| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
9. ж̇анд̇аагхаравад̇д̇аад̣̇игат̇аа
9. Jantāgharavattādikathā
371. ж̇анд̇аагхаравад̇д̇з звам̣ винижчаяо взд̣̇ид̇аб̣б̣од̇и яож̇анаа. б̣ахиж̇аг̇ад̇ийд̇и б̣ахиаалинд̣̇о.
371. Jantāgharavatte evaṃ vinicchayo veditabboti yojanā. Bahijagatīti bahiālindo.
373. аажаманавад̇т̇усмим̣ звамад̇т̇о взд̣̇ид̇аб̣б̣од̇и яож̇анаа. нийхарид̇ваад̇и уд̣̇агам̣ нийхарид̇ваа. аажамид̇аб̣б̣анд̇и д̇ховид̇аб̣б̣ам̣. ‘‘аабуб̣б̣о жаму д̇хованз’’д̇и хи д̇хаад̇убаатзсу вуд̇д̇ам̣. ид̣̇ам̣ ад̇ививаданд̇и ид̣̇ам̣ таанам̣ ад̇ививадам̣, на гзнажи бадижчаннанд̇и ад̇т̇о. уд̣̇агам̣ алабханд̇ассзваад̇и уд̣̇агам̣ алабханд̇зязва.
373. Ācamanavatthusmiṃ evamattho veditabboti yojanā. Nīharitvāti udakaṃ nīharitvā. Ācamitabbanti dhovitabbaṃ. ‘‘Āpubbo camu dhovane’’ti hi dhātupāṭhesu vuttaṃ. Idaṃ ativivaṭanti idaṃ ṭhānaṃ ativivaṭaṃ, na kenaci paṭicchannanti attho. Udakaṃ alabhantassevāti udakaṃ alabhanteyeva.
374. важжагудивад̇д̇з звам̣ винижчаяо взд̣̇ид̇аб̣б̣од̇и яож̇анаа. аяанд̇и д̣̇анд̇агадтам̣ каад̣̇ад̇о важжагаран̣ам̣. саб̣б̣ад̇т̇зваад̇и саб̣б̣асмим̣ зва таанз. ‘‘на парусзна гадтзнаа’’д̇и зд̇т̇а на гзвалам̣ карагадтамзва, паалид̇агадтаад̣̇аяоби чавиавалзканагадтаа парусааязва наамаад̇и д̣̇ассзнд̇о ааха ‘‘паалид̇агадтзна ваа’’д̇иаад̣̇и. бавидтассаад̇и важжагудим̣ бавидтасса.
374. Vaccakuṭivatte evaṃ vinicchayo veditabboti yojanā. Ayanti dantakaṭṭhaṃ khādato vaccakaraṇaṃ. Sabbatthevāti sabbasmiṃ eva ṭhāne. ‘‘Na pharusena kaṭṭhenā’’ti ettha na kevalaṃ kharakaṭṭhameva, phālitakaṭṭhādayopi chaviavalekhanakaṭṭhā pharusāyeva nāmāti dassento āha ‘‘phālitakaṭṭhena vā’’tiādi. Paviṭṭhassāti vaccakuṭiṃ paviṭṭhassa.
саб̣б̣асаад̇хааран̣адтаананд̇и саб̣б̣зсам̣ бхигкуунам̣, саб̣б̣зхи ваа саад̇хааран̣ам̣ важжагудисан̇каад̇ам̣ таанам̣. д̇ад̇раад̇и д̇асмим̣ саб̣б̣асаад̇хааран̣з таанз. ниб̣ад̣̇д̇хаг̇аманад̇т̇ааяаад̇и ад̇д̇ано ниб̣ад̣̇д̇хаг̇аманад̇т̇ааяа гад̇ам̣ яам̣ таанам̣ ваа яам̣ буг̇г̇алигадтаанам̣ ваа ход̇ийд̇и яож̇анаа.
Sabbasādhāraṇaṭṭhānanti sabbesaṃ bhikkhūnaṃ, sabbehi vā sādhāraṇaṃ vaccakuṭisaṅkhātaṃ ṭhānaṃ. Tatrāti tasmiṃ sabbasādhāraṇe ṭhāne. Nibaddhagamanatthāyāti attano nibaddhagamanatthāya kataṃ yaṃ ṭhānaṃ vā yaṃ puggalikaṭṭhānaṃ vā hotīti yojanā.
ухад̇аад̇и зд̇т̇а убуб̣б̣о хад̣̇ад̇хаад̇ууд̇и д̣̇ассзнд̇о ааха ‘‘ухад̣̇ид̇аа’’д̇и. ‘‘хад̣̇а гарийсоссаг̇г̇з’’д̇и д̇хаад̇убаатзсу (баан̣иний 977 д̇хаад̇убаатз; сад̣̇д̣̇анийд̇ид̇хаад̇умаалааяам̣ 15 д̣̇агааранд̇ад̇хаад̇у) вуд̇д̇ад̇д̇аа важжагуубад̇о б̣ахи гарийсасса оссаж̇ж̇ананд̇и ааха ‘‘б̣ахи важжамагкид̇аа’’д̇и. д̇ховид̇аб̣б̣аад̇и уд̣̇агзна д̇ховид̇аб̣б̣аа. зд̇амбийд̇и уд̣̇агасса авиж̇ж̇амаанамби. саб̣б̣ад̇т̇аад̇и саб̣б̣асмим̣ вад̇д̇агканд̇хагз.
Uhatāti ettha upubbo hadadhātūti dassento āha ‘‘uhaditā’’ti. ‘‘Hada karīsossagge’’ti dhātupāṭhesu (pāṇinī 977 dhātupāṭhe; saddanītidhātumālāyaṃ 15 dakārantadhātu) vuttattā vaccakūpato bahi karīsassa ossajjananti āha ‘‘bahi vaccamakkhitā’’ti. Dhovitabbāti udakena dhovitabbā. Etampīti udakassa avijjamānampi. Sabbatthāti sabbasmiṃ vattakkhandhake.
ид̇и вад̇д̇агканд̇хагаван̣н̣анааяа яож̇анаа самад̇д̇аа.
Iti vattakkhandhakavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
9. ж̇анд̇аагхаравад̇д̇агат̇аа • 9. Jantāgharavattakathā
10. важжагудивад̇д̇агат̇аа • 10. Vaccakuṭivattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ж̇анд̇аагхаравад̇д̇аад̣̇игат̇аа • Jantāgharavattādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / важжагудивад̇д̇агат̇ааван̣н̣анаа • Vaccakuṭivattakathāvaṇṇanā
