| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
5. инд̣̇рияавибхан̇г̇о
5. Indriyavibhaṅgo
1. абхид̇хаммабхааж̇анийяаван̣н̣анаа
1. Abhidhammabhājanīyavaṇṇanā
219. жагкуд̣̇ваарз инд̣̇адтам̣ гаарзд̇ийд̇и жагкуд̣̇ваарабхаавз д̇ам̣д̣̇вааригзхи ад̇д̇ано инд̣̇абхаавам̣ барамиссарабхаавам̣ гаараяад̇ийд̇и ад̇т̇о. д̇ан̃хи д̇з руубаг̇г̇ахан̣з ад̇д̇аанам̣ анувад̇д̇зд̇и, д̇з жа д̇ам̣ анувад̇д̇анд̇ийд̇и. зса наяо ид̇арзсуби. язна д̇ам̣саман̇г̇ийбуг̇г̇ало д̇ам̣самбаяуд̇д̇ад̇хаммаа ваа ан̃н̃аад̇аавино хонд̇и, со ан̃н̃аад̇аавибхааво баринидтид̇агижжаж̇аананам̣.
219. Cakkhudvāreindaṭṭhaṃ kāretīti cakkhudvārabhāve taṃdvārikehi attano indabhāvaṃ paramissarabhāvaṃ kārayatīti attho. Tañhi te rūpaggahaṇe attānaṃ anuvatteti, te ca taṃ anuvattantīti. Esa nayo itaresupi. Yena taṃsamaṅgīpuggalo taṃsampayuttadhammā vā aññātāvino honti, so aññātāvibhāvo pariniṭṭhitakiccajānanaṃ.
гад̇т̇ажи д̣̇взд̇и ‘‘д̣̇виннам̣ ко, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа кийн̣аасаво бхигку ан̃н̃ам̣ б̣яаагарод̇и…бз… арияааяа жа бан̃н̃ааяа арияааяа жа вимуд̇д̇ияаа. яаа хисса, бхигкавз, арияаа бан̃н̃аа, д̇ад̣̇асса бан̃н̃инд̣̇рияам̣. яаа хисса арияаа вимуд̇д̇и, д̇ад̣̇асса самаад̇хинд̣̇рияа’’нд̇иаад̣̇ийсу (сам̣. ни. 5.516) д̣̇вз, ‘‘д̇ин̣н̣ам̣ ко, бхигкавз, инд̣̇рияаанам̣ бхаавид̇ад̇д̇аа б̣ахулийгад̇ад̇д̇аа бин̣д̣олабхаарад̣̇вааж̇зна бхигкунаа ан̃н̃аа б̣яаагад̇аа…бз… сад̇инд̣̇рияасса самаад̇хинд̣̇рияасса бан̃н̃инд̣̇рияассаа’’д̇и (сам̣. ни. 5.519), ‘‘д̇ийн̣имаани, бхигкавз, инд̣̇рияаани. гад̇амаани д̇ийн̣и? анан̃н̃аад̇ан̃н̃ассаамийд̇инд̣̇рияам̣ ан̃н̃инд̣̇рияам̣ ан̃н̃аад̇аавинд̣̇рияа’’нд̇и (сам̣. ни. 5.493), ‘‘д̇ийн̣имаани…бз… ид̇т̇инд̣̇рияам̣ бурисинд̣̇рияам̣ ж̇ийвид̇инд̣̇рияа’’нд̇и (сам̣. ни. 5.492) жа звамаад̣̇ийсу д̇ийн̣и, ‘‘бан̃жимаани, б̣раахман̣а, инд̣̇рияаани наанаависаяаани…бз… жагкунд̣̇рияам̣…бз… гааяинд̣̇рияа’’нд̇и (сам̣. ни. 5.512), ‘‘бан̃жи…бз… сукинд̣̇рияам̣…бз… убзгкинд̣̇рияа’’нд̇и (сам̣. ни. 5.501 аад̣̇аяо), ‘‘бан̃жи…бз… сад̣̇д̇хинд̣̇рияам̣…бз… бан̃н̃инд̣̇рияа’’нд̇и (сам̣. ни. 5.486 аад̣̇аяо) жа звамаад̣̇ийсу бан̃жа. д̇ад̇т̇а суд̇д̇анд̇з д̣̇угаад̣̇иважанам̣ ниссаран̣убааяаад̣̇ибхаавад̇о д̣̇угаад̣̇ийнам̣. саб̣б̣аани бана инд̣̇рияаани абхин̃н̃зяяаани, абхин̃н̃зяяад̇хаммад̣̇зсанаа жа абхид̇хаммод̇и ид̇ха саб̣б̣аани згад̇о вуд̇д̇аани.
