| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. ж̇ааг̇арияасуд̇д̇аван̣н̣анаа
10. Jāgariyasuttavaṇṇanā
47. д̣̇асамз ж̇ааг̇арод̇и ж̇ааг̇араго виг̇ад̇анид̣̇д̣̇о ж̇ааг̇арияам̣ ануяуд̇д̇о, рад̇д̇инд̣̇ивам̣ гаммадтаанаманасигаарз яуд̇д̇аббаяуд̇д̇од̇и ад̇т̇о. вуд̇д̇ан̃хзд̇ам̣ –
47. Dasame jāgaroti jāgarako vigataniddo jāgariyaṃ anuyutto, rattindivaṃ kammaṭṭhānamanasikāre yuttappayuttoti attho. Vuttañhetaṃ –
‘‘гат̇ан̃жа, бхигкавз, бхигку буб̣б̣арад̇д̇аабарарад̇д̇ам̣ ж̇ааг̇арияаануяог̇амануяуд̇д̇о ход̇и? ид̇ха бхигку д̣̇ивасам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇и, рад̇д̇ияаа батамам̣ яаамам̣ жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇и, рад̇д̇ияаа маж̇жхимам̣ яаамам̣ д̣̇агкин̣зна бассзна сийхасзяяам̣ габбзд̇и баад̣̇з баад̣̇ам̣ ажжаад̇хааяа сад̇о самбаж̇аано удтаанасан̃н̃ам̣ манаси гарид̇ваа, рад̇д̇ияаа бажчимам̣ яаамам̣ бажжудтааяа жан̇гамзна нисаж̇ж̇ааяа ааваран̣ийязхи д̇хаммзхи жид̇д̇ам̣ барисод̇хзд̇и. звам̣ бхигку буб̣б̣арад̇д̇аабарарад̇д̇ам̣ ж̇ааг̇арияаануяог̇амануяуд̇д̇о ход̇ий’’д̇и (вибха. 519).
‘‘Kathañca, bhikkhave, bhikkhu pubbarattāpararattaṃ jāgariyānuyogamanuyutto hoti? Idha bhikkhu divasaṃ caṅkamena nisajjāya āvaraṇīyehi dhammehi cittaṃ parisodheti, rattiyā paṭhamaṃ yāmaṃ caṅkamena nisajjāya āvaraṇīyehi dhammehi cittaṃ parisodheti, rattiyā majjhimaṃ yāmaṃ dakkhiṇena passena sīhaseyyaṃ kappeti pāde pādaṃ accādhāya sato sampajāno uṭṭhānasaññaṃ manasi karitvā, rattiyā pacchimaṃ yāmaṃ paccuṭṭhāya caṅkamena nisajjāya āvaraṇīyehi dhammehi cittaṃ parisodheti. Evaṃ bhikkhu pubbarattāpararattaṃ jāgariyānuyogamanuyutto hotī’’ti (vibha. 519).
жасад̣̇д̣̇о самбин̣д̣анад̇т̇о, д̇зна вагкамаанз сад̇аад̣̇ибхаавз самбин̣д̣зд̇и. ассаад̇и сияаа, бхавзяяаад̇и ад̇т̇о. ‘‘ж̇ааг̇аро жа бхигку вихарзяяаа’’д̇и жа батанд̇и. саб̣б̣ад̇т̇а саб̣б̣ад̣̇аа жа гаммадтаанаавиж̇аханавасзна сад̇иавиббаваасзна сад̇о самбаж̇аанод̇и сад̇д̇адтаанияасса жад̇уб̣б̣ид̇хассаби самбаж̇ан̃н̃асса васзна самбаж̇аано. самаахид̇од̇и убажаарасамаад̇хинаа аббанаасамаад̇хинаа жа самаахид̇о згаг̇г̇ажид̇д̇о. бамуд̣̇ид̇од̇и бадибад̇д̇ияаа аанисам̣сад̣̇ассанзна уд̇д̇аруд̇д̇ари висзсаад̇хиг̇амзна вийрияаарамбхасса жа амогхабхаавад̣̇ассанзна бамуд̣̇ид̇о баамож̇ж̇аб̣ахуло. виббасаннод̇и д̇ад̇о зва бадибад̇д̇ибхууд̇аасу д̇ийсу сигкаасу бадибад̇д̇ид̣̇зсагз жа сад̇т̇ари сад̣̇д̇хааб̣ахулад̇ааяа судту басанно. саб̣б̣ад̇т̇а ассаад̇и самб̣анд̇хо вихарзяяаад̇и ваа.
