Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā

15. жад̇д̇аалийсанибаад̇о

15. Cattālīsanipāto

1. исид̣̇аасийт̇зрийг̇аат̇ааван̣н̣анаа

1. Isidāsītherīgāthāvaṇṇanā

жад̇д̇аалийсанибаад̇з наг̇арамхи гусуманаамзд̇иаад̣̇игаа исид̣̇аасияаа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз бурисад̇д̇абхаавз тад̇ваа виваддуубаниссаяам̣ гусалам̣ убажинанд̇ий жаримабхавад̇о сад̇д̇амз бхавз агаляаан̣асанниссаязна барад̣̇ааригагаммам̣ гад̇ваа, гааяасса бхзд̣̇аа нираяз ниб̣б̣ад̇д̇ид̇ваа д̇ад̇т̇а б̣ахууни вассасад̇аани нираяз бажжид̇ваа, д̇ад̇о жуд̇аа д̇ийсу ж̇аад̇ийсу д̇иражчаанаяонияам̣ ниб̣б̣ад̇д̇ид̇ваа д̇ад̇о жуд̇аа д̣̇аасияаа гужчисмим̣ набум̣саго худ̇ваа ниб̣б̣ад̇д̇и. д̇ад̇о бана жуд̇аа згасса д̣̇алид̣̇д̣̇асса саагадигасса д̇хийд̇аа худ̇ваа ниб̣б̣ад̇д̇и. д̇ам̣ ваяаббад̇д̇ам̣ г̇ирид̣̇аасо наама ан̃н̃ад̇арасса сад̇т̇аваахасса буд̇д̇о ад̇д̇ано бхарияам̣ гад̇ваа г̇зхам̣ аанзси. д̇асса жа бхарияаа ад̇т̇и сийлавад̇ий галяаан̣ад̇хаммаа. д̇ассам̣ иссаабагад̇аа саамино д̇ассаа вид̣̇д̣̇зсанагаммам̣ агааси. саа д̇ад̇т̇а яааваж̇ийвам̣ тад̇ваа гааяасса бхзд̣̇аа имасмим̣ б̣уд̣̇д̇хуббаад̣̇з уж̇ж̇знияам̣ гулабад̣̇зсасийлаажаараад̣̇иг̇ун̣зхи абхисаммад̇асса вибхавасамбаннасса сздтисса д̇хийд̇аа худ̇ваа ниб̣б̣ад̇д̇и, исид̣̇аасийд̇иссаа наамам̣ ахоси.

Cattālīsanipāte nagaramhi kusumanāmetiādikā isidāsiyā theriyā gāthā. Ayampi purimabuddhesu katādhikārā tattha tattha bhave purisattabhāve ṭhatvā vivaṭṭūpanissayaṃ kusalaṃ upacinantī carimabhavato sattame bhave akalyāṇasannissayena paradārikakammaṃ katvā, kāyassa bhedā niraye nibbattitvā tattha bahūni vassasatāni niraye paccitvā, tato cutā tīsu jātīsu tiracchānayoniyaṃ nibbattitvā tato cutā dāsiyā kucchismiṃ napuṃsako hutvā nibbatti. Tato pana cutā ekassa daliddassa sākaṭikassa dhītā hutvā nibbatti. Taṃ vayappattaṃ giridāso nāma aññatarassa satthavāhassa putto attano bhariyaṃ katvā gehaṃ ānesi. Tassa ca bhariyā atthi sīlavatī kalyāṇadhammā. Tassaṃ issāpakatā sāmino tassā viddesanakammaṃ akāsi. Sā tattha yāvajīvaṃ ṭhatvā kāyassa bhedā imasmiṃ buddhuppāde ujjeniyaṃ kulapadesasīlācārādiguṇehi abhisammatassa vibhavasampannassa seṭṭhissa dhītā hutvā nibbatti, isidāsītissā nāmaṃ ahosi.

д̇ам̣ ваяаббад̇д̇агаалз маад̇аабид̇аро гуларуубаваяавибхаваад̣̇исад̣̇исасса ан̃н̃ад̇арасса сздтибуд̇д̇асса ад̣̇ам̣су. саа д̇асса г̇зхз бад̇ид̣̇звад̇аа худ̇ваа маасамад̇д̇ам̣ васи. ат̇ассаа гаммаб̣алзна саамиго вирад̇д̇аруубо худ̇ваа д̇ам̣ гхарад̇о нийхари. д̇ам̣ саб̣б̣ам̣ баал̣ид̇о зва вин̃н̃ааяад̇и. д̇зсам̣ д̇зсам̣ бана саамигаанам̣ аружжанзяяад̇ааяа сам̣взг̇аж̇аад̇аа бид̇арам̣ ануж̇аанаабзд̇ваа, ж̇инад̣̇ад̇д̇ааяа т̇зрияаа санд̇игз баб̣б̣аж̇ид̇ваа вибассанааяа гаммам̣ гаронд̇ий нажирассзва саха бадисамбхид̣̇аахи арахад̇д̇ам̣ бад̇ваа, паласукзна ниб̣б̣аанасукзна жа вийд̇инаамзнд̇ий згад̣̇ивасам̣ баадалибуд̇д̇анаг̇арз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа махааг̇ан̇г̇ааяам̣ ваалугабулинз нисийд̣̇ид̇ваа б̣од̇хид̇т̇зрияаа наама ад̇д̇ано сахааяад̇т̇зрияаа буб̣б̣абадибад̇д̇им̣ бужчид̇аа д̇амад̇т̇ам̣ г̇аат̇ааб̣анд̇хавасзна виссаж̇ж̇зси ‘‘уж̇ж̇знияаа бураварз’’д̇иаад̣̇инаа. д̇зсам̣ бана бужчаависсаж̇ж̇анаанам̣ самб̣анд̇хам̣ д̣̇ассзд̇ум̣ –

Taṃ vayappattakāle mātāpitaro kularūpavayavibhavādisadisassa aññatarassa seṭṭhiputtassa adaṃsu. Sā tassa gehe patidevatā hutvā māsamattaṃ vasi. Athassā kammabalena sāmiko virattarūpo hutvā taṃ gharato nīhari. Taṃ sabbaṃ pāḷito eva viññāyati. Tesaṃ tesaṃ pana sāmikānaṃ aruccaneyyatāya saṃvegajātā pitaraṃ anujānāpetvā, jinadattāya theriyā santike pabbajitvā vipassanāya kammaṃ karontī nacirasseva saha paṭisambhidāhi arahattaṃ patvā, phalasukhena nibbānasukhena ca vītināmentī ekadivasaṃ pāṭaliputtanagare piṇḍāya caritvā pacchābhattaṃ piṇḍapātapaṭikkantā mahāgaṅgāyaṃ vālukapuline nisīditvā bodhittheriyā nāma attano sahāyattheriyā pubbapaṭipattiṃ pucchitā tamatthaṃ gāthābandhavasena vissajjesi ‘‘ujjeniyā puravare’’tiādinā. Tesaṃ pana pucchāvissajjanānaṃ sambandhaṃ dassetuṃ –

402.

‘‘наг̇арамхи гусуманаамз, баадалибуд̇д̇амхи бат̇авияаа ман̣д̣з;

‘‘Nagaramhi kusumanāme, pāṭaliputtamhi pathaviyā maṇḍe;

сагяагулагулийнааяо, д̣̇вз бхигкунияо хи г̇ун̣авад̇ияо.

Sakyakulakulīnāyo, dve bhikkhuniyo hi guṇavatiyo.

403.

‘‘исид̣̇аасий д̇ад̇т̇а згаа, д̣̇уд̇ияаа б̣од̇хийд̇и сийласамбаннаа жа;

‘‘Isidāsī tattha ekā, dutiyā bodhīti sīlasampannā ca;

жхаанаж̇жхааяанарад̇ааяо, б̣ахуссуд̇ааяо д̇худ̇агилзсааяо.

Jhānajjhāyanaratāyo, bahussutāyo dhutakilesāyo.

404.

‘‘д̇аа бин̣д̣ааяа жарид̇ваа, бхад̇д̇ад̇т̇ам̣ гарияа д̇ход̇абад̇д̇ааяо;

‘‘Tā piṇḍāya caritvā, bhattatthaṃ kariya dhotapattāyo;

рахид̇амхи суканисиннаа, имаа г̇ираа аб̣бхуд̣̇ийрзсу’’нд̇и. –

Rahitamhi sukhanisinnā, imā girā abbhudīresu’’nti. –

имаа д̇иссо г̇аат̇аа сан̇г̇ийд̇игаарзхи табид̇аа.