Katthaci dveti ‘‘dvinnaṃ kho, bhikkhave, indriyānaṃ bhāvitattā bahulīkatattā khīṇāsavo bhikkhu aññaṃ byākaroti…pe… ariyāya ca paññāya ariyāya ca vimuttiyā. Yā hissa, bhikkhave, ariyā paññā, tadassa paññindriyaṃ. Yā hissa ariyā vimutti, tadassa samādhindriya’’ntiādīsu (saṃ. ni. 5.516) dve, ‘‘tiṇṇaṃ kho, bhikkhave, indriyānaṃ bhāvitattā bahulīkatattā piṇḍolabhāradvājena bhikkhunā aññā byākatā…pe… satindriyassa samādhindriyassa paññindriyassā’’ti (saṃ. ni. 5.519), ‘‘tīṇimāni, bhikkhave, indriyāni. Katamāni tīṇi? Anaññātaññassāmītindriyaṃ aññindriyaṃ aññātāvindriya’’nti (saṃ. ni. 5.493), ‘‘tīṇimāni…pe… itthindriyaṃ purisindriyaṃ jīvitindriya’’nti (saṃ. ni. 5.492) ca evamādīsu tīṇi, ‘‘pañcimāni, brāhmaṇa, indriyāni nānāvisayāni…pe… cakkhundriyaṃ…pe… kāyindriya’’nti (saṃ. ni. 5.512), ‘‘pañci…pe… sukhindriyaṃ…pe… upekkhindriya’’nti (saṃ. ni. 5.501 ādayo), ‘‘pañci…pe… saddhindriyaṃ…pe… paññindriya’’nti (saṃ. ni. 5.486 ādayo) ca evamādīsu pañca. Tattha suttante dukādivacanaṃ nissaraṇupāyādibhāvato dukādīnaṃ. Sabbāni pana indriyāni abhiññeyyāni, abhiññeyyadhammadesanā ca abhidhammoti idha sabbāni ekato vuttāni.
кийн̣аасавасса бхаавабхууд̇о худ̇ваа уббад̇д̇ид̇о ‘‘кийн̣аасавассзва уббаж̇ж̇анад̇о’’д̇и вуд̇д̇ам̣.
Khīṇāsavassa bhāvabhūto hutvā uppattito ‘‘khīṇāsavasseva uppajjanato’’ti vuttaṃ.
лин̇г̇зд̇и г̇амзд̇и н̃аабзд̇ийд̇и лин̇г̇ам̣, лин̇г̇ийяад̇и ваа зд̇знаад̇и лин̇г̇ам̣, гим̣ лин̇г̇зд̇и, гин̃жа ваа лин̇г̇ийяад̇ийд̇и? инд̣̇ам̣ инд̣̇о ваа, инд̣̇асса лин̇г̇ам̣ инд̣̇алин̇г̇ам̣, инд̣̇алин̇г̇асса ад̇т̇о д̇ам̣сабхааво инд̣̇алин̇г̇адто, инд̣̇алин̇г̇амзва ваа инд̣̇рияа-сад̣̇д̣̇асса ад̇т̇о инд̣̇алин̇г̇адто. саж̇ж̇ид̇ам̣ уббаад̣̇ид̇анд̇и сидтам̣, инд̣̇зна сидтам̣ инд̣̇асидтам̣. ж̇удтам̣ сзвид̇ам̣. гаммасан̇каад̇асса инд̣̇асса лин̇г̇аани, д̇зна жа сидтаанийд̇и гаммаж̇аанзва яож̇зд̇аб̣б̣аани, на ан̃н̃аани. д̇з жа д̣̇вз ад̇т̇аа гаммз зва яож̇зд̇аб̣б̣аа, ид̇арз жа бхаг̇авад̇и зваад̇и ‘‘яат̇ааяог̇а’’нд̇и ааха. д̇знаад̇и бхаг̇авад̇о гаммасса жа инд̣̇ад̇д̇аа. зд̇т̇аад̇и зд̇зсу инд̣̇риязсу. уллин̇г̇знд̇и багаасзнд̇и паласамбад̇д̇ивибад̇д̇ийхи гааран̣асамбад̇д̇ивибад̇д̇иаваб̣од̇хад̇о. ‘‘со д̇ам̣ нимид̇д̇ам̣ аасзвад̇ий’’д̇иаад̣̇ийсу (а. ни. 9.35) г̇ожарагаран̣амби аасзванаад̇и вуд̇д̇аад̇и