃аа ан̃н̃инд̣̇рияад̇о бажчаа арахад̇д̇амаг̇г̇ан̃аан̣аананд̇араа арахад̇д̇апалзна бан̃н̃аавимуд̇д̇ияаа ан̃н̃аад̇аавинд̣̇риязна вимуд̇д̇асса. н̃аан̣ам̣ вз ход̇и д̇аад̣̇инод̇и арахад̇д̇апалуббад̇д̇ид̇о уд̇д̇арагаалз идтаанидтаад̣̇ийсу д̇аад̣̇илагкан̣аббад̇д̇асса кийн̣аасавасса бажжавзгкан̣ан̃аан̣ам̣ уббаж̇ж̇ад̇и. гат̇ам̣ уббаж̇ж̇ад̇ийд̇и ааха ‘‘агуббаа мз вимуд̇д̇ий’’д̇и. д̇асса агуббабхаавасса гааран̣ам̣ д̣̇ассзд̇и ‘‘бхавасам̣яож̇анагкаяаа’’д̇и.
Tatoaññā vimuttassāti tato aññā aññindriyato pacchā arahattamaggañāṇānantarā arahattaphalena paññāvimuttiyā aññātāvindriyena vimuttassa. Ñāṇaṃ ve hoti tādinoti arahattaphaluppattito uttarakāle iṭṭhāniṭṭhādīsu tādilakkhaṇappattassa khīṇāsavassa paccavekkhaṇañāṇaṃ uppajjati. Kathaṃ uppajjatīti āha ‘‘akuppā me vimuttī’’ti. Tassa akuppabhāvassa kāraṇaṃ dasseti ‘‘bhavasaṃyojanakkhayā’’ti.
ид̣̇аани д̇аад̣̇исам̣ кийн̣аасавам̣ т̇омзнд̇о ‘‘са вз инд̣̇рияасамбанно’’д̇и д̇ад̇ияам̣ г̇аат̇амааха. д̇ад̇т̇а инд̣̇рияасамбаннод̇и яат̇аавуд̇д̇зхи д̇ийхи логуд̇д̇аринд̣̇риязхи саманнааг̇ад̇о, суд̣̇д̇хзхиби ваа бадиббассад̣̇д̇хилад̣̇д̇хзхи сад̣̇д̇хаад̣̇ийхи инд̣̇риязхи саманнааг̇ад̇о барибун̣н̣о, д̇ад̇о зва жагкаад̣̇ийхи судту вуубасанд̇зхи ниб̣б̣исзванзхи инд̣̇риязхи саманнааг̇ад̇о. д̇знааха ‘‘санд̇о’’д̇и, саб̣б̣агилзсабарил̣аахавуубасамзна убасанд̇од̇и ад̇т̇о. санд̇ибад̣̇з рад̇од̇и ниб̣б̣аанз абхирад̇о ад̇химуд̇д̇о. зд̇т̇а жа ‘‘инд̣̇рияасамбанно’’д̇и зд̇зна бхаавид̇амаг̇г̇ад̇аа, барин̃н̃аад̇агканд̇хад̇аа жасса д̣̇ассид̇аа. ‘‘санд̇о’’д̇и зд̇зна бахийнагилзсад̇аа, ‘‘санд̇ибад̣̇з рад̇о’’д̇и зд̇зна сажчигад̇анирод̇хад̇аад̇и. сзсам̣ вуд̇д̇анаяамзва.
Idāni tādisaṃ khīṇāsavaṃ thomento ‘‘sa ve indriyasampanno’’ti tatiyaṃ gāthamāha. Tattha indriyasampannoti yathāvuttehi tīhi lokuttarindriyehi samannāgato, suddhehipi vā paṭippassaddhiladdhehi saddhādīhi indriyehi samannāgato paripuṇṇo, tato eva cakkhādīhi suṭṭhu vūpasantehi nibbisevanehi indriyehi samannāgato. Tenāha ‘‘santo’’ti, sabbakilesapariḷāhavūpasamena upasantoti attho. Santipade ratoti nibbāne abhirato adhimutto. Ettha ca ‘‘indriyasampanno’’ti etena bhāvitamaggatā, pariññātakkhandhatā cassa dassitā. ‘‘Santo’’ti etena pahīnakilesatā, ‘‘santipade rato’’ti etena sacchikatanirodhatāti. Sesaṃ vuttanayameva.
д̇ад̇ияасуд̇д̇аван̣н̣анаа нидтид̇аа.
Tatiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 3. инд̣̇рияасуд̇д̇ам̣ • 3. Indriyasuttaṃ