Imā tisso gāthā saṅgītikārehi ṭhapitā.

405.

‘‘баасаад̣̇игааси аяяз, исид̣̇ааси ваяоби д̇з абарихийно;

‘‘Pāsādikāsi ayye, isidāsi vayopi te aparihīno;

гим̣ д̣̇исваана б̣яаалигам̣, ат̇ааси нзгкаммамануяуд̇д̇аа.

Kiṃ disvāna byālikaṃ, athāsi nekkhammamanuyuttā.

406.

‘‘звамануяун̃ж̇ияамаанаа саа, рахид̇з д̇хаммад̣̇зсанаагусалаа;

‘‘Evamanuyuñjiyamānā sā, rahite dhammadesanākusalā;

исид̣̇аасий важанамаб̣рави, сун̣а б̣од̇хи яат̇аамхи баб̣б̣аж̇ид̇аа.

Isidāsī vacanamabravi, suṇa bodhi yathāmhi pabbajitā.

ид̇о барам̣ виссаж̇ж̇анаг̇аат̇аа.

Ito paraṃ vissajjanagāthā.

407.

‘‘уж̇ж̇знияаа бураварз, маяхам̣ бид̇аа сийласам̣вуд̇о сздти;

‘‘Ujjeniyā puravare, mayhaṃ pitā sīlasaṃvuto seṭṭhi;

д̇ассамхи згад̇хийд̇аа, бияаа манаабаа жа д̣̇аяид̇аа жа.

Tassamhi ekadhītā, piyā manāpā ca dayitā ca.

408.

‘‘ат̇а мз саагзд̇ад̇о варагаа, ааг̇ажчумуд̇д̇амагулийнаа;

‘‘Atha me sāketato varakā, āgacchumuttamakulīnā;

сздтий бахууд̇арад̇ано, д̇асса мамам̣ сун̣умад̣̇ааси д̇аад̇о.

Seṭṭhī pahūtaratano, tassa mamaṃ suṇumadāsi tāto.

409.

‘‘сассуяаа сасурасса жа, сааяам̣ баад̇ам̣ бан̣аамамубаг̇амма;

‘‘Sassuyā sasurassa ca, sāyaṃ pātaṃ paṇāmamupagamma;

сирасаа гароми баад̣̇з, ванд̣̇аами яат̇аамхи анусидтаа.

Sirasā karomi pāde, vandāmi yathāmhi anusiṭṭhā.

410.

‘‘яаа маяхам̣ саамигасса, бхаг̇инияо бхаад̇уно бариж̇ано ваа;

‘‘Yā mayhaṃ sāmikassa, bhaginiyo bhātuno parijano vā;

д̇амзгаварагамби д̣̇исваа, уб̣б̣иг̇г̇аа аасанам̣ д̣̇зми.

Tamekavarakampi disvā, ubbiggā āsanaṃ demi.

411.

‘‘аннзна жа баанзна жа, каж̇ж̇зна жа яан̃жа д̇ад̇т̇а саннихид̇ам̣;

‘‘Annena ca pānena ca, khajjena ca yañca tattha sannihitaṃ;

чаад̣̇зми убанаяаами жа, д̣̇зми жа яам̣ яасса бад̇ируубам̣.

Chādemi upanayāmi ca, demi ca yaṃ yassa patirūpaṃ.

412.

‘‘гаалзна убадтахид̇ваа, гхарам̣ самубаг̇амаами уммаарз;

‘‘Kālena upaṭṭhahitvā, gharaṃ samupagamāmi ummāre;

д̇хованд̇ий хад̇т̇баад̣̇з, бан̃ж̇алигаа саамигамубзми.

Dhovantī hatthpāde, pañjalikā sāmikamupemi.

413.

‘‘гожчам̣ басаад̣̇ам̣ ан̃ж̇анин̃жа, аад̣̇аасаган̃жа г̇ан̣хид̇ваа;

‘‘Kocchaṃ pasādaṃ añjaniñca, ādāsakañca gaṇhitvā;

баригаммагааригаа вияа, саяамзва бад̇им̣ вибхуусзми.

Parikammakārikā viya, sayameva patiṃ vibhūsemi.

414.

‘‘саяамзва од̣̇анам̣ саад̇хаяаами, саяамзва бхааж̇анам̣ д̇хованд̇ий;

‘‘Sayameva odanaṃ sādhayāmi, sayameva bhājanaṃ dhovantī;

маад̇аава згабуд̇д̇агам̣, д̇ат̇аа бхад̇д̇аарам̣ барижараами.

Mātāva ekaputtakaṃ, tathā bhattāraṃ paricarāmi.

415.

‘‘звам̣ мам̣ бхад̇д̇игад̇ам̣, анурад̇д̇ам̣ гааригам̣ нихад̇амаанам̣;

‘‘Evaṃ maṃ bhattikataṃ, anurattaṃ kārikaṃ nihatamānaṃ;

удтааяигам̣ аналасам̣, сийлавад̇им̣ д̣̇уссад̇з бхад̇д̇аа.

Uṭṭhāyikaṃ analasaṃ, sīlavatiṃ dussate bhattā.

416.

‘‘со маад̇аран̃жа бид̇аран̃жа, бхан̣ад̇и аабужчахам̣ г̇амиссаами;

‘‘So mātarañca pitarañca, bhaṇati āpucchahaṃ gamissāmi;

исид̣̇аасияаа на саха важчам̣, згааг̇аарзхам̣ саха вад̇т̇ум̣.

Isidāsiyā na saha vacchaṃ, ekāgārehaṃ saha vatthuṃ.

417.

‘‘маа звам̣ буд̇д̇а аважа, исид̣̇аасий бан̣д̣ид̇аа бариб̣яад̇д̇аа;

‘‘Mā evaṃ putta avaca, isidāsī paṇḍitā paribyattā;

удтааяигаа аналасаа, гим̣ д̇уяхам̣ на рожад̇з буд̇д̇а.

Uṭṭhāyikā analasā, kiṃ tuyhaṃ na rocate putta.

418.

‘‘на жа мз хим̣сад̇и гин̃жи, на жахам̣ исид̣̇аасияаа саха важчам̣;

‘‘Na ca me hiṃsati kiñci, na cahaṃ isidāsiyā saha vacchaṃ;

д̣̇зссаава мз алам̣ мз, абужчаахам̣ г̇амиссаами.

Dessāva me alaṃ me, apucchāhaṃ gamissāmi.

419.

‘‘д̇асса важанам̣ сун̣ид̇ваа, сассу сасуро жа мам̣ абужчим̣су;

‘‘Tassa vacanaṃ suṇitvā, sassu sasuro ca maṃ apucchiṃsu;

гисса д̇аяаа абарад̣̇д̇хам̣, бхан̣а виссадтаа яат̇аабхууд̇ам̣.

Kissa tayā aparaddhaṃ, bhaṇa vissaṭṭhā yathābhūtaṃ.

420.

‘‘набихам̣ абараж̇жхам̣ гин̃жи, наби хим̣сзми на бхан̣аами д̣̇уб̣б̣ажанам̣;

‘‘Napihaṃ aparajjhaṃ kiñci, napi hiṃsemi na bhaṇāmi dubbacanaṃ;

гим̣ саггаа гаад̇уяяз, яам̣ мам̣ вид̣̇д̣̇зссад̇з бхад̇д̇аа.

Kiṃ sakkā kātuyye, yaṃ maṃ viddessate bhattā.

421.

‘‘д̇з мам̣ бид̇угхарам̣ бадинаяим̣су, виманаа д̣̇укзна ад̇хибхууд̇аа;

‘‘Te maṃ pitugharaṃ paṭinayiṃsu, vimanā dukhena adhibhūtā;

буд̇д̇аманурагкамаанаа, ж̇ид̇аамхасз руубиним̣ лагким̣.

Puttamanurakkhamānā, jitāmhase rūpiniṃ lakkhiṃ.

422.

‘‘ат̇а мам̣ ад̣̇ааси д̇аад̇о, ад̣дхасса гхарамхи д̣̇уд̇ияагулигасса;

‘‘Atha maṃ adāsi tāto, aḍḍhassa gharamhi dutiyakulikassa;

д̇ад̇о убад̣дхасун̇гзна, язна мам̣ винд̣̇ат̇а сздти.