ааха ‘‘гаанижи г̇ожараасзванааяаа’’д̇и. д̇ад̇т̇а саб̣б̣зсам̣ г̇ожарийгаад̇аб̣б̣ад̇д̇зби ‘‘гаанижий’’д̇и важанам̣ авибассид̇аб̣б̣аанам̣ б̣ахулийманасигаран̣зна анаасзванийяад̇д̇аа. бажжавзгкан̣аамад̇д̇амзва хи д̇зсу ход̇ийд̇и. ‘‘д̇асса д̇ам̣ маг̇г̇ам̣ аасзвад̇о’’д̇иаад̣̇ийсу (а. ни. 4.170) бхааванаа ‘‘аасзванаа’’д̇и вуд̇д̇аад̇и бхаавзд̇аб̣б̣аани сад̣̇д̇хаад̣̇ийни санд̇хааяааха ‘‘гаанижи бхааванаасзванааяаа’’д̇и. аад̇хибажжам̣ инд̣̇рияабажжаяабхааво, асад̇и жа инд̣̇рияабажжаяабхаавз ид̇т̇ибурисинд̣̇рияаанам̣ ад̇д̇ано бажжаяавасзна бавад̇д̇амаанзхи д̇ам̣сахид̇асанд̇аанз ан̃н̃аагаарзна ануббаж̇ж̇амаанзхи лин̇г̇аад̣̇ийхи анувад̇д̇анийяабхааво, имасмин̃жад̇т̇з инд̣̇анд̇и барамиссарияам̣ гаронд̇ижжзва инд̣̇рияаани. жагкаад̣̇ийсу д̣̇ассид̇зна наязна ан̃н̃зсан̃жа д̇ад̣̇анувад̇д̇ийсу аад̇хибажжам̣ яат̇аарахам̣ яож̇зд̇аб̣б̣ам̣.
Liṅgeti gameti ñāpetīti liṅgaṃ, liṅgīyati vā etenāti liṅgaṃ, kiṃ liṅgeti, kiñca vā liṅgīyatīti? Indaṃ indo vā, indassa liṅgaṃ indaliṅgaṃ, indaliṅgassa attho taṃsabhāvo indaliṅgaṭṭho, indaliṅgameva vā indriya-saddassa attho indaliṅgaṭṭho. Sajjitaṃ uppāditanti siṭṭhaṃ, indena siṭṭhaṃ indasiṭṭhaṃ. Juṭṭhaṃ sevitaṃ. Kammasaṅkhātassa indassa liṅgāni, tena ca siṭṭhānīti kammajāneva yojetabbāni, na aññāni. Te ca dve atthā kamme eva yojetabbā, itare ca bhagavati evāti ‘‘yathāyoga’’nti āha. Tenāti bhagavato kammassa ca indattā. Etthāti etesu indriyesu. Ulliṅgenti pakāsenti phalasampattivipattīhi kāraṇasampattivipattiavabodhato. ‘‘So taṃ nimittaṃ āsevatī’’tiādīsu (a. ni. 9.35) gocarakaraṇampi āsevanāti vuttāti āha ‘‘kānici gocarāsevanāyā’’ti. Tattha sabbesaṃ gocarīkātabbattepi ‘‘kānicī’’ti vacanaṃ avipassitabbānaṃ bahulīmanasikaraṇena anāsevanīyattā. Paccavekkhaṇāmattameva hi tesu hotīti. ‘‘Tassa taṃ maggaṃ āsevato’’tiādīsu (a. ni. 4.170) bhāvanā ‘‘āsevanā’’ti vuttāti bhāvetabbāni saddhādīni sandhāyāha ‘‘kānici bhāvanāsevanāyā’’ti. Ādhipaccaṃ indriyapaccayabhāvo, asati ca indriyapaccayabhāve itthipurisindriyānaṃ attano paccayavasena pavattamānehi taṃsahitasantāne aññākārena anuppajjamānehi liṅgādīhi anuvattanīyabhāvo, imasmiñcatthe indanti paramissariyaṃ karonticceva indriyāni. Cakkhādīsu dassitena nayena aññesañca tadanuvattīsu ādhipaccaṃ yathārahaṃ yojetabbaṃ.
