| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. జాగరసుత్తవణ్ణనా
6. Jāgarasuttavaṇṇanā
౬. ఛట్ఠే జాగరతన్తి జాగరన్తానం. పఞ్చ జాగరతన్తి విస్సజ్జనగాథాయం పన సద్ధాదీసు పఞ్చసు ఇన్ద్రియేసు జాగరన్తేసు పఞ్చ నీవరణా సుత్తా నామ. కస్మా? యస్మా తంసమఙ్గీపుగ్గలో యత్థ కత్థచి నిసిన్నో వా ఠితో వా అరుణం ఉట్ఠపేన్తోపి పమాదతాయ అకుసలసమఙ్గితాయ సుత్తో నామ హోతి. ఏవం సుత్తేసు పఞ్చసు నీవరణేసు పఞ్చిన్ద్రియాని జాగరాని నామ. కస్మా ? యస్మా తంసమఙ్గీపుగ్గలో యత్థ కత్థచి నిపజ్జిత్వా నిద్దాయన్తోపి అప్పమాదతాయ కుసలసమఙ్గితాయ జాగరో నామ హోతి. పఞ్చహి పన నీవరణేహేవ కిలేసరజం ఆదియతి గణ్హాతి పరామసతి. పురిమా హి కామచ్ఛన్దాదయో పచ్ఛిమానం పచ్చయా హోన్తీతి పఞ్చహి ఇన్ద్రియేహి పరిసుజ్ఝతీతి అయమత్థో వేదితబ్బో. ఇధాపి పఞ్చిన్ద్రియాని లోకియలోకుత్తరానేవ కథితానీతి.
6. Chaṭṭhe jāgaratanti jāgarantānaṃ. Pañca jāgaratanti vissajjanagāthāyaṃ pana saddhādīsu pañcasu indriyesu jāgarantesu pañca nīvaraṇā suttā nāma. Kasmā? Yasmā taṃsamaṅgīpuggalo yattha katthaci nisinno vā ṭhito vā aruṇaṃ uṭṭhapentopi pamādatāya akusalasamaṅgitāya sutto nāma hoti. Evaṃ suttesu pañcasu nīvaraṇesu pañcindriyāni jāgarāni nāma. Kasmā ? Yasmā taṃsamaṅgīpuggalo yattha katthaci nipajjitvā niddāyantopi appamādatāya kusalasamaṅgitāya jāgaro nāma hoti. Pañcahi pana nīvaraṇeheva kilesarajaṃ ādiyati gaṇhāti parāmasati. Purimā hi kāmacchandādayo pacchimānaṃ paccayā hontīti pañcahi indriyehi parisujjhatīti ayamattho veditabbo. Idhāpi pañcindriyāni lokiyalokuttarāneva kathitānīti.
జాగరసుత్తవణ్ణనా నిట్ఠితా.
Jāgarasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౬. జాగరసుత్తం • 6. Jāgarasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. జాగరసుత్తవణ్ణనా • 6. Jāgarasuttavaṇṇanā