Tato upaḍḍhasuṅkena, yena maṃ vindatha seṭṭhi.

423.

‘‘д̇ассаби гхарамхи маасам̣, авасим̣ ат̇а соби мам̣ бадижчараяи;

‘‘Tassapi gharamhi māsaṃ, avasiṃ atha sopi maṃ paṭiccharayi;

д̣̇аасийва убадтаханд̇им̣, ад̣̇уусигам̣ сийласамбаннам̣.

Dāsīva upaṭṭhahantiṃ, adūsikaṃ sīlasampannaṃ.

424.

‘‘бхигкааяа жа вижаранд̇ам̣, д̣̇амагам̣ д̣̇анд̇ам̣ мз бид̇аа бхан̣ад̇и;

‘‘Bhikkhāya ca vicarantaṃ, damakaṃ dantaṃ me pitā bhaṇati;

хохиси мз ж̇аамаад̇аа, нигкиба бодтин̃жа гхадиган̃жа.

Hohisi me jāmātā, nikkhipa poṭṭhiñca ghaṭikañca.

425.

‘‘соби васид̇ваа багкам̣, ат̇а д̇аад̇ам̣ бхан̣ад̇и ‘д̣̇зхи мз бодтим̣;

‘‘Sopi vasitvā pakkhaṃ, atha tātaṃ bhaṇati ‘dehi me poṭṭhiṃ;

гхадиган̃жа маллаган̃жа, бунаби бхигкам̣ жариссаами’.

Ghaṭikañca mallakañca, punapi bhikkhaṃ carissāmi’.

426.

‘‘ат̇а нам̣ бхан̣ад̇ий д̇аад̇о, аммаа саб̣б̣о жа мз н̃аад̇иг̇ан̣аваг̇г̇о;

‘‘Atha naṃ bhaṇatī tāto, ammā sabbo ca me ñātigaṇavaggo;

гим̣ д̇з на гийрад̇и ид̇ха, бхан̣а киббам̣ д̇ам̣ д̇з гарихид̇и.

Kiṃ te na kīrati idha, bhaṇa khippaṃ taṃ te karihiti.

427.

‘‘звам̣ бхан̣ид̇о бхан̣ад̇и, яад̣̇и мз ад̇д̇аа саггод̇и алам̣ маяхам̣;

‘‘Evaṃ bhaṇito bhaṇati, yadi me attā sakkoti alaṃ mayhaṃ;

исид̣̇аасияаа на саха важчам̣, згагхарзхам̣ саха вад̇т̇ум̣.

Isidāsiyā na saha vacchaṃ, ekagharehaṃ saha vatthuṃ.

428.

‘‘виссаж̇ж̇ид̇о г̇ад̇о со, ахамби згаагиний вижинд̇зми;

‘‘Vissajjito gato so, ahampi ekākinī vicintemi;

аабужчид̇ууна г̇ажчам̣, марид̇уяз ваа баб̣б̣аж̇иссам̣ ваа.

Āpucchitūna gacchaṃ, marituye vā pabbajissaṃ vā.

429.

‘‘ат̇а аяяаа ж̇инад̣̇ад̇д̇аа, ааг̇ажчий г̇ожарааяа жарамаанаа;

‘‘Atha ayyā jinadattā, āgacchī gocarāya caramānā;

д̇аад̇а гулам̣ винаяад̇харий, б̣ахуссуд̇аа сийласамбаннаа.

Tāta kulaṃ vinayadharī, bahussutā sīlasampannā.

430.

‘‘д̇ам̣ д̣̇исваана амхаагам̣, удтааяаасанам̣ д̇ассаа бан̃н̃аабаяим̣;

‘‘Taṃ disvāna amhākaṃ, uṭṭhāyāsanaṃ tassā paññāpayiṃ;

нисиннааяа жа баад̣̇з, ванд̣̇ид̇ваа бхож̇анамад̣̇аасим̣.

Nisinnāya ca pāde, vanditvā bhojanamadāsiṃ.

431.

‘‘аннзна жа баанзна жа, каж̇ж̇зна жа яан̃жа д̇ад̇т̇а саннихид̇ам̣;

‘‘Annena ca pānena ca, khajjena ca yañca tattha sannihitaṃ;

санд̇аббаяид̇ваа аважам̣, аяяз ижчаами баб̣б̣аж̇ид̇ум̣.

Santappayitvā avacaṃ, ayye icchāmi pabbajituṃ.

432.

‘‘ат̇а мам̣ бхан̣ад̇ий д̇аад̇о, ид̇хзва буд̇д̇ага жараахи д̇вам̣ д̇хаммам̣;

‘‘Atha maṃ bhaṇatī tāto, idheva puttaka carāhi tvaṃ dhammaṃ;

аннзна жа баанзна жа, д̇аббаяа саман̣з д̣̇виж̇аад̇ий жа.

Annena ca pānena ca, tappaya samaṇe dvijātī ca.

433.

‘‘ат̇ахам̣ бхан̣аами д̇аад̇ам̣, род̣̇анд̇ий ан̃ж̇алим̣ бан̣аамзд̇ваа;

‘‘Athahaṃ bhaṇāmi tātaṃ, rodantī añjaliṃ paṇāmetvā;

баабан̃хи маяаа багад̇ам̣, гаммам̣ д̇ам̣ ниж̇ж̇арзссаами.

Pāpañhi mayā pakataṃ, kammaṃ taṃ nijjaressāmi.

434.

‘‘ат̇а мам̣ бхан̣ад̇ий д̇аад̇о, баабун̣а б̣од̇хин̃жа аг̇г̇ад̇хамман̃жа;

‘‘Atha maṃ bhaṇatī tāto, pāpuṇa bodhiñca aggadhammañca;

ниб̣б̣аанан̃жа лабхассу, яам̣ сажчигарий д̣̇вибад̣̇асздто.

Nibbānañca labhassu, yaṃ sacchikarī dvipadaseṭṭho.

435.

‘‘маад̇аабид̇уу абхиваад̣̇а, яид̇ваа саб̣б̣ан̃жа н̃аад̇иг̇ан̣аваг̇г̇ам̣;

‘‘Mātāpitū abhivāda, yitvā sabbañca ñātigaṇavaggaṃ;

сад̇д̇аахам̣ баб̣б̣аж̇ид̇аа, д̇иссо виж̇ж̇аа апассаяим̣.

Sattāhaṃ pabbajitā, tisso vijjā aphassayiṃ.

436.

‘‘ж̇аанаами ад̇д̇ано сад̇д̇а, ж̇аад̇ияо яассаяам̣ палавибааго;

‘‘Jānāmi attano satta, jātiyo yassayaṃ phalavipāko;

д̇ам̣ д̇ава аажигкиссам̣, д̇ам̣ згаманаа нисаамзхи.

Taṃ tava ācikkhissaṃ, taṃ ekamanā nisāmehi.

437.

‘‘наг̇арамхи зрагажчз, суван̣н̣агааро ахам̣ бахууд̇ад̇хано;

‘‘Nagaramhi erakacche, suvaṇṇakāro ahaṃ pahūtadhano;

яоб̣б̣анамад̣̇зна мад̇д̇о, со барад̣̇аарам̣ асзвихам̣.

Yobbanamadena matto, so paradāraṃ asevihaṃ.

438.

‘‘сохам̣ д̇ад̇о жавид̇ваа, нираяамхи абажжисам̣ жирам̣;

‘‘Sohaṃ tato cavitvā, nirayamhi apaccisaṃ ciraṃ;

багго д̇ад̇о жа удтахид̇ваа, маггадияаа гужчимоггамим̣.

Pakko tato ca uṭṭhahitvā, makkaṭiyā kucchimokkamiṃ.

439.

‘‘сад̇д̇аахаж̇аад̇агам̣ мам̣, махаагаби яуут̇або ниллажчзси;

‘‘Sattāhajātakaṃ maṃ, mahākapi yūthapo nillacchesi;

д̇ассзд̇ам̣ гаммапалам̣, яат̇ааби г̇анд̇ваана барад̣̇аарам̣.

Tassetaṃ kammaphalaṃ, yathāpi gantvāna paradāraṃ.

440.

