| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౮. జలూకఙ్గపఞ్హో
8. Jalūkaṅgapañho
౮. ‘‘భన్తే నాగసేన, ‘జలూకాయ ఏకం అఙ్గం గహేతబ్బ’న్తి యం వదేసి, కతమం తం ఏకం అఙ్గం గహేతబ్బ’’న్తి? ‘‘యథా, మహారాజ, జలూకా యత్థ అల్లీయతి, తత్థేవ దళ్హం అల్లీయిత్వా రుహిరం పివతి, ఏవమేవ ఖో, మహారాజ, యోగినా యోగావచరేన యస్మిం ఆరమ్మణే చిత్తం అల్లీయతి, తం ఆరమ్మణం వణ్ణతో చ సణ్ఠానతో చ దిసతో చ ఓకాసతో చ పరిచ్ఛేదతో చ లిఙ్గతో చ నిమిత్తతో చ దళ్హం పతిట్ఠాపేత్వా తేనేవారమ్మణేన విముత్తిరసమసేచనకం పాతబ్బం. ఇదం, మహారాజ, జలూకాయ ఏకం అఙ్గం గహేతబ్బం. భాసితమ్పేతం, మహారాజ, థేరేన అనురుద్ధేన –
8. ‘‘Bhante nāgasena, ‘jalūkāya ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, jalūkā yattha allīyati, tattheva daḷhaṃ allīyitvā ruhiraṃ pivati, evameva kho, mahārāja, yoginā yogāvacarena yasmiṃ ārammaṇe cittaṃ allīyati, taṃ ārammaṇaṃ vaṇṇato ca saṇṭhānato ca disato ca okāsato ca paricchedato ca liṅgato ca nimittato ca daḷhaṃ patiṭṭhāpetvā tenevārammaṇena vimuttirasamasecanakaṃ pātabbaṃ. Idaṃ, mahārāja, jalūkāya ekaṃ aṅgaṃ gahetabbaṃ. Bhāsitampetaṃ, mahārāja, therena anuruddhena –
‘‘‘పరిసుద్ధేన చిత్తేన, ఆరమ్మణే పతిట్ఠాయ;
‘‘‘Parisuddhena cittena, ārammaṇe patiṭṭhāya;
తేన చిత్తేన పాతబ్బం, విముత్తిరసమసేచన’’’న్తి.
Tena cittena pātabbaṃ, vimuttirasamasecana’’’nti.
జలూకఙ్గపఞ్హో అట్ఠమో.
Jalūkaṅgapañho aṭṭhamo.