хздтаад̇и адтасаалинияам̣. амохо зва, на висум̣ жад̇д̇ааро д̇хаммаа, д̇асмаа амохасса бан̃н̃инд̣̇рияабад̣̇з вибхаавид̇аани лагкан̣аад̣̇ийни д̇зсан̃жа взд̣̇ид̇аб̣б̣аанийд̇и ад̇хиббааяо. сзсаани адтасаалинияам̣ лагкан̣аад̣̇ийхи саруубзнзва ааг̇ад̇аани. нану жа сукинд̣̇рияад̣̇угкинд̣̇рияаанам̣ д̇ад̇т̇а лагкан̣аад̣̇ийни на вуд̇д̇аанийд̇и? гин̃жааби на вуд̇д̇аани, соманассад̣̇оманассинд̣̇рияаанам̣ бана вуд̇д̇алагкан̣аад̣̇ивасзна вин̃н̃зяяад̇о зд̇зсамби вуд̇д̇аанзва хонд̇и. гат̇ам̣? идтаподтаб̣б̣аанубхаваналагкан̣ам̣ сукинд̣̇рияам̣, идтаагаарасамбхог̇арасам̣, гааяигассаад̣̇абажжубадтаанам̣, гааяинд̣̇рияабад̣̇адтаанам̣ . анидтаподтаб̣б̣аанубхаваналагкан̣ам̣ д̣̇угкинд̣̇рияам̣, анидтаагаарасамбхог̇арасам̣, гааяигааб̣аад̇хабажжубадтаанам̣, гааяинд̣̇рияабад̣̇адтаананд̇и. зд̇т̇а жа идтаанидтаагаараанамзва аарамман̣аанам̣ самбхог̇арасад̇аа взд̣̇ид̇аб̣б̣аа, на вибарийд̇зби идтаагаарзна анидтаагаарзна жа самбхог̇арасад̇аад̇и.
Heṭṭhāti aṭṭhasāliniyaṃ. Amoho eva, na visuṃ cattāro dhammā, tasmā amohassa paññindriyapade vibhāvitāni lakkhaṇādīni tesañca veditabbānīti adhippāyo. Sesāni aṭṭhasāliniyaṃ lakkhaṇādīhi sarūpeneva āgatāni. Nanu ca sukhindriyadukkhindriyānaṃ tattha lakkhaṇādīni na vuttānīti? Kiñcāpi na vuttāni, somanassadomanassindriyānaṃ pana vuttalakkhaṇādivasena viññeyyato etesampi vuttāneva honti. Kathaṃ? Iṭṭhaphoṭṭhabbānubhavanalakkhaṇaṃ sukhindriyaṃ, iṭṭhākārasambhogarasaṃ, kāyikassādapaccupaṭṭhānaṃ, kāyindriyapadaṭṭhānaṃ . Aniṭṭhaphoṭṭhabbānubhavanalakkhaṇaṃ dukkhindriyaṃ, aniṭṭhākārasambhogarasaṃ, kāyikābādhapaccupaṭṭhānaṃ, kāyindriyapadaṭṭhānanti. Ettha ca iṭṭhāniṭṭhākārānameva ārammaṇānaṃ sambhogarasatā veditabbā, na viparītepi iṭṭhākārena aniṭṭhākārena ca sambhogarasatāti.