‘‘сохам̣ д̇ад̇о жавид̇ваа, гаалам̣ гарид̇ваа синд̇хавааран̃н̃з;

‘‘Sohaṃ tato cavitvā, kālaṃ karitvā sindhavāraññe;

гаан̣ааяа жа кан̃ж̇ааяа жа, зл̣агияаа гужчимоггамим̣.

Kāṇāya ca khañjāya ca, eḷakiyā kucchimokkamiṃ.

441.

‘‘д̣̇ваад̣̇аса вассаани ахам̣, ниллажчид̇о д̣̇аарагз баривахид̇ваа;

‘‘Dvādasa vassāni ahaṃ, nillacchito dārake parivahitvā;

гиминааваддо агалло, яат̇ааби г̇анд̇ваана барад̣̇аарам̣.

Kimināvaṭṭo akallo, yathāpi gantvāna paradāraṃ.

442.

‘‘сохам̣ д̇ад̇о жавид̇ваа, г̇оваан̣иж̇агасса г̇аавияаа ж̇аад̇о;

‘‘Sohaṃ tato cavitvā, govāṇijakassa gāviyā jāto;

важчо лаакаад̇амб̣о, ниллажчид̇о д̣̇ваад̣̇асз маасз.

Vaccho lākhātambo, nillacchito dvādase māse.

443.

‘‘водхууна нан̇г̇аламахам̣, сагадан̃жа д̇хаараяаами;

‘‘Voḍhūna naṅgalamahaṃ, sakaṭañca dhārayāmi;

анд̇ховаддо агалло, яат̇ааби г̇анд̇ваана барад̣̇аарам̣.

Andhovaṭṭo akallo, yathāpi gantvāna paradāraṃ.

444.

‘‘сохам̣ д̇ад̇о жавид̇ваа, вийт̇ияаа д̣̇аасияаа гхарз ж̇аад̇о;

‘‘Sohaṃ tato cavitvā, vīthiyā dāsiyā ghare jāto;

нзва махилаа на бурисо, яат̇ааби г̇анд̇ваана барад̣̇аарам̣.

Neva mahilā na puriso, yathāpi gantvāna paradāraṃ.

445.

‘‘д̇им̣сад̇ивассамхи мад̇о, саагадигагуламхи д̣̇ааригаа ж̇аад̇аа;

‘‘Tiṃsativassamhi mato, sākaṭikakulamhi dārikā jātā;

габан̣амхи аббабхог̇з, д̇ханигабурисабаад̇аб̣ахуламхи.

Kapaṇamhi appabhoge, dhanikapurisapātabahulamhi.

446.

‘‘д̇ам̣ мам̣ д̇ад̇о сад̇т̇аваахо, уссаннааяа вибулааяа вад̣дхияаа;

‘‘Taṃ maṃ tato satthavāho, ussannāya vipulāya vaḍḍhiyā;

огад̣дхад̇и вилабанд̇им̣, ажчинд̣̇ид̇ваа гулагхарасмаа.

Okaḍḍhati vilapantiṃ, acchinditvā kulagharasmā.

447.

‘‘ат̇а сол̣асамз вассз, д̣̇исваа мам̣ бад̇д̇аяоб̣б̣анам̣ ган̃н̃ам̣;

‘‘Atha soḷasame vasse, disvā maṃ pattayobbanaṃ kaññaṃ;

орунд̇хад̇асса буд̇д̇о, г̇ирид̣̇аасо наама наамзна.

Orundhatassa putto, giridāso nāma nāmena.

448.

‘‘д̇ассаби ан̃н̃аа бхарияаа, сийлавад̇ий г̇ун̣авад̇ий яасавад̇ий жа;

‘‘Tassapi aññā bhariyā, sīlavatī guṇavatī yasavatī ca;

анурад̇д̇аа бхад̇д̇аарам̣, д̇ассаахам̣ вид̣̇д̣̇зсанамагаасим̣.

Anurattā bhattāraṃ, tassāhaṃ viddesanamakāsiṃ.

449.

‘‘д̇ассзд̇ам̣ гаммапалам̣, яам̣ мам̣ абагийрид̇ууна г̇ажчанд̇и;

‘‘Tassetaṃ kammaphalaṃ, yaṃ maṃ apakīritūna gacchanti;

д̣̇аасийва убадтаханд̇им̣, д̇ассаби анд̇о гад̇о маяаа’’д̇и.

Dāsīva upaṭṭhahantiṃ, tassapi anto kato mayā’’ti.

д̇ад̇т̇а наг̇арамхи гусуманаамзд̇и ‘‘гусумабура’’нд̇и звам̣ гусумасад̣̇д̣̇зна г̇ахид̇анаамагз наг̇арз, ид̣̇аани д̇ам̣ наг̇арам̣ баадалибуд̇д̇амхийд̇и саруубад̇о д̣̇ассзд̇и. бат̇авияаа ман̣д̣зд̇и сагалааяа бат̇авияаа ман̣д̣абхууд̇з. сагяагулагулийнааяод̇и сагяагулз гулад̇хийд̇аро, сагяабуд̇д̇асса бхаг̇авад̇о саасанз баб̣б̣аж̇ид̇ад̇ааяа звам̣ вуд̇д̇ам̣.

Tattha nagaramhi kusumanāmeti ‘‘kusumapura’’nti evaṃ kusumasaddena gahitanāmake nagare, idāni taṃ nagaraṃ pāṭaliputtamhīti sarūpato dasseti. Pathaviyā maṇḍeti sakalāya pathaviyā maṇḍabhūte. Sakyakulakulīnāyoti sakyakule kuladhītaro, sakyaputtassa bhagavato sāsane pabbajitatāya evaṃ vuttaṃ.

д̇ад̇т̇аад̇и д̇аасу д̣̇вийсу бхигкунийсу. б̣од̇хийд̇и звам̣наамигаа т̇зрий. жхаанаж̇жхааяанарад̇ааяод̇и логияалогуд̇д̇арасса жхаанасса жхааяанз абхирад̇аа. б̣ахуссуд̇ааяод̇и барияад̇д̇иб̣аахусажжзна б̣ахуссуд̇аа. д̇худ̇агилзсааяод̇и аг̇г̇амаг̇г̇зна саб̣б̣асо самуг̇гхаад̇ид̇агилзсаа. бхад̇д̇ад̇т̇ам̣ гарияаад̇и бхад̇д̇агижжам̣ нидтаабзд̇ваа. рахид̇амхийд̇и ж̇анарахид̇амхи вивид̇д̇адтаанз. суканисиннаад̇и баб̣б̣аж̇ж̇аасукзна вивзгасукзна жа суканисиннаа. имаа г̇ираад̇и ид̣̇аани вужжамаанаа сукаа лаабанаа. аб̣бхуд̣̇ийрзсунд̇и бужчаависсаж̇ж̇анавасзна гат̇аяим̣су.

Tatthāti tāsu dvīsu bhikkhunīsu. Bodhīti evaṃnāmikā therī. Jhānajjhāyanaratāyoti lokiyalokuttarassa jhānassa jhāyane abhiratā. Bahussutāyoti pariyattibāhusaccena bahussutā. Dhutakilesāyoti aggamaggena sabbaso samugghātitakilesā. Bhattatthaṃ kariyāti bhattakiccaṃ niṭṭhāpetvā. Rahitamhīti janarahitamhi vivittaṭṭhāne. Sukhanisinnāti pabbajjāsukhena vivekasukhena ca sukhanisinnā. Imā girāti idāni vuccamānā sukhā lāpanā. Abbhudīresunti pucchāvissajjanavasena kathayiṃsu.

‘‘баасаад̣̇игаасий’’д̇и г̇аат̇аа б̣од̇хид̇т̇зрияаа бужчаавасзна вуд̇д̇аа. ‘‘звамануяун̃ж̇ияамаанаа’’д̇и г̇аат̇аа сан̇г̇ийд̇игаарзхзва вуд̇д̇аа. ‘‘уж̇ж̇знияаа’’д̇иаад̣̇игаа хи саб̣б̣ааби исид̣̇аасияаава вуд̇д̇аа. д̇ад̇т̇а баасаад̣̇игаасийд̇и руубасамбад̇д̇ияаа бассанд̇аанам̣ басаад̣̇аавахаа аси. ваяоби д̇з абарихийнод̇и д̇уяхам̣ ваяоби на барихийно, батамаваяз тид̇аасийд̇и ад̇т̇о. гим̣ д̣̇исваана б̣яаалиганд̇и гийд̣̇исам̣ б̣яаалигам̣ д̣̇осам̣ гхарааваасз аад̣̇ийнавам̣ д̣̇исваа. ат̇ааси нзгкаммамануяуд̇д̇аад̇и ат̇аад̇и нибаад̇амад̇д̇ам̣, нзгкаммам̣ баб̣б̣аж̇ж̇ам̣ ануяуд̇д̇аа аси.