Casaddo sampiṇḍanattho, tena vakkhamāne satādibhāve sampiṇḍeti. Assāti siyā, bhaveyyāti attho. ‘‘Jāgaro ca bhikkhu vihareyyā’’ti ca paṭhanti. Sabbattha sabbadā ca kammaṭṭhānāvijahanavasena satiavippavāsena sato sampajānoti sattaṭṭhāniyassa catubbidhassapi sampajaññassa vasena sampajāno. Samāhitoti upacārasamādhinā appanāsamādhinā ca samāhito ekaggacitto. Pamuditoti paṭipattiyā ānisaṃsadassanena uttaruttari visesādhigamena vīriyārambhassa ca amoghabhāvadassanena pamudito pāmojjabahulo. Vippasannoti tato eva paṭipattibhūtāsu tīsu sikkhāsu paṭipattidesake ca satthari saddhābahulatāya suṭṭhu pasanno. Sabbattha assāti sambandho vihareyyāti vā.
д̇ад̇т̇а гаалавибассий жа гусалзсу д̇хаммзсууд̇и д̇асмим̣ гаалз вибассаго, д̇ад̇т̇а ваа гаммадтаанаануяог̇з гаалавибассий гаалаануруубам̣ вибассаго. гим̣ вуд̇д̇ам̣ ход̇и? вибассанам̣ бадтабзд̇ваа галаабасаммасанаад̣̇ивасзна саммасанд̇о ааваасаад̣̇игз сад̇д̇а асаббааяз важ̇ж̇зд̇ваа саббааяз сзванд̇о анд̇араа восаанам̣ анаабаж̇ж̇ид̇ваа бахид̇ад̇д̇о жид̇д̇асса самаахид̇аагаарам̣ саллагкзнд̇о саггажжам̣ ниранд̇арам̣ анижжаанубассанаад̣̇им̣ бавад̇д̇знд̇о яасмим̣ гаалз вибассанаажид̇д̇ам̣ лийнам̣ ход̇и, д̇асмим̣ д̇хаммавижаяавийрияабийд̇исан̇каад̇зсу, яасмим̣ бана гаалз жид̇д̇ам̣ уд̣̇д̇хад̇ам̣ ход̇и, д̇асмим̣ бассад̣̇д̇хисамаад̇хиубзгкаасан̇каад̇зсу гусалзсу анаваж̇ж̇зсу б̣ож̇жхан̇г̇ад̇хаммзсууд̇и звам̣ д̇ад̇т̇а д̇асмим̣ д̇асмим̣ гаалз, д̇асмим̣ ваа гаммадтаанаануяог̇з гаалаануруубам̣ вибассаго ассаад̇и. сад̇исамб̣ож̇жхан̇г̇о бана саб̣б̣ад̇т̇зва ижчид̇аб̣б̣о . вуд̇д̇ан̃хзд̇ам̣ ‘‘сад̇ин̃жа кваахам̣, бхигкавз, саб̣б̣ад̇т̇игам̣ вад̣̇аамий’’д̇и (сам̣. ни. 5.234; ми. ба. 2.1.13). зд̇д̇аавад̇аа буг̇г̇алаад̇хидтаанааяа д̣̇зсанааяа ж̇ааг̇арияам̣ д̣̇ассзд̇ваа язхи д̇хаммзхи ж̇ааг̇арияаануяог̇о самбаж̇ж̇ад̇и, д̇з багаасзд̇и.