сад̇д̇аанам̣ арияабхуумибадилаабхо бхаг̇авад̇о д̣̇зсанааяа саад̇хааран̣ам̣ бад̇хаанан̃жа баяож̇ананд̇и ааха ‘‘аж̇жхад̇д̇ад̇хаммам̣ барин̃н̃ааяаа’’д̇иаад̣̇и. адтагат̇ааяам̣ ид̇т̇ибурисинд̣̇рияаананд̇арам̣ ж̇ийвид̇инд̣̇рияад̣̇зсанаггамо вуд̇д̇о, со инд̣̇рияаяамагад̣̇зсанааяа самзд̇и. ид̇ха бана инд̣̇рияавибхан̇г̇з манинд̣̇рияаананд̇арам̣ ж̇ийвид̇инд̣̇рияам̣ вуд̇д̇ам̣, д̇ам̣ буримабажчимаанам̣ аж̇жхад̇д̇игаб̣аахираанам̣ анубаалагад̇д̇зна д̇зсам̣ маж̇жхз вуд̇д̇анд̇и взд̣̇ид̇аб̣б̣ам̣. яан̃жа гин̃жи взд̣̇аяид̇ам̣, саб̣б̣ам̣ д̇ам̣ д̣̇угкам̣. яаава жа д̣̇увид̇хад̇д̇абхааваанубаалагасса ж̇ийвид̇инд̣̇рияасса бавад̇д̇и, д̇аава д̣̇угкабхууд̇аанам̣ зд̇зсам̣ взд̣̇аяид̇аанам̣ анивад̇д̇ийд̇и н̃аабанад̇т̇ам̣. д̇зна жа жагкаад̣̇ийнам̣ д̣̇угкаануб̣анд̇хад̇ааяа барин̃н̃зяяад̇ам̣ н̃аабзд̇и. д̇ад̇о ананд̇арам̣ бхаавзд̇аб̣б̣ад̇д̇аад̇и бхааванаамаг̇г̇асамбаяуд̇д̇ам̣ ан̃н̃инд̣̇рияам̣ санд̇хааяа вуд̇д̇ам̣. д̣̇ассанаананд̇араа хи бхааванаад̇и.
Sattānaṃ ariyabhūmipaṭilābho bhagavato desanāya sādhāraṇaṃ padhānañca payojananti āha ‘‘ajjhattadhammaṃ pariññāyā’’tiādi. Aṭṭhakathāyaṃ itthipurisindriyānantaraṃ jīvitindriyadesanakkamo vutto, so indriyayamakadesanāya sameti. Idha pana indriyavibhaṅge manindriyānantaraṃ jīvitindriyaṃ vuttaṃ, taṃ purimapacchimānaṃ ajjhattikabāhirānaṃ anupālakattena tesaṃ majjhe vuttanti veditabbaṃ. Yañca kiñci vedayitaṃ, sabbaṃ taṃ dukkhaṃ. Yāva ca duvidhattabhāvānupālakassa jīvitindriyassa pavatti, tāva dukkhabhūtānaṃ etesaṃ vedayitānaṃ anivattīti ñāpanatthaṃ. Tena ca cakkhādīnaṃ dukkhānubandhatāya pariññeyyataṃ ñāpeti. Tato anantaraṃ bhāvetabbattāti bhāvanāmaggasampayuttaṃ aññindriyaṃ sandhāya vuttaṃ. Dassanānantarā hi bhāvanāti.
сад̇иби бурзж̇аад̇аад̣̇ибажжаяабхаавз инд̣̇рияабажжаяабхаавзна саад̇хзд̇аб̣б̣амзва гижжам̣ ‘‘гижжа’’нд̇и ааха д̇асса анан̃н̃асаад̇хааран̣ад̇д̇аа инд̣̇рияагат̇ааяа жа бавад̇д̇ад̇д̇аа. буб̣б̣ан̇г̇амабхаавзна манинд̣̇рияасса васавад̇д̇аабанам̣ ход̇и, наан̃н̃зсам̣. д̇ам̣самбаяуд̇д̇ааниби хи инд̣̇рияаани саад̇хзд̇аб̣б̣абхууд̇аанзва ад̇д̇ано ад̇д̇ано инд̣̇рияагижжам̣ саад̇хзнд̇и жзд̇асигад̇д̇аад̇и. ‘‘саб̣б̣ад̇т̇а жа инд̣̇рияабажжаяабхаавзна саад̇хзд̇аб̣б̣а’’нд̇и аяам̣ ад̇хигааро анувад̇д̇ад̇ийд̇и д̣̇адтаб̣б̣о. ануббаад̣̇анз анубад̇т̇амбхз жа д̇аббажжаяаанам̣ д̇аббавад̇д̇анз нимид̇д̇абхааво анувид̇хаанам̣. чаад̣̇зд̇ваа