‘‘Pāsādikāsī’’ti gāthā bodhittheriyā pucchāvasena vuttā. ‘‘Evamanuyuñjiyamānā’’ti gāthā saṅgītikāreheva vuttā. ‘‘Ujjeniyā’’tiādikā hi sabbāpi isidāsiyāva vuttā. Tattha pāsādikāsīti rūpasampattiyā passantānaṃ pasādāvahā asi. Vayopi te aparihīnoti tuyhaṃ vayopi na parihīno, paṭhamavaye ṭhitāsīti attho. Kiṃ disvāna byālikanti kīdisaṃ byālikaṃ dosaṃ gharāvāse ādīnavaṃ disvā. Athāsi nekkhammamanuyuttāti athāti nipātamattaṃ, nekkhammaṃ pabbajjaṃ anuyuttā asi.

ануяун̃ж̇ияамаанаад̇и бужчияамаанаа, саа исид̣̇аасийд̇и яож̇анаа. рахид̇зд̇и сун̃н̃адтаанз. сун̣а б̣од̇хи яат̇аамхи баб̣б̣аж̇ид̇аад̇и б̣од̇хид̇т̇зри ахам̣ яат̇аа баб̣б̣аж̇ид̇аа амхи, д̇ам̣ д̇ам̣ бураан̣ам̣ сун̣а сун̣аахи.

Anuyuñjiyamānāti pucchiyamānā, sā isidāsīti yojanā. Rahiteti suññaṭṭhāne. Suṇa bodhi yathāmhi pabbajitāti bodhittheri ahaṃ yathā pabbajitā amhi, taṃ taṃ purāṇaṃ suṇa suṇāhi.

уж̇ж̇знияаа бураварзд̇и уж̇ж̇знийнаамагз аванд̇ирадтз уд̇д̇аманаг̇арз. бияаад̇и згад̇хийд̇убхаавзна бияааяид̇аб̣б̣аа. манаабаад̇и сийлаажаараг̇ун̣зна манавад̣дханагаа. д̣̇аяид̇аад̇и анугамбид̇аб̣б̣аа.

Ujjeniyā puravareti ujjenīnāmake avantiraṭṭhe uttamanagare. Piyāti ekadhītubhāvena piyāyitabbā. Manāpāti sīlācāraguṇena manavaḍḍhanakā. Dayitāti anukampitabbā.

ат̇аад̇и бажчаа мама ваяаббад̇д̇агаалз. мз саагзд̇ад̇о варагаад̇и саагзд̇анаг̇арад̇о мама варагаа мам̣ ваарзнд̇аа ааг̇ажчум̣. уд̇д̇амагулийнаад̇и д̇асмим̣ наг̇арз аг̇г̇агулигаа, язна д̇з бзсид̇аа, со сздти бахууд̇арад̇ано. д̇асса мамам̣ сун̣хамад̣̇ааси д̇аад̇од̇и д̇асса саагзд̇асздтино сун̣исам̣ буд̇д̇асса бхарияам̣ гад̇ваа маяхам̣ бид̇аа мам̣ ад̣̇ааси.

Athāti pacchā mama vayappattakāle. Me sāketato varakāti sāketanagarato mama varakā maṃ vārentā āgacchuṃ. Uttamakulīnāti tasmiṃ nagare aggakulikā, yena te pesitā, so seṭṭhi pahūtaratano. Tassa mamaṃ suṇhamadāsi tātoti tassa sāketaseṭṭhino suṇisaṃ puttassa bhariyaṃ katvā mayhaṃ pitā maṃ adāsi.

сааяам̣ баад̇анд̇и сааяанхз буб̣б̣ан̣хз жа. бан̣аамамубаг̇амма сирасаа гаромийд̇и сассуяаа сасурасса жа санд̇игам̣ убаг̇анд̇ваа сирасаа бан̣аамам̣ гароми, д̇зсам̣ баад̣̇з ванд̣̇аами. яат̇аамхи анусидтаад̇и д̇зхи яат̇аа анусидтаа амхи, д̇ат̇аа гароми, д̇зсам̣ анусидтим̣ на ад̇иггамаами.

Sāyaṃ pātanti sāyanhe pubbaṇhe ca. Paṇāmamupagamma sirasā karomīti sassuyā sasurassa ca santikaṃ upagantvā sirasā paṇāmaṃ karomi, tesaṃ pāde vandāmi. Yathāmhi anusiṭṭhāti tehi yathā anusiṭṭhā amhi, tathā karomi, tesaṃ anusiṭṭhiṃ na atikkamāmi.

д̇амзгаварагамбийд̇и згаваллабхамби. уб̣б̣иг̇г̇аад̇и д̇асанд̇аа. аасанам̣ д̣̇змийд̇и яасса буг̇г̇аласса яам̣ анужчавигам̣, д̇ам̣ д̇асса д̣̇зми.

Tamekavarakampīti ekavallabhampi. Ubbiggāti tasantā. Āsanaṃ demīti yassa puggalassa yaṃ anucchavikaṃ, taṃ tassa demi.

д̇ад̇т̇аад̇и баривзсанадтаанз. саннихид̇анд̇и саж̇ж̇ид̇ам̣ худ̇ваа виж̇ж̇амаанам̣. чаад̣̇змийд̇и убажчаад̣̇зми, убажчаад̣̇зд̇ваа убанаяаами жа, убанзд̇ваа д̣̇зми, д̣̇знд̇ийби яам̣ яасса бад̇ируубам̣, д̇ад̣̇зва д̣̇змийд̇и ад̇т̇о.

Tatthāti parivesanaṭṭhāne. Sannihitanti sajjitaṃ hutvā vijjamānaṃ. Chādemīti upacchādemi, upacchādetvā upanayāmi ca, upanetvā demi, dentīpi yaṃ yassa patirūpaṃ, tadeva demīti attho.

уммаарзд̇и д̣̇ваарз. д̇хованд̇ий хад̇т̇абаад̣̇зд̇и хад̇т̇абаад̣̇з д̇ховиний аасим̣, д̇ховид̇ваа гхарам̣ самубаг̇амаамийд̇и яож̇анаа.

Ummāreti dvāre. Dhovantī hatthapādeti hatthapāde dhovinī āsiṃ, dhovitvā gharaṃ samupagamāmīti yojanā.

гожчанд̇и массуунам̣ гзсаанан̃жа улликанагожчам̣. басаад̣̇анд̇и г̇анд̇хажун̣н̣аад̣̇имукавилзбанам̣. ‘‘басаад̇хана’’нд̇иби баато, басаад̇ханабхан̣д̣ам̣. ан̃ж̇анинд̇и ан̃ж̇ананаал̣им̣. баригаммагааригаа вияаад̇и аг̇г̇агулигаа вибхавасамбаннааби бад̇ибарижааригаа жздигаа вияа.

Kocchanti massūnaṃ kesānañca ullikhanakocchaṃ. Pasādanti gandhacuṇṇādimukhavilepanaṃ. ‘‘Pasādhana’’ntipi pāṭho, pasādhanabhaṇḍaṃ. Añjaninti añjananāḷiṃ. Parikammakārikā viyāti aggakulikā vibhavasampannāpi patiparicārikā ceṭikā viya.

саад̇хаяаамийд̇и бажаами. бхааж̇ананд̇и лохабхааж̇анан̃жа. д̇хованд̇ий барижараамийд̇и яож̇анаа.

Sādhayāmīti pacāmi. Bhājananti lohabhājanañca. Dhovantī paricarāmīti yojanā.

бхад̇д̇игад̇анд̇и гад̇асаамибхад̇игам̣. анурад̇д̇анд̇и анурад̇д̇аванд̇им̣. гаариганд̇и д̇асса д̇ассзва ид̇и гад̇д̇аб̣б̣асса гааригам̣. нихад̇амаананд̇и абанийд̇амаанам̣. удтааяиганд̇и удтаанавийрияасамбаннам̣. аналасанд̇и д̇ад̇о зва агусийд̇ам̣. сийлавад̇инд̇и сийлаажаарасамбаннам̣. д̣̇уссад̇зд̇и д̣̇уссад̇и, гуж̇жхид̇ваа бхан̣ад̇и.

