| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
6. இதோதி³ன்னகதா²வண்ணனா
6. Itodinnakathāvaṇṇanā
488-491. இதா³னி இதோ தி³ன்னகதா² நாம ஹோதி. தத்த² யேஸங் ‘‘இதோ தி³ன்னேன யாபெந்தி, பேதா காலங்கதா தஹி’’ந்தி (பே॰ வ॰ 19) வசனங் நிஸ்ஸாய ‘‘யங் இதோ சீவராதி³ தி³ன்னங் தேனேவ யாபெந்தீ’’தி லத்³தி⁴, ஸெய்யதா²பி ராஜகி³ரிகஸித்³த⁴த்தி²கானங்; தே ஸந்தா⁴ய இதோ தி³ன்னேனாதி புச்சா² ஸகவாதி³ஸ்ஸ, படிஞ்ஞா இதரஸ்ஸ . புன சீவராதி³வஸேன அனுயுத்தோ படிக்கி²பதி. அஞ்ஞோ அஞ்ஞஸ்ஸ காரகோதி அஞ்ஞஸ்ஸ விபாகதா³யகானங் கம்மானங் அஞ்ஞோ காரகோ, ந அத்தனாவ அத்தனோ கம்மங் கரோதீதி வுத்தங் ஹோதி. ஏவங் புட்டோ² பன இதரோ ஸுத்தவிரோத⁴ப⁴யேன படிக்கி²பதி. தா³னங் தெ³ந்தந்தி தா³னங் த³த³மானங் தி³ஸ்வாதி அத்தோ². தத்த² யஸ்மா அத்தனோ அனுமோதி³தத்தா ச தேஸங் தத்த² போ⁴கா³ உப்பஜ்ஜந்தி, தஸ்மாஸ்ஸ இமினா காரணேன லத்³தி⁴ங் பதிட்ட²பெந்தஸ்ஸாபி அப்பதிட்டி²தாவ ஹோதி. ந ஹி தே இதோ தி³ன்னேனேவ வத்து²னா யாபெந்தி. ஸேஸேஸுபி ஸுத்தஸாத⁴னேஸு ஏஸேவ நயோதி.
488-491. Idāni ito dinnakathā nāma hoti. Tattha yesaṃ ‘‘ito dinnena yāpenti, petā kālaṅkatā tahi’’nti (pe. va. 19) vacanaṃ nissāya ‘‘yaṃ ito cīvarādi dinnaṃ teneva yāpentī’’ti laddhi, seyyathāpi rājagirikasiddhatthikānaṃ; te sandhāya ito dinnenāti pucchā sakavādissa, paṭiññā itarassa . Puna cīvarādivasena anuyutto paṭikkhipati. Añño aññassa kārakoti aññassa vipākadāyakānaṃ kammānaṃ añño kārako, na attanāva attano kammaṃ karotīti vuttaṃ hoti. Evaṃ puṭṭho pana itaro suttavirodhabhayena paṭikkhipati. Dānaṃ dentanti dānaṃ dadamānaṃ disvāti attho. Tattha yasmā attano anumoditattā ca tesaṃ tattha bhogā uppajjanti, tasmāssa iminā kāraṇena laddhiṃ patiṭṭhapentassāpi appatiṭṭhitāva hoti. Na hi te ito dinneneva vatthunā yāpenti. Sesesupi suttasādhanesu eseva nayoti.
இதோ தி³ன்னகதா²வண்ணனா.
Ito dinnakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (68) 6. இதோதி³ன்னகதா² • (68) 6. Itodinnakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 6. இதோதி³ன்னகதா²வண்ணனா • 6. Itodinnakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 6. இதோதி³ன்னகதா²வண்ணனா • 6. Itodinnakathāvaṇṇanā