Tattha kālavipassī ca kusalesu dhammesūti tasmiṃ kāle vipassako, tattha vā kammaṭṭhānānuyoge kālavipassī kālānurūpaṃ vipassako. Kiṃ vuttaṃ hoti? Vipassanaṃ paṭṭhapetvā kalāpasammasanādivasena sammasanto āvāsādike satta asappāye vajjetvā sappāye sevanto antarā vosānaṃ anāpajjitvā pahitatto cittassa samāhitākāraṃ sallakkhento sakkaccaṃ nirantaraṃ aniccānupassanādiṃ pavattento yasmiṃ kāle vipassanācittaṃ līnaṃ hoti, tasmiṃ dhammavicayavīriyapītisaṅkhātesu, yasmiṃ pana kāle cittaṃ uddhataṃ hoti, tasmiṃ passaddhisamādhiupekkhāsaṅkhātesu kusalesu anavajjesu bojjhaṅgadhammesūti evaṃ tattha tasmiṃ tasmiṃ kāle, tasmiṃ vā kammaṭṭhānānuyoge kālānurūpaṃ vipassako assāti. Satisambojjhaṅgo pana sabbattheva icchitabbo . Vuttañhetaṃ ‘‘satiñca khvāhaṃ, bhikkhave, sabbatthikaṃ vadāmī’’ti (saṃ. ni. 5.234; mi. pa. 2.1.13). Ettāvatā puggalādhiṭṭhānāya desanāya jāgariyaṃ dassetvā yehi dhammehi jāgariyānuyogo sampajjati, te pakāseti.
звам̣ бхаг̇аваа аарад̣̇д̇хавибассагасса бхигкуно сан̇кзбзнзва сад̣̇д̇хим̣ убагаарагад̇хаммзхи саммасанажаарам̣ д̣̇ассзд̇ваа ид̣̇аани д̇ат̇аа бадибаж̇ж̇анд̇асса бадибад̇д̇ияаа аван̃жхабхаавам̣ д̣̇ассзнд̇о ‘‘ж̇ааг̇арасса, бхигкавз, бхигкуно’’д̇иаад̣̇имааха. д̇ад̇т̇а ж̇ааг̇арияаануяог̇з сад̇исамбаж̇ан̃н̃асамаад̣̇аанаани саб̣б̣ад̇т̇агаани саммод̣̇абасаад̣̇аавахаани, д̇ад̇т̇а гаалавибассанаа наама вибассанааяа г̇аб̣бхаг̇г̇ахан̣ам̣ барибаагаг̇ад̇ам̣. убаггилзсавимуд̇д̇з хи вийт̇ибадибаннз вибассанаан̃аан̣з д̇игкз суурз ваханд̇з яог̇ино ул̣аарам̣ баамож̇ж̇ам̣ басаад̣̇о жа ход̇и, д̇зхи жа висзсаад̇хиг̇амасса санд̇игзязва. вуд̇д̇ан̃хзд̇ам̣ –
Evaṃ bhagavā āraddhavipassakassa bhikkhuno saṅkhepeneva saddhiṃ upakārakadhammehi sammasanacāraṃ dassetvā idāni tathā paṭipajjantassa paṭipattiyā avañjhabhāvaṃ dassento ‘‘jāgarassa, bhikkhave, bhikkhuno’’tiādimāha. Tattha jāgariyānuyoge satisampajaññasamādānāni sabbatthakāni sammodapasādāvahāni, tattha kālavipassanā nāma vipassanāya gabbhaggahaṇaṃ paripākagataṃ. Upakkilesavimutte hi vīthipaṭipanne vipassanāñāṇe tikkhe sūre vahante yogino uḷāraṃ pāmojjaṃ pasādo ca hoti, tehi ca visesādhigamassa santikeyeva. Vuttañhetaṃ –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇ам̣.
Labhatī pītipāmojjaṃ, amataṃ taṃ vijānataṃ.