Bhattikatanti katasāmibhatikaṃ. Anurattanti anurattavantiṃ. Kārikanti tassa tasseva iti kattabbassa kārikaṃ. Nihatamānanti apanītamānaṃ. Uṭṭhāyikanti uṭṭhānavīriyasampannaṃ. Analasanti tato eva akusītaṃ. Sīlavatinti sīlācārasampannaṃ. Dussateti dussati, kujjhitvā bhaṇati.

бхан̣ад̇и аабужчахам̣ г̇амиссаамийд̇и ‘‘ахам̣ д̇умхз аабужчид̇ваа яад̇т̇а гад̇т̇ажи г̇амиссаамий’’д̇и со мама саамиго ад̇д̇ано маад̇аран̃жа бид̇аран̃жа бхан̣ад̇и. гим̣ бхан̣ад̇ийд̇и жз ааха – ‘‘исид̣̇аасияаа на саха важчам̣, згааг̇аарзхам̣ саха вад̇т̇у’’нд̇и. д̇ад̇т̇а важчанд̇и васиссам̣.

Bhaṇati āpucchahaṃ gamissāmīti ‘‘ahaṃ tumhe āpucchitvā yattha katthaci gamissāmī’’ti so mama sāmiko attano mātarañca pitarañca bhaṇati. Kiṃ bhaṇatīti ce āha – ‘‘isidāsiyā na saha vacchaṃ, ekāgārehaṃ saha vatthu’’nti. Tattha vacchanti vasissaṃ.

д̣̇зссаад̇и аббияаа. алам̣ мзд̇и баяож̇анам̣ мз д̇ааяа ид̇т̇ийд̇и ад̇т̇о . абужчаахам̣ г̇амиссаамийд̇и яад̣̇и мз д̇умхз д̇ааяа сад̣̇д̇хим̣ сам̣ваасам̣ ижчат̇а, ахам̣ д̇умхз абужчид̇ваа вид̣̇зсам̣ баггамиссаами.

Dessāti appiyā. Alaṃ meti payojanaṃ me tāya itthīti attho . Apucchāhaṃ gamissāmīti yadi me tumhe tāya saddhiṃ saṃvāsaṃ icchatha, ahaṃ tumhe apucchitvā videsaṃ pakkamissāmi.

д̇ассаад̇и мама бхад̇д̇уно. гиссаад̇и гим̣ асса д̇ава саамигасса. д̇аяаа абарад̣̇д̇хам̣ б̣яаалигам̣ гад̇ам̣.

Tassāti mama bhattuno. Kissāti kiṃ assa tava sāmikassa. Tayā aparaddhaṃ byālikaṃ kataṃ.

набихам̣ абараж̇жханд̇и наби ахам̣ д̇асса гин̃жи абараж̇жхим̣. аяамзва ваа баато. наби хим̣сзмийд̇и наби б̣аад̇хзми. д̣̇уб̣б̣ажананд̇и д̣̇уруд̇д̇аважанам̣. гим̣ саггаа гаад̇уяязд̇и гим̣ маяаа гаад̇ум̣ аяяз саггаа. яам̣ мам̣ вид̣̇д̣̇зссад̇з бхад̇д̇аад̇и яасмаа агааран̣знзва бхад̇д̇аа маяхам̣ вид̣̇д̣̇зссад̇з вид̣̇д̣̇зссам̣ жид̇д̇аббагобам̣ гарод̇и.

Napihaṃ aparajjhanti napi ahaṃ tassa kiñci aparajjhiṃ. Ayameva vā pāṭho. Napi hiṃsemīti napi bādhemi. Dubbacananti duruttavacanaṃ. Kiṃ sakkā kātuyyeti kiṃ mayā kātuṃ ayye sakkā. Yaṃ maṃ viddessate bhattāti yasmā akāraṇeneva bhattā mayhaṃ viddessate viddessaṃ cittappakopaṃ karoti.

виманаад̇и д̣̇оманассигаа. буд̇д̇аманурагкамаанаад̇и ад̇д̇ано буд̇д̇ам̣ маяхам̣ саамигам̣ жид̇д̇аманурагкан̣зна анурагканд̇аа. ж̇ид̇аамхасз руубиним̣ лагкинд̇и ж̇ид̇аа амхасз ж̇ид̇аа вад̇аамха руубавад̇им̣ сирим̣, мануссавзсзна жаранд̇ияаа сирид̣̇звад̇ааяа барихийнаа вад̇аад̇и ад̇т̇о.

Vimanāti domanassikā. Puttamanurakkhamānāti attano puttaṃ mayhaṃ sāmikaṃ cittamanurakkhaṇena anurakkhantā. Jitāmhase rūpiniṃ lakkhinti jitā amhase jitā vatāmha rūpavatiṃ siriṃ, manussavesena carantiyā siridevatāya parihīnā vatāti attho.

ад̣дхасса гхарамхи д̣̇уд̇ияагулигассаад̇и батамасаамигам̣ убаад̣̇ааяа д̣̇уд̇ияасса ад̣дхасса гулабуд̇д̇асса гхарамхи мам̣ ад̣̇ааси, д̣̇знд̇о жа д̇ад̇о батамасун̇гад̇о убад̣дхасун̇гзна ад̣̇ааси. язна мам̣ винд̣̇ат̇а сздтийд̇и язна сун̇гзна мам̣ батамам̣ сздти винд̣̇ат̇а бадилабхи, д̇ад̇о убад̣дхасун̇гзнаад̇и яож̇анаа.

Aḍḍhassa gharamhi dutiyakulikassāti paṭhamasāmikaṃ upādāya dutiyassa aḍḍhassa kulaputtassa gharamhi maṃ adāsi, dento ca tato paṭhamasuṅkato upaḍḍhasuṅkena adāsi. Yena maṃ vindatha seṭṭhīti yena suṅkena maṃ paṭhamaṃ seṭṭhi vindatha paṭilabhi, tato upaḍḍhasuṅkenāti yojanā.

собийд̇и д̣̇уд̇ияасаамигоби. мам̣ бадижчараяийд̇и мам̣ нийхари, со мам̣ г̇зхад̇о ниггад̣дхи. убадтаханд̇инд̇и д̣̇аасий вияа убадтаханд̇им̣ убадтаанам̣ гаронд̇им̣. ад̣̇уусиганд̇и ад̣̇уб̣бханагам̣.

Sopīti dutiyasāmikopi. Maṃ paṭiccharayīti maṃ nīhari, so maṃ gehato nikkaḍḍhi. Upaṭṭhahantinti dāsī viya upaṭṭhahantiṃ upaṭṭhānaṃ karontiṃ. Adūsikanti adubbhanakaṃ.

д̣̇амаганд̇и гаарун̃н̃аад̇хидтаанад̇ааяа барзсам̣ жид̇д̇асса д̣̇амагам̣. яат̇аа барз гин̃жи д̣̇ассанд̇и, звам̣ ад̇д̇ано гааяам̣ ваажан̃жа д̣̇анд̇ам̣ вуубасанд̇ам̣ гад̇ваа барад̣̇ад̇д̇абхигкааяа вижаран̣агам̣. ж̇аамаад̇аад̇и д̣̇ухид̇убад̇и. нигкиба бодтин̃жа гхадиган̃жаад̇и д̇аяаа барид̣̇ахид̇ам̣ билод̇игаакан̣д̣ан̃жа бхигкаагабаалан̃жа чад̣д̣зхи.

Damakanti kāruññādhiṭṭhānatāya paresaṃ cittassa damakaṃ. Yathā pare kiñci dassanti, evaṃ attano kāyaṃ vācañca dantaṃ vūpasantaṃ katvā paradattabhikkhāya vicaraṇakaṃ. Jāmātāti duhitupati. Nikkhipa poṭṭhiñca ghaṭikañcāti tayā paridahitaṃ pilotikākhaṇḍañca bhikkhākapālañca chaḍḍehi.

соби васид̇ваа багканд̇и соби бхигкаго бурисо маяаа сад̣̇д̇хим̣ ад̣̇д̇хамаасамад̇д̇ам̣ васид̇ваа баггаами.