парид̇ваа уббаж̇ж̇амаанаа сукад̣̇угкавзд̣̇анаа сахаж̇аад̇з абхибхавид̇ваа саяамзва баагадаа ход̇и, сахаж̇аад̇аа жа д̇аб̣б̣асзна сукад̣̇угкабхааваббад̇д̇аа вияаад̇и ааха ‘‘яат̇аасагам̣ ол̣ааригаагаараанубаабана’’нд̇и. асанд̇асса абан̣ийд̇ассаби агусалад̇аб̣б̣ибаагаад̣̇исамбаяуд̇д̇асса маж̇жхад̇д̇аагаараанубаабанам̣ яож̇зд̇аб̣б̣ам̣, самаанаж̇аад̇ияам̣ ваа сукад̣̇угкзхи санд̇абан̣ийд̇аагаараанубаабанан̃жа. басаннабаг̇г̇ахид̇аубадтид̇асамаахид̇ад̣̇ассанаагаараанубаабанам̣ яат̇ааггамам̣ сад̣̇д̇хаад̣̇ийнам̣. аад̣̇и-сад̣̇д̣̇зна уд̣̇д̇хамбхааг̇ияасам̣яож̇анаани г̇ахид̇аани, маг̇г̇асамбаяуд̇д̇ассзва жа инд̣̇рияасса гижжам̣ д̣̇ассид̇ам̣, д̇знзва паласамбаяуд̇д̇асса д̇ам̣д̇ам̣сам̣яож̇анаанам̣язва бадиббассад̣̇д̇хибахаанагижжад̇аа д̣̇ассид̇аа ход̇ийд̇и. саб̣б̣агад̇агижжам̣ ан̃н̃аад̇аавинд̣̇рияам̣ ан̃н̃асса гаад̇аб̣б̣асса абхааваа амад̇аабхимукамзва д̇аб̣бхаавабажжаяо жа ход̇и, на ид̇араани вияа гижжанд̇арабасуд̇ан̃жа. д̇знааха ‘‘амад̇аабхимукабхаавабажжаяад̇аа жаа’’д̇и.
Satipi purejātādipaccayabhāve indriyapaccayabhāvena sādhetabbameva kiccaṃ ‘‘kicca’’nti āha tassa anaññasādhāraṇattā indriyakathāya ca pavattattā. Pubbaṅgamabhāvena manindriyassa vasavattāpanaṃ hoti, nāññesaṃ. Taṃsampayuttānipi hi indriyāni sādhetabbabhūtāneva attano attano indriyakiccaṃ sādhenti cetasikattāti. ‘‘Sabbattha ca indriyapaccayabhāvena sādhetabba’’nti ayaṃ adhikāro anuvattatīti daṭṭhabbo. Anuppādane anupatthambhe ca tappaccayānaṃ tappavattane nimittabhāvo anuvidhānaṃ. Chādetvā pharitvā uppajjamānā sukhadukkhavedanā sahajāte abhibhavitvā sayameva pākaṭā hoti, sahajātā ca tabbasena sukhadukkhabhāvappattā viyāti āha ‘‘yathāsakaṃ oḷārikākārānupāpana’’nti. Asantassa apaṇītassapi akusalatabbipākādisampayuttassa majjhattākārānupāpanaṃ yojetabbaṃ, samānajātiyaṃ vā sukhadukkhehi santapaṇītākārānupāpanañca. Pasannapaggahitaupaṭṭhitasamāhitadassanākārānupāpanaṃ yathākkamaṃ saddhādīnaṃ. Ādi-saddena uddhambhāgiyasaṃyojanāni gahitāni, maggasampayuttasseva ca indriyassa kiccaṃ dassitaṃ, teneva phalasampayuttassa taṃtaṃsaṃyojanānaṃyeva paṭippassaddhipahānakiccatā dassitā hotīti. Sabbakatakiccaṃ aññātāvindriyaṃ aññassa kātabbassa abhāvā amatābhimukhameva tabbhāvapaccayo ca hoti, na itarāni viya kiccantarapasutañca. Tenāha ‘‘amatābhimukhabhāvapaccayatā cā’’ti.
220. звам̣ санд̇збийд̇и сад̇иби саб̣б̣асан̇г̇аахагад̇д̇з вийрияинд̣̇рияабад̣̇аад̣̇ийхи сан̇г̇ахзд̇аб̣б̣аани гусалаагусалавийрияаад̣̇ийни, жагкунд̣̇рияабад̣̇аад̣̇ийхи сан̇г̇ахзд̇аб̣б̣аани гаалабуг̇г̇алабажжаяаад̣̇ибхзд̣̇зна бхиннаани жагкаад̣̇ийни сан̇г̇ан̣ханд̇ижжзва саб̣б̣асан̇г̇аахагаани, на яассаа бхуумияаа яаани на виж̇ж̇анд̇и, д̇зсам̣ сан̇г̇аахагад̇д̇аад̇и ад̇т̇о. д̇зна жа ависзсид̇ад̇д̇аа саб̣б̣зсам̣ саб̣б̣абхуумигад̇д̇аг̇ахан̣аббасан̇г̇з д̇ам̣нивад̇д̇анзна саб̣б̣асан̇г̇аахагаважанам̣ авиж̇ж̇амаанасса сан̇г̇аахагад̇д̇ад̣̇ийбагам̣ на ход̇ийд̇и д̣̇ассзд̇и.
220. Evaṃsantepīti satipi sabbasaṅgāhakatte vīriyindriyapadādīhi saṅgahetabbāni kusalākusalavīriyādīni, cakkhundriyapadādīhi saṅgahetabbāni kālapuggalapaccayādibhedena bhinnāni cakkhādīni saṅgaṇhanticceva sabbasaṅgāhakāni, na yassā bhūmiyā yāni na vijjanti, tesaṃ saṅgāhakattāti attho. Tena ca avisesitattā sabbesaṃ sabbabhūmikattagahaṇappasaṅge taṃnivattanena sabbasaṅgāhakavacanaṃ avijjamānassa saṅgāhakattadīpakaṃ na hotīti dasseti.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
2. бан̃хабужчагаван̣н̣анаа
2. Pañhapucchakavaṇṇanā
223. ид̇ха анаабхадтанд̇и зганд̇аанаарамман̣ад̇д̇зна бхаасид̇ам̣. ‘‘руубамиссагад̇д̇аа анаарамман̣зсу руубад̇хаммзсу сан̇г̇ахид̇а’’нд̇и гасмаа вуд̇д̇ам̣, нану миссагад̇д̇аа зва ж̇ийвид̇инд̣̇рияам̣ анаарамман̣зсу асан̇г̇ахид̇ам̣. на хи адтинд̣̇рияаа анаарамман̣аад̇и вуд̇д̇аад̇и? сажжамзд̇ам̣, ж̇ийвид̇инд̣̇рияазгад̣̇зсасса бана анаарамман̣зсу руубад̇хаммзсу сан̇г̇ахид̇ад̇ам̣ санд̇хааязд̇ам̣ вуд̇д̇ам̣, аруубагодтаасзна барид̇д̇аарамман̣аад̣̇ид̇аа ад̇т̇ийд̇и сияаабагкз сан̇г̇ахид̇анд̇и ад̇хиббааяо. аруубагодтаасзна бана барид̇д̇аарамман̣аад̣̇ид̇аа, руубагодтаасзна жа навад̇д̇аб̣б̣ад̇аа ад̇т̇ийд̇и миссагасса самуд̣̇ааяассзва васзна сияаабагкз сан̇г̇ахид̇ам̣, на згад̣̇зсавасзнаад̇и д̣̇адтаб̣б̣ам̣. на хи анаарамман̣ам̣ барид̇д̇аарамман̣аад̣̇ибхаавзна навад̇д̇аб̣б̣ам̣ на ход̇ийд̇и. ‘‘руубан̃жа ниб̣б̣аанан̃жа анаарамман̣аа, сад̇д̇инд̣̇рияаа анаарамман̣аа’’д̇иаад̣̇иважанан̃жа авиж̇ж̇амаанаарамман̣аанаарамман̣зсу навад̇д̇аб̣б̣зсу анаарамман̣ад̇д̇аа навад̇д̇аб̣б̣ад̇ам̣ д̣̇ассзд̇и, на саарамман̣ассзва навад̇д̇аб̣б̣ад̇ам̣, навад̇д̇аб̣б̣асса ваа саарамман̣ад̇ам̣. на хи навад̇д̇аб̣б̣а-сад̣̇д̣̇о саарамман̣з нирул̣хо. яад̣̇иби сияаа, ‘‘д̇иссо жа взд̣̇анаа руубан̃жа ниб̣б̣аанан̃жа имз д̇хаммаа навад̇д̇аб̣б̣аа сукааяа взд̣̇анааяа самбаяуд̇д̇аа’’д̇иаад̣̇и на вужжзяяа, ат̇ааби барид̇д̇аарамман̣аад̣̇исамб̣анд̇хо навад̇д̇аб̣б̣а-сад̣̇д̣̇о саарамман̣зсвзва вад̇д̇ад̇и, ‘‘д̣̇вааяад̇анаа сияаа барид̇д̇аарамман̣аа’’д̇иаад̣̇им̣ авад̇ваа ‘‘манааяад̇анам̣ сияаа барид̇д̇аарамман̣ам̣…бз… аббамаан̣аарамман̣а’’нд̇иби, ‘‘д̇хаммааяад̇анам̣ сияаа барид̇д̇аарамман̣ам̣…бз… аббамаан̣аарамман̣а’’нд̇иби, ‘‘сияаа анаарамман̣а’’нд̇иби вад̇д̇аб̣б̣ам̣ сияаа. на хи бан̃хабужчагз саавасзсаа д̣̇зсанаа ад̇т̇ийд̇и . ‘‘адтинд̣̇рияаа сияаа аж̇жхад̇д̇аарамман̣аа’’д̇и зд̇т̇а жа ж̇ийвид̇инд̣̇рияасса аагин̃жан̃н̃ааяад̇анагаалз аруубасса руубасса жа анаарамман̣ад̇д̇аа навад̇д̇аб̣б̣ад̇аа взд̣̇ид̇аб̣б̣аа.
223. Idha anābhaṭṭhanti ekantānārammaṇattena bhāsitaṃ. ‘‘Rūpamissakattā anārammaṇesu rūpadhammesu saṅgahita’’nti kasmā vuttaṃ, nanu missakattā eva jīvitindriyaṃ anārammaṇesu asaṅgahitaṃ. Na hi aṭṭhindriyā anārammaṇāti vuttāti? Saccametaṃ, jīvitindriyaekadesassa pana anārammaṇesu rūpadhammesu saṅgahitataṃ sandhāyetaṃ vuttaṃ, arūpakoṭṭhāsena parittārammaṇāditā atthīti siyāpakkhe saṅgahitanti adhippāyo. Arūpakoṭṭhāsena pana parittārammaṇāditā, rūpakoṭṭhāsena ca navattabbatā atthīti missakassa samudāyasseva vasena siyāpakkhe saṅgahitaṃ, na ekadesavasenāti daṭṭhabbaṃ. Na hi anārammaṇaṃ parittārammaṇādibhāvena navattabbaṃ na hotīti. ‘‘Rūpañca nibbānañca anārammaṇā, sattindriyā anārammaṇā’’tiādivacanañca avijjamānārammaṇānārammaṇesu navattabbesu anārammaṇattā navattabbataṃ dasseti, na sārammaṇasseva navattabbataṃ, navattabbassa vā sārammaṇataṃ. Na hi navattabba-saddo sārammaṇe niruḷho. Yadipi siyā, ‘‘tisso ca vedanā rūpañca nibbānañca ime dhammā navattabbā sukhāya vedanāya sampayuttā’’tiādi na vucceyya, athāpi parittārammaṇādisambandho navattabba-saddo sārammaṇesveva vattati, ‘‘dvāyatanā siyā parittārammaṇā’’tiādiṃ avatvā ‘‘manāyatanaṃ siyā parittārammaṇaṃ…pe… appamāṇārammaṇa’’ntipi, ‘‘dhammāyatanaṃ siyā parittārammaṇaṃ…pe… appamāṇārammaṇa’’ntipi, ‘‘siyā anārammaṇa’’ntipi vattabbaṃ siyā. Na hi pañhapucchake sāvasesā desanā atthīti . ‘‘Aṭṭhindriyā siyā ajjhattārammaṇā’’ti ettha ca jīvitindriyassa ākiñcaññāyatanakāle arūpassa rūpassa ca anārammaṇattā navattabbatā veditabbā.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
инд̣̇рияавибхан̇г̇аван̣н̣анаа нидтид̇аа.
Indriyavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 5. инд̣̇рияавибхан̇г̇о • 5. Indriyavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. абхид̇хаммабхааж̇анийяаван̣н̣анаа • 1. Abhidhammabhājanīyavaṇṇanā
2. бан̃хаабужчагаван̣н̣анаа • 2. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 5. инд̣̇рияавибхан̇г̇о • 5. Indriyavibhaṅgo