‘‘баамож̇ж̇аб̣ахуло бхигку, басанно б̣уд̣̇д̇хасаасанз;
‘‘Pāmojjabahulo bhikkhu, pasanno buddhasāsane;
ад̇хиг̇ажчз бад̣̇ам̣ санд̇ам̣, сан̇кааруубасамам̣ сука’’нд̇и. (д̇ха. ба. 374, 381);
Adhigacche padaṃ santaṃ, saṅkhārūpasamaṃ sukha’’nti. (dha. pa. 374, 381);
г̇аат̇аасу ж̇ааг̇аранд̇аа сун̣аат̇зд̇анд̇и зд̇ам̣ мама важанам̣ зганд̇знзва бамаад̣̇анид̣̇д̣̇ааяа авиж̇ж̇аанид̣̇д̣̇ааяа баб̣од̇ханад̇т̇ам̣ ж̇ааг̇аранд̇аа сад̇исамбаж̇ан̃н̃аад̣̇ид̇хаммасамааяог̇зна ж̇ааг̇арияам̣ ануяуд̇д̇аа сун̣аат̇а. яз суд̇д̇аа д̇з баб̣уж̇жхат̇аад̇и яз яат̇аавуд̇д̇анид̣̇д̣̇ааяа суд̇д̇аа субанам̣ убаг̇ад̇аа, д̇з д̇умхз ж̇ааг̇арияаануяог̇авасзна инд̣̇рияаб̣алаб̣ож̇жхан̇г̇з сан̇гад̣дхид̇ваа вибассанам̣ уссуггаабзнд̇аа аббамаад̣̇абадибад̇д̇ияаа д̇ад̇о баб̣уж̇жхат̇а ат̇а ваа ж̇ааг̇аранд̇аад̇и ж̇ааг̇аранимид̇д̇аа. ‘‘сун̣аат̇зд̇а’’нд̇и зд̇т̇а ‘‘зд̇а’’нд̇и вуд̇д̇ам̣, гим̣ д̇ам̣ важананд̇и ааха ‘‘яз суд̇д̇аа д̇з баб̣уж̇жхат̇аа’’д̇иаад̣̇и. д̇ад̇т̇а яз суд̇д̇аад̇и яз гилзсанид̣̇д̣̇ааяа суд̇д̇аа, д̇з д̇умхз арияамаг̇г̇абадиб̣од̇хзна баб̣уж̇жхат̇а. суд̇д̇аа ж̇ааг̇арид̇ам̣ сзяяод̇и ид̣̇ам̣ баб̣од̇хасса гааран̣аважанам̣. яасмаа яат̇аавуд̇д̇асубад̇о вуд̇д̇аббагаарам̣ ж̇ааг̇арид̇ам̣ ж̇ааг̇аран̣ам̣ ад̇т̇агаамасса гулабуд̇д̇асса сзяяо баасам̣сад̇аро хид̇асукаавахо, д̇асмаа баб̣уж̇жхат̇а. над̇т̇и ж̇ааг̇арад̇о бхаяанд̇и ид̣̇ам̣ д̇ад̇т̇а аанисам̣сад̣̇ассанам̣. яо хи сад̣̇д̇хаад̣̇ийхи ж̇ааг̇аран̣ад̇хаммзхи саманнааг̇амзна ж̇ааг̇аро ж̇аг̇г̇ад̇и, бамаад̣̇анид̣̇д̣̇ам̣ на убаг̇ажчад̇и, д̇асса ад̇д̇аануваад̣̇абхаяам̣ бараануваад̣̇абхаяам̣ д̣̇ан̣д̣абхаяам̣ д̣̇уг̇г̇ад̇ибхаяам̣ ж̇аад̇иаад̣̇инимид̇д̇ам̣ саб̣б̣амби ваддабхаяам̣ над̇т̇и.