Sopi vasitvā pakkhanti sopi bhikkhako puriso mayā saddhiṃ addhamāsamattaṃ vasitvā pakkāmi.

ат̇а нам̣ бхан̣ад̇ий д̇аад̇од̇и д̇ам̣ бхигкагам̣ мама бид̇аа маад̇аа саб̣б̣о жа мз н̃аад̇иг̇ан̣о ваг̇г̇аваг̇г̇о худ̇ваа бхан̣ад̇и. гат̇ам̣? гим̣ д̇з на гийрад̇и ид̇ха д̇уяхам̣ гим̣ наама на гирад̇и на саад̇хияад̇и, бхан̣а киббам̣. д̇ам̣ д̇з гарихид̇ийд̇и д̇ам̣ д̇уяхам̣ гариссад̇и.

Atha naṃ bhaṇatī tātoti taṃ bhikkhakaṃ mama pitā mātā sabbo ca me ñātigaṇo vaggavaggo hutvā bhaṇati. Kathaṃ? Kiṃ te na kīrati idha tuyhaṃ kiṃ nāma na kirati na sādhiyati, bhaṇa khippaṃ. Taṃ te karihitīti taṃ tuyhaṃ karissati.

яад̣̇и мз ад̇д̇аа саггод̇ийд̇и яад̣̇и маяхам̣ ад̇д̇аа ад̇д̇аад̇хийно бхуж̇иссо жа ход̇и, алам̣ маяхам̣ исид̣̇аасияаа д̇ааяа баяож̇анам̣ над̇т̇и, д̇асмаа на саха важчам̣ на саха васиссам̣, згагхарз ахам̣ д̇ааяа саха вад̇т̇унд̇и яож̇анаа.

Yadi me attā sakkotīti yadi mayhaṃ attā attādhīno bhujisso ca hoti, alaṃ mayhaṃ isidāsiyā tāya payojanaṃ natthi, tasmā na saha vacchaṃ na saha vasissaṃ, ekaghare ahaṃ tāya saha vatthunti yojanā.

виссаж̇ж̇ид̇о г̇ад̇о сод̇и со бхигкаго бид̇араа виссаж̇ж̇ид̇о яат̇ааружи г̇ад̇о. згаагинийд̇и згигаава. аабужчид̇ууна г̇ажчанд̇и маяхам̣ бид̇арам̣ виссаж̇ж̇зд̇ваа г̇ажчаами. марид̇уязд̇и марид̇ум̣. ваад̇и вигаббад̇т̇з нибаад̇о.

Vissajjito gato soti so bhikkhako pitarā vissajjito yathāruci gato. Ekākinīti ekikāva. Āpucchitūna gacchanti mayhaṃ pitaraṃ vissajjetvā gacchāmi. Marituyeti marituṃ. Vāti vikappatthe nipāto.

г̇ожарааяаад̇и бхигкааяа, д̇аад̇а-гулам̣ ааг̇ажчийд̇и яож̇анаа.

Gocarāyāti bhikkhāya, tāta-kulaṃ āgacchīti yojanā.

д̇анд̇и д̇ам̣ ж̇инад̣̇ад̇д̇ад̇т̇зрим̣. удтааяаасанам̣ д̇ассаа бан̃н̃аабаяинд̇и удтахид̇ваа аасанам̣ д̇ассаа т̇зрияаа бан̃н̃аабзсим̣.

Tanti taṃ jinadattattheriṃ. Uṭṭhāyāsanaṃ tassā paññāpayinti uṭṭhahitvā āsanaṃ tassā theriyā paññāpesiṃ.

ид̇хзваад̇и имасмим̣ зва г̇зхз тид̇аа. буд̇д̇агаад̇и сааман̃н̃авохаарзна д̇хийд̇арам̣ анугамбзнд̇о аалабад̇и. жараахи д̇вам̣ д̇хамманд̇и д̇вам̣ баб̣б̣аж̇ид̇ваа жарид̇аб̣б̣ам̣ б̣рахмажарияаад̣̇ид̇хаммам̣ жара. д̣̇виж̇аад̇ийд̇и б̣раахман̣аж̇аад̇ий.

Idhevāti imasmiṃ eva gehe ṭhitā. Puttakāti sāmaññavohārena dhītaraṃ anukampento ālapati. Carāhi tvaṃ dhammanti tvaṃ pabbajitvā caritabbaṃ brahmacariyādidhammaṃ cara. Dvijātīti brāhmaṇajātī.

ниж̇ж̇арзссаамийд̇и ж̇ийраабзссаами винаасзссаами.

Nijjaressāmīti jīrāpessāmi vināsessāmi.

б̣од̇хинд̇и сажжаабхисамб̣од̇хим̣, маг̇г̇ан̃аан̣анд̇и ад̇т̇о. аг̇г̇ад̇хамманд̇и палад̇хаммам̣, арахад̇д̇ам̣. яам̣ сажчигарий д̣̇вибад̣̇асздтод̇и яам̣ маг̇г̇апаланиб̣б̣аанасан̃н̃ид̇ам̣ логуд̇д̇арад̇хаммам̣ д̣̇вибад̣̇аанам̣ сздто саммаасамб̣уд̣̇д̇хо сажчи агааси, д̇ам̣ лабхассууд̇и яож̇анаа.

Bodhinti saccābhisambodhiṃ, maggañāṇanti attho. Aggadhammanti phaladhammaṃ, arahattaṃ. Yaṃ sacchikarīdvipadaseṭṭhoti yaṃ maggaphalanibbānasaññitaṃ lokuttaradhammaṃ dvipadānaṃ seṭṭho sammāsambuddho sacchi akāsi, taṃ labhassūti yojanā.

сад̇д̇аахам̣ баб̣б̣аж̇ид̇аад̇и баб̣б̣аж̇ид̇аа худ̇ваа сад̇д̇аахзна. апассаяинд̇и пусим̣ сажчаагаасим̣.

Sattāhaṃ pabbajitāti pabbajitā hutvā sattāhena. Aphassayinti phusiṃ sacchākāsiṃ.

яассаяам̣ палавибаагод̇и яасса баабагаммасса, аяам̣ саамигасса аманаабабхаавасан̇каад̇о ниссанд̣̇апалабхууд̇о вибааго. д̇ам̣ д̇ава аажигкиссанд̇и д̇ам̣ гаммам̣ д̇ава гат̇зссаами. д̇анд̇и аажигкияамаанам̣ д̇амзва гаммам̣, д̇ам̣ ваа мама важанам̣. згаманаад̇и згаг̇г̇аманаа. аяамзва ваа баато.

Yassayaṃ phalavipākoti yassa pāpakammassa, ayaṃ sāmikassa amanāpabhāvasaṅkhāto nissandaphalabhūto vipāko. Taṃ tava ācikkhissanti taṃ kammaṃ tava kathessāmi. Tanti ācikkhiyamānaṃ tameva kammaṃ, taṃ vā mama vacanaṃ. Ekamanāti ekaggamanā. Ayameva vā pāṭho.

наг̇арамхи зрагажчзд̇и звам̣наамагз наг̇арз. со барад̣̇аарам̣ асзвиханд̇и со ахам̣ барасса д̣̇аарам̣ асзвим̣.

Nagaramhi erakaccheti evaṃnāmake nagare. So paradāraṃ asevihanti so ahaṃ parassa dāraṃ aseviṃ.

жирам̣ баггод̇и б̣ахууни вассасад̇асахассаани нираяаг̇г̇инаа д̣̇ад̣дхо. д̇ад̇о жа удтахид̇ваад̇и д̇ад̇о нираяад̇о вудтид̇о жуд̇о. маггадияаа гужчимоггаминд̇и ваанарияаа гужчимхи бадисанд̇хим̣ г̇ан̣хим̣.

Ciraṃ pakkoti bahūni vassasatasahassāni nirayagginā daḍḍho. Tato ca uṭṭhahitvāti tato nirayato vuṭṭhito cuto. Makkaṭiyā kucchimokkaminti vānariyā kucchimhi paṭisandhiṃ gaṇhiṃ.

яуут̇абод̇и яуут̇абад̇и. ниллажчзсийд̇и бурисабхаавасса лагкан̣абхууд̇аани б̣ийж̇агаани ниллажчзси нийхари. д̇ассзд̇ам̣ гаммапаланд̇и д̇асса маяхам̣ зд̇ам̣ ад̇ийд̇з гад̇асса гаммасса палам̣. яат̇ааби г̇анд̇ваана барад̣̇ааранд̇и яат̇аа д̇ам̣ барад̣̇аарам̣ ад̇иггамид̇ваа.

