| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૮. જલૂકઙ્ગપઞ્હો
8. Jalūkaṅgapañho
૮. ‘‘ભન્તે નાગસેન, ‘જલૂકાય એકં અઙ્ગં ગહેતબ્બ’ન્તિ યં વદેસિ, કતમં તં એકં અઙ્ગં ગહેતબ્બ’’ન્તિ? ‘‘યથા, મહારાજ, જલૂકા યત્થ અલ્લીયતિ, તત્થેવ દળ્હં અલ્લીયિત્વા રુહિરં પિવતિ, એવમેવ ખો, મહારાજ, યોગિના યોગાવચરેન યસ્મિં આરમ્મણે ચિત્તં અલ્લીયતિ, તં આરમ્મણં વણ્ણતો ચ સણ્ઠાનતો ચ દિસતો ચ ઓકાસતો ચ પરિચ્છેદતો ચ લિઙ્ગતો ચ નિમિત્તતો ચ દળ્હં પતિટ્ઠાપેત્વા તેનેવારમ્મણેન વિમુત્તિરસમસેચનકં પાતબ્બં. ઇદં, મહારાજ, જલૂકાય એકં અઙ્ગં ગહેતબ્બં. ભાસિતમ્પેતં, મહારાજ, થેરેન અનુરુદ્ધેન –
8. ‘‘Bhante nāgasena, ‘jalūkāya ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, jalūkā yattha allīyati, tattheva daḷhaṃ allīyitvā ruhiraṃ pivati, evameva kho, mahārāja, yoginā yogāvacarena yasmiṃ ārammaṇe cittaṃ allīyati, taṃ ārammaṇaṃ vaṇṇato ca saṇṭhānato ca disato ca okāsato ca paricchedato ca liṅgato ca nimittato ca daḷhaṃ patiṭṭhāpetvā tenevārammaṇena vimuttirasamasecanakaṃ pātabbaṃ. Idaṃ, mahārāja, jalūkāya ekaṃ aṅgaṃ gahetabbaṃ. Bhāsitampetaṃ, mahārāja, therena anuruddhena –
‘‘‘પરિસુદ્ધેન ચિત્તેન, આરમ્મણે પતિટ્ઠાય;
‘‘‘Parisuddhena cittena, ārammaṇe patiṭṭhāya;
તેન ચિત્તેન પાતબ્બં, વિમુત્તિરસમસેચન’’’ન્તિ.
Tena cittena pātabbaṃ, vimuttirasamasecana’’’nti.
જલૂકઙ્ગપઞ્હો અટ્ઠમો.
Jalūkaṅgapañho aṭṭhamo.