Gāthāsu jāgarantā suṇāthetanti etaṃ mama vacanaṃ ekanteneva pamādaniddāya avijjāniddāya pabodhanatthaṃ jāgarantā satisampajaññādidhammasamāyogena jāgariyaṃ anuyuttā suṇātha. Ye suttā te pabujjhathāti ye yathāvuttaniddāya suttā supanaṃ upagatā, te tumhe jāgariyānuyogavasena indriyabalabojjhaṅge saṅkaḍḍhitvā vipassanaṃ ussukkāpentā appamādapaṭipattiyā tato pabujjhatha atha vā jāgarantāti jāgaranimittā. ‘‘Suṇātheta’’nti ettha ‘‘eta’’nti vuttaṃ, kiṃ taṃ vacananti āha ‘‘ye suttā te pabujjhathā’’tiādi. Tattha ye suttāti ye kilesaniddāya suttā, te tumhe ariyamaggapaṭibodhena pabujjhatha. Suttā jāgaritaṃ seyyoti idaṃ pabodhassa kāraṇavacanaṃ. Yasmā yathāvuttasupato vuttappakāraṃ jāgaritaṃ jāgaraṇaṃ atthakāmassa kulaputtassa seyyo pāsaṃsataro hitasukhāvaho, tasmā pabujjhatha. Natthi jāgarato bhayanti idaṃ tattha ānisaṃsadassanaṃ. Yo hi saddhādīhi jāgaraṇadhammehi samannāgamena jāgaro jaggati, pamādaniddaṃ na upagacchati, tassa attānuvādabhayaṃ parānuvādabhayaṃ daṇḍabhayaṃ duggatibhayaṃ jātiādinimittaṃ sabbampi vaṭṭabhayaṃ natthi.
гаалзнаад̇и ааваасасаббааяаад̣̇ийнам̣ лад̣̇д̇хагаалзна. сод̇и нибаад̇амад̇д̇ам̣. саммаа д̇хаммам̣ баривиймам̣самаанод̇и вибассанааяа аарамман̣абхууд̇ам̣ д̇збхуумагад̇хаммам̣ саммаа н̃ааязна яат̇аа ниб̣б̣инд̣̇анавираж̇ж̇анаад̣̇аяо самбхаванд̇и, звам̣ барид̇о виймам̣санд̇о, саб̣б̣аагаарзна вибассанд̇од̇и ад̇т̇о. згод̣̇ибхууд̇од̇и зго сздто худ̇ваа уд̣̇зд̇ийд̇и згод̣̇и, самаад̇хи. со згод̣̇и бхууд̇о ж̇аад̇о уббанно зд̇ассаад̇и згод̣̇ибхууд̇о. аг̇г̇иаахид̇аад̣̇исад̣̇д̣̇аанам̣ вияа зд̇т̇а бхууд̇асад̣̇д̣̇асса бараважанам̣ д̣̇адтаб̣б̣ам̣. згод̣̇им̣ ваа бхууд̇о бад̇д̇од̇и згод̣̇ибхууд̇о. зд̇т̇а жа згод̣̇ийд̇и маг̇г̇асамаад̇хи ад̇хиббзд̇о, ‘‘самаахид̇о’’д̇и зд̇т̇а бана баад̣̇агаж̇жхаанасамаад̇хинаа сад̣̇д̇хим̣ вибассанаасамаад̇хи. ат̇а ваа гаалзнаад̇и маг̇г̇абадивзд̇хагаалзна. саммаа д̇хаммам̣ баривиймам̣самаанод̇и саммад̣̇зва жад̇усажжад̇хаммам̣ барин̃н̃аабхисамаяаад̣̇ивасзна виймам̣санд̇о, згаабхисамаязна абхисамзнд̇о. згод̣̇ибхууд̇од̇и зго сздто асахааяо ваа худ̇ваа уд̣̇зд̇ийд̇и згод̣̇и, жад̇угижжасаад̇хаго саммаббад̇хаано. со згод̣̇и бхууд̇о ж̇аад̇од̇и саб̣б̣ам̣ буримасад̣̇исамзва. виханз д̇амам̣ сод̇и со звам̣бхууд̇о арияасааваго арахад̇д̇амаг̇г̇зна авиж̇ж̇аад̇амам̣ анавасзсад̇о виханзяяа самужчинд̣̇зяяа.
Kālenāti āvāsasappāyādīnaṃ laddhakālena. Soti nipātamattaṃ. Sammādhammaṃ parivīmaṃsamānoti vipassanāya ārammaṇabhūtaṃ tebhūmakadhammaṃ sammā ñāyena yathā nibbindanavirajjanādayo sambhavanti, evaṃ parito vīmaṃsanto, sabbākārena vipassantoti attho. Ekodibhūtoti eko seṭṭho hutvā udetīti ekodi, samādhi. So ekodi bhūto jāto uppanno etassāti ekodibhūto. Aggiāhitādisaddānaṃ viya ettha bhūtasaddassa paravacanaṃ daṭṭhabbaṃ. Ekodiṃ vā bhūto pattoti ekodibhūto. Ettha ca ekodīti maggasamādhi adhippeto, ‘‘samāhito’’ti ettha pana pādakajjhānasamādhinā saddhiṃ vipassanāsamādhi. Atha vā kālenāti maggapaṭivedhakālena. Sammā dhammaṃ parivīmaṃsamānoti sammadeva catusaccadhammaṃ pariññābhisamayādivasena vīmaṃsanto, ekābhisamayena abhisamento. Ekodibhūtoti eko seṭṭho asahāyo vā hutvā udetīti ekodi, catukiccasādhako sammappadhāno. So ekodi bhūto jātoti sabbaṃ purimasadisameva. Vihane tamaṃ soti so evaṃbhūto ariyasāvako arahattamaggena avijjātamaṃ anavasesato vihaneyya samucchindeyya.
ид̇и бхаг̇аваа бадибад̇д̇ияаа амогхабхаавам̣ д̣̇ассзд̇ваа ид̣̇аани д̇ад̇т̇а д̣̇ал̣хам̣ нияож̇знд̇о ‘‘д̇асмаа хавз’’д̇и осаанаг̇аат̇амааха. д̇ад̇т̇а д̇асмаад̇и яасмаа ж̇ааг̇арад̇о сад̇иавиббаваасаад̣̇инаа самат̇авибассанаабхааванаа баарибуурим̣ г̇ажчад̇и, ануггамзна арияамаг̇г̇о баад̇убхавад̇и, д̇ад̇о жасса саб̣б̣ам̣ ваддабхаяам̣ над̇т̇и, д̇асмаа. хавзд̇и згам̣сзна д̣̇ал̣хам̣ ваа. бхаж̇зт̇аад̇и бхаж̇зяяа. звам̣ ж̇ааг̇арияам̣ бхаж̇анд̇о жа аад̇аабибхааваад̣̇иг̇ун̣аяуд̇д̇о бхигку сам̣яож̇анаани бхинд̣̇ид̇ваа аг̇г̇апалан̃аан̣асан̇каад̇ам̣ ануд̇д̇арам̣ уд̇д̇арарахид̇ам̣ самб̣од̇хим̣ пусз баабун̣зяяа. сзсам̣ вуд̇д̇анаяамзва.
Iti bhagavā paṭipattiyā amoghabhāvaṃ dassetvā idāni tattha daḷhaṃ niyojento ‘‘tasmā have’’ti osānagāthamāha. Tattha tasmāti yasmā jāgarato satiavippavāsādinā samathavipassanābhāvanā pāripūriṃ gacchati, anukkamena ariyamaggo pātubhavati, tato cassa sabbaṃ vaṭṭabhayaṃ natthi, tasmā. Haveti ekaṃsena daḷhaṃ vā. Bhajethāti bhajeyya. Evaṃ jāgariyaṃ bhajanto ca ātāpibhāvādiguṇayutto bhikkhu saṃyojanāni bhinditvā aggaphalañāṇasaṅkhātaṃ anuttaraṃ uttararahitaṃ sambodhiṃ phuse pāpuṇeyya. Sesaṃ vuttanayameva.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. ж̇ааг̇арияасуд̇д̇ам̣ • 10. Jāgariyasuttaṃ