Yūthapoti yūthapati. Nillacchesīti purisabhāvassa lakkhaṇabhūtāni bījakāni nillacchesi nīhari. Tassetaṃ kammaphalanti tassa mayhaṃ etaṃ atīte katassa kammassa phalaṃ. Yathāpi gantvāna paradāranti yathā taṃ paradāraṃ atikkamitvā.

д̇ад̇од̇и маггадаяонид̇о. синд̇хавааран̃н̃зд̇и синд̇хаварадтз аран̃н̃адтаанз. зл̣агияаад̇и аж̇ияаа.

Tatoti makkaṭayonito. Sindhavāraññeti sindhavaraṭṭhe araññaṭṭhāne. Eḷakiyāti ajiyā.

д̣̇аарагз баривахид̇ваад̇и бидтим̣ ааруяха гумаарагз вахид̇ваа. гиминааваддод̇и абхиж̇аад̇адтаанз гимибариг̇ад̇ова худ̇ваа аддо аддид̇о. агаллод̇и г̇илаано, ахосийд̇и важанасзсо.

Dārake parivahitvāti piṭṭhiṃ āruyha kumārake vahitvā. Kimināvaṭṭoti abhijātaṭṭhāne kimiparigatova hutvā aṭṭo aṭṭito. Akalloti gilāno, ahosīti vacanaseso.

г̇оваан̣иж̇агассаад̇и г̇аавияо виггин̣ид̇ваа ж̇ийвагасса. лаакаад̇амб̣од̇и лаакаарасарад̇д̇зхи вияа д̇амб̣зхи ломзхи саманнааг̇ад̇о.

Govāṇijakassāti gāviyo vikkiṇitvā jīvakassa. Lākhātamboti lākhārasarattehi viya tambehi lomehi samannāgato.

водхуунаад̇и вахид̇ваа. нан̇г̇аланд̇и сийрам̣, сагадан̃жа д̇хаараяаамийд̇и ад̇т̇о . анд̇ховаддод̇и гаан̣ова худ̇ваа аддо бийл̣ид̇о.

Voḍhūnāti vahitvā. Naṅgalanti sīraṃ, sakaṭañca dhārayāmīti attho . Andhovaṭṭoti kāṇova hutvā aṭṭo pīḷito.

вийт̇ияаад̇и наг̇аравийт̇ияам̣. д̣̇аасияаа гхарз ж̇аад̇од̇и гхарад̣̇аасияаа гужчимхи ж̇аад̇о. ‘‘ван̣н̣ад̣̇аасияаа’’д̇иби вад̣̇анд̇и. нзва махилаа на бурисод̇и ид̇т̇ийби бурисоби на хоми, ж̇аад̇инабум̣сагод̇и ад̇т̇о.

Vīthiyāti nagaravīthiyaṃ. Dāsiyā ghare jātoti gharadāsiyā kucchimhi jāto. ‘‘Vaṇṇadāsiyā’’tipi vadanti. Neva mahilā na purisoti itthīpi purisopi na homi, jātinapuṃsakoti attho.

д̇им̣сад̇ивассамхи мад̇од̇и набум̣саго худ̇ваа д̇им̣савассагаалз мад̇о. саагадигагуламхийд̇и сууд̇агагулз. д̇ханигабурисабаад̇аб̣ахуламхийд̇и ин̣ааяигаанам̣ бурисаанам̣ ад̇хибад̇анаб̣ахулз б̣ахуухи ин̣ааяигзхи абхибхавид̇аб̣б̣з.

Tiṃsativassamhimatoti napuṃsako hutvā tiṃsavassakāle mato. Sākaṭikakulamhīti sūtakakule. Dhanikapurisapātabahulamhīti iṇāyikānaṃ purisānaṃ adhipatanabahule bahūhi iṇāyikehi abhibhavitabbe.

уссаннааяаад̇и убажид̇ааяа. вибулааяаад̇и махад̇ияаа. вад̣дхияаад̇и ин̣авад̣дхияаа. огад̣дхад̇ийд̇и авагад̣дхад̇и. гулагхарасмаад̇и мама ж̇аад̇агулаг̇зхад̇о.

Ussannāyāti upacitāya. Vipulāyāti mahatiyā. Vaḍḍhiyāti iṇavaḍḍhiyā. Okaḍḍhatīti avakaḍḍhati. Kulagharasmāti mama jātakulagehato.

орунд̇хад̇асса буд̇д̇од̇и асса сад̇т̇аваахасса буд̇д̇о, маяи бадиб̣ад̣̇д̇хажид̇д̇о наамзна г̇ирид̣̇аасо наама аварунд̇хад̇и ад̇д̇ано бариг̇г̇ахабхаавзна г̇зхз гарод̇и.

Orundhatassa puttoti assa satthavāhassa putto, mayi paṭibaddhacitto nāmena giridāso nāma avarundhati attano pariggahabhāvena gehe karoti.

анурад̇д̇аа бхад̇д̇ааранд̇и бхад̇д̇аарам̣ анувад̇д̇игаа. д̇ассаахам̣ вид̣̇д̣̇зсанамагаасинд̇и д̇асса бхад̇д̇уно д̇ам̣ бхарияам̣ сабад̇д̇им̣ вид̣̇д̣̇зсанагаммам̣ агаасим̣. яат̇аа д̇ам̣ со гуж̇жхад̇и, звам̣ бадибаж̇ж̇им̣.

Anurattā bhattāranti bhattāraṃ anuvattikā. Tassāhaṃ viddesanamakāsinti tassa bhattuno taṃ bhariyaṃ sapattiṃ viddesanakammaṃ akāsiṃ. Yathā taṃ so kujjhati, evaṃ paṭipajjiṃ.

яам̣ мам̣ абагийрид̇ууна г̇ажчанд̇ийд̇и яам̣ д̣̇аасий вияа саггажжам̣ убадтаханд̇им̣ мам̣ д̇ад̇т̇а д̇ад̇т̇а бад̇ино абагирид̇ваа чад̣д̣зд̇ваа анабзгкаа абаг̇ажчанд̇и. зд̇ам̣ д̇ассаа маяхам̣ д̇ад̣̇аа гад̇асса барад̣̇ааригагаммасса сабад̇д̇им̣ вид̣̇д̣̇зсанагаммасса жа ниссанд̣̇апалам̣. д̇ассаби анд̇о гад̇о маяаад̇и д̇ассаби д̇ат̇аа анунаяабаабагагаммасса д̣̇аарун̣асса барияанд̇о ид̣̇аани маяаа аг̇г̇амаг̇г̇ам̣ ад̇хиг̇ажчанд̇ияаа гад̇о, ид̇о барам̣ гин̃жи д̣̇угкам̣ над̇т̇ийд̇и. яам̣ банзд̇т̇а анд̇аранд̇араа на вибхад̇д̇ам̣, д̇ам̣ вуд̇д̇анаяад̇д̇аа уд̇д̇аанад̇т̇амзва.

Yaṃmaṃ apakīritūna gacchantīti yaṃ dāsī viya sakkaccaṃ upaṭṭhahantiṃ maṃ tattha tattha patino apakiritvā chaḍḍetvā anapekkhā apagacchanti. Etaṃ tassā mayhaṃ tadā katassa paradārikakammassa sapattiṃ viddesanakammassa ca nissandaphalaṃ. Tassapi anto kato mayāti tassapi tathā anunayapāpakakammassa dāruṇassa pariyanto idāni mayā aggamaggaṃ adhigacchantiyā kato, ito paraṃ kiñci dukkhaṃ natthīti. Yaṃ panettha antarantarā na vibhattaṃ, taṃ vuttanayattā uttānatthameva.

исид̣̇аасийт̇зрийг̇аат̇ааван̣н̣анаа нидтид̇аа.

Isidāsītherīgāthāvaṇṇanā niṭṭhitā.

жад̇д̇аалийсанибаад̇аван̣н̣анаа нидтид̇аа.

Cattālīsanipātavaṇṇanā niṭṭhitā.

Next: 16. махаанибаад̇о • 16. Mahānipāto

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. исид̣̇аасийт̇зрийг̇аат̇аа • 1. Isidāsītherīgāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact