| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[468] 5. ж̇анасанд̇хаж̇аад̇агаван̣н̣анаа
[468] 5. Janasandhajātakavaṇṇanā
д̣̇аса калууд̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о оваад̣̇ад̇т̇ааяа гат̇зси. згасмин̃хи гаалз рааж̇аа иссарияамад̣̇амад̇д̇о гилзсасуканиссид̇о винижчаяамби на бадтабзси, б̣уд̣̇д̇хубадтаанамби бамаж̇ж̇и. со згад̣̇ивасз д̣̇асаб̣алам̣ ануссарид̇ваа ‘‘сад̇т̇аарам̣ ванд̣̇иссаамий’’д̇и бхуд̇д̇абаад̇араасо рат̇аварамааруяха вихаарам̣ г̇анд̇ваа сад̇т̇аарам̣ ванд̣̇ид̇ваа нисийд̣̇и. ат̇а нам̣ сад̇т̇аа ‘‘гим̣ махаарааж̇а жирам̣ на бан̃н̃ааяасий’’д̇и вад̇ваа ‘‘б̣ахугижжад̇ааяа но бханд̇з б̣уд̣̇д̇хубадтаанасса огаасо на ж̇аад̇о’’д̇и вуд̇д̇з ‘‘махаарааж̇а, маад̣̇исз наама оваад̣̇ад̣̇ааяагз саб̣б̣ан̃н̃уб̣уд̣̇д̇хз д̇хуравихаарз вихаранд̇з аяуд̇д̇ам̣ д̇ава бамаж̇ж̇ид̇ум̣, ран̃н̃аа наама рааж̇агижжзсу аббамад̇д̇зна бхавид̇аб̣б̣ам̣, радтаваасийнам̣ маад̇аабид̇усамзна аг̇ад̇иг̇аманам̣ бахааяа д̣̇аса рааж̇ад̇хаммз агобзнд̇зна раж̇ж̇ам̣ гаарзд̇ум̣ ваддад̇и, ран̃н̃о хи д̇хаммигабхаавз сад̇и барисаабисса д̇хаммигаа хонд̇и, анажчарияам̣ ко банзд̇ам̣, яам̣ маяи анусаасанд̇з д̇вам̣ д̇хаммзна раж̇ж̇ам̣ гаарзяяааси, бораан̣агабан̣д̣ид̇аа анусаасагааажарияз авиж̇ж̇амаанзби ад̇д̇ано мад̇ияаава д̇ивид̇хасужарид̇ад̇хаммз бад̇идтааяа махааж̇анасса д̇хаммам̣ д̣̇зсзд̇ваа саг̇г̇абат̇ам̣ буураяамаанаа аг̇амам̣суу’’д̇и вад̇ваа д̇зна яаажид̇о ад̇ийд̇ам̣ аахари.
Dasakhalūti idaṃ satthā jetavane viharanto kosalarañño ovādatthāya kathesi. Ekasmiñhi kāle rājā issariyamadamatto kilesasukhanissito vinicchayampi na paṭṭhapesi, buddhupaṭṭhānampi pamajji. So ekadivase dasabalaṃ anussaritvā ‘‘satthāraṃ vandissāmī’’ti bhuttapātarāso rathavaramāruyha vihāraṃ gantvā satthāraṃ vanditvā nisīdi. Atha naṃ satthā ‘‘kiṃ mahārāja ciraṃ na paññāyasī’’ti vatvā ‘‘bahukiccatāya no bhante buddhupaṭṭhānassa okāso na jāto’’ti vutte ‘‘mahārāja, mādise nāma ovādadāyake sabbaññubuddhe dhuravihāre viharante ayuttaṃ tava pamajjituṃ, raññā nāma rājakiccesu appamattena bhavitabbaṃ, raṭṭhavāsīnaṃ mātāpitusamena agatigamanaṃ pahāya dasa rājadhamme akopentena rajjaṃ kāretuṃ vaṭṭati, rañño hi dhammikabhāve sati parisāpissa dhammikā honti, anacchariyaṃ kho panetaṃ, yaṃ mayi anusāsante tvaṃ dhammena rajjaṃ kāreyyāsi, porāṇakapaṇḍitā anusāsakaācariye avijjamānepi attano matiyāva tividhasucaritadhamme patiṭṭhāya mahājanassa dhammaṃ desetvā saggapathaṃ pūrayamānā agamaṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и, ‘‘ж̇анасанд̇хагумааро’’д̇исса наамам̣ гарим̣су. ат̇асса ваяаббад̇д̇асса д̇аггасилад̇о саб̣б̣асиббаани уг̇г̇ан̣хид̇ваа ааг̇ад̇агаалз рааж̇аа саб̣б̣аани б̣анд̇ханааг̇аараани сод̇хаабзд̇ваа убараж̇ж̇ам̣ ад̣̇ааси. со абарабхааг̇з бид̇у ажжаязна раж̇ж̇з бад̇идтааяа жад̇уусу наг̇арад̣̇ваарзсу наг̇арамаж̇жхз рааж̇ад̣̇ваарз жаад̇и ча д̣̇аанасаалааяо гаараабзд̇ваа д̣̇ивасз д̣̇ивасз ча сад̇асахассаани барижжаж̇ид̇ваа сагалаж̇амб̣уд̣̇ийбам̣ сан̇кобхзд̇ваа махаад̣̇аанам̣ бавад̇д̇знд̇о б̣анд̇ханааг̇аараани нижжам̣ вивадаани гаараабзд̇ваа д̇хаммабхан̣д̣игам̣ сод̇хаабзд̇ваа жад̇уухи сан̇г̇ахавад̇т̇уухи логам̣ сан̇г̇ан̣ханд̇о бан̃жа сийлаани рагканд̇о убосат̇аваасам̣ васанд̇о д̇хаммзна раж̇ж̇ам̣ гаарзси. анд̇аранд̇араа жа радтаваасино саннибаад̇аабзд̇ваа ‘‘д̣̇аанам̣ д̣̇зт̇а, сийлам̣ самаад̣̇ияат̇а, бхааванам̣ бхаавзт̇а, д̇хаммзна гамманд̇з жа вохаарз жа баяож̇зт̇а, д̣̇ахарагаалзязва сиббаани уг̇г̇ан̣хат̇а, д̇ханам̣ уббаад̣̇зт̇а, г̇аамагуудагаммам̣ ваа бисун̣аваажаагаммам̣ ваа маа гарид̇т̇а, жан̣д̣аа парусаа маа ахувад̇т̇а, маад̇убадтаанам̣ бид̇убадтаанам̣ буурзт̇а, гулз ж̇здтаабажааяино бхават̇аа’’д̇и д̇хаммам̣ д̣̇зсзд̇ваа махааж̇анз сужарид̇ад̇хаммз бад̇идтаабзси. со згад̣̇ивасам̣ баннарасийубосат̇з самаад̣̇иннубосат̇о ‘‘махааж̇анасса бхияяо хид̇асукад̇т̇ааяа аббамаад̣̇авихаарад̇т̇ааяа д̇хаммам̣ д̣̇зсзссаамий’’д̇и жинд̇зд̇ваа наг̇арз бхзрим̣ жараабзд̇ваа ад̇д̇ано ород̇хз аад̣̇им̣ гад̇ваа саб̣б̣анаг̇араж̇анам̣ саннибаад̇аабзд̇ваа рааж̇ан̇г̇ан̣з алан̇гарид̇ваа алан̇гад̇арад̇анаман̣д̣абамаж̇жхз субан̃н̃ад̇д̇аварабаллан̇гз нисийд̣̇ид̇ваа ‘‘амбхо, наг̇араваасино д̇умхаагам̣ д̇абанийяз жа ад̇абанийяз жа д̇хаммз д̣̇зсзссаами, аббамад̇д̇аа худ̇ваа охид̇асод̇аа саггажжам̣ сун̣аат̇аа’’д̇и вад̇ваа д̇хаммам̣ д̣̇зсзси.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbatti, ‘‘janasandhakumāro’’tissa nāmaṃ kariṃsu. Athassa vayappattassa takkasilato sabbasippāni uggaṇhitvā āgatakāle rājā sabbāni bandhanāgārāni sodhāpetvā uparajjaṃ adāsi. So aparabhāge pitu accayena rajje patiṭṭhāya catūsu nagaradvāresu nagaramajjhe rājadvāre cāti cha dānasālāyo kārāpetvā divase divase cha satasahassāni pariccajitvā sakalajambudīpaṃ saṅkhobhetvā mahādānaṃ pavattento bandhanāgārāni niccaṃ vivaṭāni kārāpetvā dhammabhaṇḍikaṃ sodhāpetvā catūhi saṅgahavatthūhi lokaṃ saṅgaṇhanto pañca sīlāni rakkhanto uposathavāsaṃ vasanto dhammena rajjaṃ kāresi. Antarantarā ca raṭṭhavāsino sannipātāpetvā ‘‘dānaṃ detha, sīlaṃ samādiyatha, bhāvanaṃ bhāvetha, dhammena kammante ca vohāre ca payojetha, daharakāleyeva sippāni uggaṇhatha, dhanaṃ uppādetha, gāmakūṭakammaṃ vā pisuṇavācākammaṃ vā mā karittha, caṇḍā pharusā mā ahuvattha, mātupaṭṭhānaṃ pitupaṭṭhānaṃ pūretha, kule jeṭṭhāpacāyino bhavathā’’ti dhammaṃ desetvā mahājane sucaritadhamme patiṭṭhāpesi. So ekadivasaṃ pannarasīuposathe samādinnuposatho ‘‘mahājanassa bhiyyo hitasukhatthāya appamādavihāratthāya dhammaṃ desessāmī’’ti cintetvā nagare bheriṃ carāpetvā attano orodhe ādiṃ katvā sabbanagarajanaṃ sannipātāpetvā rājaṅgaṇe alaṅkaritvā alaṅkataratanamaṇḍapamajjhe supaññattavarapallaṅke nisīditvā ‘‘ambho, nagaravāsino tumhākaṃ tapanīye ca atapanīye ca dhamme desessāmi, appamattā hutvā ohitasotā sakkaccaṃ suṇāthā’’ti vatvā dhammaṃ desesi.
сад̇т̇аа сажжабарибхаавид̇ам̣ мукарад̇анам̣ виварид̇ваа д̇ам̣ д̇хаммад̣̇зсанам̣ мад̇хурзна сарзна госаларан̃н̃о аави гаронд̇о –
Satthā saccaparibhāvitaṃ mukharatanaṃ vivaritvā taṃ dhammadesanaṃ madhurena sarena kosalarañño āvi karonto –
49.
49.
‘‘д̣̇аса калу имаани таанаани, яаани буб̣б̣з агарид̇ваа;
‘‘Dasa khalu imāni ṭhānāni, yāni pubbe akaritvā;
са бажчаа мануд̇аббад̇и, ижжзвааха ж̇анасанд̇хо.
Sa pacchā manutappati, iccevāha janasandho.
50.
50.
‘‘алад̣̇д̇хаа вид̇д̇ам̣ д̇аббад̇и, буб̣б̣з асамуд̣̇аанид̇ам̣;
‘‘Aladdhā vittaṃ tappati, pubbe asamudānitaṃ;
на буб̣б̣з д̇ханамзсиссам̣, ид̇и бажчаануд̇аббад̇и.
Na pubbe dhanamesissaṃ, iti pacchānutappati.
51.
51.
‘‘сагяаруубам̣ бурз санд̇ам̣, маяаа сиббам̣ на сигкид̇ам̣;
‘‘Sakyarūpaṃ pure santaṃ, mayā sippaṃ na sikkhitaṃ;
гижчаа вуд̇д̇и асиббасса, ид̇и бажчаануд̇аббад̇и.
Kicchā vutti asippassa, iti pacchānutappati.
52.
52.
‘‘гуудавзд̣̇ий бурз аасим̣, бисун̣о бидтимам̣сиго;
‘‘Kūṭavedī pure āsiṃ, pisuṇo piṭṭhimaṃsiko;
жан̣д̣о жа парусо жааби, ид̇и бажчаануд̇аббад̇и.
Caṇḍo ca pharuso cāpi, iti pacchānutappati.
53.
53.
‘‘баан̣аад̇ибаад̇ий бурз аасим̣, луд̣̇д̣̇о жааби анаарияо;
‘‘Pāṇātipātī pure āsiṃ, luddo cāpi anāriyo;
бхууд̇аанам̣ наабажааяиссам̣, ид̇и бажчаануд̇аббад̇и.
Bhūtānaṃ nāpacāyissaṃ, iti pacchānutappati.
54.
54.
‘‘б̣ахуусу вад̇а санд̇ийсу, анаабаад̣̇аасу ид̇т̇ису;
‘‘Bahūsu vata santīsu, anāpādāsu itthisu;
барад̣̇аарам̣ асзвиссам̣, ид̇и бажчаануд̇аббад̇и.
Paradāraṃ asevissaṃ, iti pacchānutappati.
55.
55.
‘‘б̣ахумхи вад̇а санд̇амхи, аннабаанз убадтид̇з;
‘‘Bahumhi vata santamhi, annapāne upaṭṭhite;
на буб̣б̣з ад̣̇ад̣̇ам̣ д̣̇аанам̣, ид̇и бажчаануд̇аббад̇и.
Na pubbe adadaṃ dānaṃ, iti pacchānutappati.
56.
56.
‘‘маад̇арам̣ бид̇арам̣ жааби, ж̇ин̣н̣агам̣ г̇ад̇аяоб̣б̣анам̣;
‘‘Mātaraṃ pitaraṃ cāpi, jiṇṇakaṃ gatayobbanaṃ;
баху санд̇о на босиссам̣, ид̇и бажчаануд̇аббад̇и.
Pahu santo na posissaṃ, iti pacchānutappati.
57.
57.
‘‘аажарияаманусад̇т̇аарам̣ , саб̣б̣агаамарасаахарам̣;
‘‘Ācariyamanusatthāraṃ , sabbakāmarasāharaṃ;
бид̇арам̣ ад̇иман̃н̃иссам̣, ид̇и бажчаануд̇аббад̇и.
Pitaraṃ atimaññissaṃ, iti pacchānutappati.
58.
58.
‘‘саман̣з б̣раахман̣з жааби, сийлаванд̇з б̣ахуссуд̇з;
‘‘Samaṇe brāhmaṇe cāpi, sīlavante bahussute;
на буб̣б̣з баяирубаасиссам̣, ид̇и бажчаануд̇аббад̇и.
Na pubbe payirupāsissaṃ, iti pacchānutappati.
59.
59.
‘‘саад̇ху ход̇и д̇або жин̣н̣о, санд̇о жа баяирубаасид̇о;
‘‘Sādhu hoti tapo ciṇṇo, santo ca payirupāsito;
на жа буб̣б̣з д̇або жин̣н̣о, ид̇и бажчаануд̇аббад̇и.
Na ca pubbe tapo ciṇṇo, iti pacchānutappati.
60.
60.
‘‘яо жа зд̇аани таанаани, яонисо бадибаж̇ж̇ад̇и;
‘‘Yo ca etāni ṭhānāni, yoniso paṭipajjati;
гарам̣ бурисагижжаани, са бажчаа наануд̇аббад̇ий’’д̇и. – имаа г̇аат̇аа ааха;
Karaṃ purisakiccāni, sa pacchā nānutappatī’’ti. – imā gāthā āha;
д̇ад̇т̇а таанаанийд̇и гааран̣аани. буб̣б̣зд̇и батамамзва агарид̇ваа. са бажчаа мануд̇аббад̇ийд̇и со батамам̣ гад̇д̇аб̣б̣аанам̣ агаараго буг̇г̇ало бажчаа ид̇халогзби баралогзби д̇аббад̇и гиламад̇и. ‘‘бажчаа ваа ануд̇аббад̇ий’’д̇иби баато. ижжзваахаад̇и ид̇и звам̣ аахаад̇и бад̣̇ажчзд̣̇о, ид̇и звам̣ рааж̇аа ж̇анасанд̇хо авожа. ижжассухаад̇иби баато. д̇ад̇т̇а ассу-гааро нибаад̇амад̇д̇ам̣ ид̇и ассу аахаад̇и бад̣̇ажчзд̣̇о. ид̣̇аани д̇аани д̣̇аса д̇абанийяагааран̣аани багаасзд̇ум̣ б̣од̇хисад̇д̇асса д̇хаммагат̇аа ход̇и. д̇ад̇т̇а буб̣б̣зд̇и батамамзва д̇арун̣агаалз бараггамам̣ гад̇ваа асамуд̣̇аанид̇ам̣ асамбхад̇ам̣ д̇ханам̣ махаллагагаалз алабхид̇ваа д̇аббад̇и сожад̇и, барз жа сукид̇з д̣̇исваа саяам̣ д̣̇угкам̣ ж̇ийванд̇о ‘‘буб̣б̣з д̇ханам̣ на бариязсисса’’нд̇и звам̣ бажчаа ануд̇аббад̇и, д̇асмаа махаллагагаалз сукам̣ ж̇ийвид̇угаамаа д̣̇ахарагаалзязва д̇хаммигаани гасигаммаад̣̇ийни гад̇ваа д̇ханам̣ бариязсат̇аад̇и д̣̇ассзд̇и.
Tattha ṭhānānīti kāraṇāni. Pubbeti paṭhamameva akaritvā. Sa pacchā manutappatīti so paṭhamaṃ kattabbānaṃ akārako puggalo pacchā idhalokepi paralokepi tappati kilamati. ‘‘Pacchā vā anutappatī’’tipi pāṭho. Iccevāhāti iti evaṃ āhāti padacchedo, iti evaṃ rājā janasandho avoca. Iccassuhātipi pāṭho. Tattha assu-kāro nipātamattaṃ iti assu āhāti padacchedo. Idāni tāni dasa tapanīyakāraṇāni pakāsetuṃ bodhisattassa dhammakathā hoti. Tattha pubbeti paṭhamameva taruṇakāle parakkamaṃ katvā asamudānitaṃ asambhataṃ dhanaṃ mahallakakāle alabhitvā tappati socati, pare ca sukhite disvā sayaṃ dukkhaṃ jīvanto ‘‘pubbe dhanaṃ na pariyesissa’’nti evaṃ pacchā anutappati, tasmā mahallakakāle sukhaṃ jīvitukāmā daharakāleyeva dhammikāni kasikammādīni katvā dhanaṃ pariyesathāti dasseti.
бурз санд̇анд̇и бурз д̣̇ахарагаалз аажарияз баяирубаасид̇ваа маяаа гаад̇ум̣ сагяаруубам̣ самаанам̣ хад̇т̇исиббаад̣̇игам̣ гин̃жи сиббам̣ на сигкид̇ам̣. гижчаад̇и махаллагагаалз асиббасса д̣̇угкаа ж̇ийвид̇авуд̇д̇и, нзва саггаа д̇ад̣̇аа сиббам̣ сигкид̇ум̣, д̇асмаа махаллагагаалз сукам̣ ж̇ийвид̇угаамаа д̇арун̣агаалзязва сиббам̣ сигкат̇аад̇и д̣̇ассзд̇и. гудавзд̣̇ийд̇и гуудаж̇аананаго г̇аамагуудаго ваа логасса анад̇т̇агаараго ваа д̇улаагуудаад̣̇игаараго ваа гуудаддагаараго ваад̇и ад̇т̇о. аасинд̇и зваруубо ахам̣ буб̣б̣з ахосим̣. бисун̣од̇и бзсун̃н̃агааран̣о. бидтимам̣сигод̇и лан̃ж̇ам̣ г̇ахзд̇ваа асаамигз саамигз гаронд̇о барзсам̣ бидтимам̣сакаад̣̇аго. ид̇и бажчаад̇и звам̣ маран̣аман̃жз нибанно ануд̇аббад̇и , д̇асмаа сажз нираяз на васид̇угаамаад̇т̇а, маа зваруубам̣ баабагаммам̣ гарид̇т̇аад̇и овад̣̇ад̇и.
Pure santanti pure daharakāle ācariye payirupāsitvā mayā kātuṃ sakyarūpaṃ samānaṃ hatthisippādikaṃ kiñci sippaṃ na sikkhitaṃ. Kicchāti mahallakakāle asippassa dukkhā jīvitavutti, neva sakkā tadā sippaṃ sikkhituṃ, tasmā mahallakakāle sukhaṃ jīvitukāmā taruṇakāleyeva sippaṃ sikkhathāti dasseti. Kuṭavedīti kūṭajānanako gāmakūṭako vā lokassa anatthakārako vā tulākūṭādikārako vā kūṭaṭṭakārako vāti attho. Āsinti evarūpo ahaṃ pubbe ahosiṃ. Pisuṇoti pesuññakāraṇo. Piṭṭhimaṃsikoti lañjaṃ gahetvā asāmike sāmike karonto paresaṃ piṭṭhimaṃsakhādako. Iti pacchāti evaṃ maraṇamañce nipanno anutappati , tasmā sace niraye na vasitukāmāttha, mā evarūpaṃ pāpakammaṃ karitthāti ovadati.
луд̣̇д̣̇од̇и д̣̇аарун̣о. анаарияод̇и на арияо нийжасамаажааро. наабажааяиссанд̇и канд̇имзд̇д̇аануд̣̇д̣̇аяавасзна нийжавуд̇д̇иго наахосим̣. сзсам̣ буриманаязнзва яож̇зд̇аб̣б̣ам̣. анаабаад̣̇аасууд̇и аабаад̣̇аанам̣ аабаад̣̇о, бариг̇г̇аход̇и ад̇т̇о. над̇т̇и аабаад̣̇о яаасам̣ д̇аа анаабаад̣̇аа, ан̃н̃зхи агад̇абариг̇г̇ахаасууд̇и ад̇т̇о. убадтид̇зд̇и бажжубадтид̇з. на буб̣б̣зд̇и ид̇о буб̣б̣з д̣̇аанам̣ на ад̣̇ад̣̇ам̣. баху санд̇од̇и д̇ханаб̣алзнааби гааяаб̣алзнааби босид̇ум̣ самад̇т̇о бадиб̣ало самаано. аажарияанд̇и аажаарз сигкаабанад̇о ид̇ха бид̇аа ‘‘аажарияо’’д̇и ад̇хиббзд̇о. анусад̇т̇ааранд̇и анусаасагам̣. саб̣б̣агаамарасаахаранд̇и саб̣б̣з вад̇т̇угаамарасз аахарид̇ваа босид̇аарам̣. ад̇иман̃н̃иссанд̇и д̇асса оваад̣̇ам̣ аг̇ан̣ханд̇о ад̇иггамид̇ваа ман̃н̃иссам̣.
Luddoti dāruṇo. Anāriyoti na ariyo nīcasamācāro. Nāpacāyissanti khantimettānuddayavasena nīcavuttiko nāhosiṃ. Sesaṃ purimanayeneva yojetabbaṃ. Anāpādāsūti āpādānaṃ āpādo, pariggahoti attho. Natthi āpādo yāsaṃ tā anāpādā, aññehi akatapariggahāsūti attho. Upaṭṭhiteti paccupaṭṭhite. Na pubbeti ito pubbe dānaṃ na adadaṃ. Pahu santoti dhanabalenāpi kāyabalenāpi posituṃ samattho paṭibalo samāno. Ācariyanti ācāre sikkhāpanato idha pitā ‘‘ācariyo’’ti adhippeto. Anusatthāranti anusāsakaṃ. Sabbakāmarasāharanti sabbe vatthukāmarase āharitvā positāraṃ. Atimaññissanti tassa ovādaṃ agaṇhanto atikkamitvā maññissaṃ.
на буб̣б̣зд̇и ид̇о буб̣б̣з д̇хаммигасаман̣аб̣раахман̣зби г̇илаанааг̇илаанзби жийвараад̣̇ийни д̣̇ад̇ваа аббадиж̇аг̇г̇анзна на баяирубаасиссам̣. д̇абод̇и сужарид̇ад̇або. санд̇од̇и д̇ийхи д̣̇ваарзхи убасанд̇о сийлаваа. ид̣̇ам̣ вуд̇д̇ам̣ ход̇и – д̇ивид̇хасужарид̇асан̇каад̇о д̇або жин̣н̣о зваруубо жа убасанд̇о баяирубаасид̇о наама саад̇ху сунд̣̇аро. на буб̣б̣зд̇и маяаа д̣̇ахарагаалз зваруубо д̇або на жин̣н̣о, ид̇и бажчаа ж̇арааж̇ин̣н̣о маран̣абхаяад̇аж̇ж̇ид̇о ануд̇аббад̇и сожад̇и. сажз д̇умхз звам̣ на сожид̇угаамаа, д̇абогаммам̣ гарот̇аад̇и вад̣̇ад̇и. яо жа зд̇аанийд̇и яо бана зд̇аани д̣̇аса гааран̣аани батамамзва убааязна бадибаж̇ж̇ад̇и самаад̣̇ааяа вад̇д̇ад̇и, бурисзхи гад̇д̇аб̣б̣аани д̇хаммигагижжаани гаронд̇о со аббамаад̣̇авихаарий бурисо бажчаа наануд̇аббад̇и, соманассаббад̇д̇ова ход̇ийд̇и.
Na pubbeti ito pubbe dhammikasamaṇabrāhmaṇepi gilānāgilānepi cīvarādīni datvā appaṭijagganena na payirupāsissaṃ. Tapoti sucaritatapo. Santoti tīhi dvārehi upasanto sīlavā. Idaṃ vuttaṃ hoti – tividhasucaritasaṅkhāto tapo ciṇṇo evarūpo ca upasanto payirupāsito nāma sādhu sundaro. Na pubbeti mayā daharakāle evarūpo tapo na ciṇṇo, iti pacchā jarājiṇṇo maraṇabhayatajjito anutappati socati. Sace tumhe evaṃ na socitukāmā, tapokammaṃ karothāti vadati. Yo ca etānīti yo pana etāni dasa kāraṇāni paṭhamameva upāyena paṭipajjati samādāya vattati, purisehi kattabbāni dhammikakiccāni karonto so appamādavihārī puriso pacchā nānutappati, somanassappattova hotīti.
ид̇и махаасад̇д̇о анвад̣̇д̇хамаасам̣ иминаа нияаамзна махааж̇анасса д̇хаммам̣ д̣̇зсзси. махааж̇анобисса оваад̣̇з тад̇ваа д̇аани д̣̇аса таанаани буурзд̇ваа саг̇г̇абарааяан̣ова ахоси.
Iti mahāsatto anvaddhamāsaṃ iminā niyāmena mahājanassa dhammaṃ desesi. Mahājanopissa ovāde ṭhatvā tāni dasa ṭhānāni pūretvā saggaparāyaṇova ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, махаарааж̇а, бораан̣агабан̣д̣ид̇аа анаажарияагааби ад̇д̇ано мад̇ияаава д̇хаммам̣ д̣̇зсзд̇ваа махааж̇анам̣ саг̇г̇абат̇з бад̇идтаабзсу’’нд̇и вад̇ваа ж̇аад̇агам̣ самод̇хаанзси – ‘‘д̇ад̣̇аа барисаа б̣уд̣̇д̇хабарисаа ахзсум̣, ж̇анасанд̇харааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ, mahārāja, porāṇakapaṇḍitā anācariyakāpi attano matiyāva dhammaṃ desetvā mahājanaṃ saggapathe patiṭṭhāpesu’’nti vatvā jātakaṃ samodhānesi – ‘‘tadā parisā buddhaparisā ahesuṃ, janasandharājā pana ahameva ahosi’’nti.
ж̇анасанд̇хаж̇аад̇агаван̣н̣анаа бан̃жамаа.
Janasandhajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 468. ж̇анасанд̇хаж̇аад̇агам̣ • 468. Janasandhajātakaṃ
